|
Re: دفتر احوال ضابط الشرطة المناوب{2011} (Re: عبد الرحيم محمد عبد الرحيم)
|
Quote: واكرر الدعوة مرة ثانية وثالثة ورابعة يا بواليس اطلعوا من جوه الدفتر ده وطلعوا
العندكم كلو وعارفو كتييييييير طلعوها خارج اسوار الدفتر لفضاء المنبر العام |
عمر عثمان الفتي الذهبي الكارب.. والمريخابي الحاقد.. رمضانك كريم
الخروج من جوه الدفتر يتطلب موضوع هادف وقوى ، والمواضيع الهايفه الواحد
ماميال ليهاوبعدين الموج عالي والدقداق كتير في المنبر العام يجيك واحد
ناطى بى مقالطه او اساءه او تجريح والواحد ما فاضى ليهم، وبعدين مافي وكت لردود المتداخلين
والدفتر ده مفتوح للمواضيع الجاده والهايفه ومرحب بكل من يتداخل معنا، وده ماسبب يخليك
تهرب من الدفتر انت نزل مواضيعك بهناك وبى جاي وشوف التداخل حا يكون كيف ...
وما انت براك لكل الزملاء بالدفتر .. هناك فتور ماعارفين من رمضان ولا من الحريم.. غسل وكده
Quote: سلام وشوق كبير والتهانى برمضان الكريم والعيد السعيد على الابواب . التهانى موصولة لكل الشباب وخصوصا على جويلى وعاطف عنتر
|
ودبرى الدفعه الكارب
اخبارك مقطوعه والشوق مطر.. ياصاروخ القرن الماضى ..
| |
|
|
|
|
|
|
Re: دفتر احوال ضابط الشرطة المناوب{2011} (Re: عبد الرحيم محمد عبد الرحيم)
|
من بوست مجاور للاخ عمر عثمان
آلآنَ يابروف غندور !!!!
Quote: الخرطوم ـ محمد بشير : أقر القيادي بالمؤتمر الوطني ورئيس الاتحاد القومي لنقابات عمال السودان بروفيسور إبراهيم غندور بخطأ سياسة تشريد العاملين بالخدمة المدنية والعسكرية تحت مسمى (الإحالة إلى الصالح العام). وقال غندور في رده على أسئلة الصحفيين بالخيمة الرمضانية التي تقيمها مؤسسة طيبة للإعلام مساء أمس الأول (الثلاثاء) بأن الإنقاذ في بداية عهدها قامت بتشريد عدد كبير من العمال بالخدمة المدنية وغيرها، قال "هذا خطأ نقر ونعترف به " واعتبر غندور أن ارتفاع الأسعار الذي يضرب الأسواق هذه الأيام ولد شعوراً بالإحباط داخل أروقة المؤتمر الوطني، وتابع بقوله "ارتفاع الأسعار أمر محبط وأن انفلاتها يحسسنا بالمرارة" مطالبا في الوقت ذاته بعدم استغلال ساسة التحرير الاقتصادي التي وجه لها بعض الانتقادات. فيما أزال غندور النقاب عن اجتماع طارئ عقده اتحاد العمال أمس الأول للنظر في قضية ارتفاع الأسعار، مشيرا إلى انه خرج بقرارات حاسمة سيعلن عنها قريبا بشأن تلك الارتفاعات المتسارعة. الاخبار |
قريبي ود بري كل عام وانت والاهل بألف خير
Quote: بعض ضباط الشرطة المتقاعدين بالخرطوم بمارسون الشحدة ؟ هل البعض يتسول فى معظم الادارات الشرطية ؟ من هم هولاء ؟ |
استروا الناس ديل لولا الحاجة لما فعلوها
اللهم استرنا فوق الارض واسترنا تحت الارض واسترنا يوم العرض عليك برحمتك يا ارحم الراحمين
| |
|
|
|
|
|
|
الاعزاء د. مشرف على جويلى المسالة ماكشف حال وكده لكن الامر تكرر مرتين او بالاحرى اثير مرتين . المرة الاولى : وانا برفقة صديقى اسامة الكرور عندما التقينا بالموعد فى احدى الادارات الشرطبة المنوط بها تقديم الدعم لطبقة معايشى الشرطة . اثار احد هولا المسئولين وتحدث بامتعاص عن هذه الحالة وحكى لنا تلك الوقائع . وبالتاكيد هذه المعلومة والوقائع موجودة لدى الزملاء العاملين وهى وصمه عار . خصوصا عندما تكون بصورة احترافية !! قد تكون هنالك ظروف عارضة وتلك مقدرة وملزم بمن يده العطاء ان يقدمه دون شكورا. اما ان بترك البعض اعمالة ويقضى وقته فى المكاتب الحكومية بلتمس المساعدة دائما فذلك غير مقبول . وتلك التى اتحدث عنها . فغالب المعاشين قد شقوا طريقهم واثبتوا نجاحات مقدرة . اما الاتكاء على تلك الوصفة لبس جميلا ولايشرف . المرة الثانية وتلك التى اثارت فينا شىء من حتى . التقيت فى تلك الايام باحد رجال الاعمال والذى اوصل لى معلومة منقوله من رجل اعمال اخر اشتهر بعلاقته يالشرطة بان ضباط الشرطة عندما يحالون للصالح العام بصبحوا شحادين . دافعت كثير وبل اجزمت باننى لااعرف اى من هولاء وجل ماعرفهم حتى رغم ظروفهم يتعففون اما راى الشخصى فاننى اعتقد بان بامكان المعاشين بقليل اجتهاد يمكن ينحجوا فى مجالات شتىء . والرموز باسقة فى مجالات عدة . اللهم سهل امور الجميع ودبرى .
