|
Re: عمي المحينـة .. (Re: محمد حمزة الحسين)
|
Quote: يا الله يا تمبس الصورة صدمتنى شديد احكي ياخى واعد لهذا الرجل هيبته علي الاقل فى هذا المكان المحترم مع التحيات لله الزاكيات |
.. يا محمد حمزة صدمتني الصورة قبلك .. وكيف ما وصل اليه الحال بعمنا المحينة .. الرجل الهيبة .. هيبة هذا المحينة مسؤولية كبيرة على عاتقنا سنحكي ا استطعنا ذلك .. شكرا جزيلا يا محمد ..
| |
|
|
|
|
|
|
Re: عمي المحينـة .. (Re: tmbis)
|
Quote: Mohamed Mukhtar · Khartoum University والله يا تمبس كتبت عنه قبيل قليل موضوعاً عن هذه الصورة في منتدى كورة وتساؤلت عن وضعه ولماذا وصل به الحال الى هكذا ،،، ومحاولة تبنى علاجه،، يااخي والله صورة تبكي الواحد.. بس يا تمبس لم تم أهماله حتى وصل به الحال الى ما وصل اليه،، احدهم أرسل لي قائلا بأن الامر صحي فهل عجز اصحابه من لدن طه على البشير واقطاب الموردة من علاجه،،، |
شكرا يا محمد مختار .. وانا ايضا سبب كتابتي لهذه الاسطر ان وجدت صورته متداولة على الفيس بوك .. وبعض الصبية يتنزهون بعبارات عجيبة وافتكاسات ولا يهمهم الأمر .. فالرجل قدره محفوظ عند من يعرف قدره .. شكرا لكلماتك التي لم اقراءها حتى الآن لكن على يقين تام من انك ستكون وفيت الرجل حقـه .. لا اعتقد ان الأمر صحي .. للحقيقة ان آخر مرة شفت عمنا المحينة منذ سنوات طويلة جدا وكان بكامل صحته وعافيته .. اخبرني قبل اسابيع اصدقائي من ابناء الموردة عما وصل به حال عمنا المحينة لكنني لم اكن اتخيل ان يكون الأمر .. ان يكون خارج المنظومة العقلية .. واصبح شرسا نوعا ما .. اتمنى ان يجد الرعاية كاملة .. من ابناء الموردة وغيرهم .. فهناك اقتراحات قام بتنشيطها عدة اشخاص من ابناء الحي وخارج الحي .. والشكر لاستاذنا حسن الجزولي وللصديق آدم بوش .. والصديق عمران حسن صالح وجميعهم من زملاء الموقع .. كنت اتمنى ان اجد من يقف ويمد يد العون من الوسط الرياضي من ابناء الموردة او ان يكتب احدهم عنه من خلال الصحف .. فهناك الوجود الاعلامي لا على سبيل الحصر معتز الهادي .. وعلي الزغبي .. وكابتن هيثم سلمان .. وغيرهم من ابناء الحي اين ابناء الموردة عموما ...؟
| |
|
|
|
|
|
|
Re: عمي المحينـة .. (Re: tmbis)
|
Quote: يا سلاام يا عمو تمبس حكي طاعم يا ريت تحكي لينا شوية عن اللاعب المحينة ظاهر من الصورة أنو الزمن جار عليهوا |
... يا ابو السيد .. عمنا المحينة قصة طويلة جدا .. لكن قدرو انو يكون على ما وصل إليه الحال .. ولا ادري ما السر في ذلك .. والله من الصعوبة بمكان ان اكتب عن عممنا المحينة وهو بهذه الحالة كمن ارثي فيه الان .. لكن على الوعد انه ساحاول اكتب بقدر المستطاع .. فعلا الزمن فعل فيه ما فعل .. اتمنى ان ينتبه له ابناء الموردة ومعالجة ما يمكن علاجه ..
| |
|
|
|
|
|
|
Re: عمي المحينـة .. (Re: Tragie Mustafa)
|
المشكلة نفسية حسب ما شاهدت .. في كل زياراتي لدار الرياضة أمدرمان أقابله وأسمع نغمة : جنّ .. جنّ .. جنّ ..
إختلطت الأمور عندي فما فرزتها هل هي واحدة من مزحات وقفشات الدار أم أن الأمور تفاقمت بعد ما سمعت عباراته اللي كان بيخرجها للجمهور !! الأكيد إنو الأمر نفسي حسب التفاصيل والروايات اللي معتها بعد داك.. الغريب إنو الصورة دي ما حديثة والمشهد ده انا شوفتو قبل أكتر من تلاتة لي أربعة سنوات تقريباً ..
| |
|
|
|
|
|
|
Re: عمي المحينـة .. (Re: عمر الفاروق)
|
Quote: المشكلة نفسية حسب ما شاهدت .. في كل زياراتي لدار الرياضة أمدرمان أقابله وأسمع نغمة : جنّ .. جنّ .. جنّ ..
|
يبدو فعلا ان المسالة صحية فهذا من الطبيعي جدا لهذه المرحلة السنية من زهايمر لعلل نفسية أخرى وهذا بالضبط ما ذكره لي احد الأخوان .. وسبحان الله .. يوما ما عمنا المحينة كان كل الدار يهتف بي اسمو .. Quote: الغريب إنو الصورة دي ما حديثة والمشهد ده انا شوفتو قبل أكتر من تلاتة لي أربعة سنوات تقريباً .. |
والغريبة انو انا وصلتني المعلومـة دي قبل ايام معدودة ولقيت الصورة دي حايمة في النت .. ولو كان هذا الحال قبل سنوات .. ما هو الحال الآن..؟
| |
|
|
|
|
|
|
Re: عمي المحينـة .. (Re: Tragie Mustafa)
|
Quote: يبدو انه نادي المورده قد تم افقاره حتي ظهر الفقر علي امثال هذا الرجل القامه. لن تحل مشاكل السودان ولكن مجموعه محدده يمكنها تبني دعم هذا الرجل. انقذوا في شخصه ما تبقي من اخلاقنا وارحموا عزيز قوما ذل. |
سلامات يا تراجي .. نادي الموردة مما قام فقير يا تراجي .. لانه ولسبب واحد يعتمد في كل شئ على جهد ابنائه .. وجل ابنائه من الطبقة المتعلمة صاحبة الشهادات العليا والثقافة والادب بالمقابل ليس لها المقومات المادية اللتي تجعل منها في الطليعة لمناطحـة بقية تجار كرة القدم في السودان .. المدعومين دعما مباشر من الحكومة أو من الاتحاد المحلي لكرة القدم .. لذلك .. قام النادي فقير إلا من جهد ابنائه وبناته .. وهذا تاسك كبير جدا لو انفتح سنكتب ونكتب ونكتب .. ولن نوفيه حقه .. نعم لن تحل مشاكل السودان .. بل تزداد تعقيدا كل صباح .. اندهشت وتأسفت ايما اسف وانا اشاهد الحالة المتأخرة لعمنا المحينة .. وكان يوما ما .. ركازة ضعيف .. وجامع للناس ورجل صاحب كلمة يحل ويربط ويشد ليهو الرحال ايضا ما احزنني ابنا الموردة وهم في سلبية عجيبة حيال عمنا المحينة .. لا اعتقد انه عزيز قوم ذل .. انما هو عزيز قوم جارت به الظروف والزمان .. وانا ارى كل من كان يسبقهم بالكلمة عمنا المحينة اراهم يغضون الطرف عنه ... ويجعلونه في هذا الحال المتأخر .. ان شاء الله لينا نفير لعمنا المحينة .. سنبدأ من هنا وننطلق ليس حكرا على ابناء الموردة فحسب .. بل تداعى الكثير من الشباب والاخوان حتى من لم يرى الموردة بعينه لكن تحرك فيه الانسان السوداني بداخله .. ربنا يقوينا
Quote: شكرا لك يا تمبس وبانذ الله هذا البوست يكون بادرة خير في دعمه رغم اني اود ان الفت انتباهك انه عنوان لن يجلب له كثير من القراء الا المورداب ومتابعي تمبس بينما هذا الرجل يتسحق دعم فئات قد تكون خارج هؤلاء. |
شكرا يا تراجي على كل حال .. لكن احب ان اللفت انتباهك ايضا ان ما اكتبه هنا في هذا المكان عن العم المحينة لا يحتاج ان انادي به الناس .. لتداعو او ليقرأو قصة ثم يهتفوا او كما تظنين متابعي تمبس .. فالحمد لله انتظمت المبادرات الكبيرة في عدة جهات .. ونفس هذا التمبس يا تراجي .. من قبل وبنفس الطريقة تبنى ما تبنى من اشياء في هذا المكان اهمها حملة وليد دارفور والارشيف ليس ببعيد لو كنتي تظنين انني في حاجة لتبديل العنوان ليكون اكثر جاذبية فاعتقد انه ليس هناك .. اجمل من ان تكتب .. ابوي فلان او خالي فلان او امي فلانه واختي فلانه وعمي .. إلخ .. ولا اراهـن على من ليس عليه رهـان .. فقط اتفق معك في نقطـة محددة ان هذا البوست لو اتى من اي جهة أخرى .. لوجدتيه الآن في أعلى نقطـة في منبر سودانيزاونلاين .. ويأتي الناس يزوروا فيه ويقدموا فروض الطاعة وربما انتظمت المسيرات جهات متفرغة من العالم .. واظنك ست العارفين .. وأرجو انو اديك ميزة وفكرة .. لماذا لا تتبنين فكرتك .. وبالعنوان الي تريه مناسبا للجاذبية والشخوص الذين تتوسمين فيهم الخير ان يأتوك وانا على اهبة الاستعداد ان احذف هذا البوست بطلب من مالك الموقع ..
