|
|
 Re: اغاني واغاني النسخة التاسعة 2013 (Re: عمر الفاروق)
|
الليلة كنت قافل على اني استمتع بصوت معتز صباحي
لكن صباحي سرحاتو كترت, ذكرني الحوت في السرحان
الحوت بسرح لكن ما بخذلك لمن يغني و بمتعك
صباحي الليلة خذل الكل
فياااا صباحي, شغل "السرحان" ده لو ما بتقدر عليه خليه
و شايفو الليلة غير الشال بي طاقية :)
| |
 
|
|
|
|
|
|
|
|
Re: اغاني واغاني النسخة التاسعة 2013 (Re: عمر الفاروق)
|
Quote:
ـــــــــــــــــــــــــــــ
هو الزول دا ليه ما بجيب رشاد ؟ |
يا جماعة دندون دى ليييييييه بتعفصوا ليها كدا
اهاااا عشااان ما تزعلى لوووووووولز
يا عمر الفاروق بالله راعى انو الكروش تجلبق مويه ما قادرين نضحك ياخى
فعلنننننن عمك شحط فيها شديد ومشيت اكتر من كدا اقارن العالى دا مع اغنية فرفور
اللحاول فعلاً ان يصرخ ليصعد للعالى وانتظرت الشيالين والشيالات عشااان ينزلوا فرفور
لقيتو قاعد فى محلواااا 
بث كنت منتظر من عمك قدور مثال للبين بين لانو كانت المقارنه بتكون منصفه
لكن لانو الكلام خارم بارم هو ذات نفسوا نسى الكنته وسرح سرحة معتز صباحى ياخى الزول دا اخير منو فهيمة
تراها قلتو بتمدح وبث والله يا عمر فعلن كلام الشباب ديل صاح بقن علينا اتنين نشاهد الحلقه ونجى جارييين لى جاااى
ورمضان كريم وتقبل الله منا ومنكم
:
:
:
:
مع التحيات لله الزاكيات
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: عبير خيرى)
|
.
الحلقة كانت عن الشاعر سيد عبد العزيز وبدأت بـ(يا قائد الأسطول) ألحان سرور وغنتها فاطمة ،
بداية الأغنية كانت جيدة لكن اول ما دخل فرفور فكوها وطارت لا وقفة لا لزمة لا أي حاجة ، البت صوتها سمح.
الأغنية التانية كانت (من حور الجنان) طبعاً ما ممكن نقول (غناها) لكن ممكن نقول خرمجها معتز صباحي ،
فارق زمن وما حافظ ، أشر لي الفرقة قال ليهم (طلعتو روحي الصوت أبا يطلع) ما عارفة في اللحظة دي الفرقة حتعمل ليهو شنو ،
يا خوانا لو ما البرنامج ده مسجل !
السر قدور قال ألحان سرور كلها تصاعدية وألحان كرومة انسيابية ،
وجات طوالي الغنية التالتة (في دلاله ما اعظم جلاله) نفت كلامه لأنه لحنها سرور وغنّى الغنية فرفور غناها بي النيّة ..
الأغنية الرابعة كانت (أقيس محاسنك بمن) ألحان سرور وغناها طه سليمان اكتر من مرة فأجادها.
أوسكار الحلقة للأغنية الأخيرة وختامها مسك وعنبر وكل عطور الدنيا السمحة وهي (أنّة المجروح)
ألحان سرور وغنّاها مصطفى السنّي ، آداء رائع والفرقة رجعت للهدوء والأصوات المتناسقة .
الحلقة أحسن مليون مرة من حلقة أمس .. وبرضو بكرة أحلى!
| |
|
|
|
|
|
|
|
|
Re: اغاني واغاني النسخة التاسعة 2013 (Re: ALGARADABI)
|
يبدو ان ان اداء الاوركسترا القديمه بقيادة محمديه اجمل من اداء الفرقه الحاليه
رغم انهم استعانوا بعازفين من الطراز الاول امثال اكرت وعازف الساكس ولا ادري لماذا ؟
اداء فرفور متميز بالفعل وبصوت جميل وفي العالي بارتياح لكن كما عودنا
اعيب عليه عدم الجديه ومحاولة الهزار مع السر قدور ويبدو جليا انه غير متجاوب معه
معتز صباحي اداء تميز بالركاكه مع انه يمتاز باجمل الاصوات لكن لا ادري
ما الحكمة في تحريك المايك بصوره مزعجه كانما يريد ان يغطي عيب في صوته
مصطفي السني للاسف ادي اغنية انة المجروح بصوت مجروح واتضح جليا انه اجمل ان يؤدي اغانيه بالعود
طه سليمان صاحب اجمل الاصوات والحصان الاسود للبرنامج ادي اغنية لم تظهر امكانياته الصوتيه
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: الليندي)
|
لمشكلة الكبرى في التكرار كل الأغنيات التى تغنوا بها الشباب في هذه الحلقة مكررة في النسخ السابقة وشاعر زي ( سيد عبدالعزيز ) عندو اكثر من 150 أغنية كان ممكن يطلعوا لينا خمسة أغنيات غميسة كان ممكن تتشكل ثلاثة من أغنيات الحقيبة و2 من الاغنيات الوترية يعني بدل ( قائد الاسطول ) الغنت منها جزء ( فاطمه عمر ) كان ممكن تغني ( بت ملوك النور ) وبدل معتزصباحي ما يغني ( من حور الجنان ) كان ممكن يغني ( غصباً عنك يلفت نظرك ) وفروفور بدل ( الفي دلالو ) كان ممكن يغني ( مداعب الغصن الرطيب أو مليح الزي او الجنان في الدنيا او انا راسم في قلبي صورة الباسم ) وطه بدل ( اقيس محاسنك بمن ) كان ممكن يغني ( الجمال والحب في بلادي ) ومصطفى السني بدل ( آنة المجروح ) كان ممكن يقدم أجمل قصائد ( سيد عبدالعزيز )
مسوا نوركم وشوفوا من جبينا صباح
الصباح أن لاح لافايدة في المصباح
هل أتاك حيث الكوكب النضاح
قمرة تمطر خمرة وحارسا الفضاح
لو تجينا محاسن الشمس للايضاح
ما بتجيب محاسن محيها الوضاح
نو جمالا دهشنا معشر الفصاح
بين ناطق صامت وبين صامت صاح
ده كلام عجيب فيهو اقتباس من القران وفيهو وصف مبالغة ، لكن عمنا السر قدور رغم الحركات الارعة البعمل اليلية لفت نظرنا لأغنية ( جاروا اهلك ) في المقاطع الاخيرة البتحتوى علي فلسفة عميقة فعلاً وبرضوا لفت نظرنا لتكرار كلمة ( الانسان ) في من اكتر قصيدة لسيد ولو ركز في الاشياء التوثيقة والعبات الجميلة بدل نسج القصص من وحي خيالو سرور بطلع وكرومة انسياب وكده بكون البرنامج اجما بالاضافة لأنو يوقف لينا فرفور من الهرجلة البعمل الفيها وفكرة انو يخش في أغنية دي .
ا
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: الليندي)
|
الأغنية الاولى جزء من ( قائد الاسطول ) جابوها كتير قبل كده ، طبعاً فرفور ما خلينا نسع صوت ( فاطمة عمر ) بشكل جيد غايتو البت دي بتعرف تغني باحساس عالي
الأغنية التانية جزء من ( حور الجنان ) في اشكال في التفاهم بين ( معتز صباحي ) والفرقة الموسيقية اضافة أنو ( معتز صباحي ) عندو مشكلة كبيرة مع المايك متين يبعدو ومتين يقربو
الأغنية الثالثة ( الفي الدلالو ) باص عديييييييييييييييييييييييييييل
الأغنية الرابعة ( اقيس محاسنك بمن ) بالجد طه لايعلى عليه في أغاني وأغاني ، غناء من غير فلسفة وراحة تامة في الاداء وتطريب جميل
الأغنية الخامسة ( أنة المجروح ) ودى كتبا ( سيد عبدالعزيز ) في فتاة سورية اسمها ( عدلة هلال ) واصل الأغنية ( سورية في السودان ) شامية القال عمنا قدور دي من نسج خيالو وباقي كلامو صاح المهم مصطفى السني ده استايلو فاداها بشكل جميل لكن برضو في مشكلة بتاعت صوت بمشي بعيد في بعض الاحيان مصطفى وطه امتعونا اليوم .
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: بشرى مبارك ود السقاى)
|
Quote: مايك مهزوز ما ثابت .. صوت يعلي ويوطي براهو ؟؟! والأغنية في صمة خشمها ما حافظا !! واداء متشنج لي أبعد الحدود ..!
الحاصل شنو ؟! وين معتز صباحي بتاع زمان ؟!!! |
اخي ناذر وكل من يسائل انا اجيبك ! , فهذا نجم وشخصية عامة وله حضور وجمهور وتاريخ ,
الفنان المتميز صباحي على خطى كوكب الشرق ام كلثوم فهو على مايبدو مصاب بتضخم الغدة الدرقية ,
وهي الغدة الواقعة في منطقة الرقبة .. ولهذا التضخم عدة اسباب وانواع مرضية , وهوتضخم حميد في اغلبه ..
اتمنى ان يكون الاستاذ صباحي مستوعب هذا جيدا , وان يجد في دروب التشخيص واخذ العلاج ..
صورة الوريد المتضخم في منتصف الرقبة ظاهرة جدا للعيان خلال الحلقة .. بل تضخم الغدة ذاته !.
التوتر واهتزاز اليد من علامات تضخم الغدة الدرقية ..
تاريخ هذا الفنان رائع , وادائه متميز , واتمنى ان يبدا رحلة العلاج ليعود ناظر كما عهدناه ..
______________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: شهاب الفاتح عثمان)
|
قبل الدخول فى التعليق على الحلقة متكاملة لابد من الاشادة بتعلقيات الاخ شهاب الفاتح فهى رائعة بحق وتضيف للبوست بعداً جميلاً وبصراحة المتداخلين كلهم رائعيين .
بعد أداء التراويح وقبل العشاء والنوم أستمعت الى الحلقة كاملة وأفيدكم أننى لأول مره فى حياتى أتابع (أغانى وأغانى من أول حلقة وأهتم بها بسبب هذا البوست الفلته وبوست أخر فى منتدى البركل للأخ سيد شامى فلهم الشكر )
مقدم البرنامج السر قدور لا شك متمكن ويجيد صنعة التقديم (من حفرو البحر ) فلا أستطيع أن أقول فيه غير أنه مبدع بحق وموثق لا يشق له غبار .
أفتتح الحلقة بقائد الاسطول من المطربة فاطمة فأدتها أداء عادى لم تأتى بتفرّد يضاف لها ولا نعيب عليها شىء كانت متماسكة وهادئة وأداء فوق الوسط أعطيها 6 من 10 .
من حور الجنان والمطرب معتز وسبق أن أفردت له تعليق خاص ووصفته بالضعيف وما زلت فى رآى وأستطيع منحه 4 من 10 .
الأعنية الثالثة كانت من نصيب فرفور ( فى دلالو ما أعظم جلالو ) فر فر فيها فرفور فرفره غير عادية وأنطرب وحاول كثيراً أن يفرفر عمو السر قدور ولكن كان ثابتاً !! وعمنا السر بيطرب نفسو فى الوقت المناسب بالطريقة البتعجو هو ، فرفور كالعادة متفرد ومتميز الاداء لأنه (يقلد نفسه ) وصاحب إمكانيات مهوله فى التطريب أستطيع أن أعطيه 7 من 10 ,
وجاء الضرس وأنا أقول عليه (ملك التطريب ) وأختار له السر قدور (أقيس محاسنك بمن وقد قاس إمكانياته فى التطريب وكانت 9 من عشره ) طه سليمان رهيييب صوت متمكن أداء سلس لا تعب ولا صخب إبتسامات موزعة بدقة وطلوع ونزول فى الزمن كان نجم الحلقة الثالثة وفارسها بلا منازع أعطيه بلا شك 9 من 10
ختام المسك عند مصطفى السنى (فى أنّه المجروح ) لم يستطيع الخروج من صندوق تقليد عبدالعزيز محمد داؤود لذلك فرض على نفسه (إستايل معين ) وهو إستايل صعب يجيده ولكن ليس بمهارة صاحبه الاصلى وعلى العموم يرجى منه لى قدام ولسع نحنا فى الحلقة الثالثة أستطيع منحه اليوم 6 من 10
| |
|
|
|
|
|
|
|
|
 Re: اغاني واغاني النسخة التاسعة 2013 (Re: بشرى مبارك ود السقاى)
|
غايتو لو القنجطة العملا صباحي دي بتمشي في اغاني واغاني ..
اتوقعوا الفنان "قيقراوي“ في النسخة العاشرة من البرنامج
المافي شنو!؟
---------
اهو حذرتكم ..
الداير يرحل من الكوكب دا .. يقطع تذكرتو لكيبلر 22 بي من اسي ..
ول ابقوا مسيحين غايتو
دا ما غنا ولا حاجتين غايتو!!
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: بشرى مبارك ود السقاى)
|
صراحة كنت منتظر معتز صباحي يغني رغم انه عندي انطباع سئ عليه
حاولت انسى موضوع الانطباع دة واسمعه
لكن زي ما قال ناذر ياخي الميكروف يفرفر في يده زي القمرية في الشرك
بعدين باين انه ما حافظ ودة اكبر عيب في اي فنان
فرفور ذاته شكله كان بيقرأ تحت تحت كدة
طه غنى مرتاح واجاد بس قصة البنطلون اللحمر دي ما وقعت لي في راسي
انا مرات كتيرة بقيس الطرب في الحلقة بي تعابير وش المبدع محمدية
محمدية ثلاثة حلقات ما شوفتو اداها ابتسامة سمحة زي زمان
لو رجعتوا للحلقات القديمة شوفوهوا لمن عصام محمد نور غنى «نعيم الدنيا»
او اسرار لمن غنت لي عثمان حسين
محمدية دة من الطرب كان بيتسم من قريب اضنينو وانت نازل
تليشة:
احمودي اداها كم خجة كدة ريحتني خلاص
يا عبد الحليم عليك الله ما تدردقني لي قميع الاصابعين دة
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: طارق جبريل)
|
.
هذه المداخلة من الشاعر مكّاوي الشيخ الأمين وفيها معلومات تستحق النشر ، لقد قمت باستئذانه لنشرها ..
دائما بسبب الإعلانات الممله وترقبي لفقرات ببعض برامج بقنوات أخر أزوغ وأعود لها.. كما أني لا أميل ولا أرغب بالكتابة الناقده في أمر الفن والغناء وإلا لملأت مما به من الهّنات والأخطاء الصفحات العديدة الطوال..وعادة ما أفعل ذلك في النطاق الضيق مع القريبين من حولي ومن يجمعني بهم الإهتمام المشترك... مما سمعت في حلقة اليوم ،
أمران فرضا علي التداخل أما الأول فهو ما وقع فيه فرفور من استبدال لكلمة أراها حطت كثيرا من سمو المعنى الذي عناه سيد بقوله في الفي دلالو:
(وعندي أفضل من وفا ناس.. "مطالو".. فكما تلحظين أن "مطالو" هنا هي مبتدأ مؤخر.. ويا لنصاعة وجدة وإدهاش المعني، بأن يكون مطل الحبيب وخلفه لمواعيده أفضل لسيد من وفاء آخرين من الناس معه... وقد استبدلها فرفور بقوله: (وعندي أفضل من وفا ناس.."وصالو".).. وكأنه يؤكد ما هو مؤكد و تحصيل حاصل.. وكم كنت أتمني أن يتدخل الأستاذ، وهو بلا شك مرجع كبير، بإصلاح مثل هذه الأخطاء والتي وقع و يقع فيها العديد من أبنائنا الشوادي المشاركين بالبرنامج ذي المشاهدة العالية هذا، ويا حبذا لو يحصل هذا التصحيح والإصحاح منذ فترة الإعداد والبروفات لتعم الفائدة لهؤلاء الأبناء أولا ثم لمتابعيهم حيث يصلهم الغناء نقيا بلا شوائب...
أما الأمر الثاني، فكثيرا ما نبهت له عبر المواقع المهتمه بشأن الغناء والحقيبي على وجه الخصوص.. لكن يبدو القضيه "خربانه من كباره".. فاليوم سمعت أستاذنا السر "يصر إصرارا" على أن سيد عبدالعزيز قصد "ملكة بريطانيا".. نعم وأكرر، "ملكة بريطانيا" "ماتريد"..وزادنا كيلا، بنفيه أن يكون سيد قصد بها المعنى المتعارف للفظة "ما تريد"..سبحان الله!! فقد قرأت وسمعت هذا القول عند العديد قبل اليوم وبملكات لبلاد مختلفه،، فمرة يقولون "ماتريد" ملكة هولندا.. وتارة هي ملكة الدنمارك.. وأخرى تنسبها لبلجيكا و..و..ألخ.. ولا أدري إن كانو يعنون ملكات سياسه أو جمال.. فالأمر في حالتيه يستوي عندي في ضحالته .. والحقيقه أنه أمر يثير العجب بل والإستهجان.. إذ كيف يرتضي الناس، الأقل قيمة والأدنى من المعاني ويضعونه مكان ذاك الأرفع والأسما والأقيم؟... فكلنا أو أغلبنا، بلا شك قد استهواه بيت الشعر العربي القديم بمعناه المدهش البديع:..
(خلقت مبرءا من كل عيب ... كأنك قد خلقت كما تشاء.).. و.. تاني.. سبحان الله!.. فهل من عنده مثل هذا المعنى الشاهق العالي القيمه في وصف جمال وكمال محبوبه، يدعه ويمتطي مركب التنطع باحثا لمحبوبه عن أشباه في دنيا البشر حتى وإن كن ملكات جمال الكون كله؟؟؟ مالكم كيف تحكمون يا هؤلاء؟؟؟
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: عبير خيرى)
|
Quote:
أما الأمر الثاني، فكثيرا ما نبهت له عبر المواقع المهتمه بشأن الغناء والحقيبي على وجه الخصوص.. لكن يبدو القضيه "خربانه من كباره".. فاليوم سمعت أستاذنا السر "يصر إصرارا" على أن سيد عبدالعزيز قصد "ملكة بريطانيا".. نعم وأكرر، "ملكة بريطانيا" "ماتريد"..وزادنا كيلا، بنفيه أن يكون سيد قصد بها المعنى المتعارف للفظة "ما تريد"..سبحان الله!! فقد قرأت وسمعت هذا القول عند العديد قبل اليوم وبملكات لبلاد مختلفه،، فمرة يقولون "ماتريد" ملكة هولندا.. وتارة هي ملكة الدنمارك.. وأخرى تنسبها لبلجيكا و..و..ألخ.. ولا أدري إن كانو يعنون ملكات سياسه أو جمال.. فالأمر في حالتيه يستوي عندي في ضحالته .. والحقيقه أنه أمر يثير العجب بل والإستهجان.. إذ كيف يرتضي الناس، الأقل قيمة والأدنى من المعاني ويضعونه مكان ذاك الأرفع والأسما والأقيم؟... فكلنا أو أغلبنا، بلا شك قد استهواه بيت الشعر العربي القديم بمعناه المدهش البديع:..
(خلقت مبرءا من كل عيب ... كأنك قد خلقت كما تشاء.).. و.. تاني.. سبحان الله!.. فهل من عنده مثل هذا المعنى الشاهق العالي القيمه في وصف جمال وكمال محبوبه، يدعه ويمتطي مركب التنطع باحثا لمحبوبه عن أشباه في دنيا البشر حتى وإن كن ملكات جمال الكون كله؟؟؟ مالكم كيف تحكمون يا هؤلاء؟؟؟
|
عمك قدور اكلنا حنك ساي بقصة انو سنة 1930 نشروا صورة ملكة بريطانيا (ماتريد) دي!!
فسكتنا!!
-------
لكن المعنى الاجمل من (ما تريد/ ما تشاء) .. ما يشاء رب الجمال .. العبر عنو الشاعر العربي:
لو ذهبت تستزيد في الحسن حسناً .. لما ازيدت!!
مقفلة النمر يعني!!
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: فتح الرحمن حمودي)
|
عمك قدور اكلنا حنك ساي بقصة انو سنة 1930 نشروا صورة ملكة بريطانيا (ماتريد) دي!!
فسكتنا!!
قيقا يا حبيب
السر قدور كلامو كان واضح وقال ملكة جمال بريطانيا ولم يقل ملكة بريطانيا
انتو الما تظلمو الزول
وانا نفسي اعرف عمر الفاروق وين زاغ من صباحي ولا جاب سيرتو نهائي
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: abas)
|
| Quote: سـلام يا الخـير.. عبدالهـادي محمد نـور أفضل عازف ساكس في السـودان وفنان يتمتع بتقنيات متطورة جداً.. ولاحظت إنو لو كرر نفس الجملة عشرة مرات بعملا ليك كل وحدة بطريقة مختلفة وأجمل من التانية.. بعـرف بعض كبااار الفنانين يا معاهم الهادي يا بدون ساكس |
عيسى رمضانك كريم
التحايا للاخوين ابو الحسن محمد نور وعبدالله
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: طارق ميرغني)
|
سلام يا اهلنا حا اخش توووووش في موضوع معتز صباحي دا .... طبعا انا من الناس السسسسا حا اكون مراهن علي معتز... معتز زول غناي يا ناس والله غنااااااي ومقطعا
لكن معتز زول خجول جدا وبتكبكب وخصوا لما عرف انو دقس ليهو كم دقسة يعني حاول يخش كم مرة في زمن الموسيقى وناس عمك محمدية قرصوه كم قرصة فذادت كبكبته
معتز بديني احساس انو لما يكون بغني ما بكون عايز زول يعاين ليهو ..... دا طبعا كلو ما بيعني انو زول ما غناي لكن ممكن نقدر نقول عليهوانو ما زول جماهيري ....معتز في
حاجة تانية معقداهو وهي قصة الصلعة دي يعني بديني احساس انو طاقيتو دي لو وقعت ممكن يغمر :) ورررررررررردلوب يتكوم في الواطة دي..... انا غايتو ما زلت عند رأيي
انه هو اجمل خامه صوتية تمتلك مقدرات تطريبية هائلة لو بطلل قصص الخجل دي وعرف يتعامل مع الكاميرا كويس بالمناسبة في فنانيين كبار وكبار جدا للان بتهيبو الكاميرا
ومنهم علي سبيل المثال لا الحصر المرحوم عبد المنعم الخالدي والفنان سيف الجامعة والفنانة سميرة دنيا وان كان مؤخرا بدت تتعامل معاها بصورة معقولة شوية والمرحوم محمود
عبد العزير ديل كللللللهم وفي غيرهم كتار بكونو كبكبي عدييييييييييييييل كدا قدام الكاميرات ..... ما داير اطول عليكم لكن جد بتمنى انو نشوف معتز بصورة اجمل مما رايناه بها اليوم
تحيتي
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: فتح الرحمن حمودي)
|
بالنسبة لي صباحي وقصة الزوغان ..انا ما حبيت اعلق على الاداء عمووماً لأنو كان في اغاني الحقيبة ..وفكرة التقييم من اغاني الحقيبة دي بقت ما واقعة لي ..وقصة إنو في برنامج اغاني واغاني يرجعوا ويعيدو قصص مكررة دي ما قدرت اهضما..يعني السر قدور ما ممكن يحكي في الحقيبة أحسن من عوض بابكر ولن يستطيع اقله عوض بابكر بيتش عن المعلومة وواضح إنو بيتعب فيها ..
السر قدور لفاااح اللهم اني صايم ..واضح جداً إنو بيحكي من ذاكرة قعدات وونسات أصحاب بدون الإستوثاق.. زييو زيينا لمن يكون معاك صحبك يحكي ليك قصة في حلتهم انت تقوم تستلم القصة دي منو وتاني تحكيها بي لسانك وإنك كنت شاهد عليها بدون ما تتأكد صاحبك ده لمن حكى ليكم القصة دي كان صادق ولا ناجرا..
السر قدور استفاد من الحتة دي شديد وبقا معتمد عليها عشان كده في كتييير من القصص بيظهروا ناس بيقولوا هي مااا كده ونحن شهود على القصة الأصل..السر واااضح إنو ونسة القهاوي واللمات بتاعت السمر اختزلا في راسو وبيستعيد منها عشان يتمتم البرنامج..
اغنية زي قائد الإسطول طالما كررا فكان من باب أولى يحكي قصتا برضو ويكررا لأنها واحدة من الاغاني القصتها بتوضح النظر للشعارء في الوقت داك ..وحسب الروايات وعدناها كتيير هنا إنو الاغنية مكتوبة في واحدة من بنات بيت المهدي والسبب إنو سيد عبد العزيز اتقدم لي خطبتها وقالوا ليهو بدوون غتغتة الشعراء ناس صعاليق ونحن ما بندي بتنا لي صعلوق..