(عدل بواسطة عبد الرحيم محمد عبد الرحيم on 08-26-2011, 09:50 PM)
| |
|
|
|
|
|
|
Re: دفتر احوال ضابط الشرطة المناوب{2011} (Re: أسامه الكرور)
|
*** واحد معرفة رحل فى البيت الجديد بالمعمورة وعمل كرامة والدعوة كانت مقتصرة على ناس معينين .
بعد الكرامة انتهت طلع بى كشف كااااارب من المدعويين ، دفع منو قصدين لى ناس المحاميد وقصدين للمدرسة العالمية . المعلومات دى حسب إفادة أحد الزملاء الذي كان حضورا واسمو فى الكشف بالرقم 9 . وحاليا انتهت اجازتو ورجع الدمام .
أما صاحب الرقم 3 فكان الفاتح دهيس و الرقم 10 حسن بيجو و الرقم 7 عبدالواحد حسين ممثلا عن هاجر عوض . وبالمناسبة ضمن البرنامج كانت فى فنانة اسمها عوضية لم تستلم حقها طبعا وتم تحويلها لى حسن بيجو خبير الزوغان الدولى لإجراء اللازم .
ولنا بالضرورة عودة .
ـــــــــــــــــ طبعا دقيقتين و البوست حيتفتل صاح ؟
| |
|
|
|
|
|
|
Re: دفتر احوال ضابط الشرطة المناوب{2011} (Re: الطيب عثمان يوسف)
|
Quote: *** واحد معرفة رحل فى البيت الجديد بالمعمورة وعمل كرامة والدعوة كانت مقتصرة على ناس معينين .
بعد الكرامة انتهت طلع بى كشف كااااارب من المدعويين ، دفع منو قصدين لى ناس المحاميد وقصدين للمدرسة العالمية . المعلومات دى حسب إفادة أحد الزملاء الذي كان حضورا واسمو فى الكشف بالرقم 9 . وحاليا انتهت اجازتو ورجع الدمام .
أما صاحب الرقم 3 فكان الفاتح دهيس و الرقم 10 حسن بيجو و الرقم 7 عبدالواحد حسين ممثلا عن هاجر عوض . وبالمناسبة ضمن البرنامج كانت فى فنانة اسمها عوضية لم تستلم حقها طبعا وتم تحويلها لى حسن بيجو خبير الزوغان الدولى لإجراء اللازم .
ولنا بالضرورة عودة .
|
لاحولاااااااااااا
حسن بيجو شغال شمارات صاح
ألهم إنى صائم !!!!!!!!
Quote: وقال اعتبارا من اليوم تانى ينادوهو بى ( ود المعموره ) بدل الإسم القديم . لووووول |
ود المعموره عدييييييييييييل كده .. طيب بُرى دى خمسه وأربعين سنه مستحمله يمسحوها بى جرة قلم . لالالالالا ..
الطيب إنت بتجيب كلام من راسك .. ماممكن الزول دا يقول كده !!
| |
|
|
|
|
|
|
Re: دفتر احوال ضابط الشرطة المناوب{2011} (Re: الطيب عثمان يوسف)
|
*** أحكى ليكم واحدة ، دى بالجد حصلت وهسى دى قبل رمضان بى كم يوم . أها .. قام عزم ليك الزول وحلف عليهو أنا عازمك غدا فى قندهار الجديدة الفى الرياض بمناسبة إنو صاحبو جايي فى إجازة وكدا . أها تعال شوف المشاوي الما خمج و أم على و العصائر ألوان ألوان . أها الحساب : أسمع .. أسامة أقول ليك حاجة إنت عارف ، أنا محفظتى ناسيها الظاهر فى البيت وما جايب خبر ؟
دى على زمتى وأنا صايم .
قال ود المعمورة قال ..
أقول ليك بأمانة عمليتك ما ظريفة وحركتك ........ كاااااااااك
| |
|
|
|
|
|
|
Re: دفتر احوال ضابط الشرطة المناوب{2011} (Re: الطيب عثمان يوسف)
|
Quote: مواطن يعتلى قمة صهريج المسجد الكبير بالخرطوم ويهدد بالمتفجرات 08-27-2011 12:50 PM عقب صلاة الجمعة من يوم أمس وهي الجمعة اليتيمة من أيام هذا الشهر الفضيل حيث كان المسجد الكبير بالخرطوم يجمع الآلاف من المصلين كان رجل في العقد السادس من عمره فارع الطول يرتدي جلابية وطاقية وله لحية وبلون بني وفي خطوات مسرعة توجه الرجل وهو يحمل في يده كيس وزجاجه بداخلها سائل وعلى الفور اعتلي الرجل سلالم صهريج المياه الضخم والذي يحتاج للياقة كافية حتى يستطيع الشخص أن يمشي على تلك السلالم ووسط دهشة الجموع من المصلين اعتلي الرجل صاحب الستين عاماً أو أكثر بقليل قمة صهريج المياه ومن ثم هدد بشنق نفسه وتارة هدد باحراق نفسه من خلال الوقود التي يحمله من الزجاجة حد قوله وتهديده الذي كان على الملأ ووسط دهشة الآلاف من المصلين طالب الرجل الذي شرع في الانتحار ومن ثم إحراق نفسه بالعديد من المطالبات الخاصة به وطالب السلطات بان تضع له الحلول الفورية وإلا سوف يقوم بإخراج المتفجرات التي يحملها داخل الكيس الخاص به ألا أن عبقرية رجال الشرطة وفراستهم وحنكتهم نجحت في استدراج الرجل حتى ينزل من قمة الصهريج هذا وقد خرج المصلون لمشاهدة هذا التصرف الغريب من رجل وقور ويؤدي صلواته داخل المسجد وكشف أحد المصلين للدار بأن هذا المواطن يدعي ادم حامد محمد وهو من أبناء دارفور وعند حضور قوات الدفاع المدني طالب المتهم السلطات بمراعاته في الظروف المعيشية الصعبة والحرجة والتي يمر بها الذين يعيشون الظلم
|
الحبيب ودبرى بالامس القريب يمارس الانتحار بنفس الظروف ..
| |
|
|
|
|
|
|
Re: دفتر احوال ضابط الشرطة المناوب{2011} (Re: الطيب عثمان يوسف)
|
Quote: والله ياسيد جويلى كنت قايل عمك الفى المداخلة الفوق دى عايز ينتحر عشان ودبرى رحل المعمورة...
