|
|
 Re: إحذروا هذه المرأة.. (Re: محمد المرتضى حامد)
|
يا مولانـــا ازيك ياخ ..؟
زمان لما الواحد كان بيقرا كتب علم النفس الاجتماعي والحاجات العجيبة دي .. كان بيسرح في تكوينات البشر سايكلوجيا وفايسلوجيا ..
والحاجات دي لو الواحد سرح فيها طبعا .. بفوت بي وشـو وتاني ما يرجع 
..
مرة قريت انو في منطقـة ما في جسم الانسان بي نوعيـه .. في حتة خاصة بالاشارات والتخاطب والجذب المغنطيسي دا ..
حته لها علاقة بالكيمياء والفيزياء .. بي كيمياء الناس البترتاح ليهم وفيزياء الكهربه والمغنطيس الممكن يشدكم لي بعض ..
ودا تفسير ضمني لي مسالة الحب والكراهيـة .. او الحب تحديدا بين اتنين والتفاهم ..
يقال والعهدة على القائل ان هناك جزء ما في ضلع الانثى هو المنوط بيهو إخراج وارسال الاشارات دي .. يظل يرسل في كل الاشارات دي لتختلط مع الاشارات المختلفــة في الكون دا .. وكل اشارة ليها كينونته الخاصة .. وفيها جزء يجب ان (يلتصق) او يتوافق مع شق آخر من عنصر حتى تكتمل المنظومة التي تشبه البويضة والحيوان المنوي .. او التلقيح للزهور عن طريق الهواء او الشعيرات الدقيقة في أرجل النحل أو الصوف الذي في جسم الحيوانات المحتلفة
لذلك ..
يظل الارسال متواصل في رحلة البحث عن الالتصاق حتى ان تم .. ذلك .. كانت اللقيا .. وكان ان قربت الاشارات بين الاتنين . وتبــا للمسافات واختلاف العملات ..
يعني عادي جدا يا مولانـا الواحد يكون ساكي ليهو اشارة توديهو ليك سقط لقط .. وتطلعو ليك من الثورة بالشنقيطي لي السويد راسو عديل..
يعني بي صورة اوضح يا مولانـا لما الاشارات دي تتشابك .. بتحصل الحتة بتاعت رشقتني عيونو وبقيت مجنونو من اول نظرة .. وإلخ إلخ.
ولما شفتك .. شفت فيك كل العجبني ..
وقلبي دقـة .. لما شفتك من بعيد تنظر إلي ..
وإلخ إلخ إلخ
يعني في اصل الحكاية هذه المرأة .. حسب ما قيل ان الرجل من ضلعها خلق .. يعني الضلع دا زاتووو سبب الاذيـة
..
اهااولاد عمنا اليابنين يقال انهم:
وفي رحلة بحثهم عن التقليد للكائن البشري .. قعدوا عديل كدا واخترعوا ليهم اشارات زي دي ..
اخترعوا ليهم جهاز في شكل طوق يتلبس في المعصم للجنسين ...
واحد بيطلع السالب .. والتاني يتلقى الموجب ..
الجهاز دا بكون ملبوس من الجنسين .. ولما الواحد يتلاقى مع النصف الاخر ,, ويحصل التشابك .. يقوم الجهازين يصفرو في لحظة واحدة والاشعة تتحول لي مغنطيس تجر كل طرف للآخر ... شفته كيف ؟؟
يعني يا مولانـا نحن عبارة عن روبوتات بي شحمنا ولحمنا بي اشعتنا ومجالنا المغنطيسي وايوناتنا ونيتروجوناتنا السالبة والموجبة .. في ناس ادوهم ليها زيادة شويـة .. قامت لصقتم كدا دا ..
..
ملحوظـة :
احيانا ما اكتبه ضرب من ضروب الخيال بتمها مويـة ساااي من عندي زي التممان الفوق دا
|
|
  
|
|
|
|
|
| العنوان |
الكاتب |
Date |
 إحذروا هذه المرأة.. | محمد المرتضى حامد | 06-17-13, 08:59 PM |
| Re: إحذروا هذه المرأة.. | محمد المرتضى حامد | 06-17-13, 09:29 PM |
| Re: إحذروا هذه المرأة.. | دينا خالد | 06-17-13, 09:36 PM |
| Re: إحذروا هذه المرأة.. | محمد المرتضى حامد | 06-17-13, 09:47 PM |
| Re: إحذروا هذه المرأة.. | كمال سالم | 06-17-13, 11:23 PM |
| Re: إحذروا هذه المرأة.. | سيف النصر محي الدين | 06-18-13, 01:32 AM |
| Re: إحذروا هذه المرأة.. | محمد المرتضى حامد | 06-18-13, 08:07 AM |
| Re: إحذروا هذه المرأة.. | tmbis | 06-18-13, 09:43 AM |
| Re: إحذروا هذه المرأة.. | محمد المرتضى حامد | 06-18-13, 11:26 AM |
| Re: إحذروا هذه المرأة.. | أمير محي الدين محمد | 06-18-13, 11:33 AM |
 Re: إحذروا هذه المرأة.. | tmbis | 06-18-13, 11:51 AM |
| Re: إحذروا هذه المرأة.. | محمد المرتضى حامد | 06-18-13, 02:20 PM |
| Re: إحذروا هذه المرأة.. | عمر نملة | 06-18-13, 04:02 PM |
| Re: إحذروا هذه المرأة.. | Tabaldina | 06-18-13, 07:31 PM |
| Re: إحذروا هذه المرأة.. | الطيب شيقوق | 06-18-13, 08:17 PM |
| Re: إحذروا هذه المرأة.. | محمد المرتضى حامد | 06-18-13, 09:38 PM |
| Re: إحذروا هذه المرأة.. | محمد المرتضى حامد | 06-18-13, 10:22 PM |
|
| |
tmbis
فيس بوك
تويتر
انستقرام
يوتيوب
بنتيريست