بقا سيد عبد العزيز بينتظرا في مخرج كلية المعلمات اللي جمب سجن امدرمان الحالي دي ..ف يوم صوّر المشهد بتاع خروجهم من المدرسة وهي كانت النوع اللي لمن جرس الخروج يدق أوول زولة بتطلع وجري على البيت ( ما عارفا كانت بتقول البيوووت يااا عبووود ولا لأ ..:) )
المهم هي بتطلع وبعدها بيطلعوا باقي الطالبات ..فقام سيد عبد العزيز صوور المشهد ده ووصفها بي قائد الإسطول وهي ماشة قدااام وبنات المدرسة طالعات ماشات وراها ...
نرجع لي معتز صباحي :)
انا ما زوغت ..صاح أحبطت من طريقة الاداء خصوصا حركة المايك لكن انا سببي مختلف وقناعاتي مختلفة في سبب يوء اداء صباحي ..وما عايز أظلموا ساي والدنيا صيام لكن بي نظرة المتابع لي احوال صباحي العامة فمعتز يبدو إنو غنا ما واعي ودي مشكلة كبيييرة مرات بتوديك التوج عكس ما تتخيل إنها بتعدل ليك مزاجك..
معتز في الفترات الاخيرة كان لصييق جداً بي الكائن الخرافي الراحل عن دنيانا الزول الحلو وحبوب محمود عبد العزيز رحمة الله تغشاه..ومعتز كان مقتنع تماااماً إنو أفضل فنان سوداني هو محمود عبد العزيز للدرجة اللي قال فيها في حوارات كتيرة إنو فنانو المفضل محمود..
معتز في فتراته الاخيرة بقا زي لصيق بي محمود وبقا يحاول يتأثر بيهو في اي شي طريقة الاداء الاحساس التصرفات ال ال ال ..ونتج عن كده إنو بدون ما يشعر اتملص من شخصيتو هو الغنائية وحاول يدور في فلك محمود..وفلك الحوت ده فلك صععععب ومستحيييل ماااف زول بيقدر يخشو ولااا يتعايش معاهو لأنو فلك حالة خاصة سييدو وااحد وشيخ طريقتو وااحد وحوارو مااا بيقدرو يستلموا المشيخة منو ..
السبب التاني الثانوي إنو معتز صباحي عندو مشكلة في إنو يغني وهو قاعد ..دي ما بيعرفا..معتز عايز يغني وهو واقف ..والسبب التالت قالوا ليكم الخير ده وانا بتفق معاهو فيهو ..قصة الخجل لكن ما قصة الصلعة ..لأنو حسب علمي معتز زارع شعروا زراعة في سوريا تقريبا لكن ما عارف يكون يا ربي بقا ما بيسقي الزراعة بتاعتو دي وقام المحصول اتحرق :):)
معتز غناااي وصوت متفرد بغض النظر عن طريقة الاداء ..وانا دوووما اختلافي مع ناس كتااار هنا انو انا تقييمي للفنان في الأووول تفرد الصوت لانو ده مقياس الفنان وليس الاداء..
يعني اسة ود حياة طلسم ده صوتو عااادي لكن لأنو ملتزم بي طريقة الاداء الناس بتشوفو بيغني كويس مع إنو كخامة صوتية هو خامة غير متفردة ..
معتز غناااي سواء نجح أو فشل في اغاني اغاني ..
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: عمر الفاروق)
|
بالجججد والله انا مستغغغغرب كيف زول يمتلك شجاعة ويحاول يغني قائد الأسطول دي تاني بعد ما غناها محمود ربي يرحمو ويغفر ليهو ..
ما إنحياز لكن والله لو رصصصو فنانين السودان ديل كلللهم مننن كرومتهم وسرورهم لحدددي تغريد جبرة وعلوية حواجب مستحيييل زول يغنيها بي الطريقة دي!!
مااالكم كييف تحكموون..
ويجيك ابو الريش ابو العزائم يقول ليك صوت محمود لا يطربني ..
أحححيييي يا قلبي ..والله وجعني..
والله جد..
ياخ الله يرحمك يا محمود يا ود عبد العزيز وربنا يدخلك جناتو ويديك بقدر ما اديت الشعب ده ..
ياخ والله بنحبك ..
الله يرحمك يا محمود يااخ... الله يرحمك .. والله بكتب و الدموع هميييلة ..
كان لسة بدددري يا حبيب بس مااا غالي على ربك ..
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: عمر الفاروق)
|
Quote: معتز غناااي وصوت متفرد بغض النظر عن طريقة الاداء ..وانا دوووما اختلافي مع ناس كتااار هنا انو انا تقييمي للفنان في الأووول تفرد الصوت لانو ده مقياس الفنان وليس الاداء..
يعني اسة ود حياة طلسم ده صوتو عااادي لكن لأنو ملتزم بي طريقة الاداء الناس بتشوفو بيغني كويس مع إنو كخامة صوتية هو خامة غير متفردة ..
معتز غناااي سواء نجح أو فشل في اغاني اغاني .. |
دا كلام مسؤول جداً , ألا نقوم بحكم صارم واطباعي عن الشاب المتفرد في الصوت سيئ الاداء معتز صباحي وليته يخرج من الحالة التي هو فيها الان ليحلق في فضاء الغناء السوداني
ويملك مفاتح ذلك فقط يحتاج ان يخرج عن دائرة العبث التي تأخذ فنانينا الى بعيد ونفتقدهم باصراهم على الانزالق بعيداً .
.......................................................................................................حجر.
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: عمر الفاروق)
|
يا السر قدور يا ريت لو تقدر تشيل محمود عبد العزيز ده من راسك ..
محمود عبد العزيز لا ينتمي لبرنامجك اغاني واغاني ..
محمود ينتمي لي قبيلته قبيلة الحواتة ..
بنحبو بي طريقتنا وبي أسلوبنا .. وما منتظرين لمسة الوفاء منك..
محمود جسم غريب في برنامج اغاني واغاني ..يمثل الصوت النشاز ..
فبعد المعاكسات اللي لقاها منكم إنت وكورجتك الكنت بتستخدما معاك في برنامج اغاني واغاني ما أظن مفروض يكون عندك وش تتكلم بيهو عن محمود إنت وكورجتك إياها.. الكورجة اللي حاولت ذات اغاني واغاني أن تتطاول رقابها للوصول لي هامة وقامة محمود لكن هيهااات ...
مات محمود وسيظل مكانه شاغرة فحواء محمود عاااقر ولن تلد محمود اخر حتى لو عملوا ليها تلقيح صناعي في مستشفى ادم وحواء..
عايز تجي تحكي شنو عن محمود؟؟؟ لاقاني في القاهرة ؟؟ قلت ليهو اهتم بي صحتك؟؟ لاقيتو في نادي الاسرة؟؟ وعجبني صوتو واداءه المتميز؟؟ كرمني وهو بيغني لي ؟؟
عايز تحكي شنو؟؟؟
متذكر يا السر قدور لمن استضفت بشير عباس في اغاني واغاني بتاعك ده؟؟
متذكر بشير عباس قال ليكم شنو وانتم كلللكم مترصين انت والكورجة بتاعتك ديك؟؟
قال ليكم هوووي يا ناس كدي خلووونا من اييي شي بتسووو فيهو ده لأنو ده مااا غنا ..الغنا ياااهو السواهو ليكم الزول الاسمو محمود عبد العزيز ده!! يومها لمممن وشك قلب وكأنك متضايق إنك تسمع كلام زي ده وإن إدعيت غير ذلك..
ياخ إنت كنت بتختفي بي ناس فهيمة ولئيمة وافراح واتراح وشنو وشنو ديلك ..واحتفاءك بمحمود بتبلعوا بلع وإن هللت ..
ياخ انا كل ما أتذكر الايام ديك روحي بتحرقني ..وبقول لي محمود في قلبي لييي يا محمود تمشي للناس الديل.. الناس ديل ما نضيفين تجاهك يا محمود..والبرنامج ده اقل منك كتييير يا حوووتة ..اوووعاك تمشي تاني..
عايز أسة تجي تقول شنو؟؟؟ والله حتتتى ولو كانت اجمل الحلقات و حتتتى ولو عايز توثق لي محمود مع إنك ما ح تجينا بي جديد لكن انا ك حواتي هذه الحلقة لا تعنيني في شئ..
محمود لا ينتمي لي قبيلتك ولا يحتاج لمسة وفاء منك ..
ياخ سييبو في حالو الله يرضى عليك وواصل في برنامجك ده عاادي بي حقيبتو وغناهو وهجييجو ..
واتحفنا بضحكاتك وقهقهاتك فحزننا على محمود حكراً لنا ..
ياااااااااه يا محمود يااااخ..
أها مت وإرتحت؟؟؟ وخليت ناس زعيط ومعيط يغنوا...
الله يرحمك يا محمود ..الله يرحمك يااااخ..
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: عمر الفاروق)
|
مداخلة دكتور شهاب :
Quote: خي ناذر وكل من يسائل انا اجيبك ! , فهذا نجم وشخصية عامة وله حضور وجمهور وتاريخ ,
الفنان المتميز صباحي على خطى كوكب الشرق ام كلثوم فهو على مايبدو مصاب بتضخم الغدة الدرقية ,
وهي الغدة الواقعة في منطقة الرقبة .. ولهذا التضخم عدة اسباب وانواع مرضية , وهوتضخم حميد في اغلبه ..
اتمنى ان يكون الاستاذ صباحي مستوعب هذا جيدا , وان يجد في دروب التشخيص واخذ العلاج ..
صورة الوريد المتضخم في منتصف الرقبة ظاهرة جدا للعيان خلال الحلقة .. بل تضخم الغدة ذاته !.
التوتر واهتزاز اليد من علامات تضخم الغدة الدرقية ..
تاريخ هذا الفنان رائع , وادائه متميز , واتمنى ان يبدا رحلة العلاج ليعود ناظر كما عهدناه .. |
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: ناذر محمد الخليفة)
|
تحياتى لكل الأحباب قراء، و متابعين هذا البوست (التوثيقى) البديع. كما يحلو لنا نحن أعضاء المنبر العام أن نقيم أداء الفنانين المشاركين فى البرنامج؛ يجب أن ننتبه
لحقيقة مهمة وهى: هذا البوست يحظى بمتابعة عالية جداً (لاحظ عدد المشاهدات خلال 4 أيام فقط، و كذلك لاحظ النسبة بين المداخلات و المشاهدات و هى دائماً تعطى
قراءة حقيقية للإهتمام و المتابعة خصوصاً فى البوستات ذات المداخلات و المشاهدات العالية، الممتدة لعدة صفحات، و هى هنا أكثر من 50 مشاهدة لكل مداخلة).
ببساطة عاوز أقول: المداخلات فى هذا البوست تحظى أيضاً بالمتابعة و التقييم من قبل الكثير من القراء، فحقوا الناس تحترم القراء (زى ما نحن دايرين الفنانيين يحترموا فنهم).
من هنا تحياتى أخى اللنيدى، و عبير خيرى و آخرين الواحد بزح مداخلات كتيرة (لا تخلو من سخف) عشان يصل لماتكتبوه فلكم التحية..
مداخلة د. شهاب تؤكد أن هذا منبر ليس مجموعة من مثقفين و أشباه مثقفين بقضوا فى وقتهم، لكن منارة حقيقية للواعى، كل فرد يقدم من حقل معرفته. تحياتى يا دكتور.
لا زلت أتوقع من معتز و فهيمة أداء أجود فى بقية الحلقات لأن أصواتهم مميزة....
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: Abuzar Omer)
|
Quote: فلك الحوت ده فلك صععععب ومستحيييل ماااف زول بيقدر يخشو ولااا يتعايش معاهو
لأنو فلك حالة خاصة سييدو وااحد وشيخ طريقتو وااحد وحوارو مااا بيقدرو يستلموا المشيخة منو .. |
ومحروس بــــ يسن ..وتسلم يا عمرالفاروق و..الما دمعت عيونو الليلة
فليتحسس طعم غناهو ودندنتو والنغم الجواهو ..محمود عبد العزيز فن وتطريب ومدرسة متفردة
و..البقية العايزين يغنو مالو خلوهوهم يغنو..ونتفق ونختلف عليهم ..بس ما ح يقدرو يتفردو زيو ويملوا فراغوا
و..الفراغ السابو جد كبير.
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: طارق جبريل)
|
في رأيي الحلقة كانت باهتة جدا لي زول بي قيمة الحوت
قادر احس احساس فرفور خصوصا انه المعلومة العندي انه الحوت من قدم فرفور لللناس
لا زلت عند رأيي الفن لا يورث لااااااااااااا يورث
وزي ما قال عمر الفاروق الحوت دة حاجة برااااهو كدة
اعتقد انه اداء مامون بتاع نجوم الغد كان ما بطال وعنده خامة صوت كويسة
منتظر صباحي يغني تاني وحا نشوف
الزول بتاع الساكس عنده نقرشات كدة حلوة بيملأ بيها الفراغات
افتقد انا ايضا عازف الاورغ التاني كان عنده شغل تحت تحت سمح خلاص
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: طارق جبريل)
|
Quote:
يا ريت يا ابو ذر تمشي للزول الما عاجباك كتاباتو عديييييييييييييييييييييييييييييييييل
عشان يكون من حقه الرد يا حبيب |
عاد لكين فى نهار رمضان ده يا ود جبريين (لوووووول)
على العموم ده كلام عام و ما مقصود بيه زول محدد - و لو كان الموضوع شامل أكتر من زول- و برضو بنحبهم كلهم (نعمل شنو مع دى)...
