بريمة بلل يطهر النساء على سنة العرب !

Quote: بريمه سلامات مافي اي نساء عندهم مشكله معاك. النساء البنقاشوا هنا داخلين(انداد) وليس بفهم انهم نساء و انتو رجال. دخلنا البورد ده انداد يا بريمه لكن فعلا نعرف انه رجال كثر حاولا اخراسنا باستحضار بنية الوعي التناسلي. ويا اسمارتي يتختي البقاره ديل اولا ما قبيله واحده قبايل كثيره. واس بريمه و محمد النور كبر ديل من بقارة كردفان. ومحمد هارون و عبد الرازاق الطالب ديل بقارة دارفور. وبينهم اختلافات ثقافيه. وما تفتكري في عقلاء كما سميتهم ...هؤلاء العملوا عقلاء يوما ما سمعونا المحن هنا. وصدقني بريمه قلبه ابيض بالنسبه لاخرين. عموما تشبيهاتهم من بيائتهم المحليه لذا تجدينا احيانا نشازا في آذنك انت بنت المدينه وقد كنا مثلك اول ايام بهذا البورد ...وبعدين (طرقوا اذننا بمحنهم فتعودنا) ربما هههههههههه! محمد النور كبر هذا كتب لي من قبل (يا قرادة الخيل)!!!!!!! وكتب يا (فسوة الديك)...!! وغيرها المحن!!!! ويا ود الطالب قلبت الهوبه في بعض ما كتبته لعاصم فقيري. يا ناس انتو مالكم...... طيبين ولكنكم شتر شتاره مبالغ فيها. ارحمونا يرحمكم الله. يا اسمارتي امسحيها لينا في وجوهنا دي ياها شتارة ناس الهامش. عاجبك كده يا بريمه؟! غايتو يا اسمارتي لو سمعتي كلامي بريمه ده مطرطش لكنه انقائهم قلبا صدقيني. واشتر لكنه ما سفيه ولا حاقد.... ويا حليلنا منها الفانيه. بعيدا عن البوست يا اسمارتي البقاري حنين و بكاي كان عشق واحبه. وهميم وكريم و زول نخوة....الا الجلافه قاعده متحكره..... وفارس كان حارب...وتتمنيه معك لا ضدك. وليهم تراث و حكم و امثال مبالغه...تموت بالضحك لكنها معبره جدا وواضحه و جرئيه. غايتو ضروري تعرفيهم في الحياه و الا نص عمرك ضايع. النبي فيك كان كرهتي بريمه بريمه ده لازم نستعدله هنا. وتخيل يا اسمارتي ما تشوف الفصاحه ديل خجول جدا كل ما امشي واشنطون اتفشه يتسخبي مني.....ههههههههه. وحاتك يا بريمه قالوا اصلاانت جار صلاح شعيب ان ما مشيت فتشتك وصورتك لناس اسمارتي فيديو وصوت ما ابقي تراجي. انتظرني. تذكروا حليلنا منها الفانيه.