|
Re: الحضري تمااااااام وح يفيد المريخ في المرحلة المقبلة .. (Re: طلحة عبدالله)
|
طلحة سلام مكعب .... الحضري الشافتو عيني في حوار الاستاذ هيثم كابو ما اظن يلامس ما ذهبت اليه في عنوانك هذا او يجاور او يحلق في سماوات الحقيقة .... بالله لمن كان بعمل في حركاتو ديك في (خشمو يقفل ويفتح )لقيتو كيف بالله دا زول سليم .... والله من زماان بعاين بس لايدو وكراعو وحركاتو امام الشبكة الا بعد سمعت حديثو وطريقتو في الفهم ....... المهم ....الله يكون في عون جماعة ودياب ودرق والوالي زاتو ....
شكرا اوافقك الراي في الزميل هيثم كان كما عادته محاورا ومجادلا مجتهدا مؤدبا رغب الجوغى ......والدوشة
| |
|
|
|
|
|
|
Re: الحضري تمااااااام وح يفيد المريخ في المرحلة المقبلة .. (Re: طلحة عبدالله)
|
الحضري ورحلة العذاب وضياع البطولات الخارجية مع المريخ
والحديث عن القمة يقودنا ايضا للمريخ وسبق وان وعدنا بالحديث عنه وعن طموحاته ومشاركاته الخارجية ووداعه المستمر برغم ان هذه البطولات اقرب اليه من اي فريق آخر ويمكن ان نقف كما وعدت عند حالة الحارس المصري المخضرم عصام الحضري والذي استقدمه المريخ منذ الموسم 2011 خصيصا لمعالجة خلل حراسة المرمى وتحقيق البطولات ولكنه فشل فشلا ذريعا من خلال كل المواسم التي قضاها مع المريخ حيث تنتهي فترته مع نهاية الموسم الحالي وبالتالي ليس للمريخ مشاركات خارجية جديدة الا في الموسم القادم 2014 والا اذا جدد المريخ ومدد لحارسه المصري الحضري. { الحضري في اول مواسمه مع المريخ 2011 ودع المريخ دور الـ 32 من انتركلوب الانجولي ولم يكمل الموسم. { ثم شارك بعد ذلك في سيكافا مع المريخ في تنزانيا واحتل المريخ المركز الثالث. { وفي موسم 2012 لم يبدأ الموسم مشاكل وذهب للاتحاد السكندري ثم جاء منتصف الموسم وبعد تأهل المريخ لمرحلة المجموعات الافريقية كونفدراليا شارك وتسبب في خروج المريخ بالهدف الشهير الذي سجله في شباكه لصالح ليوبارد الكنغولي! { اما عن الموسم الحالي 2013 فحدث ولا حرج ايضا ودع المريخ من دور الـ 32 في ابطال افريقيا بعد ان سافر الحضري ووصل مطار انجولا ولم يدخل البلاد وعاد لمصر ولعب اكرم يومها وخسر المريخ بهدفين ثم خسر بام درمان ايضا والحارس اكرم رايح جاي. { ثم عاد بعد ذلك كما تعلمون بتلك الطريقة الدراماتيكية بعد مهرجان تكريم الوالي واهتزاز شباك اكرم مجددا في مباراة الاهلي القاهري وشارك الحضري في دورة الظفرة الاماراتية وتلقت شباكه اربعة اهداف في النهائي من الظفرة وودع البطولة وطار للقاهرة ليعود ويقود المريخ الان في كاس السودان وبقية مباريات الممتاز! { والحضري من مدة مبعد من حراسة المنتخب المصري الذي يتأهب للتأهل لنهائيات كأس العالم وقد ابعده المدرب الامريكي للمنتخب المصري برادلي وفضل عليه شباب الحراس امثال اكرامي الصغير!! { وبالمناسبة الحضري كان هو حارس مصر في فاصلة الجزائر باستاد المريخ وتلقى هدف عنتر الجزائري الذي اطاح بمصر وقاد الجزائر للنهائيات بجنوب افريقيا. { هكذا ونحن نتحدث عن المحترفين الاجانب ومدى تأثيرهم علي كرتنا السودانية وحتى مع الخبرة والتجارب والبطولات السابقة فان المحصلة زيرو. { وواضح حتى المميزين منهم على حسب رأي المريخاب امثال الحضري فان مشاكلهم كثيرة! { والحديث طبعا سابق لاوانه اذا حاولنا عن التحدث عن الحضري ومدى استمراريته والتجديد له فالدورة الثانية للممتاز ستكون الحكم في هذه الناحية خاصة اذا لم يظهر حراس جدد او يتعاقد المريخ مع حارس مميز. { وبالمناسبة في وجود الحضري لانتوقع مشاركة او ظهور لاكرم لان واحد من شروط الحضري انه الاساسي ولايمكن ان يجلس احتياطيا أو يستبدل. {دلوني على مباراة كان الحضري فيها احتياطيا او حتى مستبدلا سواء استقبلت شباكه اهدافا أو لم تستقبل او حتى كان فريقه فائزا ومؤمنا الفوز بنسبة كبيرة من الاهداف كما في لقاءي مريخ الفاشر!!
