وذلك بعدما الواحد تعب في حياتو دي وعمله غربـة وشوق .. ولما كان صغير كان عندو طبليـة .. ببيع فيه ابواز .. وكرتلة اسبوعية ونصف سنويـة .. هذا بالاضافـة إلى الصناديق الجانبية .. ياكلو منك كم صرفــه .. ويخرتوك .. بالمناسبة دي ومن خبرتي اوعـه واحد فيكم يدخـل في صندوق مع حريــم .. والله ياكلو حقك ضحى ..
07-25-2013, 10:55 AM
tmbis tmbis
تاريخ التسجيل: 10-19-2002
مجموع المشاركات: 24862
جدنـا الكبير الحســين .. ود أحمد الحسيــن في ضواحي قريـة دونتاي ريفي كركوج الشريف محمد الأميـن .. الذي ينحدر من العاليـاب .. عمل فينا مغرز .. عمرو ما يتعمل في زول .. يتواتر من خلال حكاوى اعمامي وخيلانا حتى والدي الراحل وامي .. أن جدنـا الحسيــن طيب الله ثراه وإن شاء الله حركتو العمله دي يلقاها قدام: هو كان من تجار الذهــب التقال جدا في زمانـه .. تاجر دهـب جدا .. كان يقطع الفيافي والوهاد ، من منطقة سنجـة حتى الحبشــة باحثا عن الذهــب متاجرا به .. يساعده في ذلك كل العمالة التي يدفع لهـا وكانت وسيلة النقل والماصلات حينها .. الدواب وعلى وجه التحديد البقال والحمير .. فكان طيب الله ثراه في رحلة بحثـه يمر على كل الحلال والقرى يحل بهذه وينزل بتلك وفي كل مكان تقرع له الطبول وتقام له الاحتفالات .. ولو كان في زمننا هذا لصار مثل جمال الوالي يعملو ليهو مهرجان كل يومين تلاتة ويجيبو فيهو رئيس الجمهورية .. كان في حله وترحاله ورحلاته التجاريـة يصطحب كميات مهولة من الذهب المجمر والذهب الخام بجنازير وقناطير مقنطرة ويقوم بتداولها وحفظها في مخازن خاصته في (برام) من الطين .. هي خزائن ذاك الزمان..
07-25-2013, 11:01 AM
ولياب ولياب
تاريخ التسجيل: 02-14-2002
مجموع المشاركات: 3785
Quote: ما عايز أحبطك ,,, إنت متأكد إنو إبتسم ليك ؟ لأنو جايز يكون حظ عندو كشر ساي .
الله اكرم يا معاويــة .. قاليك الفرصة بتجي مرة واحدة في العمر .. مرات بتجيك مبتسمة ومرات ضاحكة ومرات مكشرة .. يعني الواحد يخم بس .. فشنو انت خم بس .. دافع حاجة من عندك ..؟
07-25-2013, 11:32 AM
tmbis tmbis
تاريخ التسجيل: 10-19-2002
مجموع المشاركات: 24862
يا محمد عمر .. عليك الله قول لقيت التلفون .. وقول كدا ضربته لي عليك الله بعد كدا الواحد تاني بشتغل بيكم وبي اتصالاتكم .. الواحد من زمان قاعد معاكم هنا دا على مضض .. شفته على مضض دي كيف ..؟ الواحد يكون خاتي ليهو الف دولار في جيبو يعمل دخول لي موقع بكري دا .. بعدما يتصفح ويكتب ويطلع .. يطلع مطالب الالف دولار تلقاها بقت ميتين جنية وبالقديم كمان .. حسع النجيضـة غايتو .. بعد كدا شوفو ليكم طريقة.. كلم اخوانك المعاك ديل .. ناس ود الصايم واساسي ومين ومين وإلخ إلخ وبقية المعولقين المفلسين ديل .. غايتو بختكم لقيتو ليكم كفيل وطني .. لابس تلاتــة عقالات .. من ضمنهم واحد جلد نمــر .. كفيل فقري جدا .. ياكل حقكم ولا يرمش له جفــن
07-25-2013, 11:22 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: متابعين ما تطول الغيبه ..... اصحابك ديل حتكتلهم بى خلعه شيشك عليهم ...!
سلام يا سامي تصوم وتفطر على الف خير ياخ .. لكن زي خلعتي دي يا سامي ..؟ غايتو الحمد لله الواحد متعود على الخلعات دي والواحد قلبو باليمين عديل كدا عشان كدا قاعد يستحمل .. ههههههههه
07-25-2013, 11:54 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: رمضان كريم ياخي .. ربنا يزرقك و يزيدك .. انا من المنتظرين لنهاية قصة ( الكنز ) دا .. لأنو اليومين دي الحالة سعبة شوية .. ضروري بالله ..
الله اكرم يا عبد اللطيف .. تصوم وتفطر على خير .. قلته لي الحالة سعبـة ..؟ اها عليك الله قول سعبـة ميـة مرة .. يعني تفتكر ح ارقعك بي اي حاجة من الدراهم دي ..؟ يازول في عاقل في الزمن دا بفك قروش ساااي كدا ..؟ الكلام دا كان زمان .. زمان خالص .. غايتو كدي ينظر ويفاد في طلبك دا اهو الواحد كان متردد شديد جدا يتكلم بي ثروتو دي عشان حركاتكم دي ..
07-25-2013, 11:50 AM
tmbis tmbis
تاريخ التسجيل: 10-19-2002
مجموع المشاركات: 24862
وكان الله يديهو العافية .. متحكما في (البورصـة) قندولي راسو عديل ... ما سايل في داوجونز ولا نيكاي .. (ولا اعلان شاي الغزالتين).. يتحلى بقدر عالي من الحماقــة كانت كفيلة بأن يتخذ من خلالها القرارات العجيبة التي تعتبر قاتلـة خاصة وإن كانت متعلقة بمصير جيل ونظرة مستقبلية لايدرك كنهها من عاش زمانهم أو نعم بخيرات ذاك الزمان .. وبساطتته .. فحينها لم يكن يملك جدي الحســــين ايميلا على الهوت ميل أو الياهو ليخزن به وصيته أو يراسل به احفاده المنتشرين في بقاع الدنيا .. على امتداد اراضي السودان .. الحبشـة ، بريطانيا العظمى .. الامريكتين .. اسبانيا إلخ إلخ .. حتى انه لم يكن يستخدم الواتساب في معاملاته التجاريـة ولا .. PayPal . وليس له حسابا في الفيس بوك .. كان زول نجيضـة وزول حارة الحاجات الهينة دي ما بتنفع معاهو .. اما نحاسـه فكان نحاسا خاصا .. صنع بمواصفات فنية عاليـة وتمت كسوته من جلد النمر .. وحلي بالذهب الخالص .. ولا يخرج هذا النحاس إلا في الملمات العصيـة والدواس .. وكذا الاحتفالات الشعبية والمناسبات الرسميـة ..
