|
مهرجان تكريم .. ابو حسيــن ، وهبــة ، محمد التاج والله صحي
|
قبل كم .. تم تكريم جمال الوالي في مهرجان رياضي ضخم حضره السيد رئيس الجمهورية عمر البشير . تزامن ذلكم التكريم مع تحرير مدينة ابوكرشولا .. كما تزامن ايضا .. مع عدة معارك اسفيريـة بين مناضلين الكيبورد من قوى الظلام .. ناس الحجاب الحاجز .. والرد من الخاصرة .. ..
|
|
|
|
|
|
|
|
Re: مهرجان تكريم .. ابو حسيــن ، وهبــة ، محمد التاج والله صحي (Re: tmbis)
|
وعندما نتحدث هنا عن المعارك الاسفيريـة .. نتحدث عن الجانب التقني ولا نهمل الجانب العنقالي ساااي .. والله صحي .. ففي الجانب التقني احيانا يمكن التحايل على عدة امور ، كما ان هناك مداخل من الصعب الوصول إليها نتاج سياسات مواقع عالمية بعينها يصعب استخلاص المعلومـة إلا بواسطـة الجنوح إلى القضايا وإلخ إلخ من الاجراءات العقيمة .. وبالنسبة لي عامل الخبرة والحدث وهو الجانب العنقالي في الأمر .. هذا ما اشرنا له من قبل عن حصافـة المتتبع وخبرته الطويلة في قراءة ذاكرة الشخوص .. الذين يستخدمون بعض الأفكار الساذجـة او الحيل الضعيفة للنيل ممن يختلفون معهم .. ويتهمون في ذلك الذكاء المفرض .. حين ان الغباء وحده من يسوقهم إلى جريمتهم التي لم تكتمل مهما كانت الظروف والحيل .. فغباء اللص دائما ما يقود إلى المسروقات .. وإلا لما كانت هناك .. اسانيد وملابسات وشعرات يلجأ إليها رجالات البحث الجنائي في البحث والتحقيق ..
| |
|
|
|
|
|
|
Re: مهرجان تكريم .. ابو حسيــن ، وهبــة ، محمد التاج والله صحي (Re: tmbis)
|
وعند التحدث عن من ساهم او يساهم في سبر اغوار جريمـة ما .. او كشف تفاصيلها .. لابد من تسليط الضوء على خسـة من قام بالفعله .. خاصة اذا تم اكتشاف انه يمتلك روح مهزومـة واذدواجيــة في الشخصيــة وهي أمراض نفسية معروفـة .. تقود صاحبها إلى القاع السحيق وبالطبع هو معزول عن المجتمع ، من يعمل على تصفيـة حساباته مع خصومـة عن طريق الغش والخداع .. وفاحش اللسـان والتخفي من خلف ستار هو بلا شك .. تهيمن على نفسـه عقد وتراكمات نفسيـه .. تدفع به إلى أن يخلعها ويلبسها لتلك الشخصية التي اخترعها .. لتنوب عنه في صراعاتـه .. أو تنوب عن نفسه المريضة في تحميل اللوم .. فهو لا يستطيع المواجهة .. ويعبر عن الجانب الخفي داخله ..
| |
|
|
|
|
|
|
Re: مهرجان تكريم .. ابو حسيــن ، وهبــة ، محمد التاج والله صحي (Re: omer osman)
|
Quote: لامانع لدينا في مكتبة ميم من رعاية حفل تكريم النجمين ابوحسين ووهبة ههههههههههههههههه وبالمناسبة دي نعلن عن توفر شنط مدرسية وكافة مستلزمات المدارس بتخفيض 10% |
ايوووووووووووووووووي .. والله لايك كبيرة جدا يا جنابو .. التحية لمكتبة ميم بفروعها المحتلفة داخل الخرتوم .. والتحية للقايمين بأمرها .. بقيادة الكمندان جستابو عمر عثمان .. وبهذه المساهمة والمبادرة .. نفتح باب الرعاية .. للمؤسسات والقطاعات المختلفـة .. عليكم الله وهبـة وابوحسين ومحمد التاج بنقصم شنو من جمال الوالي ..؟ والله اقوليكم حاجة ..؟ الوالي زاتو مفروض يجي يتبرع لينا .. واللميـن البرير لانو حاجات زي دي ممكن تعمل مشكلة في (السستم) ... يقوم السستم يقفل سيدي بيـه يتصيع .. يقوم السستم يقفل .. الحضري يسافر مصر عشان يقعد جمب امو أو كما قال .. ولو سالني واحد علاقة السستم بي كتاب الحجاب الحاجز شنـو .؟ اقول بي كل بساطة احتمال واحد منهم وهو بيطبز يدخل يدو في سلك عريان .. يفرقع الحاجات .. وتجي تلقاهو ناشف كنيشـة بس ومكن ان تشاهد الكيلو واطات ظاهرة في خلقتو .. واصبعو محروق .. وخاتي جمبو الايميل الخاص بيهو للتواصل .. والدفــن في اي مقبرة الكترونيـة والمواصلة في العالم الآخــر .
| |
|
|
|
|
|
|
Re: مهرجان تكريم .. ابو حسيــن ، وهبــة ، محمد التاج والله صحي (Re: محمد البشرى الخضر)
|
Quote: أنا احتج على حشر ابوحسين ووهبة في التكريم الشغل الأخير نجّضو ود التاج براه اللهم إلاّ كان تكريمهم على الخدمة الطويلة الممتازة :) |
ما الخدمة الطويلة الممتازة براهـا .. الأرهــاب ايضا .. لا انكر دور محمد التاج والضربـة الخطافية القاضيـة .. لكن السواقـة فن وأدب .. لك ان تتخيل كم المتعـة في القيادة وانت بجانب وهبــة وابو حسيــن .. في الدقداق بمتعوك .. في الطيــن .. بيفجخو بي فهم .. في الرملـه صاجاتم الف والترس تقيل بعدين لو كان عندك احتجاج يا ود البشرى .. كان توجهو في شكل مذكرة .. وترفق فيها الاتية اماءهم: الحانوتي ابو ترتر فرح ابو ورطــة .. نقطـة سطر جديييييييييييد جادات .. قريمان الرشيد .. نانو تبع فيصل الرشيد وانا لما اجي اعمل اي حركة معاهو الا اخد الاذن والفاتحة من فيصل .. والخبير التقني .. اللميـن البشاري (والله صحي) فمن دون هؤلاء كانت كل الاشياء مستحيلة
| |
|
|
|
|
|
|
Re: مهرجان تكريم .. ابو حسيــن ، وهبــة ، محمد التاج والله صحي (Re: د.نجاة محمود)
|
Quote: المجارمة لهذا الموسم كلهم من السعودية يعني ممكن يتحول الصراع الاسفيري الى صرع حقيقي؟ المملكة فيها قانون سابير قوي جدا... |
بالضبط يا دكتورة .. قانون السايبر في السعودية ح يتحول قريبا إلى الواقع .. وهنا احد الاصدقاء يشاركنا الموقع .. من الذين يضعون الآن اللبنات الدقيقة جدا .. الصراع الاسفيري تحول من فترة طويلة جدا إلى ارض الواقع يا دكتورة .. احد المناضلين بالرغم من اختلافي معه .. قبل سنوات تم الزج به في السجن .. ولو لما إرادة الله لتم تسفيره .. وذلك نتاج اختلافـه مع البعض هنا تمت الوشاية به في مكان عمله .. شخصي الشعيف .. قبل سنوات .. وعلى هاتفي الشخصي اتصل علي احدهم من هاتف اتصال ثابت .. وكال السباب والشتم لوالدتي .. ولكنته كانت معروفـة جدا بالنسبة لي ومن اي جهة .. كل هذا الآن اصبح سهل التعامل معه .. تقنيا وقانونيا .. والذين يقومون به الافعال يا دكتورة .. بي كل وقاحـة .. سيكون القانون هو الرادع المناسب لهم .. على ان يتكفل البقية بمن هم خارج السعودية .. اخيرا يجب ان ننسف قاعدة عفا الله عما سلف .. وإلخ إلخ .. لطالما كانت المسالة متعلقة بالشرف وتشويه السمعة .. من اشخاص هم من قاع المجتمع .. ومعظمهم ليس لهم عمل داخل هذه البلد .. سوى الجلوس من خلف شاشة الكمبيوتر والقيام بهذه الادوار .. وتشويه سمعة الناس عند الآخرين .. من جانبي .. لدي الكثير من الادلة سوى بالماسينجر .. او بي الكتابة بالاسماء .. ولطالما كنت متسامح للحد البعيد .. لكن يبدو ان التسامح في حد ذاته جريمـة ونوع من السذاجة المفرطــة.
| |
|
|
|
|
|
|
Re: مهرجان تكريم .. ابو حسيــن ، وهبــة ، محمد التاج والله صحي (Re: tmbis)
|
دال اسمو خج.. ومجاملات الخ الخ الخ.. بس ما متوقع يا تمبس انك تقوم بهذا الخج الواضح ومفضوح يا امنجي يا كوز " برضو الخ الخ الخ..
