|
هام للمغتربين جمارك اكسنت 2014
|
اولا رمضان كريم
تم التقييم ب الاتى :- 11800 دولار وتم احتساب الجمارك كالاتى
20862.40 40% ADT 85 % 44332.60 DVT13% 6780.28 71975.28+ تقييم العربه 52156 VAT 17 % 21102.31 مبلغ مدفوع للجمارك 93077.59
ويضاف لهذا المبلغ اتعاب المخلص ونفل العربه للخرطوم او اى مدينه اخرى ولكن العجيب فى الامر جمع كل الرسوم + قبمة العربه ومن ثم استخراج القيمة المضافه
معقوله بس
|
|
|
|
|
|
|
|
Re: هام للمغتربين جمارك اكسنت 2014 (Re: Mahir Mohammed Salih)
|
رمضان كريم
اعود واشرح من جديد الموضوع / عربه اكسنت موديل 2014 المكنه 1.6
حسب المستندات من الجمارك كانت كالاتى :-
تم تقييم سعر العربه بــــ 11800 دولار مع العلم ان الدولار الامريكى يعادل بالجمارك 4.420 جنية سودانى اصبح سعر العربه 52156 جنية سودانى وتم الاتى :- 40% رسم جمركى 20862.40. اى دي تى 85% 44332.60 دى فى تى 13% 6780.28 فات 17% 21102.31 تم احتساب الفات بجمع كل الرسوم + قيمة العربه مضروبا فى 17%
وعليه جملة المبلغ 93077.59
ثلاثه وتسعون الف وسبعة وسبعون جنية سودانى وذلك خلاف اتعاب المخلص وترحيل العربه من بورتسودان للخرطوم او اى مدينه اخرى وفى الانتظار الترخيص واذا كان فى اسم صاحب العربه المورد يكلف 920 جنيه فقط
| |
|
|
|
|
|
|
Re: هام للمغتربين جمارك اكسنت 2014 (Re: Osman Musa)
|
سلام ايهاب كل عام وانت بخير لخبتنا لخبته غريبه إطرشني كان فهمت حاجة العمله السودانية عندي معاها معاناه في الفهم قول لينا بالدولار او الريال ريحنا من حكاية بي الدينار والجنيه ودخلت فيها كمان بالجديد والقديم في تحويلاتي للسودان اصلو ما بسأل بي كم بقول ليهم حولت ليكم كذا مبلغ بالريال وهم اشوفوها بتعادل كم. في النهاية لو افترضنا العربية بي 120 الف ريال ممكن تدفع كم بالريال عشان تكون حقتك هناك ببساطه.
| |
|
|
|
|
|
|
Re: هام للمغتربين جمارك اكسنت 2014 (Re: عباس الدسيس)
|
صاحب البوست ومتداخليه الاكارم رمضان كريم ,,,,,,
دي صورة العربية موضوع الكلام
Quote: في النهاية لو افترضنا العربية بي 120 الف ريال
. |
سعر سيارة Hyundai accent 2014 السعر 37100 ريال سعودي
*ما بتحصل الكلام ده أصلا يا أستاذنا عباس ..............حتى الموديل الجديد 2014 بالتأكيد ما من المهتمين ............ السودان في جماركوا وأسعاروا بلد خيالي للغاية وبالطريقة دي من الأسلم لما تبقي على عربية في السودان تشتريها في السودان ........ وبرضك حتكون دافع سعرة مرتين تلاته قدر سعره بره السودان
----------------------------------
تحياتي ,,,
| |
|
|
|
|
|
|
Re: هام للمغتربين جمارك اكسنت 2014 (Re: عبد الناصر الخطيب)
|
Quote: *ما بتحصل الكلام ده أصلا يا أستاذنا عباس ..............حتى الموديل الجديد 2014 |
عبدالناصر يا حبيبنا كل عام وانت بخير اقصد اي سيارة وقلته 120 الف بالتحديد بقصد بيها ماركة التايوتا الدفع الرباعي طيب لو خليناها علي الاكسنت النسبة المئوية تطلع كم عشان السيارة تكون حقتك تحياتي وتقديري
| |
|
|
|
|
|
|
Re: هام للمغتربين جمارك اكسنت 2014 (Re: عباس الدسيس)
|
أستاذنا عباس الدسيس رمضان كريم ,,,,,,
Quote: طيب لو خليناها علي الاكسنت النسبة المئوية تطلع كم عشان السيارة تكون حقتك . |
بكلام الاخ الفي الفيسبوك الجمارك 50 ألف ريال وتخت ليك تاني بالميت 20 ألف مصروفات وتخليص وترخيص وووووووووووووووووو قول طلعت 70 ألف ريال أضيف ليها سعرك المشتريها بيهوا في السعودية دي تقريبا تكلفة تسعي ليك حديدة أكسنت ......... موديل جديد في السودان يعني ثروة ممكن تستثمرة بصورة أفضل ممكن مع شطحات الاسعار هناك لو بعتها تغطي نفقاته ........ بس بتظل بالنسبة لناس كتار حكاية ما منطقية
