|
بخصوص منظمة سند الخيرية يا وداد بابكر (اليوم الاسود لسع ما جاء)
|
مؤسسة خيرية لها شنة و رنة كما نسمع ونرى في مؤسسات المؤتمر الاعلامية وما أظن في يوم اسود مما هو عليه الان في الوطن ، حتى تطل علينا رئيسة مجلس الادارة لتوزع الاغاثة او حتى الابتسامة على المنكوبين -------------- نحن نعلم ليس من اولوياتها اغاثة ضحايا الانتنوف في الهامش ولكن الان حصحص الحق كلها كم كيلو متر من قصور كافوري والمقرن ومع ذلك لم تظهر حتى الان ،
------------------------------ والحبل على الجرار على بقية المنظمات الوهمية التي همها الاول والاخير الbusiness بأسم العمل الخيري او الديني او الوطني اين الاتحاد العام للطلاب السودانيين؟؟؟ الدفاع الشعبي الشرطة الشعبية مؤسسة الفداء (التي انتجت مسلسلات بمليارات الجنيهات) ----------- يهبوا ويظهروا للقتل فقط للحروب في الهامش حفاظا على مناصبهم ولصوصيتهم
|
|
|
|
|
|
|
|
Re: بخصوص منظمة سند الخيرية يا وداد بابكر (اليوم الاسود لسع ما جاء) (Re: علي دفع الله)
|
Quote: عن مؤسسة سند
.
أنشئت مؤسسة سند الخيرية فى العام 2004م بمبادرة من السيدة الفضلى حرم السيد رئيس الجمهورية وفقاً بقانون العمل الطوعي والانسانى ، وهي مؤسسة تطوعية غيرربحية مساندة للمنظمات التطوعية تساهم فى ترويج المشروعات فى مجتمع المانحين للإضطلاع بدور انساني محلى ودولى إستكمالاً لمجهود الدولة خاصه فى الظروف الإستثنائية وحالات الطوارئ ، وتشكل المؤسسة واجهة سودانية لاسهامها الاقليمي والدولي في تخفيف المعاناة المرتبطة بالكوارث والنوازل
|
| |
|
|
|
|
|
|
Re: بخصوص منظمة سند الخيرية يا وداد بابكر (اليوم الاسود لسع ما جاء) (Re: علي دفع الله)
|
Quote: وتشكل المؤسسة واجهة سودانية لاسهامها الاقليمي والدولي في تخفيف المعاناة المرتبطة بالكوارث والنوازل |
انا اسف يا وداد بابكر لم ار الفقرة اعلاه ،، يعني المؤسسة اسست لمواجهة الكوارث الاقليمية والدولية ،،،، ---------------------- دي ذكرتني قصة عرابهم الاول الترابي في ندوة اقامها في الفترة الديمقراطية في الدائرة الانتحابية التي ترشح فيها وتحدث عن البوسنة والهرسك وافغانستان والصومال ومسلمي الاتحاد السوفياتي قاطعه احد الحضور وقال له يا شيخ حسن تحدث عن همومنا هنا رد الشيخ نحن نحمل رسالة اميية لكل هذه الاماكن، رد السائل (طيب ما تمشي تترشح هناك) ----------- دا زي الوضع بتاع مؤسسة سند الخيرية همها الاسهام الدولي والاقليمي ولكن تموينها من جيبي وجيبك وجيب المنكوبين الان،، -------------- ضل الدليب
| |
|
|
|
|
|
|
Re: بخصوص منظمة سند الخيرية يا وداد بابكر (اليوم الاسود لسع ما جاء) (Re: علي دفع الله)
|
هوى يا ظلامى ارفع يدك عن السيدة الاولى و الله ياهو الفضل ليك داير تتلولو خلى بالك السيدة الاولى تتسوق فى دبى نيويورك الصين ماليزيا دايرا تخلى التسوق الليلا و تمشى المرابيع و امبدات و ما عارف شنو هو ذاتو الوالى قال دى ما كارثة شان الكارثة لازم يموتو نص الناس و قال دا التعريف العلمى يعنى ما عندكم كارثة و دايرين وداد تجى ساى كل ما يغرقوا ليكم 70 او 80 تبطل شغلتا و تخمخم منظمتا. على يا اخوى لسه منظمة سند لم يحن اوان حضورها يا داب وقعن 25000 الف بيت ما تكوركو ساى.
| |
|
|
|
|
|
|
Re: بخصوص منظمة سند الخيرية يا وداد بابكر (اليوم الاسود لسع ما جاء) (Re: احمد حمودى)
|
الاعزاء امجد الجميعابي احمد حمودي كباشي الصافي تحياتي واحترامي --------------- ثبت مما لا يدع للشك ان هذه المنظمات الكرتونية واجهات للdirty business لمجموعة اللصوص الفاسدين النافذين وليس لها اي ارتباط لهموم البشر ساعة الكوارث والبلاوي وكل يوم تشرق فيه الشمس وهؤلاء المرابين على سدة الحكم خصما على ادميتنا هذا وقت كشف المزيد من سواءتهم التي بانت ولا تحتاج الى مزيدا من الجهد ---------------- نفير يقود الى التغيير لا ينفصلان لانه نفير من غير تغيير تعني ضياع وطن ولا يزايد علينا احد بان الوقت للنفرة والفزعة لماذا ساعة الاستنفار نحن نشيل الشيلة لوحدنا كشعب وساعة الاستثمار لوحدهم --------
| |
|
|
|
|
|
|
(اليوم الاسود لسع ما جاء) بل هو يومكم القادم يا كيزان الدجل ... (Re: فرح الطاهر ابو روضة)
|
Quote: لاظل، سوى ظلك، يا إله السماء الرحيم، أرحم بهم، فقد أوكلتهم إلى جبناء الدين، والدنيا، رجال متخمين، الكروش، حرسوا أكاذيبهم برجال أمن مرتشين، وبنخبة من جيش، (وأغلب الجيش جائع)، بنوا القصور، والامتيازات، ومات الشعب فقرا، وحربا.. |
على ود دفع الله
تحية وسلام .
عبر عنى اخ كريم هنااااااك فى نفير الخير وحملة الانتباه والاختبار .
شعب السودان شعب حضارة ..
ومحنته تجربة ستزيد من تلاحمنا وترابطنا وقد كشفت عنهم كل الزيف الذى يتدثرون به ..
هم بنوا قلاعهم و ومزارعهم وما بين هنا وهناك تروس وسدود لم يراعوا السيل والمياه
لتعبر تروس طرق اسفلتيه لن تعمراكثر من زمن اصطفاف اطفال الروضة فى ساحة التمام مع لهفتهم للعب والمرح .....
يجعرون بالحسنى ويتباهون بفعل الخير ولكن يابى الحق الابلج الا ان يفضحهم , لا خير لهم ولاحسنى لديهم ...
ومعك نتسأل وين منظماتكم الطوعية والخيرية ...؟؟؟
هى لهم ولمن يحبونه من الاخونجية .....!!!!
والله لنا ولاخوتنا ابناء الطين والطمى ...
| |
|
|
|
|
|
|
Re: بخصوص منظمة سند الخيرية يا وداد بابكر (اليوم الاسود لسع ما جاء) (Re: الباقر ابوبكر ابراهيم)
|
هوى يا الفارغ ده وداد تمشى ليكم بالكعب العالى فى المرابيع والكرياب دى كيف؟ قال وداد ماجات تجيكم الكشة، وداد تجى فى الخبوب والطين ده يعنى؟ منظمة سند دى معموله تسند ناسا بس والحمد لله قايمه بعملها خير قيام دى ما معموله ليك ولى لى اشكالك دى، قال على دفع الله قال قوم لف !!!! يابت امشى على باريس ولندن واتسوقى تسوقك وحات سيد الضريح مدن تشبهك وبتشبهيها بلا شرق النيل بلا زحمة.. دى مجرد ابتلاءات، محض امتحانات للصالحين من القوم والصفوة يا اختى الكريمة.. امجد كلم صاحبك ده يرعى بى قيده،،،
| |
|
|
|
|
|
|
Re: بخصوص منظمة سند الخيرية يا وداد بابكر (اليوم الاسود لسع ما جاء) (Re: Imad Khalifa)
|
Quote: يا علي يا أخي ديل ناس وجاهات وتكريم ساي مالك داير تبلاهم بكوارث وفقراء ومنكوبين ومحتاجين ومتضررين و..... وأيام سوداء ومنصرفات لا أول لها ولا آخر؟ |
والله يا عماد انا اسف لحسن ظني في السيدة الاولى ، اقترح ان تحول منظمة سند الخيرية الى مجموعة اسواق (مولات) على الاقل يمكن للسيدة وداد ان تمارس هوايتها محليا هي وبعلها لأنه مساكك في الجو ----------------
تحياتي
| |
|
|
|
|
|
|
|