07-25-2013, 11:53 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
. والله يا ود الصايم بعد كدا حقو تنضبط ... لانك بتتكلم ليك مع ملطي خرتميـة ملياردير كدا .. كدي يا محمد شاي الغزالتين دا نرجع ليهو بعد رمضان .. الموضوع دا انا ما بمشيهو ساااي
07-25-2013, 12:30 PM
tmbis tmbis
تاريخ التسجيل: 10-19-2002
مجموع المشاركات: 24862
وزع جدنـا هذا القندولي .. جيناته الوراثيـة على ابنائه بشكل عجيب .. علما ان الوالدة والوالد يتلاقون من ناحية الجد في هذا الحسيــن يعني عودم راكب بي الجيهتين .. وزع كما قلت جيناته الوراثية بشكل متناقض .. حيث من جهـة الأم .. اللــون الأسمر وقصر القامــة .. والجلحات والصلعـــة للرجال .. حيث انني كلما خرجت في مشوار مع والدتي او احدى خالاتي سيرا على الاقدام للسوق او زيارة في الحي .. اتيحت لي الفرصـة كاملة ان ارى خريطـة الراس من أعلى وخطوط الكنتور التي تركها اثر المشاط .. بينما من جهة الأب خصاهم .. بالطول الفارع واللون الفاقــع والشعـر المنسدل للحريم .. وهنا اشير إلى انني في صغري وحتى بعد ان بلغت من الطول طولا .. كنت اواجـه مشكلة حقيقية وانا اسير مع الوالد عليه رحمة الله .. حيث ان خطواته كانت طويلة ويباعد فيها نسبة لطول قامتـه فكنت احيانا اركض حتى اللحـق به او احيانا اتقدمـه ركضا واقبله فيس تو فيس حتى استطيع ان اكمل حديثي مـعه .. كان الحســـين بالرغم من عدم انشغاله بالدنيا كثيرا .. كان تقدمي وناشط فيما يختص بقضايا المرأة .. فاعتقد ان كل الانتهاكات التي حدثت من شلوخ ودق شلوفـه من اوشام خاصة بالقبيلة .. حدثت بعد الحقبـة التي تلت وفاتـه .. فكان شديد الحرص ان كل من يدرج تحت منظومـة عرقـة من النساء ان تتمتع بكامل حقوقهـا غير منقوصـة . لا مقهورة ولا منهورة ..
07-25-2013, 12:17 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
... يعني يا مولانـا في صناديق مشجعــة .. الواحد ممكن يقتحمه وعيونو مغمده ..؟ ووين الصناديق دي يا مولانـا .. والله اخوك طالع مرتين بي قد القفـه .. قاعدين تلقو الصناديق الكويسة دي ووين ..؟
07-25-2013, 12:29 PM
khaleel khaleel
تاريخ التسجيل: 02-16-2002
مجموع المشاركات: 30134
Quote: رسل لاخوك اربعة الف حق التذكرة والفين دولار حق الاجازة معيد وين انت داخل رياض وللا داخل موردة
والله يا خلي انت بتستاهل ونص وخمسـة بس .. انا خايف كيكي يقول برضو رسلو ليو وكدا قروشي بتخلص بي سرعة المهم يا زول انت اعمل حاجاتك وبعدين بنتحاسب نحن معيدين هنا .. لو بقيت مارق علينا والله تكون ما قصرته ..
07-25-2013, 12:29 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
تمبس ياخي احنا الحرارة هنا خمسين ودقداقة, الواحد ريقو ناشف وخلاس على جاز المصافي بطل الغلبة الكتيرة وتم القصة وادينا النجيضة ولاّ بقوم اشرب علبة الدايت سفن أب المندّية في الفريزر من أمس تلقاها اسي بقت تلج عديل
07-25-2013, 12:40 PM
tmbis tmbis
تاريخ التسجيل: 10-19-2002
مجموع المشاركات: 24862
Quote: ولاّ بقوم اشرب علبة الدايت سفن أب المندّية في الفريزر من أمس تلقاها اسي بقت تلج عديل
والله يا ود البشرى حننتني عديل كدا .. .. يازول اصبر .. اصبر ياخ .. شوف انا صابر قدر كيف من زمن الكرتلة وشختك بختك والبوز الكبير بتاع الارقام داك .. اصبر ياخ الله يهديك
07-25-2013, 12:36 PM
فيصل نوبي فيصل نوبي
تاريخ التسجيل: 09-16-2005
مجموع المشاركات: 14194
Quote: جدك ده يا معلم قاعد يلحس بسطرمة ولا قندولي أي كلام ساي !
يا نوبي .. اقوليك الزول دا ما كان عندو ايميل تقولي باسطرمـة ..؟ والله كلامك دا لو سمعوهو زمان .. كان طيارتك حرقــت .. الناس ديل صعبين اللذ حاجة جدنا ابو امنـا عليه رحمة الله .. كان زول صعب جدا وكركارة خالص .. عرس خالي كان في البلد .. وخلاس جدي دا وصل في العمر زي ميـة واتنين مية وتلاتة لكن رجل صالح كان بمشي يصلي الصبح في الجامع وتوفى عن ميـة وخمسة عام ولسـة باقي من سنونو في خشمو .. المهم جدي دا بعد عملو الجرتق الصباح .. والحاجات الحلوة ديك .. قام جات العربية عشان يرفعو فيها الحاجات العرسان مسافرين .. قام جدي واقف ومنسند على (الحنكول) خاصتو .. البتوكأ عليهو .. قام قاليهم العربية دي لي شنـو ..؟ خالتي قالت ليهو دي لي عفش العرسان عشان مسافرين شهر العسـل .. اريته ما قالت .. ياخ جدي دا ارغى وازبد وضرب الارض بالحنكول عدة ضربات .. قال ماف حاجة عندنا اسمه شهر عسل يقعدو يتسجمو هنا في بيتم دا تقولي باسطرمـة يا نوبي والله زي دا تقول ليهو باسطرمـة عادي جدا ممكن يطعنك
07-25-2013, 12:47 PM
اساسي اساسي
تاريخ التسجيل: 07-20-2002
مجموع المشاركات: 16468
والله يا معفـن لقيته انترنت ساااي ... لكـن انا القدامك دا .. البهايم الفي ضهر بيتنا في البلد هناك تجيب مربوعين تلاتة في بري اضف ليهم معرض الخرطوم الدولي والفلل الرئاسيـة وشارع النيل..
