|
|
 المدارس العالمية ما لها وما عليها
|
المدارس العالمية (التي تدرس المنهج الإنجليزي والأمريكي)
مرهقة جدا لطلابها مقارنة بطلاب المدارس العربية أو الطلاب الذي يدرسون المنهج باللغة الإنجليزية فقط
طالب المدارس العالمية يدرس المقرر الواحد مرتين في نفس السنة مرة باللغة العربية وأخرى باللغة الإنجليزية خصوصا في المستويات الأولية
مما يسبب إرهاق بليغ للطالب وأسرته من حيث الواجبات المنزلية والمراجعة
رأيكم
حالتو دي أول سنة لي 
|
|
 
|
|
|
|
|
|
|
 Re: المدارس العالمية ما لها وما عليها (Re: حمد عبد الغفار عمر)
|
الاخ الاستاذ حمد
تحيه وتقدير
اذا كنت تتحدث عن المدارس العالمية فى داخل السودان فحسب معلوماتي البسيطة وتجربة ابناء اخوانى فان بعض المدارس الاجنبية (كامبردج)(التعليم البريطانية) مثالا لها مسارين هما :
الدراسة بالمنهج (انجليزى)
الدراسة بالمنهج (عربى)
والمسارين لايلتقيان بمعنى بعض الطلاب يدرسون فى قسم اللغه العربية لكامل المنهج وهكذا والبعض الاخر يدرس ذات المنهج لكن باللغه الانجليزية.
لطلاب اللغه الانجليزية مادة اللغه العربية فقط تدرس بالعربى والعكس لطلاب اللغه العربية تدرس مادة اللغه الانجليزية.
من واقع تجربتى بالمملكة السعودية فالمناهج مختلفة بريطانى - امريكى -فرنسى - اثيوبى - هندى - باكستانى - بنغالى - تشادى وغير ذلك
ابنائي يدرسون منهج بريطانى (Grade 7 and 6 and 1) فيه الدراسة باللغه الانجليزية فقط مادة اللغه العربية تدرس باللغة العربية اما بقيه المواد فكلها باللغه الانجليزية.
لك التقدير
د.محمد الهادي
| |
|
|
|
|
|
|
|
|
|
Re: المدارس العالمية ما لها وما عليها (Re: حمد عبد الغفار عمر)
|
مراحب وضاح جابر
Quote: ما تسألنى من مناهج وقراية ما بعرفهم
أسألنى الدفع كيف .. عشان اقول ليك .. الرووووووووووووب |
الروب بتحلك ؟
أنا زيك للآن بدرسوا في شنو ما عارف أمهم متولية مسألة المراجعة
تعرف بعد كم يوم من الدراسة وهي بتراجع جاتني براحة قالت لي الكلمة دي معناها شنو ؟
قلت ليها
الله شكلنا دخلنا مدني ولاشنو من هسة قمنا لي دي معناها شنو ؟
لكن يا وضاح لازم تنتبه الدراسة بالانغلش (زي ما بقولن السعوديات) خطيرة لأنو لو زاغ منك وفك الدرب تاني الرجوع صعب شديد. بالعربي ممكن تباصرو وتلحقوا ولو في سنة خامسة
وبجاي بجاي ممكن تلتق ليهو شهادة ثانوية تقريهو بيها في جامعة والسلام لكن هنا كان كتمت إلا ترجعو من أولى إبتدائي بالعربي
أنا خايف من الموضوع دا شديد
يدك معانا
| |
|
|
|
|
|
|
|
|
|
Re: المدارس العالمية ما لها وما عليها (Re: حمد عبد الغفار عمر)
|
حمد يا وجيه سلام وتحية
باله انت يا دوبك في البداية
يا حبيبنا بعض الناس ماخذين المسالة فشخره المشكله ها هنا....
الخلانا ناجأ ليها ومن الاسباب المهمة المدارس العربية بتقتل شخصية الطالب أوالابن لا يجدالتعامل الجيد وكثرة المشاكل تصدق واحد صاحبنا ولدو كره المدارس هنا عشان الناس بتندرو عليهو وبشاغلوهو بي حكاية (( أي ييييييييي يازول)) غير الحاجات التانية.
اضيف لي ذلك المناهج العربية حشو ومرهقه لزهنية الطالب في مواد ما بستفيد منها.
كمان عشان تلقي قبول المسألة صعبه جدا.
هذا لا يعني الزول اقع طوال المدارس الاجنبية ليها برضو احتياجات ومن ضمنها وتعتبر الاحتياج الاساسي:
عايزه ليها زول متفرغ للمتابعة وبما ان الوالد بكون مشغول فهي الوالده
ايضا من الاساسيات لازن المدام تكون لغتها الانجليزية ممتازة والوالد ايضا رغم عن أن الاحتياج له بسيط في المتابعه
لو اتوجدت الحاجة دي قطع شك ولدك او بتك لما احصلو G4 ما بحتاجو ليك بكون دربهم مرق وبكونو الحوار الغلب شيخو ...عندي واحد في G5 وصل مرحله بقينا نخاف نراجع معاهو لا أنا لا امو خريجة اللغة الانجليزية.
المسألة من اولها متعبه وعايزة متابعة شديده لي قدام بترتاح
اي استفسارات اخوك ليهو 7 سنوات في المجال
تحياتي وتقديري
| |
|
|
|
|
|
|
|
|
|
Re: المدارس العالمية ما لها وما عليها (Re: عباس الدسيس)
|
حمد وضيوفه
بعد السلام،
* المدارس السعودية مشاكلها كتيرة، تبدا بالقبول، ولا تنتهي بحشو المقررات، والبيئةالمدرسية،
* ثم لا يعقل ان تكون درست ذات المنهج او شبيهه ثم ياتي بعد كم وتلاتين سنة وربما اربعين، ياتي ابنك او بنتك ليدرس ذات المنهج
اعتقد ان هذا ضد حركة المستقبل وكل ذا الديجيتال الذي يطوف الفضاء حولنا،
* تبدا المسالة كما قال عبس صعبة جدا ثم تدريجيا تسهل، ثم خلاص الحوار الذي غلب شيخه، او كما قال صديقي الدسيس عليه سلام؛
*العب الاكبر يقع على الام، وبالتالي لابد لها ان تكون دارسة فوق الثانوي، الاب بحكم مشغولياته فهو في الغالب خارج البيت
ولكن عندما يعود ينبغي ان يكون بعرف ليساهم برضك،
* الرسوم باهظة جدا خاصة لو لك اكتر من طفل، بس المردود ممتاز
* جاهزين لاي اسئلة، خبرة 6 سنوات،
* عموما المسالة برمتها تحتاج لمجهود مصني، ولكنها رسالة،
| |
|
|
|
|
|
|
|
|
|
Re: المدارس العالمية ما لها وما عليها (Re: عباس الدسيس)
|
| Quote: أنا خايف من الموضوع دا شديد |
والله يا حمد الشغله ما ساهلة
يااخى الولد يادوب فى 1
جانى قبل كم يوم شايل كتاب الفرنسى وبسألنى من حاجه فيهو ؟
يعني ده هسع يقولو ليه شنو ؟
طبعا مدارس ممتازة وبتظبط الشفع تمام
لكن ده درب لو الواحد\ دخل فيهو الا يواصل
فالقروش كتيرة .. والمناهج صعبه وعاوزة متابعة شديد
وربك يسهل
| |
|
|
|
|
|
|
|
|
|
Re: المدارس العالمية ما لها وما عليها (Re: وضاح عبدالرحمن جابر)
|
| Quote: لخلانا ناجأ ليها ومن الاسباب المهمة المدارس العربية بتقتل شخصية الطالب أوالابن لا يجدالتعامل الجيد وكثرة المشاكل تصدق واحد صاحبنا ولدو كره المدارس هنا عشان الناس بتندرو عليهو وبشاغلوهو بي حكاية (( أي ييييييييي يازول)) غير الحاجات التانية. |
والله يا عباس ده السبب الخلانا نركب الطريق الصعب
قريبي خلا السعودية كلها عشان القصص دى واستقر فى السودان عشان المدرسة
المدارس الحكومية بقت طارده وعنصرية ومعامله غير كريمة (غير الحاجات التانية الانت قاصدها دى )
المدارس الاهلية غالية ومناهج تعبانه
مدارس سودانية ما في (..)
