بالله الأعمى والمكسر والعندو شغلة والماعندو خلو الوراهم والقدامهم ومابقت عندهم شغلة غير السعودية. في الصفحة الاولى في بوستين فيهم مقتل 38 سوداني، مش تلاتة اثيوبيين وزول شغال بالوستات دي مافي وخاتين شوفهم كله في السعودية والاثيوبيين. والعجب العجاب انه اغلب البوستات دي فاتحينها ناس لاهم في السودان ولاهم في السعودية، يعني لا بتكسبوا عيشهم من السعودية ولا حيتضرروا لو وقف ارسال الريال للناس الفاتحة خشومها في السودان. اي واحد تراوده الفكرة في فتح بوست عن السعودية والحبش يا ناس الضللة زي ما قال الامين البشاري يجهز لنا فورمات الهجرة واللجوء الدائم حتى نتمتع باموال دافعي الضرائب الكفرة ونعيش ملوك للتحليل السياسي والتضامن مع حقوق الاقليات وحتى حقوق الشواذ، المثليين والمثليات ونقعد ننظر زيكم ، ما عدا ذلك فخلونا في حالنا وخلو السعودية الدولة المستقلة في قوانينها ونظمها في حالها وارحمونا من حنيتكم القربت لحنية سيدنا عيسى دي. يشهد الله قلة شغلة وعدم مشغلة واهواء واغراض. الاثيوبيين تتم المتاجرة بهم بيع وشراء وبالراس وعلى عينك يا تاجر من قبل عصابات تهريب البشر في بعض المناطق واعتقد انه كان في بوست مفتوح بالعنوان دا، الاثيوبيين في مناطق الجفاف في بلدهم يموتون بالاف ولم نر دمعة واحدة او مشاعر انسانية فياضة عابرة للحدود ومتغاضية عن معسكرات اللجوء في دارفور دا غير مشاكلنا التانية التي لا تحصى ولا تعد. بالله واحد جاي متلب في بيتك، وبعد دا اديتو 7 شهور عشان يمرق بالتي هي احسن وبكل كرامة وبعد دا وقت تقوم عليهو يقولوا لك حقوق الانسان. السعودية قبل فترة اتهمت الحوثيين ومعاهم ايران بتسهيل تهريب الاثيوبيين للسعودية من اجل زعزعة الاوضاع في المملكة، واعتقد ان تصرفاتهم خير دليل على هذا الزعم، فالمسالة اصبحت مسالة امن قومي للسعودية والامن القومي امريكا راعية حقوق الانسان كما يقال بها قانون طوارئ من اجل حماية الامن القومي منذ احداث سبتمبر ولم يرفع حتى كلامي وكلامكم دا. ما عندكم واحد يا ناس المشاعر الدفاقة دي يتصل باسرة الشاب السوداني في الرياض ويقول لهم ولدكم غلطان الوداهو للاثيوبين شنو؟ بالله المرقة على الناس حرموها، بالله عن(.........)ة زي دي السعودي ما بلقاها. والله امس المغرب شفتهم مارقين من الترحيل بتاع جدة شكلهم ماشين يحضروا الكورة بتاعتهم مع نيجيريا، والله يخوفوا، الواحد شدة ما سمين لو وقف في الشمس شوية والله ينز من الدهن وليهم فقر وقسم بالله بجي قاطع الشارع يتضرع مابتلفت. الخلاصة زاد المشاعر كان ما قضى ناس البيت، حرم على الجيران.
11-17-2013, 06:58 AM
HAIDER ALZAIN
HAIDER ALZAIN
تاريخ التسجيل: 12-27-2007
مجموع المشاركات: 22434
يا حبيب صباحاتك .. وصباح المطرة غايتو ما عندك مشكلة مع الاسكويا عالية وبتشق السيل فووووو.. ههههههه
Quote: بالله واحد جاي متلب في بيتك، وبعد دا اديتو 7 شهور عشان يمرق بالتي هي احسن وبكل كرامة وبعد دا وقت تقوم عليهو يقولوا لك حقوق الانسان. السعودية قبل فترة اتهمت الحوثيين ومعاهم ايران بتسهيل تهريب الاثيوبيين للسعودية من اجل زعزعة الاوضاع في المملكة، واعتقد ان تصرفاتهم خير دليل على هذا الزعم، فالمسالة اصبحت مسالة امن قومي للسعودية
صدقت .. قبل ثواني كتب لاخونا بشاشا حفظه الله هذه المداخلة اسمح لي باعادتها بمناسبة " الأعمى والمكسر والعندو شغلة والماعندو خلو الوراهم والقدامهم ومابقت عندهم شغلة غير السعودية. "
كتبت لبشاشا :/ لو دا موضوعك .. معناها طواااالي تطلع تأشيرة عمرة للسعوديــة وتمشي تعالج الشعب السعودي البجم ديل بالصدمــة .. ويا حبذا لو كان علاجك من على ظهر الكعبة المشرفة..!
