نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
اشمعنى دي بالذات أسرعتوا في تنفيذها للمغتربين ؟؟؟
|
لجنة لتحويل بنك الخرطوم لمصرف للمغتربين ..
الخرطوم - هنادي النور كشفت وزارة الاستثمار عن إنشاء بنك خاص للمغتربين يعنى باستثماراتهم ومدخراتهم حسب توجيهات رئيس الجمهورية وشرعت في تشكيل لجنة من الاستثمار وبنك السودان ولجنة خصخصة القطاع الخاص لعمل الاجراءات لتحويل بنك الخرطوم إلى شركة مساهمة عامة تكون الأولوية فيها للمغتربين وأن مسؤولية الترويج للاستثمار في السودان تعتبر مسؤولية تكاملية بين الجهاز والجاليات في وقت تعهد فيه وزير الاستثمار مصطفى عثمان اسماعيل بحل كل المشكلات والمعيقات التي تعترض العمل الاستثماري في البلاد . وقال لدى لقائه وفد المجلس الأعلى للجاليات بدول المهجر أمس إن قانون الاستثمار لعام 2013م ساوى بين المستثمر الوطني والأجنبي ودعا اسماعيل إلى ضرورة إعطاء الأولوية في المشروعات الصغيرة والمتوسطة للمغتربين مجدداً الدور الذي يضطلع به المغتربون في الترويج للاستثمار بالسودان وجذب المستثمرين . وأوضح أن الاستثمار يحتاج إلى بيئة جاذبة وسياسات اقتصادية تخدم المستثمر وبيئة إدارية فعالة تتجاوز البيروقراطية وتلبي طموحات المستثمرين وقال إنهم يسعون إلى جذب شراكات استثمارية كبيرة من شأنها أن تدفع عجلة الاقتصاد إلى الأمام .
المصدر : صحيفة الانتباهة ..
|
|
|
|
|
|
|
|
Re: اشمعنى دي بالذات أسرعتوا في تنفيذها للمغتربين ؟؟؟ (Re: عبد الوهاب المليك)
|
مئات التوصيات التي خرجت بها المؤتمرات وورش العمل منذ عشرات السنين ولم تنفذ منها واحدة .. لماذا هذه بالذات والحبر الذي كتبت به لم يجف بعد ؟؟
Quote: لتحويل بنك الخرطوم إلى شركة مساهمة عامة تكون الأولوية فيها للمغتربين |
يعني لازم شركاء من بره بره زي جامعة المغتربين .. (الاسم سالم) !!!!
يا مثبت العقل والدين ..
| |
|
|
|
|
|
|
Re: اشمعنى دي بالذات أسرعتوا في تنفيذها للمغتربين ؟؟؟ (Re: عبد الوهاب المليك)
|
Quote: لتحويل بنك الخرطوم إلى شركة مساهمة عامة تكون الأولوية فيها للمغتربين وأن مسؤولية الترويج للاستثمار في السودان تعتبر مسؤولية تكاملية بين الجهاز والجاليات |
تكون الأولوية فيها للمغتربين وكان ما رضوا يساهموا فيها ولا الظروف ما ساعدتهم تطرح لغيرهم ولا عزاء لهم .. مسؤولية الترويج للاستثمار مسؤولية جديدة تضاف للأخوة المغتربين ..
يا مثبت العقل والدين ..
