|
Re: إنجيل جديد (إنجيل مورمون) The Book of Mormon (Re: Kostawi)
|
Ali Abdalla ....سلامات ذى ما قالوا الاخوان فوق, كتاب المورمان ما انجيل. و باقى الطوائف المسيحية ما بيحسبوا المورمان مسيحيين. عن تمويلهم...الموضوع بسيط جدا, اى زول مورمن بيدفع 10 % من دخله للكنيسة. ذى الزكاة. و اغلب المورمن البعرفهم ملتزمين جدا بالدفع. الكنيسة بتصرف القروش دى على التبشير و على الفقراء. و ما فقراء المورمن بس. اى فقراء. بيكون عندهم مخازن كبيرة فيها اكل و كده. ولو فى مدينتك فى كنيسة مورمن و مشيت الكنيسة و اتكلمتا مع البشوب فيها و اقنعته انك فقير و جعان بيدوك اكل لاسترتك. منظمين جدا فى الحجات دى. عن التبشر....اى شاب مورمنى قبل ما يبدا حياته (زواج و شغل وكده) بيمرق سنة كاملة تبشير فى مكان بعيد عن اهله. لو اهله فقراء الكنيسة بتصرف على اكله وشرابه المدة دى. و هم واضحين فى الشارع. بيكونوا 2 مع بعض. ما يتفرقوا كلو كلو. و لابسين قمصان بيضاء و بناطلين سوداء و سايقين عجلات. بيدقوا ابواب البيوت يكلموا الناس عن المورمن. لو جوكم فى البيت اسالوهم لو عاوزين عصير او موية. بيكونوا حايمين اليوم كلو. مرات لواييق شديد.... لكن فى النهاية اولاد صغار مساكين. اظن انهم مسموح ليهم التطال باهلهم بصورة محدودة جدا....ايميل فى الاسبوع او حاجة قريبة من كده.
سلامات ابو الريش...اخبارك?
Quote: يبيحون تعدد الزوجات.. والحكومة فى المدينـة تغض الطرف عن التعدد لأن كل السكان تقريبا مورمون. من أشهـر أعضائهم مرشح الرئاسـة السابق الذى نافس اوباما فى الإنتخابات السابقـة، وكان من ضمن ما يؤخذ عليه إيمانه بتعـدد الزوجات. |
عشان ولاية يوتا تنضم للولايات المتحدة الامريكية كان واحد من الشروط هو الالتزام بالقانون الفدرالى و منع التعدد. الكنيسة المورمنية (رسميا) مانعة التعدد. و فى المدن ما فى زول بيعرس اتين. حتى النبياء (ايوه, المورمن عندهم انبياء احياء الان). التعدد بيحصل فى بعض القرى الصغيرة البعيدة عن الاعين. اعين الكنيسة والبوليس. رامنى (المرشح الريئاسي المنافس لاوباما)...ما كان بيؤمن بالتعدد. لانه اصلا الكنيسة المورمنية( الان ) ما بتؤمن بالتعدد. و ما سمعتا زول اخد عليه موضوع المورمنية دى(على الاقل فى القنوات المحترمة ذى CNN ), خاصة بعد ما فاز بترشيح الحزب الديمقراطى كله.
______________________________________________________ عشت مع المورمن فقرة طويلة. و الان عندى اصدقاء كتار من المورمن. مشيت كنيستهم لافراح و لاحزان. اهم ما بيميزهم ان قيم الاسرة عندهم عالية جدا. الاسرة قبل كل شيء.
|
|
|
|
|
|
|
العنوان |
الكاتب |
Date |
إنجيل جديد (إنجيل مورمون) The Book of Mormon | Ali Abdalla Hassan | 08-30-13, 01:06 PM |
Re: إنجيل جديد (إنجيل مورمون) The Book of Mormon | Ali Abdalla Hassan | 08-30-13, 01:07 PM |
Re: إنجيل جديد (إنجيل مورمون) The Book of Mormon | Ali Abdalla Hassan | 08-30-13, 02:14 PM |
Re: إنجيل جديد (إنجيل مورمون) The Book of Mormon | Sameer Kuku | 08-30-13, 02:58 PM |
Re: إنجيل جديد (إنجيل مورمون) The Book of Mormon | Abureesh | 08-30-13, 03:14 PM |
Re: إنجيل جديد (إنجيل مورمون) The Book of Mormon | عمار عبدالله عبدالرحمن | 08-30-13, 03:31 PM |
Re: إنجيل جديد (إنجيل مورمون) The Book of Mormon | Hani Arabi Mohamed | 08-30-13, 03:44 PM |
Re: إنجيل جديد (إنجيل مورمون) The Book of Mormon | محمد عثمان الحاج | 08-30-13, 03:58 PM |
Re: إنجيل جديد (إنجيل مورمون) The Book of Mormon | محمد المعتصم ابوبكر | 08-30-13, 04:15 PM |
Re: إنجيل جديد (إنجيل مورمون) The Book of Mormon | إبراهيم عبد العزيز عثمان | 08-30-13, 04:34 PM |
Re: إنجيل جديد (إنجيل مورمون) The Book of Mormon | Zakaria Joseph | 08-30-13, 04:35 PM |
Re: إنجيل جديد (إنجيل مورمون) The Book of Mormon | Mahjob Abdalla | 08-30-13, 04:37 PM |
Re: إنجيل جديد (إنجيل مورمون) The Book of Mormon | Kostawi | 08-30-13, 04:44 PM |
Re: إنجيل جديد (إنجيل مورمون) The Book of Mormon | smart_ana2001 | 08-30-13, 06:20 PM |
Re: إنجيل جديد (إنجيل مورمون) The Book of Mormon | Kostawi | 08-30-13, 07:09 PM |
Re: إنجيل جديد (إنجيل مورمون) The Book of Mormon | Abureesh | 08-31-13, 03:34 AM |
Re: إنجيل جديد (إنجيل مورمون) The Book of Mormon | Abureesh | 08-31-13, 03:39 AM |
Re: إنجيل جديد (إنجيل مورمون) The Book of Mormon | HAIDER ALZAIN | 09-05-13, 08:25 AM |
Re: إنجيل جديد (إنجيل مورمون) The Book of Mormon | Ali Abdalla Hassan | 09-05-13, 10:13 AM |
|
|
|