|
|
 غصن الرياض المائد كلام ينتف عسل
|
كلمات الشاعر علي المساح
+ + +
يا غصن الرياض المايد
يا الناحلني هجرك وانت ناضر وزايد
جافيتنى ليه أنا ليك رايد
يا غصن الريد المايد
ما اظن عن غرامك لو اموت لا احايد
سهران ليلى طايل و العينين صحت ما هجايد
تعبان قصدى ليمك انت ناضر و زايد
جافيتنى ليه انا ليك رايد
فى الجيل يا الجمالك سائد
عينيك ليك جنود وانت ليهن قائد
يا النافر جفيتنى بنظره ... لى ماك عايد
شوفتك زى هلال العيد وفيه اعايد
انا وحبك ترعرعنا ونشانا ندايد
من زمنا قبيل ايام قلال وعدايد
ما خلص القديم وتبين مصايب وجدايد
حن يا حبيب كفاى مر العذاب وشدايد
يا خُلاصة الحواري المن جِنان وخوالد
حُسنك ليك يدوم، لا أم تلِد لا والد
رافل في ظلال مجد التليد التالد
يا لابس العفاف حلي وعقود وقلايد
عانيت فى ليالى هواك صنوف واحايد
مشكلة بين هواى وجفاك وانت محايد
بس ما ذنبى صُغت النشيد ونشايد
فى مدحك بنيت قصر الرشيد الشايد
..
بها يحاول الشاعر الفخيم علي المساح مسح الشعر القديم والجديد ..
الأخوان معاوية ومحمد عثمان أرجو التكرم بدرعها بصوت شيخ المبدعين رمضان الذي شارك في المسح .
|
|
  
|
|
|
|
|
|
|
|
Re: غصن الرياض المائد كلام ينتف عسل (Re: ابراهيم الفاضل)
|
تحية....
لله در رمضان وصوته العذب الطروب...يتقطر شهدا وولها يرونق به معاني الامتثال للعشق بالبوح غناءا..
من غيره يرتب منظومةالمساح عن العشق والتفنن في الصد(من زمن قديم)...
تبقي المعاني والالحان طازجة كانها بنت اليوم...ياسلام..
شكرا ايها الجميل ..
| |
|
|
|
|
|
|
|
|
|
Re: غصن الرياض المائد كلام ينتف عسل (Re: ابراهيم الفاضل)
|
تعبان قصدي ليمك ... وأنت ناضر وزايد
..
عزيزنا ابراهيم
سلامات
وألف شكر
شيخنا المساح يا ابراهيم بي زي كلامو ده وكر الشعراء ومحبين الشعر والنقاد
في التفكير الطويل وفي الدرب الصعب ودروس المحبة والجمال .
( تعبان قصدي ليمك .. وأنت ناضر وزايد ) ده النضم .
| |
|
|
|
|
|
|
|
|
|
Re: غصن الرياض المائد كلام ينتف عسل (Re: Osman Musa)
|
تحية...
مشكلة بين هواي وجفاك وانت محايد...
لعلها ورطة يا اخانا عبد الغفار...ليس في اسباغ الحياد علي المحبوب فحسب لكنه ارتهان المعني للنشيد...الدوران في فلك الحب طمعا في المزيد منه والشكوي من نيرانه مع توالي رجاءات الاستعطاف للدفء من عذاباته الطرية.. فتامل...
لك الصباحات الندية يا عثمان ...ولنا الامتثال دوما للمعاني..
| |
|
|
|
|
|
|
|
|
|
Re: غصن الرياض المائد كلام ينتف عسل (Re: سيف الدولة كامل)
|
عزيزنا سيف الدولة كامل
سلامات
الشاعر السوداني المساح يا سيف مولود في أمدرمان في سنة 1902 .
والشاعر الأمريكي لانقستون هيوز مولود في جوبلن ميسوري في سنة 1902 .
نفس العام ونفس محور القصايد التي تتحدث عن الحلم وعن الجمال وعن النهر وعن التمرد وعن الصدق وعن
الدموع ..
رحم الله أستاذنا و شاعرنا وسفيرنا في اليمن الحردلو فقد كان أعظم المحبين للمساح ..
عليهم الرحمة جميعا
| |
|
|
|
|
|
|
|
|
|
Re: غصن الرياض المائد كلام ينتف عسل (Re: خالد علي محجوب المنسي)
|
كلمات الشاعر علي المساح
+ + +
يا غصن الرياض المايد
يا الناحلني هجرك وانت ناضر وزايد
جافيتنى ليه أنا ليك رايد
يا غصن الريد المايد
ما اظن عن غرامك لو اموت لا احايد
سهران ليلى طايل و العينين صحت ما هجايد
تعبان قصدى ليمك انت ناضر و زايد
جافيتنى ليه انا ليك رايد
فى الجيل يا الجمالك سائد
عينيك ليك جنود وانت ليهن قائد
يا النافر جفيتنى بنظره ... لى ماك عايد
شوفتك زى هلال العيد وفيه اعايد
انا وحبك ترعرعنا ونشانا ندايد
من زمنا قبيل ايام قلال وعدايد
ما خلص القديم وتبين مصايب وجدايد
حن يا حبيب كفاى مر العذاب وشدايد
يا خُلاصة الحواري المن جِنان وخوالد
حُسنك ليك يدوم، لا أم تلِد لا والد
رافل في ظلال مجد التليد التالد
يا لابس العفاف حلي وعقود وقلايد
عانيت فى ليالى هواك صنوف واحايد
مشكلة بين هواى وجفاك وانت محايد
بس ما ذنبى صُغت النشيد ونشايد
فى مدحك بنيت قصر الرشيد الشايد
..
| |
|
|
|
|
|
|
|
|
|
Re: غصن الرياض المائد كلام ينتف عسل (Re: Osman Musa)
|
عزيزنا ابراهيم عبدالحليم
سلامات
( أنا وحبك ترعرعنا ونشانا ندايد ) ... يا الله .
يمكنك يا أخ ابراهيم أن تتخيل حجم الحضارة وحجم المدنية في مدينة ود مدني في تلك الزمانات .
ويمكنك أن تتخيل سماحة المحب وجمال المحبوبة وحلاوة الزمن .
| |
|
|
|
|
|
|
|
|
|
Re: غصن الرياض المائد كلام ينتف عسل (Re: Osman Musa)
|
يا سلام يا عثما ن موسى دا الغنا البخلينا سكارى بلا خمر
عليهم الرحمة
الشاعر علي المساح
و القنان رمضان زايد
و التحية لمدينتي
ملكال مولد الفنان رمضان زايد
و ود مدني حيث اجتمع الشاعر و الفنان
و الشكر لكل من ساهم في ايصال هذا الفن الأصيل إلينا
| |
|
|
|
|
|
|
|
|
|
Re: غصن الرياض المائد كلام ينتف عسل (Re: Osman Musa)
|
هذا هو يا عثمان!