المشكلة بين السلطات او الشعب السعودي وبيــن متسللين اثيوبيين الي الارض السعوديــة عبر الحدود الفوضوية اليمينة وانت عاوز تجي تدق جرس للسودانيين هنا ؟ دخل السودانيين شنو اذا ادانوا او لم يدينو الحاصل.. عاوز تدق جرس تعال دق جرس هنا للناس اللي كل يوم والتاني شابكين الاثيوين اقل اصالة واقل مكانة من الشعوب السودانية وشابكين حتى لو مشوا اديس او اسمرا يشحدوا في الحبشيات من طرف بالشارع باعتبار انه اي حبشية هي بالضرورة وحتماً عاهـــرة وأي حبشي بياع عرقي او قـــواد وحــرامي.. اتكلم عن كشات الاحباش البتحصل وحصلت في السودان من زمناً مضى.. اتكام عننا نحن هنا دا عندما نصارع وزيــر داخليــة نظام الانقاذ باعتبار انه اجنبي وافد بنفس الفهم دا بس لانه من قبيلة حدودية بتاكل الانجيرا زي ما قبايل الشمال بتاكل الفسيخ والغرب بياكوا الكول مع جيرانهم..
عارف مسألة انه دوماً الناس تخت الاعراب وفي اي مشكلة سبب او نموذج ما بيعبر الا عن ازمتنا الحقيقة تجاه هؤلاء الاعراب باعتبار انهم لو صلحوا كان صلحنا وانه سيئاتنا جزء من شرورهم..
انت ما تكورك في وجه العالم الحــر دا بكل منظماتهم وهيئاته للدفاع عن حقوق الانسان والبشر ليه انه ما اتحرك وادان السعوديــة بل كورك ليه الان مجلس الامن بينتخب السعودية ويديها مقعد في هيئة او هو مجلس حقوق الانسان البيتبع للامم المتحدة والا اسمو شنو هو..؟! دة معقولة بس تنتهك حق البشر ويقعدوها في كرسي الحقوق ويجي بشاشا يموضع الامــر في هذا الفضاء الما قادرين اهلوا حتى الان يدينو مالك الفضاء السيد بكري دام ظله الشريف فيما يحدث في اسفيرو من انتهاكات..؟
11-17-2013, 07:12 AM
محمد عمر الفكي
محمد عمر الفكي
تاريخ التسجيل: 10-15-2006
مجموع المشاركات: 7313
تسلم يا اخ حسين ومشكور على التعليق. يا حيضر كلامك سليم ومظبوط، وياريت الناس القاعدة برة دي تراعي ظروف ومصالح بل وحتى مشاعر مئات الاف السودانيين القاعدين في السعودية. خبر ما كويس السيكويا مكيفها باظ
11-17-2013, 07:14 AM
بدرالدين الطائف
بدرالدين الطائف
تاريخ التسجيل: 01-09-2013
مجموع المشاركات: 1747
Quote: والعجب العجاب انه اغلب البوستات دي فاتحينها ناس لاهم في السودان ولاهم في السعودية، يعني لا بتكسبوا عيشهم من السعودية ولا حيتضرروا لو وقف ارسال الريال للناس الفاتحة خشومها في السودان.
يا محمد الاثيوبيين ذات نفسهم حريصين على مصالح ابناءهم القاعدين بصورة نظاميه وماعاوزينهم يتضرروا من الاحداث دي. ولم يخرجوا فى اديس ابا ابا او اى مدينة اثيبويبة اخرى ولم يهتفوا قدام سفاره السعودية وهم اسياد الوجعة . خرجت مظاهرة صغيرة و محددوة وتم قمعها من السلطة الاثيوبية.
11-17-2013, 07:15 AM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
Quote: اي واحد تراوده الفكرة في فتح بوست عن السعودية والحبش يا ناس الضللة زي ما قال الامين البشاري يجهز لنا فورمات الهجرة واللجوء الدائم حتى نتمتع باموال دافعي الضرائب الكفرة ونعيش ملوك للتحليل السياسي والتضامن مع حقوق الاقليات وحتى حقوق الشواذ، المثليين والمثليات ونقعد ننظر زيكم ، ما عدا ذلك فخلونا في حالنا وخلو السعودية الدولة المستقلة في قوانينها ونظمها في حالها وارحمونا من حنيتكم القربت لحنية سيدنا عيسى دي.