| |
|
|
|
|
|
|
Re: عمي المحينـة .. (Re: tmbis)
|
وانا اراجع في الصورة لعمنا المحينة واتابع تفاصيله .. قفذ إلى ذهني الراحل .. ابناء الموردة .. الرجل البار جدا عمنا توتو ترزي .. فلو كان على هذه البسيطة لما وصل المحينة إلى ها الحد .. فاللذين لا يعرفون عمنا عبد القادر توتو .. هو ذلك الرجل البار جدا بالموردة وابناء الموردة وكل عابر سبيل .. فقد سخر نفسه لإكرام البني آدم حيا وميتا .. فهو الترزي الأفرنجي الشهير بحياكة البدل الانيقة جدا كان مكانه يقبع قبالة حديقة الموردة ويقابلها من الناحية الغربية تماما ويفتح على المدخل الرئيسي .. وضعت عليه لافته تؤكد ذلك .. كان عم عبد القادر عليه الرحمة .. يقوم بحياكة الاكفان ويحتفظ بها في منزله وكذا الحال معدات الحفر وكل من يسهم به في اكرام الميت وكانت له مجموعة مقدره من الشباب والشيوخ رهنت نفسها من اجل ذلك وفي اي ساعة خلال اليوم .. لا فرق بين الساعات الاولى من الصباح على منتصف الليل على النهار .. يتوقف ذلك فقط على نداء الخالق عز وجل .. فبابه كان مبذولا ومفتوحا للجميع .. عرف بنفسه الطيبة وروحه الخفيفة جدا فكان غالبا ما تجد عمنا المحينة يتبادل معه القفشات وتجده دائما عابرا لسوق الموردة في طريقه لترزي عبد القادر الشهير بتوتو ترزي .. عم عبد القادر هو من قام بتكفين الراجل محجوب عبد الحفيظ على الهواء مباشرة في برنامجه الشهير الصلات الطيبة وهو حيا وقام ايضا بتكفينه بعد ان انتقل إلى جوار ربـه .. عم توتو كان يقوم بدور اجتماعي عجيب جدا حيث ان الموردة بطبيعتها معبر وجامعة لكل عابر سبيل .. كان سوق الموردة يحتمل عددية مهولة ممن ضاقت بهم سبل العيش ومنهم من فقد عقله .. واتخذ سوق الموردة ملاذا آمنا وجد فيه نفسه التي بعدت عنه فكان عمنا عبد القادر يقوم باريحية عجيبة بدور انساني عظيم فكان يصطحب اي من هؤلاء إلى النيل قبالة شواطئ الموردة ويقوم بغسلهم بيديه ويشذب لهم شعورهم ويقضم اظافرهم ويغير لهم ملابسهم من الداخلية حتى ما يستره خارجيا فتبدو على محياهم اشكالهم الحقيقية .. هزني منظر اظافر عم المحينة الطويلة وجلبابه المتسخ .. وشعره المنكوش .. فترحمت بداخلي على عمنا توتو .. كساي العرايا الايدو عطايا العم عبد القادر الطيب الشهير بي توتو
| |
|
|
|
|
|
|
Re: عمي المحينـة .. (Re: tmbis)
|
يا ســــلام يا تمبس عدت بي إلى ذكريات أيام الشباب وأيام شعار ( الموردة بتلعب انما ما عندهاش حظ) احزنتني جدا صورة المحينة عملاق فريق الموردة والفريق القومي في ستينات القرن الماضي وتذكرت صورته وهو ينزل من الطائرة متكأ على احد زملائه بعد إصابته في مبارة للفريق القومي في إثيوبيا وكان احد نجوم تلك المباراة ..كان يمتاز بجسم عملاق ولياقة بدنية وروح قتالية عالية . كم لبس شعار الفريق القومي ودافع عن الوطن مرفوع الرأس وها هو يمشي الآن بملابس بالية وحالة لا تشكر ابدا ..ألا يستحق هذا البطل التكريم من الموردة والوطن ؟
تحياتي ووافرا حترامي
| |
|
|
|
|
|
|
Re: عمي المحينـة .. (Re: Gaafar Ismail)
|
Quote:
Awad Mohamed Ahmed · الأكثر تعليقا امر محزن للغاية ما ال اليه مصير المحينة اين اخيار الرياضة ممن كانوا يعالجون مثل هذه الامور مثل كمال افرو و مختار الجرق. رد · · منذ حوالي ساعة |
يا عوض.. خيار الرياضة اصبحوا من وجهاء المجتمع وعظماء شاشات القنوات السودانية .. ومن بقى منهم على العهد .. ضاقت سبل العيش به .. الله يرحم الناس الكويسة
| |
|
|
|
|
|
|
Re: عمي المحينـة .. (Re: عمر الفاروق)
|
Quote: النزلوهو متككل وأصيب في مباراة أثيوبيا المحيبنة ولا دريسة صاحب الهدف؟؟ |
الحبيب عمر الفاروق صحيح الراحل دريسة احرز هدف واصيب في مباراة باثيوبيا ونزل من الطائرة متكل ، ولكن المحينة أيضا أصيب في مباراة باثيوبيا منعته من الملاعب فترة ليست قصيرة . ونزل من الطائرة بمساعدة احد زملائه . لا أذكر جيدا هل أصيبا في نفس المباراة ام لا . ..معليش الذاكرة بقت طشاش . تحياتي
| |
|
|
|
|
|
|
Re: عمي المحينـة .. (Re: عمر الفاروق)
|
Quote: النزلوهو متككل وأصيب في مباراة أثيوبيا المحيبنة ولا دريسة صاحب الهدف؟؟ |
الحبيب عمر الفاروق صحيح الراحل دريسة احرز هدف واصيب في مباراة باثيوبيا ونزل من الطائرة متكل ، ولكن المحينة أيضا أصيب في مباراة باثيوبيا منعته من الملاعب فترة ليست قصيرة . ونزل من الطائرة بمساعدة احد زملائه . لا أذكر جيدا هل أصيبا في نفس المباراة ام لا . ..معليش الذاكرة بقت طشاش . تحياتي
| |
|
|
|
|
|
|
Re: عمي المحينـة .. (Re: Gaafar Ismail)
|