في بساطته و رقة حاله، و وثيق صلته بجماعة وادي عبقر السوداني
جماعة وادي عبقر السوداني، سل عنهم يحي قباني، و صلاح النصري، و احمد القرشي عبد الرحمن
علي محمد أحمداني ( المعروف جماهيريا بعلي المساح )
مولود بحي الإسبتالية بامدرمان .. ثم إنتقل و ترعرع بمدني السني وهو خال الفنان الظريف
محمد سلام ( قام يتعزز الليمون)
غصن الرياض المايد و لادة و صناعة ناس مدني .. لحنا و غناها ابتداء
الشبلي فنان مدني .. الكاشف و عبد الرؤوف عطية كانوا شيالين مع الشبلي
ولا شك عندي ان بصمات الكاشف و عبد الروؤف موجودة في الاغنية ( الورشة الفنيه)
عبد الرؤوف تحول لشيال مع سرور ، و بقى رافعة غنائية هامة في شغل سرور
الكاشف برضو لحق خالتو تيتا و ولدا حيدر في حي بانت الامدرماني القديم، ورافق زول مدني
عازف الكمان القديم بدر التهامي منتقلا للإذاعة
الاغنية منحت رمضان زايد لقب : ود الشلك الامدرماني ..
سلام و تقدير لكل اصحاب الذائقة العالية من زوار بوست اخونا ود موسى
| |
|
|
|
|
|
|
|
|
|
Re: غصن الرياض المائد كلام ينتف عسل (Re: يحي قباني)
|
اضافة لكلام دكتور طراوة ...
و ( من مكتبة الأغنية السودانية )
ولد على المساح فى حوالى العام 1900 او 1904 بحى الاسبتالية بامدرمان
من قبيلة الحربيلب و اقام فيها حتى نزح مع والده الى ودمدنى وهو مازال طفلا.
كان والده يعمل بمحلات التاجر المعروف على الحضرى و لم تتح لعلى الفرصة للالتحاق بمدرسة او خلوة
فتعلم الصنعة من والده و عمل ترزيا افرنجيا بسوق مدنى بدكان الترزى الافرنجى محمد على احمد
واستمر كذلك حتى آخر ايامه.
و عندما توفى والده استقر به المقام بمدنى بحى المدنيين هو و والدته و شقيقته و ابنها محمد الحسن.
و سر تسميته "بالمساح"
انه كان من المعروف انه لايطيق البقاء فى مكان العمل حتى انه لم يتعلم الترزية التعلم الكافى.
و كان كثير التجوال صباح مساء بين انحاء المدينة يتتبع الجمال و يصغنى للغناء اينما وجد فلقيه احد اصدقائه
الذى كان يعمل فى بيع و شراء الحاجيات فى الازقة و الحوارى و عندما ابتدره بالتحية رد عليه قائلا:
" ايه الحكاية..يا اخى انت اصلك مساح (اشارة الى عمل المساح)
الذى كثيرا مايرى بين الحوارى و الشوارع يقوم بمهمته.
كان يضع القديم من الثياب و مركوب قديم به الكثير من الثقوب لم يشترى شيئا جديدا فى حياته
| |
|
|
|
|
|
|
|
|
|
Re: غصن الرياض المائد كلام ينتف عسل (Re: أحمد طراوه)
|
عزيزنا د / أحمد طراوه
يا مراحب ويا سلامات
لو ملاحظو يا أحمد في لحظة دخولك
دار أعجوبة زمانه قام طوالي عزيزنا بكرى ابوبكر رفع البوست بعد ما بشر .
أرجو يا أحمد أن لا ينقطع الحديث عن المعلقة السودانية وعن الورشة وعن مشاركة عازف العود الحضرمي للكاشف .
وعن مدرسة ود الشلك .
وعن مدني . حدثنا عن غصن الرياض وعن تلك الصور البديعة .. لك التحية
| |
|
|
|
|
|
|
|
|
|
Re: غصن الرياض المائد كلام ينتف عسل (Re: أحمد طراوه)
|
عزيزنا الفنان قباني
ليك كتير الشكر يا عزيز علي جلب سيرة المساح الشاعر الذي تمدد وطال في محبته ومحبة
العالمين الي رسمه .
أرجو التكرم بالحديث عن معلقة غصن الرياض وعن الكاشف وعن تلك الجلسة التاريخية المنتجة .
| |
|
|
|
|
|
|
|
|
|
Re: غصن الرياض المائد كلام ينتف عسل (Re: خالد علي محجوب المنسي)
|
علي المساح - شاعر تمدد في عمق المعني
بقلم نورالدين أحمد عبد الرحمن
تعجبني أشعار الحقيبة، وتتطربني ألحانها، فكل أغنية أري فيها مناسبة إبداعية خاصة وتأخذني لزمن جميل، إلا أنني أغرم بوجه خاص بكلمات علي أحمداي الملقب ب(علي المساح) ، ووجه إعجابي به يتمثل في الحقيقة كونه أنه أمي وهبه الله عز وجل عبقرية وموهبة شعرية لا تضاهي لرجل لا يعرف القراءة ولا الكتابة، ولكنه يجيد نظم الكلام ويستخدمه لخلق حالة شعرية بليغة
ولد علي المساح بحي الإسبتالية بأم درمان وهو من قبيلة الحربياب، ثم سافر لمدينة ود مدني وأستقر بها ليعمل في خياطة الملابس (ترزي) يقول عنه الأستاذ مبارك المغربي في كتابه رواد شعراء الأغنية السودانية ما يلي.
- ولتسميته المساح قصة طريفة، المعروف أنه كان لا يطيق البقاء كثيرا بمكان العمل ولذلك لم يتعلم الترزية التعلم الكافي، كما كان كثير التجوال صباح مساء بين أنحاء المدينة يتتبع الجمال ويصغي للغناء أين وأني وجدهما،وكان من المألوف أن تلتقي به ساهما رائحا غاديا، يلازمه حنينه الدفاق، وبينما هو علي تلك الحال لقيه أحد أصدقائه وكان يعمل في شراء وبيع الحاجيات في الأزقة والحواري في احد تلك الشوارع، وقد اعتاد علي رؤيته دائما، وعندما ابتدره (علي) بالتحية رد عليه: أهلا ... ايه الحكاية ياخي أنت أصلك مساح ؟؟؟ (إشارة الي عمل المساح )الذي كثيرا ما يري بين الحواري والشوارع يقوم بمهمته في التخطيط، ومنذ ذلك الحين إلتصق به الإسم ونسي الناس تماما إسمه الحقيقي
صار علي المساح، علما من أعلام الغناء السوداني الاصيل، وقد إشتهر حينما غني له الكاشف أغنيته الشهيرة بالرق:
إنت بدر الصفا في سماك*** قلي من عيني من خفاك
ياحبيبي متي وفاك.
