|
أكبر خرافة في السودان ... يجب محاربتها
|
ناس الإنقاذ من يوم جو للحكم فاكنها فينا أنه السودانيين محاربين لأنهم أصحاب مبادىء وكلما حلت بنا ضايقة من صنع أنفسهم وضرب يدهم يقولو ليك السودان محارب في دينه وفي قيمه وللأسف الشديد الكلام ده لحدي قبل يومين تلاتة كان السيد الرئيس بيقنع بيه الناس أنه الوضع الإقتصادي المتردي ده ما سببه الفساد المستشري في أجهزة الدولة ولا الأخطاء الفظيعة التي ظلت الحكومة ترتكبها بكل حماقة ولكن سببه لأننا أصحاب مبادىء والعالم بيحاربنا عشان كدة.... هل نحن بالسذاجة دي عشان نصدق وهم زي دة ... هل الشعب السوداني المثقف الواعي المتعلم ده ممكن يتخم بكلام زي ده ؟؟؟؟ اهم المبادىء الإنسانية بين الحاكم والمحكوم هي الحرية والعدالة والكرامة الإنسانية هي النزاهة والشفافية والديموقراطية وحقوق الإنسان موش الدغمسة بتاعة المؤتمر دي...
|
|
|
|
|
|