كل سنة وانت طيب حبيبى كل سنة واحمد طيب وام احمد طيبة عربون صداقة جديد لعام جديد
زواج اغريقى بملامح سودانية فى كريت
مساء الاحد من عام انصرم فى القرن الماضى ،كنا مدعوين لحضور زواج يونانى كامل الدسم لكنى وجدت تشابها كبيرا بين الاطعمة وطرائق العيش فزواجهم نسخة مكررة من طريقة زواجنا فى الشمال على نحو خاص لانى اجهل ما يجرى فى بقية اجزاء الوطن فى جزيرة كريت كان مساء مثل كل الامسيات ممتلئا بالرطوبة ودبقها الكسلان لكن ثمة نشاط كان يدب فى مكان اخر من تلك الجزيرة كنا مدعوين له لحفل زواج اول ما لفت نظرى كان مشهد العرس نفسه المكان فى مكان عال كما نفعل فى افراحنا الحفل ثمة مسرح منصوب والطاولات ممتدة تحيطها الكراسى كنا فى المطبخ حيث صديقتنا ماريا مناتاكى وزوجها عبد الرحمن الحشاش كانا من اصدقاء العريس دخلنا المطبخ لاعداد العشاءالذى كان يشابه عشاء الافراح فى الزواج فى السودان ـ زمان ـ صينية كبيرة،تمتلئ بالماكولات ، لحم محمر ، بطاطس مقلى ،طبيخ الباذنجان ، البامية ، كمونية على الطريقة اليونانية ، وهم يفروهاويقدمونها شوربة يعقب ذلك صينية اخرى ممتلئة بالبطيخ والباسطة والشمام بعد العشاء تحس ان هذا العرس فى مدينة شندى او غيرها تجد الغناء اشتعل والناس قيام من مقاعدهم للرقص وتسمع اصوات البنادق تنطلق فتحس انك فى مدينةشندى او امدرمان يغنى المغنى وترقص الجموع فرحا فى اخر المطاف ترى العريس (يبخ عروسه بالعسل) ، ويشربان معا منها)كما نفعل نحن فقط الاختلاف لدينا اننا نتعاطى اللبن فى مقام العسل لديهم ويزف العروسين مغنى الحفل فينتقلان الى سيارة تنقلهما لبدايةٍ شهر العسل
12-29-2012, 07:04 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: بعد العشاء تحس ان هذا العرس فى مدينة شندى او غيرها تجد الغناء اشتعل والناس قيام من مقاعدهم للرقص وتسمع اصوات البنادق تنطلق فتحس انك فى مدينةشندى او امدرمان يغنى المغنى وترقص الجموع فرحا فى اخر المطاف ترى العريس (يبخ عروسه بالعسل) ، ويشربان معا منها)كما نفعل نحن فقط الاختلاف لدينا اننا نتعاطى اللبن فى مقام العسل لديهم ويزف العروسين مغنى الحفل فينتقلان الى سيارة تنقلهما لبدايةٍ شهر العسل
مافي واحد انجلد ( بطان )الحبيبة سلوم كل سنة وأنت طيبة وعام جديد وعمر مديد وصحة وعافية والباقي هين وكلو بجي بعد الصحة والعافية
صدقيني أسعدني بداية بمداخلة زولة عزيزة شديد ولها وقع خاص في القلب وانشرت بين حنايا الأحساس مشاعرا حلوة نحملها أعنية صادقها نرددها كلما زاد كدرنا في هذه الدنا سلوم تعرفي البعجبني فيك شديد صدقك لم ترتاحي لشخص وكذلك وصفك الجميل اسلوبك
فلو وصفتي لي الموت اشتهيته وتمنيت ان اموت ومودتي لك الحبيبة سلوم لا حدود لها ومتفائل في هذا البوست الجديد بقدومك المبكر ربنا يحفظك ويرعاك ويحفظلك الحلوين عزة والصغار ( طبعاً بعرف انه واحدلكن ارجح في انقطاع الاخبار بيننا ممكن يكون زاد ) تحياتي ومودتي
12-29-2012, 08:48 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
ربنا يجعل كل ايامنا فرح وسعادة ومنانا لمن نعرفه ولا نعرفه الفرح والسعادةفي الدارين
وقلب جديد
القلوب بين يدي الرحمان يقلبها كما يشاء .. نسأل الله أن يثبت قلوبنا على طاعته وحبه وحب خلقه كما كنا وان لا يفتننا في ديننا ودنيانا أبدا
ووضاحة جديدة كمان
وأما وضاحة مكانه في القلب عزيزة لا يتبدل أبداً وكفانا وضاحتنا القديمة مرأة في صفاتها بحق وحقيقة ونسأل الله ان يحفظها ويحقق كل مناها في الدنيا وسنة عامرة بالفرح والسعادة لها يا رب
اخي شيقوق كل سنة وانت طيب وربنا يجعل ايامك سعادة وفرح
12-30-2012, 02:59 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
