|
Re: أغانى جديده ..مستحيل تكونوا سمعتوها1- (أمى الحبيبه) (Re: إبراهيم عبد الحليم)
|
واحد يفترض انو صاحبى .زى ماكنت متوهم .. جانى زياره وجاب معاهو مجموعه من اصدقاءه واصدقائى وبعد الترحيب والذى منو ... واحد صاحبى من شباب لندن قال لى ماتيلا نغنى ... فتحت الأورج وبديت بى
انتى فى جواى مساحه انتى فى جواى مقام مافى ول زارك جواى مافى زول شافك معاى مافى زول قاس المسافه قال وقلل إحترام ... اها صاحبى الافتراضى ...كان ماشى كويس ومنشكح آخر انبساطه أها لمن جريت ليك كردفاااااااااااااااااااااااااااااااااااااان بالله التقول كبو فيهو مويه بارده اتغير وشو ..وبدت ملامح الإمتعاض تلوح فى قسماته ..كل هذا وانا عامل فيها ماشايف ... عذرتو ...لأنو الزول ده لو عرف انو الأغنيه عشان خاطر أمى (كردفان) والتى هى جزء من أمهاتى فى كردفان وكل السودان ماكان حس بالإمتعاض
المهم صاحبى الإفتراضى عاش لحظتو مع باقى الغنا وكان آخر بهجه ومسره.. واليوم عدى على خير
| |
|
|
|
|
|
|
Re: أغانى جديده ..مستحيل تكونوا سمعتوها1- (أمى الحبيبه) (Re: حامد الغبشاوي)
|
Quote: التحية ليك يآملهم كردفان مع خالص التحايا ...... كردفآآآآآآآآآآآآآآآآآآآن فووووووووووق ............................ مع خالص تحياتي للجميع
|
أستاذى الفاضل حامد الغبشاوى ... الغنا مسئوليه واجاده وتعبير يفترض انو صادق وسليم إذا ماتم تقديمه بصوره جيده للمتلقى وانا هنا بحس بأنى مقصر وبحاول أقدم كردفان بصوره أفضل عشان خاطر كلامك السمح ده ... ياخى كتر خيرك وكنر خير كردفان الجابتك لينا احترامى
| |
|
|
|
|
|
|
Re: أغانى جديده ..مستحيل تكونوا سمعتوها1- (أمى الحبيبه) (Re: ود الباوقة)
|
داير تجيب لى تهمه ياود الباوقه والناس تقول على مؤتمر ....اطلع من البوست ده اطلع ياباوقاااااااااوى اط لع بره
آى ظريف واخو اخوان ياحبيب بس انت رايك فى شنو فى الناس البتحب تضقل بالناس فى الحوش ده ؟؟؟
تحليه.... هاك السطر ده .....بالجنبه الفيها الحديده إِنَّ أَحَبَّ عِبَادِي إِلَيَّ ، مَنْ حَبَّبَنِي إِلَى عِبَادِي ، وَأَخْبَرَهُمْ بِسِعَةِ رَحْمَتِي ، وَأَنَّ أَبْغَضَ عِبَادِي إِلَيَّ ، مَنْ قَنَّطَ عِبَادِي وَآيَسَهُمْ مِنْ رَحْمَتِي " .
احترامى
| |
|
|
|
|
|
|
Re: أغانى جديده ..مستحيل تكونوا سمعتوها1- (أمى الحبيبه) (Re: ملهم كردفان)
|
قبل ما اقوم الف داير اقول ليك :- ربنا ماقسم ليك صوت عشان تغني فشوف ليك حاجه تانيه والغنيه كلماتها هايفه مثل رفيقاتها مع العلم اني صبرت نفسي عشان استمع للغنيه كامله لكن خربت سمعي زاتو البركه في نسرين سمعت منهاجسمي المنحول فكت لي الضرسه بتاعت صوتك وماتزعل مني ... دا طبعا راي ...وكل حد علي هواه
ارقد عافيه
| |
|
|
|
|
|
|
Re: أغانى جديده ..مستحيل تكونوا سمعتوها1- (أمى الحبيبه) (Re: ملهم كردفان)
|
Quote: خليك وراى منها أجود شغلى ومنها ترفع لى البوست
أهو رايك ده انا حأخادو فى الحسبان اكتر مما تتصور
بس
برضوووو قووووووم لف |
نا برفع ليك البوست والله يرفع ماخت ...تجود شنو ازول انت كيسك فاضي ماتفكها في نفسك ساي اسوا ماسمعت من الغناء وانا مابسميه غنا زاتو والشي التاني انصحك بمقابلة اخصائي للجيوب الانفيه اذا انا سمعت الحاجه الاسمها كردفان دي اكتر من عشرين مره واحذفا من ال 91 بتاعتك الجايبها دي عشان مااقول ظلمتك واسمعك بتقول حببتي ربي في الغرام وسمعا غيري كما سمعتها انا وقالو حببتي وانت جاي تقول حببني ربي في الغرام ؟ ولو قلنا اني انا والغيري طرش واخدت روايتك دي لغويا كدا ماظابطه زاتو الا تكون قريت عربي باللاتيني...وبعدين الزول الاول السأل سأل لانو سمعا كدا بدل تقول ليه انا قاصد كدا تقوم تشخط فيه وتتهمو انو عاوز يمرمط بيك واظنو قصدو نبيل زي قصدي لكن يظهر عليك عندك نقص في الشخصيه ودي بنصحك تقابل psychologist
فوق ..
