لا ادري لماذا تعثرت تجربته الاحترافية في السعودية لكن هذا الفتي يملك الكثير ليقدمه يعجبني ذكائه وسرعته وقدرته الفائقة على التوقع والتموضع الجيد .......
09-15-2013, 08:12 AM
omer osman omer osman
تاريخ التسجيل: 06-09-2007
مجموع المشاركات: 15218
بالله واحد يجيب لينا هدف الهلال الثالث الذي احرزه بشة (قلبي ما بطاوعني امشي اجيبو براي) وشوفوا عليكم الله حركة بشة وكيف تسلل من خلف مدافع المريخ غاندي وكيف توقع وتموضع للكرة واسكنها في شباك الحضري
09-15-2013, 08:12 AM
الصادق صديق سلمان الصادق صديق سلمان
تاريخ التسجيل: 07-11-2006
مجموع المشاركات: 4010
يا جنابو .. المريخ في كورة اول امبارح دي لاعب بي 6 محترفين وتلاتة لاعبين من الهلال (هيثم - علاء الدين - الباشا ).. الهلال لعب بي حداشر موهبة محلية .. وتقول لي حرام يضيع؟؟ بس عليك علي السنة الجاية نجيبو ليكم عشان ما يضيع ..:):)
بالمناسبة .. وعشان ما أنسى .. ظووووووط...
09-15-2013, 08:33 AM
ياسر منصور عثمان ياسر منصور عثمان
تاريخ التسجيل: 01-16-2013
مجموع المشاركات: 4496
'طيب اول بالتبادي ابتدي ليك محل ما انتهى عمر الفاروووق .. الا وهي ظوووووط .. اي موهبــة بتتكلم عنها تضيع ..؟ كل المواهب البتتولد خارج رحم الهلال .. بتجي تكمل دورة حياته داخل الهلال ,,, الود بشـة دا مما جا .. وهو في مستوى متقدم جدا ... غالبا يتعثر بي اصابة او القراية تحرمو شويتين وتشغلو .. زي بشـة دا ما ينفع يحترف في دولة عربية .. بشـة دا مفروض من هنـا يمشي يلعب في فرنســا .. كورتو بتشه فرنسا وهو زاتو بشبه الاولاد الافتخرت بيهم فرنسا ناس ابيدال وتيري هينيري وكيتا والبقية .. الفيلسوف بشــــة دا انا قبل كدا كتبت عنو .. وقلته .. احسن زول بلعب راس في المرمى .. واحسن لاعب في السودان حاليا .. بقدر يشكل جسمو في الهواء للعبة الراسية .. وكنت شبهتو بي لعيبة الباليـــه من شدة ما هو رشيق .. ربنا يحفظو .. وقلته احسن زول بعرف يتعامل مع الكورة بي طريقة علماء الرياضيات والفيزياء وعلماء الفلك . .. يعني عندو نظرية بعرف (ينقر) بيها الكورة من ياتو ناحية وهي جاية بي ياتو سرعة علشان يخليها تدخل القون بي ياتو سرعة شفت كيف اي حاجة عندنا بي نظام ..؟ بشة دا قبل كدا عمله فيكم .. لما انطلق زي الصاروخ وختاها لي اكرم في حتة عجيبة .. حسع عليك الله جيب القوون بتاع الشبال وشوف بشة دا اتحرك كيفن من قبل ضربة الكورة وعرف يقرا المحل الممكن تجي فيهو الكورة ويستقبله مرتاح .. موهية زي دي ما بتضيع .. بقعد في الهلال دا علشان يمتعنا .. ويمتعكم انتو زاتكم .. لذلك .. لو في زول بعرف لينا ناس جاك شيراك .. وتيجانا .. وميشيل بلاتيني .. يديهم لكزة يقول ليهم .. والله انتو ما قاعدين تعرفو اي حاجة .. مخلين ليكم ولد حريف زي دا في السودان قاعد بس لي اذيـة المريخاب
زووووووووووط
09-15-2013, 08:47 AM
omer osman omer osman
تاريخ التسجيل: 06-09-2007
مجموع المشاركات: 15218
Quote: 'طيب اول بالتبادي ابتدي ليك محل ما انتهى عمر الفاروووق .. الا وهي ظوووووط .. اي موهبــة بتتكلم عنها تضيع ..؟ كل المواهب البتتولد خارج رحم الهلال .. بتجي تكمل دورة حياته داخل الهلال ,,, الود بشـة دا مما جا .. وهو في مستوى متقدم جدا ... غالبا يتعثر بي اصابة او القراية تحرمو شويتين وتشغلو .. زي بشـة دا ما ينفع يحترف في دولة عربية .. بشـة دا مفروض من هنـا يمشي يلعب في فرنســا .. كورتو بتشه فرنسا وهو زاتو بشبه الاولاد الافتخرت بيهم فرنسا ناس ابيدال وتيري هينيري وكيتا والبقية .. الفيلسوف بشــــة دا انا قبل كدا كتبت عنو .. وقلته .. احسن زول بلعب راس في المرمى .. واحسن لاعب في السودان حاليا .. بقدر يشكل جسمو في الهواء للعبة الراسية .. وكنت شبهتو بي لعيبة الباليـــه من شدة ما هو رشيق .. ربنا يحفظو .. وقلته احسن زول بعرف يتعامل مع الكورة بي طريقة علماء الرياضيات والفيزياء وعلماء الفلك . .. يعني عندو نظرية بعرف (ينقر) بيها الكورة من ياتو ناحية وهي جاية بي ياتو سرعة علشان يخليها تدخل القون بي ياتو سرعة شفت كيف اي حاجة عندنا بي نظام ..؟ بشة دا قبل كدا عمله فيكم .. لما انطلق زي الصاروخ وختاها لي اكرم في حتة عجيبة .. حسع عليك الله جيب القوون بتاع الشبال وشوف بشة دا اتحرك كيفن من قبل ضربة الكورة وعرف يقرا المحل الممكن تجي فيهو الكورة ويستقبله مرتاح .. موهية زي دي ما بتضيع .. بقعد في الهلال دا علشان يمتعنا .. ويمتعكم انتو زاتكم .. لذلك .. لو في زول بعرف لينا ناس جاك شيراك .. وتيجانا .. وميشيل بلاتيني .. يديهم لكزة يقول ليهم .. والله انتو ما قاعدين تعرفو اي حاجة .. مخلين ليكم ولد حريف زي دا في السودان قاعد بس لي اذيـة المريخاب
زووووووووووط
والله ياتمبس اذا تغاضينا عن السلوك الغير رياضي بتاع زوووووووط بلقي نفسي متفق معاك تماماً في وصفك لي بشة وبالجد الولد ده كتير على الكورة السودانية وانا ما عارف هو عمره كم بالضبط لكن في تقديري انه لايزال صغير في السن ويمكن ان يطور قدراته اكثر وده بالتأكيد ما حيحصل وهو قاعد في الهلال ولا حتى لو انتقل للمريخ ..........
09-15-2013, 08:38 AM
omer osman omer osman
تاريخ التسجيل: 06-09-2007
مجموع المشاركات: 15218
Quote: والله ياتمبس اذا تغاضينا عن السلوك الغير رياضي بتاع زوووووووط
والله يا جنابو اليومين دي انا بنصحك تخارج نفسك من البورد دا او على الاقل ما تقول اي حاجة لانو الناس دي روحه محرقاها شديد من الرش دا .. هلالاب ومريخاب .. الاتنين روحم محرقاهم .. المريخاب من الرش التقيل دا .. والهلالاب روحم محرقاهم من قوون بويا في الحضري دا ومن القون الراح حق بشة .. عشان كدا زوطاتك بتكتر كلما فتحت ليك موضوع عن الكورة دي .. .. انا بتفق معاك يا عمر .. بشة دا لسة صغير ولوضع في السودان ما مشجع بالنسبة ليهو لانو كورتنا دي لو لعبتك سنة لي قدام السنة البعديها ما بتديك .. بشـة فيهو كل مقومات المحترف .. صغير السن .. متعلم .. بنيتو الجسمانية سليمة ومستعد يتقبل اي بناء جسدي بشكل علمي عن طريقة الغذاء السليم واكتساب الطاقة واللياقة البدنية ودي طبعا برامج في ناس قاعدين ليها ودارسنها وعارفين بيعملو شنو .. اضف لذلك واهم حاجة .. نضوج العقلية الكرويـة عند بشـة والذكاء الخارج وحسن التعامل ..
