|
|
 Re: غول الهوس الديني يتخطف شبان المهاجر!/بثينة تروس (Re: بثينة تروس)
|
الكاتبة تتحسر على التحاق شباب المهاجر المسلمين بغول الهوس الديني!!
وللمرء أن يتساءل: ما الذي يعصم هؤلاء الشباب من الانضمام إلى غول الهوس الديني، إذا كانت كاتبة المقال تعمد، في ذات بلاد المهاجر (كندا)، إلى تنظيم المحاضرات لدكتور النعيم، الذي تضع صورته معها في بروفايلها، حيث يدعو النعيم شباب المهاجر المسلمين هؤلاء إلى التضامن مع (المثليين) والخروج معهم في تظاهراتهم لمناصرة قضاياهم!!
بل إن النعيم يخبر هؤلاء الشباب إن مجرد الدعوة إلى عقد اجتماع للنظر في مشروعية الخروج في تظاهرات المثليين إنما هو (كلام ني جدا)!!
للأسف هذا الكلام يوجهه النعيم مخاطبا جمعا من السودانيين الذين يعدون أنفسهم من المناضلين، الداعين إلى تحرر السودان والنهوض به!! ولم يعترض أي منهم على حديث النعيم هذا!! فإن كان السودان سينصره من يذهبون مذهب النعيم هذا واطاتو أصبحت!!
فلنسمع النعيم أولا:
(في مسائل قد تجدها في المجتمعات دي، أو في أي مجتمعات، يعني.. في الحقيقة في مجتمعاتنا السودانية موجودة.. مسألة مثلا المثلية الجنسية!! زمان أنا بتذكر نحن مثلا لمن قرينا تاريخ، قالوا المهدي لمن جاء ماشي قبل ما يبعث في بعثته، جاء، موش لقى في محل شيخو، قال في زفة كبيرة، وبتاع، وقال دا شنو، قالوا في زواج!! زواج منو؟ راجل بي راجل قالوا.. القصة دي أنا أتوهمت ولاّ؟ (موجها السؤال للحضور وجاءته الإجابة: في.. آآآي..).. طيب: معناتها العلاقات المثلية دي كانت موجودة في المجتمع السوداني بالصورة البيحصل علي أساسها زواج!! والناس كانوا ما مستنكرين الموضوع دا)!!
(الظاهرة موجودة في المجتمع!! وكانت معروفة.. وحتى.. لكن دا ما موضوعي.. موضوعي أنه المسائل دي حا تجي قدامنا توجهنا.. يعني قول انت مثلا عاوز تمشي في مسيرة لمطالبة بشيء معين.. جاكم اتحاد قال ليكم نحنا عاوزين نمشي معاكم المسيرة دي، لكن نحنا برضو عندنا قضايا برضو دايرنكم تكونوا معانا فيها.. وانتوا بالأول ما عندكم فكرة تقولوا ليهم خلاص جدا ما عندكم مشكلة.. لمن يجوا ليك بعد بكرة يقولوا ليك نحن قضيتنا عاوزين نطالب بي... آآآآآآ (مال علي الحضور واختفى كلامو في غمرة الضحك)!! حا تعمل شنو؟؟ (ضحك)!! البقصدوا أنا، أنه الدولة، الدولة كمؤسسة سياسية محايدة تنظم الزواج من غيرعلاقة بطبيعة الزواج الدينية!! يعني شروط الزواج المطلوبة دينا ما بتهم الدولة)!!
(المثلية الجنسية.. هل تكون شرعية.. مشروعة وما مشروعة.. قانونية ما قانونية.. دي قضايا مطروحة في المجتمع الحولنا.. نحن ما عندنا فيها رأي.. ولا عندنا حتى ثقة في أنفسنا بأنه ممكن نعبر عن رأي فيها.. ونتخيل إنه نحن ممكن ونكون نستمر مواطنين كنديين ناجحين في مواجهة قضايانا وحل مشاكلنا من غير ما نشتبك مع هذه القضايا.. دا ما بيحصل)!!
(والصورة بالذات الفي غاية الأهمية هي المقدرة على تشكيل تحالفات مع قوى سياسية مختلفة لتحقيق أغراضك السياسية، انت، كمواطن كندي !! يعني نحن ممكن نقول.... نفتكر أنه المثلية الجنسية هي ماها ظاهرة عندنا في مجتمعاتنا، بالتالي ما بنحتاج نحن.. نكون.... هي في الحقيقة ظاهرة موجودة في مجتمعاتنا... بس نحن على جهل بيها، وعلي إنكار بيها!! والمسألة بتاعت إنه هل هي تكون مشروعة ولاّ غير مشروعة قانونا ما بتعني أنها هل هي تكون موافق عليها، ولاّ ما مرفوضة أخلاقيا..دا.. في اختلاف أساسي بين أنها تكون قانونية، وبين أنها تكون أخلاقيا مقبولة عندك، أو عندي أنا ولاّ التاني.. ونحن تصورنا، أو الخطأ القايم عندنا، أنه إذا كان وافقنا عليها أنها تكون قانونا جايزة، كأنما وافقنا على أنواع السلوك أخلاقيا، دي غلطة كبيرة بنحتاج نواجه أنفسنا.. نكون.. نصحح أنفسنا فيها)!!
(الهجرة واجب.. لكن واجب إذا ما أتبعتو بممارسة للحق المن أجلو هاجرتَ يبقى هجرتك ما عندها قيمة.. وتبقى هجرة ملتوية جدا!! غريبة!! يعني إنت ليه مارق من بلدك إذا كان حاتعيش نفس حياتك البتعيشها في بلدك، حاتعيشها في حتة تانية.. يعني إذا كنت انت مهمش سياسيا في السودان وحاتجي تقعد مهمش سياسيا في كندا ايه، ما تقعد في السودان؟ ما أحسن!! على الأقل البرد تتفاداهو ولاّ كدا!! (ضحك).. فإذن... أو أنه اجتماعيا، السلوك مثلا، حكاية أنه.. (حركة باليدين والجسم).. آآ دي فلانة دي مالها كدا؟ وفلان دا مالو كدا؟ وداآآ، والناس يعملوا كدا.. كل المسائل دي.. أنا أقصد إنه أفتّح المسائل دي)..
(في قوى سياسية في البلد دا بتمشي معانا فيها!! وبيوقعوا عرائضنا لو مشينا لي عرائض في الموضوع دا.. آآ فديل مرة مرتين وتلاتة بيعملوها معانا على توقّع بأنه في معاملة بالمثل!! إنه نحن برضو نتعاون معاهم في قضاياهم: بأنه نأخد مواقف معاهم مشتركة!! لكن نحنا لمن تجي قضاياهم: والله يا خي الحكاية دي أنا ما عارف!! (قالها بتقليد نبرة الصوت)!! كدي نعمل اجتماع!! دا... دا.. نمشي الجامع نفكر في الموضوع!! كلام ني جدا!! )..
(فدي.. دي.. دي.. دي المسائل أنا رميتها ببْ ببْ يمكن تكون بصورة سريعة ومتوالية عشان ندي شعور بأنه نوع التنوع الموجود في القضايا البتنشأ من ماذا يعني أني أنا كندي؟)!!
وكاتبة المقال تفتخر أنها نظمت هذه المحاضرة حيث تقول إنها معنية بها مباشرة، وأنها هيأت لها المكان، وانتفعت بها (غاية الانتفاع)!!
إبراهيم عبدالنبي
|
|
 
|
|
|
|
|
| |
فيس بوك
تويتر
انستقرام
يوتيوب
بنتيريست