|
Re: دفتر احوال ضابط الشرطة المناوب (Re: فارس موسى)
|
Quote: إنشاء الله اذا الله هون بنجيكم الصيف القادم ويكون في تنسيق مع سيد فيصل للزيارة.
|
حبيبنا دكتور مشرف , جاهزين يا صديقى على الأقل نقضى لينا ايام جميلة ونلتقى باخوة أعزاء باعدت بيننا وبينهم ظروف الوطن المحتل , لك كثير الود والتقدير .
| |
|
|
|
|
|
|
Re: دفتر احوال ضابط الشرطة المناوب (Re: فارس موسى)
|
Quote: يا سيد فيصل تلفونك راقد( صم وير) فى الإصيفر (التكسى) ليهو أسبوع ما قادر أتصل عليك طبعا دى درقه من ناس مدنى وهوا (ى) ناس مدنى موعدنا الويك إند ومعاى تقرير مفصل جدن
|
العزيز ول موسى فى انتظار تلفونك .
| |
|
|
|
|
|
|
Re: دفتر احوال ضابط الشرطة المناوب (Re: فيصل عثمان الحسن)
|
Quote: س/ اسمك منو؟ (بهرشة) ج/ محمد علي المشرف ( برجفة) س/ فلان الفلاني قريبك ج/ نعم ابن عمي س/ اتخرجت من وين ج/ اتخرجت من جامعة الخرطوم كلية العلوم البيطرية س/ اتخرجت سنة كم ج/ لي شهر متخرج س/ كنت بتمارس سياسة في الجامعة ج/ ابدا السياسة دي ما عندي بيها شغلة س/ بتصلي ج/ ايوا بصلي س/ القران فيه كم سورة ج/ 114 سورة س/ حافظ قران....ما دايرين السور الصغيرة ناس قل هو الله احد ياخوانا انا مقدم كلية الشرطة ولا وزارة الاوقاف امام جامع!! ج/ ايوا حافظ قران س/ اقرى لينا ج/ قريت خواتيم سورة البقرة خلاص امشي تابع الجرايد حا نناديكم لامتحان تحريري انجليزي ومعلومات عامة!! تعال يازول طلبك ده ما فيه دمغة...امشي جيب ليك دمغة وتعال حاضر |
دكتور مشرف يا حبيب , دى اصلها ما ممكن تكون أسئلة فى معاينات لدخول كلية الشرطة نوع الاسئلة دى الخلتهم يقبلوا امام جامع من الفاشر لدخول الشرطة , والرجل لاحقا أسس سوق المواسير بمدينة الفاشر , الناس ديل حقو يعرفو حاجة واحدة , أنو الشرطة دى من مهامها الاساسية مكافحة الجريمة , والجريمة دى ما بتحصل فى الجوامع , بتحصل فى مناطق أخرى ومسبباتها معروفة واوساطها أيضا معروفة , يعنى ضابط الشرطة لو ما بقى زول تفتيحة زى ما بقولو الشباب ما ممكن يكون مفيد فى كشف الجريمة وملاحقة مرتكبيها , وأظن الكيزان جربوا الكلام ده عندما أسندوا ادارة مكافحة المخدرات لأحد كوادرهم الذى فشل تماما فى القيام بواجباته بشكل محترم رغم حصوله على درجة الدكتوراة , شغل البوليس ده ما حقكم يا كيزان , انتوا بتفتشوا فى الحج الفاخر والمنازل الوثيرة والعربات الفاخرة والغروض الحسنة والنسوان مثنى وثلاث , شغل مساككة اللصوص وتجار المخدرات والتحرى فى القضايا الغامضة , دايرا ليها كوادر ما بتشبهكم , يعنى زى سعادة المقدم البقوم بالمعاينات دى تدرب لفترة ثلاث أشهر فقط فى كلية الشرطة , والفترة دى ما كافية عشان تصقل ليها كادر يتحمل اعباء مهنة الشرطة , أخونا هشام ميز الثلاثة شهور دى وقفها ادرة داخلية ده خلاف طوابير الذنب .
| |
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
وده مقال للاستاذ الرائع الفاتح جبرا
Quote: حزم مواسير الدعم المتكاملة
الفاتح جـــبرا
قبل عدة سنوات كنت قد كتبت (سيناريو) بعنوان (عداد الفول المصلح) وكانت فكرة المقال تدور حول تبنى الدولة لمشروع إدخال خدمة الفول المصلح إلى داخل المنازل عبر (مواسير) و(عداد جمرة) بعد أن صارت غالبية الشعب الفضل تعيش على الفول و(مشتقاته(!يبدو أن الدولة حينها لم تنشغل بالموضوع كثيراً ربما لعدم وجود (سيولة لديها) أو مصدراً للتمويل وحيث أن هم المواطن اليومى قد أضحى هو (قفة الملاح) وعددا من (المايكروعيش) فالعبدلله ينصح القائمين على الأمر بتحويل ميزانية مشروع بناء القصر الرئاسى المزمع إقامته إلى المشروع الذى سبق ذكرة مع إضافة عدد آخر من المواسير الأخرى إضافة إلى ماسورة الفول حتى تصبح الخدمة (متكاملة) مثل (ماسورة عدس) و(ماسورة ويكة) و(ماسورة سكر) وماسورة (رز) وماسورة (زيت) إضافة إلى ماسورة موية وماسورة غاز ليصبح إسم المشروع - حزمة مواسير الدعم المتكاملة (حمدم) ! - وبذلك تكون الحكومة قد وفرت للمواطن الحد الأدنى من الحياة وهو (الأكل( !على أن يتم إنشاء (كرت) لكل (ماسورة) إضافة إلى (باسوورد) و(كود ماسورة) حتى تتأكد الحكومة تماما بأن هذا الدعم قد وصل إلى المواطن (وما مشى ماسورة تانية) فإذا أراد المواطن فتح ماسورة الزيت مثلاً قام بإدخال كلمة السر وإدخال (الكمية) التى يريدها ليتم سكبها بواسطة الماسورة فى الحال مع تنبيه بالرصيد المتبقى فى حساب الدعم الشهري المقرر للمواطن !علاوة على أن هذا المشروع يوفر للمواطن قوته و(من لا يملك قوته لا يملك قراره) فللمشروع مميزات كثيرة أخرى حيث تستطيع الدولة معرفة إستهلاك المواطنين الفعلى ومن ثم تستطيع توفيره بدلا عن الفجوات الغذائية التى تحدث (فجأتن) كما أن من إيجابيات هذا المشروع إسكات الأصوات التى تنادى برفع الحد الأدنى للإجور والذى لا يغنى ولا يشبع من جوع مما يجعل لسان الحكومة يقول لكل محتج على تدنى الأجور (أها أكل وأكلناكم) !بالنسبة للمواطنين الذين ينفذ رصيدهم من الدعم لأى من هذه السلع قبل نهاية الشهر (ضيوف ، مناسبات وخلافه) فيمكن للحكومة إنشاء شركات (مواسيرإتصالات تموينية) تابعة للمشروع حتى تمد هؤلاء بالخدمة على أن يقوموا بشرائها نقداً عن طريق كرت شحن فلو أن أحد المواطنين نفذ رصيده من (الويكة) يمكنه شراء كرت شحن (ويكة) بخمسة ستة جنيه (يمشى بيها) حتى نهاية الشهر ووصول الدعم الجديد !إن البلاد لا تحتاج الآن إلى (قصر رئاسى جديد) فالقصر الموجود قائم بالمهمة خير قيام ولكن البلاد تحتاج إلى مثل هذا المشروع الذى يدعم المواطنين الذين تحولت وجباتهم إلى (الطعمية) و(فوال الحاجات) ، إن حزمة الدعم المتكامل عبر (المواسير) من شانها أن تعيد إلى المجتمع السودانى بعض من تماسكه الذى إندثر بفضل صينية (الغداء) التى سوف تجتمع عليها الأسرة (من جديد) بعد أن أصبح (كل زول ياكل بى طريقتو) كما أن هذا المشروع سوف يسهم بشكل فاعل فى إعادة الصحة لجسد المواطن الذى أصابه الهزال مما يزيد (نوعا ما) من مناعته ضد الأمراض وبالتالى توفر الدولة ما تصرفه من أموال باهظة لعلاج المواطنين .ثقتى كبيرة بأن ولاة الأمر سوف يقرأون مقالى هذا وسوف يحولون ميزانية بناء (القصر الجديد) من أجل تنفيذ مشروع (حمدم) – حزم مواسير الدعم المتكاملة- هذا المشروع الإسترتيجى الهام الذى سوف يكسبهم حب المواطن وتقديره كما يكسبهم ثواب الله يوم لا ينفع مال ولا بنون !