ما خبير في الموضوع ده بؤمن تماما 200 قديمة بس نظيفة وماشي حالة
ما سأله في أي عربية كورية ........ لو اتفقنا أنوا العربية في أخر وسيلة تساعدك في حركتك زي الموبايل بالجلكسي بتتكلم وبي التلاتين عشرة برضوا حتقول نفس الكلام *بمكن رأى رجعي شوية
عشان كده ما أقدر انّظر ليك جمارك الاكسنت بي كم ( شهر ما عندك فيهوا نفقه ما تعد أياموا )
----------------------------------
تحياتي ,,,
| |
|
|
|
|
|
|
Re: هام للمغتربين جمارك اكسنت 2014 (Re: عباس الدسيس)
|
Quote: طيب لو خليناها علي الاكسنت النسبة المئوية تطلع كم عشان السيارة تكون حقتك تحياتي وتقديري |
الاخ عباس الدسيس كلام الاخ التحت فيس 50000 ريال كلامه صالح وتضيف قيمة الموانى واللنقل والمحلية بتاعة سواكن يعنى حتبقى 60000 رييال وتصوم وتفطر على خير
| |
|
|
|
|
|
|
Re: هام للمغتربين جمارك اكسنت 2014 (Re: Frankly)
|
سلام شباب و رمضان كريم
يعني ببساطة
تشتري سيارة زي دي ب 11 الف دولار
تدفع فيها جمارك نهب و سرقة 22 الف دولار
ده غير الشحن و التلتلة
قيمة السيارة تصبح بعد ان تصل قدام بيتك حوالي 33 الف دولار
يعني مصاريف السيارة ضعفين تمنها
حاجة تجنن
| |
|
|
|
|
|
|
Re: هام للمغتربين جمارك اكسنت 2014 (Re: Frankly)
|
فرنكلي رمضان كريم ,,,,,,
مافي هونداي أكسنت سعره 120 ألف ريال سعودي حتي السعر لو أقساط ما بحصل الكلام ده .............
*راجع أسعار العربات التانية من نفس الفئة عندك التيوتا اليارس مثلا 48000 ريال
----------------------------------
تحياتي ,,,
| |
|
|
|
|
|
|
Re: هام للمغتربين جمارك اكسنت 2014 (Re: عبد الناصر الخطيب)
|
تحياتي عبد الناصر الخطيب
طبعاً الحسابات للتقريب وممكن اي واحد يعمل عملية إحلال وإبدال
المهم بالسعر الذكرته أنت 37100 ريال سعودي
ح تكون التضريبات كالآتي
وعليه يجب أن يكون سعر نفس السيارة في السودان لا يقل عن 170 ألف جنيه حتى يكون الاستيراد مجزي
كمال
| |
|
|
|
|
|
|
Re: هام للمغتربين جمارك اكسنت 2014 (Re: Mohd Ibrahim)
|
تحياتي للجميع حسب شوارع السودان الشفتها والمشيت فيها الاجازة الفاتت وكنت نازل بعربية آكسنت كسرت مساعد أمامي شمال في حفرة في ظلط رئيسي في بحري مسمار عمود التوازن اتفك من مكانو وانا ماشي باتجاه جبل اولياء دا على اعتبار انها موديل 2008 وأقوى شوية من الموديل الحالي يعني تدفع ليك قرابة الميتين مليون في عربية تعبانة وما بتتحمل شوارعنا دي بتخيل انها حسبة ما سليمة ..... في السودان لازم ليك بوكس دبل كاب موديل كويس ويكون مكيف ويا حبذا يكون فور باي فور ... وبعد دا تمشي وتقول يا لطيف يا لطيف
| |
|
|
|
|
|
|
Re: هام للمغتربين جمارك اكسنت 2014 (Re: Dr.Mohammed Ali Elmusharaf)
|
الاعزاء: عبد الناصر الخطيب احمد حمودى Frankly الكلام كده وقع لي بعد الشرح الاخير المافيهو عمله سودانيه معني كده لو عايز تشيل ليك عربية تقرشها ولما تنزل اجازات تستعين بيها انسي الموضوع .... حكومة الجن والله حيرتنا الغريبه العربات الموجوده في السودان لما تشوف شوارع الخرطوم تنبهر كلها اخر موديل وابان دقون وكروش اتجدعو. طيب نشوف مثلا هنا السعوديه في حالة استيراد سيارة: كنت مع سعودي صديق في معارض السيارات عرض علي ابيع عربيتي واستورد اخري موديل حديث قلت ليهو أنا اجنبي يحق لي الاستيراد اتضح انو: يحق للاجنبي الاستيراد في حدود سيارتين باسمه. قيمة السيارة من بلد التصنيع وللمستفيد سعرها اقله بي كثير من سعر الشركات المستورده بالسعودية قيمة الجمارك 3% تصدقو الفرق بين سعر الشركات والاستيراد حوالي 25% ........... عالم عجيبه تحياتي وتقديري
| |
|
|
|
|
|
|
|