بريمة بلل يطهر النساء على سنة العرب !

Quote: بت ابا تراجي مصطفى..حبابك قالوا عمك واحد اسمو علي بن الجهم.. جابوهو من الخلا و توشك لقصر الخليفة (ظني كان هرون الرشيد ولا منو كده ما عارف).. اها قالوا ليه اطلع واحد مديح مظبوط.. عمك اتلفت يمين شمال و رفع عقيرته بالصياح ( يعني قامو جوعر بحس عالي) و قال: انت كالــــكــــــلـــب في حفظ الأمانة...و كالتـــيس في قراع الخطوب.... او ما نحو ذلك (الكبر حصل و الذاكرة تعبت).. اها ناس البندر كلهم ختوا الخمسة في الإتنين..و كادوا يملوا الراجل براطيش في صمة خشمو...!! الى ان اشار اليهم احد الحكماء بالصبر..و طلع فكرة ظريفة...و ساق صاحبنا العريبي.. شي حدايق معلقة..و شئ مناظر حسنة..و شئ خضرة..و شئ وجه حسن..الخ.. و بعد تلاثة شهور تاني رجعوا قصر السلطان..و قالوا لصاحبنا العريبي اطلع حاجة .. فقال هامسا: عيون المها.. بين الرصافة و الجسر.. جلبن الهوى من حيث ادري ولا ادري..!!! فيشنو ، يا تراجي ، البيئة ليها اثر..نحن لمن كنا بنقول (قرادة الخيل) ، و (فسية الديك ، بالمناسبة الفسية هي ذيل الديك)..وكت داك الموضوع ما كان فيهو خيار بيئة متاحة غير العارفنها.. لكن الليلة لو دايرين نجوط اهو بنقول الردة الفكرية..و الكفر الجندري..و و شنو كده ما عارف..!!! و لكن مع كل ذلك .. يتخيل لي المنبر بدا يعرف حاجة اسمها ثقافة بقارة..و تعابير و مفاهيم..و هي ثقافة لو الناس ادتها فرصة فيها كمية من الفكاهة و الكوميديا..!!! المهم.. اعتذرت ليك قبل كده من حكاية قرادة الخيل و تاني ح نعتذر ليك.. لكن صدقيني حقد مافي تب.. استهبال و دفن نعم.. مرات مرات.. لكن حقد مافي كلو كلو..!!! كل سنة و انتي طيبة.. كبر