07-25-2013, 12:34 PM
امير طمبل امير طمبل
تاريخ التسجيل: 10-22-2010
مجموع المشاركات: 1722
Quote: كان في حله وترحاله ورحلاته التجاريـة يصطحب كميات مهولة من الذهب المجمر والذهب الخام بجنازير وقناطير مقنطرة ويقوم بتداولها وحفظها في مخازن خاصته في (برام) من الطين .. هي خزائن ذاك الزمان..
تمبس يا صديقي ما تنسنا بالله معاك من المولد ده الأيام دي شايف في موضة لاحياء ذكري الأجداد نحن غايتو زمان جدنا كان عندو 3 بيوت في الحلة الجديدة عشان كده غنو ليهو الغنية الشهيرة سيدالحيشان التلاتة بس وحاتك لما فتحنا كده لا شفنا الحيشان التلاتة ولا قفص حمام ما لقيناهو
Quote: الشهيرة سيدالحيشان التلاتة بس وحاتك لما فتحنا كده لا شفنا الحيشان التلاتة ولا قفص حمام ما لقيناهو
يا طمبل يا صديقي .. ازيك ياخ .. هههههه معقولة ناس الحيشان التلاتة يا عديلة ليييه ديل انتو ..؟ طيب مالو جدك دا ما كان يتمها تسعة طويلة .. تلاتة بس واقوليك الجماعة زمان الدهب عندهم بالجنزير .. ههههه قلت لي قفص حمام ما لقيتو هههههههههههه ..؟ امتعتني يا هذا .. عندي ود خالي حسع كان فتحت ليهو السيرة بتاعت جدنا دي دي زيك كدا .. والله تاني إلا نسكتو بالبوليص
07-25-2013, 01:07 PM
امير طمبل امير طمبل
تاريخ التسجيل: 10-22-2010
مجموع المشاركات: 1722
Quote: هههههه معقولة ناس الحيشان التلاتة يا عديلة ليييه ديل انتو ..؟ طيب مالو جدك دا ما كان يتمها تسعة طويلة .. تلاتة بس واقوليك الجماعة زمان الدهب عندهم بالجنزير
هههههههه يا تمبس نسيت لي برضو حاجة مهمة جدا طبعا سيد الحيشان التلاتة ده جدي أبو أبوي لكن شوف جدي التاني ده .عندي جد أمي سمعت زمان سنة 1944 كرموهو كافضل مقيم مكسيكي تقول لي شنو غايتو الليلة البوست حقك ده قلب لينا المواجع في نهار الدوحة المسخن
غير كده برضو اتذكرت حاجة طريفة جدا زمان كان عندنا دفعتنا كلما نجي بالليل نقعد في مديان الرابطة بعد ما يلط طوالي يشبكن جدي محمد شريف درس المهدي عندنا دفعتنا تاني من منتسبي الجبهة الديمقراطية في الزمن داك يوم زهج ليك منو شديد قام قال ليهو شابكنا جدك درس المهدي درس المهدي يعني مثلا درسو كيمياء و لا فيزياء ولا أحياء الباقي ما بقدر أتمو ليك ههههههههههههه
07-25-2013, 01:21 PM
امجد الجميعابى امجد الجميعابى
تاريخ التسجيل: 01-08-2013
مجموع المشاركات: 2623
Quote: Kassala Algash استاذ تمبس; السلام عليكم. قبال ما تبتدي تحسب في الكنجالات... انا قبل كده خشيت ليك في بوست و بدون اي مسببات قلت ليك و عنك كلام ما عندو اي "سَبْسِتَنْس"... الما بيعرفك بيجهلك... و زي ما جيتك بالغلط, جيت طالبا للسماح... اعتذاري "ان ريسيرفيدلي" المكرر مرة و مرات... عن كل ما ناب شخصكم الكريم او ايا من القراء الكرام من جراء كتابتي غير المبررة هنا في الفترة السابقة. آسف جدا و اتمنى ان تتقبلوا جميعكم اعتذاري الصادق. و شكرا رد · 1 · أعجبني · متابعة المنشور · منذ حوالي ساعة
07-25-2013, 01:54 PM
tmbis tmbis
تاريخ التسجيل: 10-19-2002
مجموع المشاركات: 24862
العزيز الجميعابي .. شكرا .. اخوانا التحت الحجاب الحاجز ديل نازل عليهم .. مع انو بكري قافل منم البلف لكن برضو عندهم نصيب في الثروة والسلطة حقتي دي .. الشباب ديل اخوانا برضو
07-25-2013, 07:56 PM
سيد محمد احمد سيدنا سيد محمد احمد سيدنا
تاريخ التسجيل: 11-21-2005
مجموع المشاركات: 1252
Quote: اها جدى أنا ما كان المهدى يرفع عينو عليهو ( فى اكثر من كدا غنى ) المهم ما دام الزمن زمن فلوس خلينا نصاحبك ولو فى امكانيه نصاحب الوليد ذاتووووووووووووووووووووووووووووووو كدى بدون تحريش على المدام ما دام اشتركت مع الحريم هى بتجهز لكيف تصرف الصندوق وتبعذقوا ( التحيه للدكتوره ) .