وغني له الفنان عبد الله الماحي:
ظبي الخدر الما شاف قفار منو العسجد عار الصفار
والأمين برهان
غني صاح القمري وسجع.
وغني له فنان مدني (الشبلي) وعوض الجاك فيما بعد
زمانك والهوي أعانك*** أحكمي فينا هذا أوانك
. ثم :
جاد نسيم الليل بي عبيرو عطاني
ذكرني شوفة مدني الكلو در وأغاني
وله أيضا:
نغيم فاهك يا أم زين دواي شفايا البجبر قواي
وقال
بي حب ميه ظمآن ما بترويني المية حب مية اللي حمية
الفي مقـــــدارا سمية لي لقاهــــــا رويحــــتي ظمية
وكذلك
ذكرني مريودنا طال ألم البعاد *** وعطلتنا قيودنا يا نسايم الليل
روحي لي محبوبنا يا نسايم الليل *** وأحكي ليهو وعودنا
كيفن نستقيم ونحن معوج عودنا *** من هذي النحوس أمتي يبقي سعودنا
هذا كله كوم وقصيدة (غصن الرياض ) كومٌ آخر. هذه القصيدة كل ما سمعتها أعيد سماعها مرة أخري، بها من الصياغات ما يبز به شعراءنا في كل العصور، تأسرك ببساطة مفرداتها وعميق مآلاتها وصورها البديعة التي يبرع في إخراجها تكشف عن عبقرية هذا الشاعر، ساوردها هنا كاملة وأرجو أن تشاركوني تأملها:
يا غصن الرياض المايد يا الناحلني هجرك وإنت ناضر وزايد جافيتني ليه أنا ليك رايد
يا غصـــــــن الرياض المــــــــايد ما أظـــــــن عن هواك لو أمـــــــــوت ماحــــايد
سهران ليلي طال والعينين صحت ماهجايد تعبان قصدي ليمك وإنت ناضر وزايد
في الجيــــــــــــــل لي جمـــــــــالك سائد عينيك ليك جنودك وإنت ليهــــــــن قايد
يالنـــــــافر جفيتني بنظــــــــــــرة لي ما عايد شوفتك ذي هلال العيد وبيها أعايد
يا خلاصة الحواري المـــــــــــن جنان وخوالد حسنك ليك يدوم لا أم تلـــد لا والد
رافل في ظــــــــــــلال المجد التليد والتالد يا اللابس العفاف حلية وعقود وقلايد
عانيت في ليـــــالي هواك ظروف واحايد مشكلة بين هواي وجفاك وإنت محايد
بــــــس ما ذنبي غير صغت النشيد ونشايد في مدحك بنيت قصر الرشيد الشايد
أنــــــــا وحبك ترعرعنا ونشانا ندايد من زمنــــــــا قبيل ما أيـــام قلال وعدايد
ما خلــــــص القديم، تبين مصايبو جدايد حن يا حبيب كفاي مر العذاب وشدايد
يا لروعتك أيها الرجل المساح
| |
|
|
|
|
|
|
|
|
|
Re: غصن الرياض المائد كلام ينتف عسل (Re: Osman Musa)
|
يا خلاصة الحواري المن جنان وخوالد ،،، حسنك ليك يدوم لا أم تلد لا والد
عثمان موسى ومن لفه لفيفه بالله شوفو الكلام ده ما بخلي الزول يغمر عديييييييييل كده ؟؟ ياخ ده قمة في الوصف والإبداع والإطراء والمدح ..
الأغنية دي لو ما اخاف الكذب اجمل اغنية سودانية من ناحية الكلمة واللحن والاداء والإيقاع حتى ولو اداها ود العبيد زاتو ( وما تقولو لي ود العبيد ده منو ) فلا شك ان مهما كان المؤدي لها غير مجيد للغناء برضو بتطلع جميلة وحلوة فهي مدرسة فنية راقية ..
وطبعا أداء المرحوم أبو داؤود يأثر كل من يسمعها عنده ولكني ايضا اطرب ايما طرب لاداء المبدع المرحوم محمود عبد العزيز لها فقد تجلت فيها عظمة صوت محمود وملكاته الفنية الهائلة فايضا محمود ياثرني في هذه الاغنية بصورت لا توصف ( والما مصدق يسمعها عند محمود)
على العموم علي المساح من اشعر شعراء السودان وله مفردات خاصة جدا يعرف بها بين اقرانه مثله مثل تنبيه الغافلين شاعرنا ود الرضي ايضا يعرف ببعض الكلمات التي اختص بها شعره والحديث عنهما يطول ,,
غايتو يا عثمان موسى يوم بتكتل ليك روح مرة بي حفلات امريكا الما بتتوصف ديك ومرة بي غناك الجميل ده .. لك كل تحياتي واشواقي ..
تحياتي : ياسر العيلفون
| |
|
|
|
|
|
|
|
|
|
Re: غصن الرياض المائد كلام ينتف عسل (Re: أبوبكر عبد القادر العاقب)
|
كلمات الشاعر علي المساح
+ + +
يا غصن الرياض المايد
يا الناحلني هجرك وانت ناضر وزايد
جافيتنى ليه أنا ليك رايد
يا غصن الريد المايد
ما اظن عن غرامك لو اموت لا احايد
سهران ليلى طايل و العينين صحت ما هجايد
تعبان قصدى ليمك انت ناضر و زايد
جافيتنى ليه انا ليك رايد
فى الجيل يا الجمالك سائد
عينيك ليك جنود وانت ليهن قائد
يا النافر جفيتنى بنظره ... لى ماك عايد
شوفتك زى هلال العيد وفيه اعايد
انا وحبك ترعرعنا ونشانا ندايد
من زمنا قبيل ايام قلال وعدايد
ما خلص القديم وتبين مصايب وجدايد
حن يا حبيب كفاى مر العذاب وشدايد
يا خُلاصة الحواري المن جِنان وخوالد
حُسنك ليك يدوم، لا أم تلِد لا والد
رافل في ظلال مجد التليد التالد
يا لابس العفاف حلي وعقود وقلايد
عانيت فى ليالى هواك صنوف واحايد
مشكلة بين هواى وجفاك وانت محايد
بس ما ذنبى صُغت النشيد ونشايد
فى مدحك بنيت قصر الرشيد الشايد
..