كرسى الباص هذا الصباح خرجت لموعد مع الطبيب فى مستشفى المدينة ،لم أكن معنية كثيرا بالتفكير فى امر الجراحة التى ستجرى لى بعد ذلك ،حيث كنت اكثر ما أهتم به فى تلك اللحظة هو ان اجلس فى حمامى الشمسى الذى نصحتنى به جوليا الطبيبة المسؤولة عنى ، وهى كانت قد طلبت منى ان اجلس فى الشمس متى كان ذلك ممكنا ، جلست إذن فى محطة الباص ، فى أريكة خشبية ، كنت وحدى التى تنتظر الباص ، تحت صهد الشمس تماما فلم يكن ثمة مظلة تقى من الصهد وألسنة الشمس ،رغم انه الصباح والساعة التاسعة صباحا ، لكنه الخريف بشمسه اللافحة الحارة ، أعرف أن الباص سيجئ عند التاسعة والنصف بالتمام، إذن لا باس بحمام شمسى ، عبر محل جلوسى رجل يرتدى ملا بس صيفية "شورت كاكى وقميص بنصف كم لونه ازرق ، وحذاء رياضى " بعد أقل من ربع ساعة عاد من حيث كان ، وسالنى وهو ماشى "ما تزالين هنا ؟ الايضايقك الجلوس تحت الشمس هكذا ؟" لم ارد عليه لانه كان سريع الخطى ، ربما ليتجنب اشعة الشمس التى حذرنى من سخونتها ... جاء الباص إذن فى موعده بالضبط التاسعة والنصف ، فتح السائق الباب ، رميت بعد ان صعدت عتباب الباص الخفيضة رميت الاجرة ، وجلست الى مقعد قريب من الباب ،لكنى "ندمت " حيث كان ثمة فتاة تتحدث بصوت عالى فى تلفونها الجوال ، رغم التحذير المكتوب فى مقدم الباص عن عدم التحدث بصوت مسموع ، وهو امر اثار حفيظة الركاب من حولها ، لكنها لم تبال قط ، ترنح الباص فجأة ، ربما بسبب ان السائق كان لديه رغبة قوية ان يلتفت ويتحدث للراكبة عن امر تخفيض صوتها ، لكنه لم يفعل ، بل انه كان فى تلك اللحظة يحاول الى تجاوز سيارة كانت امامه ظهرت بغتة ، لحظة الترنح تلك أمسكت بيد الكرسى الكان أمامى تماما ، انتقلت الان من يد الكرسى وبها الى حيث عملت أول مرة حين وصلت الى مدينة ايوا ، كان ذلك فى مصنع للبلاستيك ، كانت من اصعب المهن التى اشتغلت فيها ، لكنها منحتنى تجربة جديدة وتعارف مع اناس جدد ، بكل سحناتهم ، والوانهم ، وطرقهم فى الحياة،لكن ما كان يؤلمنى فى تلك التجربة ، ان العمل فى المصنع كان يبدأ فى العاشرة مساء ، أكون قد وصلت البيت فى تمام الساعة الثامنة والنصف ـ تجئ الى بيتى تلك الفتاة المكسيكية ، التى كانت تقلنى معها الى المصنع ، فى المصنع كان علينا ان نستخرج من الافران عالية الحرارة مصنوعات من البلاستيك بطبيعة الحال ، منها أيادى الكراسى فى الباصات ، السيارات ، والمقاعد ، تلك المقاعد المتحركة ، كنا نصنع لها الايادى والارجل " الوان من المصنوعات البلاستيكية، لكنها كانت تؤلم لحظة ان تستخرجها من الفرن الذى كانت درجة حرارته لاتقل عن درجة بركان ، هكذا كنت اتخيلها لما عليها من حرارة ، كنا نرصها فى طاولات تشبه طاولات الافران المعدة للرغيف ، لكنها اكبر ، وعلينا بعد أن نستخرجها من ذلك الفرن ، أن نقوم بتشذيبها أن تصادف وكانت فيها بعض الاطراف الزائدة ، منحونا لاجل ذلك الغرض "قلامة " كبيرة ، ومقص ومفكات لتصليح الماكينة ان تصادف وتعطلت .. لكنى بعد اسبوعين كاملين ، وجدتنى لا اقدر على العمل فى وظيفتين ، فتركت العمل فى المصنع وابقيت على العمل فى المستشفى ، أطرف ما كان يحدث لى اثناء عملى فى المصنع ، كنت إذا ما انتصف الليل ، وأدار احد رؤساء الوردية الاذاعة او المسجلات، لتذيع لنا اغنيات تعيننا على الصحيان ، سواء كانت "كانترى ميوزك ، او موسيقى راب ، او ايا ما كانت تلك الموسيقى ، كنت اجدنى اسمعها اغنيات لزيدان ومصطفى سيداحمد وعركى البخيت وعثمان الشفيع ، كنت اتحدث اللغة العربية وكأنى اتحدث مع احد اعرفه ، النوم سلطان ، تركت تلك الوظيفة لانى خفت ان اقوم بقطع يدى أثناء استخراج المصنوعات من فرنها ...
