|
|
 لحم فى لحم فى لحم ،، يا جماعة ما فى زول عارف ليه مطعم ؟؟
|
أها يا جماعة أخوكم الأيامات دى فى بغداد ،، وزهجت جدا جدا من أكل اللحم فطورا وغداءا وعشاءا ،، يا أخى ديل ما عندهم أي حاجة غير اللحمة ،، لذا لم أستغرب على أحجامهم أبدا
يا أخى ديل فطورهم كوارع ،، هل تصدقوا ذلك ؟؟
أها بقيت ألف فى الشوارع عشان أشوف لى بوفيه زى بوفيهاتنا بتاعت السعودية ديك عشان آكل لى سندوتش بيض والله شكشوكة والله أى حاجة تانية خفيفة
،، أها مافى بوفيه كله كله كله كله ،، ممكن تلقى حاجة أسمها كافييه مكتوبة بالأنجليزى تقوم تدخل تكتشف أنه الموضوع ما فيه أى سندوتش ولايحزنون لحم بس كباب ومعلاقة
والمعلاقة هى الكبدة يا أخوانا ،،
مطعم عشان تاكل فيه خضار مافى كله كله ،، ممكن مع اللحم يجيبو ليك حاجة أسمها المرق by defult بتلقاه كمية من الصلصة والزيت تغوص فيها
حبات من الفاصوليا أو الكوسة أو البامية لزوم تخلطها مع رز اللحم ،، ألا أنه بعيد جدا من طبائخنا المميزة ويبدو أنه مطبوخ بدون بصل ولحم وبهارات
أها لمن غلبتنى الحيلة بقيت أمشى مع زول عراقى هو يطلب الغوزى والله اى نوع آخر من أنواع اللحوم وأنا أكتفى بالمرق الذى يحضرونه مع اللحم ،، بمبدأ شىء أحسن من لا شىء .
فده حين يا جماعة زول بيعرف ليه مطعم فيه خضارات ملوخية بامية رجلة كوسة والذى منو يأشر لى يا جماعة يكسب ثواب ويخرجنى من الموت جوعا ،، منطقتى هى المنصور يا أخوانا
ما تودونى فى حتة بعيدة عشان المفخخات وكده ،، عاوزين نربى العيال ههههههههههه
مع التحية ،،
ماهر
|
|
 
|
|
|
|
|
|
|
|
Re: لحم فى لحم فى لحم ،، يا جماعة ما فى زول عارف ليه مطعم ؟؟ (Re: cantona_1)
|
Quote: الاخ ماهر سلام,
ليه ما تكون طباخ ماهر وتشتري الخضار وتطبخ براك ؟
أحسن وأسلم طريقة لتجنب الكوليسترول وأمراض المعدة من كثرة اللحوم !
ممكن نشرح ليك الطريقة لو انت ما ماهر الماهر في الطباخة!
ست البنات. |
شكرا جزيلا ست البنات ،، أها فى الأول نزلت فى فندق الغرفة ما فيها لا بوتجاز ولا تلاجة يقولوا عليها تلاجة ،،
قمت غيرت الفندق ألى شقق فندقية مخصوص عشان الحتة دى ،، أقوم أمشى سوق الخضار عندهم ،، أى حاجة خضراء ما عندهم ولا بيعرفوها أصلا
مثلا لا بيعرفوا الملوخية ولا الرجلة ولا الجرجير الذى يزرع تحت السرير هههههههه ،، أقوم أشترى ناس البطاطس والحاجات دى واللحمة والماجى
أقول ليهم بهارات ناس الكسبرة والشمار ما بيعرفوها يا ست البنات أقوم أتحير ،، أقول ليهم طيب أدونى ماجى ،، فعلا بيدونى ماجى ،، ولكنه أنشف من الحجر زاتو
وبيغير طعم الحلة 360 درجة تطلع حاجة كده أى كلام رغم أننى طباخ ماهر جدا ،، ولكن المهم أحسن من المطاعم مليون مرة ،، ألا أن الوقت لا يسعفنى
أقوم ألجأ لشنو ،، سلطة أسود بسسسسسسسسسسسس ،، وواقع بيض فطور وعشاء ،، الغداء Pass عدييييييييل
تشكراتى الكثيرة ست البنات على النصائح الغالية ،،
ماهر
| |
|
|
|
|
|
|
|
|
|
Re: لحم فى لحم فى لحم ،، يا جماعة ما فى زول عارف ليه مطعم ؟؟ (Re: Mahir Mohammed Salih)
|
Quote: يا ماهر أمسك في كلام ست البنات دا.. أخير ليك منها تتعلم حاجة جديدة عشان تساعد الست في البيت ومنها تاكل مما تطبخ كما يقولون وتختى شر الأكل الكله كليسترول.