اها والحل شنو
| |
|
|
|
|
|
|
|
|
|
Re: المدارس العالمية ما لها وما عليها (Re: وضاح عبدالرحمن جابر)
|
مراحب
وضاحة
| Quote: و فنشوكم بقدروا يقروا تانى في السودان باللغة العربية |
هسة في داعي ؟ عينك للكشات حائمة في رأسنا يعني لازم تذكرينا
تعرفي أنا أمس قريت مداخلتك دي ولاوزت لي وقلت ما برد في البوست دا إلا أرجع البيت
دخلت البيت وقلت للمدام هسة لو مشينا من السعودية الاولاد ديل نقريهم كيف في السودان
قالت لي المدارس الأجنبية على قفا من يشيل الغالي في وقدر ظروفك في
قالت في مدني في مدرسة رسومها مليون جنيه بس في السنة
أن بعتبرها معقولة
بعدين يا وضاحة نحن الدنيا دي اتعلمنا بالغصب إنو ما نحسبها كتير زي ما تجي تجي والمكتوب بحصل
| |
|
|
|
|
|
|
|
|
|
Re: المدارس العالمية ما لها وما عليها (Re: حمد عبد الغفار عمر)
|
نحكي عن التجربة في السعودية
بالنسبة للمدارس العالمية عليك ان تسلك طريقين والثالث ممكن مؤقتا
الطريقين هما المنهج البريطاني او الامريكي
بالنسبة للمدارس فمعظمها تحت اشراف وزارة التربية و التعليم بالسعودية لكن دي تعتبر مشكلة بسيطة جدا جدا
كثير من المدارس تجد مكتوب عليها منهج بريطاني و لكن في حقيقته من الممكن يكون منهج باكستاني او هندي
فمسالة المنهج من الضروري التركيز عليها و بخاصة مواد اللغة الانجليزية و العلوم و الرياضيات بمعنى انك
لا تعتمد على اللوحة المكتوبة عند باب المدرسه .......................
بعد ان تمحص جيدا في المنهج يأتي التمحيص في الاساتذة بطريقتك الخاصة يجب ان تتعرف على قوة المدرسين
و تاهيلهم وهذه طبعا من الصعوبة التعرقف عليها و يمكنك الاستعانه بأولياء الامور عند ترددك للمدرسة و تتجازب
معهم اطرلف الحديث و بخاصة السودانيين و المصريين يمكن ان يفيدوك بجودة المدرسين من عدمها
ومن بعد ياتي دور مهم و لا يغفل عنه وهو اللغة العربية و التربية الاسلامية و القران فهي مهمة جدا جدا
وهذه تجدها في المدارس التي تعتمدها الوزارة في قبول السعوديين فهي شرط اساسي لقبول السعوديين
فتجد مادة اللغة العربية و جميع مواد التربية الاسلامية تدرس في هذه المدارس مع شوية دفرة منك الحال بيمشي فيها
بكل تأكيد المدارس الجيدة وتتوافر فيها كل المقومات غالية جدا فهي الخيار الافضل و الاصعب من الناحية المادية
اما الخيار الثالث في المدارس الهندية و ما شابهها
فهي بطبيعة الحال ضعيفة جدا و لكن لدي ملاحظة مهمة و بتكون قوية في مرحلة ال KG يعني ممكن السنتين او الثلاث
بتاعين ال KG يدرسهم في هذه المدارس و من ثم التحويل دا طبعا اذا كنت عايز توفر
اكبر المشاكل عدم استقرار هذه المدارس بأستثناء بعض المدارس ذات الاسعار العالية
والله ولي التوفيق
خبرة 8 سنوات
| |
|
|
|
|
|
|
|
|
|
Re: المدارس العالمية ما لها وما عليها (Re: طارق ابراهيم ابوالفضل)
|
الأخ / حمد
لها الكثير من إلإضافات للطالب من حيث المعلومات
والتأهيل وسعة ألأفق والمواكبة علميا رغم كثافة
المنهج وتحتاج لمجهود أسرى شاق فى البداية فى KG
وسنتينGrde فقط بعداك بتحس بقيمتها .
عندى واحد درس حتى رابعة منهج سودانى وقمت بتحويله
للمنهج البريطانى بعد تأهيل مكثف فى الإنجليزى
ودراسته للمقررات السابقة فى المنهج البريطانى
وبفضل الله هسى فى Grade 6 ومتفوق جدا .
المسألة بتحتاج مجهود البيت والمساعدة خاصة
اللغة العربية للملتحقين من البداية بها
مع التقدير ،،،
| |
|
|
|
|
|
|
|
|
|
Re: المدارس العالمية ما لها وما عليها (Re: حمد عبد الغفار عمر)
|
الاستاذ / حمد وضيوفه
نشكرك على هذا الموضوع الهادف والذي يمثل لنا اهمية كبري .
لقد اطلعت على كل المداخلات واحترام جميع الاراء .
وسوف يكون لي مداخلة قريبا .
من ناحية كان لي بوست قبل اكثر من سنتين بعنوان ايجابيات المدارس العالمية وسلبياتها ولظروف ما لم استطيع مواصلة الموضوع
المدارس العالمية إيجابياتها وسلبياتها
المدارس العالمية رغم اهميتها وما تقدمه للطالب ولكنها مصدر ضغط للعائلة من الناحية الاكاديمية والمادية ، ارتفعت اليوم رسوم تلك المدارس مع نقص الخبرة لعدد كبير من مدرسيها ، سوف احكى لاحقا تجربتى مع احد المدارس العالمية وسوف استشهد بوقائع عملية .
مع احترامي
| |
|
|
|
|
|
|
|
|
 Re: المدارس العالمية ما لها وما عليها (Re: فتح العليم محمد أبوالقاسم)
|
السلام عليكم ورحمة الله
Quote: المدارس السعودية مشاكلها كتيرة، تبدا بالقبول، ولا تنتهي بحشو المقررات، والبيئةالمدرسية،
* ثم لا يعقل ان تكون درست ذات المنهج او شبيهه ثم ياتي بعد كم وتلاتين سنة وربما اربعين، ياتي ابنك او بنتك ليدرس ذات المنهج
اعتقد ان هذا ضد حركة المستقبل وكل ذا الديجيتال الذي يطوف الفضاء حولنا، |
كلام غريب جداً عن أي مدارس سعودية تتكلم ؟
بمناسبة ( ذا الديجيتال): هل اطلعت فعلا على مقررات العلوم والحاسب والرياضيات ؟
أم بنيت اعتقادك على خيال؟
| |
|
|
|
|
|
|
|
|
|
Re: المدارس العالمية ما لها وما عليها (Re: Mohamed E. Seliaman)
|
Quote: والله يا عباس ده السبب الخلانا نركب الطريق الصعب
قريبي خلا السعودية كلها عشان القصص دى واستقر فى السودان عشان المدرسة
المدارس الحكومية بقت طارده وعنصرية ومعامله غير كريمة (غير الحاجات التانية الانت قاصدها دى )
المدارس الاهلية غالية ومناهج تعبانه
مدارس سودانية ما في (..)