تحياتى للجميع و أود أن أؤكد (فى ناس كتار مدمنين البوست ده، حقو نعمل ليهم إعتبار!!)...
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: عمر الفاروق)
|
Quote: ياخ الله يرحمك يا محمود يا ود عبد العزيز وربنا يدخلك جناتو ويديك بقدر ما اديت الشعب ده ..
ياخ والله بنحبك ..
الله يرحمك يا محمود يااخ... الله يرحمك .. والله بكتب و الدموع هميييلة ..
كان لسة بدددري يا حبيب بس مااا غالي على ربك .. |
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: فتح الرحمن حمودي)
|
انت يا خوي ما تسألني عن كنه (ملكة) باللول قبل ما تلقي اتهامات (الظلم) جزافاً
ف(باحث) مسلي لا يتهم بالظلم ،.
عمك قدور دا بنحددا معاو في الحتة دي
المافي شنو!؟
رمضان كريم فتح الرحمن
ياخ معقوله دي نتهمك بالظلم
بس انا قلت الزول قال ملكة جمال
وبس
المهم دوم بخير
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: abas)
|
| Quote: من هنا تحياتى أخى اللنيدى، و عبير خيرى و آخرين الواحد بزح مداخلات كتيرة (لا تخلو من سخف) عشان يصل لماتكتبوه فلكم التحية.. |
يا سيد ده بوست كل واحد بجي بقول إنطباعو عن الحلقة ..
سيد البوست لمن فتحو عارف إنو ما كل الأعضاء هنا نقاد فنيين و لا متخصصين في المجال الفني و إنما مشاهديين عاديين
أي زول بكتب إنطباعو الشخصي و إذا أنت بتشوفو سخف فغيركـ ما بشوفو كده ..
قليل من الأحترام لمن كتب حرفاً في هذا البوست لن يضركـ في شيء و الحاجة الأنت شايفها سخف أتجاوزها و يا دار ما دخلكـ شر
عن نفسي أحتفيت بكل مداخلة في هذا البوست لكن ربما تكون هذه المداخلة الأخيرة لي هنا
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: abas)
|
والله يدى وعيونى من الرجفى ما قدرت اضغط كليك على ايوها حاجة لا يوتيوب لا نيل ازرق لا اى شئ فلن استطيع او اتحمل مشاهدة حلقة اليوم عن محمود. مرقت من عصر الرحمن ادعو لمحمود بالرحمة والمغفرة ونسيت الدنيا وما فيها واصبحت واضع صورته امامى. صورة كل كل سودانى وهو يحمل منديله ويبكى عليه اليوم بيخلينى ابكى زيادة واحب محمود وكل سودانى اكثر واكثر. بصراحة لم احب محمود شديد الا بعد رحيله المر وشعرت ان كل ذرفة دمع من اى سودانى عليهو صوت لوم وسوط على قلبى التعيس فهذا الرجل جمعنا على قلب واحد وهو حبنا لبعضنا وللسودان.
اللهم حول كل قطرة دمع ذرفت على الحوت المحبوب الى حسنة فى كتابه اليمين واضئ قبره من حب هذه الملايين
عزائى وحبى لكل حواتى
حبك للناس خلاني احبك تاني فيك الاحساس نساني اعيش احزاني
ما انت نغم رنان في خيالي ما انت عشم فنان زي حالي
عارفك ساحر ازمان قبالي تسحر ازمان جاياك وليالي
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: إبراهيم عبد الحليم)
|
اجمل ما سمعت اليوم عبارة السر قدور العظيمة بجد ( ان محمود له تطريب يغالط فيه نفسو ويتدرج ويغني الاغنية ولما تسمعها منو تاني تسمع بصوت اخر واكثر تألق ) او كما قال .
شهادة تكفي ليعلم الذين لم يستمعوا لمحمود ان الصوت الذي افتقده السودان صوت قلما يتكرر قريباً كبير يا حوته كبير بحق وحقيقة ونسأل الله لك الرحمة والمغفرة و اسرف في القول
لكن ابلغ ما قاله هو نقطة ان محمود صوت مكتمل البناء وبيحب الفن وبيحب البلد والناس دونما عصبية اجمل ما في حلقة اليوم هو محمود في المقدمة كذكرى فقط لا غير .
الشباب دموعهم تعبر عن رقة الفنان لكن محمود مضى بفنه ولن يجد من يقلده او يأتي بالقرب منه .
.........................................................................................................................................حجر.
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: إبراهيم عبد الحليم)
|
الاخ خالد عبدالله محمود لك الود ، الكتابة فى المنتديات فى أى بوست وأى موضوع (كالصينية الرمضانية ) الصنف المابعجبك بعجب غيرك ولكن لاشك أن (اللحوم والضلع تجد شعبية كبيرة ) هذا لا يعنى أن البليلة ما عندها رواد !! يا أخى أعتبر باقى المشاركات بليلة مباشر !! وهذا ما أستطعنا تقديمة !!بطل فلسفة وكلام غير مقبول وخلى الناس تستمتع بكل حرف مكتوب !! لكن عادة السودانيين (االغير طيبة ومقبوله ) بتعكير المزاج حا يخلوها ؟؟!! ما أظن !! .
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: بشرى مبارك ود السقاى)
|
| Quote: لاخ خالد عبدالله محمود لك الود ، الكتابة فى المنتديات فى أى بوست وأى موضوع (كالصينية الرمضانية ) الصنف المابعجبك بعجب غيرك ولكن لاشك أن (اللحوم والضلع تجد شعبية كبيرة ) هذا لا يعنى أن البليلة ما عندها رواد !! يا أخى أعتبر باقى المشاركات بليلة مباشر !! وهذا ما أستطعنا تقديمة !!بطل فلسفة وكلام غير مقبول وخلى الناس تستمتع بكل حرف مكتوب !! لكن عادة السودانيين (االغير طيبة ومقبوله ) بتعكير المزاج حا يخلوها ؟؟!! ما أظن !! . |
أسه أنا ذنبي شنو راشيني يا جنابو ؟
رش الزول الكتب الكلام
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: خالد عبد الله محمود)
|
يا خالد والله ما عندك أى ذنب سوى أن نهار ويوم رمضان الطويل عندنا فى بيرمنجهام خلانى ما فارز نادر من خالد على العموم نعتذر إذا أصابك (رشاش طاير ) وحتى للأخ نادر ما كان قصدى فتح نيران بل تنبيه لكى يترك كل شخص يكتب بالطريقة البتعجبو !! لاننا ما محترفين نقد فنى .
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: بشرى مبارك ود السقاى)
|
نترحم على محمود عبدالعزيز ونقول اللهم ببركة هذا الشهر الكريم أن تكرم نزله وتدخله الجنة وتعذه من عذاب الاخرة وعذاب النار وعذاب القبر ، ، أخوانى الاعزاء فى هذه اللحظة الراحل محمود عبدالعزيز يحتاج لدعواتكم فلا تبخلوا عليه بالدعاء وجودوا بذلك مثلما قدّم لكم وأطربكم فاليوم لاشىء فى هذا البوست أراه نافعاً ومفيداً له ونحن فى هذا الشهر الكريم حيث الدعوات مستجابة إن شاء الله أن ندعو له وندعو وندعو وندعو ونحث غيرنا بالدعاء اللهم أغفر له وأرحمة يا رب العالمين وأخر دعوانا أن الحمد للله رب العالمين .
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: ناذر محمد الخليفة)
|
حلقة باهتة جدا كما توقعتها وتوقعها بالكتابة هنا عمر الفاروق ..!!
والسر قدور ما كان عندو كتير يقولوا عن محمود .. ودي براها سلامة ..!!
حاجة مهمة داير اقولا ..
كتبت قبل كدة في بوست وهمات الفنانين الشباب أنو أكتر شي مضر في الساحة الفنية هو محاولة بعض أبناء الفنانين الراحلين مواصلة درب الفن على نهج ايائهم دون أي مقومات حقيقية فنية يمتلكونها وذكرت عدة أمثلة فاشلة لعدد من ابناء وبنات فنانين سودانيين راحلين وعلى قيد الحياة يفرضهم علينا الاعلام فرضا فقط من قبيل المجاملة لا لشي أخر ..
ما أود قوله ان محمود عبد العزيز رحمه الله لا يحتاج لتوثيق من اي نوع .. قالرجل في حياته اخرج ما لا يعد ويحصى من الألبومات الغنائية .. سواء أكانت ألبومات ماستر أو ألبومات حفلات سجلها معجبوه من حفلاته الجماهيرية أو حفلاته الخاصة ..!
كثيرا ما أقول أنا نادر خضر رحمه الله لن يلبث في ذاكرة الفن كثيرا ومصيره النسيان الفني طال الزمن أو قصر وذلك بسبب أن نادر رغم أنه كان فنان شباك وجماهيرية عالية جدا في فترة من الفترات لا يمتلك حتى لحظة وفاته ألبوما رسميا واحدا !! والقليل من البوماته الموجودة على الطرقات هي ألبومات مقرصنة وتسجيل حفلات لا تسمن ولا تغني من جوع التسجيل الحقيقي المدروس والموزع بطريقة علمية !!
ولكن محمود عبد العزيز توسع في انتاج الألبومات واخراجها للناس ولا زالت تحقق أعلى مبيعات وموجودة في الكمبيوترات والحواسيب والاقراص الرقمية ولا زالت تطبع منها النسخ الكثيرة وستخلد كأعمال عظيمة يتداولها الناس من جيل لأخر ..
أكرر محمود لا يحتاج لتوثيق ولا يحتاج ان تغني أغانيه في أغاني واغاني بدون نفس من المغنين وكأنهم مجبورين عليها .. محمود لا يحتاج أن تشوه أغنيته ما بلومكم في ظنونكم بهذه الطريقة .. وأغنية الفات زمان بعظمتها وعظمة وروعة التسجيلات التي سمعناها بصوت الحوت لا تستحق أبدا أن يغنيها طه سليمان بتلك الطريقة الجنائزية بمشاركة أبن محمود والذي أضاف للأغنية بمظهره ذاك طقسا تشييعيا لها لمكان لا تستحقه حتى وأن لم يقصدا ذلك ..!!
دعوا أغنيات محمود وشأنها .. فكلها موثقة بصوت الحوت نفسه ولا داع لترديدها بأي صوت كان يرحمكم الله ...!!
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: ناذر محمد الخليفة)
|
| Quote: دعوا أغنيات محمود وشأنها .. فكلها موثقة بصوت الحوت نفسه ولا داع لترديدها بأي صوت كان يرحمكم الله ...!! |
ناذر يا حبيب رمضان كريم............
ممكن نردد اغاني الحوت يا ناذر ليه لا...دي ثروة يجب التعامل معها بانضباط...........
ارجو من مصعب ابن الحوت ان يبعد من اغاني والدة........مرة يا ناذر سمعتة واحد شاب بقلد الحوت و كان اداؤه اكتر من جيد.....الحوت وثق كل اغانية بنفسه تمنياتي ان يرفق بها كل من يحاول تناولها.......
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: Nader Abu Kadouk)
|
شكرا نادر ..
| Quote: مكن نردد اغاني الحوت يا ناذر ليه لا...دي ثروة يجب التعامل معها بانضباط........... |
بالضبط كدة ..
اليوم لم يتم التعامل بانضباط مع هذه الأغاني .. مش من الناس الغنوها بس .. بل حتى شعور وشكل الناس في الاستديو .. فرفور طلع ودخل مرتين ومرة لمحت واحدة من الحاضرات كرسيها فاضي .. أظنها طلعت وجات تاني وهي في نفسها كانت لابسة ملون مع انو كل الحضور حادين بالأسود ..
الحزن شي طبيعي والأغاني بتجلب الشجن والذكريات لكن مفروض الناس تراعي انهم ما براهم في الاستديو وانو في الاف المشاهدين متابعين وعيونم مركزة في الشاشة .. مش حقوا يراعو شعورنا برضو ؟! ..
