|
|
 اين الامانة الصحفية يا نجلاء (القصة الحقيقية لمسرحية الاعتقال)
|
تابعت وبقلق بالغ موضوع اعتقال الاخت نجلاء وكنت ضمن تضامنوا معها في بوست امجد وبعد ان تم اطلاق سراحها توقعنا ان نسمع القصة كاااملة منها
حاولت تتبع البوستات التي فتحت ويا لكثرتها لمحاولة تجميع اطراف القضية
وفي كل مرة تدخل نجلاء وترمي كلمتين ثم تهرب وتقول سنواصل
تاكد من انها تخفي شيئا والا وبعد القلق الكبير الذي اصاب جميع الاعضاء كنا نتوقع منها ان تتواضع وتحكي لنا القصة بالتفصيل الممل
حتى هذه اللحظة لم يعرف احد الرواية الكاملة للاعتقال وفتحت عشرات بوستات التضامن معها وشارك حتى بعض الاعضاء الذين يميلون للحكومة في فتح بعض بوستات التضامن
اذا ما الذي حدث حقيقة ؟
وماذا تخفي الصحفية البارعة؟
الثابت انها مسرحية اخرجت بصورة رديئة
هل هناك من يتوقع ان تغلط حكومتنا وتقوم باعتقال صحفية في هذا الجو؟
صحفية 
هل نجلاء صحفية؟
هنا بدات القصة
نواصل
|
|
 
|
|
|
|
|
|
|
|
Re: اين الامانة الصحفية يا نجلاء (القصة الحقيقية لمسرحية الاعتقال) (Re: الشفيع وراق عبد الرحمن)
|
سلام يا وراق,,Quote: تاكد من انها تخفي شيئا والا وبعد القلق الكبير الذي اصاب جميع الاعضاء كنا نتوقع منها ان تتواضع وتحكي لنا القصة بالتفصيل الممل
حتى هذه اللحظة لم يعرف احد الرواية الكاملة للاعتقال وفتحت عشرات بوستات التضامن معها وشارك حتى بعض الاعضاء الذين يميلون للحكومة في |
| Quote: الثابت انها مسرحية اخرجت بصورة رديئة |
| Quote: هل هناك من يتوقع ان تغلط حكومتنا وتقوم باعتقال صحفية في هذا الجو؟ |
إذا ثبت أنها مسرحية سيئة الإخراج فعلا نعود للنقاش!!!!
ما يعنيه كلامك أعلاه أنك متأكد %100 أن القصة ليست كما تمت روايتها هنا!!
| |
|
|
|
|
|
|
|
|
|
Re: اين الامانة الصحفية يا نجلاء (القصة الحقيقية لمسرحية الاعتقال) (Re: معاوية محمد الحسن)
|
قبل ان اواصل احب ان اثبت الحقائق الاتية مع شكري لمن مر بالبوست
اعلنا تضامننا التام مع نجلاء حينما بلغنا خبر اعتقالها وبوست الاخ عبود يشهد بذلك
ندين ونستنكر اي عملية ضرب للصحفيين وخلافهم وبالذات ضرب النساء الذي لا ينتمي لقيمنا ومبادئنا
ظلت اطراف المعارضة تبحث عن شهيد لافتعال انتفاضة مزعومة وحينما فشلت تنازلت واصبحت تبحث عن معتقل وهذا ايضا لن تناله
اتفتحت عشرات البوستات تطالب باطلاق سراحها وهي لم تعتقل اصلا
وهذا ما انوي اثباته بشهادة شاهد عيان لايكذب
| |
|
|
|
|
|
|
|
|
|
Re: اين الامانة الصحفية يا نجلاء (القصة الحقيقية لمسرحية الاعتقال) (Re: الشفيع وراق عبد الرحمن)
|
تفاديت التداخل والله العظيم في كل البوستات التي تكذب خبر اعتقالها
ولكنني تداخلت معك كي اقول لك : ربنا يوريك الحالة الصعبة التي مررت بها
انا ونجلاء مهانة ويضربها ( رجال ) ولا استطيع الوصول لها تم حجزها بعربتها
والمدعو : نجم الدين يصفعها ويلوي يدها ويضربها في رأسها ويهددها بالاغتصاب
ويقررون الذهاب بها الي مكان غير معلوم وفي الطريق يتصل به احد ويقرر الذهاب بها
الي مركز شرطة ويسمح لها بالرد علي التلفون وتذكر لي انهم ذاهبون الي مركز شرطة في
امبدة .. لك ان تتخيل حالتي وانا اتلقي تلفون من بكري ود العجمي بأن انجدونا البوليس
قاعد يتفرج واطلب منه نجلاء فيرد والعبرة باينة في صوته ما بتقدر تتكلم معاك لانها محتجزة
في عربيتها ومعاه كيزان بضربوا فيها .. لك ان تتخيل اي صور كانت تمر في مخيلتي وهي ام اطفالي
الاربعة .. انا اشكيك لقوي مقتدر يا الله اريهم ما مررت به
| |
|
|
|
|
|
|
|
|
|
Re: اين الامانة الصحفية يا نجلاء (القصة الحقيقية لمسرحية الاعتقال) (Re: الشفيع وراق عبد الرحمن)
|
..سلامات يا الشفيع
Quote: اتفتحت عشرات البوستات تطالب باطلاق سراحها وهي لم تعتقل اصلا
وهذا ما انوي اثباته بشهادة شاهد عيان لايكذب |
اها خلاص عاوز تلبس الرواحات قبال القصة تبدأ ..
يازول قصة الاعتقال دي اتحسمت من امس بالليل الكلام الانت فتحت بيهو البوست يقول :
Quote: اذا ما الذي حدث حقيقة ؟
وماذا تخفي الصحفية البارعة؟
الثابت انها مسرحية اخرجت بصورة رديئة
هل هناك من يتوقع ان تغلط حكومتنا وتقوم باعتقال صحفية في هذا الجو؟
صحفية
هل نجلاء صحفية؟
هنا بدات القصة
|
انت بتقول الكلام دا لا يمكن اولاً ان يصدر من ( حكومتكم)
ثانياً تدعي ان القصة التي رويت ضربها ومحاولة اعتقاللها مسريحة .. بل وسيئة الاخراج
ثم تقول إنه عندك القصة والرواية الحقيقة ووعدت بالمواصلة ..
يبقي بطل اتوجه اي سؤال لنجلاء سيد احمد او تنتظر مداخلتها وأحكي العند - لو عندك ما تقوله -
أو اتوكل على الله وابلع بوستك دا ناشف عشان ما تزدردو بعد شوية..
تحياتي
| |
|
|
|
|
|
|
|
|
|
Re: اين الامانة الصحفية يا نجلاء (القصة الحقيقية لمسرحية الاعتقال) (Re: معاوية محمد الحسن)
|
أستاذ الشفيع
سلام
| Quote: (القصة الحقيقية لمسرحية الاعتقال) |
تعاملك مع أوردته نجلاء بالتشكيك لا يستند على شيء ، وحتى الآن أنت لم تذكر القصة الحقيقية التي أشرت لها فمعنى كلامك أن لديك سناريو مغاير ولكني لم أراه كون نجلاء مشغولة او لم تقم بسرد القصة أو حتى تأخرت لا يعطيك الحق بأفتراض أن هذا غير حقيقي مالم تذكر الحقيقي الذي بحوزتك ..
هذا جانب ،من جانب أخر لم تقل نجلاء يوما بانها صحفيةلا الآن ولا قبلا ، رغم أن ما تقوم به هو عمل صحفي متكامل ، يعجز عنه الكثيرين ..
نجلاء شخص محترم نال أحترام ومحبة الجميع مختلفين كانوا أو متوافقين معها ..
| |
|
|
|
|
|
|
|
|
|
Re: اين الامانة الصحفية يا نجلاء (القصة الحقيقية لمسرحية الاعتقال) (Re: داليا حافظ)
|
Quote: الناس ديل منظمين و هنا شغالين باستراتيجية معينة و منظمة سلفاً
لمن يجي خبر مؤلم و قبيح و فعل ساقط و تافه بيشبه نظامهم القذر دا
وخصوصاً لشخصية عامة زي نجلاء او حادث انساني زي مقتل نادية ست الشاي
بيقوموا بالخطوات الاتية :
1. النفي :
الكلام دا ما صح ، الكلام دا غلط ، المعلومات دي متضاربة ، الاقوال مختلفة الخ ...
(الهدف هنا تشكيك الناس في صحة الخبر- تشتيت التعاطف)
2. التهاتر
اختلاق صراعات جانبية مع الناس المنفعلة بالحدث
دا بقوموا بيهو ناس تانيين ما ناس النفي
(الفكرة جر البوست عن موضوعه و افراغه عن محتواه)
3. التعاطف مع تقليل الضرر
ودي مهمة مجموعة ثالثة
يجوا و يتعاطفوا مع الحدث و يزرفوا دموع التماسيح
ويطبطبوا على الضحية بدون اي ادانة للمجرم الحقيقي
المعلوم طبعاً - المؤتمر الوطني ، عساكر النظام الخ...
(الهدف هنا شيئين ، اولا الظهور بمظهر انساني تلميع يعني
ثانياً محاولة ابعاد التهمة عن المؤتمر الوطني و حصرها
في شوية عساكر و عضوية متفلتة)
4. التبخيس
فتح بوستات ديل مناضلين كيبورد - مناتلين -
دايرين يظهروا ، دايرين يلمعوا صورتهم الخ..
(الهدف تقليل ما بذل من جهد و افراغ الضحية
من وطنيتها و اخلاقها ، و اظهارها بمنظر من يريد
التكسب سياسياً و يسترزق من وراء ادعاء الاعتقال
والمعاناة و الضرب الخ.....)
وكالعادة يغلي دمنا و يفور نتيجة لهذه التصرفات المستفزة
وندخل معهم كالمعتاد في مهاترات لا تنتهي .....
وكدا تتحول القضية العادلة الى مجرد مطاعنات و ملاسنات
نمل منها قبل ان يمل منها القراء
|
| |
|
|
|
|
|
|
|
|
|
Re: اين الامانة الصحفية يا نجلاء (القصة الحقيقية لمسرحية الاعتقال) (Re: داليا حافظ)
|
.سلامات ياالطريفى..
Quote: اتفتحت عشرات البوستات تطالب باطلاق سراحها وهي لم تعتقل اصلا
وهذا ما انوي اثباته بشهادة شاهد عيان لايكذب |
Quote: اها خلاص عاوز تلبس الرواحات قبال القصة تبدأ ..
يازول قصة الاعتقال دي اتحسمت من امس بالليل الكلام الانت فتحت بيهو البوست يقول : |
Quote: اذا ما الذي حدث حقيقة ؟
وماذا تخفي الصحفية البارعة؟
الثابت انها مسرحية اخرجت بصورة رديئة
هل هناك من يتوقع ان تغلط حكومتنا وتقوم باعتقال صحفية في هذا الجو؟
صحفية
هل نجلاء صحفية؟
هنا بدات القصة |
Quote: انت بتقول الكلام دا لا يمكن اولاً ان يصدر من ( حكومتكم)
ثانياً تدعي ان القصة التي رويت ضربها ومحاولة اعتقاللها مسريحة .. بل وسيئة الاخراج
ثم تقول إنه عندك القصة والرواية الحقيقة ووعدت بالمواصلة ..
يبقي بطل اتوجه اي سؤال لنجلاء سيد احمد او تنتظر مداخلتها وأحكي العند - لو عندك ما تقوله -
أو اتوكل على الله وابلع بوستك دا ناشف عشان ما تزدردو بعد شوية..
تحياتى |
والله يا الطريفى بقيت مرعب,,
ياخ دا شنو الإرهاب دا!!!
معقولة بس اى زول يفتح بوست إنتو جارين تبلعوه ليهو,,,
ياخ ما بالطريقة دى ..
الشفيع واصل بالله ,,
نشوف نجلاء دى مالا بتألف لينا فى القصص!!!!!!
| |
|
|
|
|
|
|
|
|
|
Re: اين الامانة الصحفية يا نجلاء (القصة الحقيقية لمسرحية الاعتقال) (Re: أيمن الطيب)
|
القصة حسب ما وردت من المصدر الموثوق:
قبل يومين حدث انفلات امني في الدائرة رقم 6 الامير الاولى مركز ابوبكر الصديق رقم 2 وذلك اثر مشادة كلامية بين مرشح المؤتمر الشعبي الاستاذ ابو القاسم ادم ورئيس اللجنة الشعبية الاستاذ نجم الدين خوجلي تعرض خلالها مرشح المؤتمر الشعبي للضرب
على اثرها تلقى بكري العجمي مكالمة تلفونية من احد مراقبي الانتخابات
في اليوم التالي حضر بكري العجمي ومعه نجلاء لتوثيق الحادث
في البدء قاموا باصطحاب مرشح المؤتمر الشعبي بسيارتهم وقاموا باجراء وتسجيل مقابلة معه ثم راوا ان يقوموا بتسجيل راي رئيس اللجنة الشعبية لسماع وجهة نظره
تم تحزيرهم من قبل بعض الافراد بان هذا الرجل عنيف ولا يتفاهم ولكن لم يسمعوا النصح
ذهب بكري وبلغ رئيس اللجنة الشعبية برغبتهم في اجراء الحوار وعرفوا نفسهم بانهم صحفيين ومن ثم قاموا باصطحابه الى سيارتهم
هنالك طالبهم بابراز هويتهم الصحفية وحصلت مشادة وعنف وضرب ومن ثم ذهب الجميع لمركز الشرطة حيث قام كلا منهم بفتح بلاغ في الاخر
| |
|
|
|
|
|
|
|
|
|
Re: اين الامانة الصحفية يا نجلاء (القصة الحقيقية لمسرحية الاعتقال) (Re: الشفيع وراق عبد الرحمن)
|
Quote: قبل يومين حدث انفلات امني في الدائرة رقم 6 الامير الاولى مركز ابوبكر الصديق رقم 2 وذلك اثر مشادة كلامية بين مرشح المؤتمر الشعبي الاستاذ ابو القاسم ادم ورئيس اللجنة الشعبية الاستاذ نجم الدين خوجلي تعرض خلالها مرشح المؤتمر الشعبي للضرب
على اثرها تلقى بكري العجمي مكالمة تلفونية من احد مراقبي الانتخابات
في اليوم التالي حضر بكري العجمي ومعه نجلاء لتوثيق الحادث
في البدء قاموا باصطحاب مرشح المؤتمر الشعبي بسيارتهم وقاموا باجراء وتسجيل مقابلة معه ثم راوا ان يقوموا بتسجيل راي رئيس اللجنة الشعبية لسماع وجهة نظره
تم تحزيرهم من قبل بعض الافراد بان هذا الرجل عنيف ولا يتفاهم ولكن لم يسمعوا النصح
ذهب بكري وبلغ رئيس اللجنة الشعبية برغبتهم في اجراء الحوار وعرفوا نفسهم بانهم صحفيين ومن ثم قاموا باصطحابه الى سيارتهم
هنالك طالبهم بابراز هويتهم الصحفية وحصلت مشادة وعنف وضرب ومن ثم ذهب الجميع لمركز الشرطة حيث قام كلا منهم بفتح بلاغ في الاخر |
مازلنا ننتظر..
| |
|
|
|
|
|
|
|
|
|
Re: اين الامانة الصحفية يا نجلاء (القصة الحقيقية لمسرحية الاعتقال) (Re: الشفيع وراق عبد الرحمن)
|
عزيزي القارئ ..
طول بالك معنا فهناك العديد من المعروضات التي نود عرضها هنا وبعد ذلك نفكفك كلام عزيزنا الشفيع
كتب السيد الشفيع بوسته هذا اليوم الساعة عشرة وزقة..
دعونا نشوف المكتوب من الأمس ثم نري ماهو الجديد الذي اضافة الشفيع :
كتبت الزميلة شادية عبد المنعم الساعة 12 و 14 دقيقة مساءاً بتوقيت سودانيز الاتي :
Quote: تم ضرب الزميلة نجلاء سيد أحمد وأعتقالها
الآن الزميلة في نيابة أمبدة وسط
إلى هناك
يا شباب |
ثم عادت بالامس اي يوم 14/04/2010م الساعة 1 و 10 دقائق بتوقيت سودانيز ( بعد نحو ساعة ) لتقول:
Quote: تم الإعتداء على نجلاء بالضرب والشتائم ومحاولة خطف الكاميرا ولكن لم يتم إعتقال نجلاء بل تم فتح بلاغ وهي أيضاً ماشة الآن تفتح بلاغ
ومعها عدد كبير من المحامين والصحفيين والمتضامنين |
اما الزميل الشفيع وراق فقد اعلن تضامنه في تمام السااعة 1 و 27 دقيقة بتوقيت سودانيز ( اي بعد 17 دقيقة من تثبيت الاستاذة شادية للخبر والذي كتبه الكثيرون منهم تبارك شيخ الدين وحيدر الزين )
فقال
| Quote: كامل تضامننا مع بكري العجمي ود جيرانا ونجلاء |
ودا تلقوهو هنا : Re: اعتقال نجلاء سيد أحمد و اقتيادها لمكان غير معلوم
ولسع نواصل مع بقية المعروضات ..
| |
|
|
|
|
|
|
|
|
|
Re: اين الامانة الصحفية يا نجلاء (القصة الحقيقية لمسرحية الاعتقال) (Re: HAIDER ALZAIN)
|
بعد كل هذه التواريخ بالساعة والدقيقة أولاً من الاستاذة شادية ففي نفيها للخبر وهي من فتحت بوست من بوستات الاخبار وتم تداولها سواء ببوست تمبس او غيره لكن جاء وراق اليوم في 15/04/2010م الساعة 10 و25 دقيقة بتوقيت سودانيز ( اي بعد اكثر من اربعة ساعة ) ليقول :
Quote: حتى هذه اللحظة لم يعرف احد الرواية الكاملة للاعتقال وفتحت عشرات بوستات التضامن معها وشارك حتى بعض الاعضاء الذين يميلون للحكومة في فتح بعض بوستات التضامن
اذا ما الذي حدث حقيقة ؟
وماذا تخفي الصحفية البارعة؟
الثابت انها مسرحية اخرجت بصورة رديئة
هل هناك من يتوقع ان تغلط حكومتنا وتقوم باعتقال صحفية في هذا الجو؟
صحفية
هل نجلاء صحفية؟
هنا بدات القصة
|
وبعد نفيه ان يكون هناك اي دخل لحكومته بالحاصل ( لاحظ انه زول عضو مؤتمر وطني ورئيس مجلس شعبي ورئيس دائرة امن بدائرة تشريعية ليس له علاقة بالحكومة ) لكن ما مشكلة
يقول ماذا حدث ..
بل ويمشي قدام رغم تضامنو بعد نفي خبر الاعتقال بقرابة الربع ساعة لكن يمشي قدام ويقول :
Quote: اما كان الافضل لمن لفح توبه او لفح عمتو وجا جاري يفتح بوست باطلاق سراح نجلاء ان يتريث ويتبين؟
|
فهل الشفيع من الفّاحين والناس الما بيتثبتو قبل ما يتضامن والا الشغلة كيف بناءاص على موقفو السابق !!
وهل فتح البوست دا لينتقد الناس اللفاحة والا عندو غرض تاني ؟!
سنعرف بعد ان نستكمل عرض المعروضات ..
| |
|
|
|
|
|
|
|
|
|
Re: اين الامانة الصحفية يا نجلاء (القصة الحقيقية لمسرحية الاعتقال) (Re: HAIDER ALZAIN)
|
قلنا جاء الشفيع بعد قرابة الاربعة وعشرين ساعة ليكشف وجه الحقيقة في تزييف نجلاء سيد احمد للمسرحية المفبركة فكتب
بعد اي وإلا ان خلاصة القصة الحقيقية الآتي :
Quote: القصة حسب ما وردت من المصدر الموثوق:
قبل يومين حدث انفلات امني في الدائرة رقم 6 الامير الاولى مركز ابوبكر الصديق رقم 2 وذلك اثر مشادة كلامية بين مرشح المؤتمر الشعبي الاستاذ ابو القاسم ادم ورئيس اللجنة الشعبية الاستاذ نجم الدين خوجلي تعرض خلالها مرشح المؤتمر الشعبي للضرب
على اثرها تلقى بكري العجمي مكالمة تلفونية من احد مراقبي الانتخابات
في اليوم التالي حضر بكري العجمي ومعه نجلاء لتوثيق الحادث
في البدء قاموا باصطحاب مرشح المؤتمر الشعبي بسيارتهم وقاموا باجراء وتسجيل مقابلة معه ثم راوا ان يقوموا بتسجيل راي رئيس اللجنة الشعبية لسماع وجهة نظره
تم تحزيرهم من قبل بعض الافراد بان هذا الرجل عنيف ولا يتفاهم ولكن لم يسمعوا النصح
ذهب بكري وبلغ رئيس اللجنة الشعبية برغبتهم في اجراء الحوار وعرفوا نفسهم بانهم صحفيين ومن ثم قاموا باصطحابه الى سيارتهم
هنالك طالبهم بابراز هويتهم الصحفية وحصلت مشادة وعنف وضرب ومن ثم ذهب الجميع لمركز الشرطة حيث قام كلا منهم بفتح بلاغ في الاخر |
نجد عزيزي القارئ ان ما اورده السيد الشفيع اعلاه بقصته الحقيقية لا يزيد عما قالته الاستاذة نجلاء سيد احمد منذ الامس.
فكل عناصر الخبر هي بلأساس مثبتة منذ الامس ..
أولاً : الإعتداء ..
ثانياً : اسم المعتدي
ثالثاً : اسم المُعتدي عليهم
رابعاً : سبب الاعتداء
خامساً : واقعة فتح البلاغ
سادساً : حقيقة ان المعتدي يلجأ للعنف عند اول زنقة ولا يمكن التفاهم معه
سابعاً : ان السيدة نجلاء سيد احمد ليست صحفية ..
يبقي الشفيع فتح البوست لشنو ؟!
نواصل المعروضات وسنفهم
| |
|
|
|
|
|
|
|
|
 Re: اين الامانة الصحفية يا نجلاء (القصة الحقيقية لمسرحية الاعتقال) (Re: HAIDER ALZAIN)
|
الشفيع يا عزيزي القارئ يريد ان يقول ان ( حكومتهم ) لا تعتقل الناس وانها بريئة من هذا الفعل
رغم انه القصة الحقيقية وصلتو وفاتت اضانو لكنه كعضو منضم حديثاً لشلة الحكومة يريد تبرئتها بقوله :
Quote: هل هناك من يتوقع ان تغلط حكومتنا وتقوم باعتقال صحفية في هذا الجو؟
|
الشفيع يا عزيزي القارئ يريد ان يقول ان نجلاء سيد احمد انضربت وتستحق ذلك لانها تنتحل صفة الصحفية
رغم انها نفت ذلك مراراً لكنه يصر عليه فيركز على هذا في قوله اكثر من مرة :
Quote: لنمنح الفرصة للصحافية نجلاء لايراد القصة كاااملة
|
Quote: لا يا داليا
لقد عرفت نفسها بانها صحفية وهنا بدات المشكلة |
ثم اخيراص اورد الرواية التي يريد ان يبين فيها ان نجلاء انتحلت هذه الصفة ليبرر أن ضربها كان لخطأ في انتحالها فجاء ليقول بخلاصة القصة :
Quote: ذهب بكري وبلغ رئيس اللجنة الشعبية برغبتهم في اجراء الحوار وعرفوا نفسهم بانهم صحفيين ومن ثم قاموا باصطحابه الى سيارتهم
هنالك طالبهم بابراز هويتهم الصحفية وحصلت مشادة وعنف وضرب |
ولا يخفي عليك عزيزي القارئ بشاشا ان الباحث عن الحق الشفيع وراق اورد الخبر بانه عبارة عن مشادة وعنف وضرب
بين شخص مشهور بعنفه وعدم مقدرته على ضبط اعصابه ( بشهادة المصدر ) وبين اثنين يحملون كاميرا ويرغبون في اجراء حوار
واحدهم إمراة تبحث عن الحقيقة عما حدث سابقاً مع مرشح المؤتمر الشعبي ..
صيلغة الوراق للحادث بصورة مبهمة يريد ان يبث فيه ان الضرب والعنف كان متبادل بين الجميع أي ان نجلاء معتدية ومُعتدي عليها فهي رغم كونها امرأة لكنها ايضاص تعانفت مع هذا الشخص الذي يزن 150 كيلو
بل لدرجة انه ذهب بنفسه لفتح بلاغ ضدها ولو صبرنا قليلاً لعلمنا انه تعرض للأذي الجسيم من يدي الصحافية المعتدية والمنتحلة للمهنة نجلاء سيد احمد
وبعد ذاك يجب علينا الشجب والادانة للمنتحلة نجلاء سيد احمد لاسباب عدة
أولاً : لتعريف نفسها بانها صحفية - ايوة تجاوزوا قصة انها نفت ذاك - لكن واصلوا مع الوراق في فكرته
ثانياً : إدانة وشجب لجوء هذه الصحفية للعنف والضرب فهذا سلوك مرفوض ومدان خاصة اذا جاء من انثي استعرضت عضلاتها علي هذا المسكين مهضوم الحقوق..
فنرجو يا سادتي مرعاة رسالة الاخ الشفيع بشئ من العطف والاشفاق
| |
|
|
|
|
|
|
|
|
|
Re: اين الامانة الصحفية يا نجلاء (القصة الحقيقية لمسرحية الاعتقال) (Re: HAIDER ALZAIN)
|
Quote: ذهب بكري وبلغ رئيس اللجنة الشعبية برغبتهم في اجراء الحوار وعرفوا نفسهم بانهم صحفيين ومن ثم قاموا باصطحابه الى سيارتهم
هنالك طالبهم بابراز هويتهم الصحفية وحصلت مشادة وعنف وضرب ومن ثم ذهب الجميع لمركز الشرطة حيث قام كلا منهم بفتح بلاغ في الاخر |
الشفيع وراق الكلام الانت كاتبه ده متاكد منه ... لانك بتحكي كده زي بكري القال ليك الكلام ده
جوابك مهم وانك تثبت او تنفي ان ده كلام بكري العجمي مهم جداً ..لانك زي الاديت الناس إيحاء
بانك اتصلت ببكري ( ود حلتك ) زي ما قلت في مداخلة سابقة انك بتتضامن مع ود حلتك
ولعلمك النس ديل الاثنين انضربوا ضرب شديد جداً وانا مستعد اجيب ليك الحكاية كاملة هنا
بس المانعني بقولوا سمح القول فيي خشيم سيدو لذلك انا راجيهم ( بكري ونجلاء) يجو هنا
ويحكوا القصة بنفسهم وبعد كده لكل حادث حديث .. بس يا الشفيع عيب عليك وكبير كمان تبني
المواقف المايعة والجبانة.
| |
|
|
|
|
|
|
|
|
|
Re: اين الامانة الصحفية يا نجلاء (القصة الحقيقية لمسرحية الاعتقال) (Re: سيف النصر محي الدين محمد أحمد)
|
يعني يالشفيع ياخوي :
زولكم ده عنيف ، وما بتفاهم ، وهو بهذه المواصفات بتحذروا الناس الا تقترب منه ، وفي حالة
ان الناس رفضوا ان يصطنصحوا بصائحكم الغالية دي ، عليهم ان يتحملوا تباعة عدم العمل بنصيحتكم؟
ياله من من مبرر بائس ...
وطبعا بتدين الاعتداء علي نجلاء ، وتكتفي بالادانة ولن تدين النظام الذي جعل مثل هؤلاء يتطاول
ويمرن اخلاقه علي التعالي علي الناس والحجة الوحيدة بانه انسان عنيف ، وبعدين اي انسان عنيف،
علي الناس يسمعوا نصائحكم ، ام عنف الجماعة المنتمين للنظام عنف مبرر ومسنود بالسلطة والجاه؟
ــــــــــــــــــــــــــــــــــــــــــــــــــ
خارج النص :
يالشفيع يبدو انك مخدوع بفرية ان الانقاذ بدأت تدين بالمنطق ، ياخي الكيزان الحقيقين في مثل
هذه الامور بفضولو التطنيش ،ولسان حال الجماعة بقولوا ليك :(هسة التنطيش ماكان احسن ليك؟)
Quote: تم تحزيرهم من قبل بعض الافراد بان هذا الرجل عنيف ولا يتفاهم ولكن لم يسمعوا النصح
|
| |
|
|
|
|
|
|
|
|
|
Re: اين الامانة الصحفية يا نجلاء (القصة الحقيقية لمسرحية الاعتقال) (Re: الشفيع وراق عبد الرحمن)
|
سلام يالشفيع
Quote: القصة حسب ما وردت من المصدر الموثوق:
قبل يومين حدث انفلات امني في الدائرة رقم 6 الامير الاولى مركز ابوبكر الصديق رقم 2 وذلك اثر مشادة كلامية بين مرشح المؤتمر الشعبي الاستاذ ابو القاسم ادم ورئيس اللجنة الشعبية الاستاذ نجم الدين خوجلي تعرض خلالها مرشح المؤتمر الشعبي للضرب
على اثرها تلقى بكري العجمي مكالمة تلفونية من احد مراقبي الانتخابات
في اليوم التالي حضر بكري العجمي ومعه نجلاء لتوثيق الحادث
في البدء قاموا باصطحاب مرشح المؤتمر الشعبي بسيارتهم وقاموا باجراء وتسجيل مقابلة معه ثم راوا ان يقوموا بتسجيل راي رئيس اللجنة الشعبية لسماع وجهة نظره
تم تحزيرهم من قبل بعض الافراد بان هذا الرجل عنيف ولا يتفاهم ولكن لم يسمعوا النصح
ذهب بكري وبلغ رئيس اللجنة الشعبية برغبتهم في اجراء الحوار وعرفوا نفسهم بانهم صحفيين ومن ثم قاموا باصطحابه الى سيارتهم
هنالك طالبهم بابراز هويتهم الصحفية وحصلت مشادة وعنف وضرب ومن ثم ذهب الجميع لمركز الشرطة حيث قام كلا منهم بفتح بلاغ في الاخر |
| Quote: لكن موضوعنا هنا يا ابراهيم دايرين نثبت انو لم يكن هناك اعتقال وما كان في داعي للتشويش واطلاق الاشاعات |
كويس من الصباح قاعد تخش بي خوجلي وتطلع بحمد مالك كان تحكي قصتك دي طوالي وتقول كلامك دا وتسمع القصة من نجلاء وبكري
تحياتي
| |
|
|
|
|
|
|
|
|
|
Re: اين الامانة الصحفية يا نجلاء (القصة الحقيقية لمسرحية الاعتقال) (Re: مرتضى احمد عبد القادر)
|
1- الان انا حرة .. كويسة ( الي حد ما ) .. لايوجد فيديو قطعاً
2- عصام دهب ... نجلاء ضربت وتحرش بها نفر منكم وتم اعتقالها وحتي عربتها لم تسلم
3- الأخت نجــلاء سيد أحمد مجردة
4- ضرب الزميلة نجلاء سيد أحمد وإعتقالها
5- ما حدث للأخت نجلاء سيد أحمد ... مرفوض مرفوض
6- نجلاء سيد أحمد دقوها و أهانوها بس.. أستريحوا يرحمكم الله ..
7- زوج ساره والجهاز القضائي الفاسد هم وراء اعتقال نجلاء سيد احمد زوجة المقاتل بخاري الامين!
8- اعتقال نجلاء سيد أحمد و اقتيادها لمكان غير معلوم
| |
|
|
|
|
|
|
|
|
|
Re: اين الامانة الصحفية يا نجلاء (القصة الحقيقية لمسرحية الاعتقال) (Re: مرتضى احمد عبد القادر)
|
الشفيع وراق الداجال ده اولا مقيم بالسعوديه وحاليا موجد بها
وبيدي نفسه كامل الحق يفتي لناس موجوديه في الخرطوم
وعندم باس وردات معانا!!
يا اخي ما تختشي في مليون كوز زيك قاعد في الخرطوم
ما اشتوبر ماله وما جاء كتب روايات زي ورايتك دي؟؟؟
طيب يا الشفيع وراق
نجلاء لولا انها واعيه كلابكم ديل كانوا عايزين يودوها
هي وبكري العجمي بيوت الاشباح
وهي وضحت انها رفضت تمشي معاهم لاي محل غير البوليس!
يعني ما تلت وتعجن ساي!
يعني ما تحدثنا عن الفروق اللغويه بين اعتقال واقتياد وخطف
كله حقكم وبتعلموهوا عادي.
ثانيا:
اورد اكاذيب كثيره منها الادعاء بانه المعارضه عايزه جنازه وتشبع فيها لطم وعايزه اعتقال
وهذا لم يحدث للآن...ثبت انك كتذب اولا.
في بوست لامجد البصيري ولانك ما بتهمني ولا شغاله باثبات اني كذابه من عدمه
عشان كده لا بتعتب روحي ولا بفتش اللينك لما تلقاهوا براك لو عايز.
طيب فذ لك البوست اثبت امجد البصير وغيره تصريحات صحفيه انه تم اعتقال فوق ال 14 شاب
واطلق سراح ثلاثه منهم وخكم الآخرين بسنه سجن!سيمعتني كويس سنه كامله سجن قال ايه لتوويع منشوارت
ولعلمك نحن ما حنسكت عليهم وحكومتك حتبلع قرارها زي السلام عليكم نحن بس راجين اسمائهم.
ده اولا عشان ما تدعي اننا كذابين وعايزين نلصق اي اعتقال للحكومه اثناء الانتخابات.
نرجع لنجلاء وبكري
طيب وهانت اثبت ونجلاء اثبتت انه تم اعتداء على مرشح...دي براها بتدينكم..خليك من ضرب ناس نجلاء:
هاذ ما كتبته نجلاء
Quote: احد الاعمام الذين تم ضربهم
من قبل كادر من المؤتمر الوطني
|
وهذا ما كتبته انت:
Quote:
قبل يومين حدث انفلات امني في الدائرة رقم 6 الامير الاولى مركز ابوبكر الصديق رقم 2 وذلك اثر مشادة كلامية بين مرشح المؤتمر الشعبي الاستاذ ابو القاسم ادم ورئيس اللجنة الشعبية الاستاذ نجم الدين خوجلي تعرض خلالها مرشح المؤتمر الشعبي للضرب
على اثرها تلقى بكري العجمي مكالمة تلفونية من احد مراقبي الانتخابات |
طيب ابو القاسم آدم ده ما بني آدم؟؟ينضرب ليه؟؟؟
واها لتعتر لك ولمؤتمرك الوطني ابوالقاسم ده من آدم الفي اسمه ده
ولدنا اي من دارفور شفته يبقى مؤتمر شعبي يبقى جن احمر نحن حركاتكم العنصريه جي عارفنها
وحاندبكم في ضرب ابو القاسم آدم هذا....وحشتوفوا.
يا اخي شوفته من الآخر كده دي باس ورداتنا ونحن احرار نجلاء سيد احمد
دي لو زول قال لها زحي ساي وما عجبتني بنفتح ما نشاء من بوستات
مالك ومالنا؟؟؟وبنتضامن وبنقلب الهوبه ذاتها,عندك عندنا حاجه؟؟
ثانيا:
ثور الله في برسيمه الفاكنه في خلق الله ده
عمكم خوجلي ده آخير تلموهوا اوكي.لانه حيندم.
وكلموا يبطل بلطجه وقة ادب.
وبطل نقل قوالات بالتلفونات!
انت لو في الخرطوم معليش قاعد في السعوديه وتفتي للناس الفي الخرطوم عن كيف انضربوا!
| |
|
|
|
|
|
|
|
|
|
Re: اين الامانة الصحفية يا نجلاء (القصة الحقيقية لمسرحية الاعتقال) (Re: Tragie Mustafa)
|
تراجي شيلي نفسك وقولي بسم الله
الكل يعرف اني في السعودية وبروفايلي بقول كده
لو رجعنا لي اخبارك الملفقة البتجيبيها بعنوان عاجل دي هل كانت حاصلة في كندا مكان اقامتك؟
انت بتقولي كانوا عايزين يودوها بيوت الاشباح طيب ما دام ده ما حصل ليه بتطالبوا بي اطلاق سراحها ولسه انت معلقة صورتها البتقول الحرية لنجلاء؟
لمعلوميتك الشباب الذين تم اعتقالهم ومحاكمتهم مذنبون بجريمة حمل واستخدام عبوات مولتوف حارقة وليس بتوزيع منشورات فبطلي الدجل
نحنا ما عنصريين زيك وندين العنف والضرب لايا كان من دارفور او البركل
ولمعلوميتك ابو القاسم ده ما من دارفور يلا اسحبي تضامنك ده
وانا كمان عندي باسويرد وحر فيها وساستخدمها باستمرار لكشف اباطيلكم ودجلكم وما تنشروهوا من بهتان واشاعات
القصة وصلتني بالايميل وليس التلفون
تراجي صدقيني الناس ديل اذكى منكم وبكتير وعارفين حركاتكم دي كووولها وهسه هم بضحكوا عليكم وما ح يدوكم اي فرصة للتشويش على الانتخابات دي
الناس ديل قتلوا منهم 9 اشخاص وفيهم قيادات وضبطوا انفسهم
فهمتي
| |
|
|
|
|
|
|
|
|
|
Re: اين الامانة الصحفية يا نجلاء (القصة الحقيقية لمسرحية الاعتقال) (Re: الشفيع وراق عبد الرحمن)
|
الأخ الشفيع
تحياتي و سلامي
في تقديري أن التركيز على الناحية الفنية في موضوع اعتقال و ما اعتقال دا عمل إنصرافي لا غير. القضية الأساسية يا عزيزي المفروض تؤرقك كإنسان و رجل و سوداني أن هناك شخصا (ما قادر أقول راجل والله) يمد يده على امرأة. دعك من التضامن مع أخت و زميلة... هذا المخلوق ما دام اتجرأ يمد يده على امرأة فلا تستبعد أن تقع في يده يوما ما أختك أو عمتك أو خالتك... بس من الباب دا المفروض نركز على المسألة دي و نرفض ما تم بصورة كاملة بغض النظر عن أن الأخت نجلاء قد تم اعتقالها أم لا.
رأيي الشخصي أن تتواصل الإجراء ات القانونية ضد هذا الشخص لكن في نفس الوقت لا بد من التعامل معه بطريقة أولاد الحلة الزمان ديك و جعله عبرة لمن يعتبر.
| |
|
|
|
|
|
|
|
|
|
Re: اين الامانة الصحفية يا نجلاء (القصة الحقيقية لمسرحية الاعتقال) (Re: Elawad)
|
Quote: الأخ الشفيع
تحياتي و سلامي
في تقديري أن التركيز على الناحية الفنية في موضوع اعتقال و ما اعتقال دا عمل إنصرافي لا غير. القضية الأساسية يا عزيزي المفروض تؤرقك كإنسان و رجل و سوداني أن هناك شخصا (ما قادر أقول راجل والله) يمد يده على امرأة. دعك من التضامن مع أخت و زميلة... هذا المخلوق ما دام اتجرأ يمد يده على امرأة فلا تستبعد أن تقع في يده يوما ما أختك أو عمتك أو خالتك... بس من الباب دا المفروض نركز على المسألة دي و نرفض ما تم بصورة كاملة بغض النظر عن أن الأخت نجلاء قد تم اعتقالها أم لا.
رأيي الشخصي أن تتواصل الإجراء ات القانونية ضد هذا الشخص لكن في نفس الوقت لا بد من التعامل معه بطريقة أولاد الحلة الزمان ديك و جعله عبرة لمن يعتبر. |
شكراً لك يالعوض
| |
|
|
|
|
|
|
|
|
|
Re: اين الامانة الصحفية يا نجلاء (القصة الحقيقية لمسرحية الاعتقال) (Re: الشفيع وراق عبد الرحمن)
|
1Quote: - الان انا حرة .. كويسة ( الي حد ما ) .. لايوجد فيديو قطعاً
2- عصام دهب ... نجلاء ضربت وتحرش بها نفر منكم وتم اعتقالها وحتي عربتها لم تسلم
3- الأخت نجــلاء سيد أحمد مجردة
4- ضرب الزميلة نجلاء سيد أحمد وإعتقالها
5- ما حدث للأخت نجلاء سيد أحمد ... مرفوض مرفوض
6- نجلاء سيد أحمد دقوها و أهانوها بس.. أستريحوا يرحمكم الله ..
7- زوج ساره والجهاز القضائي الفاسد هم وراء اعتقال نجلاء سيد احمد زوجة المقاتل بخاري الامين!
8- اعتقال نجلاء سيد أحمد و اقتيادها لمكان غير معلوم |
الحبيب الشفيع ..
الشكر الجزيل ..
شخصياً دخلت البوست رقم (2) وتضامنت مع الأخت نجلاء ..
لكن ما ثبت عندي يقيناً منذ تسجيلي في هذا المنبر أن المعارضة أكذب الناس وخاصة معارضة المنبر هنا ..
الشيوعيين كذبة لا استثني منهم إلا الأخ خالد العبيد .. وأنا حر فيما استثني طبعاً ..
وهناك رهط من حزب الأمة (الأجنحة) وليس جميعهم ولكن أقصد ناس درق سيدو فما دون ..
والمناضليين عديمي اللون أو ا لأرزقية ..
لا ألوم الأخت نجلاء البتة .. فهي لم تقل أنها اعتقلت ..
ولو لامسها لوم بسبب الصمت إزاء هذه الإفتراءات حولها ..
يجب على الأخت نجلاء أن تكون شفافة وتوقف الجميع في حده بإجلاء الموقف ..
ومن فرط التردي .. لا يزال البعض ينافح عن الباطل بكل صلف وصفاقة ..
سبحان الله ..
فلله في خلقه شئون ..
لك الود أيها الرجل الفاضل الشفيع وراق ..
جاد
| |
|
|
|
|
|
|
|
|
|
Re: اين الامانة الصحفية يا نجلاء (القصة الحقيقية لمسرحية الاعتقال) (Re: JAD)
|
بعيدا عن موضوع الاخت نجلاء سيد احم
يا الطريفي انت مالك بقيت برااااااااااااااااااااااااي ولااااااااااااايوق ويييييييييييييييييييكة بس (دي ما شتيمة ... كويس معاك)
مالك بقيت بتتلح الناس واحد وراء التاني
لو لميت في زول بتكره البورد دا
ما عارفة ذكرتني (مغامرات رجل المستحيل)
الله لا يوقعني يوم في سكتك
| |
|
|
|
|
|
|
|
|
|
Re: اين الامانة الصحفية يا نجلاء (القصة الحقيقية لمسرحية الاعتقال) (Re: Khalid Kodi)
|
الشفيع:
المسألة في جوهرها ليست مسألة إعتقال أو ضبط أو إحتجاز أو مسائلة أو إيقاف أو ضرب،
بقدر ما هي مسألة سلامة.
والسلامة هي سلامة مواطن سوداني من الأذى، وشمل مفهموم المواطن عندي الذكر والأنثى.
لقدت تعرضت الأستاذة نجلاء لأمر رذيل، لا يحق معه التنطع حول التصنيفات.
ويجب علينا كبشر في المقام الأول، وكسودانيين في المقام الأخص أن نستهجنه ولا نباري
أي خسكه بخصوصه.
لقد تعرضت السيدة نجلاء، المصورة والناشطة المدنية الحرة لإعتداء سافر، وكان الذين
إعتدوا عليها من مواي النظام، سواء كان هؤلاء النظاميين شرطة أم أمنجية أم مؤتمرجية
أم عساكر أم نظام ساكت.
المسألة مسألة تجاوز كبير، ومسألة إعتداء سافر، لا يمحوه أي كلام عن نوعيته.
فأرجو الإنتباه لهذه المسألة.
إن ما حدث لنجلاء أمر غير مقبول، مهماً كانت مسمياته.
ومحاولتك لإعادة تصنيفه بأي شكل من الأشكال أمر لا تقبله الكرامة ولا الإنسانية،
ناهيك عن أي قوانين عرفية أو أخلاقية.
| |
|
|
|
|
|
|
|
|
|
Re: اين الامانة الصحفية يا نجلاء (القصة الحقيقية لمسرحية الاعتقال) (Re: Khalid Kodi)
|
والله حسيت نفسي بقرا فى محضر بوليس
ياوراق نفسى افهم انتا عايز تصل لى شنو فى البوست دا
بوستات الاعتقال والتنديد ليست بجديده على هذا المنبر ان كانت صحيحه اوغير صحيحه
ماعارف موضوع اعتقال نجلاء او مسرحيه الاعتقال كما اسميتها انت حارقك شديد كدا مالك
لو اديتنا اخرك بيكون كويس
_________________________________________________________________________________
فلقه
لست مؤتمر وطني ولا معارض ولا بعرف سياسه اصلا وكمان ليست لى علاقه بالمتداخلين اعلاه لامن بعيد ولامن قريب
حتى لاتصيبنى الالقاب
| |
|
|
|
|
|
|
|
|
|
Re: اين الامانة الصحفية يا نجلاء (القصة الحقيقية لمسرحية الاعتقال) (Re: Rashid Elhag)
|
Quote: مشن شويه لمحت لك مداخله في بوست اعتذار خالد العبيد ووهبه واستغربت لمدخلتك
الما هببت لاي زول دخلته شاكلته ومرقته
وتقول لي باطل؟؟؟ |
الحاجة أم حازم تراجي ..
بعد التحية ..
الظاهر عيونك زغللت بس يا تراجي ..
لم أتداخل في بوست إعتذار خالد العبيد لوهبة .. ولم أتداخل في بوست إعتذار وهبه لخالد لأني بصراحة ما عارف الحصل بينهم شنو ..
لكني قرأت عنوان بوست الأخ خالد .. فلم أر غرابة أو تناقض بين جميل العبارة وسماحة الأخ خالد العبيد ..
نعم أختلف مع الأخ خالد العبيد ورقية وراق في الرأي والميول السياسية لكني أقدرهما وأحبهما ومن حقي أن أطلق العنان لمشاعري ..
فهذه مشاعر إنسانية لا تعرف الحواجز ..
ولا تيأسي فقد أحبك يوماً وإن جهلت السبب .. لأن صدري لا يحمل العداء الفاجر .. وكم بوردابي عندما ما قابلته على الطبيعي لأول مرة كانت مقابلته كمقابلة الصديق الحميم الغائب رغم ما كان بيننا من مخاشنة وتلاسن ..
| |
|
|
|
|
|
|
|
|
|
Re: اين الامانة الصحفية يا نجلاء (القصة الحقيقية لمسرحية الاعتقال) (Re: JAD)
|
الشفيع تحياتي
ياخي نجلاء مناضلة ونحن محتاجين للمناضلين ،،، لكن هذا ليس وقته
لاتنشغل بالادنى
ضربت او ضاربوها هنالك قوانين وملاحقات جنائية لها ولغيرها
هل تعتقد انها الوحيدة التي تحايلت او تعرضت للاذى
انه امر عادي وقليل الحدوث
14000 الف مرشح والاف الاف المراكز شنو لو جماعة اتخانقوا في واحدة منها
في انتخابات 65 بعد اكتوبر الشرطة قتلت عشرة مواطنين بالرصاص الحي بالقرب من صندوق الاقتراع
مش بس ساقتم في عربية وحنستهم
ورجعتهم في نصف ساعة،،عشان يتألقوا في هذا البورد !!!!
مشكلة جنائية بين شخصين احدهما استخدم عضلاته الجسدية والاخر استخدم عضلاته الذهنية لاخراج هذا الموقف الذي لم يابه به شخص
غيرنا نحن الجالسين في الرصيف
ارجو ايقاف هذا البوست والنظر الى الكليات ،،،،البلد تمر بالتغيير
وتتأسس من جديد على مد ديمقراطي سهر العالم معه وشاهده عن كثب ورفع قبعته تحية واعترافا
| |
|
|
|
|
|
|
|
|
|
Re: اين الامانة الصحفية يا نجلاء (القصة الحقيقية لمسرحية الاعتقال) (Re: د.نجاة محمود)
|
Quote: لم تعتقل نجلاء ابدا هذه هي الحقيقة
ضربت نعم |
العزيزة دكتورة نجاة،
إستمعت الى الفيديوهات التى أفردتها الاستاذه نجلاء لسرد حكايتها...
لمست فيها صدق عميق...ولن أنكر ألأننى شعرت بالغضب الشديد.
التعرض للأستاذه نجلاء ايا كانت المبررات غير مقبول.
إحتجاز الاستاذة نجلاء فى عربتها ولو لثانية واحده يعد إعتقال.
وقد تم إحتجازها.. وتم فرض إقتيادها الى قسم البوليس.
| Quote: في مشاجرة مع شخص عديم اخلاق ومنحط يمارس العنف المادي والمعنوي ضد النساء |
لم تتشاجر الاستاذه نجلاء فى سوق الخضار مع بائع فجل يادكتورة نجاة محمود.. بل ولم تكن محتاجة الى إثارة هذا الامنجى الوضيع، إنما مايخدم ماتصبؤ إليه هو أن تصور تصويرها فى صمت لتعود وتنشره بدون لفت انظار..لتلفت الانظار بما تنشرة وليس بالكيفية التى تتحصل به عليه..أى الذى يراد نشره!!!...فكما هو واضح وبديهى لأى عاقل ان هذا الامنجى المنحط هو من "قبض عليها متلبسه" بما لايود أن يراه ولا يقرة أيا كان هذا... ففعل ما فعل!
فالذى يعرف عن طبيعة ماتقوم به الاستاذه نجلاء وهو نقل "التجاوزات" الى الرأى العام عبر ادة تصويرها يدرك أنه من مصلحتها أن لاتثير غبارا كثيفا وأن لاتتشاجر مع أحد مما يوفر لها فرص أكبر فى اداء مهمتها.
والذى "تشاجرت" معه ياعزيزتى الدكتورة لم يمارس العنف ضد الاستاذه نجلاء لأنها إمرأة منطلقا..إنما مارس العنف ضدها لأنها نتفهل ماتفعل أولا ثم بعد ذلك وللنيل من رسالتها إستخدم حقيقة انها إمرأه ففعل مخزونه الذكورى كما لايخفى عليك.
عيب ياعزيزتى نجاة والله عيب.
| Quote: يعني الحكومة ولا الامن ولا البوليس ما طرف فيما حدث لنجلاء |
والله عيب عليك...أولم اقل لك أنها لم تتشاجر مع بائع فجل فى سوق الخضار؟
بوليس، وأمننجيةن وبوليس وامننجية فرادى وجماعات.. وتصر الدكتورة نجاة محمود أن الاستاذة نجلاء تشاجرت مع شخص عديم الاخلاق!!! مجرد شخص "شماسى" لامهنه له ... وبقدرة قادر لديه القدرة على فعل كل مافعل!!!
| |
|
|
|
|
|
|
|
|
|
Re: اين الامانة الصحفية يا نجلاء (القصة الحقيقية لمسرحية الاعتقال) (Re: Khalid Kodi)
|
يا كودي انت سمعت شرائط غير السمعتها؟
الاخت نجلاء قالت مشت هناك كمراقبة للانتخابات
وهي اصلا مشت عشان تصور المشكلة الحصلت قبل يوم
في الحاجة دي ما كانت صادقة
ولكن حينما انتهى الموضوع بكارثة استفادت من البطاقة
لان المراقبين عندهم عمل محدد ما جزء منه المقابلات مع المتشاجرين
لو حصل تحقيق شامل كامل حتلطع غلطانة وحتحاسبها برضو مفوضية الانتخابات
لانها لم تتقيد بالقوانين والوائح..
هي اخدت الزول الاول عربيتها عشان تسجل كلامه
ومشت للشرس ولذلك اتهمها بالاختطاف والاستدراج
يا عمك نحنا قرينا مسرح بنعرفالاحداث بتسلسل كيف
ما ممكن يختارها من دون خلائق الله عشان يتشاجر معها..
لم تكلف الحكومة او الامن هذا الرجل بممارسة العنف..
دا زول طبيعته معفنة كدا وما محترم..
واصلا دي كانت نتيجة ان تعمل بصورة عشوائية في تلقيط الاخبار..
الحصلت شكلة عادية وجرجرة لمركز البوليس لا يوجد اعتقال..
مهما لفيت ودورتا مافي اي اعتقال..ز
متمنية نجلاء تقول الحصل من طقطق للسلامو عليكم بالترتيب
لانه كيف الزول دا ركب عربيتها ما وضحت لينا..
بعدين ليه كان بفتش في الكاميرا؟
عرف كيف في كاميرا من اصلو لو الشكلة دي دورت بالطريقة البتحكيها
نجلاء..لو اصلو دا مراقب بسال ويفرتق في شكلة ساي كدا
كمان لازم نسمع وجهة نظر الرجل الشرس في الموضوع
لاحظ الناس قالو ليهم الزول دا اختوه يعني مشو سالو منه تحديدا
ووجدو تحذير منه ...
يعني كلام مراقبة انتخابات دا ما لافق
وارنيك 7 وارنيك 8 اصلا المفروض يكون في مراقبين من المفوضية
يحلو مشكلة عدم وجود هذا الاونيك موش المراقبين بتاعين
الاحزاب ومنظمات المجتمع المدني..
بطل لولوة سمح؟
| |
|
|
|
|
|
|
|
|
|
Re: اين الامانة الصحفية يا نجلاء (القصة الحقيقية لمسرحية الاعتقال) (Re: د.نجاة محمود)
|
Quote: في مشاجرة مع شخص عديم اخلاق ومنحط يمارس العنف المادي والمعنوي ضد النساء
مثل عدد كبير من الرجال الان
|
كدي يا دكتورة قول لينا الزول عديم الأخلاق والمنحط دا هل هو زول عادي في نظرك؟
1- هل كان متواجداً في موقع الحدث بصفته الإنحطاطية تلك أم ممثلاً لجهة معروفة.
2- هل فعل ما فعله لأنه كان موضوع شخصي أم موضوع يخص جهة معروفة.
أري أن الدكتورة والشفيع وبعض منسوبي الحكومة يحاولون إفراغ الحدث الأساسي وهو ضرب إمرأة ومحاولة النيل من المعارضة وتصفية بعض الحسابات الشخصية حتى ولو على حساب الأخلاق والمصداقية.
إن ما تفعلونه عيب وعيب كبير.