ابو حسين دا ممكن نقبل ادخاله واضافته لمحمد التاج و تكريــمو على " مضض " .. الجــقروتة وهبة يتكرم على شنو... غايتو جنس غايتو..
لو اساساً في عدل وفي انصاف وفي حقوق انسان وديمقراطية في هذا البلد البائس مفروض اتكرم انا دا يومياً ..فقط لانه الشمس بتشرق الصباح وأرضي انه اقاسم ضياءها مع ناس امثال موهبة وابوحسين ومن لف لفهم من هوام الاسافيــر زي الظلامي الاسمو فيصل الرشيد..
قال وهبة قال.. اصلاً لو في مطالبة بالتكريــم مفروض يتكرم " ابو سامي " او كما تطلقون على امثاله بالرياض - بتاع الري -
| |
|
|
|
|
|
|
Re: مهرجان تكريم .. ابو حسيــن ، وهبــة ، محمد التاج والله صحي (Re: HAIDER ALZAIN)
|
Quote: ابو حسين دا ممكن نقبل ادخاله واضافته لمحمد التاج و تكريــمو على " مضض " .. الجــقروتة وهبة يتكرم على شنو... غايتو جنس غايتو.. |
والله يا حيدر بعد التمثال العملتو ليك قبيل دا افتكر ما حرمتك من ايتها حاجة .. .. لكن كمان عليك الله خليني اكرم الجماعة ديل .. حتى ولو بي درع تذكاري .. والله المفروض يتكرمو كتار .. في شفوت قاعدين ناس دردقـه بس .. يدردقو ليك في الجماعة والواحد يجي منبرش .. اها ديل ح نكرمم في شكل (طرابيد) جانبيين .. ح نختهم تحت المراغبـة لحدت فترة ما بعد الارشفـة .. لانو فترة ما بعد الارشفـة هي المهمة في تاريخ البورد .. يعني بي صورة اوضح .. الجماعة حسع دي كلهم دافنين دقـن دفن جد .. الواحد يقوم يجيك بعد الارشفـة داخل وشايل ليهو كيس طعمية في يدو .. واصابعينو بي زيته ويكتب ليك زي الما حصلت اي حاجة .. زي الكانو ما كان عنصر تشتيت في فترة ما قبل الارشفـة .. اللي هي عام الرمادة بالنسبة للمناضلين العندهم كم اسم .. واللي هم من تحت الحجاب الحاجز .. اها .. نحن حفلات التكريم ما ح تتوقف .. لطالما حملات الرش ما متوقفه
| |
|
|
|
|
|
|
Re: مهرجان تكريم .. ابو حسيــن ، وهبــة ، محمد التاج والله صحي (Re: tmbis)
|
Quote: Quote: أنا احتج على حشر ابوحسين ووهبة في التكريم الشغل الأخير نجّضو ود التاج براه اللهم إلاّ كان تكريمهم على الخدمة الطويلة الممتازة :) |
ما الخدمة الطويلة الممتازة براهـا .. الأرهــاب ايضا .. لا انكر دور محمد التاج والضربـة الخطافية القاضيـة .. لكن السواقـة فن وأدب .. لك ان تتخيل كم المتعـة في القيادة وانت بجانب وهبــة وابو حسيــن .. في الدقداق بمتعوك .. في الطيــن .. بيفجخو بي فهم .. في الرملـه صاجاتم الف والترس تقيل بعدين لو كان عندك احتجاج يا ود البشرى .. كان توجهو في شكل مذكرة .. وترفق فيها الاتية اماءهم: الحانوتي ابو ترتر فرح ابو ورطــة .. نقطـة سطر جديييييييييييد جادات .. قريمان الرشيد .. نانو تبع فيصل الرشيد وانا لما اجي اعمل اي حركة معاهو الا اخد الاذن والفاتحة من فيصل .. والخبير التقني .. اللميـن البشاري (والله صحي) فمن دون هؤلاء كانت كل الاشياء مستحيلة |