.. العزيز ابو السيد سلامات غايتو الاستاندارد حق جدودنا زمان دا والله ما معروف .. الناس دي كلها يقولو ليك جدي كان عندو وجدي كان شنو .. وفي النهاية طلعنا كلنا بي قد القفـة .. اي واحد تلقاهو شاني حملة علي جدو .. غايتو نحن عايزين نقلب الصفحـة دي .. ومن حسع دي ، نقفله مع فترة غناء الحقيبة دي ونركز في ورقنـا .. وحتما الواحد ح يبقى ما سايل في الوليد ولا في العيسى .. لكن لو تابعنا الصناديق دي يا سيد ياهو الواطاتنا اصبحت .. خاصة لو كانت صرفتك الاخيرة
07-25-2013, 01:21 PM
عادل الباهي عبدالرازق عادل الباهي عبدالرازق
تاريخ التسجيل: 10-18-2010
مجموع المشاركات: 4905
هههههههههههههه .. يا دفعـة عليك الله مش انا من زمان الثانوي شكلي كدا زول قندولي قندولي .. يعني شكل النبلاء بتاعين عصر النهضـة وشنو وشنو ما عارف كان واضح فيني مش كدا ..؟ ماف مشكلة يا عادل .. ياخ انت حق زمالة ساكت بفتح ليك مكتب خمسة ضلفات
07-25-2013, 01:22 PM
tmbis tmbis
تاريخ التسجيل: 10-19-2002
مجموع المشاركات: 24862
مرض الجـد الحســـين .. وكدأب هؤلاء الأوائل كانوا يعرفون ساعة منيتهم ... ولم تشفع له كل ثروتـه من الذهب الخالص التي جمعها في كل رحلاته الماكوكيـة مرورا ببني شنقول ارض الذهب وجبال الذهب .. حيث ان للطبيعة هتاك سحر عجيب علاقة الذهب بالطبيعة علاقــة مخيفـة وساحرة .. شاهدت بام عيني في تلك المناطق كيف أن الأمطار عندما تهطل على المرتفعات والجبال تجرف مع السيول قطع الذهب الصغيرة إلى داخل القرى ... وكيف ان سلوك الذهب تنمو مع نباتات (القنـا) التي يتراوح احيانا طولها إلى تلاتة امتار او ازيد .. بعد ان شعر جدنا الكبير بقرب اجلـه جمع كل ما حصده طوال رحلته التجاريــة كل ما كنزه من ذهــب مختلف الاشكال والاحجام .. جمع رجاله الذين كانوا حوله .. حمل كل ما له من ثروة .. في قافلة من الحمير والبقال وخرج بها إلى حيث مكان لا معلوم ولا يخطر ببال (GPS) .. عاد بعد بره ليست بالقليلة والدواب مقلوب على ظهورها الاخراج الجلدية خاوية إلى من التراب .. وبعدها رقد على فراشـه مطمئنا بان انهى وانجز مهمته التي ارقتنا طيلة هذه المدة .. جمع من حوله كل ابناءه واحفاده ليسمعوا الوصية والخطاب الرئاسي .. حيث خطب فيهم خطبـة الوداع .. وبعد ان حمد الله واثنى عليه .. اوصاهم بالتراحم فيما بينهم واكرام الضيف ومخافـة الله والصلاة على سيدنا النبي .. هذا ما جاء في الخطاب الديني اما الحقيبة الاقتصادية فكانت صفرا كبيرا .. حيث خطب فيهم خطبـة عصماء جدا عن التفرق والاختلاف الذي تخلقـه الثروة والقروش هي سبب الفرقه ما بين الاب وابنه وإلخ إلخ من الكلام الما جايب تمنو وقتئذ .. فكانت وصيته التي اختتمها انه قام بدفـن كل هذه الثروة القارونيــة من ذهب وما تابعها في مكان مجهول .. واعقب حديثه او ختمه بأن كل من يذهب للبحث عن هذه الثروة فهو ما عافي منو ثم امرهم أن يرفعوا اياديهم معه في وضعية التضرع والدعاء للخالق .. وقال دعوته الشهيرة التي تلاحقنا الان ككابوس مزعج حيث قال: (لاتفقرو تموتو .. ولا تغنو تفوتو) .. ثم سكت سكتته الابديـة ومن وقتها وانا اعاني على نطاقي الشخصي وكلما اللمح لي قطعـة من ذهـب تبوظ اعصابي وتتهيج اشجاني .. واعتبره جزء من موروثات جدي الحسيــن
07-25-2013, 01:37 PM
محمد عمر الفكي محمد عمر الفكي
تاريخ التسجيل: 10-15-2006
مجموع المشاركات: 7313
انا كتبت لي مداخلة طويلة قام فجاءة التلفون مسحها ، قربت الحق المشرف هههه هسى دا من الصوم ولا من الفلس؟ بالمناسبة اعتقد انك بجملة المعولقين المفلسين ما قاصدني، بتكون قاصد اساسي وود الصائم، مضاف ومضاف اليه هههههه الله يسعدك، مع انه عارفينه شرك بس لمنو ما عارفين لكن والله مشى لينا يوم الصيام دا زي الترتيب
07-25-2013, 02:10 PM
tmbis tmbis
تاريخ التسجيل: 10-19-2002
مجموع المشاركات: 24862
Quote: بالمناسبة اعتقد انك بجملة المعولقين المفلسين ما قاصدني، بتكون قاصد اساسي وود الصائم، مضاف ومضاف اليه هههههه
طبعا يا محمد عمـر .. ياخ ديل يقطعو الخميرة من البيت .. انا اول اجرءات تعسفيه ح اعمله .. ح اصدر صكوك عدم معرفة سابقـة بالاتنين ديل .. عشان اخلي طرفي .. ثم ثانيا ح اعمل صك كفـالة .. عشان اكفلم .. ياخ دي متعة ما بعديها متعة في الدنيا دي .. عشان الواحد فيهم لما تاني يجي يسافر يقولي عايز خروج وعودة يا عمو علاء .. ههههههه . عليك الله عاين عمووو علاء دي حلوة كيف في خشم ود الصايم واساسي بعدين يا محمد عمر الفلس ما بمسح المداخلات الفي التلفون .. الفلس دا بعمل زهووول وعدم ثقة في النفس عديل كدا
07-25-2013, 01:31 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
عزيزنا تمبس سلامات ورمضان كريم يا تمبس يا أخوي جدك ود الحسين البنحدر من جهات العالياب ده مشروع العالياب الجديد حيكون بي أسمو . ( ود الحسين GREEN لاند ) مشروع جدك ده بدايتو من ترتار البحر لحدود الحبشة . تجارب زراعة الدنيا والعالمين حتقوم هناك وقالوا في أبحاث لتجربة زراعة الشمار والنعناع في شجرة وأحدة . مشروع جدك حيكون عجيب . لملم حاجاتك . يعني لو عندك التابعية العليابية مع صورتين 4 في 3 الحظ حيبتسمليك . خلاف كدي أمسك في قشة الغربة دي قوي . تحياتي
Quote: الاخ تمبس سلام و تحية خلى بالك انا مطمئن تب طالما جدك الحسين طلع عاليابى يعنى انا و ياسر طيفور عودنا راكب راكب بالشفعة. شفت الفكاكة دى ازاى.