اديك زوووط زيادة واللا كدا كويس ؟؟
09-15-2013, 09:00 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
يا تمبس انا ح أختلف معاك .. طبعاً أكييد ما ح أختلف معاك في الظوووووط دي .. :):):) إختلافيمعاك فيما يتعلق بموهبة بشة .. انا بشوف سر تفوق بشة هو التعليم والدراسة أكتر من الموهبة .. ودي ميزة اللاعب المتعلم ومخو نضيف .. أي قون جابو بشة في المريخ أو أي حركة لفتت إنتباه الناس لي بشة سببها إنو عملا بي مخ وفهم أكتر من إنها حرفنة وموهبة .. عارف زمااان نادر كتكوت الله يديهو الصحة والعافية وييسر طريقو وين ما قبّل.. لمّانا في حفل تكريم لي اللاعبين الكانوا بيلعبوا في رابطة ابو عنجة ونجحوا بتفوق في امتحان الشهادة السودانية ..وعمل مباراة ودية بين الدارسين ونجحوا وبين الشفاتة بتاعين الكورة ومنقطنها وقوة لكن ربنا ما فتح عليهم بي تكلمة التعليم .. ضربناهم ليك زييي الما حصل شي بي فارق 6 أقوان .. وبعدها كتكوت عمل جلسة للفريقين وقعد يتكلم عن الفرق بين اللاعب المتعلم ولو عندو نصف موهبة وكيف إنو ممكن يكملا بي الحركة بي فهم وذكاء .. مع إني ما لعبت في البواسل لكن بتذكر شديد كللل المهام اللي كان بيعتمد كتكوت عليها في الخطة كان بيوكلها لي واحد من الشباب المتميزين في القراية ..
09-15-2013, 10:28 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: انا بشوف سر تفوق بشة هو التعليم والدراسة أكتر من الموهبة .. ودي ميزة اللاعب المتعلم ومخو نضيف ..
والله مبروك يا عمر .. انا راضي والله .. بعدين خاصة لما اديتني الضربة القاضية حقت نادر كتكوت دي ..
Quote: وعمل مباراة ودية بين الدارسين ونجحوا وبين الشفاتة بتاعين الكورة ومنقطنها وقوة لكن ربنا ما فتح عليهم بي تكلمة التعليم .. ضربناهم ليك زييي الما حصل شي بي فارق 6 أقوان .. وبعدها كتكوت عمل جلسة للفريقين وقعد يتكلم عن الفرق بين اللاعب المتعلم ولو عندو نصف موهبة وكيف إنو ممكن يكملا بي الحركة بي فهم وذكاء ..
.. يا عمر نادر دا سابق البشر ديل بي مليون سنة ضوئية .. ياخ والله كل يوم بكتشف الحاجة دي عارف في حاجات كدا بتتقال ونحن بنعتبره عبارة عن اكلشيهات .. يعني مثلا العقل السليم في الجسم السليم دي ما ساكت .. اصلو ما ساكت .. لما تكون قفل واتجاه واحد جسمك دا ما بيعمل ليك اي حاجة .. عارف نادر دا كان جنو وجن يلقاك حايم في وكت امتحانات .. يا يلقاك سااي ان شاء الله شايل ليك صورة فيها كورة .. بجلدك في مكانك الواقف فوقو دا .. ولو انت راجل كمان تعال جيب ليك نتيجة زي وشك .. عشان كدا يا عمر نادر دا مدرب فوق للعادة .. وفعلا مجال الناشئين دا عايز ليهو عقلية زي عقلية نادر دي عشان تبنيك من انت صغير .. وترعاك اكاديميا وبدنيا وذهنيا قبل ما تخلق منك لاعب كورة قدم .. قارن عليك الله بين بشة دا وبين كتير جدا من اللاعبين البلعبو في خانتو .. وشوف طريقة توظيف الدماغ عامله كيف .. .. بالمناسبة يا عمر ..