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: ناذر محمد الخليفة)
|
البرنامـج قـمـة في الـروعـة ،
خـيـم جـو مـن الـحـزن الـعـمـيـق ،
عـلي أجـواء الـحـلـقة الـرابـعـة ،
بذكري الفـنـان مـحـمـود عـبدالـعـزيـز ،
فــقـيـد الـفـن والـوطـن ،
وهـذا مـن شـيـم أهـل الـسودان ،
وجـود أبـنـاء الــفـنـان مـحـمـود عـبدالـعـزيـز ،
كـاد أن يـفـرط بالأكـبـاد ،
رحـم الله الــفـنـان مـحـمـود عـبدالـعـزيـز،
وأسـدي علي قـبـره أكـالـيـل ،
الـمـغـفـرة ،،
وألـزم أهـلـه الـصـبـر الـجـمـيـل ،
هـكـذا أهـل الـفـن ،
يـرحـلـوا كـالـفـراش الـحـائـر ،
،،،،
.
عزالدين عباس الفحل
ابوظبي
.
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: ودالعباسية)
|
الحوت كالعادة " قائد الاسطول "
ظبية البص السريع متعها متعة شديدة ,, و في ربيع الحب كنا مافي اجمل من كده و سمح الغنا في خشمو
الود الاسمو نادر غناااي , لكن مصعب ولد الحوت متشوبر ساي :), و شكله شارك في الحلقة شلاقة منو
و زي ما قال ميدو صاحبنا
محمود أصاب الموت في مقتل
| |
|
|
|
|
|
|
|
|
 Re: اغاني واغاني النسخة التاسعة 2013 (Re: ودالعباسية)
|
رحمك الله ايها الحوت محمود بن عبد العزيز
وتقبلك الله قبولاً طيباً كطيبك ايها العملاق
يا جماعة بغض النظر عن انطباعكم عن الاداء وشكلوا فى الحلقه
الحضر الحلقة ومابكاء منوووو؟؟ ونفسى اعرف ليييييه الحلقة دى تتأخر قدر دا
رمضان كريم وتقبل الله منا ومنكم
:
:
:
:
مع التحيات لله الزاكيات
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: محمد حمزة الحسين)
|
حلقة باهتة ولا تليق بقامة الفنان الانسان الكبير المافي منو اتنين محمود عبد العزيز
جاني احساس انو في دراما تقيلة بذلها اخانا فرفور والزول الاولاني دا للان اسمو ما واقع لي بررررررضو اداها كوز كوزين كدا وفي لحظة من اللحظات اداناي احساس
انه مركب مكنة طه سليمان لما السنة الفاتت كان بغني للمرحوم نادر خضر ..... اسوأ مافي الحلقة دي انو اتملكني فيها احساس شديد انو في تمثيل شديد شديييييد لدرجة مزعجة
حتى ابن محمود عبد العزيز حاول يقلد حركات ابوهو لما يدنقر ويدس وشو من الكاميرا وهزة الراس وحركات كتيرة كدا.... محمود دا كما قيل قبلا فهو علامة فارقة في خارطة
الغناء السوداني لا بتقلد في لبسه لا في حركاتو لا بركاتو لا غناهو لا اييييييييي شي عشان كدا يسبونا نحن الشعب الحواتي دا بنعشقو بطريقتنا الخاصة وقصة ريد محمود لا دايرة
ليها قدور لا دراما جنس دي ولا تعب .... محمود دا ريدته ساااااااهلة لانها بتخش الزول توووووش كدا..... اقول قولي هذا وارجو ان نستمتع بحلقة اخرى اجمل من ما حدث من خرمجة
في حلقة اليوم.
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: الخير محمد عوض)
|
اشتقنا ليك من غير سبب ..
ما انت أصلاً حقنا ..
نلقاك في شاي صباح ..
بي بسمة في ( خاتم المنى ) ..
و نكتب على ضِلف الدواليب الخشب ( عــدّت سنة ) ..
و نزيّن الكراس ورا بـ (ظالمني شوف من كم سنة ) ..
و نشهد بأنك يا جميل غيّرتَ كل الأزمنة ..
لملمتَ كل ( الفات زمان .. رجّعتو بي طعم الغُنا ) ..
في شان ده نترجاك أقيف ..
ودّع .. و لو بدوزنة ..
( ابقىَ الصمود .. ما تبقىَ زيف ) ..
ما الدنيا أصلها خائنه..
( و بحر الحزن ما ليهو قيف ) ..
و الناس وشوشا ممحّــنه ..
( و أطياف هواك ملهوفه كيف ) ..
دايراك تعود و تكون هنا ..
( من فُرقــتَك دفق النزيف ) ..
ما البينا أكبر من غُنا ..
أكبر من إنو شريط كاسيت ..
لامّي القوافي ملحّنه
أولاً خالص الشكر وعميق الحب للاخ والصديق والزميل ( هيثم لبيب ) الذى ساكتب عن الراحل ( محمود عبدالعزيز ) بيده فهذا ( الاسكربت ) كتبه ( هيثم لبيب ) وقدمه كحلقة في إذاعة ( مزيكا سودانية ) بعنوان ( سكت الرباب ) وهيثم يتحدث عن الحوت حديث العارف فهما أبناء حي واحد ( المزاد ) وزملاء دراسه واصدقاء ولكن قبل أن ندخل الاسكبرت أتفق تماماً بأن حلقة اليوم كانت تمثيلة سيئة الاخراج بداية بموعد بثها الذى تأخر لثلاثة ايام وكانما قناة النيل الازرق تريد أن تتكسب بنسبة كبيرة للمشاهدة عن طريق تأخير بث الحلقة خاصة أنه تم عمل اعلان عن الحلقة قبل رمضان بيوم ولكن لم يتم تحديد موعد بث الحلقة إضافة الي البكى والنواح والخروج والدخول للاستديو عبر الحلقة وكان من المفترض من المشاركين الذين لايستطيعوا المشاركة حزناً علي ( محمود ) عدم المشاركة في الحلقة مثلما فعل ( معتز صباحي ) عموماً حلقة اليوم شهدت الظهور الاول للشاب ( احمد المأمون ) واعتقد أنه خامة صوتية جيدة وايضاً شهدت ظهور أبن الراحل ( مصعب محود ) فقط اقول أن الغناء لايورث ولا تعليق لدي عن الحلقة فقد نبشت فينا جراحات لم تندمل ولن تندمل .
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: الليندي)
|
دائماً مايكون الحديث عن شي ما أو شخص ما له نكهة خاصة ودائماً ماتكون الكلمات التي نضعها أو نصيغها لهذا الوصف حسب ماقد رأيناه أو ماقد سمعناه .. بمعنى أننا عندما نرى منظراً جميلاً فهذا الوصف يكون خاص بالعيون وهي ماتتحكم في هذا الوصف من حيث رؤيتها له .. وتتداخل معها الحواس الأخرى في حالة ان هنالك أصوات أو روائح ذكية .. فهنا يكون الوصف كاملاً .بكل الحواس .. محمود عبد العزيز أجبر الشعب السوداني على إستخدام الجزء الأيمن من المخ والذي هو مسئول عن التحكم في القدرات المكانية والتذوق الجمالي والتفكير الإبداعي والعاطفة .. وكذلك الجزء الأيسر العقلاني والمتحكم في اللغة والدراسة الأكاديمية والعقلية .. أجبرهم على التفكير بكليهما معاً في حالة قل أن يجود بها زمان الأغنية السودانية بل أسمحوا لنا أن نقول لن يجود بها في الأجيال المتعاقبة ... لأنه كان حالة فنية منفردة فهو الممثل الذي ضل طريقه إلى الغناء .. وهو الفنان الذي ضل طريقه للتمثيل .. و هو فنان مؤهل أكاديمياً وإجتماعياً بأن يكون فناناً وممثلاً ورمزاً لكل الشباب .. يسمونه حوته والحوت ويسمونه الجان و سيدا وملك الغنا ونحن نسميه الإسطورة .. نعم أنه أسطورة الغناء السوداني ..
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: الليندي)
|
بتاريخ : 17/01/2013م أسدل ستار الفن على الرائع / محمود عبد العزيز .. وفي أكتوبر من عام 1968م كان مولد الفنان محمود عبد العزيز بحي المزاد جنوب في منزل جده لوالدته الحاج محمد طاهر وجدته الحاجة نفيسة وهم من أقدم الأسر التي سكنت حي المزاد جنوب .. خاله الشاعر أمين محمد طاهر ولا عجب بأن محمود قد لحن وتغنى بأغنيته هويت عينيك .... وفي هذا الحي ترعرع الفنان الراحل / محمود عبد العزيز وكان مميزاً منذ صغره حيث أنه قد سلك طريق الفن وهو مازال في الإبتدائية حيث تغنى في العديد من المناسبات ولعل أشهرها هي التي تغنى فيها بالمجلس الريفي .. وهم مجموعة من أطفال الكشافة البرية وكان يغني بفرقة يغلب عليها الطابع الشعبي حيث كانت الآلات هي البنقز والطبلة والرق .. وتغنوا في هذه الليلة بأغنية ليالي الأنس .. وقد سبق وأن قلده الرئيس الراحل جعفر محمد نميري وسام الكشاف الأصغر . درس محمود عبد العزيز بمدرسة الحرية الإبتدائية بالمزاد جنوب ومنها المدرسة الإنجيلية ثم إلتحق بقصر الشباب والأطفال ليدرس بقسم الدراما وتحديداً الدفعة الثامنة ومن أساتذته في تلك الفترة الأستاذ محمد عبد الرحيم قرني والأستاذ حاتم عباس ومن زملاء تلك الفترة وتلك الدفعة المميزة حسب ما قد ذكر الراحل في لقاء تلفزيوني تم إجراءه معه بتلفزيون السودان عام 2007م بأن من تلك الدفعة الصحفي عبد الباقي خالد عبيد والمخرج الراحل / مجدي النور وصالح عبد القادر وكذلك محمود عبد اللطيف كابو .... ليلتحق فيما بعد ببرنامج جنة الطفال بتلفزيون السودان وكان من دفعته في جنة الأطفال يوسف عبد القادر وباشمهندس / عوض إبراهيم و عبد الرؤوف محمد سليمان و وصفي كامل ( حفيد الشاعر الحقيبي أبوصلاح ) وكذلك صديقه ومسانده الإعلامي فيما بعد الصحفي / عبد الباقي خالد عبيد والذي كان من أكثر المؤمنين بنجومية محمود لما لمحه من عبقرية وذكاء حيث يروي العديد من القصص عن نبوغ محمود عبد العزيز فنياً .. حيث كتب في إحدى الصحف السيارة في العام 1989م بصحيفة نجوم الرياضة تحت عنوان " واعد يشق طريقه بنجاح " محمود عبد العزيز صوت غنائي واعد يتمتع بإمكانيات فنية عالية تبشر بمستقبل واعد فإذا ماتم تبنيه من قبل كبار الملحنين إذ يمتلك صوتاً رخيماً وحساً فنياً عالياً في إختيار الأغنيات التي تتلائم مع طبقات صوته .. تذكروا هذا الإسم جيداً سوف يكون له شأن في الساحة الفنية ؟! . هذا ماذكره الصحفي عبد الباقي خالد عبيد وكان ذلك في الثمانينيات لانقول نبوة ولكن نقول حس فني ذواق ...
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: الليندي)
|
قدم محمود العديد من الأعمال التمثيلية في تلك الفترة نذكر منها على سبيل المثال وليس الحصر .. بت السماك – الخوف – العفو عند المقدرة – الحصة الأخيرة – أمي العزيزة وجميل وجميلة وقد مثل وغنى في معظم هذه الأعمال .. كما له عمل قام به مؤخراً وهو مسرحية تاجوج من تأليف الراحل مجدي النور وإخراج قاسم أبوزيد .
في هذه الأجواء الفنية ترعرع ونشأ الفنان محمود عبد العزيز وبدأ من خلال التلفزيون وفي برنامج جنة الأطفال وبدأ في ممارسة الغناء بشكل تام ومتفرغ منذ عام 1985م حيث كان عنصراً أساسياً ومشاركاً في الحفلات الخاصة والعامة ومن أشهر الأغاني التي كان يتغنى بها ويرددها في تلك الفترة أغنية "الزول أبو عيون كحيلة" لمحمد حسنين أبوسريع وأغنية "قالو لي سرو" لإسماعيل عبد المعين و "سرحتي" للهادي الجبل والذي كان يعتبر بأن أدائه قريباً لأداء الهادي الجبل وفي بداياته كان المستمعون يعتقدون بأنه مقلداً له ولكن لم يكن هذا بصحيح بل كان المحلليين الفنين يعتقدون بأن كليهما ينتميان لمدرسة الفنان أحمد ربشة عليه رحمة الله .. .
