|
|
 Re: بخصوص قنبلة القرنيت التي ألقيت في منزل بالديوم الشرقية (Re: أسامة العوض)
|
مشاركات فيسبوك
Quote: Khalid Al-Mubarak · متابعة · الأكثر تعليقا · Economics
اخاف اكذبكم تقولو كوز ، لكن ياخ ما للدرجة دي اي حاجة تنسبوها للحكومة ، المنبر ده الواحد فيهو لو عطس في بوست الباقين يعلقو و يلعنو سلسفيل الحكومة و النظام !! يااااا جماعة نحن نبحث عمن يخلينا نقتنع بالحقائق لكن ان تتهم الحكومة هكذا جزافا مع اهمال احتمال اي متسبب اخر في كل حادثة و على مستوى المنتدى كووولووو بقيتوها شينة يا سودانيز اونلاين شينة عديييييل و ظاااااااهرة !!! |
| Quote: اخاف اكذبكم تقولو كوز |
البيخلينا نكذب شنو؟ متمنين كده لولدنا وليد؟
الحكومة دي طاهرة؟ وحتفضل طاهرة؟.... ناقصة يكذبوا عليها؟ وجرائمهم وإبادتهم لشعبهم بدم بارد متلفزة لكل العالم
الخبر مدعوم بأسماء ناس معروفين للقاصي والداني هذه هي الحقيقة, وأتفق معك أن الحكومة تفعل أشياء غير منطقية وقد لا تُصدَق , إلقاء قنبلة قرنيت في بيت أسرة؟ لكن ما بيدنا أن نفعل إذا كانوا يفوقون سوء الظن العريض بهم, ويأتو بالبدع في سبيل التنكيل بالشعب والتشبث بالحكم؟ والهرب من مصير القذافي
| Quote: المنبر ده الواحد فيهو لو عطس في بوست الباقين يعلقو و يلعنو سلسفيل الحكومة و النظام !! |
إنتقل الناس الآن من مرحلة لعن الحكومة إلى مرحلة إزاحتها من عجلة التاريخ وبدأ ينفتح ستار الحياة لفصل جديد لأن الشعب أراد الحياة
| Quote: يااااا جماعة نحن نبحث عمن يخلينا نقتنع بالحقائق لكن ان تتهم الحكومة هكذا جزافا مع اهمال احتمال اي متسبب اخر في كل حادثة |
قنبلة القرنيت ممكن تكون عند منو؟ لو سيف , ساطور , فرار , قدوم, سكين , عكاز , طلقة ممكن يكون المتسبب فيها أي زول تاني غير الحكومة لكن القرنيت عند الحكومة , أما الإيحاء بأن الحركات المسلحة هي التي جاءت وألقت بالقنبلة فهو لا يدخل عقل وقد شاهدنا من قبل حركة العدل والمساواة تدخل داخل العاصمة مدججة بكافة الأسلحة ولم تمس أي مواطن مدني دع عنك أن تلقي بقنبلة داخل بيت , في حين أن نظاميي الحكومة لم يتورعوا عن قتل مواطنين عزل داخل منازلهم , ونقول للحكومة البيرقص ما بيغطي دقنو
زي تصريح قطبي المهدي , أسمع الحقائق دي:
"أحد المتظاهرين المخربين أخذ البندقية بالقوة من احد أفراد الأمن واطلق النار على رأسه ومات"
وبعدين البطل شاف القلادة بتاعة الخاين؟...... الحكومة مفتكرة الشعب داقس؟ عنده قنابير؟ بيريل؟
يقول يوجد مخربين ومندسين , وكل الشهداء الآن أمامك هم خريجين وطلاب وطالبات مدارس وجامعات , عزّل ومسالمين.
(عدل بواسطة أسامة العوض on 09-28-2013, 08:26 PM)
|
|
 
|
|
|
|
أسامة العوض
فيس بوك
تويتر
انستقرام
يوتيوب
بنتيريست