|
معاي الأولاد - استرخاص الذات
|
عندنا حاجات عجيبة
تكون ماشي مشوار وتقول معاي اولادي يلاقيك واحد يقول ليك ياخ ما دام معاك الأولاد انتبه وسوق براحة وما تسرع
لكن لو ماشي براك زول بيقول ليك حاجة مافي ممكن يقول ليك أمشي بسرعة وانت ذاتك ممكن تتطير لو كنت براك
هل سلوك السواقة بطيش نفسو ما غلط؟
وعلى ذلك قس
|
|
|
|
|
|
|
|
Re: معاي الأولاد - استرخاص الذات (Re: بله محمد الفاضل)
|
وصية فى محلها ياحمد وذاتك طبعا فى عيالك ما تتحسس ساى أنت براك ممكن تتحمل تبعات السرعة لكن الأولاد احيانا كثيرة بدفعوا التمن والجهجهة قبل أيام أحد معارفنا معه كل الأسرة فى حادث فقد الزوجة وأحد ابناءها ثمنا لذلك عشان كدى النا س تسوق براحة كان معاها العيال
| |
|
|
|
|
|
|
Re: معاي الأولاد - استرخاص الذات (Re: بله محمد الفاضل)
|
هلا بلة محمد الفاضل
نسأل الله السلامة للجميع
صدق مرات السرعة بتمرقك يمين أنا قبل شهر لو ما كنت ماشي سريع كان عدمنا طفاي النار جي أم سي من النوع البيقول يا ليل جا طاير قاطع الإشارة وأنا مستعجل لاحق الإشارة قبل ما تقفل يمين تخطيتو بشعرة لو سرعتي كانت ناقصة واحد بس كان قشانا
بس انا قصدي المسألة تكون مسألة مبدأ إنو تجب المحافظة على النفس أيا كانت يعني نفس مسئوليتك تجاه أسرتك تقابلها مسئولية تجاه نفسك والمحافظة عليها
Quote: ناس stc عندهم إعلان بقول السرعة قاتلة خليها أون لاين |
ديل بالذات ما عندهم سالفة أنا من كتبت البوست دا النت قطع عندي ما رجع إلا هسة
المودمات بتاعتهم ديل تعبانات جدا
| |
|
|
|
|
|
|
Re: معاي الأولاد - استرخاص الذات (Re: حسين عبد المجيد)
|
العالي حمد .... فيما يخص السرعه في اثناء القيادة والأولاد .... أبدا ما ممكن يكون استرخاص ذات ... ممكن يكون ايثار أو نكران ذات ... حمانا الله واياكم شر الحوادث .... لكن بتذكر ضربني واحد مسرع من الخلف وسيارتي كانت قويه "مرسيدس" وكان معاي الأولاد يعني جات سليمه والحمد لله .... ههههههههه لكن لـــ يومين بعد الحادث بناتي بقومن النوم يبكن ... بحرقه زعلانات من الضربني ده.
بالنسبة لــــ عددم الاحترام والنبز كان ليك ولا لي افراد أسرتك واااااحد .... لأنو البيتجاوز "عشان عين تكوم 100 عين" بيتجاوز أي حاجه تانيه.
كل الود ليك ولزوار البوست الكرام.
| |
|
|
|
|
|
|
Re: معاي الأولاد - استرخاص الذات (Re: عثمان جاد الله بخيت)
|
مرحب جمال مصطفى
Quote: أنت براك ممكن تتحمل تبعات السرعة لكن الأولاد احيانا كثيرة بدفعوا التمن والجهجهة |
يعني أدفع التمن انا براي ؟ ياخ ما بدفعو ولا بسرع ذاتو
العربية دي الأمبير بتاعا دا لو تخطى 130 ما بتحس براحة ، هسة الرياض دي ما أحسن الواحد يشتري ليهو حمار ساي وينفك من المخالفات والإشارات دي
مرات تلقى نفسك ماشي بسرعة 5 و10 دا شنو دا
حاجة تانية تخيل نفسك ما شي من تبوك لحدي أبها ل
و قعدت تسمع في حكاية معاي الأولاد دي ، إقامتك حتنتهي وإنت لسة ما وصلت
| |
|
|
|
|
|
|
Re: معاي الأولاد - استرخاص الذات (Re: حمد عبد الغفار عمر)
|
أهلين محمد حمزة
Quote: يا حمد الميته قدر لكن قفل البيت حااااار |
أكيد ياخ ربنا يجعل الستر والسلامة
طبعا مع الطيارة مافي حل ياها ارتفاع 27 ألف قدم دي وسرعة 750 كم في الساعة في ناس يقولوا ليك ننقسم كل نص يسافر بطيارة
ودي مشكلة كبيرة لا سمح الله
| |
|
|
|
|
|
|
Re: معاي الأولاد - استرخاص الذات (Re: عثمان جاد الله بخيت)
|
مراحب عثمان جاد الله
Quote: العالي حمد .... فيما يخص السرعه في اثناء القيادة والأولاد .... أبدا ما ممكن يكون استرخاص ذات ... ممكن يكون ايثار أو نكران ذات |
المفهوم ما بالنسبة لي وانما الشخص البقابلك في الموقفين
لما تكون براك يقول ليك اسرع ومع الأولاد يقول ليك أمشي براحة فالمبدأ مفروض يكون واحد هو المحافظة على النفس أيا كانت
| |
|
|
|
|
|
|
Re: معاي الأولاد - استرخاص الذات (Re: حسين عبد المجيد)
|
مرحب حسين عبد المجيد
Quote: تلقى الاب يكد في شمش الحارة دي عشان يجيب ما يفرح به اولادو وما يمضغ منه ولا يتذوقه تخفيف السرعة ساهل في العيد يكسو الاولاد والعريان هو بذات الفهم دا نبذو وشتمو لكن الاولاد لا تجي كدى
|
فعلا دا الحاصل بس عندنا بتجي المافي شنو؟
لا وشوف واحد يكون عازم ليهو ثلاثة أربعة أشخاص يملأ السفرة بالأكل ويكون فيها 10 كراسي يعني 6 كراسي فاضية وتلقا حايم بين المطبخ والصالون حرم تاكلوا وتاني يجي يا جماعة في حاجة ناقصة ؟ مع إنو مافي حاجة ناقصة لكن ياهو طبعنا الكرم والجود
أنا لاحظت في السعودية في العوازيم المنزلية من الاتكيت إنو صاحب المنزل يجلس بعد الضيوف ويبدأ هو بالأكل حتى بعد داك الضيوف يأكلوا ودا طبعا ليطمئنوا إن الأكل سليم وآمن
| |
|
|
|
|
|
|
|