جهّزت نفسى عشان ادافع عن ود برى لانه فردة وكده ..
جات سليمة |
والله يا علي عاوز اتشقى من الضحك......
Quote: *** يا دكتور دخل العضم ولا شنو ؟ الجاب سيرة برى منو هسي كدى راجع مداخلاتى دى تانى . |
اكون اتذكرتى مسطبة راسي
| |
|
|
|
|
|
|
Re: دفتر احوال ضابط الشرطة المناوب{2011} (Re: Ali Sirelkhatim)
|
Quote: ديشااااااااااااااااااااك. رمضان سخّن |
يا سيد ألى واحد قال لى كنت قاليلك فى العمرة لكنك طلعت لى قذافى زاتو !!! بالله أرد أقول ليهو دخل وين ؟ و أنا صايم ودرجة الحرارة عندنا 150 زاتو مش كويس أنى قلت ليهو اللهم إنى صايم ، صاح ؟
ـــــــــــ كلو سنة وانت وساتى وسامى و أمهم بخير
| |
|
|
|
|
|
|
Re: دفتر احوال ضابط الشرطة المناوب{2011} (Re: الطيب عثمان يوسف)
|
Quote: *** أحكى ليكم واحدة ، دى بالجد حصلت وهسى دى قبل رمضان بى كم يوم . أها .. قام عزم ليك الزول وحلف عليهو أنا عازمك غدا فى قندهار الجديدة الفى الرياض بمناسبة إنو صاحبو جايي فى إجازة وكدا . أها تعال شوف المشاوي الما خمج و أم على و العصائر ألوان ألوان . أها الحساب : أسمع .. أسامة أقول ليك حاجة إنت عارف ، أنا محفظتى ناسيها الظاهر فى البيت وما جايب خبر ؟
|
أسامه دا منو ؟؟؟؟
هوووووووووووووى يا الطيب ... أوعا تكون قاصدنى
أنا غايتو أول مره أسمع بالكلام دا
ما فى داعى للفتن
لقيت الزول دا غائب .. وقعدت تتجدع .. هسى بجيك .. وبسكتك
| |
|
|
|
|
|
|
Re: دفتر احوال ضابط الشرطة المناوب{2011} (Re: Ali Sirelkhatim)
|
استراحة للصائمين ..
ضاع لأحدهم حمار فنذر أن يصوم ثلاثة أيام إن وجد حماره وبعد مدة وجد حماره، فأوفى بنذره وصام الايام الثلاثة وما إن أكمل الصيام حتى مات الحمار فقال: لأخصمنها من شهر رمضان... وقف سائل بباب بخيل يطلب إحسانا فقال له البخيل: النساء لسن في المنزل يرزقك الله فرد السائل: إنني أسألك رغيفاً وليس عروساً...
| |
|
|
|
|
|
|
Re: دفتر احوال ضابط الشرطة المناوب{2011} (Re: Ali Sirelkhatim)
|
والده اخونا علي جويلي...
اللهم اشفها انت الشافي لاشفاء الا شفاءك شفاء لايغادر سقما اللهم اشفها انت الشافي لاشفاء الا شفاءك شفاء لايغادر سقما اللهم اشفها انت الشافي لاشفاء الا شفاءك شفاء لايغادر سقما اللهم اشفها انت الشافي لاشفاء الا شفاءك شفاء لايغادر سقما اللهم اشفها انت الشافي لاشفاء الا شفاءك شفاء لايغادر سقما اللهم اشفها انت الشافي لاشفاء الا شفاءك شفاء لايغادر سقما اللهم اشفها انت الشافي لاشفاء الا شفاءك شفاء لايغادر سقما
| |
|
|
|
|
|
|
Re: دفتر احوال ضابط الشرطة المناوب{2011} (Re: عاطف نورالهدى الطاهر)
|
Quote: دعونا فى هذه اللحظات نسأل المولى عز وجل أن يمن بنعمة الشفاء العاجل لوالدة الكمندان جويلي الذى علمت من شقيقه قبل أيام أنها سوف تخضع لعملية حساسة |
اللهم امين يارب العالمين .. جزيت خيرا اخى الطيب والزملاء الكرام : اسامة ودبرى على السر عنتر على الدعاء الطيب وفى هذا الشهر الفضيل ..
| |
|
|
|
|
|
|
Re: دفتر احوال ضابط الشرطة المناوب{2011} (Re: Dr.Mohammed Ali Elmusharaf)
|
Quote: صااااااااااااااااااااااااااااااااااااااح
وكل سنة وانت والاسرة بالف خير يا ابوطارق.. |
يا علي اعمل حسابك البساند الطيب ده بضيع ودونك رمضان الفات
Quote: ولكن سؤال نرجو الاجابة عليه عاجلا (اخبار البابور شنو ) ونحتفظ بحقنا فى التفاصيل . ودالمعمورة وبرى أسامه دا منو ؟؟؟؟ ده اسامة فريجون!!! |
Quote: اهه عملت لى شنو فى موضوع البابور ؟؟ ولا أفتوا انا! ودالمعمورة . وانت ياسامة الكرور هاك البراءة دى . كدى خلينى انتهى ليك من الحمام دا!! |
Quote: المهم عشان خاطر رمضان وكده . حنخلى الموضوع بعد رمضان . اخيرا ارعى بقيدك يالطيب فملفاتك ذى الزقت وان عدتم عدنا . اه رايك شنو ياسمسم لقتينى كيف ؟؟ |
انا غايتو بعد رمضان جايب الكيتة بتاعتي ومتحكر في الدفتر ده عديييييل مشجعا قريبي
| |
|
|
|
|
|
|
Re: دفتر احوال ضابط الشرطة المناوب{2011} (Re: على جويلى)
|
Quote: نظام زوغه بالدو وكده |
يا اخوي اي كرت بخارجك من كلتشات دفعتك ده فكوا !!!