اخونا زمااان محمد عمر الفكي
صباحاتك نواضر .... نفس الناس ديل ولما السعودية دي رفضت عبور طائرة البشير كلهم قعدوا يبشروا ويهججوا ... الاثيوبيين غلطانين وستين غلطانين فلا يمكنك فرض ارادتك على قوانين الدولة التي استضافتك وقد منحوا فترة كافية إما للمغادرة بهدوء أو تصحيح اوضاعهم ولم يفعلوا أياً من ذلك ويا غريب خليك أديب يا قولات منو كدا ما عارف .. غايتو اقتراحي ليك توديهم الضل الناس ديل لأنه لما اسرائيل طردت السودانيين زول فيهم قال بغم ماف !
11-17-2013, 07:31 AM
محمد عمر الفكي
محمد عمر الفكي
تاريخ التسجيل: 10-15-2006
مجموع المشاركات: 7313
Quote: خرجت مظاهرة صغيرة و محددوة وتم قمعها من السلطة الاثيوبية.
بدر الدين قلت لي تم قمعها بواسطة السلطات الاثيوبية؟ يشهد الله قريت كلامك دا وعاينت في الصفحة الاولي للمنبر، اتحيرت!!!!
حبيبنا زمان وحالياً ومستقبلاً ود البشاري المبادئ لا تتجزأ ولا شنو؟ قسم بالله في ناس شغالين بالموضوع دا اكتر من اسياد الشئ ذاتها. الاثيوبيين القاعدين نظاميين والله بصلوا معانا في المسجد وبالعشرات، ومعانا سعوديين يوم واحد ما شفنا سعودي عاين ليهم عين حارة ساهي خلي من يعمل معاهم شكلة. الاثيوبي المخالف داير يخربها على نفسه وعلى الباقيين عملاً بنظرية شمسون
11-17-2013, 07:38 AM
محمد عمر الفكي
محمد عمر الفكي
تاريخ التسجيل: 10-15-2006
مجموع المشاركات: 7313
بعدين يا جماعة اتذكرت حاجة مهمة البنغالة برضو تمت في حقهم اجراءات مشابهة منذ وقت طويل ولحدي اليوم دا، البنغالي الجوة جوة والبرة برة، وذلك بعد ان تسببوا بمشاكل كثيرة رغم ان معظمهم نظاميين، ما شفنا بوستات التعاطف دي لشنو؟ اما ان البنغالة لابواكي لهم؟
11-17-2013, 07:43 AM
Asim Fageary
Asim Fageary
تاريخ التسجيل: 04-25-2010
مجموع المشاركات: 7810
حبيبنا زمان وحالياً ومستقبلاً ود البشاري المبادئ لا تتجزأ ولا شنو؟ قسم بالله في ناس شغالين بالموضوع دا اكتر من اسياد الشئ ذاتها. الاثيوبيين القاعدين نظاميين والله بصلوا معانا في المسجد وبالعشرات، ومعانا سعوديين يوم واحد ما شفنا سعودي عاين ليهم عين حارة ساهي خلي من يعمل معاهم شكلة. الاثيوبي المخالف داير يخربها على نفسه وعلى الباقيين عملاً بنظرية شمسون
محمد عمر الفكي
إزيك
قلت لي: أهل الميت غفروا والجيران كفروا
11-17-2013, 07:52 AM
وضاح عبدالرحمن جابر
وضاح عبدالرحمن جابر
تاريخ التسجيل: 10-11-2012
مجموع المشاركات: 1986
Quote: بعدين يا جماعة اتذكرت حاجة مهمة البنغالة برضو تمت في حقهم اجراءات مشابهة منذ وقت طويل ولحدي اليوم دا، البنغالي الجوة جوة والبرة برة، وذلك بعد ان تسببوا بمشاكل كثيرة رغم ان معظمهم نظاميين، ما شفنا بوستات التعاطف دي لشنو؟ اما ان البنغالة لابواكي لهم؟
اها انت قلت البنغاله وغيرك قال التشادييين والان جزء كبير من الاثيوبييييين
وبكرة الدور على السووووووووووووووووسانداوييييييييييييييييييييييييييين فى حاجه غلط
يجب ان يعاقب المخطئ .. فقط .. وليس المجموعه
11-17-2013, 07:56 AM
محمد عمر الفكي
محمد عمر الفكي
تاريخ التسجيل: 10-15-2006
مجموع المشاركات: 7313
كُفر ليهو ضُل يا عاصم . والله البسوو فيهو دا لا حكومة أثيوبيا اتسيلف ولا سفيرها ولا قنصلها ما سوى ربعه. ما عارف لكن لو في مسئول اثيوبي شاف االمنبر دا، اكان يفتح فيهو بلاغ بتهمة الاساءة للعلاقات التاريخية بين المملكة وأثيوبيا، بقول شعبنا مسكين لكنو محرش
11-17-2013, 08:02 AM
محمد عمر الفكي
محمد عمر الفكي
تاريخ التسجيل: 10-15-2006
مجموع المشاركات: 7313
ناس المملكة وجدة تحديداً الصورة دي من نفق تقاطع الستين مع شارع الملك (ولي العهد سابقاً) قدام محمود سعيد، واهمية هذا الطريق يعرفها من يسكن جدة بالله لو في سعوديين قطعوا طريق زي دا البحصل فيهم شنو؟ والله الشرطة السعودية مدت حبال صبر قبل كدا اصلو ما كانت عندها.