| |
|
|
|
|
|
|
Re: اشمعنى دي بالذات أسرعتوا في تنفيذها للمغتربين ؟؟؟ (Re: الحاج حمد الحاج)
|
وفيها شنو يا عبد الوهاب؟ مجرد ريالات بسيطة بتدفعها كل سنة وان شاء الله بعد كم سنة كدا وبدون ما تشعر بتلقى بنوا بيهم بيت في ماليزيا او عرسوا بيهن المرة الرابعة او قرو بيهن الاولاد في جامعة محترمة او اخدوهم بيهن اجازة على جزيرة ساحرة المسلم للمسلم كالجسد الواحد اذا اشتكي منه عضو انتو ما بتقرو احاديث انتوا الحكومة دي ما عندها زول يوريها الحاصل في المهاجر شنو؟ الشكية لله لا سمعت بتصحيح الاوضاع ولا سمعت بارتفاع تكاليف المعيشة لدرجة اصبحت وخصوصاً في السعودية تنافس مستواها في السودان ولا سمعت بانه معظم السودانيين التجاءوا من رمضاء الاوضاع المعيشية هناك بجمر الغربة ولا بتعرف انه في التزامات اسرية تجاه اهل !!!! لا وبعدا دا جايبين لنا بنك؟ هو وينها القروش البتفضل عشان يكدسوها في بنككم دا؟ بنك المغترب دا مفروض اختياري للزول العندو وفر قروش وداير يستثمرها لاولاده لقدام زي الوادي الاخضر وترعة كنانة واخواتها، اما نحن خلونا في حالنا. في واحد اخونا كدا قال بتعشى مرة في الاسبوع برة البيت ب 500 ريال، دا اول واحد تبدو بيهو ومعاهو زولكم البجيبو ليهو فطوره المحبب من كودي
| |
|
|
|
|
|
|
Re: اشمعنى دي بالذات أسرعتوا في تنفيذها للمغتربين ؟؟؟ (Re: محمد عمر الفكي)
|
Quote: وفيها شنو يا عبد الوهاب؟ |
العزيز محمد عمر الفكي
والله ما فيها حاجه .. مية ريال تدفعه مع تجديد الجواز بتعمل ليك شنو ؟ ولا حاجه .. مساهمة تدفعه في شركة المهاجر فيها شنو ؟ ولا حاجه .. مساهمة في جامعة المغتربين فيها شنوا ؟ ولا حاجه .. مساهمة في بنك النيلين فيها شنو ؟ ولاحاجه .. مساهمة في شركة بنك الخرطوم فيها شنو ؟ ولا حاجه .. مساهمة في مشروع سندس الزراعي فيها شنو ؟ ولا حاجه .. يكفيك فخراً كمغترب انك مساهم في كل الحاجات دي ولما ترجع بالسلامة وتقول أعيش على استثماراتي تلقى نفسك لافي صينية وتفكر ترجع تاني من تاني وتغني مع محمد ميرغني ..
ويا مثبت العقل والدين ..
| |
|
|
|
|
|
|
Re: اشمعنى دي بالذات أسرعتوا في تنفيذها للمغتربين ؟؟؟ (Re: عبد الوهاب المليك)
|
سلامات يا عبدالوهاب:لفت نظري هذا المقطع من حديث الاسد النتر :
Quote: واعرب البشير خلال لقائه بالجالية السودانية مساء الأحد الماضي بالعاصمة النيجيرية، للمشاركة في أعمال القمة الإفريقية الخاصة بأمراض الإيدز والسل والملاريا، عن أمله في أن يهتم المغتربون باستثمار أموالهم في السودان لدفع عجلة الاقتصاد وقال البشير: إن الأوضاع الاقتصادية بالبلاد تسير نحو الأفضل، رغم كل ما يقال عن أن الهجرة الخارجية أصبحت كبيرةً، موضحا بأن التعدين الأهلي للذهب، والهجرة العكسية الواسعة من الدول الإفريقية والآسيوية إلى السودان تدل على أن هناك نشاطاً اقتصادياً في طريقة تحسين الأوضاع |
يعني سيادته مؤشر الهجرة الخارجية للكفاءات السودانية التي خرجت من البلد بعد تجربة مريرة من الاستبداد والضيق الاقتصادي .....لا يود ان يعدها مؤشر علي كساح الاقتصاد واكل اموال الناس .......ولكنه ذهب ليسترشد سيادته بالبنقالة والاسيوين القادمين ليعدها أولي بان تعد مقياساً لتقدم السودان بالله هل هناك وهم ودجل اكثر من هذا ؟ اليس خروج السودانين اهلك واهل الوجعة واهل الدراية والخبرة اكثر من مقياساً لتدهور الاوضاع من قدوم البنقالة والحبش الى السودان ؟
| |
|
|
|
|
|
|
Re: اشمعنى دي بالذات أسرعتوا في تنفيذها للمغتربين ؟؟؟ (Re: ibrahim alnimma)
|
Quote: أن يهتم المغتربون باستثمار أموالهم في السودان لدفع عجلة الاقتصاد |
والله العظيم أنا عايز الناس ديل يصدقوا أنو السودا الأعظم من المغتربين ما عندهم قروش يستثمروها نحن معروضة علينا أراضي سعرها 7300 ريال درجة أوووووولى والناس ما قادرة تشتري .. وأهي عقود الأراضي بتسمع فينا والناس ما قادرة تشتري ..