شوف مقارزو البعمل فيها دي وهو صايم وفي درجة حرارة 150 ما بالك لمن يكون فااااطر ومششششيش
كل عام والجميع بخير وتقبل الله منا منكم صالح الاعمال
| |
|
|
|
|
|
|
Re: دفتر احوال ضابط الشرطة المناوب{2011} (Re: عاطف نورالهدى الطاهر)
|
كل سنة والجميع هنا.. وفي السودان .. وكل بقاع العالم .. طيبين وسالمين وفي أتم الصحة والعافية .. العفو والعافية للحميع..بعد طول غياب .. ولم يكن أبداً غياباً عن البال والقلب يا أصحاب .. تحياتي وسلامي للجميع ..
كل الدعوات لوالدة الكمندان علي جويلي .. بالسلامة إنشاءالله .. أجر وصحة وعافية يا رب لوالدتنا العزيزة ..
والعيد مبارك عليكم جميعا.. وإنشاءالله من عواده..
| |
|
|
|
|
|
|
Re: دفتر احوال ضابط الشرطة المناوب{2011} (Re: عبده عوض)
|
شكرا للاعزاء عادل حمزة وعبدو عوض على الدعاء الطيب ونسال الله ان يحفظ لكم ابناءكم وكل عزيز لديكم .. بعد عودة الزملاء الميامين عادل وعبدو العقبة لعودة السيد عبد الحفيظ والسيد فيصل وفارس الفارس وبقية العقد الفريد ..
| |
|
|
|
|
|
|
Re: دفتر احوال ضابط الشرطة المناوب{2011} (Re: Ali Sirelkhatim)
|
جاء فى اخبار الصحف وللننظر للتعليقات ادناه ..
Quote: سخط وسط الشرطة على منحة كيلو اللحم الواحد
August 29, 2011
انتشرت موجة من السخط في صفوف ضباط صف وجنود الشرطة على منحة العيد البالغة (40) جنيه أي مايعادل كيلو لحمة واحد . وفيما قرر مدير عام الشرطة هاشم عثمان منحة الكيلو الواحد لضباط صف وجنود الشرطة ، أجاز في المقابل آلاف الجنيهات كمنحة لقيادات الشرطة المرتبطين بالمؤتمر الوطني . ويربط ضباط وجنود الشرطة ما بين تدهورأوضاعهم الشديد في الآونة الاخيرة ، وما بين تسلم هاشم عثمان لادارة الشرطة ، وهو من الفنيين الذين لم يتدرجوا في سلكها وليس له معرفة أو دراية بأوضاع ضباطها وجنودها ، وحتى مقارنة بالاسلاميين السابقين الذين تسلموا ادارة الشرطة عبر الولاء الحزبي ، فانه الأقل ارتباطاً ومعرفة بالشرطة ، وانحصرت صلته بشرطة (النظام العام) ، وقفز به عمر البشير من مكتبه الخاص لقيادة الشرطة لصلة القرابة التي تربطه وبسبب مخاوفه وهواجسه المتزايدة بعد اتهام المحكمة الجنائية الدولية وعدم ثقته في غالبية المقربين له . ويعاني ضباط وضباط صف وجنود الشرطة مثلهم مثل فئات الشعب السوداني الأخرى من تفاقم الأزمة الاقتصادية الطاحنة ، ومما يزيد معاناتهم ، احساسهم بالظلم والتمييز مقارنة بالمحاسيب من ضباط الشرطة الذين تبذل لهم الحوافز والامتيازات بلا حساب ويترك لهم الحبل على الغارب لنهب المال العام بلا حسيب أو رقيب.
|
Quote: نثرية أمين حسن عمر(750) يوميا أمين حسن عمر في مفاوضات الدوحة ظل يتقاضي مبلغ (750) دولار يومياً من مال الشعب السوداني غير الحوافز الأخرى ومرتب الوزارة، وتابع: ويطالب ان يكون تعويض النازحين (250) دولارللأسرة ! |
Quote: يا بوليس ماهيتك كم و كيلو اللحمة بقى بى كم استاهلوا الكيزان شغالين معاهم بنظرية جوع ######ك اتبعك |
Quote: والساكتين ليها شنو يا شرطة ؟؟؟ تعرفو للشعب بس تستاهلو |
| |
|
|
|
|
|
|
Re: دفتر احوال ضابط الشرطة المناوب{2011} (Re: على جويلى)
|
الزملاء الافاضل تحياتي اتصل بي الاخ الفاضل محمد احمد عبد الله معايدا وشاكرا لكل الزملاء الذين اتصلو مقدمين التعازي في ابنه والتي كان لها الاثر الكبير في تخفيف الم فقدهم الجلل ولا اراكم الله مكروها في عزيز لديكم
| |
|
|
|
|
|
|
Re: دفتر احوال ضابط الشرطة المناوب{2011} (Re: Dr.Mohammed Ali Elmusharaf)
|
Quote: شفاهم الله
يتمني السادة رئيس وأعضاء إتحاد ضباط الشرطة المتقاعدين الشفاء العاجل للزملاء المستضافين بمستشفي الشرطة المركزى ببرى لأغراض العلاج وهم العميد شرطة (م) بريمة عمدة قسم الله بجناح الحضيري غرفة رقم (22) والسيد الملازم شرطة (م) آدم عثمان آدم بجناح الحضيري غرفة رقم (10) والملازم شرطة (م) بشارة عبد الرحمن بشارة بجناح الحضيري غرفة رقم (17) والملازم شرطة (م) بلال عبد العزيز حمودة بالعناية المكثفة ... أمنياتنا لهم بتمام بالصحة والعافية.
|
شفاهم الله شفاءا لايغادر سقما وللحبيب الدفعة بريمة عمدة عاجل الشفاء ..
| |
|
|
|
|
|
|
Re: دفتر احوال ضابط الشرطة المناوب{2011} (Re: على جويلى)
|
ذكريات ومواقف تم اقتباسها من موقع اتحاد ضباط الشرطة المعاشيين التحية لهم و للصديق سعادة العميد عبدالله عياد .. وعودا حميدا انشاء الله للموقع الجديد ..