كسرة :عند التنفيذ بلاش حكايت إنشاء وزارة (حزمة مواسير الدعم المتكاملة) ووزير دولة (حزمة مواسير الدعم المتكاملة) ووزير (ما دولة) وزارة حزمة مواسير الدعم المتكاملة ومستشار أول (حزمة مواسير الدعم المتكاملة) لمواسير الفول ومستشار أول وزارة (حزمة مواسير الدعم المتكاملة) لمواسير العدس و ..... لأنو كده القصر القديم ما ح يشيل الجماعة ديل وح تضطر الدولة لبناء قصر جديد !! |
| |
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
Quote: هسي هشام ميز ده سألكم؟ تعرف يا علي مره كنت ضمن شله من المتأخرين في أحد التمامات المفاجئه.. الجماعه القدامي كلهم قالو كانو في الجامع واتخارجو.. لمن جا دورى قلت يا ود اعمل فيها كوز وكده...الضابط كان وقتها النقيب التيجاني علي الياس-متعه الله بالعافيه-سأني :وين كنت يا مصيبه انت ؟رحت مكسر ليك عيوني وبقيت أعاين يمين وشمال دون النظر مباشرة الي الأخ سيد التيجاني ومليت خشمي وقلت ليهو: كنت في الجامع.... قام صاحبنا عاين لي بتفحص شديد في الكرعين والوش.. يازول غباشه وتراب بس تقول كيس أسمنت..وقال: انت كنت في الجامع بى ت ر ابك ده.. انت الصلأه دى اتيممت ليها ولا شنو ؟علي الطلاق الليله لو بقيت شيخ الأزهر ما اخليك وبعدها توسدت نمرتى حتى ادركتني صلاة الاسبوع التالي وأنا فى الحبس. |
أوووو أخونا شيخ الازهر مشرف الدفتر والله , قلت لى عملت فيها كوز وبرضو الحيلة ما نجحت .
| |
|
|
|
|
|
|
Re: دفتر احوال ضابط الشرطة المناوب (Re: فيصل عثمان الحسن)
|
ثم كانت الكنفايمنت ووجدنا الاسود امامنا بقيادة المقدم عصام علي شريف، نقيب الرشيد علي مساعد، نقيب حيدر عبد الوهاب، ملازم اول صديق العبيد، ملازم اول احمد سر الختم وبداء الدرش 56 يوما من الدرش المتواصل وطوابير الزم والميدان الاحمر والادارات الداخلية حتى الصباح اواصل
| |
|
|
|
|
|
|
Re: دفتر احوال ضابط الشرطة المناوب (Re: Dr.Mohammed Ali Elmusharaf)
|
Quote: أوووو أخونا شيخ الازهر مشرف الدفتر والله , قلت لى عملت فيها كوز وبرضو الحيلة ما نجحت |
العزيز - فيصل أخونا هشام ميز حاول لكن الجماعه عارفينو - معقولة بس . منور سيد هشام وعقبال البقية . وفى انتظار مداخلة اخونا حسين الطيب التى وعدنى بها والتى سوف نثير كثير من الضجة عموما ترقبونا وياحسين مااتاخرت ؟؟
واصل ياقريبى . وقبل الختام ذولكم الطيب مسئولين من الخير مالوا اختفى .
وسلام ودبرى
| |
|
|
|
|
|
|
Re: دفتر احوال ضابط الشرطة المناوب (Re: عبد الرحيم محمد عبد الرحيم)
|
*** يا ود برى إنت الزيك منو ؟ وكلامك ده بعد كدا بجيب ( صوت كرنك ) والظاهر إنو الباصوورد بتاعى دا كان مسروق الأيام الفاتت دى أنا لا جبت سيرتك ولا سيرة حسن بيجو والبركة فيكم فى عمتكم . الظاهر الهاكر وياسر عبدالحميد عايزين يخربوا البينا .
*** بس يا ود بري مصدرك الطويل داك قول ليهو إنتظرنى وإنشاء الله البوت طلع قدرو وإنشاء الله أداك بوتك . ولو ما أداك ليهو كلمنى عشان أنشر ليك غسيلو هنا. *** ويا ود بري ( الزباااادى )
.........................................
ياسر عبدالحميد يا أخوي أسمح لى الزول دا كان واصل فى موضوع الحفلة و الشنطة والملازم قليل الأدب بتاع قسم العمارات داك ، كان واصل فى الموضوع ده بودينا التوج ، عشان كدة يا أخوى خلينى أكسب الزول ده ، ده عندو معلومات خطيرة جدا و إنت عارف الشمات كتار، بعدين ياخ ود بري دا مستشارى القانوني الخاص ما تعمل لى معاه مشاكل بالله . وإنت عارف لسانو.
