|
|
 عشان تشوفى يا حكومه بتوجعى الناس كيفين
|
منقوله من صفحه لوىء المستشار فى الفيسبوك 
تعالوا هنا يا أصدقاء .. خذوا (نصيبكم من الوجع) .. فلم يوجعني نص في الآونة الأخيرة كمثل هذا النص الذي خطه الأخ "حسام حيدر" لم أستطع حبس دموعي التي سالت لوحدها ..
مصعب أنت لم تمت .. أصدقائك يكتبون لك لأنك حيٌ هناك فوق السحاب .. فالناس لا تكتب للأموات .. صديقك يكتب إليك و يهذي ودموعه تنهمر هو يبكي بألم ويضحك بصوت عالٍ ويمسح دموعه في ذات الوقت كمن أصابه مسٌ من الجنون .. يمازحك مزاح الأصحاب للإصحاب .. يخاطب شعرك المبروم وسفنجتك المقلوبة وفردة شرابك (الكل واحدة من بلد) .. يغازل (سغالتك) و( بياختك).. حسام وأصدقاؤه يشتاقون إليك يا مصعب!
.. رد يا (لايوق) يا (غياظ) !!
هذا ماكتبه حسام حيدر :
__________
مصعب ..نهارك سعيد ..كيفك ياغالي أنت مشكلتك شنو ؟؟؟
أنا أوريك مشكلتك أنك جيت في زمن غلط ..
بس أنا عايز أعرف أنت سويت شنو بالضبط ؟؟!!
بس ساي كدة يعني جاك الرصاص ..؟!
أنت ذاتك لايوق ياخ ..
ماتقاطعني ..
جنك تقاطع ...بضحكاتك دي ..
ماتضحكني معاك ..
طوالي لابس سفنجتك الواحدة دي ماتغيرها أبداً ياخ أحسن منك إيدي (عبدالهادي) البيلبس جزم كل واحدة لونها براه ....ههههههههههههههه ..
تذكر يوم إيدي جاء لابس فردة خضراء ..وفردة صفراء وهو التوم بتاعه جو لابسين سوا ومبرمين شعرهم ..أنت صاحبهم ماعرفتهم ههههههههههههههههه ..
مقلبوك لكن ..
تذكر يوم حكيت لي نكتة أدروب وقعدت تضحك في أهلي ههههههههههههههههههههه ..... يامعفن ...
عارفك ساخر ...أنا ذاتي مستغرب الرصاص هد حيلك هنا كيف؟؟!!
بعدين الليلة النهارية زي الساعة 12 كدة جيت جنب جوته مالقيتك المهم ح أمشي وأجي راجع ..الليلة يومك علي ح أعزمك جبنة ظاااااااابطة ..طبعاً ماحصل عزمتك ..لكن الليلة أنت معزوم ..أوع تقول لي ماشي وفي شباب راجيني حركات المثقفاتية والفنانين دي ههههههههههههههه بتغيظك مش يلا أتغاظ ......
وعلي فكرة كل يوم ح أتكلم معاك لو مابزعجك ..
بزعجك مش ح أزعجك طيب..
|
|
 
|
|
|
|
|
| العنوان |
الكاتب |
Date |
| عشان تشوفى يا حكومه بتوجعى الناس كيفين | رانيه محمد الشيخ | 09-29-13, 09:14 PM |
 Re: عشان تشوفى يا حكومه بتوجعى الناس كيفين | رانيه محمد الشيخ | 09-29-13, 09:17 PM |
| Re: عشان تشوفى يا حكومه بتوجعى الناس كيفين | usama Babiker | 09-29-13, 09:25 PM |
| Re: عشان تشوفى يا حكومه بتوجعى الناس كيفين | محمد أحمد الريح | 09-30-13, 05:03 AM |
| Re: عشان تشوفى يا حكومه بتوجعى الناس كيفين | نادر | 09-30-13, 06:24 AM |
| Re: عشان تشوفى يا حكومه بتوجعى الناس كيفين | ادم شحوتاي | 09-30-13, 08:39 AM |
| Re: عشان تشوفى يا حكومه بتوجعى الناس كيفين | د.نجاة محمود | 09-30-13, 09:29 AM |
| Re: عشان تشوفى يا حكومه بتوجعى الناس كيفين | جمال الباقر | 09-30-13, 10:31 AM |
| Re: عشان تشوفى يا حكومه بتوجعى الناس كيفين | رانيه محمد الشيخ | 09-30-13, 12:08 PM |
| Re: عشان تشوفى يا حكومه بتوجعى الناس كيفين | رانيه محمد الشيخ | 09-30-13, 01:08 PM |
| Re: عشان تشوفى يا حكومه بتوجعى الناس كيفين | عبداللطيف شريف على | 09-30-13, 02:49 PM |
|
| |
فيس بوك
تويتر
انستقرام
يوتيوب
بنتيريست