كتب الكاتب الفاتح جبرا المتوفرة بمعرض الدوحة
|
Re: كأس العالم في كف عفريت وبلاتر فقد المنطق (Re: طلحة عبدالله)
|
البرازيل في تقديري الخاص يا طلحة بتواجه مشكلة بتشبه مشكلة السودان فيما يتعلق بصادراتها وفتح وقفل البلف .. البرازيل المنتج الأول اللي بتعتمد عليهو في إقتصادها لضخ العملات الأجنبية هو منتج اللاعب !!! مش نحن بنصدر قطن وصمغ وما عارف ليك بترول .. أها الجماعة ديل كانوا إلى وقت قريب بيصدروا اللاعبين .. وكان اللعب البرازيلي عملة صعبة يباع بملايين الدولارات .. أها ليهم زي كم سنة وررردوللوب البلف إتقفل واللاعب البرازيلي سعرو وقع في السوق وبقا قصيير التيلة .. وتفوق اللاعب الأرجنتيني واللاعب البلجيكي واللاعب الأفريقي في سوق الإنتقالات .. أها قووموا يا البرازيليين اعملوا زييي السودانيين وقولوا للمغتربين بتاعينكم البرازيل اتصلحت وعملنا كباري وشوارع ظلط خلاص تعالوا وح نعمل ليكم اعفاء تدخلوا عرباتكم والعفش حقكم .. وقد كان عاد معظم اللاعبون المهاجرون أي زوول فيهم اشترى ليهو قطعة ارض ناصية عملا شقق وأجرا وتحت عمل بقالة ومحل اسكراتشات وقعد .. فقد اللاعب البرازيلي هيبته ففقدت البرازيل هيبتها ففقد الشعب اهميته فأحس بالهوان .. وما صارت البرازيل قبلة من لا قبلة له .. وما عدنا ننتظرالمشجعات في المدرجات لحظة تسجيل هدف في مرمى البرازيل حتى نرى دموع الحزن .. ولا عدنا ننتظر فرجة مشجعة برازيلية بعد تسجيل هدف فتطبع بوسة زي ما بيقولوا دمغى جريح أو تحضن من يجاورها من المشجعين وتقووم كده تقلع..
المحيير يا طلحة إنو زولنا البروف حفظه الله كان داعم بلاتر ضد يوهانسون والأغرب وقتها وجهة نظره كانت صاح رغم عن إنو شاتر رأي الإتحاد الأفريقي الداعم ليوهانسون فكسب شداد الرهان وخسرت الإتحادات ..فظفرنا بدعم الفيفا برهة غير أنها لم تدم !!
|
|
|
|
|
|
|
العنوان |
الكاتب |
Date |
كأس العالم في كف عفريت وبلاتر فقد المنطق | طلحة عبدالله | 06-18-13, 12:05 PM |
Re: كأس العالم في كف عفريت وبلاتر فقد المنطق | tmbis | 06-18-13, 12:11 PM |
Re: كأس العالم في كف عفريت وبلاتر فقد المنطق | طلحة عبدالله | 06-18-13, 12:11 PM |
Re: كأس العالم في كف عفريت وبلاتر فقد المنطق | طلحة عبدالله | 06-18-13, 12:15 PM |
Re: كأس العالم في كف عفريت وبلاتر فقد المنطق | أيمن محمود | 06-18-13, 01:28 PM |
Re: كأس العالم في كف عفريت وبلاتر فقد المنطق | طلحة عبدالله | 06-18-13, 01:28 PM |
Re: كأس العالم في كف عفريت وبلاتر فقد المنطق | عمر الفاروق | 06-18-13, 01:48 PM |
Re: كأس العالم في كف عفريت وبلاتر فقد المنطق | cantona_1 | 06-18-13, 02:49 PM |
Re: كأس العالم في كف عفريت وبلاتر فقد المنطق | عمر الفاروق | 06-18-13, 02:58 PM |
Re: كأس العالم في كف عفريت وبلاتر فقد المنطق | طلحة عبدالله | 06-19-13, 08:58 AM |
|
|
|