| |
|
|
|
|
|
|
|
|
|
Re: غصن الرياض المائد كلام ينتف عسل (Re: Osman Musa)
|
Wad Madani
Tourist boats on the Blue Nile at Wad Medani
Wad Madani
Location in Sudan
Coordinates: 14°24and#8242;N 33°31and#8242;E
Country Sudan
State Al Jazirah
Population (2008)
• Total 345,290
Wad Madani (Arabic: ودمدني Wad Madanand#299;) is the capital of the Al Jazirah state in east-central Sudan. [1] Wad Madani lies on the west bank of the Blue Nile, nearly 85 miles (136 km) southeast of Khartoum. [2] It is linked by rail to Khartoum and is the center of a cotton-growing region.[2] The city is also the center of local trade in wheat,[2] peanuts, barley, and livestock. It is also headquarters of the Irrigation Service.[1] In 2008, its population was 345,290.[1] It is the home of the Wad Medani Ahlia College, a private university.[3]
[edit]History
In the early 18th century, Wad Madani was a small Turko-Egyptian outpost, and grew rapidly following the 1925 Gezira Scheme of irrigation to stimulate local economic development.[2] Wad Madani is a commercial centre of the Gezira agricultural district and is mostly residential. Wad Madani has lively commercial activities with good souqs.
The beaches of Wad Madani are situated on the eastern river bank of the Blue Nile, which flows into Sudan from Ethiopia. The city's facilities are more modernized than most places in the Sudan (except the Khartoum area).
The University of al-Jazirah is also located in the area.[2]
The popular Sudanese singers Abdel Aziz El Mubarak, Mohammed Al Ameen and Ibrahim Al Kashif were born in Wad Madani. The center of the town's areas are the souq, Al Daraga, Al Gism Al Awal, Wad Azrag and the Sudanese District (formerly known as the British District).[citation needed]
| |
|
|
|
|
|
|
|
|
|
Re: غصن الرياض المائد كلام ينتف عسل (Re: محمد عثمان)
|
عزيزنا محمد عثمان
ياخ ليك حزمة ماكنة من الشوق والشكر .
أبوداوؤد عطشقي السكة الحديد يظل هو فنان الشعب الخالد .
لك الشكر أخي محمد وفي أنتظار د / طراوه ليحدثنا عن شهادة د / علي المك بعد سماعو
لكلام المساح عند الفنان رمضان زايد .
..
أرجو التكرم بجلبها بصوت المبدع المرحوم بابكر ود السافل .
| |
|
|
|
|
|
|
|
|
|
Re: غصن الرياض المائد كلام ينتف عسل (Re: ياسر السر)
|
عزيزنا الفنان ياسر العيلفون
سلامات
ياخ ناس العيلفون ديل فنانين من طرف .
أسأل أي زول فايت بالطريق في العيلفون عن ( أنا وحبك ترعرعنا ........ ) حيقوم يقلب هوبة وحيحيرك .
وحيقوليك المساح هو الطلق فيه نار الغناء . سيرة المساح يا ياسر في الدبيبة والعيلفون لا تنقطع . يا سلام
| |
|
|
|
|
|
|
|
|
|
Re: غصن الرياض المائد كلام ينتف عسل (Re: Osman Musa)
|
ازيك يا ابو عفان
الغنية دى واحدة من فلتات غنانا السمح
تعرف
مع انه مافى زول قاعد يطربنى بعد كرومة وابو داود
لكين لما اسمع غنية المساح دى عند رمضان زايد
بجينى طوالى شعور انى اقوم
ادردق بالواطا
والله جد
| |
|
|
|
|
|
|
|
|
|
Re: غصن الرياض المائد كلام ينتف عسل (Re: طارق ميرغني)
|
عزيزنا الفنان طارق ميرغني
سلامات
والله العظيم يا طارق حزين جدا لعدم سماعي لها بصوت
الرأحل الخالد أحمد ربشة .
ياخ قالوا شغل ربشة فيها يخلي المقابر ترجف .
دي محبة صادقة . وده تعارف تاريخي كبير ..
المساح يا طارق خلاف مسحو للقباحة . مسح الحدود والفواصل وأقام الجسور بين العالمين .
لك التحية .
| |
|
|
|
|
|
|
|
|
|
Re: غصن الرياض المائد كلام ينتف عسل (Re: أبوذر بابكر)
|
شاعرنا العزيز أبوذر
سلامات
عمك صعب يا أبوذر . عمك قطع حبلو من أمدرمان لودمدني فشان يرسم
زي هادا الرسم . الرسم الا ليه حد و لا ليه عد .
الزول بهل ألوان وصنوف من الحروف الجديدة ترقش وتتلاصف وتلمع وحتظل تلمع الزمن كلو ..
.. يا أبوذر قالوا الكلام ده قالو في وعلة حضرمية من بنات اليمن المهاجرين في مدني .
شوف يا أبوذر بيت التعارف .. البيت البقول ( أنا وحبك ترعرعنا وصبحنا ندايد ) وشوف الفلسفة في ( الزمن القليل
وسرعة المعرفة .. .. دي معرفة تاريخية يا أبوذر .. المحبة دي ما محبة الليلة ولا أمس ( الدم يحن يا بت )
والبلد دي بلدك يا بت العم :: ياخ ده جمال ما بعدو جمال وكرم في المحبة ما بعدو كرم .
المساح في البيت ده رجع في التاريخ رجوع بعيد نفس رجوع لا نقستون هيوز للنيل .
الأغنية فخيمة يا أبوذر وبعدين ود الشلك شتت علي العسل بهار عجيب ..
