|
|
 +18 نكتة موبالغة عن بكري صالح
|
قالو بكري حسن صالح مشى للشيخ قال ليهو دايرك تعمل لي كادوك أنا السلطة دي ما أفارقها كلو كلو ... الشيخ قال: خلاص جيب لي الكرسي أعزم ليك فيهو..
قال ليو: الكرسي يمكن يغيّرو أعزم لي في جعباتي ديل ...
|
|
 
|
|
|
|
|
|
|
|
Re: +18 نكتة موبالغة عن بكري صالح (Re: بدرالدين بابكر مصطفى)
|
يا عبد الحفيظ سلامات
الناس بهاجموا في المودعين ويقولو ليك (نافع بقي ما نافع وعلي عثمان ما عارف ايه )
انت تهابش في السلطة نفسها وكمان في مناطقها الحساسة ؟؟؟
جماعة قالوا ليك أوعى الخور وأنا بقول ليك أوع مستشفى العيون وما جاورها حتى مكاتب الضرائب أو موقف لواري الضهاري الزمان !!!
تحياتي
| |
|
|
|
|
|
|
|
|
|
Re: +18 نكتة موبالغة عن بكري صالح (Re: راشد فضل)
|
مرحبا راشد فضل
حبابك ود حلتنا
طبعا لمن لا يعرف كوستي فمكاتب الامن بكوستي جوار مستشفي العيون
التغيرات الوزارية الاخيرة اتت محبطة للناس ,, رغما عن الحديث حول تجديد الدماء ,, والوجوه الجديدة الشبابية ,, وأكثر شخص نال حظه من التقريع والنقد الساخر هو رئيس الدفاع ,, فأتت به الحكومة ثانية
ظنت الحكومة ان الامر هو تغيير وجوه والمطلوب هو تغير الشارع لأنه لن يؤدي إلا للهاوية
أكيد التحايا
| |
|
|
|
|
|
|
|
|
|
Re: +18 نكتة موبالغة عن بكري صالح (Re: Fayez Ahmed)
|
من الفيس
مرحبا عمر يوسف
ومن داخل الحوش
حبابك فايز
ناقل الاقتباس
إختلط علي الامر في شأن الضحالة المربوطة بالفكر والانحطاط والخواء
فهل المقصود أنا ناقل النكتة المتداولة ام جزء الشعب الذي يتناقلها
هذه واحدة
والأخري اني لم اطرح فكرا في هذا البوست
ورغما عن ذلك اعدت البصر كرتين وثلاثة لأتبين عسي ان لا اصيب نفسي بما يسؤها بساقط القول
فلم اجد سوي عبارة الجعبات ,, التي الكلمة السودانية المتداولة دون معني اخلاقي ساقط وإلا ما كان اهلنا اوصوا اساتذتنا قديما بأن يدقونا في جعباتنا
ولو اتيتم كوستي لرأيتم من الجعاب ما يحيركم كأسماء قري حولها دون حساسية اخلاقية ,, فتسمع بجعاب فلان وجعاب فلانة ودبة فلانة ودبة فلان
عموما
اعتذر ان رأيتم في قولي شططا
| |
|
|
|
|
|
|
|
|
 Re: +18 نكتة موبالغة عن بكري صالح (Re: عبدالحفيظ ابوسن)
|
اعتقد يا ابسن أن الضحالة ناتجة من موقع الجعبات أسفل الجسم و الخواء أتى لامتلائها بالشحم بدلا عن اللحم و خلوها من العضلات البارزة فبدت و كأنها كيس مملوء بالهواء فجاز اعتبارها خاوية ثم أن الامر الذي يتعلق بالفكر ربما أتى لبعدها من الدماغ و هو موطن الفكر هذا و الله اعلم
| |
|
|
|
|
|
|
|
|
Re: +18 نكتة موبالغة عن بكري صالح (Re: سيف النصر محي الدين)
|
واحد اخونا معانا زمان هنا كتبها حعباط كان تسألو من الكتالوج...
اوع يكون زعلت يا دكتور؟؟ بس النكتة فى السلك والجماعه
ديل يقول ليك يدى ونخرتى وكراعى من يصلو الحتات دى يتبرموا
مش البتاعه دى عضو عادى زى باقى اعضاء الجسم؟ وتيب!!
ولا يهمك يا صبى،،،
| |
|
|
|
|
|
|
|
|
|
Re: +18 نكتة موبالغة عن بكري صالح (Re: علي دفع الله)
|
هههه...