من كتاب يوميات من بلاد العم سام
12-30-2012, 06:55 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
هههههههههههههههههههههههههههه فيسلوف يا شطة بس الحنابيك أسمها هنبوبة وجمعها هنابيك او البلونة وبلونة دي طبعاً كان الاسم الذي يطلقها عليها ناس الخرتوم
يا سلمى مرة فيسل وابن عمه كانوا في البلد ( حلفا القديمة ) وهم راجعين كان معهم جدهم ( جاي زيار الخرتوم ) ركبوا القطار من حلفا في الممشى لحدي ما الكمساري الحلفاوي ما يلقى ليهم قمرة في النوم فاضية المهم اي بنت جات مارة فيسل وابن عمه شاغلوها .. ( الجد مراغبهم ) بعد شوية جات مرة كبيرة لكن مهندمة وشايفة حالها .. قام الجد قال ليهم : يا أولاد دا خلو لي جدكم
العزيزة وضاحة وانت طيبة يا رب وتردحي في نعيم وسعادة غير منقطعة احلى تهنئة عام جديد تلقيتها فلك مني ومن كل قلبي أجمل الأماني لك بعام جميل فرح سعيد كله بهجة ومسرة يزيد جمال روحك جمال
وشكراً كتير على الأغنية التي تعد من عيون الشعر في الغناء السودان قائد ألاسطول
12-30-2012, 07:29 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: هذا الصباح خرجت لموعد مع الطبيب فى مستشفى المدينة ،لم أكن معنية كثيرا بالتفكير فى امر الجراحة التى ستجرى لى بعد ذلك ،حيث كنت اكثر ما أهتم به فى تلك اللحظة هو ان اجلس فى حمامى الشمسى الذى نصحتنى به جوليا الطبيبة المسؤولة عنى ، وهى كانت قد طلبت منى ان اجلس فى الشمس متى كان ذلك ممكنا ، جلست إذن فى محطة الباص ، فى أريكة خشبية ، كنت وحدى التى تنتظر الباص ، تحت صهد الشمس تماما فلم يكن ثمة مظلة تقى من الصهد وألسنة الشمس ،رغم انه الصباح والساعة التاسعة صباحا ، لكنه الخريف بشمسه اللافحة الحارة ، أعرف أن الباص سيجئ عند التاسعة والنصف بالتمام، إذن لا باس بحمام شمسى ، عبر محل جلوسى رجل يرتدى ملا بس صيفية "شورت كاكى وقميص بنصف كم لونه ازرق ، وحذاء رياضى " بعد أقل من ربع ساعة عاد من حيث كان ، وسالنى وهو ماشى "ما تزالين هنا ؟ الايضايقك الجلوس تحت الشمس هكذا ؟"
كنت أحذر اي مكان فيه الشمس طيلة اقامتي في بلاد الفرنج خوفاً من التعليق .زوفي يوم أغر وشمسه تلهب الوجه وشاح من سعير اصرت زوجتي ان اكون معهم في قيلولة المسبح التي كنت كل مرة اجد العذر عشان ازوغ منها .. في ذاك اليوم اصرت ألحت كل الصبيان معهم ابائهم واماهتهم واحمد كل مرة يمشي ( برا ) برا دي ولعت فيني نعرة جعلية وقت حرم الليلة امشي مع ابوحميد حتى ولو لسعتني ألسن المجريين الفصحاء ( ومع اني فصيح معهم بلغتهم وبقدر علي لسانهم ) لكن المسابح التشمس دي كنت اخشاها شديد المهم من دخلنا وأعينهم رجال ونساء تقول العب دا جاي يسوي شنو في واحد حرقتو قعدتي شديد لابس شورت وكمان متعري اعلى الجسم جاني عديل الزول دا وقال لي أنت داير تبقى شنو مارديت لي وطلعت جكيت شتوي من الشنطة بتاعتي ولبستو وبقيت أعاين لي فكرر سؤاله تاني فقامت ام زوجتي زفتتو الراجل خجل وقال ليها ( لونو حلو عاوز تاني شنو ؟ ) ردت عليه وانا ساكت انظر له ردَّ ليك من سكوت ( لبس الجاكيت ) حتى يبين لك ان سؤالك غبي زيك وانت مُصر وعلى ما اعتقد هو جاب الجاكيت مخصوص لانه عارف الغباء العام بينكم معشر المجريين
اها انت الوداك تشمسي شنو ؟ اسمعي كلام الدكتورة في اي شئ إلا التشمس دا هههههههههه تحياتي الحبيبة سلوم ولك المودة اخلصها
12-30-2012, 07:44 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
يوم قالت لي البنية وضاحة المندرعة فيك دي شنو ؟ قلت ليها ابشري دى كانت عيانة ومحتاجة لنقل دم وود عمك اتلهم المستشفى وانبطح لشيلان الدم ومن ديك بتقول لي بريدك مش ريدة الصيعة ديك لالالالالا حاشاها دي ريدة مقنع الكاشفات
12-30-2012, 08:04 PM
وضاحة وضاحة
تاريخ التسجيل: 01-16-2005
مجموع المشاركات: 9116
يوم قالت لي البنية وضاحة المندرعة فيك دي شنو ؟ قلت ليها ابشري دى كانت عيانة ومحتاجة لنقل دم وود عمك اتلهم المستشفى وانبطح لشيلان الدم ومن ديك بتقول لي بريدك مش ريدة الصيعة ديك لالالالالا حاشاها دي ريدة مقنع الكاشفات
Quote: دم في عينك يا مسنوح انا لسة وردة وعيد ميلادى كان قبل يومين علشان ما باركت لى
الف مبروك عقبال الف شمعة - وحياتك امي - يطول عمرها - كانت بتشد ليها بليلة عدس طااعمة في كلة غرة لشهر قصير (شعبان) وتقسمو كويمات كويمات في صينية كبيييييييرة وتقوم توزعو للجيران تقول ليهم دا عيد ميلاد ولدى طيوبا سكر الكوبا
مش زيكم هسه اعياد ميلادك حت سااااااااااااى وكمان وراء
Quote: بس انت ما تنجهنا يا مسنوح تطير لى العرسان الا يعرس ركبينك مسنوح واحد ههههههههههه
Quote: دم في عينك يا مسنوح انا لسة وردة وعيد ميلادى كان قبل يومين علشان ما باركت لى