يعلم الله يا تمبس ابداع اديييييييل كدى ,وحقيقة جهد يحتاج تكريم بس فى حاجة مهمة الجرويات الاكترونية دى مهم جدا الناس ما تكشف ليها ادوات مطاردها
| |
|
|
|
|
|
|
Re: مهرجان تكريم .. ابو حسيــن ، وهبــة ، محمد التاج والله صحي (Re: الصادق الخالدى)
|
Quote: يعلم الله يا تمبس ابداع اديييييييل كدى ,وحقيقة جهد يحتاج تكريم بس فى حاجة مهمة الجرويات الاكترونية دى مهم جدا الناس ما تكشف ليها ادوات مطاردها |
طبعا يا الخالدي حالتي قاعد اكتب ليهم بي يدي الشمال بس ههههههههههه يا خالدي الجرويات الالكترونية دي صدقني ما محتاجين ادوات وانت زول خبرة ياخ .. الجريوات ديل الواحد تخليهو براهو بيكشف عن نفسـو .. وعن المنظومة الحوالينو .. تبقى المحصلة في اللعبـة الحلوة والفنشن .. زي الفنش حق محمد التاج دا .. بعد السواقه حقت الفنانين ديل .. وصدقني يا خالدي .. ما بحتاجو ، كلما الواحد فيهم فرفر .. وكتر من وقاحتو وكتابتو كلما اتجه للماسورة باسرع فرصة وبي محض ارادتو ..
| |
|
|
|
|
|
|
Re: مهرجان تكريم .. ابو حسيــن ، وهبــة ، محمد التاج والله صحي (Re: الأمين كامل الأمين)
|
Quote: لو اساساً في عدل وفي انصاف وفي حقوق انسان وديمقراطية في هذا البلد البائس مفروض اتكرم انا دا يومياً ..فقط لانه الشمس بتشرق الصباح وأرضي انه اقاسم ضياءها مع ناس امثال موهبة وابوحسين ومن لف لفهم من هوام الاسافيــر زي الظلامي الاسمو فيصل الرشيد..
|
والله يا ضلالي تستحق التكريم .. والله كونك قادر تتعايش ما الزول داك في حته واحده فده بدل علي انك عندك جينات ديناصورية بدرجة ممتازه
اقترح تكوين لجنة للتكريم برئاسة جنابو لقطاع الخرطوم وتمبس لقطاع الرياض ..
الله اكبر ولا نامت اعين الجبناء والعملاء ..
| |
|
|
|
|
|
|
Re: مهرجان تكريم .. ابو حسيــن ، وهبــة ، محمد التاج والله صحي (Re: محمد المسلمي)
|
Quote: 1- خبراء يعني الواحد ( خبير) 2- يستطيعون الوقوف مع الباطل بعين قوية 3- استعمال ( الصبغة ) والوهم أنهم صغار السن 4- الكذب وتصديقه انه حقيقة 5- متابعة لصيقة بوستات الدخان والحنة 6- أشياء أخري مفيدة معجب ومشجع للتكريم
|
ههههههههه .. والله يا حاج محمد البنود الستة ديل مبالغـة .. كل بند ببالغ عن البند القبالو .. لذلك جاءت مسالة التكريم لكن يللا تعال شوف ليك خرخرة ح تحصل .. هههههههههه
| |
|
|
|
|
|
|
Re: مهرجان تكريم .. ابو حسيــن ، وهبــة ، محمد التاج والله صحي (Re: Faisal Elrasheed)
|
Quote: والله كونك قادر تتعايش ما الزول داك في حته واحده فده بدل علي انك عندك جينات ديناصورية بدرجة ممتازه |
تباً لك يا ضلالي يا خفاش الظلام.. اي حاجـة ولا " ديناصوراتي " ديل زول يهبشهم.. انت زي ما شايف وعارف اني " سام اونيل " وقادر اتعايش في الجوراسيك بارك دا بكل انشراح ضميــر ... بس ربنا يبعد عننا وهبــة وتهابيشو في عش " البيوض " حقها..