تقدر تتخيل معاي انو طريقة تنفيذ الضربة الثابتة دي .. كانت من ضمن الخطط البضعه لينا نادر في تنفيذ الضربات .. وتصدق انو نفذناها قبل كدا عن طريق حموري وضربت في القائم .. والناس دي كلها قعدت تصفق ..؟ تخيل انو الكلام دا من الزمن داك لي مدرب لي ناشئين في السودان وفي رابطة ابوعنجة ... يطلع فيديو زي دا يقوليك اجمل الاهداف في العالم .. بس بيفرق الفاول دا انو بكون واقف امير الوسيلة قدام الكورة .. وبيغرفه لي حموري وحموري بي رجلو الشمال بيسدد ..
يا جنابو .. وبي كدا تعتبر انو البوست بتاعك دا اتجاسف .. زيو وزي بوست (اساسي) بتاع محمود تاور نحن بنقوليك الكلام دا علشان ما تجي تقول ما كلمناك .. معقولة زول يجي يفتح ليهو بوست يهيج بيهو اشجان الهلالاب في مطرة زي دي ؟؟
09-15-2013, 09:04 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
يا جنابو بشة احسن واحد بتحرك بدون كورة و بياخذ الموقع السليم و فوق دا يجيد يتصرف قدام المرمى من لمسة واحدة قونو في أكرم و المسافة القطعها بدون كورة و الوقت داك الكورة اتحاهها بعيد عنه وما في اي زول ممكن يتخيل نهاية الهجمة تكون بالطريقة دي غيره وكذلك قونو في الإتحاد الليبي و برضو المسافة الجراها بدون كورة الغريبة الباصين كانوا من سادومبا (يا حليلو)
ملاحظة تانية غريبة شوية, كاريكا احسن واحد يجري بالباك بتاعه و يبهدله و يعكس الكورة غلط, دايما عكسات كاريكا يا بعيدة يا في يد الحارس ما عدا عكساته لي بشة, كم كورة من كورة الإتحاد الليبي في ليبيا لحدي كورة أمس, حتى في كورة امس كم عكسة لي بكري وآخرين كانت غلط عدا عكسته لي بشة, حتى دي لما عكسها في البداية وكانت ماشة لي نزار ضربت في المدافع, لما استلمها تاني وعكسها لي بشة كانت مزبوطة, حاجة غريبة مش :)
09-15-2013, 09:20 AM
omer osman omer osman
تاريخ التسجيل: 06-09-2007
مجموع المشاركات: 15218
Quote: ملاحظة تانية غريبة شوية, كاريكا احسن واحد يجري بالباك بتاعه و يبهدله و يعكس الكورة غلط, دايما عكسات كاريكا يا بعيدة يا في يد الحارس ما عدا عكساته لي بشة, كم كورة من كورة الإتحاد الليبي في ليبيا لحدي كورة أمس, حتى في كورة امس كم عكسة لي بكري وآخرين كانت غلط عدا عكسته لي بشة, حتى دي لما عكسها في البداية وكانت ماشة لي نزار ضربت في المدافع, لما استلمها تاني وعكسها لي بشة كانت مزبوطة, حاجة غريبة مش :)
ههههههههههه ماهو بشة عشان قاري وموهوب بقيف في الحتة الغلط لي عسكة كاريكا عشان عارفو بعكس غلط هههههههههههه مش في حاجة في الرياضيات بتقول ليك (سالب السالب موجب) يامهندسين
09-15-2013, 09:21 AM
ياسر منصور عثمان ياسر منصور عثمان
تاريخ التسجيل: 01-16-2013
مجموع المشاركات: 4496
Quote: ملاحظة تانية غريبة شوية, كاريكا احسن واحد يجري بالباك بتاعه و يبهدله و يعكس الكورة غلط, دايما عكسات كاريكا يا بعيدة يا في يد الحارس ما عدا عكساته لي بشة, كم كورة من كورة الإتحاد الليبي في ليبيا لحدي كورة أمس, حتى في كورة امس كم عكسة لي بكري وآخرين كانت غلط عدا عكسته لي بشة, حتى دي لما عكسها في البداية وكانت ماشة لي نزار ضربت في المدافع, لما استلمها تاني وعكسها لي بشة كانت مزبوطة, حاجة غريبة مش :)
واجمل عكسيات كاريكا لبشة كانت امام فريق سيوي العاجي
Quote: لما انطلق زي الصاروخ وختاها لي اكرم في حتة عجيبة ..
