|
|
 مهما فيك طولت صابر يا سنين عمرى الشقية.....رائع يا استاذ موصلى
|
الامانى السندسية
كلمات صلاح احمد عبد الفتاح
********************
مهما فيك طولت صابر
يا سنين عمرى الشقية
ومهما طال فيك حظى عاثر
وذوبت عمرى الاسية
ما بقول انا راح أوانى
عارفو ببسم لى امانى
وسعدى برجع ليا تانى
بالامانى السندسية
بالامانى السندسية
****
بكرة بصبح ذكريات
حالى داك الكنت فيهو
تملا آمالى العراض
كل درباً اقـتـفيهو
بكرة تجمعنى الظلال
بى عزيزاً اصطفيهو
ترجع ايامى النضيرة
بى لياليها الهنية
وسعدى برجع ليا تانى
بالامانى السندسية
****
اصلى من فيض العواطف
ديمة أسراني المحنة
وكل مناى ترتاح حروفى
فى فؤاد طاوياهو انة
لا فؤادى يشيل عداوة
لا شقاوة ولا مظنة
اصلى يا روحى الصفية
لسة حافظ للوصية
وسعدى برجع ليا تانى
بالامانى السندسية
https://www.youtube.com/watch?feature=player_embeddedandv=wSRzNIuzQUc
|
|
 
|
|
|
|
Hamad Hamad
Elmosley
فيس بوك
تويتر
انستقرام
يوتيوب
بنتيريست