مـــــا إنتِّ ما وريتنا يوم ميلادك السمح يوم أن أضاءت الأرض بقدومك وأزدانت الأزهار مهللة تحي تشريفة ست الجمال والذوق .. وقالت الشمس ما معقول وتوارت خجلاً
كل سنة وأنت طيبة وكل سنة وانت تزني دنيا والديك نورا وبهاء
واسفين ما قومنا بالواجب يوم موعده لكن العتب عليك منه نصيبا لم تخبرينا يوم وتاريخ
مودتي الشديدة
12-31-2012, 01:55 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
يا زول عفيف ... يا شوفنا في الزمن الكفيف فكرة وضحيكاية وخريف فارقت كيف ؟؟؟ خلّيتنا في الوعد انتظار نحسب خُطاك ... رصيف رصيف ... سافرت كيف ؟ واللوحة ما تعبت رسم الغنوة ما فتحت صريف يا زول عفيف يا جسري للزمن النضيف يا سعد وكتين تنقسم بيناتنا أحزان القيصد
بعض من كلمات الشاعر أسماعيل الاعيسر
12-31-2012, 06:09 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
يا ميـــنا يا بت الغيوم نتلاقى ممكن هل في يوم... ولا السنين هي الشيدت بيناتنا أسوار الهموم
ولا الخطاوي إتعثرت وأنا ف المشاوير الحلم شايلك صحا... وساسقة في سفري البحوم نتلاقى ممكن هل في يو
ولّا الأماني الودّرت غنواتي لما تشد رحالا علي النجوم يا مينا يا فالي السعيد نتلاقى ممكن هل في يوم ؟
نضفر أماسي الحارة بي خُضرة جريد وندق مزازيك الفرح والحلة هلولة ومرح ونبخ حليب الأمنيات شان في الجايين جديد يا مينا ياوعدي الشهي قلبي الحزين... حافظ ودادك .... وبي عِنادك مزدهي ... يتمنى لي طلة بهاك لكن دروبك ماها هي .. لا منها إختار خطوتو ... لا من يريدك منهى
12-31-2012, 07:13 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
مـــــا إنتِّ ما وريتنا يوم ميلادك السمح يوم أن أضاءت الأرض بقدومك وأزدانت الأزهار مهللة تحي تشريفة ست الجمال والذوق .. وقالت الشمس ما معقول وتوارت خجلاً
كسر ليها التلج اصلها مكسرة بلا كسير تلج
12-31-2012, 09:29 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
عرفتي من وين تدخليني وتمرقي وتطوفي زي حلماً بقرب وما يجي زي دعاش ... تعشم الناس بالفرح وفجاءة تتبد عنيدة وتختفي وأنا منك إتعلمت كيف اشتنى في نول الحكي لكني ما اتعودت يوم أضعف ... ولا بعرف شكي ببعدِك عني العناد لا فيك بفترني المشي
01-01-2013, 08:53 AM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
كان يا سلام .. لو تحكي لي ... عن شجرو الأمل ... النمت جوانا قامت غامرة بي أحلامنا ضي
عن بكرة في الأفق البديع ... نشوانة تهمس بيك علّي .. عن خاطر وكتين ينشدا ... يترجى عينيك الفُصاح لو تحكي لي ... عن ضحكتين .. عن روعتين .. عن صحرا جواهن .. تلاوي .. وتنتظر غيمات وري عن نخلة في قيفن تناضل وتدّي حر الدنيا في .. كان يا سلام لو تحكي لي
الشاعر اسماعيل الإعيسر
01-01-2013, 12:24 PM
وضاحة وضاحة
تاريخ التسجيل: 01-16-2005
مجموع المشاركات: 9116
لعلك عافية أب أحمد والعقب كفينو ؟؟؟ أشواق تهفهف ..زي نسايم الليل وكتين الليل يصفي يروق ...
سلامي ليك ولي كل الحواليك ...وشكرا على المواصلة في هذا التوثيق الماتع ...
والتحية والتقدير لصيق الدرب وسط برد وجليد اوروبا سلاااام لشخصك الجميل يا ابراهيم وليد فضل الله معافر ما كتب أدباء الشرق الغرب العجم سنة جديدة وجهها عليك ببركات من المولى الكريم والعقاب بخير احمد وامو طيبين وكيف عقابك وكل الجمال من اصدقاء هناك شباب بسيم وشبابكم في المكتب وعصابة الشئون الاسلامية ناس نعيم ترنافا وصبري بايقورا واحمد صدري ورسول رجيبي بلغهم خالص اشواقي لهم وبجيكم زيارة قريب وكيف ودالنور قالوا لي بقى عندو نص دستة من الاطفال ما شاء الله وعينا اردة
01-01-2013, 06:15 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
كل سنة وإنت والأحباب بألف خير.. أمس قضيت جزء من الليل في البوست هنا وإستمتعت بالغنا والونسة..
تحياتي..
تاريني جاتني فرحة داخلية قبل الساعة 12 منتصف الليل تاريك انت كنتي هناك عام زاهر بالخير والبركة ومفحضتك ديك تتملي قروش وتفيض تدفني الباقي تحت الشدرة لما ما تشيل المحفضة .. اوعي تودي قروشك البنك ( ناس البنوك ديل حرامية ) اديهن البكما
وسنة حلوة يا طيب وامس مالك في البيت حارسة الأحفاد ربنا يغيهم ويحفظهم لكم
تحياتي ومودتي
01-01-2013, 06:23 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
نتسامح سماح طفلين بينقلو في دروس النيل ويلعبو حجلة في الخاطر لانك في مداي سكة ... ووطن ممتد بلا اخر لاني بخاف يطل العيد وابقى وحيد بلا عنوان ولا سفراً عليك دافر
01-01-2013, 06:37 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
