الثورة الدستورية

Quote: زول ما بعرف قيمة الثلاثة ديل ما بعرف قيمة السودان ولا السودانيين..لانه مستلب من بضاعة خان الخليلي الجاتنا من الجارة المازومة مصر___ وكل الحاجات الانت شرحتها دي موجودة في نيفاشا والدستور الانتقالي وكويس انك استشهدت بمواد من الدستور وفي دي انت احسن من اساسي وعلة في الشخص الضعيف اخلاقيا وغير مؤهل فنيا...وعاجز عن الالتزام بالدستور والاتفاقيات نصا وروحا...يعني المشكلة نفسية تتعلق بعقلية الكوز(اب شريحتين) وانا في بداية البوست رقمت الوضع الدستوري الحالي في السودان عشان ارجع ليه نقطة نقطة ونشوف نعالج الامر ده كيف لحدي 2015 واوعك تجيني بدون ما تاكل شوكلاتة سنكر يا كرستيانو برجع ليك لانتخابات 2010 لمن نفتح ملف المفوضية العليا للانتخابات

المشكلة في السوداني المتثاقف زيك كده .. من يعتقد في نفسه انه نصف اله .. يكوزن ده ويعرضن داك .. يمجد ده وينشف داك .. وكلامه طبعا قرآن منزل .. لا ياتيه الباطل من فوقه او من تحته

انا ( بقدنفة عالية جدا ) احسن منك انت ذاتك في عضمك ده .. خليك من اساسي
شفت كيف..!!
- عشان تعرف بس امر القندفة ما صعب .. وكلنا بنعرف نسويه -

هذا فيما يخص المقارنة بينك وبين اساسي .. والتعالي .. والرائ الصمد الذي لا يخطي ابدا


بالنسبة لموضوع معالجة الامر قبل انتخابات 2015 .. تعال وانا مستنيك واوعدك بخلي الشكلاته
انت بس ( اشرب ) اللبن بدري .. عشان يكون مزاجك رايق وحلو

واستعين بي اناجيلك .. اصدارات منصور خالد .. ومحمود محمد طه .. والاخرين .. تمسك بمفرداتهم حفظ صم وما تشتغل بالروح المكتوبة بها الاناجيل دي .. لانو فهم روح المكتوب دي ما شغلتك .. دي شغلتنا نحن

وانا بجيك بصنقوري ده يا عادل ..

وحا اديك حصة .. من زول حسب ما قلت عنه قبيل في الاول .. ما واعي .. ان شاء الله توعى ليها وتفهمها .. الحصة عنوانه التواضع سيد الاخلاق

(عدل بواسطة وليد محمد المبارك on 07-03-2013, 01:07 PM)
(عدل بواسطة وليد محمد المبارك on 07-03-2013, 01:08 PM)