عار عليك يا عصام دهب.

Quote: البوست دا انا متابعو من قولة تيت ووصلت للنتجة الاتية :- دينق مستنكر على عصام دهب الاحتفال والتواجد مع شخص مكروه من قطاع كبير من السودانيين اقصد نافع عصام دهب دافع عن ذلك بقوة وعلل ذلك بان يدخل من باب الحالة الاجتماعية واضاف بعدد من اللقاءات تمت بين قوة معاضة واخرى منتمية للنظام ----------------- بقول للاخ دينق بعدما شفت الصورة بتاعة عصام دهب والدمعة خارة من عينو مبايعا المؤتمر الوطني تحت الشجرة فكونو يقابل نافع دا اكتر من عادي حتى ولو ذكر انه ترك حزب المؤتمر وطبيعي جدا ان عصام دهب يدافع بأستماتة عن وجهة نظره تداخل بعض الاخوة بمختلف وجهات نظرهم منهم من دعم او شجع دينق والاخرون عصام دهب ،، ودا عادي لكن الما عادي هو تداخل الاخ ارتيقا جيلاني يا اخي ارتيغا دا بقى يساكك دينق بصورة مقرفة وتطمم البطن وانا ما عارف سر العداوة شنو يعني يا ارتيغا مسختها خالص خليك موضوعي حتى في عداوتك عشان الناس تلقى ليك العذر على التهافت والمساككة الســـخيفة ،، ---------------- اظن البوست دا حا يجر ،، خلينا نشوف وبرضو اتمنى انو يحافظ على هذا النقاش الموضوعي من غير شخصنة او بذاءات وبنقول يا ارتيغا عذبتنااااااااااااااااااااااااااااااا -------- مع كامل مودتي واحترامي لكم جميعا