ياخ عليك الشيخ الجعلي تجي تاني .
| |
|
|
|
|
|
|
|
|
|
Re: غصن الرياض المائد كلام ينتف عسل (Re: Osman Musa)
|
كلمات الشاعر علي المساح
+ + +
يا غصن الرياض المايد
يا الناحلني هجرك وانت ناضر وزايد
جافيتنى ليه أنا ليك رايد
يا غصن الريد المايد
ما اظن عن غرامك لو اموت لا احايد
سهران ليلى طايل و العينين صحت ما هجايد
تعبان قصدى ليمك انت ناضر و زايد
جافيتنى ليه انا ليك رايد
فى الجيل يا الجمالك سائد
عينيك ليك جنود وانت ليهن قائد
يا النافر جفيتنى بنظره ... لى ماك عايد
شوفتك زى هلال العيد وفيه اعايد
انا وحبك ترعرعنا ونشانا ندايد
من زمنا قبيل ايام قلال وعدايد
ما خلص القديم وتبين مصايب وجدايد
حن يا حبيب كفاى مر العذاب وشدايد
يا خُلاصة الحواري المن جِنان وخوالد
حُسنك ليك يدوم، لا أم تلِد لا والد
رافل في ظلال مجد التليد التالد
يا لابس العفاف حلي وعقود وقلايد
عانيت فى ليالى هواك صنوف واحايد
مشكلة بين هواى وجفاك وانت محايد
بس ما ذنبى صُغت النشيد ونشايد
فى مدحك بنيت قصر الرشيد الشايد
..
| |
|
|
|
|
|
|
|
|
|
Re: غصن الرياض المائد كلام ينتف عسل (Re: السيد محمد علي)
|
| Quote: مشكلة بين هواى وجفاك وانت محايد |
ياخي والله المقطع المساح مسح بيهو كل مشاكل الدنيا في جمله واحده
اتخيل حجم المشكله هنا قدر شنو .. والاغرب استنساخ من المحبوب صوره ووضعها في خانة الحياد
دي مشكله تحتاج لي عقد قمه طارئه من اعضاء مجلس العشاق في كل الازمان
من امتع الاغاني واحبها لنفسي احملها في جوالي منذ اكثر من 3 سنوات ولا امل سماعها ابدا
كما قال الاخ ياسر عند الراحل محمود عبد العزيز بالعود لها طعم اخر
ومن الاغنيات التي اخرج فيها محمود كل طاقته الفنيه
قبل اسبوع تم بثها في قناة النيل الازرق في برنامج اغنيات من البرامج الذي يبث يوم الجمعه من كل اسبوع
وتحدث عنها مقدم البرنامج وبالتحديد ركز علي آداء ابو داؤود لها
وذكر طرفة حين قال :
احد المتيمين بي ابي داؤود يقول حينما يردد ابو داؤود مقطع ( تعبان قصدي ليمك )
تقرب تتصل بالاسعاف عشان امشي احصلو
لانو بتحس انو ابو داؤود تعبان بحق وحقيقه
شكرا صاحب البوست وضيوفه الكرام علي هذه الاختيار الراقي
ودعواتنا بالرحمة والمغفرة للمساح وابو داؤود ورمضان زايد ومحمود وكل الذين تغنوب بها من الراحلين
وللحيين منه موفور الصحة والعافيه
| |
|
|
|
|
|
|
|
|
|
Re: غصن الرياض المائد كلام ينتف عسل (Re: أبوبكر محمد عثمان)
|
عزيزنا الباحث والمؤرخ د / أحمد القرشي
سلامات
حدثنا عنه وعن سيرته يا أحمد ..
حدثنا عنه وعن تجربته التي أنطلقت في أواخر العشرينات
كما يقول المرحوم الطيب محمد الطيب .
حدثنا عنه وعن مساهمته في خلق تلك اللغة الشعرية الجديدة و المختلفة .
حقيقة المساح ثورة ومنارة من منارات الشعر الشاهقة يا أحمد .
وحدثنا عن رمضان زايد وعن التحليق المجنون .
أرجو التكرم بالحديث عنه ,, عليهم جميعا الرحمة
لك التحية ولك الشكر
| |
|
|
|
|
|
|
|
|
|
Re: غصن الرياض المائد كلام ينتف عسل (Re: أبوبكر محمد عثمان)
|
عزيزنا أبوبكر محمد عثمان
سلامات
أبو داؤود حقيقة عاش الدور وأبدع في تمثيل حالة المساح في لحظة حوارو مع المحبوبة .
اللحظة المجنونة المتعبة ..
وكدي يا أبوبكر حاول نط من تعب أبو داؤود دقيقة وتعال أسمع عوض أحمودي بعمل في العود شنو
في مقطع ( تعبان قصدي ليمك ) حولا .
أحمودي يا أبوبكر ضحك لما سألتو عن سر ألحاح العود في ( قصدي ليمك )
ألف شكر أخي
| |
|
|
|
|
|
|
|
|
|
Re: غصن الرياض المائد كلام ينتف عسل (Re: Osman Musa)
|
كلمات الشاعر علي المساح
+ + +
يا غصن الرياض المايد
يا الناحلني هجرك وانت ناضر وزايد
جافيتنى ليه أنا ليك رايد
يا غصن الريد المايد
ما اظن عن غرامك لو اموت لا احايد
سهران ليلى طايل و العينين صحت ما هجايد
تعبان قصدى ليمك انت ناضر و زايد
جافيتنى ليه انا ليك رايد
فى الجيل يا الجمالك سائد
عينيك ليك جنود وانت ليهن قائد
يا النافر جفيتنى بنظره ... لى ماك عايد
شوفتك زى هلال العيد وفيه اعايد
انا وحبك ترعرعنا ونشانا ندايد
من زمنا قبيل ايام قلال وعدايد
ما خلص القديم وتبين مصايب وجدايد
حن يا حبيب كفاى مر العذاب وشدايد
يا خُلاصة الحواري المن جِنان وخوالد
حُسنك ليك يدوم، لا أم تلِد لا والد
رافل في ظلال مجد التليد التالد
يا لابس العفاف حلي وعقود وقلايد
عانيت فى ليالى هواك صنوف واحايد
مشكلة بين هواى وجفاك وانت محايد
بس ما ذنبى صُغت النشيد ونشايد
فى مدحك بنيت قصر الرشيد الشايد
..
| |
|
|
|
|
|
|
|
|
|
Re: غصن الرياض المائد كلام ينتف عسل (Re: يحي قباني)
|
يا ود موسى : سعر إغلاق عالي .. خام برنت .. بحر الشمال
.. الحق يا نصري : جيب من جوه .. لقاء المبارك إبراهيم مع علي المساح 1956
و شوف لزمة كرومة عند الصبية الحلوة / أفراح عصام
لزمة الرشيم الأخدر .. في الخديد الأنضر ... فك بيها كرومة مازق خماسي السودان مع تفعيلة عتيق الجديدة
ود قباني يأتيك بالنوابل ... عملا بقول ود الرضي : تلك المحيا .. الهلكت يحيى .. حاجة تمام ... و طير يا منام
| |
|
|
|
|
|
|
|
|
|
Re: غصن الرياض المائد كلام ينتف عسل (Re: أحمد طراوه)
|
عزيزنا طراوه
يا سلام عليك وعلي الاخبار الحلوة .