Quote: العميد شرطة (م) عبد الله عياد من أبناء الدفعة (37) ضباط كلية الشرطة الذين تخرجوا في العام 1977م وقد كتب هذه الذكريات بمجلة جورنال جلواز التي أصدرتها رابطة الدفعة (37) في يوليو 2011م ونحن نعيد نشرها نذكر ونطلب من إخوتنا الضباط بمختلف رتبهم ودفعهم إتحافنا بذكرياتهم .
1.يوم الدخول للكلية: أذكر بعد صرفنا اللحافات والملايات ساقونا مثل قطيع الإبل بالكلية الجديدة صفاً واحداً وكنا نتمرجح بشنطنا وما نحمل علي رؤوسنا حتي أوقفونا أمام ضابط سمين بي شنب – قال لأول واحد تلبس نمرة كم؟ .. وكانت البرندة أمامه مليئة بأشياء كثيرة أبوات – قمصان – جزم – فنايل .. إلخ .. أجاب الطالب لا أعرف ... فقال الضابط أمك تجيب ليك وإنت تلبس ، حبوبتك تجيب ليك وإنت تلبس ، أبوك يجيب وإنت تلبس ، إستعد يا راجل وكان الضابط جالس علي كرسي ونهض واقفاً.. أجاب الطالب بأنه لا يعرف إستعد فنادي الضابط أحد العساكر وأظنه محمد سلمان وأداهو تعليمات وأذكر أن العسكري إستعد وبقي يعمل حركات وهو مستوي علي بلاط برندة العنابر ... وقال للطالب أعمل زي ده .. المسكين بقي يقع ويقوم وهنا تخوف من بالصف وأذكر أن من يلبس نمر 7 أخذ نمرة 9 ونمرة10 أخذ 12 ثم بعدها بدلنا الأبوات والجزم داخل العنابر.
2.كنا بالبلتون الرابع ومرة ونحن واقفين إنتباه أمام الصول دقنة ليوزعنا علي الخيول إختار الصول دقنه الطالب فيصل محي الدين ليصعد أو يركب حصان إسمه قحف فرفض فيصل الركوب، زعل الصول دقنة وقام علي الفور وتمسح ببصاق الحصان قحف وقال لينا خليهو يأكلني وأدي تعليمات تاني لي فيصل بركوب الحصان قحف رفض الطالب فيصل محي الدين الأوامر بحجة أن الحصان قحف كعب ومجنون. قام الصول دقنه قال ليه أركب عامل رأسك زي الطشت كده .. زعل فيصل ورد علي الفور كيف تقول رأسك زي الطشت والطشت بختوا فيه ال######، إنت عامل حنكك الزي الطورية .. زعل الصول دقنه زعل شديد ودورنا وخلي الخيل وهاج ونادي الرقيب أول محمد جمع درار واشتغلونا طوابير بعدها إستلمنا العم جمع ،إيش يعني الصول دقنه يقول للطالب فيصل محي الدين رأسك زي الطشت وهو بكل ثقالة يرد ليهو يقول ليهو حنكك زي الطورية والطالب فيصل محي الدين طالب ردي. هذه المقولة أصبحت تتردد مرات ومرات وأدت لجزاءات فردية إلي فيصل وجماعية لينا.
3.كنا جامعين فرش متاع ليصرف لنا ملابس جديدة فإذا بطالب يحضر وملابسه نظيفه ورداهو وقميصو جديدين رآه المرحوم الرائد الباترا صرخ يا درار..درااار تعرف الطالب ديه أجاب علي الفور بعرفو سيادتك ده الطالب عبد الباقي .. الطالب الساكن جوه تلاجة الطباخين والطباخين يغلو وهو يغرف .. إتقدم يا راجل طبعاً بعدها فعلوا فيهو الأفاعيل.
4.كنت ضابط أمن في الأبيض ... مرة أدوني مهمة سرية لأم روابة لعمل تقرير عن شخصين كانا مرشحين لمنصب مساعد أول للمحافظ وقتها عبد الله عمر ركبت القطار سريعاً ولم أجد شنطة فحملت ملابسي في قفة والتقيت بالمحطة بالمرحوم المقدم خضر قام طوالي ضرب تلفون للقمندان عبد اللطيف حسن الملك قال ليهو دا ضابط شنو الشايل هدومو في قفة .. رد عليهو إنت مالك ومال قفتو ده أشطر ضابط عندي.. كانت كتابة تقرير مستوفي عن ميرغني عبد الرحمن وبعدها أختير للمنصب وكان آخر وزير تجارة في الديمقراطية الثالثة.
5.ضمنا البلتون الرابع كمجموعة تجانست وتآنست ضمن البلتونات الخمسة التي كانت تشملها الدفعة (37) .. الجندي هاشم أرعبنا في البداية بنداءاته وكلامه الذي لا ينسي حيث قال لنا في الدرس- صفا بالعدد واحد- داير الواحد منكم يضرب بكراعو الواطة حتي يخرج منها موية .. بعضنا صدق مقولته هذه ومنهم أخونا الفريق حالياً محمد الحافظ الذي ضرب بكراعو وباتته الأرض حتي انتفخت رجله و تورمت . قلت ليهو يادفعة إنت مصدق كلام التعلمجي دا .. براحه يا أخوي على رقبتك.