رسمتك يـــا البعيدة وفي علي باب الزمن عنوان جكيتك يا المعاك وصفي عِنيت سهم البلاد حفيان وما بدد غُناك خوفي ولا قعد الصبر دفيان أهديت الغياب حرفي وفتيت الهموم رضيان منو الورا السيول جرفي ومنو الفتح الفرح بيبان
01-01-2013, 08:22 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
أحبَّ مكان .. وطني السودان أعز مكان عندي السودان لأنو حسانو أعفَّ حسان طير وسواعد وروض جنان
فيهو النيل .. النيل الخالد فيهو الخال والعم والوالد فيهو تراث من طارق وتارك والخيرات أشكال وألوان
السودان أشراقة جديدة في افريقيا وبسمة سعيدة فيهو عروض وجُوها عديدة ومن اعلامها فنون وبيان
لينا الغد الظاهر نظهر في افريقيا ونورها الأخضر السودان وشبابو الأسمر ولي الأقران في كل مكان الأنسام بالطيب تغشاهو والأقمار حفتَّ في سماهو والأزهار تبسم في رباهو فيها رقة وفيها حنان
01-01-2013, 10:52 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
مشتاقين يا مك . وعامك الجديد سعيد بركة الشيخ عمر . شنو ياخ ؟ ضارب الدرأهم وضارب الانجمامة وهمبريب الشارقة ولابد ؟ مافي أي خبر أقامة تنشلنا من جكنان الجليد ده يازول ؟ تحياتي للشباب جملة
01-02-2013, 10:07 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
الحبيب عِتمان وليد موسى كل سنة وانت طيب يا طيب والله مُشتاقين ابقى علي الاقامة في الاول والتاني هين خبرك وين إت في بلاد العم سام ولا مازلت في البلد وجبتَّ ليك ولد
تحياتي ومودتي
01-03-2013, 01:24 PM
وضاحة وضاحة
تاريخ التسجيل: 01-16-2005
مجموع المشاركات: 9116
العزيزة وضاحة تشكرات موفورات على هذا الاختيار الجميل لابن البادية وفي رحلة عيون .. وما أحلى الكلام في العيون عيون الها بين الرصافة الجسرِ جلبنا الهوى من حيث أدري ولا أدري
وأمطرت لؤلؤ من نرجسِّ وعضت على العُناب بالبردِ
وعينك زي سحابة صيف تجافي بلاد وتسقي بلاد
وعَيوني عيونك أسباب لوعتي
وما شوفتها يا خلاني ... فلانة الفي الضمير مآذياني واحدين قالوا ضامر هافا .. واحدين قالوا شفنا الشافا والنسيان هي هبة من الله ولولا النسيان لانفجرت أجسامنا من حزن قديم وألم وننسى ولكن الحب الصادق لا يتنسي ابداً
01-03-2013, 05:03 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
أكاد لا أصدقُ يا أنتَّ .. يا أنتَّ أنني ... أكاد لا أصدقُ .. أ هذه الحروفُ ؟ كل هذه الحروفُ .. خطها بنانك المنمقُ إنها تألقُ ... وأنها تموج بالعبير تعبقُ وأنها تجعلني أحترقُ اسطرها ..... بحر اشياق موجه يصفقُ في لُجه ... أضيعُ راضياً وأغرقُ .. وأعيني تغرورقُ ... وينمحي الوجود عنها غير صورتي تحدقُ .. ترمقني ... تبسم لي ... تهمس لي ... فأطرقُ ... وتطوف بالخيال صوراً تشوّقُ لحبنا .. لبيتنا .. لأمسياتنا وهي تكادُ بالحنان توّرقُ وأطرقُ ... ولا أصدّقُ ... لاني من فرحي ... أطير في لفضاء أحلّقُ مجلسي فوق السحاب والبروق تبرّقُ ... ضياؤها ... منمقُ مزوّقُ مزيّن بكل لون في الوجود فيه رونّقُ ... وأطرّقُ ... وأرسل الأمطار .. كالسهام لما أحدّقُ في صورة رائعة .. تكاد تنطّقُ ... وأرفع الأكف .. في ضراعة تمزّقُ .. أسأل : ..... عن أمنية ... آه لو تحقّقُ .. لو أننا في الحياة يا حياتي ..... لا نفترّقُ ...
01-03-2013, 05:53 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
أغداً ألقاك .. يـــا خوف فؤادي من غدِ يا لشوقي وأحتراقي .. في انتظار الموعدِ وأجيك .. ولكن بفؤادي أم بيدي أم بطرفٍ خاشع الملمح كليل مجهدِ... لست أدري كيف ألقاكَّ ولكني صدي ... ظامئ أرهقه البين .. وطــــول الأمدِ
أنت يا جنة حبي ... وأصطخابي وجنوني .. أنت قبلة روحي وانطلاقي وشجوني ... أنت يا معبد صمتي وصلاتي وسكوني ...
أنا أخشي من غدِ هذا وأرجوه أقتربا وتولت دهشة القرب فؤادي فأنابا ... هكذا استبطن العمر .. نعيماً وعذابا .. مهجة سُكرى وقلب مستهام يتغابى وأناديكَّ .. ولكن ظني كيف تشاء يا رجاءي أنا .. أنا وحدي أدني منك الرجاء أنا لو لا أنت ... لم أحفل بمن راح وجاء
هذه الدنيا سماء ... أنتَّ فيها القمر هذه الدنيا عيون .. أنتَّ فيها البصر ... هذه الدنيا ليالي .. أنتَّ فيها العمرُ هذه الدنيا كؤوس .. أنتَّ فيها السُكرُ فغداً لا نعرف ... الغيب ولا ماض تولّى وغداً لا يعرف القلب لي هذيّنَّ محلا وغداً تصطخب الجنة أنهاراً وخِلا ... وأجيك ... ولكن بفؤادي ليس إلا
01-03-2013, 07:38 PM
وضاحة وضاحة
تاريخ التسجيل: 01-16-2005
مجموع المشاركات: 9116
Quote: لقاء مع زوجة صلاح بن البادية تظهر جمال وبساطة المرأة السودانية زمان وزمان كانن في الـ 100 ( 99 ) حلوات روح حبهن صادق ونبيل
يا سلام عليك يا حاجة زهرة ويا سلام عليك يا المنسي الجميل
بالجد حب زهرة لصلاح زى حبي لام عبد الله - ام عبد الله شايفه ومتاااااااابعة خربشات وضاحة معاى وقالت لي اقدل معاها ساي واستمتع بس اسفيريا ساي ما تخمك منى شفت كيف ؟
قلت ليها هيييييييييييييييع انا وانت من هنا والمقابر بس
01-03-2013, 09:04 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: بالجد حب زهرة لصلاح زى حبي لام عبد الله - ام عبد الله شايفه ومتاااااااابعة خربشات وضاحة معاى وقالت لي اقدل معاها ساي واستمتع بس اسفيريا ساي ما تخمك منى شفت كيف ؟
قلت ليها هيييييييييييييييع انا وانت من هنا والمقابر بس
هههههههههههههه دا من قديم الزمان قالوا الكديسة ( القطة يا وضاحة ) لما ما تلقى اللحم بتقول عفن
تراني بغني وإترنم واجرو مع الخيال النم يا عيون ابكّن
علي ألآمي زدتَّ ألم و مضروب من عيونو سهم ياعيون ابكّن
جدياً دابو قرنو برم وفي وديانو لقالّو سلم ياعيون ابكّن
( اي صغير وفي عمر الزهور يرتع في وديانه ويسلم لي يا رب )
مرَّ عليّا ما سلّم والله منو وليهو إتظلم ياعيوني ابكّن
( وهل يعاتب الحبيب مهما فعل .. والله لا وحتى لو غلطو الحلوين نجيهم نحن بالأعذار والعذر للحبيب فيه مودة وحنان والعين ما بتعلى على الحاجب وحبيب الروح ما بتعادّى وكيف نعادي من حبه القلب واختاره محال محال الحبيب يلام لكن لا يعادى واللوم حق مفروض بين الأحباب والما دارك ما لامك واللوم حبة عتاب .. والعتاب محبة )
إذا في بيتو يتبسّم وعبيرو يفوح بعيد ينشم يا عيون ابكّن
( اللهيج هو الحديث وطعم حديثة .. وكانه فه من العسل حلاوته .. وهي عسولة وفمها وثغرها ينثر الحديث والكلمات تقول عجوة معطونة في عسل تطرب الاذن لسماع صوته عندما يثري عبر الأثير معطرا .. وآه يا صوتها لما ثرى لما .. الفاطر هو هو منظر الاسنان عندما تفتر بسمة من بين شفتيها تبرق بروق تلك السحائب التي يرزم رعدها )
قاسي قليبو ما بيرحم الحديد من لحم أو دم ياعيون ابكّن
قال لي عليكَّ قلبي حكم ولو عاينتّا برضو اجرم ياعيون ابكّن
( وقال الحبيب :انا حكمت عليك حتى لو نظرت فقط برضو تعد مجرم .. وكيف لي وانا قد ذبت في حبك يا ريم ان لا انظر واتطلع لرؤياك )
01-06-2013, 06:12 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
خليني بكرة أشوف عينيك مــا عندي رد للقمرة تاني أديني منك وعد تاني حتى لو .. ممطول وفاتر
فرحي الأيام تعالي ياغزالاً ديمة نافر كم نسيم من وردة جاك جوكي يمتثلو الأزاهر دي العطور كيفن تفوح دا الحمام مشتاق وحاير خليني باكر أشوف عينيك أنا والورود أدينا خاطر أمكن أصبَّر قلبي حول (حول : سنة بعدد الحساب ) لو بصبرو النجمات ثواني وأديني منك وعد تاني
01-06-2013, 07:40 PM
أبوبكر أبوالقاسم أبوبكر أبوالقاسم
تاريخ التسجيل: 11-27-2007
مجموع المشاركات: 2805
كل عام وأنتم بخير وربنا يحقق أجمل الأمنيات للجميع .
حباب مولانا المستشار ود ابو القاسم وعام سعيدعليك والاسرة بزيارتك بيتنا نور يا رحال الرحيل طبع الطيور مهاجرة من ديار لأخرى .. الطيور فال خير وهذا حالنا معك فالك طيب عندنا يا جميل
تحياتي ومودتي
01-06-2013, 08:10 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
السمحة جـــات ...... شن أنـــأ أسوي من الطرب اتخبا وين ؟ من العيون جاني صوت قوس القوام ياربي أشرح حالي كيف ..؟ أرحمني عاد وأستر يارب
والسمحة جات .... وأنا شن أسوي مع الطرب ما الرجفة جوا الروح مشت إتشتت مني .... الحروف مرات غنا مرات دموع مرات أشوف ما ألقى شوف بقيت ألآمس في الفراغ لو في عيني ألقالي جوف لكن مُحال يجدي النظر لو يوم قليباً إتسلب وكيف أقنع الأيام تقيف شان مرة أستجدي السنين تديني بس بكرة الأمان وتسيبني بعدو بدون عمر والعمر ما ضاع من زمان بين قمرة جات من غير طلوع ولوحة من موية الدهب ما السمحة جات ... وأنا شن اسوي من الطرب
ويظل يشجينا ويسعدنا ترديد حروفك ونغمك اخي وصديقي الشفيف الشاعر الدسوقي خالد
01-06-2013, 08:19 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
كتب أبن عمي الجميل العزيز أسامة محمد الحسن محجوب ما أضحكني واحببت ان اشارككم فيما أضحكني
يا أخونا أمبارح ركبت طيارة هليكوبتر مع صديق عزيز بصحبة طيار روسي واخدنا جولة في العاصمة المثلثة وكانت تجربة فريدة ومريرة في نفس الوقت شفنا ملتقي النيليين وكل أحياء العاصمة في رحلة أدنى من السحاب .. المروحية إنحرفت والروسي ( كابتن المروحية ) فقد السيطرة عليها لتسقط بينا في احدي حواشات ( مزارع ) توتي وبدل مايسعفونا آهل توتي إنهالوا علينا بالضرب بالعكاكيز بس الحمدلله صحيت قبل مايلحقوني أمات طة .. اللهم أجعله خير
01-06-2013, 08:54 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
يا مواعيد الصبر .... لي متين تفارقي ...... متين يفوت غيم الأسية متين تفوتي قليب حنيِّن عمرو في الأفراح شوية
أنا يا مواعيد صابر عليك عذبني ريدك .... لا زماني متل زمانك لا إيديا بتشبه إيديكِ شن أقولك .......... ماني زولك .............. لا هو بشبه قولي قولك ولا صباح دنيايا عيدك أنا يامواعيد من ديارك شلتَّ عمري الباقي ليَّ كفاية فيكِّ بكيت سنين ديل شهودي رموش عينيّا لو وفاي برضيك يوم جبتَّ ليك الغيم هدية وكل ماينزف جُرح قلبي وتبكي وردة حب ندية ألم همومي علي شقايّا أرضي خاطر الوردة ديك أخلّي جُرحي يهون عليَّ
01-06-2013, 09:02 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
سامحني يا ضل التبلدي واعذرني يا شدر الهشاب يا كُل زول الغرَّ عفواً سامحني لو طال الغياب سامحني يا المردوم وحاتك سامحني بس من غير عِتاب أديني جراري وكرير فاقد عيونك والصِحاب قول للقماري تشيل معاك بي قدلة حلوة يجو الصِحاب يلفوني بس بي نظرتين لو بيهن ألقى قليبي طاب قول للحمامة وكت ترك في المغربية أو العِصير قول ليها ريدي صعب عليَّ وشوقي داك أصبح كتير أريت تبوح بي سري ليك قُبال تفةت قُبال تطير حلات هديلا مع الغروب بي خطوة زي راحل السحاب سامحني يا رملة بلدنا ودينك يمين فوق الكتوف متين أشم ريحة السواقي متين أضم طين الجروف ياشوارع ابــ قبة وينك يوم عصافيرك تطوف أرويني من كأسك زلالاً غيرو ما طاب لي شراب
01-06-2013, 09:49 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
ليه كل زول مكسور خاطره ليه الدنيا بتألم حكمة الله فيناأن لا نعرف ماذا يخبئ لنا القدر وإلا كنا وقفنا حيطة ما أقتربنا .. ما دنينا حتى ربي يا مختار عزيزا أنت هيأت القدر أللهم نسألك خير من تعرفنا بهم
مــأ تندمي ..... ضيعتي ريدك بي إديك سبتي السنين جارت عليك ياما كلمتّك كتير يوم للبريدك ما تظلمي وما تندمي .... ما أصلها الأيام كدا ما بتنسى ماضيها القبيل يمكن تسامح مرتين .. يمكن تعود تنسى الجميل لو مرة زولاً خان حبيب ترجع تعاتبو قليل قليل والزيك إنتِّ عتابو حار أهو من قساك إتعلمي وما تندمي ... دايرا إيه من هواي وما باقي ليك معايا خاطر كلمتَّ ليك كل الحروف كل السطور كل الدفاتر كم خفقة وداها الفَراش رويتا حِنيَّة ومشاعر عتقّت ليك اليك الكون عبير شان منو بي تتنسمي بس نقول حصل الحصل خليهو جرحك .. بحملّو يا قبلو جِراح مشت بس همك إنتِّ في أولو بقى أقسى من مليون عذاب دموعو لسة بينزلو .. مع أنو شفتي الحال براك ما ناوية يوماً ترحمي ما تندمي ... الليلة جارت دنيتك فاضت دموعك في عينيك غِشاكِ سراب حباً رهيف سبتيهو عمداً يحتويك فقتي شفتي الكون رِهاب مافي زول سائل عليك غرقتي في بحر الهموم في موجو أمشي وأحلمي وما تندمي ...
عزيزي دسوقي ما بتشبهك هذه القصيدة أنت الزول المرهف الزول الهين ولين لين نسمة صباحية نقول ان شاء ما تندمي وكيف يرضينا ندم من احببنا وكيف يشقى عمرنا وزادنا منانا يكون سعيد وانا أصلي مخلوق للعذاب
01-06-2013, 10:19 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
وأنا كنتَّ في القيف منتظر مالي المراسي غنا وعيون كل الورود حولي كان لا ليها عبق لا ليها لون اقف اراقب في المدى طول الصبر مرات بهون يمكن إجيني عمام حَنين شايل معا شذى الغصون ناديت رذاذ من موج هناك فات المواني بعيد بعيد ناديتو جاني بشيش وقف قرا في عيوني أظن نشيد من همسي كان فرحان كتير بقيت أقول وكمان أعيد قال لي هناك موجتين حُنان جاين عليك بأحلى ريد
وفي زول هناك بس قولة سلام تبقالّو روح .. ومافي داعي تقولي مافي .. ما دا الربيع يخضر معاك ودونك يكتنف حياتنا جدب وترحل الطينة من جروفنا تروح بعيد ما أنتَّ الزول المن عرفتو طرفي ما أطنو دمّع تعال ما تمشي للغربة تروّح تاني مني بعيد
يلفاني بالخبر اليقين طال غيابك روحي طال وريني بس كدة لي متين باكر بجيكَّ حلو الغمام من شوق عيون متبصرين رسلتَّ ليك عصفور غُناي يدوبي ليك مسدار حنين دفّق سحابك يوم علي أنا ليَّ عندك باقي دين حملَّت كم وردة شوق وصيت عليك برضو الفراش جو يقولوا ليك في الريد كلام ومعاهم الغيم والدُعاش وأنا في انتظاري وغربتي وتري زاد في الإرتعاش متوسم الخير في مجيك حتى بس لو ثانيتين وريني بس عُذرك شنو ؟؟ كل البكون سويتو ليك كم قاسية مرَّت بالطريق خليتا ساهلة عشان أجيك كلما أقرَّب خطوتين تبعد بعيدوتسوق عينيك ولو رحمتك ما ليها باب برحمني رب العــــالمين
01-07-2013, 07:55 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