وبرضو يقولوا استثمارات المغتربين ..
يا مثبت العقل والدين ..
| |
|
|
|
|
|
|
رد (Re: اساسي)
|
يا اساسي ياخ قطعت مصاريني بالضحك، ياخي والله العظيم يوم واحد ما وقفت عليهو، لو كنت اكلت منه كنت عرفتو اسمعني غلطي في الاسم دا ما بخارجني من مساهمة البنك دي؟ ههههه باعتبارنا من ابناء السبيل مثلا خط رجعة التحية لاخونا البفطر من كودو (كدا صاح)؟ ههههه وسامحك الله يا عمر دفع الله ههههه انت يا عبد الوهاب حاجة في ذمتك نحن قاعدين ندفع في الحاجات دي كلها؟ والله اكان كلامك دا، طيب يعني انا هسي مساهم في الحاجات دي كلها؟ طيب نحاسب منو؟ والحاجات دي عندها جمعية عمومية وكدا؟ ولو ما عندها طيب انا مالي ومالها؟ عندنا سكرجي جاء مغلق ولقى بكاء في الحلة وحسب سكرته قعد يبكي بكاء شفق الناس كلهم، لما وعى شوية قال لهم المات منو؟ قالوا ليهو حاج عثمان قال وانا مالي ومالو؟ يبدو اننا كلنا ذلك السكرجي بعدين شايفك جبت سيرة سندس؟ هو لسه حي؟
| |
|
|
|
|
|
|
رد (Re: محمد عمر الفكي)
|
قبيل شفت تقرير في احدى القنوات الفضائية عن عجز 6 مليار دولار في ميزان الصادرات والواردات بتصدقو صادراتنا كلها 3 مليار في السنة؟
| |
|
|
|
|
|
|
Re: رد (Re: محمد عمر الفكي)
|
كلمة خالد الجزولي
نظرة يا دكتور هناك جهة يتحتم على أي مغترب أن يمر بها قبل أن يقفل راجعا لمقر اقامته بالخارج وهي جهاز شوون السودانيين العاملين بالخارج ، والذي يعني بالنسبة للمغتربين " الجباية " ولا شيء سواها ، ممرت به مجبراً لا بطل من أجل إكمال إجراءات العودة وصلت الساعة الحادية عشرة صباحاً ، ذهلت للعدد الكبير جداً من المراجعين ، نوافذ العمل معظمها خاوية من الموظفين ، نسأل قالوا بالفطور .. انتظرنا قليلاً .. بعدها طلعوا لصلاة الظهر ، عموماً خلصنا بعد الثانية ظهراً .. ذلك بالرغم من أن النافذة أصبحت موحدة "ضرائب ، زكاة ، مساهمة وطنية " ولكن أن تجد الموظف تكون محظوظا وأن تنتظر بالصف حتى يأتي دورك ويكون الموظف لم يترك مكانه لأي سبب فتكون " أبو الحظوظ نفسه" وأن تنتقل لشباك السداد وبعدها التأشيرة أنت موفقا والسعيد من ينجز معاملته في ثلاث ساعات مثلي .. نظرة يا دكتور كرار ..
المصدر : صحيفة الانتباهة ..
| |
|
|
|
|
|
|
Re: رد (Re: عبد الوهاب المليك)
|
زميل البورد رمضان كريم
مش انتو يا الرياضيين بتنصحونا دائماً خلي روحكم رياضية ؟؟ المرة دي انت يا خالد خلي روحك رياضية واتحمل والجايات أكثر من الرايحات .. وإذا الحظ خدمك المرة دي وخلصت في ثلاثة ساعات بس .. ما تتوقع يخدمك المرة الجاية .. عايز ليك نص يوم .. أفطر سمك في الموردة وتعال كمل باقي يومك في الجهاز ..
ببركة هذا الشهر الفضيل ربنا يتوب علينا من المشوار دا ..
ويا مثبت العقل والدين ..
| |
|
|
|
|
|
|
|