| |
|
|
|
|
|
|
هلا بالابن الطيب
ايوه خليك عاقل . لانى والله لولا هذا الاعتذار كنت حاانقح طارك وانت طارك عارفوا . وبرضوا بنفس السرعة رسل الحاجات !! وبعدين انت عارف فى بعض الاحيان ممكن يكون الاختراق من الداخل والاخوان مابقصروا والشمار ذو شجون . بالمناسبة ذكرتنى قصة واحد صاحبنابيحب الشمار وبحرقوا , مرة سمع شمار حار يخص صديقه له فهدد ذلك الصديق الذى قدم رشوة محترمة لكى يستر الموضوع وكانت مبلغ مالى . جمعت الصدفة هؤلا الصديقين مع مجموعة من الاصدقاء اخونا الذى يكتنز السر الموضوع قاطع قلبوا من عدم فت الموضوع خصوصا بعد الرشوة .فما كان منه الا رد ذلك المبلغ للراشى وفت الموضوع . عليه نامل ان تكون الرشوة محترمة . حتى لااحكى ولدى الكثير وانت عارف منها على سبيل المثال لا الحصر. 1/ قصة نقلك لنا بالخرطوم شمال وبالاحرى طردك من الاوسط الخرطوم وتلك قصة ذات شجون لرواد البوست . 2/ اما موضوع الموتر الشهيرة سوف تترك بصمات جيدة فى مسيرتك العملية . 3/ فضلا عن قصص الصحافة الشهيرة . نامل ان تكون العطايا بمقدار ما نملك من شمارات وخصوصا اخونا فارس موسى طالب بكشف الابوات الشهير .
اما زولك ياسر عبدالحميد اتصل وقال مافى داعى لكشف الحال . ووعدنى بفيزا على السعودية وانا قلت ليه ماتتهور ساى . المهم نحن فى الانتظار . ناس تخاف لاتستحى !!! نامل ان لانضطر لذلك ولاعذر لمن انذر .
تخريمة : سالنى الكثيرون لماذا الهجوم على سعادة النائب ؟؟؟؟ وتسالوا عن الاخرون ؟؟؟ والله سؤال وجيه !!! عندما استعرضت الاخرون غلبتنى الاجابة !!! هل لديكم اجابة؟؟؟ افدونى. وكل عام هجرى وانت بالف خير ودبرى
| |
|
|
|
|
|
|
Re: دفتر احوال ضابط الشرطة المناوب (Re: عبد الرحيم محمد عبد الرحيم)
|
Quote: [QUOTE]*** بس يا ود بري مصدرك الطويل داك قول ليهو إنتظرنى وإنشاء الله البوت طلع قدرو وإنشاء |
هلا بالابن الطيب
ايوه خليك عاقل . لانى والله لولا هذا الاعتذار كنت حاانقح طارك وانت طارك عارفوا . وبرضوا بنفس السرعة رسل الحاجات !! وبعدين انت عارف فى بعض الاحيان ممكن يكون الاختراق من الداخل والاخوان مابقصروا والشمار ذو شجون . بالمناسبة ذكرتنى قصة واحد صاحبنابيحب الشمار وبحرقوا , مرة سمع شمار حار يخص صديقه له فهدد ذلك الصديق الذى قدم رشوة محترمة لكى يستر الموضوع وكانت مبلغ مالى . جمعت الصدفة هؤلا الصديقين مع مجموعة من الاصدقاء اخونا الذى يكتنز السر الموضوع قاطع قلبوا من عدم فت الموضوع خصوصا بعد الرشوة .فما كان منه الا رد ذلك المبلغ للراشى وفت الموضوع . عليه نامل ان تكون الرشوة محترمة . حتى لااحكى ولدى الكثير وانت عارف منها على سبيل المثال لا الحصر. 1/ قصة نقلك لنا بالخرطوم شمال وبالاحرى طردك من الاوسط الخرطوم وتلك قصة ذات شجون لرواد البوست . 2/ اما موضوع الموتر الشهيرة سوف تترك بصمات جيدة فى مسيرتك العملية . 3/ فضلا عن قصص الصحافة الشهيرة . نامل ان تكون العطايا بمقدار ما نملك من شمارات وخصوصا اخونا فارس موسى طالب بكشف الابوات الشهير .
اما زولك ياسر عبدالحميد اتصل وقال مافى داعى لكشف الحال . ووعدنى بفيزا على السعودية وانا قلت ليه ماتتهور ساى . المهم نحن فى الانتظار . ناس تخاف لاتستحى !!! نامل ان لانضطر لذلك ولاعذر لمن انذر .
تخريمة : سالنى الكثيرون لماذا الهجوم على سعادة النائب ؟؟؟؟ وتسالوا عن الاخرون ؟؟؟ والله سؤال وجيه !!! عندما استعرضت الاخرون غلبتنى الاجابة !!! هل لديكم اجابة؟؟؟ افدونى. وكل عام هجرى وانت بالف خير ودبرى
|
| |
|
|
|
|
|