اها والحل شنو |
وضاح سلام يا حبيبنا
لو امكانياتك كويسه والمتابعه في البيت برضو كويسه اقع العالمية
المدارس الاهليه لا تختلف عن الحكومية ياهو نفس المنهج وكمان بتلقي فيها نوعيه اخري من الطلبه الاهلهم عندهم قروش ديل اخير منهم ناس الحكوميه.
العالمية فيها انضباط وعدل بين الطلبه وبتقوي شخصية الولد والمجتمع كلو جابتنا الطيارة غ
ير الدراسة من الاشياء المهمة الابناء ما اشعرو بي الدونيه وهم اقل من غيرهم وانت عارف مجتمع الطلبه مشاكلو كثيرة.
| |
|
|
|
|
|
|
|
|
|
Re: المدارس العالمية ما لها وما عليها (Re: عباس الدسيس)
|
خالد ادم عمر من الفيس : بيسأل عن القبول للجامعات السودانية ؟
سوف اجيب على حسب علمي و ليس بتجربة
اولا بالنسبة للمنهج الامريكي ( السات ) لا علمي لي به
اما بالنسبة للبريطاني = IG= فهناك ظلم كبير لأصحاب هذه الشهادات من حيث المعادلة
فتخيل A* تعادل 93% فقط وكيف ستافس بها الشهادة السودانية لعمري هذا ظلم ماحق
وعندها لا تجد امامك سوى القبول الخاص وتدفع ما تروى
ويمكن الاستفادة من اصحاب التجارب
| |
|
|
|
|
|
|
|
|
|
Re: المدارس العالمية ما لها وما عليها (Re: عباس الدسيس)
|
Quote: وضاح سلام يا حبيبنا
لو امكانياتك كويسه والمتابعه في البيت برضو كويسه اقع العالمية
المدارس الاهليه لا تختلف عن الحكومية ياهو نفس المنهج وكمان بتلقي فيها نوعيه اخري من الطلبه الاهلهم عندهم قروش ديل اخير منهم ناس الحكوميه.
العالمية فيها انضباط وعدل بين الطلبه وبتقوي شخصية الولد والمجتمع كلو جابتنا الطيارة غ
ير الدراسة من الاشياء المهمة الابناء ما اشعرو بي الدونيه وهم اقل من غيرهم وانت عارف مجتمع الطلبه مشاكلو كثيرة. |
سلام عباس
انا وقعت العالمية لى هسع اربعة سنين
بقصد فى كلامى انو دى الاسباب الخلتنا نتوجه للعالمية
تحياتي
| |
|
|
|
|
|
|
|
|
|
Re: المدارس العالمية ما لها وما عليها (Re: وضاح عبدالرحمن جابر)
|
الأخ / حمد عبد الغفار والمشاركين ........
كنا بالطبع نسعى الى تعليم أبناؤنا التعليم الجيد مع المحافظة على اللغة العربية والتربية الإسلامية .
هناك مدارس عالمية تعتمد اللغة العربية والتربية الإسلامية من المنهج السعودي مثال لذلك مدارس الحياة المضيئة في الرياض بشارع التخصصي - خلف ساكو ( ليس دعاية لها ) - بالإضافة للمنهج الأمريكي -هاردكوت .
اهم ملاحظة لدي - ومناسبة جداً للأمهات اللاتى بيذلن جهداً مقدراً مع أبناؤهن لمراجعة الدروس - أن كل مناهج المدارس الإجنبية موجودة بالإنترنت youtube + مواقع متخصصه لكل المراحل من Grade + KG
وما على ولي الأمر إلأ كاتبة إسم الدرس على اليوتيوب وتجد أكثر من خيار -- ولي الأمر يستوعب الدرس جيداً ويمكن إعادته للطالب أكثر من مره متى شئت .
وبالتالي يتم الإستفادة من الوقت والجهد في المذاكره للطالب والمراجعة مع الطالب بلغة سليمه وولي الأمر برضو يتعلم ويتحسن مستواه -- حتى تعليم اللغة الفرنسية بنفس الطريقة السهله والشيقه .
| |
|
|
|
|
|
|
|
|
|
Re: المدارس العالمية ما لها وما عليها (Re: ahmedona)
|
محب عباس الدسيس
صحيح في قليل جدا من الناس قد يعتبروها مجرد وجاهة وبرستيدج
بس من الصعب الحكم هكذا وتحديد من هو المتفشخر
المسألة مرات بتكون رغبات دفينة جدا لدى البعض لأن يكون مسار حياة أبنائهم غير مسار حياتهم هم الآباء
المدارس الحكومية دي حتأزم أولادك وتأزمك إنت معاهم ، نحن ممكن نتفهم دواعي المضايقات دي لكن هو حيفهم كيف ؟
أديك مثال حي للفشخرة:
كنت في القصيم شغال لي في شغل سخيف خلاس ما كان عندي وقت أبدا لمواصلة الاسر
بعد شوية شعرت إنوا أولادي ما حيتعلموا الكلام بالطريقة دي لأنو مافي تواصل مستمر مع أطفال
قلت للمدام الوضع دا لازم يتغير تنزلوا إجازة السودان أنتو تقعدوا سنة وأنا أمشي الرياض محل الطيارة بتقوم طوالي
لحدي ما أستقر فيها بشرط إنو انت في الفترة دي تدخلي الاولاد ديل روضة عشان يتعلموا اللغة العربية السودانيةعلى أصولها
مشت ولقت قريبتها نزلت قبلها عندها نفس مشكلة الكلام دي ومدخلة أولادها في روضة إنجليزية
النارية إنطلقت فيها تيف رفعت التلفون وقالت لي في روضة إنجليزية عايزة أدخل فيها الاولاد ديل
قلت ليها لا وألف لا تشوفي أغبش روضة في مدني وتدخليهم فيها المهم عملتها على مضض
بعد شهر قريبتها جات لقت ليك الاولاد ديل بطقطقو في الكلام زي الترتيب واولادها لسة
طوااالي قالت ليها والله روضة أولادك دي سمحة أنا بطلع أولادي من الروضة الإنجليزية وبجيبهم مع أولادك
من ديك أنا تأكدت إنو الواحد ما يصدق أي مشروع حضاري حائم في البلد دي
| |
|
|
|
|
|
|
|
|
|
Re: المدارس العالمية ما لها وما عليها (Re: حمد عبد الغفار عمر)
|
هلا عبد المنعم الطيب
كلامك معقول وأضيف إنو التحديات المواجهة الشباب ديل بتختلف مننا زمان
نحن زمان غاية طموحنا إنك تفهم الكيمياء والفيزياء وتعرف إنجليزي
الآن الوضع مختلف تماما مع ثورة المعلوماتية والإجهزة المصاحبة ليها
مع عدم وجود ترجمة عربية جيدة ومواكبة للتطور في المجال التقني
لذلك يبقى أمر حتمي معرفة اللغة الإنجليزية والتمرس عليها برغم صعوبة المشوار وضيق الزمن بالنسبة للآباء والأمهات
| |
|
|
|
|
|
|
|
|
|
Re: المدارس العالمية ما لها وما عليها (Re: ahmedona)
|
اقول ليكم وما تضحكو فيني؟؟
طبعاً انا أحسن زول بتاع نظريات ووهمات ..