ظهر الفنان الراحل محمود عبد العزيز في فترة كانت الساحة الفنية مليئة بالفنانين الرواد المميزين وأنتقد كثيراً وذلكل بسبب غنائه أغاني الحقيبة والرواد بطريقته الفنية المميزة والخاصة حيث قيل بأنه قد شوه هذه الأغاني وأنه يدور في فلك الفنان الهادي حامد .. ولكن يمكننا أن نقول بأن دراسته للدراما وإحتكاكه بالوسط الفني قد مكنته من الصمود أما هذه الهجمات الشرسة .
محمود عبد العزيز هو فنان الشعب وهو فنان الشارع العام حيث أنه لم يتم إكتشافه من خلال الإذاعة والتلفزيون أو أي وسيلة إعلامية .. بل أن محمود عبد العزيز منذ بداياته في عام 1985م وحتى إجازة صوته في عام 1995م كان يغني في الحفلات الخاصة والعامة وكان الجمهور يقوم بتسجيل تلك الحفلات وتباع على هذا النحو لذا نخلص إلى أن محمود عبد العزيز من الفنانين الذين إستوذوا على حب الجمهور قبل الظهور الإعلامي بمعنى أنه كان الدعم الذي ينطلق منه هو حب الجمهور .. عاش على هذا ومات عليه .. نسأل الله لك الرحمة يا أسطورة .
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: الليندي)
|
في عام 1987 التحق محمود بمركز شباب الخرطوم بحري وهناك التقى برفقاء الدرب عبد الله الكردفاني وعبد الواحد البدوي وإبراهيم أبو عزبة وصديق أحمد والشيخ صلاح بن البادية وحسن صلاح بن البادية والدكتور مهدي مصطفي الحميدي عازف الترمبيت وبدأت الموهبة في النضوج بقى أن نذكر أن أول من إكتشف الفنان الراحل محمود عبدالعزيز هو الملحن يوسف حسن الصديق الذي إكتشف موهبة الراحل و قدمه الي الشاعر التجاني حاج موسي منها إنتقل محمود عبدالعزيز الي دنيا الفن منتميا الي اهل الفن عبر منزل الاستاذ صلاح بن البادية فكان من حسن حظه أن استمع إليه الفنان صلاح بن البادية فأعجب بصوته وقدم له النصح والإرشاد والرعاية بحكم صداقته لنجليه حسن والشيخ وفي هذا يقول محمود ويكرر في كل المحافل الإعلامية : لكل حوار شيخ وصلاح بن البادية هو شيخي الذي أخذت منه أول طريق إلى حفل عام بالمسرح وكان ذلك في عام 1988م ومازال محمود عبد العزيز يذكُر هذا الفضل لأستاذه صلاح بن البادية وأخرها في سهرة ليالي النغم حيث تمت إستضافته مع الصحفي عبد الباقي خالد عبيد بتلفزيون السودان عام 2007م ويعتبر محمود بأن هذه هي البداية الفعلية له .
تمت إجازة صوت الفنان محمود عبد العزيز في عام 1995م بواسطة لجنة تكونت من الموسيقار برعي محمد دفع الله والموسيقي علي ميرغني والموسيقار الدكتور الفاتح حسن حسين والدكتور الفاتح الطاهر والفنان صلاح مصطفى .
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: الليندي)
|
كانت فرقة الأستاذ / صلاح بن البادية الموسيقية هي أول فرقة تصاحب محمود عبد العزيز وظهر محمود من خلالها كمطرب وكانت الفرقة تتكون من العازفين كمنجات عبد الله الكردفاني، إسماعيل عبد الجبار، حسن إيقاع إبراهيم أبو عزبة، قرقور، جيتار الشيخ صلاح، سعد، أكورديون علي عبد الوهاب، ترمبيت دكتور مهدي الحميدي، وهي ذات المجموعة التي كونت لاحقا فرقة النورس . ويبقى ان نذكر الأستاذ عبد الله الكردفاني وهو الذي كان عازفاً بفرقة صلاح بن البادية .. والذي ساعد فناننا كثيراً في تقديمه بالصورة التي هو عليها الآن في أعماله الأولى بالذات .
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: الليندي)
|
محمود عبد العزيز الإنسان هو ذلك الفتى الذي كان يهب لمساعدة المحتاج ولعل حي المزاد جنوب يقف حاضراً وشاهداً لك من حضر لمحمود عبد العزيز للمساعدة وكثير هي القصص ولكن يكفينا أن نقول أن محمود عبد العزيز هو الفنان الوحيد الذي لم يعد إلى منزله بعد أي حفل ومعه كامل أجرة الحفل كمغنياً .. مجموعة محمود في القلب تظل شاهداً على عظمة ذلك الفتى الذي حاول جاهداً تكريم كل الرواد من الفنانين والشعراء الذين رحلوا عن دنيانا .. كان بإمكان محمود وبحكم حفلاته المتعددة أن يكون له قصر مشيد في أي حي راقي بمدينة الخرطوم بحري أو الخرطوم .. ولكن لإعماله الخيرية وعدم إهتمامه بمسألة المادة وإرتباطه الوثيق بحي المزاد شائت قدرة الله سبحانه وتعالى أن يكون جثمانه الطاهر مخرجه من حي المزاد جنوب والذي عاش أسود لحظات حياته أيام تشييع المغفور له بإذنه تعالى محمود عبد العزيز ..
يتمتع الفنان محمود عبد العزيز بكاريزما كبيرة تنبع من شخصيته البسيطة وحين يغني تحس بأنه يوجه هذا الغناء إليك شخصياً وإذا صدف وأن قابلته في أي محفل أو أي مناسبة يكون السلام بينكم كأنه يعرفك منذ سنين وعديد من المتصلين أبان وفاته أكدوا ذلك ولعل تشييعه يظل شاهداً على ذلك .. فقد حضرت المرآة والرجل والفتاة والصبي ومن كل أنحاء السودان ولعل تلك الكاريزما هي المدخل الرئيسي للتميز في شخصيته القوية والعنيدة ونذكر العناد هذا ونستدل على الهجمات الشرسة التي طالته والعراقيل التي وضعت له في طريقه الفني ولكن من منبع إيمانه بأنه يؤدي رسالة كان التوفيق من الله له ..
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: الليندي)
|
هنالك أساطير فنية .. فإذا كان العالم الغربي لديه بوب مارلي أو مايكل جاكسون .. والعالم العربي لديه عبد الحليم حافظ أو فيروز .. فنحن لدينا الحوت محمود عبد العزيز أسطورة السودان .. نستدل على كاريزما محمود بالنظر إلى حفلاته العامة أو الخاصة منها .. وفورة الجماهير فقط للسلام عليه أو فقط لإلقاء نظرة عليه .. هل هنالك فناناً وصل مصل هذه المكانة .. ؟؟ الإجابة سادتي لا .. ولن يصل أي فنان إلى هذه المكانة لأن كاريزما محمود عبد العزيز هي من أوصلته إلى هذه المكانة بحب الجمهور ونشأته ومنبعه
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: الليندي)
|
أما إذا تحدثنا عن جماهيرية محمود فيكفي أن هنالك مجموعة بإسم معجبيه ( الحواتة ) ويكفي ماقد حدث أيام وفاته ولولا لطف من الله لكان حدث ما لايحمد عقباه .. ولعل تكسير بوابة مطار الخرطوم ووجود المعجبين داخل أرض المطار أبلغ دليل على جماهيرية محمود وحب الجمهور له محمود عبد العزيز لديه جماهيرية السودان الكبرى .. وكما ذكر أحد الأخوة بأن جماهيرية محمود عبد العزيز هي أكبر من جماهيرية هلال مريخ وهو صادق فمحمود هو نجم الشباك الأول و هو الدجاجة التى تبيض ذهباً لأصحاب النوادي التى تُقام فيها الحفلات مثل ( نادي الضباط ، نادي التنس المكتبة القبطية، إستاد ودنوباوي ...الخ) اسألوهم عن من هو الفنان الذي يطل عليه أكبر جمهور؟ فستكون إجاباتهم هو محمود عبد العزيز، وقد حاولوا من قبل الفصل بين محمود وجمهوره عبر منعه من الحفلات العامة في تلك المناطق بل تمت محاربته داخل الخرطوم وإضطر كثيراً إلى السفر إلى الأبيض وكوستي ومدني وأنصهر مع أهلها حتى حسبوه بانه مولود في مدينته وأنه إبن مدينتهم وهذه ميزة أخرى توضح لنا مدى جماهيرية محمود عبد العزيز .. يقسم البعض أنه من مواليد مدني بركات والبعض يقول أنه مواليد الأبيض والبعض يقول من سنار .. وهذا يبين لنا مدى تعلق هذه الجماهير به ورغبتها بأن يكون من مدينتهم وكان كلما ينقطع عن الغناء ويعود إليه تكون جماهيريته أكثر من ذي قبل وذلك لمواصلة جمهوره الإستماع لأغنياته عبر الالبومات ومواقع الإنترنت التي أُنشئت خصيصاً له ولعل نفاذ بعض النسخ من السوق بمجرد نزولها أبلغ دليل على ذلك ..
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: الليندي)
|
وفي نهاية التسعينيات وقع الراحل عقداً مع شركة البدوى للإنتاج لمدة عشرة سنوات بتقديم كافة أعماله حصرياً من خلال شركة البدوى والتي أسسها الأخوان مصدق وماهر عبدالعزيز البدوى وكانت هى الأخري شركة حديثة التكوين ولكنها تربعت على عرش شركات الانتاج الفني آنذاك، بأحداثها نقله نوعية فى الانتاج الفني عندما استقدمت معامل انتاج حديثة من المانيا وكان مقر معامل الشركة بشارع الزعيم الازهرى ، فاصبح انتاج وتسجيل وتعبئة وتغليف الأشرطة يتم داخل السودان بدلاً عن الجهد والسفر اما الى مصر او سوريا فوفرت العملات الصعبة التى كانت تذهب من قبل شركات الانتاج الفنى الى الخارج. دخل محمود قلوب الشباب فصار فنانهم الأول الذي تعلقت قلوبهم به فسارت بإعماله الركبان وملأت صوره جدران المدينة ، فأصبح محمود فنان الشباك الأول دخل بورصة الكاسيت فكان رصيده (30) البوماً في تجربة لم تتعد العقدين ليكون رقماً يصعب تجاوزه في خارطة الغناء السوداني
أنشأ مجموعة ( محمود في القلب) في العام 2008م التي نشطت في المجالات الإنسانية والاجتماعية ومشاركة باسمه في جميع الفعاليات الفنية والثقافية، في الفترة الأخيرة درجت المجموعة على إقامة حفل أسبوعي مساء كل خميس بنادي التنس بالخرطوم يلتقي فيه بجمهوره. في ذات السفر السالف الذكر قال عنه الصحفي أميرعبد الماجد ( هو سلطان الطرب ورهان جيلنا جاء إلينا عبر الإعلام الشعبي والحفلات ولم يأت عبر الإعلام الرسمي، فكانت نجاحاته شعبية وعفوية افتقدت النضج حيناً واكتسبته مع التجربة. يضيف عبد الماجد أن محمود استفاد من الأثر السلبي في حياته خاصة الشائعات المغرضة كان لها أثرها في ترسيخ أقدامه وتسليط الضوء عليه من خلال التجارب الصعبة التي عاشها مع الأيام وإفرازاتها وما ترتب عليها، كلها أسهمت الى جانب عوامل أخرى في نجاح تجربته).
الا رحم الله ( محمود عبدالعزيز ) بقدر ما رتق جراحتنا و رتب وجداننا فله الرحمة ولنا السلوى فى فنه الساكن فى وجداننا والذى يعيش فى وجدان الزمن.
،،،،،،، ( انتهى )
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: الخير محمد عوض)
|
لا والله يا ود العباسيه انتو الساس والراس
ورايكم مهم وبيهمني انا شخصيا شديد
قلتها من قبل لاخي الليندي وباسمك ادعو الرواد في بوستات اغاني واغاني
عبر السنين الماضيه ومنهم من حضر
الاتيه اسماءهم عليهم الحضور دون دعوه فهم اسياد البيت
سفيان بشير نابري
محمد المرتضي حامد
محمود مصطفي
محمد الشيخ
قاسم مهداوي
محمد البشري
ابراهيم عبد الحليم
ود العباسيه
ناذر محمد الخليفه
صلاح عبد الله
عزيز
شهاب الفاتح
صديق الموج
الطيب شيقوق
عبير خيري
وليد عبد اللطيف
طارق جبريل
ضياء الدين ميرغني
عماد احمد
محمد خليل
احمد القرشي
محمد الامين محمد
ممكونه
عبير خيري
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: الليندي)
|
| Quote: اليوم لم يتم التعامل بانضباط مع هذه الأغاني .. مش من الناس الغنوها بس .. بل حتى شعور وشكل الناس في الاستديو .. فرفور طلع ودخل مرتين ومرة لمحت واحدة من الحاضرات كرسيها فاضي .. أظنها طلعت وجات تاني وهي في نفسها كانت لابسة ملون مع انو كل الحضور حادين بالأسود .. |
انا يا ناذر الليلة جاني شعور انو الناس دي بتمثل و ما في اي شعور حقيقي.....امكن الناس تختلف معاي لكن الشغلانية كلها ما قسمت معاي........