*********************************** منقول من لقاء كل يوم (رمضان احمد السيد)
| |
|
|
|
|
|
|
Re: الحضري تمااااااام وح يفيد المريخ في المرحلة المقبلة .. (Re: طلحة عبدالله)
|
لو كان الحضري بيطالب بى حقوقو في إطار اللوائح والقانون لما تم تغريمه من فيفا لصالح سيون السويسري وهي الغرامة التى دفعها جمال الوالي من جيبو الوراني وليس خصما على مخصصات وراتب الحضري كما قال.. المطالبة بالحقوق لها قنواتها وأطرها التى ليس من بينها التوقف عن أداء التدريبات والغياب من المباريات الرسمية للفريق والذهاب والعودة من وإلى حيثما شاء ومتي ما شاء كما كان يفعل سي الحضري .. الحضري طرد من النادي الاهلي لأنه تفاوض سرا وتعاقد بليل مع فريق سيون السويسري وهو مازال على ذمة عقده مع ناديه القديم وأعتقد أن الأهلي جامله وسامحه كثيرا وهو يكتفي بطرده فقط ربما مراعاة لتاريخه الطويل مع الفريق وإلا لكان قدم ضده شكوي في فيفا وكسبها قبل أن يجف حبرها. سى الحضري رفض الجلوس احتياطيا في الزمالك المصري وغادر ملعب المباراة وتغيب تاليا عن التدريبات في تحدي واضح ومستفز لهيبة نادي جماهيري عريق ولذلك نال جزاءه الفوري بالشطب وبحيثيات قانونية واضحة لو أراد الزمالك أن يصعدها لوقع الحضري في مشكلة عويصة . لا أعرف بالضبط ما حصل للحضري مع الإسماعيلي وادي لشطبه من الفريق ولكن حتما لن يخرج عن كونه مارس تفلتا وعدم انضباط كعادته لأنه من غير المنطقي أن تتعاقد مع لاعب وتخسر فيه مبالغ طائله لتشطبه بعد فترة وجيزة مالم يكن لأسباب قوية كالتمرد وعدم الانضباط واثارة المشاكل. ما يستفاد من الكلام أعلاه أن الحضري واصل كذبه وتضليله بالإدعاء أنه لاعب محترف وأن مشاكله مع الأنديه السابقة السبب فيها مطالبته بحقوقه وأنه مظلوم مظلوم مظلوم .. وهو بالضبط ما يجعله كاذبا في أقواله كما أقول دائما . يتبع .......
| |
|
|
|
|
|
|
Re: الحضري تمااااااام وح يفيد المريخ في المرحلة المقبلة .. (Re: طلحة عبدالله)
|
معقولة يا طلحة ,,,؟؟ تجي منك إنت تحديييداً ؟؟ لأ خزلتني المرة دي .. هيثم كابو؟؟؟ ياخ هيثم كابو في الحلقة دي تحدييداً كان ضعييف والسبب ما قوة الضيف لكن السبب طوول لسان الضيف وإزعاج الضيف ..وليس السبب ترتيب هيثم كابو.. الحضري إستخدم مع كابو نفس الإسلوب البيستخدمو كابو مع الاخرين ..الكوراااك وعدم إعطاء الفرصة لسماع وجهة النظر.. أضف لي كده الإنكسار الواااضح لي هيثم وشعوره بالدونية كونه جالس مع نجم كبير(حسب تصنيف كابو له) في حين إنو كابو شاف روحو زول ساي (وهو كذلك).. كابو خاف من لسان المصرية المتبري منو ده واللي تاميها واااخد بالك؟؟ وحصل ولا ما حصل و و و كابو كان ######## أكتر من كونه مرتب.. الحضري كان مزعج أكتر من كونه لاعب كورة .. ولااا واحد فيهم قدر يطلع من التاني بي العايزو .. كابو عايز يهرد فشفاش الهلالاب في ثوب البحث عن حقيقة.. الحضري عايز يغش جماهير المريخ بي الكلام العاطفي.. والإتنين نجحوا في كده !!! ياخ الحضري قال لي كابو انا حااافظ إسم الجرايد وكتباها ووواح واااحد وكل يوم بقراها ولو عايز أسمممعلك أسمممعلك.. لمن جابو محمد عبد الماجد الحضري قال ليهو ده مين ده؟؟؟ وبيكتب في أي جريدة ده ؟؟ أصلي انا ما عرفووش ولا بقرالو أصصصلا!!!! كابو عايز يمسك العصاية من النص عشان لو سوق الاغاني والفنانين كسد فسوق الرياضة والكورة ماا بيكسد وجمهورنا البسيط بيقع في فخ الصحفي المتعصب وبياع الكلام !!! عارف في برنامج زمااان إسمو محاكمة كان كابو فيهو بيتصعلق على الفنانين المستضافين ويزرزرهم ويتفسسسح فيهم ..قام مرة وقع في شر أعماله وإستضاف المرحوم نادر خضر .. والمعروف عن نادر خضر الله يرحمو إنو كان راجل منضمة ومرتتتب في الكلام وعااارف هو عايز شنو .. يومها قعد كابو وربّع يدينو وأكتشف الجمييع إنو كابو كييسو فاضي ومن يومها ما سمعت بي البرنامج ده تاني !!!