وجاني من همس الكلام مُفتاح حروف ضايع زمن سافرتَّ مابين العيــون سفراً خُطاي متشوّقن أريت يتوه بَي الطريق هناك أضيع وهناك أجن قالتلي يوم والدنيا فن والباقي يا ضي الكلام كيف الفراش يلقي الغصن يرحل يهيم بين الحقول ينثر زمان الشوق فتن يدي للبسمة الصفا كلما العصافير غردّن يسمع نغم باقي النشيد قبل العيون يتكلمّن يشيل نداها مع الحروف يدوب مع الخد الوجن قالتلي يوم بي ريد وفن الدنيا ارتعاشات والورود من نيل كلامك ارتوّن لو كنتَّ عارف إنهن راجين سؤالك من زمن كان قبيل شلتَّ القصيد أقعد قصادن أهدهدن وقلتَّ فيهن أحلى قول كان سقيتن روحي دن شان نملا دنيا الناس أمان زنهدي العصافير للوطن
01-07-2013, 09:29 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
في لباب آمالنا ساكن فوق هجير الصيف سحابة في مناخاتنا البتطلع من سهولا وبين هضابا ولما تشرق شمس غنية تهيم علي وتر الربابة تبقى أنتَّ الغُنية أول وتصبح النغمة تاني تفضل أنتَّ النسمة دايماً بين مساحات الرتابة ويبقى أسمك هو البخضر في صحاري الآهة غابة يهزم الهم المدد شارّي جنحات الكآبة لو تبقى دُنيانا التواضع ألف مرحبتين حبابا ونحن زي نجمين بننسج من خيوط الريد تيابا أو نعيشا دوام تلاقي ونسهّد الريد والكتابة وليك حروف أشواقنا توصل من نسايم الليل مذابا وبينا يمتد التواصل من فصول يانع شبابا
01-07-2013, 09:34 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
خليهو يبقى الشوق بحر خَلينا نحن مع الحروف عز السُهاد عز السهر يوم قتَّ يبكن ليك نجوم ما قلنــــــا .. لا ولا داير تاني ليك... من جديديبكي القمر
خليهو يبقى الشوق بحر أحرمني منَّك كم سنين أديني يوم هاتف حنين بفرحني جد مليون شهر أنساني تاني وحات عينيك خلي الدموع تنزل مطر دا الزيكَّ إنتَّ بخلو كيف سويت قليبي ربابة ليك ومن ضفيرة ليل حنين دوزنت احساس الوتر
خليهو يبقى الشوق بحر يازول شرب موج الحروف إخضر بيك شاطئ الشِعر سبتَّ اللحون صندل يفوح سبتَّ السحاب ينزل عِطر شايف الغزال حارسك سنين وأديتو من جيدك حرير علمّتَ عينهو الفتر وأنا لي عمر كدا في رجاك أديني نسمة من الشَعر خليهو يبقى الشوق بحر
01-08-2013, 07:37 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
وين ألقاك .......... وكل القول .. غلبني هواك ياما طويت صحايف الريد بس مهزوم أمام ذكراك ووين ألقاك ...
رغم مشيتك وبعد خطاك ضل الحب مستني مجيك ألف غمامة هِناك راجياك طيور الريد شقيانة رحيل أنا والشوق لليوم ماشين في نفس السكة الفيها زمان قبل تفوت كنّا بنلقاك ...
وين ألقاك.......... وعصير الحب مسكوب في كأس مندّي حنان مستني إيديك شارع الريد الكان جوّاي زي الصندل مُشتاق ليك هناك كم حارة غشينا زمان قماري غُناها تناغم فيك حزينة خطاوي الطيف والروح لا قادرة علي لا قادرة عليك
01-08-2013, 08:03 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
تلاقي أرواح العاشقين إإتلاف وتؤمة بين روحين وفق بينهما الله من فوق سمائه تتفتح زهورا متوردة بطل ندى الحب والمحنة والوئام حنانا شعرة رابط الحب متينة ولابد أن تنتصر ولو بعد حين ... فهي كشعرة معاوية في حالة مد وجزر دواما .. الأرواح ما تحابا إإتلف أللهم ألف بين كل قلبين حملو الهوى وكن راعي لسعاتهما
01-08-2013, 09:04 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
قبل شروق شمس بكرة قولي لي بلدي الحنين باللّه رســــل لي شال من توب غروبك وهمستين من نَفَس ساقية بتغني بي نغماً زيو وين أنا كنتَّ قايل الغربة واحدة لكن لقيتن .. غربتين
غربة عن الأهل الجنى .. وغربة القلب الذي يكتنفه الحزن والألم
01-09-2013, 07:24 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
كفاك ياقلبي مــا تحزن لو في يوم حبيبك جار سيبو يفوت وما تندم قلبي ياما ندمو كُتار وياما الدنيا ظلمت ناس رُهاف وحُنان متل أزهار وياما سقوها دم الروح وياما روّها ريد نضار كانوا بشيلو ضي العين دوام بدوهو للأقمار ديمة بجودو بالأنفاس شان يبسم حلو النوار
وجات الدنيا بعد الحب بعد الريدة صبحت دار بعد فرهد ندى الغنوات شال في فروعو أحلى ثمار قست بالحيل وجارت يوم جات متخبية الأقدار شالت كل حصاد الروح سابت بس أسئ وتذكار
01-09-2013, 08:15 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
كان الفنان خفيف الظل عبدالعزيز محمد داؤود مر وهو يحي حفل زفاف شقيقة أحد عازفيه بأم درمان ، فوجئ بأن الصفوف الأولي ممتلئه بالنساء الكبار من أصحاب الحجم العائلي ، جاءه صديقة وهمس في أذنه قائلا: قالوا ليك غني من فريع البان فرد عليه أبوداؤود : كيف أغني فريع البانة مع شجر التبلدي بتاعكم ده .....
أللهم ارحمه واغفر له واسكنه فسيح جناتك
01-09-2013, 08:34 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
خالد علي محجوب المنسي
سلمى الشيخ سلامة
جلال جبريل
الطيب شيقوق
فيصل محمد خليل
وضاحة
Muna Khugali
ibrahim fadlalla
Osman Musa
أبوبكر أبوالقاسم
فيس بوك
تويتر
انستقرام
يوتيوب
بنتيريست