11-17-2013, 09:13 AM
بشير أحمد
بشير أحمد
تاريخ التسجيل: 03-21-2008
مجموع المشاركات: 10017
الاخ محمد عمر .. السلام عليكم .. ولعلك بخير ,,, طولنا ما تقابلنا ....
لو بتلاحظ المتاعطفين مع الحبش ديل كلهم قاعدين خارج السودان وخارج السعوديه وشابكينا حقوق الانسان ... وحقوق البتيخ .. وما عارفين انو كل دوله لها خصوصيتها وعاداتها وتقاليدها وقوانينها . وفي اي دوله .. اذا اانتا احترمت قانونها ..مافي زول بيسالك .. و اذا قليت ادبك ....معرض للجزاء ..
وانا قلت في بوست امينووو ... انو ناس القطيف في الثمانينات .. حاولوا يعملوا غلاغل ومظاهرات وفي الوقت داك .. ابو متعب كان رئيس الحرس الوطني .. امر بكتيبه من المدرعات لردع اؤلئك الخارجون عن القانون ودقوقهم دق العيش .... اها ديل مواطنيهم سوا فيهم كدا .. ما بالك بالغريب المشاكس والخارج عن القانون..
المهم ... ناسنا الهنا ... ما يلقوا ليهم موضوع ... وما بتوصوا ..
تحياتي ,,
11-17-2013, 11:26 AM
محمد عمر الفكي
محمد عمر الفكي
تاريخ التسجيل: 10-15-2006
مجموع المشاركات: 7313
وعليكم السلام اخ مجيدو وعساك طيب والله ناس برة ديل يا مجيدو عارفين قوانين ونُظم السعودية، لكن ما لاقين ليهم موضوع او في بعضهم عنده غرض وفيهم واحدين بيكرهوا السعودية دي لوجه الله تعالى. غايتو ما بعرف لي عاقل بيدافع عن الاثيوبيين بعد العملوه كما ما بعرف لي عاقل يؤيد ما قام به بعض المتفلتين من الشباب السعوديين. بهذا المنطق يا مجيدو فيجب ان يقوم الاخوة بالخارج بحملة ولو باثر رجعي للتضامن مع جهيمان العتيبي الذي احتل المسجد الحرام جراء الضرب فوق الراس الذي قوبل به هو ومن معه. ياما تعيش يا مجيدو ياما تشوف تحياتي
11-17-2013, 11:33 AM
وضاحة
وضاحة
تاريخ التسجيل: 01-16-2005
مجموع المشاركات: 9116
انا طبعا السعودين ديل ما ادانيهم كلش عندى معاهم تجربة فى الحج قربت ارجع وما اتموا بس ربنا صبرنى ساى والله ماعندهم حق ينتهكوا حقوق الانسان بالطريقة دى والمتمثلة في اهل اخونا تسفاي ههههه
شوف الراجل دا كان عظيم كيف الف رحمة ونور تنزل عليه
11-17-2013, 11:42 AM
محمد مجيدو
محمد مجيدو
تاريخ التسجيل: 07-06-2013
مجموع المشاركات: 2392
وضاحة قلتي لي اخبار المنفلة؟ ما بعرف لكن لو شفت ود الفحل ومعاهو مليونيراته الوهميين ديل حايمين بهنا بلحقهم ليك امات الصح والله تسفاي النظامي هنا ذاتو زهجان من تسفاي الما نظامي بصورة ما تتخيليها رحم الله حكيم العرب
11-17-2013, 12:36 PM
عزالدين عباس الفحل
عزالدين عباس الفحل
تاريخ التسجيل: 09-26-2009
مجموع المشاركات: 9025
اراك كررت كلمة من لهم غرض...ومن لهم غرض.....كثيرا.....هلا افصحت يا اخا العرب؟!