Quote: كم لبس شعار الفريق القومي ودافع عن الوطن مرفوع الرأس وها هو يمشي الآن بملابس بالية وحالة لا تشكر ابدا ..ألا يستحق هذا البطل التكريم من الموردة والوطن ؟
|
يا عمنا جعفر .. مؤلم والله الكلام دا .. مؤلم والواحد عينو بتشوف الرعاية بتمشي ووين .. والاهتمام بيمشي ووين .. وتسليط الضوء بيمشي ووين؟ يبدو انه لا يعرف قدر الرجال إلا الرجــال .. اتذكر ايضا في برنامج الصلات الطيبة للراحل محجوب عبد الحفيظ .. واعتقد انه البرنامج الوحيد الذي كان سيعيد ترتيب وتهذيب النفس البشرية السودانية واعتقد اننا في امس الحوجة له الآن .. لكن يبدو انها رسالة قصيرة كانت من الراحل محجوب عبد الحفيظ للنظر إلى المستقبل وماذا سنقابل .. اذكر انه في حلقـة من حلقاتـه المميزة .. قدم كابتن المريخ السابق سري .. ووقتها اعتقد انه كان بالمصحة ينال اشراف ورعاية تامة .. وكان في كامل هندامه واناقتـه وقام بممازحـة الراحل محجوب واعتقد انو قدم تابلوهات وقتها بالكرة بعدما قدمه ليهو الراحل محجوب عبد الحفيظ .. هل من الصعب على الدولة ان تقوم برعاية امثال عمنا المحينة حتى وان عجز الاهل والاقارب عن ذلك ..؟ اعتقد انه من ابسط الامور واسهلها.. لا اج اي تفسير حتى الان عن لماذا لم تقدم الموردة وابناء الموردة اي نوع من الدعم .. ؟
| |
|
|
|
|
|
|
Re: عمي المحينـة .. (Re: ismeil abbas)
|
Quote: كمال كسلاوي · Khartoum, Sudan استغفر الله العظيم ممكن يكون ده عقاب رباني في الدنيا لانه يوجد كثير مثل هؤلاء في الوسط الرياضي لا يتزوج يقعد يباري الكورة والاولاد لحدي سنين العمري تعدي وتفوت ولا يحس بها الا بعد فوات الاوان وعندما لا يجد له انيس ولا سند ولا ابناء يراعوا شيخوخته يصبح في حالة نفسية سيئة وتقود للجنون |
الأخ كمال كسلاوي .. ياخ دعنا من عقاب الرب فهذا شئ لا نملكه لا انت ولا انـا .. ولا نعرف عنه شيئا .. فدعنا من ذلك الأمر .. ثم شنو يقعد يباري في الكورة والاولاد دي ما عارفك قاصد بيها شنـو ..؟ ياخ دا كلام عجيب جدا .. العم المحينة متزوج او غير متزوج تلك هي خياراته .. والجميع يعرف انه متزوج فلا داعي للكلام الما كويس .. اما اهل المحينة وعزوته فهم يسدون عين الشمش في الموردة وفي منطقة جبل الاوليـاء .. المرض دا يا سيدي بيجي لي اي زول .. فقير غني .. مليان اهل مقطوع من شجرة .. في مرحلة عمرية محددة فقط تستوجب رعاية واهتمام .. وهذا ما نحن بصدده لكن بقية كلامك العجيب دا احتفظ بيهو لي نفسك
| |
|
|
|
|
|
|
Re: عمي المحينـة .. (Re: ismeil abbas)
|
Quote: شىء مؤلم يا تمبس أن لا أحد يراعى مثل هذا الرجل القامة حتى وصل به الحال على ماهو عليه ألأن.. اللوم على معارفه وأقربائه وحكومتنا... نسأل الله أن يمده بعون منه. |
آمين يا اسماعيل .. اللوم على ناس كتار جدا والحكومة في المقام الأول .. وزارة الشباب والرياضة او رعاية الشباب وإلخ إلخ .. على الاقل دا نموذج واضح وقدامهم .. الذي اعرفه جيدا يا اسماعيل ان اهل عمنا المحينة بجبل اولياء .. وغالبا في مثل هذه الحالات بتتم السيطرة من الأهل والمعارف والاقارب .. اسال الله انو ينال الرعاية الكافية .. وسنقوم بأجل ذلك ان شاء الله
| |
|
|
|
|
|
|
Re: عمي المحينـة .. (Re: وليد محمد المبارك)
|
بالمناسبة انا ضد قصة أين الدولة وأين وزارة الشباب والرياضة وأين المسئولين و و المنتشرة وكترت دي .. شايف كتيير من اللاعبين والفنانين والشعراء للأسف بقو يشحدو بيها تحت غطاء نحن قدمنا للبلد ومفروض ترد لينا الدين .. الواحد يكون كتب ليهو أغنية أغنيتين صاح خالدات لكن ده ما بيشفع إنو الدولة تصرف عليك بعد ما ضييعت إنت أفضل سنين عمرك وما حسبت دورة الأيام وعشت مجدك طول وعرض ونسيت اليوم ده .. كتيير من اللاعبين القدامى بيحسدو في لاعبين اليوم عبر التلفزيون ويقولوا ليك ديل عندهم قروش بدون مستوى ونحن زمان بنلعب بي كدارة الجلد ونحن ونحن وسجلونا بي قرشين وبي جنيه وبي وبي.. ونسو إنو المبالغ دي فيي عضمها الوقت داك كانت قروووش وكتيييرة لكن هم ضييعوها في الهلث والفارغة وقعدو ..ونسو إنو لعيبة أسة مفتحين ما أكتر أي زول فيهم لملم قريشاتو وعمل ليهو بيزنيس يكفيهو شر المسألة .. ناس قلق وبلة جابر والعجب والمعز وهيثم و ريتشارد كلللهم بتعبرهم ناس مفتحين وقروها صاح عشان كده انا متأكد ح يعيشو حياة كريمة نضيفة دون الحوجة لي قصة التسوول دي بكل أسف.. كلام إسماعيل ده مهم ..اللوم على الأقارب والأهل والأصدقاء.. لكن شوووف عيني ديل معظمهم متعاملين مع الموضوع بسخرية وضحك وتندر وهنا في مؤشر خطير يدل على إنو في ناسيائسة من الحالة أو عارفة حاجات بناء عليها ما متحركة وكأنها للأسف بتقول يستاهل ..