فهمي للمدارس في مرحلة ال KG إنو مفروض ما اضغط الأولاد ..
صاح وديتهم مدارس عالمية لكن قصة المساككة والشدة والمتابعة في التدريس دي شايفا مرهقة لي طفل عمرو من 3-5 سنوات..
صاح الطفل في المرحلة دي مخو نضيف وبيقدر يستوعب أي شي تديهو ليو لكن ياخ انا بشوف لسة الراجيهو لي قدام كتيير فما ممكن من عمر 3 سنوات تحرمو من طفولته وتبدا تحشي ليو راسو قراية قراية ومقررات وكلمات و و ..
وهمتي تعتمد على إنو مفروض في ال KG الطفل يفهم إنو في حاجة إسمها مدرسة وفصل وأستاذ ..ومفروض يصحى من الصباح يمشي للمدرسة دي ويجي راجع منها اطناشرات و1حدات..
مفروض يفهم فيها كيف يتعلم احترام الاستاذ وكيف إنو ح يكون وسط مجموعة اصحاب ..
القراية انا شايف إنها ملحوقة ولو ما في ال KG في ال Grade بيلحقا ..
صاح في فلسفة بتاعت الساس وابدا معاهو صاح بيكمل براهو و و و ..لكن انا شايف انو حرام ياخ طفل عمرو 3 سنوات نزحمو قدر ده..
الأخطر والخلاني أقول الكلام ده لأنو إكتشفت إنو انا لمن اجي اقري واحد من اطفالي بفترض فيهو انو مفروض يكون بيعرف يمسك القلب ومفروض بكل سهووولة يكتب لي ون وتو وثري صحيحات بدون كعوجة ..
ونحن الواحد فينا مع ضغط الشغل بيقوم يزهج من الطفل ويبدا يتعامل بشدة معتقد إنو كده بيقدر يخلي ولدو يتعلم وبننسى إنو ما هو إلا طفل صغييير مفروض في مرحلة زي دي يكون مستمتع بي حياته ..وما بعيد بعد شوية يكره ليك القراية ..
النصيييحة الأطفال مدهشين بمعنى الكلمة بيفاجئوك بي عقلية عجيبة وطريقة تفكير تديك إحساس إنو طفلك ده أكبر منك ..
يلا كده إنتهيت من الوهمة ..أجيكم لي الفلسفة ..
السؤال البيتبادر لي كنكوجي هل من المنطق صرف مبالغ طائلة على طفل في تعليم قبل المدرسي بل وحتى المدرسي في مراحله الأولى؟؟
متوسط اسعار المدارس العالمية 15 الف ريال ..يعني لو قررت تدخل طفلك من KG1 لي KG3 قبل ما يدخل المدرسة انت بتكون دفعت 50 الف ريال (مصاريف دراسة ولبس و و )
50 الف ريال وانت بتقول يااا هادي !!!!؟؟؟
مع ملاحظة إنو انت بتكون على قناااعة إنو البيت بيدرس الولد أكتر من المدرسة يعني مفروض الأم تديها 30 الف ريال من ال 50 دي مش المدرسة!!!
طيب تعالوا نشوف لو قريت الولد منننن KG لحددددي سنة تالتة ثانوي في الانترناشونال اسكولز دي وقوووم كده جيب 99% و مشيت تقرا لي جامعة الخرطوم طب يا هندسة ..!!!!كلللل الصرف ده وفي النهاية جامعة سودانية ؟؟؟؟!!!!!
بالمقابل يكون في واحد كان بيقرا في مدرسة الحارة 56 لكن كل الحصل إنو ابوهو ذات إجازة فقس ولدو ده امريكا أو بريطانيا والولد عندو الجواز وقااام كده بعد امتحن مشى درس الجامعة في اكسفورد !!!
المعادلة ح تكون بسيييطة بعد ما يطلعوا الاتنين لي سوق العمل ..بتاع اكسفورد يكسب !!!!
اذن السؤال ؟؟؟
هل تصرف على ولدك من ال KG لحدددي امتحان الشهادة ثم تتركه للجامعات السودانية ؟؟
ولا تقري ولدك بالحد المعقول وتلم ليهو قروش لحدددي ما يكبر وتسفروا يقرا في جامعة انجليزية محترمة ؟؟؟
تخريمة :
يا حمد عليك الله ما تضحك فيني اقرا واسكت ياخ :) :)
| |
|
|
|
|
|
|
|
|
Re: المدارس العالمية ما لها وما عليها (Re: عمر الفاروق)
|
Quote: هل تصرف على ولدك من ال KG لحدددي امتحان الشهادة ثم تتركه للجامعات السودانية ؟؟
ولا تقري ولدك بالحد المعقول وتلم ليهو قروش لحدددي ما يكبر وتسفروا يقرا في جامعة انجليزية محترمة ؟؟؟
تخريمة :
يا حمد عليك الله ما تضحك فيني اقرا واسكت ياخ :) :) |
يا زول ضحك شنو ؟!!!
دى المعادلة اللى هسع بفكر فيها لى سنه وما لقيت ليها حل
ههههههههههههههههههه
تعرف معاى واحد ودعمنا كده كل مرة يحسبها لى ويقول ليها لو لميتها ليهم للجامعه يكون احسن
ودخلهم اى مدرسة ووجهه نظرو انو اى واحد هسع بقرا جامعه بالقروش وامور بتظبط
ويديك امثله هسع ود فلان ما شفتو جاب 50 وبقرا طب فى وين كده ما عارف
وود علان جاب 60 وهسع بقرا وين ما عارف
اها دى يحلوها كيف يا عمر
| |
|
|
|
|
|
|
|
|
|
Re: المدارس العالمية ما لها وما عليها (Re: وضاح عبدالرحمن جابر)
|
Quote: هل تصرف على ولدك من ال KG لحدددي امتحان الشهادة ثم تتركه للجامعات السودانية ؟؟
ولا تقري ولدك بالحد المعقول وتلم ليهو قروش لحدددي ما يكبر وتسفروا يقرا في جامعة انجليزية محترمة ؟؟؟
|
عمر الفاروق سلام
معقوله الواحد اصرف علي الولد وفي النهاية اقابض الجامعات السودانية
لو بالفكرة دي احسن من اول اخليهو مع ناس ...أيييييييييي يا زول... وبرضو بدخل جامعات سودانية بل بفرص احسن
وبعدين وينا الجامعات السودانية ؟؟؟؟
الدراسة في العالمية مفروض يكون مخطط ليها اتجاه تاني وتنسي حكاية السودان العالم ملان جامعات وبفرص احسن ومبالغ لو ما اقل بتكون كمبالغ الجامعات السودانية.
تحياتي وتقديري
| |
|
|
|
|
|
|
|
|
|
Re: المدارس العالمية ما لها وما عليها (Re: عمر الفاروق)
|
Quote: كلام غريب جداً عن أي مدارس سعودية تتكلم ؟
|
يبدو انك فهمت كلامي خطأ،
Quote: هل اطلعت فعلا على مقررات العلوم والحاسب والرياضيات ؟
أم بنيت اعتقادك على خيال؟
|
لقد عملت اكتر من عشر سنوات متواصلة استاذا لمادتي الفيزياء والرياضيات
للمرحلة الثانوية في المملكة العربية
السعودية،
| |
|
|
|
|
|
|
|
|
|
Re: المدارس العالمية ما لها وما عليها (Re: فتح العليم محمد أبوالقاسم)
|
بعد اذنك يا حمد مشاركات من الفيس :
Quote: خالد كبوش · التسامح والمحبة
عندى بنت عمرها اربعة سنين فى كجى ون يوم تمشى ويومين تدك تعبت من الانجليزى وانا قلت اخليها على راحتها اصلى انا دخلت المدرسة بعد سبعة سنين لكن كان فى خلوة لكن الرسوم كسر ظهر
رد · 2 · أعجبني · متابعة المنشور · 9 نوفمبر، الساعة 06:50 مساءً |
Quote: Muna M Eltom · Clinical psychotherapist and hypnotherapist. PHD, Head Dept. في American University of Sharjah
قرار عمري ماندمت عليه خاصة مع الضحالة في المناهج العربية والسودانية والحشو الفارغ ---------- المنهج البريطاني بالذات بيحتاج لمجهود أسرى شاق فى البداية خاصة من ناحية الأم ---ومش القصة قصة فراغ وعدم شغل " لاني شغاله والحمد لله" القصة قصة صبر ---وبالجد لازم الام تكون ملمة باللغه الانجليزية والفرنسية --او تشد حيلك وتجيب اساتذه خصوصيين وده محتاج لقروش ذياده ---------بس للطفل الاول -لانه ده لو اساسه سليم يساعد الباقيين ------------ولدي الاول خلاص دخل الجامعة والباقي على دربه سائر ---أتوكل وواصل وما ح تندم
|
Quote: Yousif Amin · الأكثر تعليقا
عيدا عن التجارب التقليدية توضح الدراسات أن التعلم باللغة الأم هو الأكثر فائدة للطالب من الناحية المعرفية والنفسية ويساعد في توسيع دائرة افقه وخياله مما يحقق مساحة واسعة للإبداع عنده، فنفسيا تجده يكتسب بشكل تلقائي العادات الاساسية المشتركة عند الدول ذات العادات المتقاربة دينيا وثقافيا واجتماعيا، وعلميا يتركز مجهود الطالب في تحصيل العلم والمعرفة ويستفيد من الوقت الذي يضيعه في تعلم اللغة الاجنبية بل قد تصله بعض المفاهيم العلمية بشكل خاطيء تماما بسبب محدودية الخيال اللغوي عنده. كذلك من المهم معرفة أن الجانب الأكاديمي ليس هو الجانب الأساسي في هذه المرحلة بل الأهم هو الجانب التربوي، ويستطيع الوالدان بمجهودهما ان يغرسا الثقة في نفس الطالب منذ الصغر أيا كان المجتمع الذي فيه الطالب هنا نقطة خطأ شائع هو أن الكبار يضعون صورا في أذهانهم لمجتمع الاطفال بعقلية الكبار وهذه النقطة يجب معالجتها عن طريق دراستها بشكل علمي والإستعانة بالمتخصين تماما فمجتمع الأطفال تماما كما طب الإطفال علما قائما بذاته وهذا يتطلب تفرغ الأسرة وصبرها وتبحرها في العلوم التربوية الأساسية.
وعملية إنبات المفاهيم والعادات الخاصة بالمجتع عند الطالب اهم من مسألة التحصيل العلمي والأكاديمي في هذه المرحلة فالمهم هو التركيز على غرس مفاهيم التربية والإخلاق والمسؤولية والثقة حتى يتخرج الطالب ناضجا نفسيا وعاطفيا حتى يتمكن من مجابهة الحياة بكل عقباتها. فنجد أن الطالب المستعد نفسيا ينجح في حياته المستقبلية اكثر من الطالب المتفوق علميا ذو الإستعداد النفسي الضغيف في كل مناحي الحياة سواء من الناحية الإجتماعية أو العملية أوالتطور العلمي والأكاديمي في المستقبل. وقد ينفق الطالب غير المستعد نفسيا وقتا كثيرا من حياته في المستبقل في الصراعات النفسية والإجتماعاية وأحيانا تكون نتائج هذا الصراع وخيمة.
|
Quote: Modthier Hassan · Business school
الحمد لله عندى تلاته لكن الوليه جابت الروووب من القرايه اولادك او بناتك فعلا بتلاحظ حتى فى افكارهم افضل والمنهج البدرسو للاول بختلف لمن اجى اخوه فى نفص الفصل يعنى الناس ديل ماشين مع التطور فى المناهج تجربه صعبه بس الارهاق المادى والذهنى للوالدين
|
Quote: Khalid Adam Omer
ماذا عن تقيم شهاداتهم عند التقديم للدراسة بالجامعات السودانية ؟؟
العندو تجربة يفيدنا
|
| |
|
|
|
|
|
|
|
|
|
Re: المدارس العالمية ما لها وما عليها (Re: وضاح عبدالرحمن جابر)
|
طارق إبراهيم
مشكور كتير على المداخلة التنويرية دي
ومنكم نستفيد نرجو إنو الناس تواصل في شرح مختلف الجوانب المتعلقة بالموضوع لفائدة الناس عامة
أنا لحد هسة البوست دا أنار لي كتير من الجوانب .