دكتورة نجاة ما في حاجة إسمها معارضة (عندها جسم واحد ومنهج واحد وناطق بإسمها) هناك أشخاص وتنظيمات معارضة، فأرجو أن تلتزمى الموضوعية، وتحددي الناس بالإسم عشان ما يكون الكلام ساكت وعلى عواهنه.
يعنى قصة إنو في ناس عايزة (جنازة وتشبع فيها لطم) أرجو تحديدهم بالإسم أو بالتنظيمات، إحتراماً لعقولنا ولمصداقيتك (كباحث وعرف كيفية التعامل بأخلاقية علمية).
كنت أحسب أنك ستأخرين اخذ (ثأرك) من بعض الأفراد والتنظيمات هنا) حتى تقفى وترى كيف تدهورت الأخلاق وأصبح (بعض المنحطين المدعومين بالقوة والسلطة) يتجرأون ويعتدون على الناس في بلدنا الذي كان قبل (عشرين عاماً) ينظر بتأفف للرجل الذي يضرب إمرأة في الشارع، وألآن أصبح بعض الناس لا يتورع في الدفاع عنه بالقول (إنو معروف عنه إنو عنيف) أو بصرف النظر عن الحادث نفسه والتركيز على (إعتقلوهو ولا ما إعتقلوهو)، يا خي المؤكد الوحيد في كل القصة دي والمفروض إنو المنبر دا يقوم على فد كراع وما يقيف أبداً، هو قصة الضرب دي وفي القرن الواحد وعشرين وقدام الناس ومن ناس (المؤتمر الوطنى) والذين كرروا هذه العملية مئات المرات ضد النساء وضد الرجال. تطير عيشة المعارضة والحزب الشيوعي وتراجي مصطفي وخالد كودي لكن تبقى القيم بتاعتنا الفيها الناس كلها بتقيف الف أحمر لمن يحصل حاجة زيز
يعنى هسة يا دكتورة نجاة دايرة تقول لي عندك فرق من الناس البتقولي إنهم بيتاجروا بالقضايا، ما يا هو إنت اكتفيتى ليك بكلمتين بتاعت الجامعة العربية (ندين ونشجب) وبعد داك جريتى جري ساكة في موضوع الاعتقال وإعتقلوها ما إعتقلوها، هي المتاجرة دي كيفنها كان ما البتسوى فيهو دا.
هسة شوفي كلام ود الزين دا الفوق للشفيع والمعروضات دين وشوفي كلامكن هل صحي حرقك ضرب نجلاء دا ولا عداءك للمعارضة وبعض الشخصيات هنا هو الخلاكى لفحتى توبك وجيتي جارية جري ولسان حالك بيقول (وقعتوا معايا ياولاد الكلب يعنى نجلاء ما أعتقلوها وإنتوا جايين تكضبوا وتستغلوا الموضوع عشان تتجارو فيهو).
كدى أقعدى مع نفسك وأساليها تانى الخلاكى تكتبي في الموضوع دا هل هو:
1- ضرب وأعتداء المسؤول الحزبي على نجلاء
أو
2- هل (كذب بعض الذين تكرهين) في موضوع الإعتقال.
وبعد دا كلوا وكلامي الفوق دا والله أتمنى أن أكون مخطئاً في ظني وأن يكون ما حرككي هو هذا الاعتداء السافر على نجلاء وخوفك من ضياع قصة الضرب نفسها في خضم الغلاط (إعتقال ولا ما إعتقال). وإذا كنت مخطئاً فتقبلي إعتذاري الكامل ولكي أن تطلبي شكل الإعتذار الذي ترغبين فيه وأنا على إستعداد لذلك.
ودمتي
| |
|
|
|
|
|
|
|
|
|
Re: اين الامانة الصحفية يا نجلاء (القصة الحقيقية لمسرحية الاعتقال) (Re: الصادق اسماعيل)
|
Quote: قبل يومين حدث انفلات امني في الدائرة رقم 6 الامير الاولى مركز ابوبكر الصديق رقم 2 وذلك اثر مشادة كلامية بين مرشح المؤتمر الشعبي الاستاذ ابو القاسم ادم ورئيس اللجنة الشعبية الاستاذ نجم الدين خوجلي تعرض خلالها مرشح المؤتمر الشعبي للضرب
على اثرها تلقى بكري العجمي مكالمة تلفونية من احد مراقبي الانتخابات
في اليوم التالي حضر بكري العجمي ومعه نجلاء لتوثيق الحادث
في البدء قاموا باصطحاب مرشح المؤتمر الشعبي بسيارتهم وقاموا باجراء وتسجيل مقابلة معه ثم راوا ان يقوموا بتسجيل راي رئيس اللجنة الشعبية لسماع وجهة نظره
تم تحزيرهم من قبل بعض الافراد بان هذا الرجل عنيف ولا يتفاهم ولكن لم يسمعوا النصح
ذهب بكري وبلغ رئيس اللجنة الشعبية برغبتهم في اجراء الحوار وعرفوا نفسهم بانهم صحفيين ومن ثم قاموا باصطحابه الى سيارتهم
هنالك طالبهم بابراز هويتهم الصحفية وحصلت مشادة وعنف وضرب ومن ثم ذهب الجميع لمركز الشرطة حيث قام كلا منهم بفتح بلاغ في الاخر |
يا الصادق فقط انا بكره الولوة والكذب والف والدوران في القضايا العامة
هذا الرجل الذي ضرب نجلاء رجل جبان وقذر ولا يختلف من المناضلين الهنا البشتموا النساء
كله من حتة واحدة..
اقرأ كلام الشفيع دي القصة الحصلت بالجد
انه هم نادوا الزول دا ودخلوا العربية سالهم من البطاقة لقى مافي بطاقة..
ودورت الشكلة والاتهامات..
ما عايزة مزايدات سياسية في اي حاجة تحصل..
اي زول يعرف اين الخطا ويحاول يصححوا..
ولازم الزول الاعتدى بالضرب دا يتحاكم ويتعرف ليه استخدم يده..
| |
|
|
|
|
|
|
|
|
|
Re: اين الامانة الصحفية يا نجلاء (القصة الحقيقية لمسرحية الاعتقال) (Re: د.نجاة محمود)
|
Quote: ما عايزة مزايدات سياسية في اي حاجة تحصل..
اي زول يعرف اين الخطا ويحاول يصححوا..
ولازم الزول الاعتدى بالضرب دا يتحاكم ويتعرف ليه استخدم يده.. |
]
د. نجاة
أها شوفتي أنا بفتكر إنو النقاش حول أن ما حدث إعتقال أم ليس إعتقال دا يا هو ذاتو المزايدات السياسية، يعنى نجلاء دي لو إستدرجت الزول دا أو هو ضربها لأنو حاسي إنو مسنود بي قوة الحزب بتاعو، خلاصة القضية دي هي حماية الناس خصوصاً النساء والأطفال من هذا النوع من العنف. لكن تصيد الأخطاء وتضخيمها (والغلاط) وقتوا ممكن يكون تاني لأنو نجلاء دي لو كانوا إعتقلوها أو لم يعتقلوها هي الآن حرة طليقة، لكن حادثة ضربها من رجل يتبع لهذه الحكومة، والتى استمرأت مسألة ضرب الناس وجلدهم هو الموضوع المهم الذي يجب أن يكون الغلاط فيهو مقبول.
وشكراً على الرد ودمتى
| |
|
|
|
|
|
|
|
|
|
Re: اين الامانة الصحفية يا نجلاء (القصة الحقيقية لمسرحية الاعتقال) (Re: الصادق اسماعيل)
|
| Quote: أها شوفتي أنا بفتكر إنو النقاش حول أن ما حدث إعتقال أم ليس إعتقال دا يا هو ذاتو المزايدات السياسية، يعنى نجلاء دي لو إستدرجت الزول دا أو هو ضربها لأنو حاسي إنو مسنود بي قوة الحزب بتاعو، خلاصة القضية دي هي حماية الناس خصوصاً النساء والأطفال من هذا النوع من العنف. لكن تصيد الأخطاء وتضخيمها (والغلاط) وقتوا ممكن يكون تاني لأنو نجلاء دي لو كانوا إعتقلوها أو لم يعتقلوها هي الآن حرة طليقة، لكن حادثة ضربها من رجل يتبع لهذه الحكومة، والتى استمرأت مسألة ضرب الناس وجلدهم هو الموضوع المهم الذي يجب أن يكون الغلاط فيهو مقبول. |
ما كدا يا الصادق القضايالا تأخذ كوارا
الرجل دا رجل عديم مروءة خلقة يعني النوعية دي ممكن تكون في اي حزب تاني
في المنبر دا راقدين بحلة زينب يشتموا النساء ويالفوا القصص في سمعتهم
ويستخدمو خدش الحياء في اسكات النساء ويحرشوا عليهم ازواجهم
ويطالبوهم بتـاديبهم..
اي رجل يشتم او يمد يده على امراة دا راجل منحط وسافل وعديم مروءة
وعنده خلل كبير نفسي ورجولته مجروحة..
مهما كان جهتواالواقف فيها..
م
| |
|
|
|
|
|
|
|
|
|
Re: اين الامانة الصحفية يا نجلاء (القصة الحقيقية لمسرحية الاعتقال) (Re: د.نجاة محمود)
|
Quote: اي رجل يشتم او يمد يده على امراة دا راجل منحط وسافل وعديم مروءة
وعنده خلل كبير نفسي ورجولته مجروحة..
مهما كان جهتواالواقف فيها..
|
د. نجاة
الكلام دا ما فيهو أي إختلاف، وأنا شخصياً في أي وقت تتعرض فيه أى إمرأة هنا في هذا المنبر لأي إعتداء لفظي أو تجريح وأقرأه أكون أول المديينين لذلك حتى ولو كانت من أعدائي.
وتركيزي الآن على الحكومة للأنها الأقوي ولأن هذا الرجل تحديداً تجرأ عليها من موقع (قوته) الذي إستمده من وضعه الحزبي، والشفيع هنا دافع عنه بأنه معروف بالعنف.
والعنف الذي يُمارس من موقع السلطة هو الذي يجب أن يُحارب بدون هوادة لأنه يمكن أن يكون سياسة دولة كاملة، ولقد شاهدت الكثير من ذلك في السودان، خصوصاً في المظاهرات وهذه الظاهرة لم تكن موجودة قبل الآن لذلك فالتركيز عليها لحماية الموجدين تحت نير هذه السلطة.
من الأحداث التى أذكرها هي إعتقال الطالبات من جامعة الجزيرة وجلدهن، وهناك الكثير.
وبالتالي تركيزي على صفة هذا (المنحط) الحزبية لأني لم أسمع محاسبة له من تنظيمه بل على العكس فهذا البوست فُتِح للتبرير له بأنه (شخص معروف أنه عنيف)، ووقعت أنت في نفس الشرك (حسب تصوري) إقرأي مرة أخري كلامك
Quote: الاخت نجلاء قالت مشت هناك كمراقبة للانتخابات
وهي اصلا مشت عشان تصور المشكلة الحصلت قبل يوم
في الحاجة دي ما كانت صادقة
ولكن حينما انتهى الموضوع بكارثة استفادت من البطاقة
لان المراقبين عندهم عمل محدد ما جزء منه المقابلات مع المتشاجرين
لو حصل تحقيق شامل كامل حتلطع غلطانة وحتحاسبها برضو مفوضية الانتخابات
لانها لم تتقيد بالقوانين والوائح..
هي اخدت الزول الاول عربيتها عشان تسجل كلامه
ومشت للشرس ولذلك اتهمها بالاختطاف والاستدراج
يا عمك نحنا قرينا مسرح بنعرفالاحداث بتسلسل كيف
ما ممكن يختارها من دون خلائق الله عشان يتشاجر معها..
لم تكلف الحكومة او الامن هذا الرجل بممارسة العنف..
دا زول طبيعته معفنة كدا وما محترم..
واصلا دي كانت نتيجة ان تعمل بصورة عشوائية في تلقيط الاخبار..
الحصلت شكلة عادية وجرجرة لمركز البوليس لا يوجد اعتقال..
مهما لفيت ودورتا مافي اي اعتقال..ز
متمنية نجلاء تقول الحصل من طقطق للسلامو عليكم بالترتيب
لانه كيف الزول دا ركب عربيتها ما وضحت لينا..
بعدين ليه كان بفتش في الكاميرا؟
عرف كيف في كاميرا من اصلو لو الشكلة دي دورت بالطريقة البتحكيها
نجلاء..لو اصلو دا مراقب بسال ويفرتق في شكلة ساي كدا
كمان لازم نسمع وجهة نظر الرجل الشرس في الموضوع
لاحظ الناس قالو ليهم الزول دا اختوه يعني مشو سالو منه تحديدا
ووجدو تحذير منه ...
يعني كلام مراقبة انتخابات دا ما لافق
وارنيك 7 وارنيك 8 اصلا المفروض يكون في مراقبين من المفوضية
يحلو مشكلة عدم وجود هذا الاونيك موش المراقبين بتاعين
الاحزاب ومنظمات المجتمع المدني..
|
يعنى نفترض إنو كلامك الفوق دا كلو صاح، هل في شئ واحد في الدنيا بيبرر لراجل سوداني إنو يضرب ليهو إمرأة حتى ولو كانت غلطانة، هسة أنا لمن قريت الكلام بتاعك دا قلت لنفسي (دكتورة نجاة كتبت الكلام لأنو المضروبة دي نجلاء المعارضة لكن لو كانت ست شاي ساكت ما كان حتكتب الكلام دا).
والله يا دكتورة لو في مرأة سودانية وقفت ونشتمت وحاولت تعتدى بالضرب حتى لو ضربت ليها راجل سودانى ما أظنوا يمد يدو عليها، وفي النهاية الراجل دا حيكون
| Quote: هذا الرجل الذي ضرب نجلاء رجل جبان وقذر |
أها دا الكلام الصاح مش كلام إنو:
| Quote: لو حصل تحقيق شامل كامل حتلطع غلطانة |
يعنى ما ممكن تكون هي الضحية مهم كانت المبررات.
و لا يجرمنكم شنآن قوم على الاّ تعدلوا اعدلوا هو أقرب للتقوى واتقوا الله
ودي نقطتى معاك يا دكتورة في موضوع نجلاء دا أحسن نفرز الكيمان، وفي موضوع الحكومة برضو أحسن نفرز الكيمانن لأنو ما معناهو أن هناك بعض المعارضين الذين لا تحترميهم أن يكون هذا مبرر للمزايدة على قضية كبيرة مثل (العنف ضد النساء)
وشكراً مرة ثانية
| |
|
|
|
|
|
|
|
|
|
Re: اين الامانة الصحفية يا نجلاء (القصة الحقيقية لمسرحية الاعتقال) (Re: الصادق اسماعيل)
|
| Quote: يعنى نفترض إنو كلامك الفوق دا كلو صاح، هل في شئ واحد في الدنيا بيبرر لراجل سوداني إنو يضرب ليهو إمرأة حتى ولو كانت غلطانة، هسة أنا لمن قريت الكلام بتاعك دا قلت لنفسي (دكتورة نجاة كتبت الكلام لأنو المضروبة دي نجلاء المعارضة لكن لو كانت ست شاي ساكت ما كان حتكتب الكلام دا). |
سلامات يا الصادق
متين انابررت للرجل عنفه؟
انا لا ابرر ابدا عنف هذا الرجل وقد ادنته ادانة كاملة
انا احترم كل نساء بلادي في كل الاحزاب واتعاون معهن واتعامل معهن
ويستحيل ان ارضى ان يساء لاي امرأة مهما كان اختلافي معها ومواقفي في هذاالبورد
وحياتي الواقعية تثبت ذلك...
فقد اود ان تعرف حقيقة ما حدث لاجل نجلاء قبل اي شئ
لان اخشى ما اخشى ان يحدث لها مكروه بتشجيع دجالين البورد..
| Quote: لو حصل تحقيق شامل كامل حتلطع غلطانة |
شوف يا الصادق نجلاء بتقول انها مشت كمراقب انتخابات لتعرف ماذا حدث
مراقب الانتخابات دا ما جزء من صلاحياته ابدا يعني مفوضية الانتخابات حتقول انه
فض النزاعات دا ما جزء من عمل المراقبين
بعداك نجلاء لا تحمل رخصة لممارسة الصحافة دي مخالفة تانية
ونجلاء هي التي سعت لهذاالرجل وادخلته سيارتها لاحراء مقابلة
ولكن ها الرجل البغن رب نجلاء لسبب ما..
يبقى اي تحقيق حيحدد كل حاجة بالتفاصيل اكثر لان سيسمع وجهة نظر الرجل الشرزس
| Quote: و لا يجرمنكم شنآن قوم على الاّ تعدلوا اعدلوا هو أقرب للتقوى واتقوا الله |
الاية الكريمة دي انا المفروض اختهاا ليك او انت ما فاهمها كويس
لانه ما اي زول في المعارضة كلامو صاح ونبصم عليه طوالي
وذي قلت ليك ارشيفي يشهد اني اقف مع اي امرأة مظلومة لو كانت عدوتي..
حلي الاخت نجلاء التي احترمها واقدرها
| |
|
|
|
|
|
|
|
|
|
Re: اين الامانة الصحفية يا نجلاء (القصة الحقيقية لمسرحية الاعتقال) (Re: HAIDER ALZAIN)
|
تحية للجميع
| Quote: والشفيع هنا دافع عنه بأنه معروف بالعنف. |
اخ الصادق
ارجو ان تكون امينا مع نفسك اولا ولا تقولني ما لم اقله حيث لم ادافع عنه بل على العكس
موضوع عنف الرجل اوردته ضمن القصة التي بداتها ب:
| Quote: القصة حسب ما وردت من المصدر الموثوق: |
وموقفي من الموضوع ثبته اكثر من مرة وليس خوفا من احد ولكنه موقف مبدئي املته علينا قيمنا وتربيتنا
| Quote: ندين ونستنكر اي عملية ضرب للصحفيين وخلافهم وبالذات ضرب النساء الذي لا ينتمي لقيمنا ومبادئنا |
| Quote: العملاق الذي سميتيه فرعون لا تربطني به اي صلة ووالله لم اسمع به الا هنا ومثله الذي يضرب النساء لا تشرفني معرفته ولا ان ننتمي لحزب واحد |
وطريقة ارهابكم الفكري هذه قد ولى عهدها وسنبحث عن الحقيقة ونكتبها مهما كانت مرة
محاولتكم المتاجرة باعتقالها المزعوم كانت واضحة وسنبذل جهدنا لمنعكم من تحصيل ارباح هذه التجارة
| |
|
|
|
|
|
|
|
|
|
Re: اين الامانة الصحفية يا نجلاء (القصة الحقيقية لمسرحية الاعتقال) (Re: الشفيع وراق عبد الرحمن)
|
بمناسبة و من غير مناسبة
حتي ينجلي الظلم و الظلام و يأتي الصبح, اليس الصبح بقريب؟ بلي
Quote: فوز .. الخاسر!!
(أولئك الذين خسروا أنفسهم وضل عنهم ما كانوا يفترون * لا جرم أنهم في الآخرة هم الأخسرون) صدق الله العظيم
لقد فاز المؤتمر الوطني بالانتخابات، وسينصب مرشحه، المواطن عمر البشير رئيساً لجمهورية السودان. وهكذا أثبت المؤتمر الوطني، للمجتمع الدولي، ان شعب السودان، بما فيه سكان دارفور، يحب البشير .. ولهذا لا يمكن ان يكون اتهام المحكمة الجنائية الدولية له، بجرائم الحرب في دارفور، وقتل عشرات الآلاف، وتشريد حوالي مليوني مواطن، وحرق حوالي 2000 قرية ، صحيحاً .. بدليل ان شعبه، قد صوّت له، وأختاره على غيره من المرشحين، وما كان يمكن ان يحدث ذلك، لو كان مسئولاً عن كل هذه الجرائم البشعة التي هزت الضمير الإنساني. والنتيجة السعيدة التي حصل عليها المؤتمر الوطني، لم تأت من فراغ ، وانما تم لها إعداد كبير، وتخطيط محكم، ما كان يمكن ان يتأتى، مهما كانت براعة اعضاء هذا الحزب، لو لم يكن يملك السلطة، وليس لديه ادنى وازع، من تسخير كافة مواردها، وامكاناتها، وقوانينها، لتحقيق الفوز بكل سبيل. ولعلنا لو نظرنا بعمق، الى ما فعله المؤتمر الوطني، حتى يضمن هذا الفوز، لرأينا كم من القيم الدينية، والاخلاقية، قد فارق، وكم من الغش قد مارس، وكم من الكذب قد أحترف، وكم من العهود قد خان، مما يجعل الفوز نفسه، في ميزان الحق والعدل، أكبر هزيمة، وأبلغ خسران .. فماذا فعل المؤتمر الوطني ليفوز بهذه الانتخابات؟ هذه بعض الأمور:
1-اتفق مع الحركة الشعبية على اتفاقية السلام الشامل، ووقعها في عام 2005م، ووعد بتطبيقها .. ولكنه رفض تطبيق روح الاتفاقية، وهو تعديل القوانين المقيدة للحريات، وحتى الاجزاء التي طبقها من الاتفاقية، تأخر فيها، وتماطل، وتلكأ.. وكان خلال هذه الفترة، يدبر للفوز في الانتخابات، فمنذ أن أخر الإحصاء السكاني، عن الموعد المحدد له، لمدة عامين، كان يعد للاحصاء المزور، بمسح مختلف المناطق، ومعرفة أماكن نفوذه، ليزيد اعداد السكان فيها .. ولما كان الغرض واضحاً وراء الاحصاء، لم يستطع واضعوه، أن يتجاوزوا المفارقات الفادحة، ولهذا جاء تعداد سكان هيا اكبر من بورتسودان!! وجاء عدد الجنوبيين في الشمال 520 ألف نسمة!! ولم يتم احصاء 524 قرية في جبال النوبة، ولم يُعطوا أي دائرة انتخابية، ووزعت الدوائر على اساس الاحصاء الخاطئ، فنالت 6 ولايات شمالية 50% من الدوائر أي 225 مقعد بينما حددت 96 مقعد فقط للولايات الجنوبية ال10!! وهناك مناطق كبيرة في دارفور، مثل شرق جبل مرة، لم تعط دوائر، وكانها خالية من السكان، وذلك لأنها اشتهرت بمعارضة الحكومة.
2- إعتمد المؤتمر الوطني على القوانين المقيدة للحريات، واجازها بالاغلبية في البرلمان، رغم اعتراض كل القوى السياسية عليها .. ثم قام باستعمالها قبل الانتخابات، ثم بكثافة أكثر، اثناء الحملات الانتخابية. فقد استعمل قانون الأمن الوطني، واعتقل الاستاذ عبد المنعم الجاك، الناشط في منظمات حقوق الإنسان، وقام بتعذيبه، ونشرت صور التعذيب الجسدي بالانترنت. وقبيل الانتخابات، تم اعتقال، وضرب ناشطين من حركة (قرفنا)، منهم عبد الله مهدي، الذي ذكر في مؤتمر صحفي، عقد باجراس الحرية، أنه عذّب، وضرب، وجرد من ملابسه، وتم تصويره عارياً، واجبر على التوقيع، بأنه أستلم مبلغ مليون جنيه، من ضابط في الأمن!! كما تم اعتقال بتول محمد صالح، التي ذكرت انه تم التحرش بها، وتهديدها، وارهابها، وسألها رجال الأمن إذا كانت عذراء!! وهؤلاء الشبان، لم يقوموا بمحاولة انقلاب، أو تخريب، ولا ضبط معهم سلاح، ولا متفجرات ، وكل جريمتهم انهم خاطبوا الجماهير في الاسواق، ودعوهم لعدم التصويت لمرشحي المؤتمر الوطني. كما استعمل المؤتمر الوطني المادة 127 من قانون الاجراءات الجنائية، والتي تعطي الوالي والمعتمد، الحق في تفريق أي تجمع، أو مسيرة، أو ندوة سياسية، واستعمال القوة في الغاء أي نشاط جماهيري. فقامت الشرطة بتوجيهات من الوالي بضرب المسيرة السلمية، التي قادها تجمع احزاب جوبا يوم الاثنين 7 و14 ديسمبر 2010م، والتي كانت تستهدف رفع مذكرة للمجلس الوطني، فتم ضربها بالغاز وبالهراوات، وتم اعتقال العشرات وتعرضوا للضرب والاهانة، كما وتم اعتقال الأمين العام للحركة الشعبية الاستاذ باقان أموم، ورئيس قطاع الشمال ورئيس الكتلة البرلمانية للحركة الاستاذ ياسر عرمان، وتم الاعتداء عليهم في مركز الشرطة، رغم ما لديهم من حصانة تمنع اعتقالهم. وقام عدد من الولاة في الاقاليم، بالغاء الليالي السياسية للاحزاب المعارضة .. ومنعت بعض الندوات بعد تصديقها من الشرطة، ومنعت مراكز ثقافية، من اقامة ندوات معينة وصودرت كتبها في ورش عمل في الاقاليم. واستعمل المؤتمر الوطني قانون النظام العام، للارهاب والتخويف، وتم جلد وحبس 143 ألف إمراة سودانية في عام 2008م، بسبب عدم لبسهن للزي الإسلامي!! واعتقلت بموجبه الصحفية لبنى للبسها البنطلون، وكانت فضيحة، تراجعت الحكومة عنها بسبب الرأي العام العالمي، ولكنها جلدت الشابة الجنوبية، المسيحية، سلفيا لنفس التهمة، وبعد أشهر من حادث لبنى!!
3- لم يستطع المؤتمر الوطني، تجاوز ما فعل في دارفور، ولم يقدر على احتواء نتائجه، خاصة بعد ان اصبحت مأساة دارفور، قضية دولية .. ولكنه سعى الى عقد اتفاقيات، كان يهدف بها الى ايقاف نشاط الحركات المسلحة، دون ان يحقق مطالبها .. وتم اتفاق ابوجا، بعد جولات، واصبح بموجبه السيد أركو مني مناوي مساعداً لرئيس الجمهورية، ولم ينفذ الاتفاق، ولم تعط لمناوي سلطة حقيقية، كما وعد، وقد عبر عن ذلك صراحة في اكثر من مناسبة. وقامت الحكومة بجولات من الحوار مع العدل والمساواة، فشلت جميعاً، لأن الحركات قد اتخذت عبرة بما جرى على مناوي، خاصة وان المؤتمر الوطني، قد اشتهر بنقض العقود، ونكران الوعود، وخيانة العهود. ولأن المؤتمر الوطني يعلم تماماً، بأن شعب دارفور يحمله مسئولية ما جرى لأهلها، من قتل، وتشريد، وفظائع، فقد حاول ان يعزل مجموعات كبيرة، ويركز الدوائر على من يظن انهم مؤيدين له .. ثم قام بتقسم الناس على اساس قبلي، وأعطى المناصب على هذا الاساس، حتى يقرب اليه بعض القبائل.. كما انه فتح دارفور للاجانب، واعطاهم الحواكير، وسجلهم للانتخابات، وتغاضى عن اعتداءاتهم على الأهالي، واغتصابهم للنساء، حتى يضمن الفوز في دارفور. كما استعمل القوانين الرادعة لمنع أي نشاط سياسي للاحزاب المناوئة له، بل قام بمنع المواطنين بالقوة، من حضور ندوات الحركة الشعبية لتحرير السودان. إن تمزيق اهالي دارفور الإثني المنظم، واثارة النعرات القبلية بينهم، بغرض تمكين المؤتمر الوطني، وشغل الناس عن جرائمه، بصراعاتهم الداخلية ، لهو أسوأ مما جرى اثناء الحروب الأهلية بدارفور.
4- إنشاء المفوضية القومية للانتخابات، كجهاز يبدو عليه القومية والمهنية، في حين انه في الحقيقة ذراع من أذرع المؤتمر الوطني، وضعت في يده كل الامكانيات، ليسوق العملية الانتخابية، لغرض واحد، هو فوز المؤتمر الوطني. وأول الخلل، هو ان تكوين المفوضية، حسب قانون الانتخابات، تم بتعيين مباشر من رئيس الجمهورية، دون اشراك المعارضة السياسية، أو الحركة الشعبية الشريك في حكومة الوحدة الوطنية. ولقد استلمت المفوضية مبالغ كبيرة، من برنامج الامم المتحدة الانمائي، لتقوم بتدريب المواطنين، على كافة مراحل الاتخابات، من خلال تفعيل المجتمع المدني، ولكنها -رغم صعوبة الاقتراع وغياب الانتخابات لعشرين عاماً- لم تفعل ذلك وصرفت المبالغ على شراء عربات (برادو)، ومكاتب فخمة، بل لم تستجب الا مؤخراً للمنظمات التي بادرت بهذا العمل، ولم تسهم فيه مالياً، كما فعلت منظمات دولية مثل مركز كارتر. واخفت المفوضية عن عمد مراكز التسجيل، وأعلنت عنها بعد يومين من بدئه في الانترنت .. وقامت بتحويل بعض المراكز، وجرى في التسجيل ما جرى من مفارقات، وتقدمت الاحزاب بشكوى للمفوضية بتفاصيلها، فلم تفعل شئ، وكأن واجبها هو تسهيل أي فساد يساعد على فوز المؤتمر الوطني. وحين فتح باب الطعون رفضت المفوضية قبول طعن ضد مرشح المؤتمر الوطني، وبعد إلحاح قبلته، وحولته للمحكمة، التي قامت بدورها برفضه . وحين بدأت الحملة الانتخابية، أصدرت المفوضية منشوراً يطالب الاحزاب، بأخذ إذن لنشاطها الانتخابي، من سلطات الولاية، التي تعلم ان القانون يعطيها الحق في ايقاف نشاطها .. ولما رفضت الاحزاب بمذكرة ضافية، عادت المفوضية لتقول ان منشورها غير ملزم. وحين طالبت الاحزاب بفرص متساوية في وسائل الاعلام، عجزت المفوضية ان تقف بجانب هذا الحق الواضح، وقبلت ان يكون الاعلام محتكراً للمؤتمر الوطني. وحتى تسهل التزوير، وقعت المفوضية عطاء طباعة بطاقات الاقتراع لمطبعة العملة مقابل 4 مليون دولار، ورفضت عطاء سولفينيا بمبلغ 800 ألف دولار!! وحين إقترح مركز كارتر تأجيل الانتخابات لعدة أيام، ليتم اكتمال الاعداد، رفضت المفوضية ذلك، وزعمت انها مستعدة .. ولكن انفضح امرها في اليوم الأول، واضطرت ان تعترف باخطاء، منها عدم وصول البطاقات للمراكز في الوقت المحدد في الخرطوم، دع عنك الأقاليم.
5-لقد صاحبت التسجيل عمليات تزوير واسعة النطاق .. فقد كان اعضاء المؤتمر الوطني، يأخذون اشعارات التسجيل، ويسجلون اسماء كل من يسجلون اسماءهم في دفاترهم الخاصة .. وكان كثير من المواطنون يعطوهم لها، بحسن نيّة ، ظناً منهم انهم من ضمن فريق المفوضية. كما ذكر بعض الموظفين، ان كشوفات باسماء المتوفين، قد أخذت من المعاشات، واستخرجت لهم اشعارات تسجيل. كما ضبطت حالات تسجيل اعداد من الاجانب، خاصة في ولاية كسلا والقضارف. وحالات لتسجيل صغار السن . وكانت المفوضية قد سمحت للقوات النظامية بالتسجيل في مكان العمل، ولم تمنعهم من التسجيل مرة أخرى، في مكان السكن. ولم يشترط التسجيل أي اوراق ثبوتية، الا في حالة الشك، وترك اللجان الشعبية، في الحي لتقرر أن المواطن يحق له التسجيل في المنطقة المعينة أم لا .. ومعظم اللجان الشعبية، في الاحياء، من عضوية المؤتمر الوطني، وقد استمرت في اعطاء بطاقات تسجيل، بعد قفل باب التسجيل، لمن يتفق على التصويت للمؤتمر الوطني، حتى ثلاثة ايام قبل الاقتراع!! ولقد تم تسجيل اعداد ، في عدة مناطق، تفوق عدد المواطنين بها .. ومن ذلك مثلاً الدائرة 14 في ريف كادقلي، حيث تم تسجيل حوالي 144 الف شخص، بينما اشارت سجلات الاحصاء السكاني، الى ان عدد السكان في المنطقة حوالي 49 الف شخص فقط!! ولقد قام تحالف الاحزاب بتسليم المفوضية مذكرة احتجاج على السجل الانتخابي، حصرت ما يزيد على العشرين مخالفة وتزوير، ولكن المفوضية لم تحقق في أي منها.
6- أما السجل الانتخابي للسودانيين بالخارج، فقد كان مليئاً بالمفارقات. فقد نص قانون الانتخابات في المادة 22 على مشاركتهم فقط في انتخابات رئيس الجمهورية، ولا يحق لهم المشاركة في انتخاب حكومة الجنوب و الانتخابات الولائية، والتشريعية. ولم تطرح المفوضية أي تفسير لهذه المادة، التي تميز المواطن السوداني المقيم في الخرطوم أو جوبا، على المواطن السوداني المقيم في جدة، أو لندن، أو نيويورك. واشترط القانون ان يكون للمغترب جواز سفر ساري المفعول، وشهادة إقامة سارية في البلد الذي يعيش فيه. ومعلوم ان كثير من السودانيين اضطرتهم ظروف الحروب، والاضطهاد السياسي للهجرة، وليس لديهم جوازات، أو انها قد انتهت، ولا يستطيعون تجديدها، وبعضهم لا يملك اثبات إقامة، لانه قد يكون في اثناء اجراء طويل للحصول عليها .. ولما كان هؤلاء، بطبيعة الحال، معارضون للحكومة، رأى المؤتمر الوطني ان يحرمهم من التصويت. ولقد تم تكليف السفارات، التي يسيطر عليها منسوبو المؤتمر الوطني، بالقيام باجراءات التسجيل، حيث تحول الدبلوماسيين، وموظفو السفارات، وبعض كوادر المؤتمر الوطني، الى لجان تسجيل، في مخالفة واضحة لقانون الانتخابات، الذي جاء فيه، عن أعضاء المفوضية، في المادة 6 (ب) ما يلي: (ان يكون من المشهود لهم بالاستقلالية والكفاءة وعدم الإنتماء الحزبي والتجرد). ولما كان القيام بعمل المفوضية، يقتضي نفس الحياد، الذي ينطبق على اعضائها، فإنه لا يجوز ان يكون السفير، أو نائبه، أوالقنصل، أو الوزير المفوض في السفارة، رئيساً للجنة الانتخابية .. ولكننا نقرأ (في اطار الاستعدادات للانتخابات التي تبدأ مطلع ابريل المقبل ، ترأس الاستاذ أحمد يوسف الوزير المفوض ورئيس اللجنة الانتخابية بقاعة الاجتماعات بسفارة السودان بالرياض الاجتماع التشاوري للجنة الانتخابات مع قيادات وممثلي الجاليات بالمملكة ظهر الخميس 22 أكتوبر 2009م بحضور سعادة القنصل محمد ابراهيم الباهي والملحق الثقافي أسامة محجوب وابراهيم منصور سوركتي المستشار العام للسفارة) (صحيفة الخرطوم العدد 7199 الأحد 25 أكتوبر 2009م). وحتى لا يستطيع السودانيين في اوربا وامريكا التسجيل، كانت مراكز التسجيل قليلة وبعيدة عن السودانيين، ففي اوربا كان المركز في بلجيكا، بينما اعداد السودانيين في فرنسا اضعاف عددهم في بلجيكا، وفي الولايات المتحدة الامريكية في مدينتين في الخمسين ولاية، التي يقطن السودانيين بمعظمها .. ولعل منطق المؤتمر الوطني، ان هؤلاء معارضين للسلطة، فلا داعي ان يصوتوا، ولو كانوا من الموالين للمؤتمر الوطني، لهرعوا الى السودان، ونالوا حظهم، في الثروة والسلطة ، في دولة التمكين.
7- لقد كانت خطة المؤتمر الوطني، هي ان يباعد بين القدرة التنافسية بينه وبين الاحزاب، فيستغل أموال الدولة، ويحرمها منها، حتى لا تستطيع القيام بحملات انتخابية ودعاية وملصقات مثله. وحتى يسهل المؤتمر الوطني على نفسه الفساد، وضع نصاً في قانون الانتخابات، في المادة 69، يمنع أي مرشح، أو حزب سياسي، من استعمال امكانات الدولة، أو موارد القطاع العام، في حملته الانتخابية، ولكنه لم يضع أي عقوبة في حالة عدم الالتزام بهذه المادة!! وقد شاهد المواطنون، كيف ان مرشحي المؤتمر الوطني، في جميع انحاء السودان من الولاة، والمعتمدين، وغيرهم، يستخدمون عربات الحكومة، واموال الدولة، في صرف بذخي على الدعاية الانتخابية، بغير رقيب ولا حسيب .. ودون ان يكون للاحزاب المنافسة، أي مقدرة مالية على المنافسة، خاصة وان الدولة لم تمنح هذه الاحزاب، أي قدر من المال، خلافاً لما جاء في المادة 67 التي تذكر تمويل الحملات الانتخابية، وتقرر في الفقرة (ج) (المساهمات المالية التي قد تقدمها الحكومة القومية وحكومة جنوب السودان وحكومات الولايات لكافة الاحزاب السياسية أو المرشحين بقدر متساو) . ولقد قامت حكومة الجنوب، باعطاء اموال للأحزاب المنافسة للحركة الشعبية، ولكن حكومة الشمال لم تفعل. ولما كان القانون يلزم المفوضية، بتحديد السقف المالي، الذي يجب الا يتجاوزه أي حزب في دعايته الانتخابية، فإنها قد تباطأت في إعلان ذلك، الى ان مر معظم وقت الحملة الانتخابية، ثم أعلنت ان السقف هو 17 مليون جنيه سوداني، وسخر منها الناس، لأن أي ندوة سياسية من آلاف الندوات التي اقامها المؤتمر الوطني، كلفت أكثر من ذلك، ولم تتدخل المفوضية.
8- ولقد حرص المؤتمر الوطني، على السيطرة التامة على وسائل الاعلام الرسمية (الإذاعة والتلفزيون)، منذ بدأ الارسال، وحتى ختامه. فكانت الرسالة الاعلامية، عبارة عن دعاية لانجازات النظام، دون ذكر سلبياته .. فيتم الحديث عن سد مروي، ولا يتم عن غرق المواطنين في الشمال بسبب السدود، وتعرض صور لنجاح مشروع سكر كنانة، ولا يتم حديث عن بيع مشروع الجزيرة!! وتعطى الفرصة لصغار مرشحي المؤتمر الوطني، في مختلف القرى والمدن، من بقاع السودان، ولا تعطى فرصة لرؤساء الاحزاب الكبيرة. وحين احتجت الاحزاب، على هذا الوضع، وافق التلفزيون على اعطاء مرشحي الرئاسة مدة 20 دقيقة، رفضها بعضهم، والذين وافقوا عليها، وسجلوها، لم تذاع الا بعد الساعة الحادية عشر مساء. ولم يكتف المؤتمر الوطني، بابعاد خصومه من وسائل الإعلام، بل خطط لاعطائهم فرصة محسوبة، تمكن من نقدهم ومواجهتهم، حتى يقلل من شانهم جميعاً، مما يزيد من اسهم مرشح المؤتمر الوطني. ولهذا الغرض جاء برنامج "منبر سونا"، الذي يقدمه بابكر حنين، أحد إعلامي المؤتمر الوطني .. ولكن المؤتمر الوطني خسر خسارة كبيرة، حين تمت صفعات كبيرة له، من السيد عبد العزيز خالد، مرشح حزب التحالف السوداني، والسيد مبارك الفاضل، مرشح حزب الأمة الإصلاح والتجديد، والسيد ياسر عرمان مرشح الحركة الشعبية لتحرير السودان .. ولم يستطع بابكر حنين، ان يدفع عن حزبه، ووضح لمخططي المؤتمر الوطني، ان الاتجاه الأسلم هو منع الاحزاب من الاعلام.
9- لقد استعمل المؤتمر الوطني الإغراء، والرشاوي، وقدم خدمات في بعض الدوائر الجغرافية، منها خطط اسكانية، لاهل الدائرة، كما حدث في الدائرة 17 بحي الانقاذ، ببحري، والمرشح بها د. غازي صلاح الدين العتباني .. ولم يكتف المؤتمر الوطني بالرشاوي، والتزوير، والخداع ، بل جنح أيضاً الى الإرهاب .. فعلى الرغم من ما نصت عليه المادة 65 (3) من قانون الانتخابات، من منع أي شخص، من استعمال عبارات تشكل تحريض على الجرائم، المتعلقة بالطمأنينة العامة، أو العنف، أو عبارات الكراهية أو التمييز، فقد وظف المؤتمر الوطني صحيفة "الانتباهة"، وصاحبها الطيب مصطفى، لاثارة الكراهية، والتحريض على الإخوة الجنوبيين .. كما قام حزبه منبر السلام العادل، بتعليق ملصقات تثير الكراهية والعنصرية، وتحذر المواطنين من التصويت للحركة الشعبية، وتذكرهم بيوم الاثنين الأسود، الذي اثار أخوان الطيب فيه النعرة العنصرية، وقتلوا فيه المواطنين الجنوبيين بالخرطوم، حين عبرت مجموعة صغيرة منهم، عن غضبها لوفاة د. جون قرنق، وحصبت بعض السيارات بالحصى، واصابت بعض المواطنين بجروح. ولم يكتف المؤتمر الوطني بتهديد واساءات "الانتباهة"، وإنما سخر علماء السلطان، ممن يطيب لهم ان يسموا انفسهم علماء السودان، لاصدار الفتاوي بتكفير، كل خصوم المؤتمر الوطني، ومعارضيه .. فقد كفروا الحركة الشعبية، وكفروا الاستاذ ياسر عرمان، وكفروا د. الترابي رئيس حزب المؤتمر الشعبي، وكفروا السيد الصادق المهدي رئيس حزب الأمة القومي، وطالبوا المواطنين بالتصويت لمرشح المؤتمر الوطني، باعتباره (القوي) (الأمين) تشبيهاً له بنبي الله موسى عليه السلام .
10- وحين قامت الانتخابات، شهد اليوم الأول، اضطراباً، وفساداً، وتزوير، واخطاء عديدة، من شأنها ان تؤثر على النتيجة .. فقد جاء (قالت المفوضية القومية للانتخابات انه بالامكان تأجيل الانتخابات في الدوائر التي لم تتمكن من معالجة الأخطاء الفنية فيها لمدة لا تتجاوز الشهرين واشارت الى اضافة ساعات الاقتراع للمراكز التي تأخر وصول المعدات فيها ... واقرت بحدوث اخطاء فنية تنحصر في بطاقات الاقتراع ورموز المرشحين فيما شهدت المفوضية طوال يوم أمس تقديم اعتراضات من القوى السياسية والمواطنين) (الرأي العام 12/4/2010م) وجاء أيضاً (أعلن ستة مرشحين مستقلين انسحابهم من انتخابات الدوائر في الخرطوم وامدرمان ... وطالب المنسحبون في مؤتمر صحفي أمس بالغاء الانتخابات في دوائرهم ووقف ما اسماه الهندي عزالدين بالمهزلة منوهاً الى تزوير صاحب السجل الانتخابي الذي اعطته المفوضية للمرشحين ... واضاف بتبديل بطاقات الاقتراع في كثير من المراكز بما فيها الدائرة المنافس فيها واكد الهندي ثبوت تزوير شهادات السكن لصالح منافسه مستشار الرئيس عبد الله مسار) (الاحداث 12/4/2010م). وقد جاء أيضاً (أعلن مرشح الرئاسة عن حزب المؤتمر الشعبي عبد الله دينق نيال عدم اعتراف حزبه بنتائج الانتخابات القائمة وقال في تصريح ان حزبه تلقى بلاغات بشأن عمليات التزوير والتلاعب في الاقتراع ... فيما طالبت احزاب المعارضة بمقاضاة المفوضية القومية للانتخابات ودمغتها بالفشل وسوء إدارة العملية الانتخابية بما يخدم اجندة المؤتمر الوطني ويعمل على فوز مرشحيه في الانتخابات وقطعت احزاب المؤتمر الشعبي والمؤتمر السوداني والتحالف السوداني برصدها لاكثر من مائة خرق وتجاوز صاحب عملية التصويت) (المصدر السابق). ومن الاخبار أيضاً (حذر مرشحون ووكلاء احزاب أمس من اجهاض العملية الديمقراطية الرابعة في البلاد في أعقاب كشفهم عمليات تزوير واسعة في عدد من المراكز بولاية الخرطوم ... وضبط وكلاء احزاب أمس 7 صناديق مشبوهه وكراتين مملوءة بالأوراق حاول منسوبي المؤتمر الوطني اخراجها من مركز الدائرة 39 ولائية و30 قومية بمنطقة جبرة بالخرطوم ووقفت الاحداث على احد الصناديق المضبوطة في حوزة الشرطة) (المصدر السابق). ومما تكرر وروده من المواطنين، ما يشبه الآتي (أثبتت تجربة عملية لصحيفة الاحداث ان الحبر السري للاقتراع يمكن التخلص منه بسهولة وخلال بضع دقائق واجرت الزميلة رحاب عبد الله المحاولة بغسل اصبعها بالماء فقط عقب اقتراعها وتخلصت منه ... وكانت المفوضية القومية للانتخابات قد أعلنت ان الحبر السري يبقى على سبابة المقترع طيلة أيام التصويت) (المصدر السابق).
لقد كان ينبغي لكل الاحزاب ان تقاطع خدعة الانتخابات، ولكنها ترددت في ذلك كثيراً، واستطاعت الحركة الشعبية، وحزب الأمة القومي، والحزب الشيوعي السوداني، وحزب الامة الإصلاح والتجديد، وهي تشكر على ذلك، ان تقاطع الانتخابات .. ولم يستطع الإتحادي الديمقراطي الأصل، وحزب المؤتمر الشعبي، وحزب التحالف السوداني المقاطعة .. ولكن الأحزاب التي شاركت، شهدت بما جرى من تزوير، ادى الى انسحاب بعض المرشحين المستقلين، مما يشكك في العملية الانتخابية برمتها، لهذا، فإن ما يمكن ان تفعله الأحزاب جميعاً الآن، وبصورة موحدة، هو:
1-ان ترفض الاعتراف بنتيجة الانتخابات، وما يترتب عليها، بعد تسجيل كل المفارقات التي صاحبتها، وتنشر ذلك على أوسع نطاق محلياً ودولياً .
2- أن ترفض المشاركة في الحكومة، سوى ان فازت، أو ان قام المؤتمر الوطني، باختيار ممثلين منها، لادعاء قومية الحكومة الجديدة.
ومهما يكن من أمر، فإن فوز المؤتمر الوطني، بعد كل ما فعل، لا يمكن ان يعتبر الإ خسارة ، لأنه فوز قام على الكذب، وهي خسارة تتعدى أمر الدنيا الفانية، والملك الزائل، الى الحياة الاخرى الخالدة.
د. عمر القراي |
| |
|
|
|
|
|
|
|
|
|
Re: اين الامانة الصحفية يا نجلاء (القصة الحقيقية لمسرحية الاعتقال) (Re: لطفي علي لطفي)
|
شكرا عزيزى الشفيع على أنك قد لبيت رغبتى (مؤخرا )فى أن تتصل على لمعرفة الحقيقة أو معرفة وجهة نظرى
وأسأل الله أن يصبرنى على التداخل فى هذا البوست ويلهمنى أن أقدم ما يقنع
أولا: أعتب عليك عزيزى الشفيع أن ذكرت أننى (ود حلتك) ثم ذكرت من مصدر (موثوق) أشياء أنت حر فى ذكرها .. ولكن بما بين القوسين كأنك تجزم بأن الحقيقة هى ما كتبت ولا حقيقة سواها ...
على كل حال سأسرد بعض النقاط باختصار لأوضح أشياء يمكن أن تبين الحقائق بعض الشىء
اولا: عن نفسى انا لست محايد تجاه المؤتمر الوطنى فقد ساهمت عبر وسائل عديدة فى فضح ممارسات هذا النظام بوسائل - حتى الان - سلمية من ضمنها الاعلام وبحوث المنظمات المحلية والاجنبية وقد وكنت وسيط بين الكثير من الباحثين والصحفيين والناشطين المحليين والاجانب وبين مواطنين لهم آراء مخالفة للنظام وعانوا ما عانوا جراء سياساته البغيضة.
ثانيا: لم أذكر لا أنا ولا نجلاء لهذا الشخص (نجم الدين) أننا صحفيين ( ولك أن تصدق أو لا تصدق)
ثالثا: كل اللقاءات التى اجرتها نجلاء مع اشخاص وأنا كنت حاضر كانت داخل عربتها .. وهى عدد ثلاثة لقاءات أحدها خارج الدائرة التى وقعت فيها حادثة (الاحتجاز).
رابعا: ونحن فى داخل العربة أتى مرشح المؤتمر الوطنى جابر حدوب وطلب من المذكور أن ينزل من العربية وأن (البيعمل فيهو دا غلط وعيب) ورفض المدعو نجم الدين النزول من العربية (يعنى لو فعلا زولكم دا فتح بلاغ اختطاف ) أنا سأطلب شهادة مرشح المؤتمر الوطنى فى الدائرة جابر حدوب.
خامسا: الاحتجاز كان خارج مركز التصويت وبالقرب من مركز المؤتمر الوطنى التى تبعد حوالى 8 امتار من مركز الاختراع.
سادسا: لم يحذرنى أى شخص من أن أطلب من هذا الشخص أن يجرى حوار معنا ولو أنهم حذرونى لأصريت على أن أجرى اللقاء .. والشى الوحيد الذى كان سيمنعنى من ذلك هو اذا رفض أن يتحدث كنت سأتركهه وشأنه لكنه رحب باجراء الحوار وركب بطوعه العربية.
سابعا: اذا كان هذا الشخص هو رئيس مجلس الحسبة والامن بمحلية الامير !! فعلى الحسبة والأمن السلام وتصرفه ليس تصرف شخصى بأية حال .. فهو كان الآمر والناهى فى هذا الموفق ورجال الشرطة لا يستطيعون أن يقولوا شىء فى حضرته.
ثامنا: وهذا هو المهم أنهم كانوا يريدون اصطحابنا لمكان غير معلوم .. وكانوا يمنعونا من الاتصال وداخل العربية يمنعونا حتى من الكلام مع بعضنا (نجلاء وأنا)
تاسعا: لم نشعر بالإطمئنان الا حينما دخلنا مركز شرطة الحارة 20 أمبدة.
عاشرا: ما سبق (باختصار) هو ما يخصنى فى الموضوع ونجلاء قادرة على أن تروى ما يخصها. ولو أنك لم تخلط الخاص بالعام لما إضطررت للدخول على هذا البوست لأننى لا أحب مثل هكذا بوستات.
ختاما: أشكر لك اتصال بالأمس ولو أنه أتى متاخرا وصدقنى عن نفسى لا أحمل عليك أى عتاب.
| |
|
|
|
|
|
|
|
|
|
Re: اين الامانة الصحفية يا نجلاء (القصة الحقيقية لمسرحية الاعتقال) (Re: Khalid Kodi)
|
سلامات يا كودي
| Quote: نستطيع أن نفهم وبما أنه من عضوية المؤتمر الوطنى وقد رآها تصور بهدف الطعن فى مايجرى من قبل المؤتمر الوطنى، نستطيع أن نفهم لماذا رجع الى صفته الامننجية و هدف للنيل منها!! |
ما تلف وتدور
اقرأ ما كتبه الاخ بكري العجيمي المعتدى عليه
| Quote: والشى الوحيد الذى كان سيمنعنى من ذلك هو اذا رفض أن يتحدث كنت سأتركهه وشأنه لكنه رحب باجراء الحوار وركب بطوعه العربية |
نجلاء وبكري اتكلموا مع الزول دا ونادوه للعربية يعني يا كودي
كلامي صاح..الموضوع هنا انه نجلاء وبكري معا نادوه
والموضوع انتهى بكارثة لسبب ما في الحوار
يعني تبريرك الفوق ما حاصل
والحلقة المفقودة هي فيما قاله بكري
يبقى لما نجلاء نادته ما نادته كمراقب للانتخابات
ناته كمراسلة لسوداينزاونلاين..
| Quote: . فى إنتظار ماستسفر عنه تحرياتك... فنجلاء أقوالها أمامنا ، ونحن نصدقها... و ما اسميتية بالرجل الشرس والذى أقواله ذات أهمية لديك..عليك ان تسعى الى تضمينها لهذه القضية..فى إنتظار ماسيسفر عنه بحثك عن الحقيقية!!! |
راجع كلام بكري في روايته للاحداث
وعلى نجلاء ان تقول الحق الان
هل ذهبت كمراقبة للانتخابات ام كمراسلة
وهل الرجل تعدى عليها فقط لانها تصور في المركز كما قلت انت
ام انهم عرضوا عليه عمل مقابلة ولا ندري بتفاصيل ما حدث بعد ان دخل الى العربة
ولماذا غضب وبدا في الضرب
مع ادانتي له الكاملةفي ضريه لنجلاء وبكري
بالنسبة لي سلوكه مرفوض جدا جدا
تبقى الحقيقة التي تحاول انت بالتريقة ان تحجبها
نجلاء وقعت ضحية لاخطائها هي وسوء تقديرها..
وعليها ان تستفيد من هذه التجربة..
| |
|
|
|
|
|
|
| |
الشفيع وراق عبد الرحمن
انور التكينة
هشام المجمر
Deng
Osama Mohammed
منتصرمحمد زكى
أيمن الطيب
معاوية محمد الحسن
abubakr salih
HAIDER ALZAIN
بخاري عثمان الامين
Al-Shaygi
داليا حافظ
عبد اللطيف السيدح
Mohamed E. Seliaman
حاتم علي
محمد فرح
hassan bashir
معتز القريش
ibrahim alnimma
ناصر المحسى
PLAYER
مرتضى احمد عبد القادر
محمد إبراهيم علي
امبدويات
Tragie Mustafa
Elawad
الصادق اسماعيل
رأفت ميلاد
JAD
mayada kamal
ماضي ابو العزائم
Khalid Kodi
طلال عفيفي
Dania Elmaki
Rashid Elhag
الصادق الزين
ود العجمى
فيس بوك
تويتر
انستقرام
يوتيوب
بنتيريست