|
|
 في زول عندو ريق زايد لو سمحتو
|
اصلو الواحد ريقو نشف من العليه
من كترة ريق الصباح الحملوه اكتر مما يحتمل كويس انو لسه قاعد ماشرد من مهمات الصباح الكتيرة دي
تاكل توم على الريق لالتهاب اللوز والحلق ونضافة المعدة وتخفيف الضغط (في ضغط اكتر من ده ده توم ولا حاوي ) دي جملة اعتراضية
تشرب موية بارده على الريق لمن يصاب بحبس بول وايضا لتنضيف الكلى
تاكل سبع بلحات على الريق لي المس وعين الشيطان وشنو كدة ماعارف
تشرب حلبه على الريق لتنشيط الغدد الدرقية واضطرابات المعدة وحاجات كتيرة كدة
تشرب صمغ مع كركدي على الريق لمريض السكري والضغط والكلى ايضا وازالة الكرش
تاكل بصل على الريق لتقوية النظر وتوسيع الشرايين لضخ الدم للقلب والبصل بمثابة انسولين لمرضى السكري ايضا
تشرب شعير على الريق لخفض الكلسترول وحرق الدهون
شرب لبن على الريق لانه يحتوي على الفيتامينات التي يحتاجها الجسم من الصباح
جرعات عسل على الريق لي شنو كدة ماعارف
وانا شخصيا محتاج لي كم ريق من الصباح لاني عايز اطبق جزء من البرامج دي عشان كدة قلت اسال لو في زول عندو ريق ما بستعملو الصباح
يسلفنا ليه نتريق بيه ونرجعو قبل الفطور
وهو اصلا قدر العندنا من ريق جات السمحة نوارة فريقنا العسل النشفت ريقنا كملت الباقي
ودمتم بصحة وريق كامل
|
|
 
|
|
|
|
عادل خياري
فيس بوك
تويتر
انستقرام
يوتيوب
بنتيريست