|
Re: بشرى غير سارة للمغتربين: ضريبة جديدة في ميزانية 2014 سيتم تنفيذها بأثر رجعي على المغتربين (Re: Frankly)
|
اها وبعد يدفعوهم الضريبة البرجع ليهم منها شنو ؟؟؟ فى الدولة المحشور انت فيها دى بتدفع ضرايب بترجع ليك علاج ومواصلات وتعليم انت واسرتك ولو طلعت المعاش بترجع ليك تعيش بيها باقي عمرك الفضل المغتربين العمرهم راح كلوا برة يخدموا وفيهم من فقد ابوه وامة وهو في غربتوا عايش في وحدة وحرمان من الاهل الدولة تشيل منهم فى الضرايب بترجعة ليهم شنو غير زلة واهانة اقرب مثال لو مشيت المغتربين علشان تعمل تاشيرة خروج تشوف العجب و كيف المغتربين مزلولين و الكيزان يشيلوها يملوا بيها كروشون ويسكنوها عمارات ويصرفوها فى حروب تمزع فى الشعب وتفرقن المغترب المسكين لما يرجع بلدوا تعليم لى اولادوا ما يقدر يعلمهم واهلوا ما يقدر يصرف عليهم انتوا شدة ما حرامية ديون الزكاة لم يسلم من فسادكم
والله والله عمركم ما تكونوا بشر نعلة الله على اليوم الجابكم
| |
|
|
|
|
|
|
Re: بشرى غير سارة للمغتربين: ضريبة جديدة في ميزانية 2014 سيتم تنفيذها بأثر رجعي على المغتربين (Re: وضاحة)
|
المغترب السوداني مؤسسة اجتماعية خدمية قائمة بذاتها .. المغترب السوداني يمثل وزارة المالية ووزارة الصحة ووزارة التربية والتعليم والنقل والمواصلات وباختصار كل الوزارات الأخرى عدا وزارات الداخلية والدفاع والخارجية .. المغترب السوداني يقوم مقام كل تلك الوزارات تجاه أسرته الصغيرة والكبيرة والجيران والمعارف المغترب السوداني يساهم في تخفيف العبء عن كاهل الحكومة بالمساعدات التي يساعد بها في الوطن الحبيب المغترب السوداني ساهم مع الحكومة في السراء والضراء وموضوع المائة ريال التي تدفع مع تجديد الجواز لا زالت قائمة .. المغترب السوداني 99.9% منهم يعلم أبناءه في الجامعات قبول خاص وكأنهم جاءوا من السماء .. المغترب السوداني 99.9% منهم اشتروا مساكنهم من حر مالهم .. المغترب السوداني لا يتحمل عجز الميزانية التي لا يستفيد من منها أهله ناهيك عنه هو شخصياً .. المغترب السوداني من المفروض ان يبنوا له تمثال في ميادين كل المدن والقرى المغترب السوداني حاله يغني عن سؤاله المغترب السوداني لو نسيتوه يكون أحسن ..
يا مثبت العقل والدين ..
| |
|
|
|
|
|
|
Re: بشرى غير سارة للمغتربين: ضريبة جديدة في ميزانية 2014 سيتم تنفيذها بأثر رجعي على المغتربين (Re: صديق الموج)
|
Quote: وهو نفس كرار اليوم الذى اتت به ريح نكباء فى هذا العهد الغيهب ليفرض الاتاوات ولا يدافع عن الغلابه الذين افتقروا |
اعتقدت أن سياق الخبر واضح وهو تبرم كرار من فرض ضريبة جديدة على المغتربين وأنّ المال الذي ستوفره وهو 3 مليون دولار في السنة لا يكا يقارن بما يحوذله المغتربون للسودان وهو 6 مليار دولار وأنّ هذه الضريبة الجديدة يتؤدي لإحجام المغتربين عن تحويل أموالهم أو تقليلها ما يعني أنّ الضريبة ستضر بالمغتربين وتضر بإيرادات الولة من تحويلات المغتربين
وأنّ الأمر في معنى سياقه تحذير للحكومة عن العدول عن هذه الضريبة من أجل منفعة الدولة ومنفعة المغتربين على حد سواء
| |
|
|
|
|
|
|
Re: بشرى غير سارة للمغتربين: ضريبة جديدة في ميزانية 2014 سيتم تنفيذها بأثر رجعي على المغتربين (Re: Frankly)
|
Quote: اعتقدت أن سياق الخبر واضح وهو تبرم كرار من فرض ضريبة جديدة على المغتربين وأنّ المال الذي ستوفره وهو 3 مليون دولار في السنة لا يكا يقارن بما يحوذله المغتربون للسودان وهو 6 مليار دولار وأنّ هذه الضريبة الجديدة يتؤدي لإحجام المغتربين عن تحويل أموالهم أو تقليلها ما يعني أنّ الضريبة ستضر بالمغتربين وتضر بإيرادات الولة من تحويلات المغتربين
وأنّ الأمر في معنى سياقه تحذير للحكومة عن العدول عن هذه الضريبة من أجل منفعة الدولة ومنفعة المغتربين على حد سواء |
بمعنى ان المذكور بيدافع عن المغتربين ومهموم بقضاياهم يعني ! ! ! هى سياسة الحكومة المنتهجة منذ عشرات السنين . . . يطلع الخبر ويتداول . . . ليكون المدافع هو واضع القرار . . . ومن ثم يمرر الموضوع بكل بساطة على الشعب وهو بيتفرج
وين المغتربين أنفسهم من الموضوع ده ! ! ! ! وما هى الفائدة التي يجنيها المغترب من فرض مثل هكذا قرارات ! ! !
كملو البلد وقبّلو على المغتربين
عجايب
| |
|
|
|
|
|
|
رد (Re: عبدالله الشقليني)
|
خشمك فيهو اللبن يا فرانكلي اخيرا ان للمغترب ان يخلي تبديل دهب المرة والمساهمة في نمو اقتصاد الوطن بالله المغترب دا يلقاها من منو؟ من ناس الضل البارد ولا حكومتنا السنية العلمتنا ناكل الهةت دوغ ولا من تصحيح الاوضاع. عاشت حكومتنا لمن تكملنا جت واولنا كيزان المهاجر دا كان فضل فيهم واحد قاعد برة
| |
|
|
|
|
|
|
Re: بشرى غير سارة للمغتربين: ضريبة جديدة في ميزانية 2014 سيتم تنفيذها بأثر رجعي على المغتربين (Re: Frankly)
|
Quote: اعتقدت أن سياق الخبر واضح وهو تبرم كرار من فرض ضريبة جديدة على المغتربين وأنّ المال الذي ستوفره وهو 3 مليون دولار في السنة لا يكا يقارن بما يحوذله المغتربون للسودان وهو 6 مليار دولار وأنّ هذه الضريبة الجديدة يتؤدي لإحجام المغتربين عن تحويل أموالهم أو تقليلها ما يعني أنّ الضريبة ستضر بالمغتربين وتضر بإيرادات الولة من تحويلات المغتربين
وأنّ الأمر في معنى سياقه تحذير للحكومة عن العدول عن هذه الضريبة من أجل منفعة الدولة ومنفعة المغتربين على حد سواء |
فرنكلى سلام قالو زمان شيخ حسن الترابى بقول للجماعه سنأتمر ولا يفقه المنصتين ماذا يقصد هلى يقصد ان نعقد مؤتمراً ام نتامراً.. كرار التهامى لمعرفتى به اكثر من عشرون عاماً فهو يلوك هذا الحديث الخلب والانشاء الفضفاضه ليظهر للناس انه مع المغتربين وعندما سأله الطاهر التوم فى برنامج مراجعات الفضيحه عن ان المانشيت الرئيسى فى جريدة السودانى جاء كالاتى: كرار التهامى يصرح على محمود يريد ان يطفش المغتربين ..وتغير كلامه فى نفس اليوم مساء فى البرنامج قال كرار ان الدستور يكفل لوزير الماليه فرض ضرائب على اى جهة لتحقيق الموازنة. كرار يقول مثل هذا ليبرئ نفسه ويظهر فى مظهر المدافع عن حقوق المغترب و ليأتى البعض ويروج له هنا.. اذا كان كرار مريس ومتيس فلماذا بقى فى هذا الجهاز قرابة عشرة سنوات عجاف لم يقدم فيهن للمغتربين ما يشفع له بالبقاء فى هذا الجهاز اللعنة اللعين وهو منصوب حقنة لمص دماء المغتربين ودور كرار هو تمرير ذلك بلسان لين؟؟
| |
|
|
|
|
|
|
Re: بشرى غير سارة للمغتربين: ضريبة جديدة في ميزانية 2014 سيتم تنفيذها بأثر رجعي على المغتربين (Re: عبد الوهاب المليك)
|
Quote: من اهم سمات ا ي نص او قاعدة قانونية الا يمتد الاثر علي الماضي مالم تكن اصلح للمشمولين بها ويسمي هذا المبدأ (عدم رجعية القوانين )....
|
وزي ما قال استاذنا الاستثناء ا للعمل بمبدا عدم رجعية القانون هو ان تكون اصلح ( للمتهم ) واستعاض عنها استاذنا بالمشمولين وكان موفقا ... سريان القانون .. يسري القانون بمجرد نشره فى الجريده الرسميه يفترض علم الافراد به .. ومن عير المنطقى ان تتم المحاسبه على فعل مضى بعد سن قانون جديد ويعد ذلك مخالفه وعدم شرعيه للقانون .. اي لاقيمه ولا سلطان للنص القانونى قبل سريانه
تبقى ضريبتهم البى الاثر الرجعى دي يلوصوها ويجوغروا بيها ..
وشكررررررررن وضاحه عبرتى عن كل المعتربين
| |
|
|
|
|
|
|
Re: بشرى غير سارة للمغتربين: ضريبة جديدة في ميزانية 2014 سيتم تنفيذها بأثر رجعي على المغتربين (Re: صديق الموج)
|
مرحباً صديق الموج
يا أخي ولنفترض أنّ كرار التهامي راكبه العوج من رأسه لأخمص قدميه
هو حرّك بركة ساكنة عن مشروع ضريبة يتم في الخفاء
المفروض الناس خاصة المستهدفين من المشروع يتجاوزوا من القائل إلى كيف يحدث هذا ولماذا يحدث هذا ويحركوا حتى دفوعاتهم القانونية إن ثبت صدق الخبر الذي أدلى به كرار
وإن ثبت العكس أن لا ضريبة ولا يحزنون نعود ونحاسب كرار التهامي
وكما قلت في العنوان هي بشرى غير سارة للمغتربين: ضريبة جديدة في ميزانية 2014 سيتم تنفيذها بأثر رجعي على المغتربين
حكاية ما ح ندفع وما بديهم هللة والذي منه لا يخدم غرض
فعندما يقع الفأس في الرأس لا مفك من الدفع إذ سيكون مرهوناً بأمور كثيرة نحتاجها مكرهين
يجب التعامل الواقعي مع الخبر ومحاولة عرقلة مشروع الضريبة وتسجيل الاعتراض عليه قبل صدوره
| |
|
|
|
|
|
|
Re: بشرى غير سارة للمغتربين: ضريبة جديدة في ميزانية 2014 سيتم تنفيذها بأثر رجعي على المغتربين (Re: فتح العليم محمد أبوالقاسم)
|
نفس السناريوهات القديمة بتاعت الكيزان .. يفكو الخبر زي القنبلة ويجي واحد عـرص ينفيهو وبعدها ما تشوف إلا القرار نازل بموافقة المجلس الوطني كمان .. والقرار دايما في الأول بيكون فيهو حاجات تعجيزية زي انو الضريبة بأثر رجعي .. ولكن بعد شوية ينزل القرار وبدون اثر رجعي والناس حتتقبلو بصدر رحب .. دي مشكلة السياسة الـقذرة في حكومة الكيزان السجم ديل ..
المعروف انو المغترب السوداني بيحول لأسرتو الصغيرة وللبيت الكبير والاخوان والأخوات والجيران كمان .. المغترب بيرسل الدواء والمعونات العينية المجاملات وغيرا .. يكفي انو كل بيت سوداني لا يخلو من مغترب بيرسل بصورة شهرية ومرات مرتين في الشهر .. مش كفاية انحنا المغتربين مجبورين على ترك اوطاننا واهلنا ..
أَلاَ لَعْنَةُ اللّهِ عَلَى الظَّالِمِينَ ..
| |
|
|
|
|
|
|
Re: بشرى غير سارة للمغتربين: ضريبة جديدة في ميزانية 2014 سيتم تنفيذها بأثر رجعي على المغتربين (Re: فتح العليم محمد أبوالقاسم)
|
سلام عليكم يا شباب عاوزة اسالكم اذا كل المغتربين اتفقعوا وما دفعوا البحصل شنو؟؟؟؟؟ ما حا تقدروا تمشوا السودان ؟؟ طيب ما تمشوا كم سنة يعنى شنو الحكومة دى دايرة ليها رجال يادبوها لو المغتربين ديل وقفوا الحوالات والله العظيم ياكلوا نيم
ياخى دا قلع عديل تشتغلوا وتحولوا وتدفعوا ضرايب ما عندها مقابل
ياخى اهلكم فى السودان ديل او انتوا الواحد فيكم لو مرض وهو فى السودان بلقى علاج ولا مستشفى زى الناس تهتم بيه
ليه انا ادفع قروش لى ناس تركب فى راسي وتقل ادبها على يا جماعة
الناس ديل ليهم حق يعملوا فى السودان اكتر من كده
رايكم شنو فى كلامى دا؟؟؟
| |
|
|
|
|
|
|
Re: بشرى غير سارة للمغتربين: ضريبة جديدة في ميزانية 2014 سيتم تنفيذها بأثر رجعي على المغتربين (Re: عزام حسن فرح)
|
Quote: ولو عقد إستخدامي ما إتجدد حيرحلوني بلدي.. وبلدي السودان.. |
الاخ عزام يعنى هم عارفين محل الوجع
طيب مالوا ارجعوا كلكم السودان المشكلة شنو ؟؟؟ على الاقل الواحد يكون عندوا كرامة ويرفض انوا يتزل بالطريقة دى و يلقوا ناس توقف الفوضى والركوب فى الراس والاهانة وفى كل الاحوال حتى لو إغتربت 30 سنة فى النهاية راجعين السودان بعد الواحد يصل سن معينة ولو المغتربين كلهم اتفقوا مع بعض وقوفوا مع بعض واصروا على راي واحد الحكومة حا تتراجع هسي الناس مشتتة ومختلفين وكل واحد بفكر بشكل غير شوف الدول المتقدمة دى بقت كيف متقدمة وعندها دموغراطية لانها فيها عقول بتشتغل وكلمتها واحدة
| |
|
|
|
|
|
|
|