غايتو يا امجد انت بنشوف ليك بصيرة بنلتقـه ليك كان تطلع ليك بي كم مليون دولار كدا يا كم سبيكة ذهبيـة لكن ياسر طيفور دا .. مليم احمـر ما بديو .. ولالالالالالالالالالا ريال واحد شفت كيف..؟
07-25-2013, 02:03 PM
tmbis tmbis
تاريخ التسجيل: 10-19-2002
مجموع المشاركات: 24862
Quote: محمد عبد الله الأمين · الأكثر تعليقا · عبدالله الحسن الثانويه أهم شي ترقـــع ناس الصايم وابو حسين تريحهم الكفاله والقرف رد · أعجبني· منذ حوالي ساعة
..
Quote: حسين عثمان ديقول · اداب جامعة الخرطوم دي دي كراع البرالمة خضراء عليك من اتعرفت عليهم حظك ضرب ، ههههه رد · أعجبني· منذ 2 ساعتين
..
Quote: Kassala Algash استاذ تمبس; السلام عليكم. قبال ما تبتدي تحسب في الكنجالات... انا قبل كده خشيت ليك في بوست و بدون اي مسببات قلت ليك و عنك كلام ما عندو اي "سَبْسِتَنْس"... الما بيعرفك بيجهلك... و زي ما جيتك بالغلط, جيت طالبا للسماح... اعتذاري "ان ريسيرفيدلي" المكرر مرة و مرات... عن كل ما ناب شخصكم الكريم او ايا من القراء الكرام من جراء كتابتي غير المبررة هنا في الفترة السابقة. آسف جدا و اتمنى ان تتقبلوا جميعكم اعتذاري الصادق. و شكرا رد · 1 · أعجبني· منذ حوالي ساعة
..
Quote: Hassan Ali Abugroon · الأكثر تعليقا تمبوسي لك تمبوسي انظر تحت نحن هون رد · أعجبني· منذ حوالي ساعة
سلاما يا شباب ورمضان كريم .. يا محمد عبد الله الامين .. اتبو حسين شنو وود الصايم البقعم في السخانة دي .. انا ديل بكفلم .. واديك ميزة تانية كمان .. اعمل ليك ليهم نظام تجديد اقامـة كل اسبوعين .. عشان يامنو .. البني آدم دا لما يلقى السلطـة ما معفن جدا .. ... يا ديقووول .. والله من ناحيـة خضرا فهي خضراء المرة الفاتت الواحد كان عايز يشيل منكم الاشتراكات بتاعت موقع بكري دا لكن حظكم كويس .. طلعتو مفتحين وشفوت ... يا كســلا .. هون عليك يا رجــل انا عافي ليك ماف عوجــة .. بس الواحد الدنيا دي ما شايل منها حاجة .. السيرة السمحة زيها مافيش والواحد ما يجاهر بالعداوة نحن هنا ما بنعرف بعضنا إلا بي كيبورداتنا دي نناقش الفكرة .. الحاجات التانية دي ما عندنا بيها كبير غرض .. شكرا جزيلا وربنا يديك الصحة والعافية .. وماف عوجه خالص .. يا ابوقرون .. يديك العافية يا رجل .. بعدين تعال هنا شنو انظر تحت ونحن هنا .. انت اوعه تكون عايز يقسمو ليك برضو كمان .. شايف موضوع الضحاكات دا متعك مع رمضان دا ..
07-25-2013, 02:15 PM
حمد عبد الغفار عمر حمد عبد الغفار عمر
تاريخ التسجيل: 06-06-2008
مجموع المشاركات: 7662
Quote: واعقب حديثه او ختمه بأن كل من يذهب للبحث عن هذه الثروة فهو ما عافي منو
طيب من الأول لاميها ومقوم نفس الناس في أم كم ما كان يقعد في واطة الله دي
بعد التخرج قعدت لي سنة عاطل قرف شديد
الوالدة قالت لي يا حمد بدل تقعد تسب في الدنيا والدين كدا أنا أبوي (أبو أمي) عندو دكاكين في سوق أم روابة خلاها لأصحابو ساي أمشي شوف لو لقيت فيها طريقة بسجل ليك نصها
Quote: طيب من الأول لاميها ومقوم نفس الناس في أم كم ما كان يقعد في واطة الله دي
ههههههههههه دي اسمه التشغيله يا حمد زول حياتو كلها عمله جري وطيران وقوافل وقلع وضرب .. في النهاية يجي يقوليك ما عافي منك لو مشيت الدهــب ههههههههههه ماف اي منطقية يا حمد في كلام الوالدة الله يديها العافية.. وفي تصرف جدنا دا الاتنين ما بتلمـو .. لكن اخير الحاجة المودياك لي دكاكين اهندي قدام عينك .. لكن عاين زي دا عليك الله .. زول بدفـن ليهو ثروة زي دي ويكتلك بالمقصـة
07-25-2013, 02:13 PM
tmbis tmbis
تاريخ التسجيل: 10-19-2002
مجموع المشاركات: 24862
Quote: عزيزنا تمبس سلامات ورمضان كريم يا تمبس يا أخوي جدك ود الحسين البنحدر من جهات العالياب ده مشروع العالياب الجديد حيكون بي أسمو . ( ود الحسين GREEN لاند ) مشروع جدك ده بدايتو من ترتار البحر لحدود الحبشة . تجارب زراعة الدنيا والعالمين حتقوم هناك وقالوا في أبحاث لتجربة زراعة الشمار والنعناع في شجرة وأحدة . مشروع جدك حيكون عجيب . لملم حاجاتك . يعني لو عندك التابعية العليابية مع صورتين 4 في 3 الحظ حيبتسمليك . خلاف كدي أمسك في قشة الغربة دي قوي . تحياتي
والله يا عثمان موسى دا الكلام الببسط الواحد ااي جيب لي سيرة المشارع والاستثمارات والحاجات البتبسط دي .. الواحد بعد كدا يدخل العالياب دي مستثمر اجنبي .. غايتو نحن عودنا دا راكب ركبـة عجيبة .. وطينا لحدت الان قاااعد في العالياب .. بس بعد كدا عايزين الخبرات الاجنبيـة ..
