|
|
 تعال أنضم لحزب الاسيء والالم دا أمكن تحقق حاجه أو تفارق!؟#
|
اهلا بيك معانا في حزب المجانين والتعساء دا حزب كبير وجامع لا فيهو نافع ولا الصادق ولا كمال عمر وكمان ما معنا الشيخ المأسورة الترابي ولا راسمالية و لا رجال دين من العصور المظلمة انا مؤسس الحزب دا مجنون وتعيس لكين مواطن صالح و إنسان ويمكن اكون زول وهم لكين قدرت أسس حزب كبير لا فيهو رسوم عضوية ولا مؤسسية ولاتسلسل تنظيمي بس تعال سوي وسواتاك كلهم بيتكلم مرة واحدة وينبذوا وكمان مضاربات والصوتو كبير وهو السموع اتمرمطت و شفت الويل في البلد دي بس صابر كل يوم أقول أمكن الحال ينعدل مع كوم المجانين ديل لكين الوضع ماشي دون بطريقة عجيبة جدا وشفت ناس البلد دي اشكال و الوان أخر جن وهباله وكمان أستسلم بس الواحد تقول ميت وداسوا عليهم بالجذم والصرم في بعض الاحيان كمان تكون الاهانة رهيبه حتي الحمار ما يقبل كدا دا شنو يعني خلاص متنا اه انا تعبان شديد بس مامعايا سلاح وكمان ما بعرف أستعمل أي نوع من الاسلحة جنان مش كدا سلاح لو مامعاك ح تعمل شنو تبقي انت ال######## كدا طول العمر أيوة مجنون ومعي لسان بس الحل شنو م قادر اغير حاجه بس اقدر اتكلم وأقول ديل حراميه ودا ما عاجبني بقوله في وشهم بدون خوف تعالوا نفكر بالمنطق كدا نحن خايفين من شنو انت خايف ليه ماالعمر واحد دا عمر دا ياخي بلا هم و أنت ما قادر تكون فاعل في أي حاجة وغالبا تكون عايش عيشة كلاب وأحسن تموت موتة رجال اوعي تخليهم وتقول تعدي كدا و خلاص أقصد حياتك حياتنا دي فرصه و احده و استغلها و اثبت وجودك خليك من المنطق سيبك من المنطق بتاع المثقفا تيه الوهم ديل قالوا أعتدال ياخ قوم لف أنا كرهت الاعتدال شوف وصلنا وين حتي الاكل بقي في مشكلة خليك علي طبيعتك بالله قول رايك و انقد اسخر ونبذا بطول حسك أيوة أسخر من كل شيء حتي الرموز الهامة في حياتك عشان تتحرر من أوهامك و حتي نفسك المريضة الحرامي قوله يا حمار أفندي أنت سرقتني والسياسي قوله يا عوير والله ضيعت عمرك في الفراغة ما عايز اطول أكتر من كدا اللي ما عايزمنك غير تكون معي في الحزب دا و أتغيير زي كدا أو أحسن تفارق بالمطار بالميناء بالكرعيين بأي طريقة بس أنت وهو تسيبنا وتتخارج يا خ خلاص تعبنا منكم ومن عمايلكم بس فارق نحن ما عايزين حاجة غير نصحي الصباح تكون مرقت بالله أسمع الكلام عشان أعصابنا بجد تعبت وكرهت نفسي والبلد والناس وأي حاجة بس أنشالله تفهوا !!!!!!!
|
|
  
|
|
|
|
زهير عثمان حمد
فيس بوك
تويتر
انستقرام
يوتيوب
بنتيريست