|
|
 ده شنو ده كمان .. اللهم أجعله خير
|
حلمت لي حلم ما عارف عجيب ولا غريب ..
ما غريب أني أحلم ولكن الغريب إني أنا بالذات أحلم الحلم ده .. لانو لا من قريب ولا من بعيد عندي علاقة بالناس ولا بالأحداث إللي في حلمي ده ولييييييه بعد السنين دي كلها
الحلم هو أني راكب في نفس الطائرة التي أستشهد فيها المرحوم الشهيد بإذن الله الزبير محمد صالح وكمان معانا المرحوم الشهيد بإذن الله إبراهيم شمس الدين وفي كمية من الضباط والوجوه ما مفروزه ، غايتو أنا الفارزهم بس الشهيدين بإذن الله الزبير محمد صالح وإبراهيم شمس الدين ..
طبعا في الحلم كمان في جوطه رهيبه أثناء نزول الطيارة في النيل وبعد نزوله .. وضربة المرحوم الشهيد بإذن الله الزبير محمد صالح على رأسه ولحظة وفاته رحمه الله .
وبعد كده قمت من النوم وتاني ما قدرت أنوم وطوالي على اللاب توب وقمت كتبت البوست ده
يا ربي
ح أبقى سياسي بعد العمر ده
ولا .. لا قدر الله ح أموت في حادث طيارة
-----------------
هوي أنا لا مع ديل ولا مع ديل ولا مع ديل ولا مع ديل ولا مع ديل ..
|
|
 
|
|
|
|
أمير محمد ادريس
فيس بوك
تويتر
انستقرام
يوتيوب
بنتيريست