07-25-2013, 02:51 PM
عادل الباهي عبدالرازق عادل الباهي عبدالرازق
تاريخ التسجيل: 10-18-2010
مجموع المشاركات: 4905
Quote: يا دفعـة عليك الله مش انا من زمان الثانوي شكلي كدا زول قندولي قندولي .. يعني شكل النبلاء بتاعين عصر النهضـة وشنو وشنو ما عارف كان واضح فيني مش كدا ..؟ ماف مشكلة يا عادل .. ياخ انت حق زمالة ساكت بفتح ليك مكتب خمسة ضلفات
يا تمبس فترة مدرسة وادي سيدنا الثانوية أنا كان ما باريتكم أنتو أولاد الموردة والله هسع كنت مفترض أكون إستشاري أمراض القلب والشرايين ههههههه باريناكم أنت وعماد عبيد عديتوها لينا الثلاثة سنوات كديت وجمعية الموسيقي من صباح الرحمن وبعد ما تتملو فول تجدعو الحجارة فوق ومعاها العار العار يا أنصار والمظاهرات تقوم والكبسيبة وتمشو سينما قاعة الصداقة أو تصطادو السمك ، الواحد فيكم بيجي شايل سنارتو في شنطة المدرسة وتجيء تقول لي قندولي ونبلاء هههههههههه والله لو صحيح لقيت ثروة جدك مفترض تعوضونا عن مستقبلنا الضاع هدر معاكم ههههههههههههههههههههههه .
07-25-2013, 11:32 PM
tmbis tmbis
تاريخ التسجيل: 10-19-2002
مجموع المشاركات: 24862
Quote: يا تمبس فترة مدرسة وادي سيدنا الثانوية أنا كان ما باريتكم أنتو أولاد الموردة والله هسع كنت مفترض أكون إستشاري أمراض القلب والشرايين ههههههه باريناكم أنت وعماد عبيد عديتوها لينا الثلاثة سنوات كديت وجمعية الموسيقي من صباح الرحمن وبعد ما تتملو فول تجدعو الحجارة فوق ومعاها العار العار يا أنصار والمظاهرات تقوم والكبسيبة وتمشو سينما قاعة الصداقة أو تصطادو السمك ، الواحد فيكم بيجي شايل سنارتو في شنطة المدرسة وتجيء تقول لي قندولي ونبلاء هههههههههه والله لو صحيح لقيت ثروة جدك مفترض تعوضونا عن مستقبلنا الضاع هدر معاكم ههههههههههههههههههههههه .
ههههههههههههه.. يا ود الباهي .. ياخ بالغتـه .. في خضم الجوطـة دي كلها والمظاهرات تذكر اني عملت ليك اخلاء ميداني من الفسحـة الورانية لما هاجمونا بتاعين الاحتياطي المركزي واكلنا علقتنا المشهورة وقتئذ .. بعدين نحن الوكت داك زاتو الواحد رغم معالم النبل الواضحـة فيهو كنا بنتواضع ونضرب معاكم الفول والبوش من مطعم دقشـة بالرغم من انو الواحد كان بكون حاشي بسطرمـة وجبنة بكل انواعها .. ويمشي يشتري صاعوط من الاصلي للعماري الجيد يعني زي ما تقول كدا الواحد بتعامل مع عامـة الشعب عااادي .. استشاري شنو يا ود الباهي هداك الله .. ياخ دفعتنا ديك الما طلع فنان طلع ضابط في الجيش يا ضابط في الديش .. على العموم .. انسى يا زول واحتسب وما تضغط على اخوك في حتة الاستشارية دي ههههههههه .. اعمل نايم عشان نحاول نطلع ليك ان شاء الله ولو جنزير صغير كدا عيار 24 يصلح ليك نفسياتك
07-25-2013, 02:53 PM
امجد الجميعابى امجد الجميعابى
تاريخ التسجيل: 01-08-2013
مجموع المشاركات: 2623
الوالدة قالت لي يا حمد بدل تقعد تسب في الدنيا والدين كدا أنا أبوي (أبو أمي) عندو دكاكين في سوق أم روابة خلاها لأصحابو ساي أمشي شوف لو لقيت فيها طريقة بسجل ليك نصها
Quote: يا تمبس فترة مدرسة وادي سيدنا الثانوية أنا كان ما باريتكم أنتو أولاد الموردة والله هسع كنت مفترض أكون إستشاري أمراض القلب والشرايين ههههههه باريناكم أنت وعماد عبيد عديتوها لينا الثلاثة سنوات كديت وجمعية الموسيقي من صباح الرحمن وبعد ما تتملو فول تجدعو الحجارة فوق ومعاها العار العار يا أنصار والمظاهرات تقوم والكبسيبة وتمشو سينما قاعة الصداقة أو تصطادو السمك ، الواحد فيكم بيجي شايل سنارتو في شنطة المدرسة وتجيء تقول لي قندولي ونبلاء هههههههههه والله لو صحيح لقيت ثروة جدك مفترض تعوضونا عن مستقبلنا الضاع هدر معاكم ههههههههههههههههههههههه .
هههههه هههههه ههههه اها يا تمبس عادل ده اكان ما لحقتو بربطتين تلاته ياهو الفاتيك هنا ...
07-28-2013, 10:51 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: دونتاى!!..يأخ أنا هسع قايلك قريت فى الكمبونى وخاتيك فى اللستة العايز أرفعها لبكرى بتاعت (منبر أولاد قلبها) تقوم تجيبها مصرجة..