| |
|
|
|
|
|
|
Re: عمي المحينـة .. (Re: عمر الفاروق)
|
ياخ يااخ اتعبتني جدا يعلم الله مسكتني العبرة ياسلام علي صفاااااك لماتكون ايها الامدرماني الاصيل عكست صورة هزت الجميع شكرا اجترحت فينا اشجان واوجاع وحنين
| |
|
|
|
|
|
|
Re: عمي المحينـة .. (Re: باسط المكي)
|
** تمبس (علاء) ** صباحك خير ## أحزننى ماآل إليه حال من مثلنا فى المحافل الدوليه ,, من يلبس شعار الفريق القومى ويُعزف له النشيد الوطنى ,, يُعتبر سفيراً لبلده ,, إين نادى المورده من إبنائه ؟؟ أين وزارة الشباب والرياضه ؟؟ إين الإتحاد العام للكره ؟؟ إين الإتحاد المحلى ؟؟ إين وجهاء أُمدرمان .............؟؟ ** حال المحينه كحال البلد التى إختلط حابلها بنابلها ,, وياحليل أمدرمان التى كان من شكل الشخص تعرفو من إى حى ومن هُم أصحابه وأهله !!!!!!!!!!!!! (ودام الود بيننا) (ابو محمد فؤاد)
| |
|
|
|
|
|
|
Re: عمي المحينـة .. (Re: عبدالكريم أحمد الامين)
|
Quote: من يلبس شعار الفريق القومى ويُعزف له النشيد الوطنى ,, يُعتبر سفيراً لبلده ,, إين نادى المورده من إبنائه ؟؟ أين وزارة الشباب والرياضه ؟؟ إين الإتحاد العام للكره ؟؟ إين الإتحاد المحلى ؟؟ إين وجهاء أُمدرمان .............؟؟
|
سلامات يا ابومحمد فؤاد .. زي ناس عمنا المحينة ديل بيعتبروا ناس مقاتلين .. محاربين قدامى .. النوعية المفروض كل الوطن يكون عارفه .. في قائمة شرف كبيرة جدا ليست موجودة في دار الوثائق فحسب تكون في ليهم معالم محددة تدل عليهم .. مجلات متخصصة كتب للعظما إلخ إلخ .. لم نطالب بتماثيل من الشمع ولا الجرانايت على مداخل المدن .. فقط قليل من التقدير وبعض من العناية .. الوم وجهاء امدرمان على وجه التحديد .. الوم كل من عرف المحينة وغض الطرف عنه حاليا .. الوم كل من وضع قدمه في دكان المحينة او كل من اكل لقمة في فطور المحينة او شرب كباية قهوة في لمة كان فيها المحينة حضور ابناء الموردة علمت ان لهم مبادرات عديدة في هذا الشان .. والآن الآن يقوم بعض الاصدقاء بالمتابعة .. والآن كان معي صديقي علي ابو القاسم من ابناء الموردة ويقوم بعمل جميل في مدينة الدوحة .. ان شاء الله سنعمل كل ما في وسعنا .. ولو كان قليل
| |
|
|
|
|
|
|
Re: عمي المحينـة .. (Re: باسط المكي)
|
Quote: ياخ يااخ اتعبتني جدا يعلم الله مسكتني العبرة ياسلام علي صفاااااك لماتكون ايها الامدرماني الاصيل عكست صورة هزت الجميع شكرا اجترحت فينا اشجان واوجاع وحنين |
يا باسط .. ايوة بالضبط .. الصورة مؤلمة جدا .. والاصعب من كدا اننا نقيف ونتفرج .. ايد على ايد تجدع بعيد يا باسط .. وطبعا من خلال متابعة البوست دا والبوستات والنقاشات المتفرعة عرفت انو هناك محاولات كتيرة جدا من شباب الموردة ابتدرت من فترة .. وان شاء الله نستمر معاهم يا كمان نقوم بي حقنا برانا يا باسط .. وربك يسهل الامور شكرا يا حبيبنا
| |
|
|
|
|
|
|
Re: عمي المحينـة .. (Re: عمر الفاروق)
|
Quote: بالمناسبة انا ضد قصة أين الدولة وأين وزارة الشباب والرياضة وأين المسئولين و و المنتشرة وكترت دي .. شايف كتيير من اللاعبين والفنانين والشعراء للأسف بقو يشحدو بيها تحت غطاء نحن قدمنا للبلد ومفروض ترد لينا الدين .. الواحد يكون كتب ليهو أغنية أغنيتين صاح خالدات لكن ده ما بيشفع إنو الدولة تصرف عليك بعد ما ضييعت إنت أفضل سنين عمرك وما حسبت دورة الأيام وعشت مجدك طول وعرض ونسيت اليوم ده .. |
وانا مع المسالة دي خاصة فيما يتعلق بالفـن والكورة .. وذلك لاسباب عديدة جدا اهمها: زي ناس الرياضة ديل وزي ناس المحينة ديل بالذات ليهم حق وحق يقلع قلعان مش نستجديهو .. ولا كمان نشحدو شحدة .. ليهم حق لطالما انهم لما لعبو ولبسو شعار المنتخب القومي اقلاها الواحد كان بدفع من جيبو .. في الزمن داك فالنفترض انو ما كان الواحد بيدفع من جيبو ..!! اقلاها الواحد فيهم ما كان محترف كرة قدم بعقد مع الدولة كان بيلعب علشان يدافع عن شعار السودان عكس الحاصل دا تماما .. اما الناس الجمعت قروش وعملت وعملت في وقت اصبحت فيه كرة القدم دي صنعة وصناعة فدا برنامج تاني مع التأكيد بي انو ايضا ليهم حق في انو الدولة تقدم ليهم وترعاهم في الفترة المحتاجين فيها رعاية واهتمام .. الدولة دي متمثلة في وزارة الشباب والرياضة والمسميات التانية دي .. ومتمثلة في رئيس الجمهورية وبقية المسميات التانية دي : قامت بتكريم المنتخب المصري لكرة القدم .. وفوق ليهو كرمت الاتحاد المصري لكرة القدم .. ولو ما شافوها حارة شوية كان كرمو رافت الهجان .. حاجة مستفزة جدا مالنان ومال المنتخب المصري .. احسبه في سطاشر لاعب مصري فقط خليك من ناس الاتحاد .. تكلفة لاعب واحد بس لحدت ا وصل الخرطوم ولحدت ما يدوهو وسام النيلين من الطبقة الأولى واطرح منها مراسم الاحتفالات دي والتكلفة جيب ليك واحد زي عمك المحينة دا واقل حاجة جيبو سلم ليهو في راسو قدام الكاميرات دي .. ولا تعمل ليهو اي حاجة تانية لا وسام نيلين ولا حاجة .. بس اعمل ليهو تامين صحي من الدولة . والله مرة انا جاي من بره كمغترب .. طلعت من الصالة نسيت لي حاجات جوة مشيت اجيبه جيت راجع .. لقيت واحد من العساكر شابط في رقبة كابتن حامد بريمـة .. بنهزر فيهو .. لييه ..؟ ظنيت انو حامد بريمة دا عندو زول داخل ليهو وكان جاي نفس الحامد بريمـة دا يوما ما .. الصالة دي كان بيمر بيها شايلنو في الكتوف من المهبط لحدت الحلة جووة ..
الصورة دي في قصر الضيافـة للفريق المصري
ودي لي عمنا المحينة بعدما جار بيهو الزمن .. وما لقى حتى كلمة طيبة من الدولة
| |
|
|
|
|
|
|
Re: عمي المحينـة .. (Re: tmbis)
|
تمبس الرجل الانساني سلامات مااروعك وانت تمثل نوع من انواع الوفاء لرجل كان ومازال رمز من رموز الموردة وفريقها الجميل لم اسمع به من قبل ولكن من حديثك والاخوة الافاضل كأني اعرفه منذ زمن تاثرت لحالته لان هذا هو حال الكثير من المبدعين في شتي المجالات في هذا الوطن ولكن عندما نجد امثالكم من الاوفياء الانقياء سنطمئن علي حالهم لان الدولة لاترعي ابنائها المبدعين ولاتكلف نفسها حتي بالسؤال عنهم تسلم علاء
| |
|
|
|
|
|
|
Re: عمي المحينـة .. (Re: Nader Abu Kadouk)
|
موقف جميل منك يا تمبس ان تذكر المجتمع بواجبه ... تقريبا كل الرياضيين مثل عمنا المحينة رغم اختلاف حالاتهم ولا يوجد راعي او متابع لهم والامثلة كثيرة ... اقترح الدعوة لتكوين جسم يرعي قدامي الرياضيين دعما لحلاتهم العلاجية والاجتماعية ويكون من المنبر الشرارة الاولي .. رائكم شنو ؟!
| |
|
|
|
|
|
|
Re: عمي المحينـة .. (Re: العوض المسلمي)
|
نتمني ان يشد الناس الهمة من اجل هذا الرجل الذي اسعد بفنه الكروي،وكان من دعائم مجدنا القديم, تبني الحملة يااخ تمبس وهي ليست بالصعبة،ودعك من جهاز الدولة فلو كان فيه خير لكان فعله. ولك الله عمنا المحينة،ولك الله ياوطني.