يا ابسن اضحك بس و ما عليك ...
| Quote: ان الامر الذي يتعلق بالفكر ربما أتى لبعدها من الدماغ و هو موطن الفكر |
دعني اختلف معك يا دكتور سيف ...
فكثيرين من المسؤولين في حكومة الهنا ...
بيفكرو بالحته القالها اب سن دي ...ههههه
| |
|
|
|
|
|
|
|
|
|
Re: +18 نكتة موبالغة عن بكري صالح (Re: يحي قباني)
|
كما قال شقيقي دكتور عبدالمنعم ابوسن
اجمل النكات لا تحكي
تحية وحبابكم
سيف النصر
صديق الموج
ود دفع الله
يحي قباني
ومن النفاج
يوسف باشري
والنكتة يا تضحك يا تقول بايخة ولا قديييييمة
وعذرا فهذا بمثابة رد للجميع وشكر
| |
|
|
|
|
|
|
|
|
|
Re: +18 نكتة موبالغة عن بكري صالح (Re: عبدالحفيظ ابوسن)
|
من الفيس بوك
مرحب احمد
ليت ان التحليل السياسي بهذه البساطة ,, لنقطع جازمين دون ان يرف لنا جفن بمآلات الواقع السياسي الحالي والمتوقع فقط من خلال طرفة انبتها الواقع
رغما عن دور خاصية النكات لتبيان مايدور في الساحة السياسية ,, وعكسها لرؤية المواطن العادي حيال ما يجري ,, ورغما عن سخريتها المرحة واللاذعة ,, إلا انها ايضا توضح لمن ألقي السمع وفتح ذهنه عن عقلية السلطة وما وراء قراراتها
اللغة الفجة والمبتذلة والموغلة في التسطيح والخواء يأخذ عليها كأس البرنجي السادة المسؤولون ,, فقد ظلوا يتحفوننا بسذاجة التبريرات وجهلها ,, وساعدهم اعلامهم
كامل الود
| |
|
|
|
|
|
|
|
|
 Re: +18 نكتة موبالغة عن بكري صالح (Re: امجد الجميعابى)
|
** ود ابو سن ..
** سلام مساءك خير..
## ركوب الفيل يُخرج كوامن الدُرر ,, وخاصةً إذا كانت إصطباحيه ##
^
^
^
**واحد مزاجو عالى مشى لى بتاع الخانه قال ليهو:- عايز لى سيجاره كاربه..
** بتاع الخانه قال ليهو :- عايزا رئاسيه ولى عاديه **
| |
|
|
|
|
|
|
|
|
|
Re: +18 نكتة موبالغة عن بكري صالح (Re: عبدالكريم أحمد الامين)
|
ابو سن - شيخ العرب
د.ابراهيم القرشي عنده كتاب جميل وممتع (عادات سودانية اصولها عربية)
طبعا هو استاذ واديب لايشق له غبار وان كان حاصر نفسه
في المدايح مع برنامجه التلفزيوني .. في كتابه ص (133) اورد الحكاية دي:
ومن جفاء اعرابنا ان احدهم كانت له (بكرة) ناقة شابة وكانت شرسة جدا كثيرة الهياج
حاول ولده ان يمسك بها فاستعصت عليه فغضب الأب وقام الى البكرة يريد الامساك بها
وليس عليه من الثياب الا ثوب واحد غير مربوط (فتقة او قرقاب) فقال الولد:
(يابا البكرة دي صعبة وكعبة دحين خلها )
فابى الرجل وركب راسه وما ان امسك بها حتى لوحته في الهواء وطار الهدم ووقع الشايب
عاريا وبطنه الى الارض فقال له ولده:
( ما قُت لك آ ابجعيبات)
| |
|
|
|
|
|
|
|
|
|
Re: +18 نكتة موبالغة عن بكري صالح (Re: وضاح عبدالرحمن جابر)
|
Quote:
اعتقد يا ابسن أن الضحالة ناتجة من موقع الجعبات أسفل الجسم و الخواء أتى لامتلائها بالشحم بدلا عن اللحم و خلوها من العضلات البارزة فبدت و كأنها كيس مملوء بالهواء فجاز اعتبارها خاوية ثم أن الامر الذي يتعلق بالفكر ربما أتى لبعدها من الدماغ و هو موطن الفكر هذا و الله اعلم
|
أضحك الله سنك يا اخ سيف النصر وغفر لك. كدت تقتلني من الضحك ..
| |
|
|
|
|
|
|
|
|
|
Re: +18 نكتة موبالغة عن بكري صالح (Re: أنور أبو القاسم الهادى)
|
Quote: ولو اتيتم كوستي لرأيتم من الجعاب ما يحيركم كأسماء قري حولها دون حساسية اخلاقية ,, فتسمع بجعاب فلان وجعاب فلانة ودبة فلانة ودبة فلان
عموما |
أخوي أبسن الشوفة طولة،
كيف حالك.
بمناسبة لغة ضهاري كوستى المنلطقة على السجية.
إبراهيم العبادي الشاعر المعروف كان عندو مشروع صغير لزراعة القطن غرب كريكرة جنوب كوستي.
فجأة ساب الزراعة ورجع أمدرمان.
لمن سألوهو مالك سبت المشروع،
قال كرهوني فيه العرب. الواحد يسأل التاني، فريقكم خط وين؟
يقول ليهو: في جعاب العبادي.
| |
|
|
|
|
|
|
|
|
|
Re: +18 نكتة موبالغة عن بكري صالح (Re: حامد بدوي بشير)
|
تحية للجميع
واخص حامد لطول الغياب ووالله مشتاقين
نكتة جاتني في الواتس اب وجات لي آلاف غيري , وعجبتني ولو رأيت فيها ماشان لما كتبتها
وكما ذكر الصاحب حامد فالكلمة لا مدلول فاسدا لها , فنحن نستعملها استعمال عادي ,
ويقول اهلنا في الغرب
تور جعبة
وهو التور الذي تركب عليه المرأة في النجوع
قد أكون مغردا خارج سرب من يجيدون اللغة السودانية ولكننا في كوستي لا حساسيه تجاه اللفظ
افسد الخلاف مزاج النكته واسوأ النكات ما تحتاج للشرح
| |
|
|
|
|
|
|
|
|
|
Re: +18 نكتة موبالغة عن بكري صالح (Re: محمد مجيدو)
|
Quote: ولو اتيتم كوستي لرأيتم من الجعاب ما يحيركم كأسماء قري حولها دون حساسية اخلاقية ,, فتسمع بجعاب فلان وجعاب فلانة ودبة فلانة ودبة فلان
عموما
|
نعم يا ود أب سن عندنا تلال وقيزان ورهود وأودية
أبوجعاب دي قوز تلَّة كبيرة وأبو جعيبات دي تلَّة صغيرة
لكن بتوحِّل اللواري.....
مرة يا ود أب سن عندي ود خالي ذهب إلي قرية وكان يبحث عن أحدهم
فقابل في الطريق رجل سأله وين دكان فلان ليرد: هناك بجوار
دُكَّان مستورة أم جعبات.......
شوف شيخ العرب عمنا جامع عندما فارقت نوقه نوق اهله نوراب الكبابيش
"هسَّاعه وين بزراية النوراب
ناس سالم حليهٌن وناس علي الهاقناب
هسَّاع حزموه الشّول أبو دعكاب
وبي قيزان بليل وإتنايو لي أبو جعاب
والله إتياسرو فوق شق جراب
دو ناس ام سرير والإندراب"
لكن يا ود اب سن الجعبات متداولة في الرِّيف كثيرا عادي .....
لكن عزيمة الجعبات دي الجديدة يعني براءة إنقاذية ......!
والجعبات البعزمو ليها جعبات السرور..............
ناس الشعر بتحايلو يقولو ليك
كفل فلوة ..هركولة..قيامها مثني ومرجرجةو.......
كلو دي اياها الجعبات....
| |
|
|
|
|
|
|
|
|
|
Re: +18 نكتة موبالغة عن بكري صالح (Re: Abdelslam Malik Ali Elhag)
|
في القرآن الكريم وردت جملة الشرط: "ومن يولهم دبره غير متحرف لقتال ...الآية"
وهذه كانت لغة بدوان الجزيرة العربية.
أما بدوان السودان، فلسانهم فلقة.
يصفون القوم الذين لا يتفقون على موقف موحد بأنهم "مشتتين متل بول الغلفا".
ويوقولون عن كلمة الرجل التي لا أثر لها او لم يلتزم هو بها، بانها "فسوة مدنقر".
ويقولون عن تلازم شخصين بانهما "جعبتين في سروال".