لقاء المبارك عديل ؟؟؟؟ 1956 ؟؟ يا الله .
..
عاين يا طراوه
الزول الكان داير يتصل بالاسعاف بعد ما سمع أبو داؤود في مقطع ( تعبان قصدي ليمك ) سمعتبو ؟؟؟؟
| |
|
|
|
|
|
|
|
|
|
Re: غصن الرياض المائد كلام ينتف عسل (Re: Osman Musa)
|
بلاغ لمن يهمه الأمر :
بهذا نعلنكم جميعا بان تركة المبارك ابراهيم و دمتري البازار قد الت شرعا لصالح
أبو الفرج الأصفهاني السوداني / صلاح النصري المستقر حاليا بولاية كنتاكي
نطالب ابو النصري، نحن معجبي علي المساح بسرعة فرز حقوقنا الجماهيرية بدء بالأغاني التالية :
- طول يا ليل على الباسل ( بطريقة أبو داود)
- زمني الخائن ما بدورلو شهود ( بطريقة النيزك السوداني / محمود عبد العزيز )
- بالله يا نسيم الربا ( بطريقة الشيخ طه / بادي محمد الطيب )
اعصر على أبو النصري يا يحيى، حيث كنوز الملك سليمان : يا سارية الجبل
خالص التقدير لزوار بوست ود موسي ( عالي الإغلاق )
| |
|
|
|
|
|
|
|
|
|
Re: غصن الرياض المائد كلام ينتف عسل (Re: أحمد طراوه)
|
عزيزي د / طراوه
في سنة 1997 في ركن من أركان الشارع الخامس في مانهاتن ألتقيت 3
أفراد من أسرة دمتري البازار .
تخيل يا أحمد نفس الأسرة دي هي الساهمت بقوة في نهضة الغناء في نيويورك .
..
مسكين السودان يا أحمد حاجاتو السمحة تروح ساكت .
وقصة روحان الحاجات التاريخية دي أتكلم عنها الكاتب العظيم الطيب صالح في الصفحات البتكلم
فيها عن تكسير التماثيل الانجليزية في الخرطوم وتركها وأقفة تحكي عن التاريخ في نيودلهي الهند .
..
بلد فيه متل ده الشعر ومتل دي الفنون كان يجب أن يكون بلد شامخ و محترم .
| |
|
|
|
|
|
|
|
|
|
Re: غصن الرياض المائد كلام ينتف عسل (Re: يحي قباني)
|
عثمان النديان التريان الفنان
بلا حليفة بجى
وكل ساعة والتانية قاعد اجى اسمع وادردق
وامش
ههههههههه
تعرف
صديقنا وحبيبنا معتصم الشبلى
حفيد مطرب مدنى الأول الشبلى، وبرضو معتصم فنان طروب ورث التطريب من جده
ولاعب كورة ممتاز كمان، ناس مدنى الهنا أكيد بعرفوه
معتصم كان بحكى لينا كتير عن جده وعن المساح وعن الكاشف
وياما سمعنا منه وطربنا بالكلام عن الناس العباقرة ديل
كنا دائما لما نلقى فرصة نتلم معاه ومعانا الأحباب والصحاب، بدر أبو العاص ومحجوب عثمان "الضب" وأحمد الدحيم ود عمك النو اخو عثمان النو، وكل واحد من ديل كمان فنان
نقعد بس للونسة والضحك
واريتها ونسة حبيبك
بجيك تانى يا ابو عفان كان لقيت لى فرقة
| |
|
|
|
|
|
|
|
|
|
Re: غصن الرياض المائد كلام ينتف عسل (Re: أبوذر بابكر)
|
عزيزنا ملك الدردقة في غابات المحلب أبوذر
سلامات يامك
يا أبوذر صاحبك طراوه ماحيقيف من المطالبة للنصري .
نفس مطالبة مارتن لوثر بالحقوق المدنية .. كل شيء حيرجعلك يا أبوذر .
..
هسع يا أحمد طراوه عليك النبي لو جابو ألف فنان زي جاستين بيبر ده فيهم
وأحد بقدر علي لزمة الرشيم الأخدر ؟؟؟؟؟
| |
|
|
|
|
|
|
|
|
|
Re: غصن الرياض المائد كلام ينتف عسل (Re: Osman Musa)
|
لزمة افراح عصام ماركة كرومة
اصل الحكاية : انو كرومة عمل تلك النقلة على مرحلتين
- في المرحلة الاولى، اغنية عمر البنا، زيدني في هجراني : فارق طريقة اولاد
التومة وساب ملازمة عبد الرحمن حمامتي، و اعاد تطوير و مراجعة ميراث الملودي الجاي
من امو رائدة الطرب الامدرماني ( مستورة بت عرضو)
- المرحلة التانية، الرشيم الاخدر:
لاحظ كرومة إنو شعر عتيق (التفعيلة الجديدة، الرايم الجديد, التدويرة)،
بالضرورة هكذا نوع من الشعر، حيغير مسار الجملة الموسيقية كما كانت عند سرور، و برهان،
و الأنسة فضيل الله، و علي الشايقي، هنا يالضبط كرومة ميز جيدا بين النقرزان الخفيف، و بين
النقرزان التقيل الاول كما في اغاني عبد الرحمن الريح الاولى : خداري، و جاني طيفو طائف
بهذا نعلنكم، اننا قررنا تتويج افراح عصام بوصفها ماريا دي باروس السودان،
و مُجددة لزمة كرومة، كما فعلت بالضبط في استخدام تلك ال (أه) ماركة كرومة في الإستنزا
التانية الوارد فيها عبارة : تعبان قصدي ليمك
يحي قباني : جيب لينا نموذج لغناء دي باروس المشحون باللزمات ال Afro-atlantic
دي باروس شالت فلامنكو الاسبان، لمتو على بلوز رقيق السنغال وشمال افريقيا،
و ختت على هذه الخلطة بهارات الالات الموسيقية لجزر الراس الاخضر
| |
|
|
|
|
|
|
|
|
|
Re: غصن الرياض المائد كلام ينتف عسل (Re: Osman Musa)
|
السر قدور مرة قال، نقلا عن البنا، إنه اغنية " نسايم الليل" لو ودوها بنك الغنا وفكوها ممكن تجيب عشر اغنيات صعبة. والنصيحة لله يا عثمان اخوى قصيدة المساح دي – عليه شابيب الرحمة - لو فكوها ممكن تفلس بالبنك وتلحقو ناس ليمان براذرز.!