| |
|
|
|
|
|
|
Re: عمي المحينـة .. (Re: عبدالعزيز عثمان)
|
سبحان الله ، شوف الزمن والدنيا ، هذا هو النجم والكابتن لاعب الموردة المحينة ، ياما شاهدنا المحينة في اواخر الستينات وبداية السبيعنات وهو يسرح ويمرح ويقدم الممتع من اللعب داخل الملعب ايام الموردة تلعب ، بتذكر في مباراة للموردة امام المريخ هذا المحينة ومعه مهاجم اسمه جرجير عملوا في المريخ عمايل خلوا خشمنا ملح ملح هزمونا شر هزيمة ، نسأل الله العظيم رب العرش العظيم ان يشفيك يا المحينة
شكراً الابن تمبس ... وحاول ان تعمل شيء مع ابناء الموردة لعلاج الكابتن المحينة
| |
|
|
|
|
|
|
Re: عمي المحينـة .. (Re: حمزاوي)
|
Quote: مؤسف بحق ما يحدث فى بلادى لامثال المحينة |
تمبس مااهو انت كويس وانساني ومرهف ...لييية طوالي مركب وش الككو !!!!!!!!!!!!!!
| |
|
|
|
|
|
|
Re: عمي المحينـة .. (Re: Mohd Ibrahim)
|
Quote: تمبس مااهو انت كويس وانساني ومرهف ...لييية طوالي مركب وش الككو !!!!!!!!!!!!!! |
يا محمد ابراهيم .. وش الككو لمن جعل الككو غدوتـه .. ينطط لتنطيطه .. ويأكل اموز ويرمي بالقشر على المارة للتذحلق من أجل المتعة الشخصية .. لذلك .. لكل مقام مقال او كما قال ...
| |
|
|
|
|
|
|
Re: عمي المحينـة .. (Re: حمزاوي)
|
والله يا خال صدقت ايام الموردة تلعب .. وايام كان في توازن في الميزانية .. والقراية كانت بلاش .. الوكت داك لسة المادة يا خال ما دخلت اللحم الحي ولا نقرت العضم .. حسع دي صلاح ادريس والوالي .. حكومة والناس مظلومـة ..
| |
|
|
|
|
|
|
Re: عمي المحينـة .. (Re: وليد عبد اللطيف)
|
Quote: لا حول ولا قوّة إلا بالله! |
يا ود الصايم .. الحمد لله على كل حال .. فهذا حال العظماء ببلادنا .. ..
Quote: وطبعا قدامى الاعبين يتوجهون الى عمل كبير ان شاء الله ... والمحينه فعلا كما قال هنا احد الاخوان هو من رشح عصمت الامتداد وقال سوف يكون له شان كبير في المورده صديقي عصمت الامتداد والان كنت معه عبر العاتف برضو بشكرك على هذا البوست الجميل
|
وليد .. شكرا ليك ياخ .. وشكرا لكابتن عصمت الفنان تعرف عمك المحينة دا لما كنا في الرابطـة او اي دافوري حق حلـة ساااي بنلقاهو قاطع الميدان وفجأة تكل العجلة على جمـــب .. كنا كلنا بنرجف .. لي الحكام ورجال الخط لانو اللحظة البقيف فيها المحينة عشان يشوف ليهو كورة بيكون فعلا خاتي ليهو موهبـة في راسو ومتابعة بي دقـة .. بالمناسبة في كل خانة في الملعب من حارس المرمى لي راس الحربـة .. بقيف لمدة عشرة دقايق فقط .. ويدور عجلتو يكسح .. البعض بقوليك الزول دا لقى الكورة مسيخة .. لكن نحن بالضبط وجيلنا الكان بيلعب في اي درجة من الدرجات كان بيعرف تماما انو في طور اكتشاف لاعب ربما تكون انت .. بعدين الجميل في الأمر انو بيلقاك في اي شبر في الموردة .. في السوق في بيتكم في الحلاق في حلقة السمك .. إلخ إلخ .. وبيديك حقك طوالي .. والكلام والنصح لو سمعتو .. بتمشي زي العجب .. قعدته تلف وتدور .. بتجليها ثابتة .. ياخ تخيل عمك المحينة دا الله يديهو الصحة والعافية .. حتى كورة الشفع في الزقاق بتلقاهو فجأة وقف وتكل عجلتو ودون ملاحظاتو .. جيل ناس عصمت الامتداد وناس كاوندا وبريش وابو الضرب الله يرحمو والصادق ويو .. وعصام عباس .. ديل يا وليد كانو آخر جيل من المحاربين اولاد الحلـة .. آخر جيل شمل الرعاية المباشرة من عمنا المحينة لذلك طلعو ملتزمين .. وقلبم حار .. ومنقطنها .. هم الرفعو راس السودان .. في قطـر .. وهم الجابو الكاس من المريخ بعد ملحمة ضاريـة .. وهم الغلبو الزمالك .. ديل كلهم كان وراهم عمنا المحينة كراعي رسمي .. بالاضافة لكل اركان حرب من اولاد الموردة الخلص ..
| |
|
|
|
|
|
|
Re: عمي المحينـة .. (Re: المر)
|
عمنا المحينة الله يشفيه كما قال الاخ الاصغر بطة شرس بطبعه ولكن يمكن ترويضه عن طريق بعض الأشخاص الذين يمثلون نقطة ضعف عنده ويحترمهم ، نعم قد لا يعرف بعضهم ولكن اكيد سوف يتعرف على البعض الاخر وهو بحوجة لرعاية طبية وإنسانية قبل كل شيء ، وحقيقة الصورة برغم مأساويتها إلا أنها قد تلفت النظر إلى حالته التي ربما لا يعرفها البعض ، وعمنا المحينة صار وحيداً مثل ابو ذر الغفاري .. والمعروف ان له سيرة زاهية في مجال لعبة كرة القدم فقد كان احد أفذاذ اللاعبين بنادي الموردة والمنتخب السودان وقد امتاز بالأداء الحماسي والرجولي ويكفي انه أصيب إصابة بالغة في مباراة للمنتخب السوداني أمام المنتخب الاثيوبي وتم تسفيره للعلاج بانجلترا ولكنه لم يواصل اللعب بعدها كثيراً ، نسأل الله تعالى له عاجل الشفاء وان يلتفت أبناء الموردة من الميسورين وايضاً اصدقائه ممن كان يجتمعون عنده - أيام الصحة - بدكانه بسوق الموردة فالصديق وقت الضيق وربنا يفك ضيقتك يا كابتن المحينة ، وق د كان يلقب ب (يكن) تيمناً بيكن لاعب المنتخب المصري السابق والد لاعب الزمالك مؤخراً هشام يكن.
| |
|
|
|
|
|
|
Re: عمي المحينـة .. (Re: المر)
|
لا حول ولا قوة إلا بالله.. والله يا تمبس لما شفتا الصورة في الفيسبوك ما عرفتو، وقعدتا أبكي كما لم أبكي من قبل.. وحتى هذه اللحظة أنا مصدوم وغير مصدق ولا أستطيع أن أتخيل أن هذا هو كابتن سليمان المحينة.. آخر مرة شاهدته فيها كانت في سنوات الثمانينيات الأولى، 83 /84 حيث كان وقتها يدير بوفيه دار الرياضة بأمدرمان.. من منا لم يسلم من تعليقاته الساخرة المحببة إلى النفس ومن منا لم يمزح معه كابتن المحينة.. ومن منا لم يستلذ بطعم عصير الكركدي الذي كان يتفنن فيه المحينة في بوفيه دار الرياضة.. كابتن سليمان المحينة إنسان سوداني أصيل نبت في أرض خصبة مليئة بالخير والكرم والفضيلة.. تكاتفت عليه ظروف الفاقة والفقر في ظل ضمائر خفت بريقها.. وأجبرته على لبس جلباب وحيد هائماً على وجهه في أزقة ذات المدينة الخصبة ولكن دون أن يهتم به أحد.. ملعون أبوكي حكومة يقدل فيها حثالة البشر على لاندكروزرات، ويترك فيها أمثال سليمان المحينة حفاة بجلباب متسخ. عميق ألمي واحترامي
| |
|
|
|
|
|
|
Re: عمي المحينـة .. (Re: علاء الدين صالح)
|
Quote: الامدرماني الأصيل تمبس سلام |
حبيبنا المـــــــر .. يديك العافية وشرفتنا والله ونورتنا .. ..