وأكرم شافو رهاب ..رهاب ولغاية يوم الليلة بغالط...يقولو ليهو الجاب القون بشة بيقول ليهم لا لا دا كاريكا...ياجنابو الله يقطع العمى الليلي وسنينو بعد دا يسن وبس ـــ ياود البشرى يامعلّم ماولدتنا ومع الدخاخيين العجاجتها عاملة غمامة في البورد دي بعد دا ....خلّي بالك ....مافضل لينا الأنكلّم ليك ولدنا أبوك ..:)
09-15-2013, 09:37 AM
خالد عبد الله محمود خالد عبد الله محمود
تاريخ التسجيل: 11-28-2004
مجموع المشاركات: 5393
معلومة تالتة بي مناسبة المعلومات الانهمرت عليك دي يا جنابو .. بشة سجل دون أن يستلم أي حافز تسجيل من صلاح إدريس وبعد ما وقّع العقد حتى سأل من قروشو .. صلاح إدريس في لقاء تلفزيوني قال والله سألت بشة من موضوع الحافز قال لي يا رييس كدي بعد التسجيل نشوف الموضوع ده ..
09-15-2013, 02:40 PM
Gaafar Ismail Gaafar Ismail
تاريخ التسجيل: 08-27-2005
مجموع المشاركات: 4911
Quote: المريخ في كورة اول امبارح دي لاعب بي 6 محترفين وتلاتة لاعبين من الهلال (هيثم - علاء الدين - الباشا ).. الهلال لعب بي حداشر موهبة محلية .
جنابو عمر وضيوفه الكرام مافي شك بشة لاعب موهوب واتمنى أن يجد كل لاعب موهوب الفرصة الكاملة في فريقه ليظهر مواهبه وليجد فرصة في الاحتراف وفتح الباب للمواهب السودانية الذين يضيعون وسط الاعتماد على المحترفين الأجانب الاعتماد على المحترفين من الدول الإفريقية وغيرها قد أضر الكرة السودانية ضررا بليغا . إذ الاعتماد على المحترفين قد أضعف فرص ظهور مهاجمين موهوبين وتبقى النتيجة النهائية عدم وجود مهاجمين موهوبين في الفريق القومي ..أضف إلى ذلك مهزلة تجنيس المحترفين مع عدم الاستفادة منهم في الفريق القومي ..
تحياتي
09-15-2013, 03:05 PM
محمد عبدالرحمن محمد عبدالرحمن
تاريخ التسجيل: 03-15-2004
مجموع المشاركات: 9059
كان موضوع نقاشنا فى الغداء انا وخليل ...طبعا خليل مايعمل فيها منقطا ... انا اصلا كنت مكلمو من زمان بالمقدرات الذهنية العالية لبشه وجاء بعد ثلاثة سنوات اعاد تكرار ماقلتو ...لا اكثر ولا اقل ...لكن صراحة بوستك دا خوفنى لانو اى زول فتحت ليهو بوست زى دا ماكسب عافية ...الله يكضب الشينة والله يغطى عليهو من كنتبة الاحتياطى فى اهلى شندى ....
