كتب الكاتب الفاتح جبرا المتوفرة بمعرض الدوحة
|
Re: عنصرية الهنود تجاه الطلبة الافارقة (Re: أيمن الفاضل)
|
تعرف يا ايمن الهنود ديل رغم تركيبتم الطبقية الدينية زي ما قال تاج لكن هم أبعد الناس عن العنصرية لأنهم مكتويين بي نارا ..
وزي ما قال زيادة .. المعاملة القيناها من الهنود ما كان ممكن نلقاها في أي بلد تانية ..!!
أخر موقف حصل لي وأنا طالع من الهند في المطار كان موقف انساني ما قادر أنساهو أبدا .. كنت حاجز من مدينة مدراس بي طيران الخليج حتى أبو ظبي وضباط الأمن شكوا انو اذن السفر مزور ورفضوا سفري وأرجعوني من المطار بعد ما طلعوا الشنط من الطيارة .. وبقيت تلاتة يوم بالحالة دي أمشي وأجي وأحاول اتفاهم مع الجماعة ديل لكن واحد طلب مني 1000 دولار عشان يسمح لي أسافر (الرشوة متفشية في أجهزة الدولة في الهند ودا ما عندو علاقة بي معاملة غالبية الهنود لأنها حالة شاذة) .. رفضت أدفع وتم ارجاعي . مدير طيران الخليج في المطار لاحظ كل يوم بجي وأرجع بسبب ناس الأمن ديل سألني ووريتو الحاصل وهو زعل جدا .. قال لي انت نازل وين في مدراس . قلت ليهو ما عندي حتة أمشي ليها .. قال لي تمشي معاي البيت ونرجع بالليل عندي حل لي مشكلتك . أفتح ليك التذكرة على الخطوط الأماراتية لي دبي لكن لازم توعدني الزول المنتظرك في أبو ظبي يجي دبي وينتظرك في المطار لأنو لو دا ما حصل حا تعمل لي مشكلة !!
وعدتو وقال لي هسي تتصل بيهو قدامي .. وفعلا اتصلت بي زولي هناك وحكيت ليهو المشكلة والمدير بيتصنت مع انو ما بيعرف عربي .. قفلت السماعة ووريتو الحاصل . وقال لي أنا بجازف معاك .. شال تذكرتي ومشى عمل اجراءات .. وجا قال لي بعدين الوردية حا تتغير وانشاء الله ناس الأمن ديل ما يجي فيهم واحد ..
طلعت من المطار لي جماعة أصحابي والدير قال لي خلي الشنط في المطار عشان ما تلفت الأنتباه لمن ترجع .. وفعلا رجعت بالليل خايف أتلبد والمدير كان منتظرني أول ما شافني دخلني بي دهاليز كدة وصالات بعيد عن الأعين وقال لي عفشك اتشحن في الاماراتية غايتو عدى بي كل الاجراءات لحدي منها وأخر اجراء لمحني واحد من ناس الأمن وجا يوقفني لكن المدير دخل معاهو في مشادة وأنا ساكت براقب المنظر لحدي ما اتدخل مدير الصالة تقريبا واستلم الورق وعاين ليهو ورطن مع بتاع الأمن داك ومنها اشار لي بالمرور .. والوكت دا الطيارة اتأخرت وموظفي الأماراتية مقلقين وخايفين يقولوا رجعوا الشنط .. فأول ما أخدت موافقة مرور طوالي جروا معاي للمرحة النهائية والتفتيش ومدير الخليجية والله موقف ما انساهو ليهو .. وصل معاي لحدي باب الطيارة وشكرتو جدا ..
دا غايتو أخر موقف .. مع انو في عشرات المواقف التانية ..!!
|
|
|
|
|
|
|
العنوان |
الكاتب |
Date |
عنصرية الهنود تجاه الطلبة الافارقة | أيمن الفاضل | 06-22-13, 04:44 PM |
Re: عنصرية الهنود تجاه الطلبة الافارقة | أيمن الفاضل | 06-22-13, 04:46 PM |
Re: عنصرية الهنود تجاه الطلبة الافارقة | أيمن الفاضل | 06-22-13, 04:47 PM |
Re: عنصرية الهنود تجاه الطلبة الافارقة | أيمن الفاضل | 06-22-13, 04:48 PM |
Re: عنصرية الهنود تجاه الطلبة الافارقة | أيمن الفاضل | 06-25-13, 07:58 PM |
Re: عنصرية الهنود تجاه الطلبة الافارقة | أيمن الفاضل | 06-25-13, 08:16 PM |
Re: عنصرية الهنود تجاه الطلبة الافارقة | أيمن الفاضل | 06-25-13, 08:23 PM |
Re: عنصرية الهنود تجاه الطلبة الافارقة | ناذر محمد الخليفة | 06-25-13, 08:37 PM |
Re: عنصرية الهنود تجاه الطلبة الافارقة | أيمن الفاضل | 06-25-13, 08:48 PM |
Re: عنصرية الهنود تجاه الطلبة الافارقة | أيمن الفاضل | 06-25-13, 08:53 PM |
Re: عنصرية الهنود تجاه الطلبة الافارقة | ناذر محمد الخليفة | 06-26-13, 11:33 AM |
Re: عنصرية الهنود تجاه الطلبة الافارقة | أيمن الفاضل | 06-26-13, 11:32 PM |
Re: عنصرية الهنود تجاه الطلبة الافارقة | سامى عبد الوهاب مكى | 06-27-13, 05:59 AM |
|
|
|