المنبر كلوا بقى ولد أبا وسعون ورواكيب وتمر وزرائب وجروف..تقول برنامج (صور شعبية)
Hold on مستر الياس Hold on ... يا حاتم قلنا ليك ياخ نحن شغالين ليكم بي نص طاقتنا وقليل من الثروة .. متواضعين شديد .. حسع امسك معظم الراسمالية الحايمة في البلد دي الواحد تمسك الوالي فيهم يقوليك من فداسي .. والارباب فيهم يقوليك من شندي وراشين كنجالات عجيبة في المحترفين الاجانب يعني بقت علي انا المسكين دا ..؟ بعدين يا حاتم انا في رحلة بحثي عن شجرة العائلة اكتشفت انو عندي حبوبتي اسمـه ( سريتي ) اها سريتي دي يا هداك الله من اسماء الشناقيط وما اي شناقيط الشناقيط القنادلة جدا وعندهم بهايم في ضهر بيتم وتحت تحت كدا ذاتو ملاقيه في الناحية التانية في الاصول الاسبانية يعني يا حاتم حسع دي كان ما الواحد متواضع ليكم زي الوكت دا كان بكون بكتب مع (ميسي وانيستا وبيدرو) في بورد واحد ولو بتدي حريف زي جدنا الكجونكة دا .. حسع دي كان يكون عندو ضيعـة في تل الزعتــر يا شارع في ملقــا مسجل بي اسمو اهو قاعدين نضرب معاكم في ملاح النعيميـة والباميـة الكاويك بعدين شان اوريك انو دونتاي دي واحدة من المقاطعات واراضي اقطاعية خاصة بالنبلاء والاقطاعيين اديك الميزة دي .. عن دونتاي حيث يقال ان الاصل في كلمـة دونتاي هو الكلمـة الانقليزيـة don't tie وهي ترجمتها الاقرب للحرفيـة .. لا تربط وحسب روايات اهلنا في المنطقـة ان الاسم تحول وتحور من تلك المفردة .. امسك مثلا عندك (البرتغال ) كانت في الاساس اسمها البرتقالة .. ثم صارت برتغالة ثم اخيرا البرتقال والمفردة اطلقت على المنطقـة فترة حملات الدفتردار الانتقاميـة حيث بعدما حرقنا ليكم الباشا ونحن ناس مساكين ساكت ما عندنا صواريخ ارض ارض ولا كروز ولا راجمات قام اهلنا بالنزوح بالمراكب على النيل واستقروا بعيدا على ضفاف النيل في تلك القريـة الوادعـة .. وعندما استمرت الحملات كانت مبنية على الحرق والقتل بدون سابق معرفـة .. ولما نزل تلكم النفر في تلك المنطقـة بنية قتل اهلها .. وقفو على مشارف القريـة وعندها لم يجدوا إلا دخان النيران وبقية البهايم يعني بي صورة اوضح كان في شغل ميتافيزيغي عجيب جدا وشغل باراسايكولوجي ... الجماعة ديل عارفين انو في ناس لكن ما شايفنهم .. كانو جميعهم invisible ... فالقايد قاليهم عبارته الشهيرة don't tie يعني لا ترسي في هذا المكان وما تربط البارجـة خلينا نشوف غيرم فعادوا بادراجهم واتخارجوا .. اها الميزة دي بتلقاها في العديد من قرى القرآن في السودان يعني بي صورة اوضح .. ما تدخل الحلة إلا يدوك الفاتحـة تجي تلقاها فاااضية من البني ادميين غير الدخان والنيران وكم راكوبـة .. اها يا حاتم بعد الرحلة التاريخية دي حقو .. تجي تتبرك فيني يعني سلطـة وثروة ..
07-25-2013, 05:28 PM
عاطف عمر عاطف عمر
تاريخ التسجيل: 11-26-2004
مجموع المشاركات: 11152
سيبك من ناس حمد ديل بيضيعوا وقت سعادتك ووقت سعادتك إذ مونى كما يقول الفرنجة
أنا لقيت تلاتة شقق لقطة في برج خليفة... عملت حجز مبدئي بمبلغ بسيط لم بتجاوز الـ ميتين وحرابيش مليون يورو طبعاً دا إتصرفنا فيهو من ( مصاريف الجيب ) التي بحوزتنا لمن سعادتك تشرف كما وعدت يبقى تكمل ليهم باقي المبلغ
ح نفتحهم مع بعض ليكونوا مقراً لشركتنا القابضة
في مشكلة بسيطة ... نقلها لى أحد مصادري الموثوقة وهى أن الأمير الوليد بن طلال دخل ع الخط للمنافسة على الشقق
عموماً ما تشيل هم كلو ح يتدبر
بالمناسبة
- أرسلت لك دراسات الجدوى للمشاريع ( العشرة الأوائل ) التي سوف ندخل بها للسوق الأرقام مقربة لـ ( مليار يورو ) لكل صفحة - إستلمنا اليوم من المهندسين أعمال المدرج الخاص بطائرة سموكم
مرحبتين يا تجاني .. رمضان كريم .. تصوم وتفكر على خير.. ..
Quote: دي واااسعة شدييد
يا قرجـة والله من ناحية غلتان دي .. والله غلط كبير خلاص ياخ ما دايرين منو كورة شراب .. ما يخلي لينا اي حاجة بتضرب ليهو التأمين حقو .. بس يخت ليهو رموز كان يا يخت لينا مفتاح الكنز .. في اي راكوبـة من رواكيبو ديك يا يدفنو لينا في اي حوش ويعمل علامـة في حتتو ويخلي الباقي علينا .. يا كمان يخت ليهو معلم بارز .. غايتو غتاتة زيها اصلها ما لاقاني غتاتة وحسادة بس .. .. والله يا قرجـة مسالة القنا دي ما واسعـة دي حاجة شفتها بي عيني .. عارف الدهب دا بيكون سارح تحت الواااطـة .. والقنا طبعا من جوة بكون لين جدا والقنا طبعا لما يكون أخضر بكون مرن وطيع وبتقدر تعمل فيهو اي حاجة .. اها لما الدهب دا يلقى ليهو فرصـة بقوم يتخلل عيدان القنـا ويكبر معاها ويطول ويسرح .. ببقى عامل زي النخاع الشوكي في السلسلة الفقرية .. طبعا ممكن تلاحظ لعروق الدهـب ايضا متخلله الصخور .. واحيانا الواحد بتابع عرق الدهب لمسافات بعيدة ويتضطر يحفر الصخور لمدى بعيد.