09-15-2013, 03:09 PM
khaleel khaleel
تاريخ التسجيل: 02-16-2002
مجموع المشاركات: 30134
Quote: كان موضوع نقاشنا فى الغداء انا وخليل ...طبعا خليل مايعمل فيها منقطا ... انا اصلا كنت مكلمو من زمان بالمقدرات الذهنية العالية لبشه وجاء بعد ثلاثة سنوات اعاد تكرار ماقلتو ...لا اكثر ولا اقل ...لكن صراحة بوستك دا خوفنى لانو اى زول فتحت ليهو بوست زى دا ماكسب عافية ...الله يكضب الشينة والله يغطى عليهو من كنتبة الاحتياطى فى اهلى شندى
يا محمد
انا هسع ما دخلت في البوست ياخ
ولا ادليت بدلوي
لكن من ناحية منقطا انا منقطا
بشة رهيب لكنه فشل في الاحتراف شانه شان ريتشارد وعاطف وهيثم السعودي وابراهومة وغيرهم
هههههههههههههههههههههه
09-15-2013, 03:18 PM
khaleel khaleel
تاريخ التسجيل: 02-16-2002
مجموع المشاركات: 30134
غايتو ياخليل بديك (كرديت ) فى موضوع بله جابر ..لانو صراحة الزول دا لو كان لاعب كان تعبنا تعب شديد ....كاريكا لقى ولدنا دا بهناك عمل ليهو (الزغزوغو) ... لكن لو فى بله الموضوع كان بكون صعب شوية.....بعدين ادينى (كرديت) فى موضوع بويا لانو من استلم الكورة وانا بقول ليهو (شوت بويا شوت ) وشات وجاب قون ....شفتا كيف .....اعترف اعترف ...
09-15-2013, 03:51 PM
khaleel khaleel
تاريخ التسجيل: 02-16-2002
مجموع المشاركات: 30134
Quote: غايتو ياخليل بديك (كرديت ) فى موضوع بله جابر ..لانو صراحة الزول دا لو كان لاعب كان تعبنا تعب شديد ....كاريكا لقى ولدنا دا بهناك عمل ليهو (الزغزوغو) ... لكن لو فى بله الموضوع كان بكون صعب شوية.....بعدين ادينى (كرديت) فى موضوع بويا لانو من استلم الكورة وانا بقول ليهو (شوت بويا شوت ) وشات وجاب قون ....شفتا كيف .....اعترف اعترف ...
يا محمد
والله بويا لو جاب قون في برشلونة ما اصفق ليه
والله العظيم كلما اتذكر دخلتو الناعمة علي لاعب سيوي اسبورت الودتنا اللقيط بقيت اشوفو عشرة عشرة
ياخي الفراغ الدستوري والزهج طول السنة دي من بويا دا
09-15-2013, 04:58 PM
طارق ابراهيم ابوالفضل طارق ابراهيم ابوالفضل
تاريخ التسجيل: 01-28-2013
مجموع المشاركات: 464
اول حاجة انا مبسوط جدا جدا انو اخوانا الرشاشات ديل درشوك في البوست حقك دا و شبكوك زووووووووط ووووووووووووزووووووووط و انت تستاهل كل الزووووووطات دي لانك جاي تكسر ليهم تلج و لدكم دا حريف و شنو وشنو و عامل فيها الكشيف حسن اها خم و صر عجبني ليك .
بعدين شنو سؤالك الغلط دا !!! كيف يعني داير بشه ينجح في الاحتراف!!! بشه دا جسمو تعبان و ما جسم زول محترف في دوريات خارجية و فوق لي دا ودا بشه زولك دا اكتر زول بعاين تحت كرعينو و دماغو دا اصلا نااادر ما يرفعو و يعاين خصوصا لما يكون جاري فعشان كدا بشه دا بينفع فقط في الدافوري حقنا دا و بس.