Quote: سوف يتعرف على البعض الاخر وهو بحوجة لرعاية طبية وإنسانية قبل كل شيء |
.. Quote: كابتن سليمان المحينة إنسان سوداني أصيل نبت في أرض خصبة مليئة بالخير والكرم والفضيلة.. تكاتفت عليه ظروف الفاقة والفقر في ظل ضمائر خفت بريقها.. وأجبرته على لبس جلباب وحيد هائماً على وجهه في أزقة ذات المدينة الخصبة ولكن دون أن يهتم به أحد..
|
الاعزاء جدا .. استاذ علاء .. وكابتن خالد سيا الوجعة .. وابناء العمومة في ابونا المحينة.. فعلا يا شباب الوضع مؤلم جدا لابد درجـة .. وهذه المرحلة التي يظهر فيها بر الوالدين .. هذه المرحلة الحساسة جدا .. وهي الحد الفاصل بين الوعي واللا وعي .. فعمنا المحينة الآن يعاني الزهايمر كما ذكر أخونا خالد وتأكدت من ذلك من خلال اتصالاتي التي اقوم بها حاليا مع الأخوان في الموردة الحلة .. فهو يعود لوعيه احيانا واحيانا لا .. اذا في كل الاحوال يحتاج للرعاية سواء ان كان عن طريق متابعة لصيقة جدا او عن طريق مسشتفى متخصص .. وفي كل الحالات هو يستحق العناية حاليا وقبل ان يتحول الأمر إلى خارج السيطرة اكثر مما هو عليه .. تلفون مني وتلفون منكم علي دار الرياضة وعلي سوق الموردة لي سكي .. او لي عوضية سمك .. بنعيد ترتيب الأمور إن شاء الله .. بالمناسبة يا استاذ علاء : فقدنــا مصطفى هاشم قبل شهور .. عليه الرحمـة والمغفرة كنا في فريق المدرسة مع بعض الفترة الكنت ماسك فيها الفريق .. ومصطفى ايضا شقيق مجاهد جوجو لاعب الموردة ومصطفى عليه الرحمة والمغفرة هو الشخص المناسب الذي كان يمكن ان يقوم بكل كبيرة وصغيرة وينسق لينا .. والمبكي في الأمر انو مصطفى عليه الرحمة والمغفرة توفى بعد ان سقط من داخل دار الرياضة امدرمان وتم حملة بالاسعاف ليتوفى في مستشفى امدرمان .. والمبكي في الأمر ان مصطفى عليه الرحمة كان اي مباراة في الدار بتكون منقوله منو حيه على الفيس بوك .. وانا شخصيا كان بيخصني بالتفاصيل الدقيقة جدا زي كأني قاعد معاهم .. عليه الرحمة والمغفرة .. ربنا يتقبلو قبول حسن ويدخلو الجنة ..
| |
|
|
|
|
|
|
Re: عمي المحينـة .. (Re: عزالدين عباس الفحل)
|
مؤسف بحق يا تمبس ما يحدث لعمنا المحينة - اللهم يأخذ بيده .. (وهذا أضعف من أضعف أضعف الإيمان) !
وشكراً ليك وإنت تحفر في الأضابير الإنسانية ..
بس ما تخلينا في الضُعف ده كتير وآنجدنا في الخاص ونورنا ماذا نفعل (مباشرة) كده ! ..
تحياتي
| |
|
|
|
|
|
|
Re: عمي المحينـة .. (Re: محمد الجزولي)
|
Quote: بس ما تخلينا في الضُعف ده كتير وآنجدنا في الخاص ونورنا ماذا نفعل (مباشرة) كده ! .. |
محمد الجزولي .. يا ود الخال .. سلام يغشاك من كل حتة .. ابتديت مع الأخوان بي هناك في ترتيبات محددة اتمنى انها تمشي على شكل جيد .. لان هناك اشياء سريعة بتحتاج حركة اسرع .. وحتما ح تكون في المقدمة يا محمد لانك واحد من اولاد عمنا المحينة وكلنا متشاركين في نفس الاب ..
| |
|
|
|
|
|
|
Re: عمي المحينـة .. (Re: Omer Mustafa)
|
هذه الصورة تعبر وبصدق عميق حال البلد المائل وماوصلت اليه الاحوال .. صورة مأساوية صادمة وحزينة اسأل الله الكريم رب العرش العظيم ان يرفع عنك البلاء وان يشفيك يا المحينة .. لاحول ولاقوة الا بالله ..
| |
|
|
|
|
|
|
Re: عمي المحينـة .. (Re: طلحة عبدالله)
|
يا تمبس الوالد امد الله في ايامه لعب ودرب ناديي التاج و الوطن ( سابقا ) ويحلو في فمه الحديث عن نوادر اللاعبين الذين عاصرهم و كان هذا الرجل ( المحينه ) له النصيب الاكبر من تلك الحكاوى ... و رغما عن كثرة ما سمعت عنه الا انني لم اكن لاعرفه لو قابلته .. و هذه اول مره اشاهد فيها صورة له. . مع انني متاكد من ان صاحب هذه الصورة مالوف جدا لي. و احزنني والله ما ال اليه حال رجل في قامته.
| |
|
|
|
|
|
|
Re: عمي المحينـة .. (Re: waleed dawash)
|
صورة محزنة لرجل مبدع وفنان
واتفق مع عمر الفاروق في ان بعض مبدعي الزمن الماضي لم يكونوا بعيدي النظر في تدبر امورهم...ولكن هذا لا يعني ان تتركهم الدولة ونتركهم نحن يواجهون هذه الظروف القاسية...
وتذكرني حالة الكابتن المحينة بحالة استاذنا الكبير القانون برعي (رحمه الله واحسن إليه)..وكثير من المبدعين الآخرين..
واثني كلام الحبيب محمد الجزولي...بأن نقوم بخطوات عملية..
مع ودي
| |
|
|
|
|
|
|
Re: عمي المحينـة .. (Re: ياسر منصور عثمان)
|
يا خال يا ياسر عارف انا ليي ضد تدخل الدولة ؟؟ لأنو الأهل والأقارب أوولى ..وهم اسياد الوجعة .. الأخطر في المواضيع دي تدخل المحسوبية والمحاباة اذا فتحنا باب الدعم للمبدعين من بلادي.. أوول سؤال ح يتبادر للذهن ما هي معايير تعريف المبدع والمشهور ؟؟؟ ومنو البيحدد ده مشهور مفروض ندعمه وده لأ ما ندعمو؟؟؟ المحينة لعب في الموردة والفريق القومي .. برشم كذلك.. أبو الليل كذلك .. سيف الدين الدسوقي كتب للوطن وللغنا؟؟ النعيم جارنا كذلك.. بكري ماجد كذلك.. كل سنة كشوفات الاندية الكبيرة بيكون فيها 28 لاعب ..أحسب معاي من 1940 لحدي الليلة في كم لاعب كورة مفروض الدولة تدعمو؟؟ في كم شاعر حقيبة ؟؟ في كم فنان؟؟ في كم قاص؟؟ في كم روائي؟؟ في كم ممثل؟؟ في كم ؟؟ في كم ؟؟ ح يختاروهم كييف وبي ياتو فهم ؟؟ الدعم بيبدا من الاسرة فالاصدقاء فالاقارب فاهل الحي ف ف ف .. ياخ والله وشوووف عيين ناس الحلة بيتريقو على العم المحينة وعاملنو مضحكة ..ليي ما بعرف؟؟؟ عشان شنو الله أعلم .. والزيو كتاااار يا خال ..