اتمني واحد يسمع الحاجه الاسمها كردفان دي ويصبر لحدي الدقيقه 3:24 ويقول لينا حببني او حببتي بس يصبر 3 دقائق
| |
|
|
|
|
|
|
Re: أغانى جديده ..مستحيل تكونوا سمعتوها1- (أمى الحبيبه) (Re: عثمان محمد كرار)
|
خشيت بروفايلك لقيتك دكتور صيدلى يعنى بتصرف أدويه تعالج الناس .. بس مع الأسف هنا انا مازلت مصر على انها حببنى ... واخوك مانخناخ الا إمكانيات التسجيل تعبانه والبروفه اتعملت بى مايك وكمبيوتر واورج ..يعنى شى للمشاركه وتثبيت حق مادخلت ليها أستوديو ولا عملت ليها توزيع حتى ... والصوت ممكن يغنى فى طبقات مختلفه وممكن يتدرب
بس بينى يبينك كده فى أم بتحبب الله فى الغرام ؟؟؟ النقد الموضوعى هو العلاج يامان
تحليه ... أبو اللمين الإنت بتحبو وانا بحبو فى بداياتو طردوهو وقالوا ليهو مابتعرف تغنى .... نحنا كبار وخلينا كبار بعقولنا قبل أعمارنا يادكتوووور أشكرك ...
| |
|
|
|
|
|
|
Re: أغانى جديده ..مستحيل تكونوا سمعتوها1- (أمى الحبيبه) (Re: ملهم كردفان)
|
ايواااا كدا كلامك سمح والله وربنا يعليك ويبقيك احسن من ود الامين لكن ياخي ماتظن في الناس الظن السيء ساي انا والله كان قصدي شريف معاك بس زعلني هجومك علي الزول الاول وبعدين هجومك علي انا مع انو ماوقعت لي لو كان جاوبت انو التسجيل كدا ماواضح او انا قاصد كدا وبس بدون تجريح ماكان حصل شي واسي ماحصل شي واعفا مني وعافي منك لله والرسول تخريمه : غايتو انت حريف بتعرف تمتص الغضب بي سهوله تنفع في اي مفاوضات سلام ..كدا اتكيفت منك
| |
|
|
|
|
|
|
Re: أغانى جديده ..مستحيل تكونوا سمعتوها1- (أمى الحبيبه) (Re: عثمان محمد كرار)
|
يبقى خلاص مادام ماوضحت النوايا... خالص إعتذارى ليك يادكتور وللأخ خليفه موسى حمدان ... الذى طرح السؤال بطريقه إستفزازيه فى نظرى حتى من غير مايرمى سلام أوحتى أدلى إستفسار رايق ...طوالى خش لى (إصرار غريب ...شنو يعنى حببتى ربى فى الغرام ) غايتو انا اتعلمت لمن اخش لى زول فى بوست بعاملو كأنى خاشى بيتو وبتعامل معاهو بى صوره تليق بيهو ومن كتر ما اتهجم علينا ناس فى الأسافير دى بقينا بنتحسس فيما وراء كل كلمه ...طريقة حمدان بدل مايفتش العمل الفنى كلو وينتقد بى طريقه بناءه طق هبش حته انا موقن إنى ماقلتها غلط وشرحت ليهو برضو وبالرغم من كده هاكم الحته الجابت الهوا أسمعوها تانى بالله مقرونه بإحترامى وحأراجع طبيبى النفسى أكيد عشان أمشى لى قدام يادكتور... .... https://soundcloud.com/mollhem-kordofan/zg6bvdhrcujq
| |
|
|
|
|
|
|
Re: أغانى جديده ..مستحيل تكونوا سمعتوها1- (أمى الحبيبه) (Re: عثمان محمد كرار)
|
ماتاكنى حنك ساى ياعثمان ... أحسن من أبو اللمين لا ... ابو اللمين قمه جباره من قمم الفن السودانى ونحنا مابنحى اثر تراب فى رجلو شفت كيف وحصل خير تب وانا الحمد لله مافى قلبى حاجه وياخى أدينى يدك اشد عليها واقول ليك تسلم ... الحتت البتضرس حاحاول اتعامل معاها بى جديه فى البروفات وقبل الماستر وحاشيل الحاجات الماحلوه وحادقق فى إخراج الحروف بطريقه واضحه مازى حسن عطيه عليه رحمة الله تحليه ... النقد البناء والقاسى لمجمل العمل يدفع بى الى الأمام بلاشك ادينى النجيضه فى الحاجات الجايه ياعثمان
احترامى
| |
|
|
|
|
|
|
|