إلا صحيح يا ود الباوقة صاحبت السمو / وضاحة زعلانة

Quote: شوفى يا وضاحة منبر بكرى دا انتي ست الحوش تقعدى وتقومى على كيفك واليرشك باللبن يترشا بالدم وما يعرف الرشـــاهو منووو شوفتى كيف : : : : : : : الا بث انتى كلام محمد البشرى الخضر دا ما ترميهو واطه ما صعب تبدلى صفكس (كـــم ) بى آخـــر (نــــا ) وبالمرة تكتلى ليهم الدش فى يدهم انتى موش قلتى سودانية الهوى وتفتخرى انا متفق معاك انو حالنا جربان لكن الصفكس (نــــا) نلصقوا ليك مع اى حاجه وكأننا لابسين عقال ونفتخر (الدُش دا طبعاً حاجه كدا فى لعبة الضُومنة بالرغم من انها غير منقطه لكن اسكورا عالى خالــص للبى تتقبض عندو ) مع التحيات لله الزاكيات

أقعد وين واقوم وحات الله بقيت اخاف من الضغطة على الكى بورد

جعلية ورق

حااااضر زى ما بدك انت و ود البشرى انتوا اخوانى وحبايبي وانا زولة طيبانة وقلبيى ابيض وبمسع الكلام
والله صحى
وعاذرة الناس الما بتعرفنى واى زول والله العظيم ويشهد ربنا اى زول اساء لى وطعنى بالكلام لو فى الفيس او فى المنتدى مسامحة والله العظيم
ما بزعل من اى حد ولا احمل شى فى قلبي يعلم الله
وانا والله العظيم مجرد ما اقفل الاب توب لا احمل غير الذكرة الطيبة للناس فى المنتدى

اما ناس صفكس ديل يمكن التعبير بخونى مرات بس غير مقصود
وبعدين انت اكتب باللغة تتفهم هسي الولد محمد ود الصائم دا باقى ليك بعرف الصفك شنو؟؟؟

(عدل بواسطة وضاحة on 06-27-2013, 01:53 PM)