| |
|
|
|
|
|
|
Re: عمي المحينـة .. (Re: ياسر منصور عثمان)
|
Quote: ولكن هذا لا يعني ان تتركهم الدولة ونتركهم نحن يواجهون هذه الظروف القاسية... وتذكرني حالة الكابتن المحينة بحالة استاذنا الكبير القانون برعي (رحمه الله واحسن إليه)..وكثير من المبدعين الآخرين.. |
سلامات يا ياسر .. نعم لهم حق يجب ان يرد لهم من الدولة .. اقلاه جدا ان ترد لهم بعض من كرامتهم وعزتهم .. امثالهم لا يريدون من الدنيا اي شئ .. فقط كلمة طيبة او نفض على غبار السنين حتى يعودا اكثر بريقا ولمعان برعي القانون غيره الكثير من الاعلام .. ما ذلت اذكر في مخيلتي عمنا بدر التهامي .. عازف الكمان الماهر .. ودميتري البازار المؤرخ العظيم لفن الحقيبة وللتاريخ الذي انتهى به الحال في خرابـة بعد ان ردت له الجميل مجموعة من الكــــــــــــــــــــــــــــــــــــــلاب ليست ضالة حتما لانها عرفت ان ترد له الجميل فكان يطعمها ويعاملها بحنان لانه عرف ان الرفق بالحيوان يدخلك الجنة والدنيا يرد لك انسانيتك وكرامتك .. تلك الفعل الذي لا يقوم به انسانك وبني جلدتك
| |
|
|
|
|
|
|
Re: عمي المحينـة .. (Re: waleed dawash)
|
Quote: لا حول ولا قوة إلا بالله الجبار حاجة محزنة شديد والله يا تامبا .. أين الرجل الخلوق بروفسور عبد الهادي تميم من هذا ؟؟؟؟؟؟؟؟؟؟؟؟؟؟ |
محزنة ومخجلة والله يا طلحـة .. الما عندو قديم ما عندو جديد الناس دي بتتجارا وفريق قومي وناشئين ومناشط ومحترفين .. وإلخ إلخ .. وكلو فشل في فشل ,, لطالما القاعدين الآن على قمة الرياضة .. أو في مكان القرار لا يفقهون للرياضة شئ .. وليس لهم ماضي ولا حدثنا عنهم التاريخ انهم فعلوا وفعلوا .. فمن باب اولى ان يفعلوا الآن ولو القليل للجيل الذي قدم .. وما تبقى منهم إلا القليل .. ويتعدون بأطراف الاصابع .. عليهم يفعلوا لهم في اواخر ايامهم لما قدموهوا لنا في بدايات ايامهم ..
| |
|
|
|
|
|
|
Re: عمي المحينـة .. (Re: waleed dawash)
|
Quote: مع انني متاكد من ان صاحب هذه الصورة مالوف جدا لي. و احزنني والله ما ال اليه حال رجل في قامته. |
والله يا وليد مالوف جدا ولو قابلتو في اي حته اول حاجة بتشعر انك بتعرفو شديد حتى بعد ان وصل ما وصل ليهو من حال .. ح تكتشف فيهو انو ابوك واخوك وخالك وعمك ح تشم فيهو ريحـة اي زول عزيز عليك .. عارف يا وليد اجمل حاجة انك تقعد تسمع للناس الكبار ديل حكاويهم عن بعض .. كل حاجة بقولوها فيها بركـة وفيها علم ومعرفة ولما تضحك .. بتضحك من جوووة قلبك .. ولما تحزن برضو من جوووه .. لانو زمنهم كان زمن نضيف مختلف فيهو كل شئ .. مختلفة فيهم حتى نفوسهم وتعاملهم مع بعض محنتم .. تكاتفم .. الآن نحن .. اقرب واحد ليك عايز يطلع ليك فوق رقبتك ويعفصك ويعاين ليك بتموت ويضحك فوقك .. وكلو لي مجد شخصي جدا
| |
|
|
|
|
|
|
Re: عمي المحينـة .. (Re: طلحة عبدالله)
|
تحياتي يا تمبس و كثير الأشواق و الأمنيات ..... لا أستطيع وصف شعوري و أنا أطالع هذه الصورة و أردد بلا وعي : معقول ده المحينة ؟ معقول ده المحينة ؟ معقول ده المحينة ؟ و أعتقد إنو الإجابة المعقولة حتى اللحظة : نعم إنه السودان ..... للأسف ، تمنياتي القلبية أن ينعم الله تعالى على العم المحينة بالشفاء التام و كامل الصحة و العافية و أن يهنأ بقية أيامه كما تهنأ الكثيرون بفنه الجميل في تلك الأيام الخوالي .... آمين .
| |
|
|
|
|
|
|
Re: عمي المحينـة .. (Re: مصدق مصطفي حسين)
|
Quote: تحياتي يا تمبس و كثير الأشواق و الأمنيات ..... لا أستطيع وصف شعوري و أنا أطالع هذه الصورة و أردد بلا وعي : معقول ده المحينة ؟ معقول ده المحينة ؟ معقول ده المحينة ؟ و أعتقد إنو الإجابة المعقولة حتى اللحظة : نعم إنه السودان ..... للأسف ، تمنياتي القلبية أن ينعم الله تعالى على العم المحينة بالشفاء التام و كامل الصحة و العافية و أن يهنأ بقية أيامه كما تهنأ الكثيرون بفنه الجميل في تلك الأيام الخوالي .... آمين . |
العزيز مصدق سلامات فعلا اجد لك العذر في معدل الدهشــة اعذرك شديد جدا .. فأنا ايضا مهما بلغ الامر مما قيل لي قبل فترة ما كنت اتوقع ان يكون الأمر على هذا النحو المحينة بذات نفسه .. الذي كان يقوم بكسوة العرايا واطعام المساكين وكانت له كلمته المسموعة .. يجور به الزمان .. وينال منه ؟ نعم انه السودان .. والحال المايل في السودان يا مصدق .. ربنا يلطف به وبنا وبعباده
| |
|
|
|
|
|
|
Re: عمي المحينـة .. (Re: علاء سيداحمد)
|
Quote: تمبس لك التحية ولنعمل سوياً لنجدة عمنا المحينه... |
عمر مصطفى .. تحياتي الشديدة .. وإن شاء الله كلنا يد واحدة لعمنا المحينة ..
Quote: اسأل الله الكريم رب العرش العظيم ان يرفع عنك البلاء وان يشفيك يا المحينة .. |
شكرا يا علاء .. امثال عمنا المحينة كثر هاموا في الطرقات لفترات طويلة منهم من قضى نحبه ومنهم من ينتظر .. والاهمال نفس الاهمال والحال ياهو نفس الحال .. نسال الله ان ياخذ بيده وبيدنا نقدر نقوم بالواجب على اكمل وجه ..
| |
|
|
|
|
|
|
Re: عمي المحينـة .. (Re: عبدالعزيز عثمان)
|
Quote: تبني الحملة يااخ تمبس وهي ليست بالصعبة،ودعك من جهاز الدولة فلو كان فيه خير لكان فعله. |
عبد العزيز سلامات يا خينا .. إن شاء الله ح نعمل حاجة .. ايدينا مع بعض أخوة في الداخل وفي الخارج في افكار جميلة جدا ح تكون سريعة إن شاء الله في ترقيع الحاصل .. طبعا الحكومة نحن زاتو رفعنا منها الدعم ولا عايزين منها حاجة .. خليها عليك الله تشيل وتدي في العربات للمصرييين وتودي في الاسعافات للشعب الفلسطيني الحـر ..واللحمة العجالي لمصر
| |
|
|
|
|
|
|
Re: عمي المحينـة .. (Re: العوض المسلمي)
|
Quote: يا الله يا تمبس..................... غلبني اقول حاجة.............. |
حبيبنا نادر .. والله كلنا غلبنا لكن ما عايزين نقول عايزين نعمل .. عليك الله شوف جور الزمان يا نادر ..؟ ..