تاااااااني اخيرا تستاهل الزوووووووووط
09-15-2013, 06:15 PM
omer osman omer osman
تاريخ التسجيل: 06-09-2007
مجموع المشاركات: 15218
Quote: اول حاجة انا مبسوط جدا جدا انو اخوانا الرشاشات ديل درشوك في البوست حقك دا و شبكوك زووووووووط ووووووووووووزووووووووط و انت تستاهل كل الزووووووطات دي لانك جاي تكسر ليهم تلج و لدكم دا حريف و شنو وشنو و عامل فيها الكشيف حسن اها خم و صر عجبني ليك .
ههههههههههههههههههه والله ياسفيان كلامك صحي يااااخ الهلالاب ديل الحسنة اصلها مابتنفع فيهم
Quote: عدين شنو سؤالك الغلط دا !!! كيف يعني داير بشه ينجح في الاحتراف!!! بشه دا جسمو تعبان و ما جسم زول محترف في دوريات خارجية و فوق لي دا ودا بشه زولك دا اكتر زول بعاين تحت كرعينو و دماغو دا اصلا نااادر ما يرفعو و يعاين خصوصا لما يكون جاري فعشان كدا بشه دا بينفع فقط في الدافوري حقنا دا و بس.
ماتعبان خالص الزول ده انا شخصيا شايفو زول طويل وجسمو ما بطال هسي مسعود اوزيل ده ما كاتل حيلو لكن مقطع الكورة قطيع
09-15-2013, 06:11 PM
omer osman omer osman
تاريخ التسجيل: 06-09-2007
مجموع المشاركات: 15218
Quote: .لكن صراحة بوستك دا خوفنى لانو اى زول فتحت ليهو بوست زى دا ماكسب عافية ...الله يكضب الشينة والله يغطى عليهو من كنتبة الاحتياطى فى اهلى شندى .
ههههههههههههههههههههه حليلو هو .. كان اهلي شندي ماكويس زولي بقي يلعب في الرابطة كوستي لكن مهما حدث سيظل اللاعب الوحيد في تاريخ هلال مريخ يحرز قون باكورد
09-15-2013, 08:26 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: لكن مهما حدث سيظل اللاعب الوحيد في تاريخ هلال مريخ يحرز قون باكورد
لا يا جنابو, حاتم محمد احمد جاب قون باكورد بررضك بس مشكلتو طبعا المباراة دي المريخ اترش فيها عشان كدا يبدو انك اسقطتها من الذاكرة ههههههه
يا عمر الفاروق قبيل قريت كلامك عن اثر التعليم و المقارنة العملها تمبس جا في بالي اسامي كبيرة و عظيمة زي كندورة وحامد بريمة مثلا وماشين بعيد ليه فيصل عجب دا لا اعتقد انو قرا جامعة التعليم نعم مهم مافي زول بنكر ذلك ويفتح افق الانسان ويقوده لتطوير نفسه, لكن الكورة بالذات موهبة في المقام الأول
09-16-2013, 06:07 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
يا ود البشرى صباحك ورد.. شكلك ما فهمت كلامي يا انا ما قدرت أوصل المسج صاح .. انا مع إنو الموهبة أهم من التعليم في كل المجالات خصوووصا في الكورة والفن .. وكان للأمثلة فأكييد أسكككت كب . من ماردونا لي بيليه لي رونالدينهو لي لي لي .. فكرتي العايز أقولا وبكل صراااحة إنو بشة لاعب غير موهوب ..لكنه لاعب متعلم .. التعليم هو اللي أفاد بشة تحديدا في إنو يتشاف موهوب .. كل الحاجات الإستدليتو بيها هنا عن بشة ما عندها علاقة بالموهبة بقدر ما عندها علاقة بالفهم .. ما عايز أتحداكم لكن أسسسسة دي جيب بشة وأرمي ليهو الكورة لي فوق عشرة مرات .. 8 مرات منها انا بضمن ليك بشة ح ينزلها غلط .. بشة لاعب الزيو كتيرييين لكن هو متفوق بالتعليم .. ناس كندورة والعجب الزيهم حبببة عشان كده ديل مواهب .. وقعت ليك الفكرة يا حبوب؟