من حقكم ما قلتم
وفات عليكم ان تعرفوا انه هؤلاء نحن....ارشيفنا يشهد لا بنمثل ولا بننافق.....تنادينا من قبل.....لكل مآسي....اخوتنا بكل العالم واشعلنا هذا المكان بالغضب ايام.....قلة ادب الحكومه....تجاه اخوتنا اللاجئين....الاثيوبين بالخرطوم.
ولم نترك امر تجارة الاعضاء وعلي فكره لي فيدهوات منشوره بمواقع الاثيوبين و الارترين عن شهادتي حول تجارة الاعضاء.
وبهذا الموقع لي خطاب مفتوح لاسياس افورقي ان ينتبه لشعبه ولا يتركهم ضحيه لتجارة الاعضاء. وتداخل يومها المنحط خالد كودي ايضا ليتنطع و يدعي باني متطاوله و من انا لاخطاب....الرئيس اسياس شخصيا.
المهم يا محمد عمر الفكي وكل المتداخلين من السعوديه انتم لا تعرفون فائدة ما نفعله ولكن يوما ما ستعرفون بانه كله لفائدتكم (جميعا) علي المدي البعيد.
وانتم الان تشبهون لنا النساء المحافظات اللائي يهاجمون الجندريات بحجة انهن متعودات علي اضطهاد الرجال.(بحجة نحن بخير مالكن ومالنا) فانتم هنيئا لكم قبولكم باضطهاد السعودين لكم و اهداركم لحقوقكم.....ولكن نحن لا تبخسوا انشطتنا. ولا تدخلوها في عالم افقكم الضيق بحجة (الغرض)!
Quote: غايتو اقتراحي ليك توديهم الضل الناس ديل لأنه لما اسرائيل طردت السودانيين زول فيهم قال بغم ماف !
ميتن ده؟!......يا الامين اتقي الله فينا.....
وحياتك شهودي اللاجئين كيف مسحت بالمسؤالين الارض في عقر دارهم لعلمك.
ثانيا:
هنا.....في مدينتي اي لقاء بمسؤل اسرائيلي لم اترجي ولم استعطف بل شرحت لهم انه مكانتهم العالميه.....لم ينالونها كيهود الا بتعاطف و تخندق......جالياتهم.....بكل الخنادق مع الاقليات......و المستضعفين في الدول الغربيه.
11-17-2013, 09:23 PM
محمد عمر الفكي
محمد عمر الفكي
تاريخ التسجيل: 10-15-2006
مجموع المشاركات: 7313
العزيزة ام حازم سوف اعود صباحا ان شاء الله لمداخلتك القيمة لاني اكتب من الجوال وهو لا يصلح للرد على مثل هذه المداخلة ولكني قطعا لا اعنيك وسوف ابين ماذا قصدت من الغرض والمرض. تحياتي
11-18-2013, 06:25 AM
محمد عمر الفكي
محمد عمر الفكي
تاريخ التسجيل: 10-15-2006
مجموع المشاركات: 7313
بالله هل يقبل احد هذا المنظر في بلده؟ أجنبي ومتسلل وشايل كلاشكنوف في نص الشارع؟ هل أتى هولاء بحثاً عن لقمة العيش؟ هل اتى بهم الوضع السئ في بلادهم ام انها المؤامرة الايرانية الحوثية لارسالهم الى المملكة لزرع الفوضى والفتن وعدم الاستقرار. المملكة يا تراجي مستهدفة من قبل العدو الازلي للمسلمين والمتمثل في مجوس فارس اصحاب الاطماع الكسروية يعاونهم اعضاء جماعة الاخوان المجرمين ومجاميع ارهابيي القاعدة. كل من كتب من اصحاب الضل البارد مستهدفاً المملكة لغرض دعم توجهات مجوس قم او لانه اخ شيطاني لاتعجبه مواقف المملكة او لانه قاعدي الهوى او لانه عنده كراهية في العرب لله في لله فهو صاحب غرض ومرض. اعود الى مقطع الفيديو الذي يظهر به احد الاثيوبيين وهو يحمل كلاشينكوف يتضرع به في نص الشارع وهو ما لن يستطيع فعله في ضواحي اديس او في اطراف منطقة نائية في اثيوبيا.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة