قال صديقي حافظ أنقابو أن صدر الوطن ضاق بيهو كلنا ما أنت براك بالجد فينا المطارد وفينا المعزول وفينا ناس الولايات داخل الوطن هاربين من السلطان اللي ما دخل السجن في دين يدخلو معارض ولا بتهمة واسخة كدا زي الدغمسه بتاعت المهندسة أميرة كدا والله يا جماعة لو عارفين أغلب الناس اللي عندهم الوطن هم وقضاياه قضيتوم عايشين كيف الحمدلله علي كل شيء بالجد نحن بيقينا قاعدين نقول كلام ونكتب كلام وخلاص غلبنا النسوي مات حاجات جميلة فينا أمكن نكزن حسي فرسان بلا سيوف حاجة كدا هلامية شديد بعد مرات الواحد بيكون بالجد متمسك بالبلد والناس ودي حياتك وقبور أحب الناس وعمرك وتاريخك هنا نقول بقلب قوي تصرخ تقول يا وطنى أنت كل شيء الزرق والعمر والعافيةوالاهل والامل وو نرى فيك ا كل جميل أرى نقاءاً وصفاء ما في الدنيا كلها و أرى ماضى وحاضر ومستقبل ولكنى أراهم بقلبى أنت يا وطنى حبيباً أخبرنى الجميع بأنك تخلى عنى وهجرتنى ولكنى أنتظر وأحاول أن أتجمل وأصبح فى أبهى الصور حتى ترانى عندما يأتى أصدق أجمل البشر بس متين أنا يا وطنى أراك حبيباً ومن حولى يغارون من قصة حبى ليك يا وطني أنا يا وطنى أراك حبيباً أبدياً لن أستبدله فى قلبى حتى لو ضاع عمرى في هذا العشق أنا يا وطنى يا حبيبى يا معشوقى يا حلم عمرى أحبك بقلبى ولن أفتح عينى لأراك فأنا أعلم أننى سأراك يا وطنى حبيباً أدمى قلبى وعلى راحتيه سال دمى سأراك يا وطنى حبيباً تنهال عليه السياط ويغدر به الأحباب ويخونه أقرب الأقرباء ويمزق أبناءه جسده بلا رحمة كم نسأل لماذا نحن في بر السودان هكذا لا نجد تبرير يقتلنا الضياع فقد تعبت يا وطنى ولكنى لم أفقد أملى فى أننى سأفتح عينى يوما وأرىهذا الوطن أعظم أن قلبى لم يخطئ ظنى وأنك يا وطنى حبيباً تحديت العالم لأجله ولن يخذلنى وكل ما سبق أيضاً أتحدث وكأنى أفهم والله ما فهم حاجة كل يوم تضيق وتبصبح شبر ولكن يكفينى أننى أتحدث عنك يا وطنى يا حبيبى يا عشقى بعد الفراق لا تنتظر بزوغ القمر لتشكوا له الم البُعاد لأنه سيغيب ليرمي ما حمله ويعود لنا قمراً جديدبداية شهر نص شهر ولا هلال رقيق لكين البدر في تمامو دا حلم بعيد ولا تقف امام البحر لتهيج أمواجه وتزيد على ميا هو من دموعك لأنه سيرمي بهمك في قاع ليس له قرار ويعود لنا بحر هادئ من جديد وهذي هي سنة الكون . يوم يحملك ويوم تحمله تعرفوا ضاعت الحاجات مني بس قررت أمشي بعيد لانو حضن أمي بقي عدم والشطر مافيهو لي لبن كان زمن ضهر أمي رحمة ونور حسي وينا وين ريحة توب أمي فقدت كل شيء بالجد لما حضن الوطن يكون عدم ح تتوجع كتير !!!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة