|
Re: نفرة andquot;عزة السودانandquot;: من وحي الماء (Re: Haydar Badawi Sadig)
|
أعود فأقول: هزتني السيول، وهدمت جدران صمتي وانكساري، مثلما هزتكم. وهزتني رسالة طلال عفيفي لعمر مثلما هزتني السيول، ربما أكثر. ذلك لأنها تحكي عن الطوفان العارم الذي اجتاحنا قبل وبعد 18 يناير 1985 كأحسن ما تكون الحكاية. وهي لا تستنطق الماء الجارف فحسب، بل تنذز بغد أعمى وأضل سبيلاً إن لم نستبصر اليوم! (أرجو آن يسعفني أحدكم بإحضار رسالة طلال لهذا الخيط, فهي مبكية بحق!)
ثم وكزني طارق الجبلابي, البوردابي، أن هيا على الكتابة.
فصحوت!
| |
|
|
|
|
|
|
Re: نفرة andquot;عزة السودانandquot;: من وحي الماء (Re: Haydar Badawi Sadig)
|
أهلاً عثمان، أيها العزيز
همي اليوم لا ينصب علي عمك بدوي وخالتك عاذشة وأختك أسماء وأهلنا، فحسب، فهم بخير حتي اللحظة، رغم المعاناة. شكراً علي السؤال.
همي اليوم ينصب علي كل كبد رطبة في السودان كادت تجف والماء من حولها موفور!
تلفوني عندك في الخاص. وفي النية زيارتكم حيث أني في نواحيكم لحضور مؤتمر أكاديمي.
خليك قريب من هذا الخيط حيث إني لم أفرغ من طرح فكرتي الأساسية في التوسل إليك، فيمن أتوسل، لنرفع عن كاهل أهلنا ذل التوسل لغير الله! ولا شك عندي أنك ستفرعني وتلحقني، كما عهدتك.
| |
|
|
|
|
|
|
فزعة يا البورداب! (Re: الشفيع وراق عبد الرحمن)
|
شكرا يا الشفيع.
الفكرة جد بسيطة. وهي أن تتبنى سودانيزاونلاين مشروع انقاذ ذي بعدين، عاجل وآجل، لانقاذ ضحايا السيول. أقترح آن يقوم بورداب كل دولة بجمع مساهمات نقدية أو عينية. يشرف على الجمع منسق ومحاسب في كل مجموعة.
واقترح ان يتبنى بورداب كل دولة أو منطقة قرية ما أو حي في مدينة ما في السودان للمساهمة في نجدتها.
نواصل!
| |
|
|
|
|
|
|
Re: فزعة يا البورداب! (Re: Haydar Badawi Sadig)
|
لي الناس الطيبة بجر مسداري لي الناس السمحة بشيل النمة وادق لي طاري وامدح اهلي السراي الليلة بشوفن مارقة اقداحن بي هناك بي جاي شايف طلاب الخير مارقين بالخير والراي بالساعد الاخدر خمج الطين،شطف الفيضان وقسم اللقمة مع الجيعان انا فرج همي الليلة رد شوية روح في جوفي الليلة الغبش الشدت حيله قامت شالت بدري الشيلة والشيلة تقيلة ياناس والحق الشيلة تقيلة الناس الطيبة الحرك فيها السيل والوجعة احساسها نفضت جبن النفس اللوامة ولحقت ناسها حملت زادها وساعد اخدر وفاسها الناس الهزا ضميرها المطر الساوه بيوت بي ساسها ياحليلن لما اشدو الهمة اواسوا الغارق في الاهات مليان بالغمة غرقان جيعان عريان سيل وضلمة لما الليد الطيبة تقيف قدامو في نص الليل بالزاد ومسح الدمعة بخف في الليل اظلامه انا شفتا الناس الفيها محنة وخير اتنادو كل ساعد اخدر كل قدح ارطال سكر زيت كركار سرير وخاطرا طيب ياناس مفتوحه يمين ابواب الخير اقسم حق اللقمة معاهو الغير كل نفسا لازم تغسل زيفها تشوف الناس الصبحو همائل ات قايل ليلة القدر نعيمها قروش وعروش ماليلة القدر اناس احساس بالناس العادمة الكسرة وولدا اكوس حق الكراس ماليلة القدر اناس ان تمسح دمع العاني تفرح للخلق المطحونين تتقاسم فرح العيد وعيالن لقمة وكسوة وضل بيت للناس البيتها شالو السيل واصبح طين همال ضعفاء فقرا ومطحونين صايمين صابرين رغم البيت الاصبح مافي والخمارة العدمت اي عجين الليلة ياناس شوية اتناقص حزني ولع قبس الضي في وجوف روحي من ضو فانوس حايم في الفرقان اتفقد في الحبان من لمة اولاد ذي الورد اتلمو مرقو قميصن للعريان سواعد للغرقان نورو بالاشراق حتات العتمة واتنادت كل الناس الطيبة بالزاد بالمال بي سمح الخاطر نفير ونفير ونفير
| |
|
|
|
|
|
|
Re: فزعة يا البورداب! (Re: عبدالعزيز عثمان)
|
ا مطر الله كتير نشكر ربنا رسل جات رحماتو خيرا دافق منها سماتو وبدل الحاكم ختت ودبر وزال العوج الفي ساحتو ميز مجري السيل بي جيهة وخلا الدافر في وجهاتو شيد تحت الشارع كبري ماكان صابو المحنة الجاتو وكيف الفقرا اسدو الدافق وحيلة الواحد بس ضرعاتو شفت الصور الجات بكتني وجيعة الفقرا الما فكتني شفت الناس الشقيانين بين الموية وخمج الطين وكم ياخلق كم غرقانين كم الماتوا المفقودين بلدا يغرق في فد مطرة كيف لو عقبت صاروا اتنين يااهل الخير هو يالزينين شدوا حزامكم يااهل الحارة ماكايسنها من حكامنا ديل شالوها معانا متين نحن عشمنا في شعبا زاهي ابيض قلبوا واملا العين نمرق هذا السيل بي سواعد ونرجع نعدل حالا شين كل من فرط في حق الفقره اضوق الصاع صاعين اتنين أع
| |
|
|
|
|
|
|
|