يا جماعة أنا عرفت إنو المنهج الأمريكي بتواجهو مشكلة في السودان الظاهر أنو الطالب بيخضع لإمتحان قدرات أو معادلة أو نحو ذلك نرجو تسليط الضوء
| |
|
|
|
|
|
|
|
|
|
Re: المدارس العالمية ما لها وما عليها (Re: حمد عبد الغفار عمر)
|
اخوي حمد
حسب علمي بالنسبة للمنهج الامريكي عند التقديم للجامعات مطلوب منك
اولا الدبلومة الامريكية ودي ممكن تدخل امتحانها من G9 ومن بعد مطلوب
شهادات المدرسة من G9 الى 12 يعني لازم تكمل 12 سنة
و بعد داك بيعادلوا ليك الشهادة ودي ما عرف كيف بتتم يا ريت واحد مجرب ينور الجميع
| |
|
|
|
|
|
|
|
|
|
Re: المدارس العالمية ما لها وما عليها (Re: طارق ابراهيم ابوالفضل)
|
مرحب جمال مصطفى
المسألة عايزة مجهود كبير جدا وإستعداد قبل المراجعة مع الاطفال
يعني لازم تعرف أول حاجة إنت عايز تشرح شنو وتعرف معاني الكلمات الغريبة
لأنو الأطفال ديل حساسين بشكل مبالغة والرأي الإنطباعي جاهز عندهم ولو ما وثقوا إنك عارف تاني ما بقتنعوا بتدريسك ليهم
أمس سألتني البنت عن أصبع الخنصر بالإنجليزي والله لحدي ما انخلعت وقلت ليها في سري هسة أعرفو ليك كيف دا ؟
المهم قلت ليها أمشي جيبي موية وقوقل كان فاتح قدامي بسرعة لقطوا وفتيتوا ليها
المقررات مشجعة للمعرفة وجاذبة مع الصور والتلوين
ربنا يوفق
| |
|
|
|
|
|
|
|
|
|
Re: المدارس العالمية ما لها وما عليها (Re: د.محمد حسن)
|
مرحب عبد العليم محمد
البوست بتاعك بدايتو جميلة
أما بخصوص الرسوم رغم إنها بتشكل مشكلة طبعا وضغط زيادة بس ممكن تكون مجال تضحية مقابل دراسة ممتازة تفتح آفاق للطالب
الخطورة هي ضعف الكادر التعليمي وهسة هنا في السعودية مع ضوابط الإقامة الجديدة دي الموضوع ممكن يكون حصل فيهو خلل الناس ما شاعرة بيهو يظهر قدام
شيء تاني في ردم واجبات منزلية مبالغة يعني 50 % على الأسرة بالإضافة إلى الطلبات الكتيييرة دي
شيء صور فواكه وخضروات ولعب وكتير ياخ
نقول ربك يستر
| |
|
|
|
|
|
|
|
|
|
Re: المدارس العالمية ما لها وما عليها (Re: حمد عبد الغفار عمر)
|
مرحب محمد الحسن سليمان
المنهج السعودي فيهو تضخيم (بدلا عن حشو) للمقررات
مثلا أنا شفت كتاب الكيمياء للصف الثاني ثانوي فيهو كيمياء تعادل كيمياء الصف الأول والثاني وجزء من الصف الثالث (السودان) مجلد عديل كدا
نوعية المنهج ما أقدر أقول فيها رأي لكن كميا مبالغة
| |
|
|
|
|
|
|
|
|
|
Re: المدارس العالمية ما لها وما عليها (Re: حمد عبد الغفار عمر)
|
هلا بيك أحمدونا
| Quote: اهم ملاحظة لدي - ومناسبة جداً للأمهات اللاتى بيذلن جهداً مقدراً مع أبناؤهن لمراجعة الدروس - أن كل مناهج المدارس الإجنبية موجودة بالإنترنت youtube + مواقع متخصصه لكل المراحل من Grade + KG |
دي معلومة كويسة جدا وممكن توفر جهد كتير
بس المنهج الأمريكي دا أنا سمعت قالوا فيهو مشكلة في السودان ما عارف لو عندك خلفية تنورنا عن الموضوع دا
| |
|
|
|
|
|
|
|
|
|
Re: المدارس العالمية ما لها وما عليها (Re: حمد عبد الغفار عمر)
|
أهلا عمر الفاروق
أضحك عليك كيف ياخ أنا فجأة كدا لقيت الأولاد ديل مفروض يخشوا المدرسة وتعال شوف المحينة لكن في بالي يقروا منهج بريطاني
| Quote: ولا تقري ولدك بالحد المعقول وتلم ليهو قروش لحدي ما يكبر وتسفروا يقرا في جامعة انجليزية محترمة ؟؟؟ |
إنجليزية شنو ؟
أنا كتير جدا بفكر زي تفكيرك دا لأنو المسألة دي لحدي ما تخلص الرأس بيكلفك قريب 300 ألف ريال طيب ياخ لو أشتريت ليهو بيها قطعة أرض وقريتو عايدي ويتخرج من الجامعة يلقى قدامو قطعة أرض والله يشكرك شكر مبالغة
بعدين يا عمر نحن موزونين على دكتور ومهندس دي ودا المأزمنا يعني انت هسة بتعاين لي ولدك وكل ما تمر بمستشفى الشميسي تقول الله متين يا محمد تكبر تجي تشتغل لي هنا
هسة انا بتي بترسم رسم مبالغة عديل ويمين من هسة لو عايزة تمشي المجال دا ما عندي أي مانع أقل شيء تمتع نفسها وتمتعنا معاها ياخ
أها زي دي ما بتكلفك أي حاجة وتبعدك من الضغط الذهني والمراجعة والبلاوي دي
| |
|
|
|
|
|
|
|
|
|
Re: المدارس العالمية ما لها وما عليها (Re: د.محمد حسن)
|
يا دكتور محمد الحسن
التعييطة حاصلة هسة قالوا في اختبارات يوم 17 شيل شيلتك
من حيث اللغة إنت عارف أخوك ما عندو مشكلة بس الزمن من وين بيشترو
محمد قبيل قال لي أنا ما عايز مدرسة دي متعبة جدا هو قايلها لعب وقومة وقعدة
بس بيني وبينك الشغلانة كترت عليهم ياخ واجبات تمحن
| |
|
|
|
|
|
|
|
|
|
Re: المدارس العالمية ما لها وما عليها (Re: حمد عبد الغفار عمر)
|
| Quote: هسة بتعاين لي ولدك وكل ما تمر بمستشفى الشميسي تقول الله متين يا محمد تكبر تجي تشتغل لي هنا |
ما ح تصدقني يا حمد .. انا بعاين لي ولدي ده لاعب كورة اااد الدنيا لو بي المعاينة :) :)
ياخ انا كنت جادي جدا انو يقرا في اسباير بتاعت الكورة ديك الفي الدوحة بس للاسف في الرياض هنا ما عندنا واحدة زييها ..
انت عارف ماديا كده انا عندي نظرية في الدكاترة بقول ليهم الدكتور ده قروشو بيستمتعوا بيها اولادو مااا هو ..
ياخ لحدي ما يعمل الامتياز والخدمة والتخصص ويكمل امتحانات ويعمل عيادة ويبقا زول دكتور مشهووور بيكون عمرو بقا زي 60 سنة ..اها يعمل العمارة والعربات يقوم يموت بعد خمسة سنوات يجو اولادو يتجدعو بي قروشو :):)
| |
|
|
|
|
|
|
|
|
|
Re: المدارس العالمية ما لها وما عليها (Re: عمر الفاروق)
|
يا حمد ، سلام
المهم عندهم ما لديكم من دراهم .
أنا جني وجن مدارس تحمل إسم شركة مثال ( شركة مدارس .......................... ) دي تجارة عديل .
ربنا يهون عليكم القواسي
مع تحياتي ( واحد مرتاح من فلقة المدارس الخاصة )
| |
|
|
|
|
|
|
|
|
|
Re: المدارس العالمية ما لها وما عليها (Re: ولياب)
|
| Quote: طالب المدارس العالمية يدرس المقرر الواحد مرتين في نفس السنة مرة باللغة العربية وأخرى باللغة الإنجليزية خصوصا في المستويات الأولية |
ما عارف الكلام ده بينطبق وين؟ يعني عشان نفهم .. بنحتاج تقول لينا بتتكلم عن ياتو دولة .... لأنو تجربتي مختلفة (في قطر) .... أنا جرّبت المدارس العربية والمدارس العالمية.
الدراسة في المدارس العالمية باللغة الإنجليزية والإنجليزية فقط. يدرس الطلاّب اللغة العربية (كلغة) والتربية الإسلامية كمادتين تفرضهما وزارة التربية والتعليم على كل المدارس. أما ما عدا ذلك (رياضيات، علوم ..... إلخ) فتدرّس باللغة الإنجليزية. الفرق بين المدارس العالمية، أن هناك مدارس تعتمد المنهج البريطاني وأخرى المنهج الأمريكي، وهذا موضوع آخر.
| |
|
|
|
|
|
|
|
|
|
Re: المدارس العالمية ما لها وما عليها (Re: عمر الفاروق)
|
شكرا لصاحب البوست و كل المتداخلين بأن اتاحو لنا فرصة النقاش
في هذا الموضوع الهام الذي يشغل بال الكثيرين ...........