تحياتي
كبـّاشي الصـّـافي |
يا كباشى والله ست البنات ما قصرت تب ،، وسنعمل بنصائحها تماما ،،
أما قصة أساعد المرة دى إطلاقا ما واردة ،، حيث أننى من مدمنى دفع تزاكر السفر بين السودان والسعودية ،، ده جا ودى سافرت والخروج والعودة انتهت والتجديد قرب والجامعات والأجازات وهلم جرا كما يقول زعيمنا الصادق ،،
أها مما تجى المرة أنا باب المطبخ زاتو ما بعرفوا بى وين ،، هى زاتها بتحن على وما بتحوجنى أدخل المطبخ لا من قريب ولا من بعيد فلها الشكر والتقدير على تقديرها لظرفى،،
مع التحية لك وللأخت ست البنات على تعاطفكم معى فى محنتى هذه ،،
ماهر
| |
|
|
|
|
|
|
|
|
|
Re: لحم فى لحم فى لحم ،، يا جماعة ما فى زول عارف ليه مطعم ؟؟ (Re: علي دفع الله)
|
Quote: والله يا ماهر انت زول شاطر وشجاع ،، يا اخي انا لو في مكانك يمين ما اكل زاتو ههههههههههههههه
تشوف الميديا في اي اتجاه بس موت موت ربنا يحفظك وتعود سالم غانم ،،،
-------
اسمع كلامي كويس ما تقعد تتحاوم للاكل اقرب محل دوس والشقة عدل
تحية واحترام |
شكرا جزيلا أخى على دفع الله على النصيحة الغالية ،، هذا ما أفعله دائما ،، الضروة مهمة فى حتة بغداد دى ،، بس الكضم كمان صعب ،، مما أخش الغرفة لحد تانى يوم لا سلام ولا كلام ،،
رغم أن العيون التى فى طرفها حور هههههههههههههههههههههه
| |
|
|
|
|
|
|
|
|
|
Re: لحم فى لحم فى لحم ،، يا جماعة ما فى زول عارف ليه مطعم ؟؟ (Re: ترهاقا)
|
Quote: أخونا ماهر سلام
أنت بالظبط ويين في أرض الرافدين عشان نوريك السكك وتاكل ويكة بالكسرة؟
ولك الود وابتعد من أماكن التجمعات والعيون التي في طرفها حور
ولك الود |
صاحب الأنامل الذهبية والحس الفنى الراقى أخونا ترهاقا ،، لك الشكر والتقدير ،،
أنا فى وسط بغداد منطقة المنصور شارع 26 رمضان ،، بس أوع تقول لى أمشى حى البتاويين ،، يقال والعهدة على الراوى أن الداخل فيه مفقود والخارج منه مولود ،، فآثرنا ضرب الوتد فى أماكننا هههههه
| |
|
|
|
|
|
|
| |
ست البنات
cantona_1
علي دفع الله
ترهاقا
فيس بوك
تويتر
انستقرام
يوتيوب
بنتيريست