ـــــــــــــــــــ.. الا بالمناسبة يا ظلامي انت وين من ديك وماشفناك مشاركاتك لي هسع محددة في اتنين وانت متعالي ومتستكبر ترجعها !!
| |
|
|
|
|
|
|
Re: مهرجان تكريم .. ابو حسيــن ، وهبــة ، محمد التاج والله صحي (Re: HAIDER ALZAIN)
|
Quote: يا جماعة أعملو لي كـشـف بدل التكريم دا ......... |
دي النجيضة با عمك
______________ تمبس يا خلايا نايمة شكرا على البوست امس بالليل اتدكرتك .. لما لقيت عمك قريمان فاتح ليهو بوست قال في انشقاق في الجيش وطبعا عمك مصدرو كالعادة مضروب .. لكن أطرف ما في البوست قال "واسنطيع أن أؤكد من (جانبي)" انت عمك قريمان دا متين عمل ليهو جانب عشان يؤكد منو والله ضحكت لمن الحجة شكت في قواي العقلية غابتو بقينا قاعدين ساي في المنبر دا .. الرمتالة والمواهيم عملوا ليهم جوانب ونحن ليوم الليلة معتمدين على الآتو وورق الزميل خخخخخخخخخخخخخخ
_________________ الدال ام نقطة ما عندي أرجو المعدرة
| |
|
|
|
|
|
|
Re: مهرجان تكريم .. ابو حسيــن ، وهبــة ، محمد التاج والله صحي (Re: عبدالوهاب علي الحاج)
|
Quote: الدال ام نقطة ما عندي أرجو المعدرة |
شوف زي دا ..وتقول لي تكريــم كمان...!!
اسمع يا معلم .. تفتح الـControl Panel عندك بالعربي بتلقها مكتوبة لوحة التحكم.. تهبش كدة بتلقي شئ اسمه الـRegion and Language تمشي على خيار تغيير اعدادات الكيبورد وتغير العربي من 102 إلي 101 وبينزل ليك الذال.. إن ما ظبطت معاك افتح ليك بوست بإسمي تطلب فيه المساعدة مني ويمكن .. اقول يمكن .. اجي انزلها ليك بالصور..
لقيتني كيف هههههههه
Quote: نحن ليوم الليلة معتمدين على الآتو وورق الزميل |
ياعمكـ والله تمبس دا اصلو ما مضمون .. اتو شنو .. هسع تلقاهو موزعها ليك على اساس انها وست .. شوية كدة ويقول ليك سكو الدامــة اللعب هاارت .. عشان كدة انا للضمان مرقت الديس من هسع.. بس لقيت واقع يميني ..
| |
|
|
|
|
|
|
Re: مهرجان تكريم .. ابو حسيــن ، وهبــة ، محمد التاج والله صحي (Re: الأمين كامل الأمين)
|
Quote: غايتو انت زول كتاب شديد والله |
اللميـن كامل .. الله يديك العافية يابوي ويجبر بخاطرك ...ناس حيدر ديل وابوحسين وود الصايم ومنو ومنو ما عارف نكتب معاهم دهرا كاملـن .. ماف واحد كشكر ليك وقاليك تعال اتغدى معانا ساااي عليكم الله يا معفنين شوفو الكلام دا .. ان حقو تاني اعمل لي جريدة حايطية اكتب فيها براااي واجي اعمل ليكم ليها داون لود هنا عشان امتعكم شكرا يا اللميــن .. والله شكر زي دا تكتبو لي اساسي صاحبنـا المعانا في البورد دا .. حسع دي كان مشى نزل ليهو تهنئة في BN سورة وصوت وبرنامج نجوم الغد .. والله بمووت مووت في الشكر دا .. اقوليك حاجة ..؟ حسع دي بكون فرحان لمن بطل الشغل ماشي البيت ينوم . يقوليك والله الليلة الامين شكر ليك تمبس صاحبي
| |
|
|
|
|
|
|
Re: مهرجان تكريم .. ابو حسيــن ، وهبــة ، محمد التاج والله صحي (Re: tmbis)
|