ملخص القول : الحالة المادية لها الكلمة العليا و بخاصة في حالة وجود اكثر من ابنين
ضعف الكوادر من المدرسين في الفصول العليا (ام المشاكل ) والدروس الخصوصية ناااااااااااااااار
الجامعات في السودان معظمها يدرس باللغة العربية مشكلة لحد ما
القبول و معادلة الشهادات اجحاف و ظلم
المنهج السعودي منهج متطور سنويا و مواكب مشكلته في التدريس .هذا من الناحية الاكاديمية
اما من يتحدثون عن الحشو فنحن تعودنا على فقر مناهجنا و عليك مقارنته بالمنهج المصري كمثال
تجده ايضا مشابه للسعودي و هذا ربما يرجع لقلة الامكانيات عندنا في السودان
وفقنا الله واياكم
| |
|
|
|
|
|
|
|
|
|
Re: المدارس العالمية ما لها وما عليها (Re: طارق ابراهيم ابوالفضل)
|
الاخ/ حمد ،،، تحياتي
دخلت هذا المجال اي المدارس العالمية لتداعيات نجاح مبهرة لابناء اختي وتجربتهم كانت في السودان وليس بلاد الاغتراب وحينها كنت طالبا في الثانوية وابناء اختي طلاب في الكمبوني الجمب موقف الصحافة القديم داك وقت الزحمة ديك بتاعت المواصلات البتقعد لايص ومزازي الحافلات لاكثر من ساعتين وبعدها تركب بعد معاناة ولكن بعد ما دخلت الجامعة كنت ببرمج الرجعة مرات وقت اكون مدبرس من البركس في زمن ابناء اختي وهم راجعين من المدرسة ،، المهم كان التفوق من نصيبهم والله كانوا بتكلموا انجليزي نحنا برالمة في الجامعة كنا بنخجل منهم ،، قلت انقل هذه التجربة الناجحة لابنائي هنا في السعودية وبحمدلله البنت الكبرى الان في G 6 والوسط في G3 , والاصغر في G1 من ناحية تعليم والله المنهج بريطاني وممتاز ولكن بحس مرات انو هو اكبر من عمرهم ولكن والله العظيم لو في اي نقطة ملاحظة تكمن في المصاريف الدراسية العالية جدا الان انا بستثمر في هؤلاء واسأل الله ان يعوضني بتعليمهم خيرا ارى فيهم تلك الاحلام والتوقعات لانو والله رسوم دراستهم السنوية عبارة عن تكلفة طالب طب من اولى للتخرج في مامون حميدة ولا الرباط وكمان مع ايجار البيت ومصاريف الاعاشة في السعودية ومصاريف الاهل في السودان تلقى شهرك بالسالب وربنا يسهل على كلام وضاحة ما تجي هز او كشة ترجعنا السودان ونصبح وقتها لا طلنا بلح الشام ولا عنب اليمن
مودتي
الرحــال
| |
|
|
|
|
|
|
|
|
|
Re: المدارس العالمية ما لها وما عليها (Re: أشرف الرحال)
|
أستاذ حمد والدسيس وكل المرطبين هنا
أنا عندي بنتي نورا في قريد فور لكنهنا من الكى جي لما تجي تشيل الشنطة الا تندقر ليها في الواطة حتى تقدر ترفعها
والله أمس وديتها المدرسة شايلة كتب في يدها قلت ليها ليه ما دخلتيهم في الشنطة قالت بابا هي أصلا تقيلة ما قادرة أشيلا
الرسوم بندفع جزء كبير في بداية العام والباقي أقساط شهرية
أنا غير متخوف عليها من الرجوع للسودان ومواصلة الدراسة هناك
الله في هنا وهناك
والا كييييف يا عمك؟
| |
|
|
|
|
|
|
|
|
|
Re: المدارس العالمية ما لها وما عليها (Re: حمد عبد الغفار عمر)
|
شكرا حمد طرقك لهذا الباب والتحية للمتداخلين ،،
لى تجربة تعدت الثلاث سنوات فى المدارس العالمية فى المملكة العربية السعودية وفى حقيقة الامر أن هذا الإختيار فى حد ذاته " تحدى" بكل ما تحمل الكلمة من معنى ، هذا "التحدي" يكبر او يصغر حسب إختيارك لمستوى المدرسة ،فهنالك المدارس العالمية ذات الجو الأكاديمي والتربوي الجيد جدا وهى – كما هو معلوم- غالية جدا لا تتوافق رسومها إلا مع أصحاب الدخل العالي جدا بيد أنها مستقرة ونظامية بدرجة عالية.
نأتى الى المدراس العالمية الأقل مستوى . رسومها أقل بكثير فى حدود (6500 ريال) للسنة و تتوافق نسبيا مع من هم محدودي الدخل ويطمحون فى تعليم أولادهم تعليم أجنبي وهنا يأتى الفرق حيث أن الاخيرة لا تتمتع ببيئة مدرسية جيدة (من مباني الى فصول دراسية )إضافة الى أن من يعملون بها من مدرسين ومدرسات أغلبهم ليس لديهم التأهيل التربوي العالى وكذلك ليس لديهم الإستقرار الكافي – ويمكننا أن نلاحظ ذلك من خلال الإرتباك الذى حدث خلال إجراءات الفترة التصحيحية فى المملكة العربية السعودية فى الأيام الماضية – حيث أن جزء كبير من معلمات تلك المدارس (هنود ، باكستان ، أثيوبيين ...الخ) تعاقدوا مع هذه المدارس من الداخل ولم يستقدموا كمدرسين من الخارج لذلك تجدهم يقبلون بمرتباتهم أقل وضعيفة نسبيا ، غير أن –وللحق أقول – يبذلون جهد كبير جدا فى التدريس و المحصلة حسب تجربتى أعتبرها ممتازة والاهم أنهم يحرصون على الامور السلوكية ، ومستوى جيد من الإنضباط تحت إدارة متميزة ومناهج جيدة لكن ينقصها فقط إستقرار أكثر . ما أود أن أقوله – وحسب تجربتي وفى إشارة الى (التحدى المذكور) – أن 75 % من الجهد (متابعةً و مراجعةً) يقع على عاتق الأسرة (البيت يعنى) وهنا المحك الحقيقى الذى يجب أن يدركه كل من يرغب فى إلحاق أولاده بمدرسة عالمية ، بدون متابعة ومتابعة لصيقة يصبح الأمر مستحيل لكثافة المنهج ومستوى الواجبات التى تعطى للطالب وهذا يتطلب مستوى جيد للأم - بإعتبار أنها من تُوكل إليها هذه المهمة بشكل أكبر - فى اللغة الإنجليزية وبالذات نطق الكلمات ، كما يجب توفر جهاز كمبيوتر وإنترنت للترجمة وكذلك النطق ، بدون ما ذكر لا حاجة -لمن لا تتوفر لديه - الولوج لتلك المدارس .
وبالتركيز على المدارس ذات المرتبة الثانية والتى خلصنا إلى انها هى التى تناسبنا ، هنالك ميزة (بإعتبار أن الأغلبية العظمى هم سودانيين) أن – إضافة الى معقولية الرسوم- تم سودنة نهج الأقساط :) وأصبحنا كما يقولون (نجادعهم) وهى ميزة لا تتوفر فى المدارس الكبرى التى غالبا ما تطالب بمصاريف Term كامل.