| |
|
|
|
|
|
|
Re: الحضري تمااااااام وح يفيد المريخ في المرحلة المقبلة .. (Re: طلحة عبدالله)
|
والله انا زاااتي ما عارف الوداني بهناك شنو .. بس وجعتني لمن لقيت حروف كيبوردي ضاعت هدراً لمجرد مراسلات داخلية وإتفاقات بي أحذف داك وشييل ده ودفن الليل أب كراعاً برة .. والنصيييحة وبدون كلامك ده ما كان عندي نية تاني أمشي والمداخلة جات قضاء وقدر وزجة من تحكم بكري وأعوانه فينا ..
نرجع لي كابو والحضري.. الحضري ده فاقد تربوي مع إنو المصريين عندهم زييي حركتنا بتاعت اللعيبة البيودوهم يقروا في التقانة ويشغلوهم في البنوك ديلك إلا من رحم ربي.. كابو كان عندو نقاط كتيييرة ممكن يطلع فيها الحضري أي كلام وإنو ما يقوله محض ترهات وإزعاج ليس إلا وجاااتو فرصة ذهبية ينتقم لإعلامنا السوداني من الإعلام والشخصية المصرية لكنه أضاااعها وأثبت علو كعب اللسان المصري على السوداني.. الحضري ملياااان عيوب ونحن والله بغض النظر عن هلال مريخ كنا عايزين المصري ده يتقعد في علبو لكن لأنو هيثم زول نفعي ومصلحجي فترك الحوار يمشي بالصورة دي لأنو بيفتكر الحضري سلمة من عتبات صعود كابي للقمة الصحفية الرياضية .. ياخ نص بل كل كلام الحضري البيقول فيهو ده غلط ولا الحضري فاهم ولا كابو فاهم وبالقانون كابو ممكن كان يزرزر الحضري لكن لأنو كابو والله ما فاهم عشان كده سكت ما عشان يمشي بالحلقة لبر الامان .. النصيييحة الشي الوحيييد البحترمو في الحضري هو إهتمامه بنفسه وبي تمارينه ونظامه الغذائي دون الإعتماد على تدريب نادي المريخ ...عارف يا طلحة العجوز ده بيمرن نفسو براااهو وأصلو ما بيقيف من تمارين حتى لو هو في مصر وبيتمرن أكتر من ناس المريخ القاعدين ديل.. ما عشانهم طبعا لأ عشااانو هو ..الحضري عايز يحافظ على النقاطة بتاعتو لحددددي اخر قطرة ..
| |
|
|
|
|
|
|
Re: الحضري تمااااااام وح يفيد المريخ في المرحلة المقبلة .. (Re: عمر الفاروق)
|
Quote: لمن جابو محمد عبد الماجد الحضري قال ليهو ده مين ده؟؟؟ وبيكتب في أي جريدة ده ؟؟ أصلي انا ما عرفووش ولا بقرالو أصصصلا!!!! |
هههههههههه .. يا طــن ظير .. عليك الله امسك في كلام عمر الفاروق الناقد الفني والرياضي دا .. امسك فيهو قوي .. وباليد التانية امسك البوست دا .. لانو احتمال لو خشيت ليك بي الشباك نقلع منك البوست دا قلعانا لي بوست اساسي حق محمود تاور قبايل العيد يا اخوي هيثم كابو شنـو .. وحضري شنـو ..؟ الاولاني داخل ولانو قاعد ساكت ما عندو حاجة ويعتمد على اسلوب استفزاز الغير ، والتقليل منهم جا داخل الحوار وعارف انو ود المصريـة ممكن يمسح بيهو الارض وما عندو حل خلاف يهادنو ويهاودو في سبيل انو يغيظ بيهو جمهور الهلال .. وبين الفكرتين ديل وجد نفسو تخلى عن اسلوبه القديم مجبرا ومكرها خائفا .. امـا الحضري باشا .. فكان في كل لحظــة بيثبت انو فاشل ، وكضاب وبياع كلام وكمان ... احححححه . واحيانا بلطجي على مويـة بيضا .. المهم كان لقاء جميل جدا يعكس مدى تدني شاشاتنا التلفزيونيـة لما تقدمـه من برامج للناس القاعدين في البيت ايام العيد .. وايام المطرة والسيل .
| |
|
|
|
|
|
|
|