والأمثلة كثيرة، وليس في الأمر بذاءة، وإنما هي بلاغة.
| |
|
|
|
|
|
|
|
|
|
Re: +18 نكتة موبالغة عن بكري صالح (Re: حامد بدوي بشير)
|
تحية للجميع
وشكر
ولقد اضفتم واجدتم
العبيد وبدر وحامد ومن انسيته
فسوة مدنقر دي خطيرة ,,, ما مستور تب
وبول جمل
فالجمل يبول من الخلف
والحساسية المفرطة تجاه اللغة تجعل اللغة عاجزة عن إيصال المعني ,, وهي ذات الحساسية التي جعلت الكاتب الطيب صالح ينتشر عالميا قبل داخليا ,, وصادرت كتاب الانداية التوثيقي ,, ومنعت كتب التراث العربي ,,, وافسدت كتاب ألف ليلة وليلة ,,
الشعب السوداني شعب مؤدب لغة وسلوكا ,,,
| |
|
|
|
|
|
|
|
|
|
Re: +18 نكتة موبالغة عن بكري صالح (Re: عبدالحفيظ ابوسن)
|
Quote: أما بدوان السودان، فلسانهم فلقة.
يصفون القوم الذين لا يتفقون على موقف موحد بأنهم "مشتتين متل بول الغلفا".
ويوقولون عن كلمة الرجل التي لا أثر لها او لم يلتزم هو بها، بانها "فسوة مدنقر".
ويقولون عن تلازم شخصين بانهما "جعبتين في سروال".
والأمثلة كثيرة، وليس في الأمر بذاءة، وإنما هي بلاغة. |
إنت عارف يا ود بدوي ود بشير
ويقولو ليك الشغلة دي راحت ضرطة رقاصة.....
لا في زول بسمعها ولا في زول بشمها ..
الناس داخل الحلبة وبتكُر مع الكرير ..صوتهن عالي والدُك طاير
أهل البادية عجيبين خلاااااس
يقول ليك المي دي صاقط جعبة كسيحة...
دايما بجرّها بي الوطا ..الأرض...
ويقولو ليك صباح الفكي علي .........
تصدق قطعانو لي الجُمار مع الفجرية دي مزعلهُن زعل شديد
ويقولو ليك زولك دي عان ليهو دقنو معوشة خلااااس
كيف شِعْرَة المجنونة............!
يا جماعة عندي ذخيرة كتيرة خلاااااااس جربان ملانة
لكن ما بكملها
| |
|
|
|
|
|
|
|
|
|
Re: +18 نكتة موبالغة عن بكري صالح (Re: عبيد الطيب)
|
الأخ عبيد الطيب بعد السلام
عندنا من هذا الفلكلورالشعبي الكثير والذي كنا نود أن نثقف به المتنطعين الذين لا يعرفون شيئاً عنه، لكن خوفنا والتجربة خير دليل من سوء الفهم الذي هو نتيجة لعدم الفهم جعلنا نحجم عن التعليم المجاني للمعاطيب.. ولا نملك إلا أن نقول الله غالب.
رأيك شنو: الموضوع راح شمار في مرقة أي فسوة مدنقر.
تحياتي
كبـّاشي الصـّـافي
| |
|
|
|
|
|
|
|
|
|
Re: +18 نكتة موبالغة عن بكري صالح (Re: عبيد الطيب)
|
حباب العبيد
كأننا نستحي من لغتنا السودانية ,, وهي لغة التخاطب اليومي
الامثال كما اوردت انت هنا مليئة بالكلمات الموغلة في الدارجية ولا تستوجب الاعتذأر
فلان وفلان خرية مقسومة بي خيت
عريان في ..... لابسلو سديري
عاقلهم يعرض بالقلوط
يغالتوك في خراك
عقب يا العبيد
| |
|
|
|
|
|
|
|
|
|
Re: +18 نكتة موبالغة عن بكري صالح (Re: عبدالحفيظ ابوسن)
|
كلماتنا العامية تحوي الكثير من المفردات الرائعة المعبرة وان استعصت على التدوال لما فيها من جراءة
تعجبني كثيرا مقولة
غلفة وشايله موسا تطهر
ووصفهن للرياح والهبوب الهادئة بفسوة عجوز
غايتو ما عارف فسوة العجوز دي كيف
| |
|
|
|
|
|
|
| |
عبدالحفيظ ابوسن
بدرالدين بابكر مصطفى
محمد مجيدو
سيف النصر محي الدين
صديق الموج
علي دفع الله
يحي قباني
عبداللطيف خليل محمد على
امجد الجميعابى
عبدالكريم أحمد الامين
Ahmed Yassin
وضاح عبدالرحمن جابر
حامد بدوي بشير
فيصل سعد
عبيد الطيب
Abdelslam Malik Ali Elhag
cantona_1
محمد أبوالعزائم أبوالريش
عبد الله شم
محمد فضل الله المكى
فيس بوك
تويتر
انستقرام
يوتيوب
بنتيريست