رحم الله الحوت......
الليندي رمضان كريم........
| |
|
|
|
|
|
|
|
|
 Re: اغاني واغاني النسخة التاسعة 2013 (Re: Nader Abu Kadouk)
|
| Quote: قبل الدخول فى التعليق على الحلقة متكاملة لابد من الاشادة بتعليقات الاخ شهاب الفاتح فهى رائعة بحق وتضيف للبوست بعداً جميلاً وبصراحة المتداخلين كلهم رائعيين . |
| Quote: مداخلة د. شهاب تؤكد أن هذا منبر ليس مجموعة من مثقفين و أشباه مثقفين بقضوا فى وقتهم، لكن منارة حقيقية للوعى، كل فرد يقدم من حقل معرفته. تحياتى يا دكتور. |
شكرا للكلمات الرقي والذوق اخوتي بشرى مبارك ود السقاى و ابوذر عمر ,
وشكرا الرائع الحصبف ناذر لاعادتك مساهمتي في سبب تغير الفنان القامة صباحي.
| Quote: في انتظار القادم العزيز المتاخر ثلاث ايام , وان تاتي متاخرا افضل من ان لاتاتي |
انتظرنا حلقة الحوت , واختلفنا حولها ! ,
عني ارى وجودها مهم , وصوت محمود في الحلقة ودموع الشفاف عوض احمودي بنصف شجن الدنيا !,
عدم توفيق الاغاني كان في التوقيت هذة الحلقة ذاتها اول يوم كانت ستكون نور على نور !.. وفاء على وفاء.
| Quote: الحضر الحلقة ومابكاء منوووو؟؟ ونفسى اعرف ليييييه الحلقة دى تتأخر قدر دا |
معك استاذ محمد حمزة الحسين ! ,
دموع فرفور عن السودان , وغاب الحساس صباحي عن الحبان
العازف الاسطورة عوض احمودي في حالة تمثل نور البصيرة وصدق الحب والمكانة المحمود .. وكفى !
صوت محمود اتانا كانه لاول مرة نسمع الاغنيات رغم حفظنا لها ولادائه , رحمك الله يا محمود ..
وديكور الاستديو و الكراسي واناقة الحضور وانفعالهم وقتها كان افضل !,
انبهارهم في الاستديو حينها وحبهم للفنان المحمود كان واضح اثناء تطريبه لنا ولهم !.. تلمست معاداة الحواتة للبرنامج في المنتديات والميديا ,
لا للمعاداة يا حوتة مرور محمود من هنا اضاف لنا ذكريات و طريق وباب مقارنات ! ..
و سبحان الله اصبح تاريخ وللتاريخ الق وشجن فلنحافظ عليه نقيا ..
______________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: haroon diyab)
|
تحياتي يا شباب و رمضانكم كريم
الواحد السنة دي متابع من البوست و بيحضر التلاته حلقات مع بعض و ما بقدر اكتب بالتفصيل
بس اهو اللندي و عمر الفاروق و بقية الشباب ما مقصرين
تحياتي للمحاربين القدماء ود العباسية و حبيبنا ابو الفن طارق
العايز اقولو انو حلقة محمود (ربي يرحمه) لم تاتي بالشكل المطلوب لانو صراحة الحوت لا يمكن
لاي مجموعة أن تعطيه حقه و يا جماعة الكتابة و الكلام عن الحوت ما الشي الهين و العايز
يعرف الحوت اكتر يحاول يسمع ال(مرجعات) البيعمله الحوت في الأغاني عشان يعرف الزول دا
ليه متفرد في كل شي (ممكن حبيبنا ابو الفن طارق يتكلم عن طريقة المرجعات البيعمله الحوت
و كيف انه لا يكرر مرجع بذات الشكل و الجماليات في المرجعات - معتز صباحي برضو من
المتمكنين في شغل المرجع).
الف رحمة ونور لمحمود ربنا يديهو جنة عرضها السموات و الأرض.
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: سفيان بشير نابرى)
|
Quote: لزول بتاع الساكس عنده نقرشات كدة حلوة بيملأ بيها الفراغات
افتقد انا ايضا عازف الاورغ التاني كان عنده شغل تحت تحت سمح خلاص
فعلاً والله أنا ما في شئ بجنني غير الشُغُل التحت تحت دا ،،، وبتابع كل أغنية وبالي مع الشُغُل التحت تحت
فعلاً القصاص فقد وقد كان رائعاً في هذا خاص لما يعصر الفلوت ،،،، لكن برضو الأستاذ سعد ما مُقصر بنقرشاتو التحت تحت
واخدين بالكم معاي ؟؟؟؟
كامل مودتي لكل المشاركين المبدعين
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: سفيان بشير نابرى)
|
سلام يا شباب ويديكم العافية ..
عايزة أرجع بيكم للحلقة القبل الفاتت الغنوا فيها الشباب أغنية صلاح مصطفى ..
الشباب ديل أطربوني شديد ..أنا عارفة أنو منى مجدي طالبة في المعهد لكن أعتقد أنو نادر وزحل برضو شكلهم طلاب ..و انسجامهم وطريقة غناهم فيه ريحة معهد الموسيقى ودخلاتهم كانت مدروسة وبهدوء شديد وفيهم ثقة الأكاديميين ..
غايتو السر قدور ما قام بدور التعريف كما يجب ..الموثق ليها شنو ..؟
المهم الشاب نادر صوتو فيهو تطريب عالي وغض النظر عن أنو صوته ماجديد ـ لأنه ده ما برنامج إكتشاف مواهب ـ فهو غناي جدا ومتمكن وواثق من نفسه ومريح ..
بالنسبة لصباحي ..أنا غايتو كنت لا بحيو لا بكرهو يعني رمادية في الحتة دي ..لكن بعد الرهان عليهو قلت كدي النسمع الزول ده ..ياخ معتز صباحي ده في أي لحظة ممكن يطق ليهو عرق ..إنتو جادين ؟
ـــــــــــــــــــــ
بالنسبة لحلقة محمود ..
محيرني جدا أنو الناس دي كلها جات متوشحة السواد وأكيد ده بإتفاق وما كلمو ولدو وخلو شكلو بايخ جدا بالكبدي وقميص الساتان الوردي ..وكأنهم حزنانين أكتر منو على ابوه ..بالنسبة لأولادو الأطفال أكيد ما مطالبين بحاجة ..
وفي الحقيقة انه فكرة السواد ذاتا ما مبررة ..غض النظر عن أننا ما بنحد بالأسود ..الوقت إتجاوز مرحلة الحداد وكان ممكن يجيبوا حتى حاجا ت ومواقف حصلت في البرنامج حتى لو كانت طريفة كان حيكون ليها وقع خاص وكان الناس يتكلموا عنه وعن علاقتهم بيه بدل المحاولة البائسة لإبكاء الناس ....غايتو الحمد لله ..
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: داليا حافظ)
|
اخي العزيز الليندي
مشكور علي الاهتمام وانت ما قصرت من ناحية تحليل وسرد
وما خليت لينا شي نقولوا زي ما بقولوا
ومشكور الاخ سفيان اهو معناتا انت موجود ومتابع
اما من ناحية رمضان دخل العضم ... آآآآآآآآآآآآآآآآآآي
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: حسبو عكاشة)
|
حاجة تانية داير أقولا :
ارحموا طفولة أبناء محمود حاتم وحنين .. شنو يا خي في أي حفل تكريم او حلقة تلفزيونية جايبنهم وخاتينهم ديكور لاستدرار العطف ؟!
ارحموهم وأتركوهم لطفولتهم ولا تجعلوهم يعانون النقص مدى حياتهم بإصرار كل معدي برامج التلفزيون والمنتديات الثقافية على جلب واحضار حاتم وحنين فقط لأجلاسهم أمام الجمهور ليتفرج عليهم وهم في هذا السن مذهولين ذائقي الابصار وأكيد لم يعرفوا طعم الموت ويتدبروا في معانيه وعبره !!
دعوهم يعيشوا حياة طبيعية مثلهم وأقرانهم الذين فقدوا والدهم أو والدتهم في مثل هذا العمر بدلا من تركهم ديكورا وحائط مبكى للمشاهدين والعازفين يسترقون اليهم النظر ويشعرونهم بحوجتهم للشفقة والعطف ..!!
لا اريد أن اكون أكثر قسوة واقول لكم : أتركوا المتاجرة بهم ..!
ولكن أقول لكم ارحموهم يرحمكم الله ..
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: حسبو عكاشة)
|
احييييييييييييي ياقلبي
يا جماعه محمود ظاااااااااااااااااهره كونيه
وقلتها زماااااااااااان هنا وتوقعت له هذه النهايه
الله يرحم محمود ويغفر له
اي يا لندي عندي مشاركتين بس لاني صراحه مستمتع بتحليلك وطريقة توثيقك الجميله وتحليل الاخوان هنا
ياخ كل ما ادخل بسرح مع كتابتك لانها مرات ترتبط بزكريات جميله خاصه حديثك عن محممود عبد العزيز وبدايته وعلاقاته مع ناس بحري
ومع فرفور خاصه لان انا بعتبر محمود هو الذي قدم فرفور للغناء
بتذكر مره وانا جالس مع جمال فرفور ضاربين الطراوه رن تلفون جمال فرد عليه وكان المتصل محمود عبد العزيز
قال لفرفور مالك مابترد بسرعه
فرفور قال ... خلاص انا زاتي بقيت معلم زيك هههههههههههه ضحكنا معا كثيرا
انا عايز واحد يفتح لي بوست لمحمود يكون عنوانه ( الفات الكبار والقدرو )
واتمنى من يفتح البوست دا هو انت يالندي لان محمود تمت محاربته بطريقة شرسه ورغم عن ذلك اثبت وجوده بل عمل بصمه خاصه له في تاريخ الغناء السوداني
اي زول في السودان ممكن يغني وحسب متابعتنا ظهروا ناس كثر ولكن من وضعوا بصمتهم يتعدوا بعدد الاصابع و الجان محمود منهم ..
.
.
ناذر خليفة ... ياحبوب
Quote: أكرر محمود لا يحتاج لتوثيق ولا يحتاج ان تغني أغانيه في أغاني واغاني بدون نفس من المغنين وكأنهم مجبورين عليها .. محمود لا يحتاج أن تشوه أغنيته ما بلومكم في ظنونكم بهذه الطريقة .. وأغنية الفات زمان بعظمتها وعظمة وروعة التسجيلات التي سمعناها بصوت الحوت لا تستحق أبدا أن يغنيها طه سليمان بتلك الطريقة الجنائزية بمشاركة أبن محمود والذي أضاف للأغنية بمظهره ذاك طقسا تشييعيا لها لمكان لا تستحقه حتى وأن لم يقصدا ذلك ..!!
دعوا أغنيات محمود وشأنها .. فكلها موثقة بصوت الحوت نفسه ولا داع لترديدها بأي صوت كان يرحمكم الله ...!! |
ياخي شكلك ماسمعت بنظريتي البتقول ( دع اي شخص يغني مايغني ولكن في نفس الوقت ماعليك الا ان تسرح في عالم خيال الاصل ) دا عشان صحتك وعشان لاتجد فرصه للملل
افهمومها يااااااااااااااخ واعملوا بيها عشان صحتكم وخاصه في رمضان
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: وليد عبد اللطيف)
|
الحلقة الخامسة غاية في الروعة في وجود الخال المبدع الأديب كامل عبد الماجد في رحلة طرب ونعم عبر أغنيات الراحل المقيم احمد الجابري ، الخال كامل موسوعة في الشعر الغنائي السوداني وغير الغنائي وقد اراحنا اليوم عبر حكاياته من تداخلات السر قدور وضحكاته الفجائية
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: احمد التجانى احمد)
|
سيد الاسم و نسرين هندي إبداع بلا حدود.....والله تمنيت أن لاتنتهي الاغنية..........بالله ألحقونا بيه سريع
هذا المعتز....طرشق علينا البلوم....بالرغم من إبداعات الحلنقي و الجابري....؛حرام عليك.......بس شكلك مرهق أو مريض...أو تأثير الغدة واضح كما أفاد الزميل العزيز د. شهاب شفاك الله
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: احمد التجانى احمد)
|
| Quote: الحلقة الخامسة غاية في الروعة في وجود الخال المبدع الأديب كامل عبد الماجد في رحلة طرب ونعم عبر أغنيات الراحل المقيم احمد الجابري ، الخال كامل موسوعة في الشعر الغنائي السوداني وغير الغنائي وقد اراحنا اليوم عبر حكاياته من تداخلات السر قدور وضحكاته الفجائية |
كلام صاح يا احمد وركز علي كلام الاستاذ ( كامل عبدالماجد ) وعلي غناء ( احمد المأمون ونسرين هندي ) الاجادوا وابدعوا بصورة مذهلة خصوصاً ( نسرين هندي ) .