Quote: تقريبا كل الرياضيين مثل عمنا المحينة رغم اختلاف حالاتهم ولا يوجد راعي او متابع لهم والامثلة كثيرة ... اقترح الدعوة لتكوين جسم يرعي قدامي الرياضيين دعما لحلاتهم العلاجية والاجتماعية ويكون من المنبر الشرارة الاولي .. رائكم شنو ؟! |
يا عمدة العوض .. سلامات يا ريس .. نعم ، اهمال شديد جدا .. زي ناس المحينة ديل مهملين والدولة بتوزع في العربات للمصريين .. والله يا العوض كلامك في الصميم .. عارف ولسخرية الاقدار العجيبة ..كان عندنا في الموردة على بعد خطوات من السوق .. نادي لمعاشي القوات المسلحة ونحن كنا شفع .. كنا بنشوف اعمامك ديل بي كامل هيبتم ايوة كامل هيبتم في دار يحترم جلالة قدرهم .. ويحترم كارزمتم ويحترم دورهم الطليعي في المجتمع .. كمقاتلين قداما وكقادة .. اصلو معروف انو العساكر او لعيبة الكورة او الفنانين ديل الواحد فيهم بعدما يتقاعد بيكون حالو تاني .. بيحتاج لي معاملة خاصة ولي رعاية خاصة ولي اشياء كتيرة خاصة لو اختل الميزان فيها .. بيحصل زي الحصل لي عمنا المحينة دا .. الفكرة سهلة جدا يا عمدة .. ولو تبناها المنبر ولو فكرة على السايبر ممكن تثمر .. لكن اين من تنادي ..؟
| |
|
|
|
|
|
|
Re: عمي المحينـة .. (Re: سليمان القرشي)
|
Quote: لم اسمع به من قبل ولكن من حديثك والاخوة الافاضل كأني اعرفه منذ زمن تاثرت لحالته لان هذا هو حال الكثير من المبدعين في شتي المجالات في هذا الوطن ولكن عندما نجد امثالكم من الاوفياء الانقياء سنطمئن علي حالهم لان الدولة لاترعي ابنائها المبدعين ولاتكلف نفسها حتي بالسؤال عنهم |
حبينا سليمان .. شكرا جزيلا ياخ .. شكرا لانسانيتك وسودانيتك .. بالمثل تداعى الكثير من الاخوان لهذا العم المحينة .. صفحات وصفحات على الفيس بوك انتمت من أجل عمنا المحينة .. حتى انهم لم يروه من قبل وليس لهم ادنى معرفة به ولا بحي الموردة لكن هي النزعة الادمية فينا .. شكرا يا سليمان ، وان شاء الله الجاي اجمل لعمنا المحينة ..
| |
|
|
|
|
|
|
Re: عمي المحينـة .. (Re: tmbis)
|
علاء صباحاتك خير كتابة تنقر القلب بخفة شكرا لك وان تفعل شيئا ان يعيش هذا الرجل الكبير شيخوته باحترام رحل بالامس حارس الهلال السابق اسامه عبد الرحيم كفيفا ومعدما
| |
|
|
|
|
|
|
Re: عمي المحينـة .. (Re: ناظم ابراهيم)
|
أخونا علاء الدين الله يديك العافية ياخ و إنت تكرم رجل قدم الكتير للسودان الوالد الله يديه الصحة و العافية كتير بتكلم عن الكورة و ناس الكورة و إسم المحينة دا برددوا كتير رغم مريخية الوالد حكى لي مرة قال لي المريخ كان لاعب ضد الموردة و كانت مشكلة المريخ في المحينة .. فرغو واحد من اللعيبة علشان يباري المحينة محل ما يمشي و أهم شئ الكورات المعكوسة علشان الضربات الرأسية . أها زولنا مباريهو المباراة كلها و المباراة ماشة على درون آآآآآآآآآآآآآآآآآآآآآآخر دقيقة كورنر للموردة ... إتعكست و نط المحينة و من راسو و للمرمى .... بعد المباراة الجماعة قعدوا يزلو ليك في الراجل ياخ نحن ما كلمناك قلنا ليك ما تخلي الكورة تصل راسو ...؟؟
قال ليهم يا جماعة و الله العظيم نطيت معاه لم شفت قضيب الطرماج ... أسوي شنو أكتر من كدا
ربنا يديهو الصحة و العافية
| |
|
|
|
|
|
|
Re: عمي المحينـة .. (Re: ABUHUSSEIN)
|
أهل الموردة لم بتفرجوا في كابتن المحينة بل كانت هناك مبادرات من أبناء واقطاب الموردة وايضاً بعض اصدقائه الرياضيين وذلك لعلاجه من مرض الزهايمر الذي اصيب به مما يجعله مرة جوه الشبكة ومرة خارجها ومن المعروف انه شخص شرس - كما تفضل تمبس - (وأهله من جبيل الطينة) جبل أولياء ( جموعي) واي واحد يجيب ليه سيرت علاج أو مستشفى سكينه في ضراعه ويحلك منه الحلة بلة .... حتى اصدقائه المقربين منه ناس دار الرياضة و احمد دولة وغيرهم من الرياضيين الذين كانوا يتجمعون عنده يوم الجمعة بدكانه بسوق الموردة لم يستجب لهم بل حتى بعض المسئولين لم يجدوا اذانا صاغية منه فهو عنيد .. وهو عندما يدخل الشبكة يرجع لحالته الطبيعية .. تصور .... !!! نتمنى لن يستجيب للرجاءات ويتعالح ويرجع لنا كابتن المحينة الزمان .. أفادني بذلك أحد الإخوة مورداب الداخل الذي لا أشك في اقواله.
| |
|
|
|
|
|
|
Re: عمي المحينـة .. (Re: عثمان دغيس)
|
ابننا الحبيب
تمبس
يا زول ات زول كتاب شديد
وكنت فاكرك بس عند الاستفزاز لكن لقيتك في كل الاحوال
المحينة ده موضوعو بسيط
اول حاجة تكلفو واحد كل يوم الصباح يجيهو يجيوهو من كلو
ويتأكد انو أكل وجبتين على الأقل
ويحلق ليهو
ويغير ليهو ملابسو
انت عارف الحكاية دي كولها كده ممكن تكلف ليها
ألفين تلاتة الاف في الشهر
| |
|
|
|
|
|
|
Re: عمي المحينـة .. (Re: garjah)
|
هيه يا تمبس موجعٌ ما آل إليه حال عمنا المحينة موجعٌ إلى الحد البعيد عجل الله له بالشفاء وأعاده سيرته الأولى ....
تحياتي واحترامي
| |
|
|
|
|
|
|
Re: عمي المحينـة .. (Re: garjah)
|
Quote: يبدو انه لا يعرف قدر الرجال إلا الرجــال .. |
فعلاً يا تمبس ودا الحاصل لكن بعد تحرك ابناء الموردة واصحاب الوجعة يمكن للجهات الرسمية ان تقدم شيئاً ملموساً حسب ما يقدم لها من مقترحات قابلة للتنفيذ بالتوفيق ودعواتنا لهذا الرجل صاحب التاريخ والانجاز العريض : : : : : اللهم يا شافي يا كافي اشفه من كل سقم يا الله وعافية مع التحيات لله الزاكيات
| |
|
|
|
|
|
|
|