6.كان الطالب صلاح النور حامد معنا بالبلتون وكانت مشكلته مع التعلمجي هاشم أن دقنو إذا حلقها الصباح تنبت في طابور المساء .. فكان تعبان جداً مع حلاقتها .. قام هاشم قال ليهو عامل دقنك ذي العضم الكابسو النمل .. هرب الطالب من الكلية لألمانيا ونحن سادين ليهو خانة الفردي لأيام حتي تم كشف غيابه وجازونا على التستر علي غيابه – الرحل الآن دكتور كبير فى علم الجيولوجيا.
7.المرحوم المقدم كريم الدين محمد أحمد الياس ملقب بود الإمبراطور هيلاسلاسي وكان يشبه الأثيوبيين إلتقيناه بالنهود برتبة حكمدار حكي لي الآتي: قال كان ملازم بعطبرة جاهم زيارة مدير الشرطة وقتها عبد الله محمد ابراهيم وفي الإجتماع قال نحنا بنعرف أي ضابط هو منو وإسمو شنو وأداءه كيف ... قام كريم الدين وقف وسأله قائلاً؟. أنا إسمي منو؟. قال ليهو أقعد ردئ..سأله كريم الدين : دي تعليمات ولا إقناع وإقتناع ؟ قال ليهو تعليمات .. وسأل مدير الشرطة مدير الشمالية بجواره عن إسم هذا الضابط وعندما عرفه به سجله بنوته طويله كانت معه ... ركب الموتر ترولي بتاع السكة حديد مساءاً وصباح اليوم التالي جاءت البرقية التالية:(ينقل الملازم كريم الدين محمد أحمد الياس من عطبرة إلي توريت علي أن لا يمر بجوبا) إستقبله شخصياً مدير الإستوائية بأطراف جوبا وهو فى طريقه لتوريت .. بعد سته شهور جاءت البرقية التالية ( ينقل الملازم كريم الدين محمد أحمد الياس من توريت الي كبكابية) وبعد سته شهور من كبكابية لحلفا القديمة وتوالت عليه التنقلات حتي إلتقي بالإمبراطور هيلاسلاسي في نيالا مع الرئيس أزهري وفرجت عليه برحلة إلي أديس أبابا وتنعم هناك حتي وفاة الإمبراطور نسبة لأنه يشبه إبن الإمبراطور الذي توفي بحادث طيران.
|
| |
|
|
|
|
|
|
Re: دفتر احوال ضابط الشرطة المناوب{2011} (Re: الطيب عثمان يوسف)
|
*** أها يا أسامة ما قلت لى لســه بالكريسيدا النسوها ناس تايوتا زاتم ؟
*** صاحبنا عندو بنات بس وعمل ليهن عمارة أوعوا الكمين - الظاهر المشرف وقع فيهو -
*** ياعادل حمزة ما شايفنك ؟ غايتو نصيحتى ليك لو مشيت السودان أبعد من الكريسيدا ومقالب سيدا .
*** على السر خليك واضح يا جميل .
*** الكرور : فى البورد تحننوا وبالتلفون تجننوا ، صاح ؟
| |
|
|
|
|
|
|
Re: دفتر احوال ضابط الشرطة المناوب{2011} (Re: الطيب عثمان يوسف)
|
Quote: بعض ضباط الشرطة المتقاعدين بالخرطوم بمارسون الشحدة ؟ هل البعض يتسول فى معظم الادارات الشرطية ؟
|
Quote: انتشرت موجة من السخط في صفوف ضباط صف وجنود الشرطة على منحة العيد البالغة (40) جنيه أي مايعادل كيلو لحمة واحد .
وفيما قرر مدير عام الشرطة هاشم عثمان منحة الكيلو الواحد لضباط صف وجنود الشرطة ، أجاز في المقابل آلاف الجنيهات كمنحة لقيادات الشرطة المرتبطين بالمؤتمر الوطني .
|
Quote: ويربط ضباط وجنود الشرطة ما بين تدهورأوضاعهم الشديد في الآونة الاخيرة ، وما بين تسلم هاشم عثمان لادارة الشرطة ، وهو من الفنيين الذين لم يتدرجوا في سلكها وليس له معرفة أو دراية بأوضاع ضباطها وجنودها |
تطرق الاخوان علي جويلي والاخ ودبري علي مواضيع في غايه الاهميه ونرجوا ان لا تمر مرور الكرام، تحدث اخونا ودبري عن تسول بعض الضباط الذين تمت احالتهم للصالح العام بأقسام الشرطه بغرض الشحده، بعد ان ضاقط بهم الحياه ومتطلباتها الكثيره من تعليم وصحه للابنائهم وغيرها من المواضيع الاخري، اين قاده الشرطه من هؤلاء الزملاء الكادحين في هذه الدنيا، لماذا كل هذا التجاهل من قاده الشرطه تجاه هؤلاء هل اصبحوا من الاثرياء، هل اصبحوا يمتلكون 6 و 7 طوابق واحواض للسباحه ويتزوجون من الفتيات صغار السن عمر الزهور( بضم العين) ولا يعيرون الفقراء من زملائهم اي اهتمام، والفساد في الشرطه اصبح حديث الشارع السودانى خافوا الله في حق زملائكم........... ما دور مكتب ضباط الشرطه للمعاشيين... سكر و عدس وشاي وبس .......
حافز عيدالفطر 40 جنيه اي مايعادل كيلو لحمه ، وحافز عيد الاضحي كيف !! يا الله يكون بنص كيلو ناهيك عن الخروف...
| |
|
|
|
|
|
|
Re: دفتر احوال ضابط الشرطة المناوب{2011} (Re: أسامه الكرور)
|
Quote: يا الطيب انا لى هسى تلقونك كم ما بعرفوا.. خلى الفتن .. وأركز |
هيييييع عافي منك يا قريبي الناس بقت تكب الجرسة
Quote: *** على السر خليك واضح يا جميل . |
وصاحبنا بقى يفتش
يا سيد الطيب لا يلدغ المومن من الطيب مرتين عارفينك بتمقلب الاحبة
يا قريبي انا مخصوص جاي السودان عشان اسمع منك عارفك انت راجل بتاع سترة وما حا تكتب
يا عبدو عوض، ويا فارس موسى حصلو دفعتكم قبل ما يرجع العلفون
| |
|
|
|
|
|
|
Re: دفتر احوال ضابط الشرطة المناوب{2011} (Re: Dr.Mohammed Ali Elmusharaf)
|
Quote: *** أها يا أسامة ما قلت لى لســه بالكريسيدا النسوها ناس تايوتا زاتم ؟ |
الاعزاء وقريبى الفاضل . سلام نحن فى الانتظار بالسودان انشاء الله . اما القذافى فتلك قصة اخرى . اخر التفاصيل البابور ضرب !! والمكالمة مسجلة ؟ اديك ولا كفاك لكن خايفك تزعل . لدينا المثير والخطير . ودبرى
| |
|
|
|
|
|
|
Re: دفتر احوال ضابط الشرطة المناوب{2011} (Re: عبد الرحيم محمد عبد الرحيم)
|
الفاتح جـــبرا | ساخر سبيل
بالكربون الفاتح جـــبرا | ساخر سبيل لمراسلة الاستاذ الفاتح جبرا [email protected] تبدأ الحكاية كالعادة بالتساؤل المبكر .. رمضان شهر كم؟ (ثم) .. رمضان فضل ليهو كم شهر؟ تكون الإجابة : زي شهرين كده .. (ثم) زى إسبوعين كده .. تبدأ أسعار السلع الضرورية في الإرتفاع ويختفي (السكر) إذ يجد بعض التجار في هذا الشهر الفضيل فرصة لتنظيف جيوب المواطنين (الخالية) ! من أجل إكتناز الأموال (الحرام) ثم يصومون بعد ذلك رمضان إيماناً وإحتسابا تقرباً إلى الله الذى يعلم خائنة الأعين وما تخفي الصدور. وبعد أن يستعد الجميع لمقابلة الشهر الكريم يبدأ السؤال : رمضان (ذاعوهو)؟ السعودية قالت بكرة أول يوم في رمضان ؟ لو السعودية قالت بكرة رمضان معناتو نحنا ح نصوم معاها .. بالفعل تعلن السعودية عن ثبوت رؤية هلال رمضان فتثبت الرؤية عندنا .. ويطلع بكرة رمضان فتفتح (موبايلك) لتجد أن هنالك (مليون) رسالة (جماعية) قد وصلتك من الأهل والمعارف والأصدقاء يهنئونك بحلول الشهر المبارك لتمسك بالموبايل بقية الشهر في محاولة للرد عليهم ! تتغير الساعة البايولوجية للمواطنين .. سهر بالليل .. نوم بالنهار .. يتعطل دولاب العمل .. تتكرر نغمة (تعال بعد العيد !) .. علي صفحات الصحف تطالعك أخبار (الإفطارات الجماعية) .. وعلى الشوارع تطالعك ملصقات (الحفلات) التى يحييها الفنانون .. المطرب فلان الفلانى على مسرح نادى أيه مش عارف يوم (كدا رمضان) .. التذكرة (عشرة جنيهات) .. المطربة علانة العلانية .. ومعاها فرقة (مين كده) الكوميدية .. سعر التذكرة (عشرين جنيه) تبدأ القنوات التلفزيونية المحلية في بث ذات البرامج التى بثتها في كل رمضان .. بنفس المذيعين .. ونفس (الضيوف) .. لابد أن تستمع لذلك المستمع الذى يسأل (مولانا الشيخ) فى ذلك البرنامج الدينى (يا مولانا الحقنة بتفطر؟ ) أو ذلك الذى يسأل (الزول كان بلع ريقو بيفطر؟) ! ثم تستمع في أحد البرامج لإحدى المذيعات النوابغ تسأل ضيفها ذلك السؤال التأريخى عن الفرق بين رمضان زمان ورمضان هسه ! تبدأ بعض الأسر بالتحلق حول التلفاز لمشاهدة المسلسلات العربية (العارية) التى أعدت خصيصاً للشهر الفضيل بينما يجلس البعض الآخر متحلقاً حول التلفاز لمشاهدة مطربي برنامج أغاني واغاني وهم يجلسون (متفرجخين) بتلك الطريقة (البشعة) التى يبدو أن المخرج (متكيف منها) بينما (قدور) يمسك بعصاه ويقهقه ضاحكاً بطريقة أكثر (فرجخة) ! لا تلبث ان تستمع إلى من حولك يقولون (رمضان نصو إنقطع) .. (ثم) خلاص فضل ليهو أسبوعين (ثم) بكرة (الجمعة اليتيمة) .. تبدأ الإذاعة في بث أغنية (شهر الصيام ودعتنا) .. على الشوارع تطالعك ملصقات (حفلات العيد) التى يحييها الفنانون .. المطرب فلان الفلانى على مسرح نادى أيه مش عارف (أول أيام العيد) .. التذكرة (عشرة جنيهات) .. المطربة علانة العلانية .. ومعاها فرقة (مين كده) الكوميدية (ثاني أيام العيد).. سعر التذكرة (عشرين جنيه) .. ! (ثم) أها العيد قالوا بالخميس وللا الجمعة ؟ .. وعندما تأتي الأربعاء يتساءل الناس .. رمضان (ذاعوهو)؟ السعودية قالت بكرة العيد؟ لو السعودية عيدت معناتو نحنا ح نعيد .. بالفعل تعلن السعودية عن ثبوت رؤية هلال شوال فتثبت الرؤية عندنا .. ويطلع العيد يوم الخميس فتمتلئ الأسواق بالمواطنين (ما العيد جاء فجأتن وكده) كما تمتلئ بأكوام (نفايات) مخلفات البيع من أكياس وكراتين وخلافه والتى تعمل المحليات على الأبقاء عليها لتقف شاهداً على (عجزها) فى مجال تقديم الخدمات (وتألقها) فى (هبر) الجبايات ! وتبدأ ربات البيوت فى عمليات (النظافة) التى تستمر حتى وقت متأخر من الليل حتى ما إذا لاح صباح العيد السعيد كانت معظم الأسر تغط في نوم عميق ! تفتح المذياع فتأتيك أغنية .. (يا عيد تعود يا عيد) .. ثم تليها (العيد الجاب الناس لينا ما جااابك) .. ثم تستمع في أحد البرامج لإحدى المذيعات النوابغ تسأل ضيفها ذلك السؤال التأريخى عن الفرق بين (العيد زمان والعيد هسه) ! تطالع فى الصحف أخبار الحوادث المرورية التى حدثت أثناء العيد باص وحافلة .. حافلة وبوكس .. أمجاد وبص مع صور المصابين والضحايا وصور المركبات المهشمة التى لم يتم فحصها والتأكد من سلامتها لضمان سيرها على الشوارع (المهترئة) التى لا توجد بها لافتات إرشادية ولا حتى (إضاءة) ! وسط إنهماكك بالتفكير في الوضع المأساوى الذى تعيشه بعد أن (لحس العيد) كل (الميزانية) وأصبحت جيوبك خاوية والشهر (لسه ممدد) تقوم بفتح (موبايلك ) لتجد أن هنالك (مليون) رسالة (جماعية) قد وصلتك من الأهل والمعارف والأصدقاء يهنئونك بحلول العيد المبارك لتمسك بالموبايل (لحدت العيد الجاى) في محاولة للرد عليهم ! كسرة : حياتنا كوووولها ذاااتا بقت (بالكربون) ! ـــــــــــــــــــــــــ تصلك هذه الرسالة من مجموعة ساخر سبيل البريدية للكاتب السودانى الساخر / الفاتح جبرا للاشتراك بالمجموعة ارسل رسالة فارغة للايميل التالى [email protected] او باضافة الايميل فى الرابط اضغط هنا
| |
|
|
|
|
|
|
Re: دفتر احوال ضابط الشرطة المناوب{2011} (Re: عبد الرحيم محمد عبد الرحيم)
|
Quote: ما وقع الأسبوع الماضي من صدام لم يكن مفاجئاً بين قوات الحركة الشعبية والجيش السوداني في ولاية النيل الأزرق يعتبر نكسة كبيرة للتطور السياسي المطلوب والضروري في السودان، وهو كارثة وطنية بكل المقاييس. ولكن الأهم هو أن هذا الصراع يصرف النظر عن الواجب الحقيقي لتطوير الواقع السياسي السوداني باتجاه تحول جذري لا بديل عنه للواقع السياسي نحو وضع ديمقراطي حقيقي يطبع أوضاع السودان ويوجه الهمم إلى البناء بدلاً من الصراعات المدمرة التي ميزت الحقب السابقة من تاريخ البلاد. الصراع الذي تفجر بين الحركة والشعبية وحكومة المؤتمر الوطني، مثل الوفاق الذي ساد بينهما، هو شأن حزبي يهم أطرافه، ولا علاقة له بالمطالب الشعبية في التغيير السياسي الحقيقي. فقد شهدنا كيف أن صراعات شريكي نيفاشا خلال الفترة الانتقالية كانت تتمحور حول المصالح الخاصة للحزبين، ولم تكن تلتفت للقضايا العامة. وحتى حين تتم الإشارة إلى القضايا العامة فإن هذا يكون من قبيل الدعاية السياسية، وسرعان ما ينقشع الخلاف بعد ما يحقق الطرفان أهدافهما المتعلقة باستمرار سلطتهما والانفراد بها: الحركة في الجنوب والمؤتمر الوطني في الشمال. وبنفس القدر فإن الصراع الحالي بين الطرفين هو حول سلاح الحركة الشعبية الذي أصبح الاحتفاظ به هدفاً في حد ذاته بغض النظر عن محدودية ما يمكن تحقيقه عبر هذا السلاح.
|
Quote: . فقد شهدنا كيف أن صراعات شريكي نيفاشا خلال الفترة الانتقالية كانت تتمحور حول المصالح الخاصة للحزبين، ولم تكن تلتفت للقضايا العامة. وحتى حين تتم الإشارة إلى القضايا العامة فإن هذا يكون من قبيل الدعاية السياسية، وسرعان ما ينقشع الخلاف بعد ما يحقق الطرفان أهدافهما المتعلقة باستمرار سلطتهما والانفراد بها |
الكاتب عبد الوهاب الافندى من كوادر السلطة الحاكمة سابقا لسان حاله اصبح مع الحقيقة ومراجعة النفس .. لذلك فاليعلم الجميع ان مايجرى فى دارفور وجنوب كردفان يدخل فى نفس التحليل اما الوطن ومحمد احمد فلهما الله !!!
| |
|
|
|
|
|
|
Re: دفتر احوال ضابط الشرطة المناوب{2011} (Re: على جويلى)
|
Quote: فقد شهدنا كيف أن صراعات شريكي نيفاشا خلال الفترة الانتقالية كانت تتمحور حول المصالح الخاصة للحزبين، ولم تكن تلتفت للقضايا العامة. وحتى حين تتم الإشارة إلى القضايا العامة فإن هذا يكون من قبيل الدعاية السياسية، وسرعان ما ينقشع الخلاف بعد ما يحقق الطرفان أهدافهما المتعلقة باستمرار سلطتهما والانفراد بها |
تعرف يا سيد جويلي بكرة يجو ناس الحكومة والحركة الشعبية يقولوا نحنامع المفصولين تعسفيا ذي ما قال المرحوم التجمع من قبل
| |
|
|
|
|
|
|