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: احمد التجانى احمد)
|
| Quote: السر قدور وضحكاته الفجائية |
يا أحمد التجانى سلام. التعبير ده ياخ ريحنى راحة، لأنو تعبير وصاف بالجد.. بس فى حاجات كتيرة فى البرنامج ده فجائية برضك، ذى الصوت البعلى و يوطى بدون
أى أسباب (ما عارف إمكن العيب من تلفزيونى)... بعداك فى الدعايات الفاصل الأول جابوا شاى (الغزالتين) ما عارف لى يعنى غزالتين، لكن المشكلة فى الفاصل التانى
جابوا شاى (الزرافتين)، عليك الله دى ما مفاجأة برضو.. الحمد لله الحلقة إنتهت قبل دعاية شاى (النعامتين)..
و لنا عودة للأداء فى الحلقة...
مودتى
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: احمد التجانى احمد)
|
اذكر في بداية الثمانينات كان في برنامج «مطرب وجماهير»
كانت الحلقة فيها سيف الدين الدسوقي وأحمد الجابري
وأنا حينها في المتوسطة .. شد انتباهي الحوار بين الجابري وسيف الدين الدسوقي
وانتبهت اكتر لمن سيف الدين الدسوقي القى قصيدة «بدون رسائل»
مافى حتى رسالة واحدة ..
بيها إتصبر شوية
والوعد بيناتنا إنك ..
كل يوم تكتب إليّ
هل يجوز والغربة حارة ..
بالخطاب تبخل علىّ ؟
لما آخر مرة شفتك ..
قبل ما أودع وأغادر
كنت حاسس إنى خائف ..
إنى متردد وحاير
داير إتصبر أمامك ..
داير أضحك ..
ومانى قادر !
بس دموعك لما فاضت ..
ضيعت صبرى الشوية
وصحت موعدنا الرسايل ..
وين رسايلك ؟
وين خطاباتك إلىّ ؟
وصرت بعدك يا حبيبى ..
ذرة فى بحر الزمن
بعت للتجار (الجابري بيقول لـ«للآلام») مواهبى ..
بعتها بأبخس تمن
وحشة ما بتعرف رسايل ..
وغربة عن أرض الوطن
بس أمل واحد بعيشو ..
لو رسالة تصل إليّ
بيها أطمن عليكم ..
وتنقذ الموقف شوية
من خطابي أظن عرفت ..
آيه مكانتك فى فؤادى
أنت يا فجر المحبة ..
تستحق شوقى وسهادى
أنت صورة ماضى أبيض ..
ولوحة بتمثل بلادى
بس حرام تبخل علىَّ ..
وتنسى ما ترسل هدية
حتى لو كلمة أحبك ..
في خطاب مسرع إليّ
منذ ذلك التاريخ ورسخت هذه القصيدة في ذهني وحفظتها كما ألقاها سيف الدين الدسوقي..
ولمن غنى الجابري «سيد الاسم» لي كامل عبد الماجد
اتسمرت في مكاني وكملت السهرة ومن يومها ابتدأت محبتي لغناء الفنان الجابري
واذكر في سنتنا الأولى في الجامعة كنا بنراجع في بعض الشرائح الخاصة بي علم الانسجة
وكان معي اصدقائي أسامة خضر محمد الرضي من بورتسودان والصديق خالد عبد العال حمور والصديق حاتم جبارة عبد الرحمن جبارة
مجرد أن استوعبنا الشرائح وحفظنا محتوياتها بدأت أن في ترديد أغنية «سيد الاسم» وزي ما بيقولوا من يومداك أصبحت «فرمالتنا» أيام الامتحانات
ما أن نستوعب مادة ما جيدا إلا ونغنيها..
مع بداية غناء نسرين هندي اتصل بي من السودان صديقي العزيز أسامة خضر ودن أن اسلم عليه قلت له: قااااااعد بسمع في سيد الاسم
ضحكنا كما لمن نضحك من قبل وأخذتنا الاغنية إلى عالم الزقازيق ولياليه الجميلة..
حلقة اليوم كان فيها الكثير من الشجن..
الجابري فنان ضخم وعنده لونية موسيقية متفردة جدا وله امكانيات صوتية مهولة وقدرة على التطريب ما عادية..
ودة كله انسجم انسجام كبير مع الشعراء الذين اتعامل معاهم وخصوصا سيف الدين الدسوقي وكامل عبد الماجد
يمكن سهولة المفردة عند الشاعرين ودخول الكلمات إلى الوجدان دون تأشيرة مرور سهلت على الجابري عملية التلحين
ود المامون غنى باحساس عالي جدا وفي نظري اجاد لأنه يمكن دي اللونية بتاعة الغناء البتنفع معاهو ويمكن أيضا لي حبه للجابري
صديقنا مصطفى السني يبدو ما كان حافظ الاغنية وبرضو دي ما اللونية البتنفع معاهو عشان كدة كروتنا
نسرين هندي كان بتغني بي احساس عميق واجادت وان اعيب عليها طريقة نطق آخر الكوبلي ما كانت مريحة بالنسبة لي
ما عايز اظلم معتز صباحي بس ما اداني الاحساس اليخليني انطرب او اتقبل منه الاداء
ولو أنه كان افضل من المرة الفاتت بي كثير (يمكن عشان قام وقف وغنى هههههههههههه)
رحم الله الفنان الجابري كان فنان عجيب
ولمن يغني بالعود بيخليك تحلق في عوالم عجيبة كدة
وشفى الله الرائع سيف الدين الدسوقي
واطال الله في عمر شاعرنا كامل عبد الماجد
حلقة الليلة كانت الافضل في نظري حتى هذه اللحظة
تليشة:
يا معتز صباحي والله الصلعة دي فيها جمال ما عادي
أسألني أنا وبكري ابو بكر وود المدير وابو الحسن والبروف امين
ياخي قاعدين نكسر قلوب العذارى
ههههههههههههههههههههههههههههههههههههههههههه
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: saidahmed shami)
|
الحلقة كانت حلوة، لأن الجابرى مميز، رغم أنوا كان بالإمكان أحسن مما كان (فى مسألة الإختيار)..
أحمد المأمون صوت قوى ملئ بالتطريب، تستطيع أن تراهن عليه.. أعجبنى الأداء صراحة و المأخذ الوحيد علية حتة (الرســاي ي ي ي أ ا ا ل) // ما عجبتنى خالص.
كانت فيها نوع من الخرمجة (أغنيات الجابرى تحتاج إلى إلتزام صارم جداً و بتكيف من زمراوى لمن يقعد يحمّر للعازفين)..
على العكس تماماً الأداء الملتزم من فرفور و زحل جعل ملك الطيور تخرج بحلة طاؤوس زاهية و خلابة. غنى فرفور بدون صراخ و أطرب؛ أخذ القيادة و حافظ على الإنسجام
ليجعل صوت المغنية لاحق بفاصل زمنى غير ملاحظ، فى نفس الوقت جعل لها فرصة الصعود فى نهاية المقاطع، الشئ الذى جعل الثنائية رائعة و مبدعة..
سيد الأسم أغنية جميلة و موسيقاها رائعة، كان الأداء رائع، بس لما المغنية تنهر نهاية المقاطع كانت بتضرسنى....
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: د. ياسر عبد القادر)
|
كله كوم وسيد الاسم كوم
لو سمحتوا ممكن ادلي بدلوي ..
هذه الاغنية لو لم يكن للجابري غيرها لكفته
سيد الاسم
محبوبى وكتين يبتسم
الدنيا ياناس تنقسم
الفرحه تملاها وتزغرد فيها والشوق يرتسم
########
مرات اقول اديهو كلمه تزعلو
حبة عذاب وكلام عتاب انا عارفو مابتحملو
علشان اشوف خده الحرير الدمعه جارية تبللو
لكنى قبال ابدا بلحظات اقيف اتاملو
الضحكة واللفته البتاخد من عيونى النوم شهور وتجفلو
وانسى العتاب الكنت ناوى اقوله وارجع منهزم
الدنيا ياناس تنقسم
الفرحه تملاها وتزغرد فيها والشوق يرتسم
########
فى العيون ببنيلو دارين من موده ومن منا
بضمه فى قليبى محبه فياضه وهنا
ماردت غيره ولاهو راد زولا سواى انا
نظراته كيفن اوصفا دى الفى العيون مدونا
همساته تحنان القمارى الراجعه للعش والجنا
وتضوى والليل ينهزم
وكتين يبالغ ويبتسم
الدنيا ياناس تنقسم
الفرحه تملاها وتزغرد فيها والشوق يرتسم
#####
يوم جانا شايل خطانا الكايسنه راح
وشايل الامل فى عيونه والحب والسماح
ارتحنا من ماشفناهو والليل استراح
ضحكت نجومه وغنى قمره معانا لعند الصباح
لكن بغير والله برجع منهزم الدنيا ياناس تنقسم
الفرحه تملاها وتزغرد فيها والشوق يرتسم
كان فتحنا بها بوست في الربع الاول
عبقرية الجابري في التلحين واعطاء كل كوبليه لحن لابس معاه بالمقاس .. تغيير الايقاع واللحن بصورة مختلفة وبذات الوقت الهراموني والانسجام في اللحن شئ عجيب ومدهش
والبنية نسرين استوعبت كل هذه القيم وادت اداء جعلنا متسمرين امام الشاشة ..
| |
|
|
|
|
|
|
|
|
 Re: اغاني واغاني النسخة التاسعة 2013 (Re: وليد عبد اللطيف)
|
غايتو لو لا حديث الشاعر كامل عبدالماجد وسرده المنظم كان عمك قدردر الليلة قالينا تتعشوا ولا تناموا خفيف. معلومات الشاعر كامل عبد الماجد اليوم خلت الشاى مظبوط بدل الشاى الكشرى البدونا ايهو كل يوم ده.
Quote: تليشة:
يا معتز صباحي والله الصلعة دي فيها جمال ما عادي
أسألني أنا وبكري ابو بكر وود المدير وابو الحسن والبروف امين
ياخي قاعدين نكسر قلوب العذارى
ههههههههههههههههههههههههههههههههههههههههههه |
ات يا طارق كت قايلك مع الشباب ناس احمودى اتاريك مع المخضرمين ناس اكرد.
الكلام بالاحمر اعلاه ده للتوثيق يالليندى خلى بالك
| |
|
|
|
|
|
|
|
|
|
Re: اغاني واغاني النسخة التاسعة 2013 (Re: إبراهيم عبد الحليم)
|
سلام وليد عبد اللطيف ..
Quote: ياخي شكلك ماسمعت بنظريتي البتقول ( دع اي شخص يغني مايغني ولكن في نفس الوقت ماعليك الا ان تسرح في عالم خيال الاصل ) دا عشان صحتك وعشان لاتجد فرصه للملل
افهمومها يااااااااااااااخ واعملوا بيها عشان صحتكم وخاصه في رمضان |
صدق رغم صعوبة تطبيق هذه النظرية على أرض الواقع من سمع للخرمجة ومحاولة السرحان في الأصل لكن اعتقد ما في حل غير محاولة تطبيقا ودا الحا أعملو عشان أحمي نفسي من ضغط الدم ...
مشكور ..
| |
|
|
|
|
|
|
| |
حسبو عكاشة
محمد حمزة الحسين
عبير خيرى
ALGARADABI
الليندي
بشرى مبارك ود السقاى
شهاب الفاتح عثمان
ودالعباسية
عمر الفاروق
ياسر منصور عثمان
طارق جبريل
abas
إبراهيم عبد الحليم
خالد عبد الله محمود
الخير محمد عوض
Maawya Hussein
عزالدين عباس الفحل
khaleel
الرفاعي عبدالعاطي حجر
ناذر محمد الخليفة
Abuzar Omer
وجدان جمال
Nader Abu Kadouk
دينا خالد
haroon diyab
سفيان بشير نابرى
سيف الدين محجوب
داليا حافظ
وليد عبد اللطيف
احمد التجانى احمد
د. ياسر عبد القادر
saidahmed shami
فيس بوك
تويتر
انستقرام
يوتيوب
بنتيريست