|
مناشدة ورسالة هامة جدا لجميع طرابيد ورماديين المنبر ..
|
يا اخوانا والقسم العظيم سئمنا وهرمنا في الكلام الفارغ التسوو فيهو ده .. السودان ده ما حق زول .. ولا النضال حق زول .. ولا ادعاء الموضوعية والشفتنه حقت زول .. الجمعة دي أسميت جمعة الوفاء للشهداء .. هناك شهداء وهناك دم مهرق في شوارع الوطن .. فلنرتقى جميعا لهذا الحدث .. هذا المنبر قد يمثل صوتا لبعض اهل السودان .. سواء في الوطن او في المنبر .. فلنجعله مكانا للتلاقي والاختلاف الجميل .. والله لا يكاد المرء يعلم ايكم اكثر وطنية من الآخر بمجرد تصنيف رمادي او طوربيد او مناضل كيبوردي .. انا موقفي من مقاطعة الكيزان في المنبر يكاد يكون الاكثر وضوحا .. وانا الآن في تمام الاستعداد الان للاصطفاف ورا محمد بشرى الخضر او خضر الطيب .. وكلاهما اعلم علم اليقين نقاء سريرته الوطنية .. قد يكون مليئا بالعيوب ولكن نقاء السريرة الوطنية لا شك فيها مطلقا ..
شخصيا ساقاطع أي عضو سيجر هذا المنبر لذات هذا النسق الكريه جدا ..
|
|
|
|
|
|