نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 من أولاد نوري، نغيم طنبور، عفو ومعافاة
|
شفي منها بحمد الله قبل شهور وعكة خفيييفة.. جاءت مني هذه الدعوات المموسقة ، كتبتها ولحنتها وأديتها وقتها. الحمد لله على الشفاء
من أجود مهندسي المعمار السودانيين، من مؤسسي شركة هوم للبناء والتعمير، ثم شركته الخاصة الآن.. بز الشركات الحديثة التى دخلت السودان في مجال المعمار، صدق ، أمانة، تسليم في الوقت المحدد.. أخلاق... صبر على أعمال التنفيذ.
يبنى لك بيتك أو فيلتك كانها صممت في الخليج أو السعودية.
نعم يمن تكون أسعارهم أرفع شوية من غيرهم، لكن هي أمانة التنفيذ.. يسافر يهاجر ويعود ليكتشف الديزاينات الجديدة في عالم البناء..
الزميل الأخ المهندس أبو عبيدة محمد السعيد من أبناء نوري الخضراء.. رجل الجماعة في خدمة أي سوداني يزوره أو تعرف عليه في عمل أو دراسة أو جوار.. إلا حكى عنه أصايل الصفات.. حفظه الله
أبت المشاعر إلا أن أكتب هذه الدعوات المموسقة، فأرجو أن يعذرني فيها.
http://www.gulfup.com/?IJ9dKG
|
|
 
|
|
|
|
|
|
|
|
Re: من أولاد نوري، نغيم طنبور، عفو ومعافاة (Re: منصوري)
|
زول غير خريطة البناء في السودان بأسلوب عصري يجاري التقنية الحديثة ومتطلبات الزبون المهاجر خاصة والذوق السوداني، الذي خرج من الحيشان الى الشقق المغلقة ، فجمع بين سمات الماضي والحاضر في كل بنيان نفذه.. بصورة أذهلت كل من شاهده. لذلك استحق منا هذه الكلمات المموسقة بالدعوات
| |
|
|
|
|
|
|
|
|
|
Re: من أولاد نوري، نغيم طنبور، عفو ومعافاة (Re: منصوري)
|
زمان عمل البناء في السودان كان كلو يترك للمقاول، بل قد يترك للبنا فقط.. دخل دور الهندسة الدقيقة في البناء والديزاينات.. حتى بعض المهندسين الزمان، تقوم البناية وما فيها أي لمسه جمالية.. يشيلو ويلكدموا في الأسمنت لى فوق
1 حفرنا ليك الساس مترين ز..دكيناهو ليك من تحت حجار أم درمان وواطاتا الحمرا
وصلنا العتب!
يالله أضبحوا كرامة للعتب
أمك قالت لازم تجي من السعودية حالا.ز المقاول وصل العتب.ز وعايزين نضبح كرامة العتب.ز وتشنق فوق الخروف وتشيل من دمو بي يدك اليمين وتطبع على حيطة باب الحوش عشان تكافي منك العين يا ولدي؟
قومنا العمدان للعمارة؟
عملنا الخفجة يالا أضبحوا للخفجة؟
المقاول بالقروش الرسلتها كان أحسن يشتري بيها أسمنت وطوب يخزنا.ز لأنو بعد شوية قالوا الأسمنت راح يبقى ضعف
لأنو المقاول عندو واحد صاحبو واصل، قال ليهو شيل كفايتك من أسمنت السوق، لأنو في سعر جديد جاي للأسمنت، تذكر يوم غلا الأسمنت داك، والأسمنت طار راح لحق النعام؟
أيوه أتذكر
تتذكر يوم البنات يزغرتن ود حليمة جاب شيلة ومهر سوسن أسمنت؟
وردم الأسمنت بالطن قدام باب أهل العروس؟ الناس كلها تتفرج، حتى ابو العروس وولادو بقوا ينوموا بالليل جنب الأسمنت برة ، عشان عين الناس وعشان الحرامية.. خلوا صالوننهم البحر داك المكندش؟ وبقوا ينوموا برة خشم الحوش عشان الأسمنت؟
شوفوا لينا زول بي أسرتو من أصقاع السودان يجي يحرس العمارة التى تحت التشييد دي؟ لأنو راح ننزل سيخ وأسمنت؟
...............
بعد هذا المجهود الجبار تقوم البناية طوب وأسمنت ملكدم لافوق ما فيها اي لمسة جمالية لا لى نفسها ولا للشارع الفيهو البناية ولا لصاحب البناية؟
هسي دي زولنا ده
تكاد تكون البناية عمدان وبيم فقط ووشها كلو الزجاج الملون بالأزرق والوردي والكحلي.. والأصانصيرات.. واللمسات الناعمة الرائعة لواجهة البناية، حتى تقول دي عروس طالعة من الكوفير وليست بناية على وش شارع الثورة بالشنقيطي..
أضافت سحر وجمال لنقطتها التى بنيت فيها على الشارع العام
وأضافت نقطة ابداع في الفن والإبداع والهندسة..
فصارن نسمة بناء باردة تزيل التكدر من أعماق النفس وتطيح بالآهات والذفرات المتراكمة
فهنيئاً لكل من يخط لوحة جمال في علم المعمار
وتنفيذ المعمار في السودان
إنها لوحة تستحق التشرف والإشادة
| |
|
|
|
|
|
|
|
|
|
Re: من أولاد نوري، نغيم طنبور، عفو ومعافاة (Re: منصوري)
|
هلا بيك يا منصوري ...
وهلا بي أولاد بلدي نوري الحبيبة ..
وقد أحسنت صنعاً أن إحتفيت بمن هو أهل للإحتفاء
أبو عبيدة الرجل الراقي الإنسان قبل كونه مهندساً فناناً ...
سلامتك ألف سلامة يا الحبيب المهندس الإنسان أبو عبيدة ...
والتحية ليك يا منصوري على اللحن الجميل ...
| |
|
|
|
|
|
|
|
|
|
Re: من أولاد نوري، نغيم طنبور، عفو ومعافاة (Re: Adel Mohammed Abdulrahman)
|
يسلموا ناسنا
عثمان دغيس
وعبد الله عثمان
وعادل محمد عبد الرحمن
.....
أهو زي ما قلت فيه أنت يا عثمان، الرجل الباش مهندس يستاهل كل خير
ويا عادل والله طارنك وطارين الزمن الجميل في المنبر، ومتذكرك تماما ،وما غبت كتير ياخي أهو الأفراح نهني والأتراح نعزي، وأنتم الأعضاء القدامي أيام المنتدى جميل ورائع.. وياريت يعود لروعته كما كان، بفضل أقلامكم المعتدله.
| |
|
|
|
|
|
|
| |
منصوري
عبدالله عثمان
فيس بوك
تويتر
انستقرام
يوتيوب
بنتيريست