لسوء الحظ ما عندنا جوائز للقصائد زي جائزة "غرامي" وكده وبنكتفي، في اغلب الاحيان، بالتوثيق في الصدور الكاتمة الاسرار.وإلا لكان عنوان القصيدة بس حاز على عشر جوائز غرامي.
" غصن الرياض المايد".
بزخ جمالي ما عادي كلوكلو.
مشكور حبيبنا عثمان لكن زي ما قال ليك الاخ ياسر العيلفون" يوم كده ممكن ترتكب ليك مجزرة"!
محبتي لك ولضيوفك.
| |
|
|
|
|
|
|
|
|
|
Re: غصن الرياض المائد كلام ينتف عسل (Re: Osman Musa)
|
عثمان موسى كفانا مر العذاب وشدايد عليك الله .. ياخ ده كلام عجيب ,, بس عليك الله اسمعها عند المرحوم الفلته محمود عبد العزيز رحمه الله وتعال لي راجع ...
تحياتي : ياسر العيلفون
تخريمه : في محاولات من شباب العيلفون هناك اني اجيكم زيارة غايتو لو جيت يا عثمان الله قال بي قولك معاي .. غصن الرياض دي بغنيها ليك علشان ترجعك ...........تاني ذي ما قال ابو داؤود
| |
|
|
|
|
|
|
|
|
|
Re: غصن الرياض المائد كلام ينتف عسل (Re: ياسر السر)
|
الطيب صالح
“ثلاثون عاماً. وأشجار الصفصاف تبيض وتخضر وتصفر في الحدائق، وطير الوقواق يغني للربيع كل عام. ثلاثون عاما وقاعة البرت تغص كل ليلة بعشاق بيتهوفن وباخ. البحر في مده وجزره في بورتمث وبرايتن، ومنطقة البحيرات تزدهي عاماً بعد عام. الجزيرة مثل لحن عذب، سعيد حزين، في تحول سرابي مع تحول الفصول. ثلاثون عاماً وأنا جزء من كل هذا، أعيش فيه، ولا أحس جماله الحقيقي.”
...
80 عاما يا د / طراوه
80 عاما يا د / طراوه وساحات بيت المال والموردة ومدني تغص بعشاق شعر المساح .
البت أفراح يا أحمد ليها حق تبكي في الأغنية وتبكي العالمين ..
أحكي عنه يا أحمد . و أحكي عن تلك الجلسة التاريخية . يا سلام
| |
|
|
|
|
|
|
|
|
|
Re: غصن الرياض المائد كلام ينتف عسل (Re: Osman Musa)
|
الفنان يا سر العيلفون
اليوم دأك حيتفرش ليك السجاد الاحمر في مطار الجي أف كندي .
قبيلة من عيال العيلفون والدبيبة في أنتظارك . والله يا ياسر أهلك تب ماهن هينين .
في هادي البلاد الحبيبة . وكلهم ناس قدامية .
كنت متمني يا ياسر أسمع غصن الرياض بصوت عمك بركات ربنا يديه الصحة .
| |
|
|
|
|
|
|
|
|
|
Re: غصن الرياض المائد كلام ينتف عسل (Re: Osman Musa)
|
اشكرك كتير يا اخ عثمان وربنا يجمعنا في ساعة خير ان شاء الله .. اما عن اخوتي واخواتي ابناء العيلفون والدبيبة الذين بطرفكم فهم كلهم من ابناء عمومتي وابناء اخوالي ولي معهم ذكريات جميلة وكثيرة .. واشكرك ايضا على هذا المدح وهذا الثناء في اهلي الطيبين وهذا ديدننا نحن ابناء الشيخ إدريس ود الارباب في كل بقاع العالم من يعاشرهم لا يفارقهم ابدا فهم نجوم ساطعه نسال الله ان يديم عليهم هذه النعمة وان يردهم سالمين غانمين وهم بالمناسبة كلهم فنانين بالفطرة وقد تكون لمست ذلك في قربك منهم .. على العموم ارجو ان تبلغهم سلامي نفر نفر وقول ليهم ياسر عبد القادر السر بيغريكم السلام من بلاد الحرمين الحبيبة وقول ليهم شدو حيلكم معانا شوية ..
اما عن سماع الاغنية بصوت كروان الحقيبة وشيخها مبارك حسن بركات فهذا شي لا نقدر على تحمله يا عثمان الراجل ده بحر بتاع حقيبة عديييييييييييل ربنا يديه الصحة والعافية واوعدك اذا تحصلت لاي تسجيل لهذه الاغنية بصوته لارسله لك في البلد البعيد داك بس رسل حق الارامكس هههههههههههههه.
تحياتي : ياسر العيلفون
| |
|
|
|
|
|
|
|
|
|
Re: غصن الرياض المائد كلام ينتف عسل (Re: Osman Musa)
|
ود قباني يحي،
في إكرام ناس ياسر و أصدقاء عثمان موسى
شوف لينا أغنية ( العيلفون جنة عدن) شعر الخليفة / احمد حسين العمرابي
كان بطريقة الجنة حمد، كان بطريقة بشير الرباطابي، كان بطريقة مبارك حسن بركات
لازلت في مفاوضات شرسة مع صحبك ود النصري حول سيرة ( الطيب انجليزي)
و لازالت كروت و أوراق المساح بحوزة أبو الفرج الأصفهاني السوداني، صلاح النصري منسوب كنتاكي
جاء في الأثر أن الطيب انجليزي هو من لحن و أدى مبكرا أغنية الشاغلين فوادي
ساعود لتلك المناشدة التاريخية The historical Fraternal Resolution a
التي أطلقها علي المساح في اغنية الشاغلين فوادي .. مناديا أخوهو محمد عبد الله الأمي
| |
|
|
|
|
|
|
|
|
|
Re: غصن الرياض المائد كلام ينتف عسل (Re: Osman Musa)
|
نغيم فاهك يا أم زين دواى
شفاى البجبر........ قواي
يا أم حبا ردف...... تواى
كمل صبري وزود هواي
رقى رقى جودي بدواى
ظمأى بعدك وقربك رواى
أقيم ليلى واحسب سهاى
يغيب عقلي وافقد نهاي
وفى جسمي ظاهر وهاى
اسعفينى دنا .....انتهائى
ذكرت البين ليه ياغراب
صياحك يافراق يا خراب
ديار أم زين كانت قراب
غبن بانن في... السراب
البدر محيك وشعرك كليل
يميل خصرك منه العليل
تقل ردفك لاعضاك فليل
قتيل حبك ودمعي الدليل
رق جسمي وصابه انتحال
على حبك حمل الرحال
ومن بعدك أنا حالي حال
يالقمره وصالك محال
أنا أعيد الحب من جداد
أنا الحافظ حق الوداد
أنا الهائم والناس شداد
أنا اللابس توب الحداد
أنا الكاتم السر ما حكي
أنا الحاضن البلا ما اشتكى
أنا الحجة بحل مشبكا
أنا المساح دمع البكا
| |
|
|
|
|
|
|
|
|
|
Re: غصن الرياض المائد كلام ينتف عسل (Re: Osman Musa)
|
عاين يا طراوه
زولك في ( نغيم فاهك يا أم زين دواي )
وتابع البيت البقول : قتيل حبك .. ودمعي الدليل )
عليك الله شوف الزول ده خيالو بكسع وين .. دي مناطق بعيدة يا طراوه
ده ياهو ال DEATH PENALTY البتتكلم عنو الأفلام الأمريكية .