09-16-2013, 07:44 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
أبو الجعافر .. تحياتي.. كلمة موهوب دي كلمة كبيرة جداً وقد تكون مطاطية لو زرزرت فيها الزول إنو قاصد بيها شنو .. انا بالنسبة لي أول ما سمعت موهوب دي مشيت للحرفنة والمراوغة والتحكم في الكورة الفطري .. الحاجات دي كلللها ما شوفتها في بشة وانا المتابع لي بشة من زمااان من قبل الهلال والموردة .. بشة لحدي الليلة بيثبت الكورة على بعد مترين من رجله .. بشة لحدي الليلة بيقلش الكورة عادي ..وبيصرجها في أكتر من حالة ..وممكن يجري وينسى الكورة وراهو .. لكن ده ما بيمنع إنو بشة لعاب ..ولعاب دي بي مفهوم كورتنا بتاعت الحلة القمنا عليها ومقارنة بي أقرانه.. التعليم بيوسع ليك مداركك وبيزيد الخيال عندك وبيرفع من درجات التوقع خصوووصا في المجال البيدرس فيهو بشة ده ( الهندسة ) .. بشة عندو أشهر تلاتة أقوان حالياً كلها ما عندها علاقة بالموهبة بقدر ما عندها علاقة بي التوقع والقراية السليمة ويا قول الخواجات السينسيتفتي ولا هي بيقولوها كيف ؟؟ هدف بشة في المريخ في الهجمة المرتدة المشهورة وحركة بشة وشبحتو في المنطقة المظلمة في عرف كرة القدم ... هدف بشة في الفريق القومي من تسديدة الشغيل تقريبا ومتابعتو للكورة لحدي ما قلشت من الحارس وتكملتها.. هدف بشة الاخير في المريخ والحركة والتمويه خلف المدافع ثم التقدم والانحناء للكورة بي درجة منخفضة نوعا ما.. يلا ممكن بعد كده الناس تجي تقول لي ما ياهو دي الموهبة زاااتا البنتكلم عنها.. وحينها انا ح أسكت صراحة لأنو زي ما قلت ليك مفهوم الموهبة عندي أخدتو بي زاوية تانية وما عايز أخرب لي التانيين زواياهم ..
09-16-2013, 03:10 PM
usama Babiker usama Babiker
تاريخ التسجيل: 01-07-2013
مجموع المشاركات: 2285
Quote: كلمة موهوب دي كلمة كبيرة جداً وقد تكون مطاطية لو زرزرت فيها الزول إنو قاصد بيها شنو .. انا بالنسبة لي أول ما سمعت موهوب دي مشيت للحرفنة والمراوغة والتحكم في الكورة الفطري ..
بس ياعمر الفاروق لو حصرت الموهبة في الحتة بطلع ليك لعيبة عالميين كبار ما موهوبين !!!!!
09-17-2013, 03:14 PM
Gaafar Ismail Gaafar Ismail
تاريخ التسجيل: 08-27-2005
مجموع المشاركات: 4911
Quote: بشة احسن واحد بتحرك بدون كورة و بياخذ الموقع
ود البشرى ما احسن واحد لكن اللاعب الاوحد في نص الهلال البيعرف يتحرك بدون كورة عشان كدا بقى الاحسن .. الموهبه الحرام تضيع في الهلال بكري المدينه حرام موهبه زي دي تضيع في الهلال ويخلي ابوبكر كاكي يشارك باسم السودان براهو
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
omer osman
الصادق صديق سلمان
garjah
عمر الفاروق
ياسر منصور عثمان
tmbis
MOHAMMED ELSHEIKH
usama Babiker
محمد البشرى الخضر
خالد عبد الله محمود
Gaafar Ismail
محمد عبدالرحمن
khaleel
طارق ابراهيم ابوالفضل
سفيان بشير نابرى
مرتضى احمد عبد القادر
فيس بوك
تويتر
انستقرام
يوتيوب
بنتيريست