المناهج بلا شك كثيفة وثقيلة جدا إبتداءً من KG1 ، وهنا يجب أن أوضح شئ بخصوص طريقة التحصيل ،حسب أصحاب الخبرة والتجربة تعتمد طريقة التدريس بشكل أساسي على الحفظ فى المراحل الأولى ويأتى الفهم فى المرتبة الثانية وهذه حقيقة ، عن نفسي هذه الكثافة أوصلتنى الى يقين أن بنتى وفى هذه السن إن إستطاعت فهم وتجويد المنهج بنسبة 60% أكون فى غاية السعادة ولا اطالبها بأكثر من ذلك.
فيما يختص بالمدارس الحكومية ومقارنة بالعالمية منها ، بلا شك الاولى لديها موارد أفضل واكثر رسمية وكذلك هنالك تطور فى المناهج وهى بديل مناسب – لمن يرغب- للمدارس العالمية خاصة للبنات ، فيما يختص بالأولاد لا أحبذ لاسباب تم ذكرها فى أحد المداخلات.
شخصيا تجربتى ناجحة وأتمنى أن أستمر .
تخريمة :
يا عمر الفاروق ياخى 15 ألف شنو ؟! كدى قول بسم الله
تعال لينا فى أبو الرخا
بخت ليك إسم المدرسة فى الخاص عشان ما تكون دعاية :)
تحياتي حمد
| |
|
|
|
|
|
|
|
|
|
Re: المدارس العالمية ما لها وما عليها (Re: طارق ابراهيم ابوالفضل)
|
| Quote: المنهج السعودي منهج متطور سنويا و مواكب مشكلته في التدريس .هذا من الناحية الاكاديمية |
المهنج السعودي لا شك متطور بفضل إهتمام الدولة به -- ولكن هناك مشاكل جديه في المدارس الحكومية :
- غرس روح عدم الجديه ولا مبالاه لدى الطالب .
- عدم جدية كادر التدريس والطالب .
- كثرة غياب المعلمين والطلاب .
- زرع الإحساس بالدونيه للطالب الأجبني بالمدارس الحكومية .
-----------
جاري سعودي معلم ثانوي (أحياء )- بعد ما شاف بنتي لابسه ملابس المدرسه - وقال لي أفضل شئ تفعله أن تبعد أبناؤك من المدارس الحكومية .
| |
|
|
|
|
|
|
|
|
|
Re: المدارس العالمية ما لها وما عليها (Re: حمد عبد الغفار عمر)
|
حبيبنا ولياب
Quote: ربنا يهون عليكم القواسي
مع تحياتي ( واحد مرتاح من فلقة المدارس الخاصة ) |
اللهم آمين
ياخ القواسي بقت أشكال وأنواع الواحد يقوم مزرزر مزرزر من الصباح لحي ما ينوم
وكل مرة الصامولة مقرطة أكتر
بعدين:
لن ترتاح يا ولياب
ما دام بقوموا الصباح وعايزين يمشو المدرسة ياها الفلقة
بس نحن عندنا ذات الفلقتين قومة صباح ودفع قروش
| |
|
|
|
|
|
|
|
|
|
Re: المدارس العالمية ما لها وما عليها (Re: حمد عبد الغفار عمر)
|
أبو الريش حبابك
ياخ أنا الكلام دا كتبتو بالعقل الباطني لأنو العندي ديل هسة بقروا منهجين عربي وإنجليزي
ثم ثانيا استدركت وقلت عن تخوفي من وجود مواد إضافية بالعربي تفرضها وزارة التربية السعودية
بالتأكيد المنهج لقدام كلوا إنجليزي ما عدا العربي والدراسات الإسلامية
| |
|
|
|
|
|
|
|
|
|
Re: المدارس العالمية ما لها وما عليها (Re: حمد عبد الغفار عمر)
|
| Quote: ضعف الكوادر من المدرسين في الفصول العليا (ام المشاكل ) والدروس الخصوصية ناااااااااااااااار |
تعرف يا طارق دا هو مربط الفرس
في المراحل الأولية الأمور ما بتتعدى كلمات وجمل ومسائل بسيطة
المقرر في المرحلة الثانوية بختلف ببقى علمي جد جد (وخصوصا باللغة الإنجليزية) وبكون محتاج لنوعية معلمين متمكنة جدا من اللغة ودائما الإنهيار بحصل في المرحلة دي
يعني لو ما في زول في الأسرة بقدر يتابع بتحصل مشكلة
المعلمين الخصوصيين (رغم غلاهم ) المسألة بالنسبة ليهم تجارة لذلك الاعتماد عليهم كليا فيهو شيء من الخطورة
| |
|
|
|
|
|
|
|
|
|
Re: المدارس العالمية ما لها وما عليها (Re: حمد عبد الغفار عمر)
|
هلا أشرف الرحال
ربنا يوفق العيال
الحصار المالي فارض طوق قوي على رقاب الآباء وزي ما قلت مرات تلقى روحك ماشي بالسالب
بس الواحد بيخاف يوم إلقى نفسو ظلم الأطفال ديل وقصر في حقهم عشان كدا لا بد من تعليمهم تعليم ممتاز
نسأل الله يهون ويفرج الحال
| |
|
|
|
|
|
|
|
|
|
Re: المدارس العالمية ما لها وما عليها (Re: حمد عبد الغفار عمر)
|
مرحب إستاذ قرجة
| Quote: أنا عندي بنتي نورا في قريد فور لكنهنا من الكى جي لما تجي تشيل الشنطة الا تندقر ليها في الواطة حتى تقدر ترفعها |
ولما تحصل الثانوي إلا تشري ليها شنطتين ياخ جنس كتب مبالغة عديل
وأصلا مافي مشكلة من السودان ، السودان بلد راسخ في التعليم والحاصل هسة دا سحابة صيف وحتزول قريبا إنشاء الله ويرجع للسودان وهجه القديم
ربنا يحفظ نورا ويوفقها
| |
|
|
|
|
|
|
|
|
|
Re: المدارس العالمية ما لها وما عليها (Re: حمد عبد الغفار عمر)
|
أهلا وليد طه
مداخلتك ممتازة
وهنا الزبدة
| Quote: ما أود أن أقوله – وحسب تجربتي وفى إشارة الى (التحدى المذكور) – أن 75 % من الجهد (متابعةً و مراجعةً) يقع على عاتق الأسرة (البيت يعنى) وهنا المحك الحقيقى الذى يجب أن يدركه كل من يرغب فى إلحاق أولاده بمدرسة عالمية ، بدون متابعة ومتابعة لصيقة يصبح الأمر مستحيل لكثافة المنهج ومستوى الواجبات التى تعطى للطالب وهذا يتطلب مستوى جيد للأم - بإعتبار أنها من تُوكل إليها هذه المهمة بشكل أكبر - فى اللغة الإنجليزية وبالذات نطق الكلمات ، كما يجب توفر جهاز كمبيوتر وإنترنت للترجمة وكذلك النطق ، بدون ما ذكر لا حاجة -لمن لا تتوفر لديه - الولوج لتلك المدارس . |
| |
|
|
|
|
|
|
| |
حمد عبد الغفار عمر
محمد الهادى عبد الرحيم
وضاح عبدالرحمن جابر
وضاحة
فتح العليم محمد أبوالقاسم
عباس الدسيس
عبدالمنعم الطيب حسن
طارق ابراهيم ابوالفضل
Jamal Mustafa
Mohamed E. Seliaman
ahmedona
عمر الفاروق
د.محمد حسن
ولياب
محمد أبوالعزائم أبوالريش
أشرف الرحال
garjah
walid taha
فيس بوك
تويتر
انستقرام
يوتيوب
بنتيريست