| |
|
|
|
|
|
|
|
|
|
Re: غصن الرياض المائد كلام ينتف عسل (Re: يحي قباني)
|
الشفيف احمد طراوه لك الشكر الجزيل على نبش هذه الأغنية الخالدة في وجدان كل اهل العيلفون فمناسبة هذه الاغنية ان شعراء وفنانين ام درمان قد حضرو في زواج جدي أحمد دفع الله الدخيرة والد الاعلامي الضليع الخال خلف الله احمد دفع الله الدخيرة رحمهم الله وكان زواجه زواجا مميزا لانه استمر لعدة ايام وتنافس فيه المغنون والشعراء في نظم واداء الاغاني في ليالي لم تجود العيلفون بمثلها منذ ذاك التاريخ حسب ما روي لنا من اباءنا وامهاتنا المهم الاغنية كانت وليده اللحظة في تلك الحفلة ولان الشاعر قد اعجب باهل العيلفون وما لاقاه من حفاوة واعجب بحسان العيلفون اللائي انشد فيهن شاعرنا الجاغريو وود الرضي عدد كثير من القصائد المعروفة والتي تذخر بها مكتبة الغناء السوداني والاذاعة السودانية فقد كان ميلاد اغنية العيلفون جنة عدن في هذا الزواج الجميل وهي من الاغنيات التي تتميز بالوصف الجميل المموسق ,, إلى ان ختمها شاعرها بقولة ( ملك السعادة كتب ختم وقال الدخيرة سرورو تم )
وخير من يؤدي هذه الاغنية هو عمنا شيخ فنانين الحقيبة مبارك حسن بركات اطال الله في عمره ومتعه بالصحة والعافية ..
شكرا جميلا استاذنا يحيى قباني على هذا الإمتاع الجميل ويا ريت يكون عندك عدد من الاغاني التي كتبت وصيغت في مناسبات العيلفون المختلفة وانت ادرى بها لتزودنا بها ، وزيدنا من دلك شوية ،،،
وافر تحياتي ومحبتي لكم جميعا ..
ياسر العيلفون
| |
|
|
|
|
|
|
|
|
|
Re: غصن الرياض المائد كلام ينتف عسل (Re: Osman Musa)
|
أعنية الشاغلين فؤادي تغنى بها فنان مدني الشبلى و سجلها بالريق للإذاعة إبراهيم الكاشف وأيضا تغنى بها مبارك حسن بركات وبادي محمد الطيب.وأورد معاوية حسن يس في كتابه تاريخ الغناء في السودان إن هذه الأغنية أول من لحنها وتغنى بها فنان من مدني اسمه الطيب الانجليزي ومصدر معلومات الكاتب برنامج حقيبة الفن الذي قدمه المبارك إبراهيم عام 1963 مع الشاعر المساح. والأعنية من أغاني المجاراة حيث جارى بها الشاعر المساح اغنية محمد ودالرضي الناحر فؤادي لذلك يمكننا ان ننسب اللحن للحاج محمد احمد سرور
الشاغلين فؤادي وتايهين فايقين
يفت البى ذارف دمع المايقين
*******
تال القبلة شايف لي برقا لمع
والصيد في الخما يل ياناس اجتمع
قوموا يا أحبة نسترق السمع
ما يطيق القعدة والمايق دمع
*********
البلابل صاحت في الليل الهجيع
سهرانات عيوني وجافيت الضجيع
من الحاله ديه اولا لي النجيع
وا حسرة شبابي الما لقيت لي وجيع
******
كلف احبابى لي يا مولاي قدروا
انسلبت لحومي واعضائى خدرو
لاموني العوازل بى حالي ازدروا
هم تايهين دلالن ساهين ما دروا
********
سامرت الكواكب لما الفجر لاح
منادى الفجر نادى وقال ياهل الصلاح
صلوا الوقت حاضر قام أهل الصلاح
وانا الليل قايمو لا خيال لي راح
******
النسيم عاودني أقوم من نومي تاب
مدهوش فكرى حاير مشطوب انشطاب
يا نسيم بلاهى جيب رد الخطاب
اوع الجاهلة نية وما بتحمل عتاب
*******
حليل القدرو سامي فوق الجيل فريد
حليل روحي بقت ليه طوق في الوريد
بكتب ليه خطابي وعذري عذر مريد
يا نسيم بلاهي طبق ليه البريد
***********
انكسرت اعضائى من كسرة الولوع
وابكي العبره خانقه وانا ليها البلوع
أصبح قلبي يرجف خلى من الخلوع
يا ناس روحي شاهقة هيه ناوية الطلوع
*********
جمر الحب ده ولع حفيان ماش عليه
ماذينى الضنى وانا صابر عليه
حالته كئيبة أخوك يا محمد على
وناظم القول أخوكم المساح على
| |
|
|
|
|
|
|
| |
Osman Musa
خالد علي محجوب المنسي
ابراهيم الفاضل
محمد الكامل عبد الحليم
حمد عبد الغفار عمر
هاشم محمد الحسن عبدالله
يحي قباني
إبراهيم عبد الحليم
طه داوود
سيف الدولة كامل
عبيد الطيب
Hafiz Bashir
أحمد طراوه
مجاهد محمد الهادي
ياسر السر
محمد النيل
أبوبكر عبد القادر العاقب
أبوذر بابكر
معاوية المدير
Ahmed al Qurashi
الفاتح ميرغني
فيس بوك
تويتر
انستقرام
يوتيوب
بنتيريست