المؤسف في الأمر .. أن الثمة المميزة للبورد اصبحت ان تبحث من خلف الاشياء الوهميـة وتركض خلف سراب من أجل ان تزيح عنك ما يشوه شخصك ، من خلال عبارات ترسل من اشخاص ربما تكون قد دخلت بيوتهم .. قد اسديت لهم يوما ما خدمـة جليلة .. وهم يبادلونك بسلام العالم وابتسامات صفراء ويخفون الهراوات خلف ظهورهم .. ومن المؤسف ان يصبح موقع كسودانيزاونلاين .. ما هو إلا مساحة يبحث فيها بعضهم عن كشف حقيقة بعاعيت تسخدم التقنية من اجل ان تغزوها غزو منظم بسخافات وانحطاط ، من المؤسف جدا ان تتحول الصفحـة الاولى وجزء من الصفحات في موضوع دائري وفلم سنمائي ابطالــه .. اشباح وهميــة ، عملت على اضعاف ما يسمى بالمعارضة .. من كونها محسوبـة عليها .. واضعفت بالتالي المساهمات الجادة جدا في الموقع وبالمقابل اهملت المواضيع الجادة والمهمة لنتتبع خط سير اشخاص فاقدي التربية .. جهلاء استمدوا طاقتهم من كمية السفالة التي يكتبونها في حق من يعتقدون انهم احسن منهم . وللاسف الشديد ذلك بالرغم من كبر سنهم .. ومن الاشياء المؤسفة حقا .. ان يتحول الموقع إلى نافذة كبيرة للفيس بوك .. ولسقطات الفيس بوك .. وربما في القريب العاجل .. يزودنا مالك الموقع بايقونـة للمزرعـة السعيدة حتى نلوز بي تسميد اليقطين .. واطعام الطوواويس ، والوز الكندي .. والاحتفال بالاسبوع الايطالي .. عوضا عن الكتابة والقراءة بمتعة في هذا المكان .. لأن من يقومون بهذا الدور خلافا للملل الذي تركوه في نفسيات متابعي هذا المكان .. فإنهم يعملون بجهد من أجل .. ان يحولو هذا المكان إلى ساحـة انحطاط .. وسقوط .. وحتما وعما قريب سيظهر ما خفي من جانبهم السئ .. حيث انهم في مسعاهم لا قاع لسقوطهم ..
| |
|
|
|
|
|
|
Re: مهرجان تكريم .. ابو حسيــن ، وهبــة ، محمد التاج والله صحي (Re: ABUHUSSEIN)
|
Quote: المؤسف في الأمر .. أن الثمة المميزة للبورد اصبحت ان تبحث من خلف الاشياء الوهميـة وتركض خلف سراب من أجل ان تزيح عنك ما يشوه شخصك ، من خلال عبارات ترسل من اشخاص ربما تكون قد دخلت بيوتهم .. قد اسديت لهم يوما ما خدمـة جليلة .. وهم يبادلونك بسلام العالم وابتسامات صفراء ويخفون الهراوات خلف ظهورهم .. ومن المؤسف ان يصبح موقع كسودانيزاونلاين .. ما هو إلا مساحة يبحث فيها بعضهم عن كشف حقيقة بعاعيت تسخدم التقنية من اجل ان تغزوها غزو منظم بسخافات وانحطاط ، من المؤسف جدا ان تتحول الصفحـة الاولى وجزء من الصفحات في موضوع دائري وفلم سنمائي ابطالــه .. اشباح وهميــة ، عملت على اضعاف ما يسمى بالمعارضة .. من كونها محسوبـة عليها .. واضعفت بالتالي المساهمات الجادة جدا في الموقع وبالمقابل اهملت المواضيع الجادة والمهمة لنتتبع خط سير اشخاص فاقدي التربية .. جهلاء استمدوا طاقتهم من كمية السفالة التي يكتبونها في حق من يعتقدون انهم احسن منهم . وللاسف الشديد ذلك بالرغم من كبر سنهم .. ومن الاشياء المؤسفة حقا .. ان يتحول الموقع إلى نافذة كبيرة للفيس بوك .. ولسقطات الفيس بوك .. وربما في القريب العاجل .. يزودنا مالك الموقع بايقونـة للمزرعـة السعيدة حتى نلوز بي تسميد اليقطين .. واطعام الطوواويس ، والوز الكندي .. والاحتفال بالاسبوع الايطالي .. عوضا عن الكتابة والقراءة بمتعة في هذا المكان .. لأن من يقومون بهذا الدور خلافا للملل الذي تركوه في نفسيات متابعي هذا المكان .. فإنهم يعملون بجهد من أجل .. ان يحولو هذا المكان إلى ساحـة انحطاط .. وسقوط .. وحتما وعما قريب سيظهر ما خفي من جانبهم السئ .. حيث انهم في مسعاهم لا قاع لسقوطهم .. |
| |
|
|
|
|
|
|
|