07-28-2013, 11:48 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: عليك الله عاين العود دا راكب كيف؟ يعني مافي اي لصيق
يا جبره .. ياخ عودك دا راكب مايل .. حسع دي كان اكتفيت بي ركبان عودك دا وما جبته سيرة ( فدو) حبوبتك شاهيناز دي كان امورك مشت باسطـة .. انت عارف اصلو الراسماليين ديل الاحد بولو كان ما حرقو ما بفكو .. مرة كنت قاعد في مثلث العملة .. منتظر واحد من اصحابي انا خاتي لي حجار كدا وقاعد فيها جا بتاع اورنيش بكشكش ملصته جزمتي الله يكرمك واديته ليهو .. ورنشـة الزول القاعد جمبي .. فارش ليهو جريدة ولابس جلابية عجيبة جدا .. قام ملص ليهو الشبشب بتاعو .. فيهو مية وخمسين الف دشليون رقعـة .. الولد زاتو لمن احتار يورنشو كيفن .. المهم بعدما اتحرفــن وورنشـو .. قال للولد عايز كم ..؟ الولد قال ليهو السعر .. تخيلق قال لي الشافع خلاص تعال بكرة بي هنا بديك قروشك .. ياخ انا دقيت ليهو جنس جرس .. زولك دا سمعني ليك فارغـة عجيبة جدا .. المهم في النهاية اتضطريت ادي الشافع القروش لاني حنيت عليهو .. بعد شويـة جا صاحبي الكنت راجيهو .. لقاني ليك ضغطي في السما .. وعيوني محمرة مالك يازول حق الله بق الله .. حكيت ليهو المنظر .. قالي الزول دا في الحسبـة خالنا .. اها حسع في قعدتو دي عندو خمسـة قندرانيات شغالات خط بورسودان .. وشغال عملـة هنا دا يومو ما بقل ليهو عن ميتين تلمتمية الف .. والكلام دا بالقديم طبعا ههههههه عايز تمشي البرازيل بنوديك .. خلاف كدا يا زول والله مليم احمـر ما عندنا ليك
07-28-2013, 11:26 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: أنا لقيت تلاتة شقق لقطة في برج خليفة... عملت حجز مبدئي بمبلغ بسيط لم بتجاوز الـ ميتين وحرابيش مليون يورو طبعاً دا إتصرفنا فيهو من ( مصاريف الجيب ) التي بحوزتنا لمن سعادتك تشرف كما وعدت يبقى تكمل ليهم باقي المبلغ ح نفتحهم مع بعض ليكونوا مقراً لشركتنا القابضة
برج خليفـة مش كدا يا باشمهندس عاطف ..؟ عارف يا عاطف .. في نص التسعينات اخوك كان راسمالي وزي ما بقول الشيوعيين برجوازي صغير .. المهم كنت ود سوق .. وكان عندي كم مليون كدا مشيتي ذاتـه غيرته ليك في الشارع دفاتر شيكات .. وصفقات ، وقنادله من حواليني .. المهم قلت يا زول خلاص دي بدايـة الرأسمالية الوطنية ذاته البقولو عليها .. بعد كدا الواحد شويتين يقوم ينقل استثماراتو دي الخليج .. الغريبة اصلن اصلن .. مسالة السعودية دي ما لافقه معاي .. قلت الامارات بس امشي يا زول ابني لي اي راكوبـة كدا في جميرا ويسعى ليهو لنش وطاقية مدورة وقمصان مرسوم فيها شجر نخيل ملكي وجوز هند بي شكل مايل وبعداك بنشوف الدنيا دي فيها كم متــر .. المهم يا باشمهندس .. لما اسكيلي بقى عالي .. الجماعـة قعدو لي .. دردقـو لي عمك كدا محترم شكلا لكن اخلاقـا في القروش دي معفـن جدا .. تخيل دخل لي في الحتــة بتاعت الاتو حقتي .. شبكني ليك نحن عندنا شغل في دبي .. واستثمارات في راس الخيمـة .. اهـا شفته زي العرض حقك بتاع برج خليفـة دا .. الخلاني اقتنع بي عمك دا انو كان عندو (عرجـة) في رجلو .. قلت مستحيل زول زي دا بعدما تقدم بيهو العمر يكون بياكل حق الناس .. المهم دردقني ليك دردقـة عجيبة .. قالي عندنا بضاعـة ح نجيبه من تايلاند بتذكر دخلته بي اربعة مليون .. الذي كنت امتلكه وقتئذ وكنت قندولي خالص .. المهم كتب لي شيكات بالمبلغ .. قالي حتى يطمئن قلبك اها طبعا يا عاطف قايلني تاني صرفتـه شيك مش كدا واللا بالغلط ساااي شفته لي عملـة نقدية حايمه قدام عيوني ..؟ ههههه الطريف في الأمـر صاحبك دا بعد تفحيص وبعد شيطنـة عرفت ليك مكان بيتو وووين .. شلته طبنجتي وبقيت مارق .. قلته الزول دا اكل قروشي بعد كدا الموت بس .. تخيل مشيت مع صلاة الفجر قلته الزول دا عشان لما يطلع من البيت يلقاني وش .. وطبعا الكلام دا كان بعد طول انتظار وجري وطيران ومساككة وحسع كان هنا وبعد شويـة في كوستي وإلخ إلخ .. وطبعا الكلام دا بعدما قفل مكتبو .. ولما عرفته مكان بيتو قلته خلاص .. طلقه في نص راسو المووت بس .. تخيل لما وقفته قدام بيتم لقيت ليك الجماعة متكسرين زي الراجيين جنازة بحر .. العايز منو خمسين مليون .. والعايز مية مليون .. ههههه انا اربعـة مليوني دي احتسبتها والشيك لحدة الان قاعد عند النيابـة .. اها يا خوي كدي عليك الله موضوع برج خليفـة دا اخرو لي شويــة خليني انجمـة يا اطلع لي شويـة من الحتة بتاعت الامارات دي حبــة .. عدل العرض حقك دا يا عاطف وكلامك دا زاتو قولو لي زول ما عندو حديدة
ملحوظـة: عمك بتاع الشيكات دا يا عاطف الاكل قروشي اتضح بعد فترة انو اسمو .. (ابكرنك) وكان من اشهر محتالي الشيكات وقتها.. يعني يرقعك بي شيك طاير .. لو بقيت منو .. ومنو داك ما يتصرف ليك ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
tmbis
ولياب
محمد عمر الفكي
معاوية الأرباب
عبداللطيف خليل محمد على
سامى عبد المطلب
محمد عبد الماجد الصايم
محمد المرتضى حامد
khaleel
محمد البشرى الخضر
فيصل نوبي
اساسي
امير طمبل
ABUHUSSEIN
امجد الجميعابى
سيد محمد احمد سيدنا
عادل الباهي عبدالرازق
Osman Musa
حمد عبد الغفار عمر
حاتم الياس
عاطف عمر
محمد جبره
garjah
عصام علي أحمد
Yassir Tayfour
فيس بوك
تويتر
انستقرام
يوتيوب
بنتيريست