|
|
 قناة النيل الأزرق وسارة أبو ..لأ في مشكلة ..!!!
|
الأستاذة سارة أبو من الوجوه التي كان ظهورها الإعلامي عندي له الأثر المفرح في بادئ الأمر ..وفي أول ظهورها الإعلامي غير المكثف عبر الوسائل الإعلامية المرئية عبر القنوات العالمية ( الجزيرة ) كانت تتملكني السعادة وانا أستمع لحديثها بل وكامل أناقتها وأنوثتها السودانية المغلفة بالتوب السودان .. كانت كل المواضيع التي تظهر فيها متعلقة بالحقوقية وكان التوقيع ممهور في كل لقاء أو إتصال تلفزيوني ب سارة أبو ناشطة حقوقية ..
فجأة أصبح ظهور الأستاذة سارة أبو ظهور مزعج وبكثرة وفي كل المواضيع ..السياسية ..الإجتماعية.. الفنية ..التراث.. ال .. ال.. ال..
اخر هذا الظهور الذي أصبح ظهور شبه منتظم عبر برنامج ماف مشكلة المقدم عبر قناة النيل الأزرق..
وبرنامج ماف مشكلة إن لم تخني الذاكرة فهو كان فكرة المذيعة الشفتو عفاف حسن أمين وما يميز عفاف حسن أمين أنه من الشخصيات التي تشعر بأن ظاهرها هو باطنها ..ما تقدمه عبر التلفزيون هو ما تتوقعه منها خارج التلفزيون هو ما يتطابق مع كتاباتها المثيرة للجدل عبر الصحف..
تدور فكرة برنامج ماف مشكلة حول إتصالات هاتفية يقوم فيها المتصل بسرد حكايات ما خلف الجدران وغرف النوم ( في الغالب) وإن كان البرنامج ظاهرياً يوحي بمناقشة جميع المشاكل إلا أن معظم مشاكل المتصلين كانت من نوع المشاكل العاطفية المتعلقة ب كيفية الإرتباط و الزواج والطلاق وكيفية المعاملة في العلاقات العاطفية كيف تحبه كيف تعامله كيف ترتبط به كيف تقارب وجهات النظر وكيف تختار شريك حياتك وكيف تعالج مشاكل الطلاق ..
ظهرت الأستاذة سارة أبو كضيفة في إحدى حلقات البرنامج ثم أصبحت شخصية ثابتة تقدم النصح كمتخصصة إجتماعية في علم النفس مع دكتور اخ (ظهر أكثر من دكتور وسارة أبو ثابتة ) وهنا لا أدري إن كانت الأستاذة سارة أبو متخصصة إجتماعية في هذا المجال حتى يخوول لها الحديث في هكذا أمور معقدة تحدد مصائر أشخاص وطريقة حياتهم..
الخطورة الكبيرة في هذا البرنامج أن الأستاذة سارة أبو صارت حسب هذا البرنامج قدوة لمعظم المتصلين وربما يستمعون لحديثها وكأنه العلاج الناجع لمشاكلهم وهي تقدم لهم النصح في ثياب الواعظين في مسائل هي من أكثر المشاكل تعقيداً بالتأكيد مكالمة هاتفية لا تكفي لفك طلاسمها ..
معظم بل كل مشاكل المتصلين التي كانت توعظ فيها الأستاذة سارة أبو المتصلين هي مشاكل الطلاق ومشاكل الإرتباط بالزواج وكيفية إختيار شريك الحياة ..
وللامانة فأنا ومنذ أول حلقة للبرنامج ومنذ أيام عفاف أمين كنت مصر على أن فكرة هذا البرنامج من الخطورة بمكان حيث لا يعقل أن نناقش مثل هذه الأمور عبر الإعلام بل ونقدم روشتة العلاج على الهواء في مكالمة هاتفية ..لتأتي الطامة الكبرى الان وانا أرى في الأستاذة سارة أبو الناصح والقائم على حل مشاكل شباب وشابات في مقتبل العمر يجعلون منها المثل الأعلى في تقديم الحلول ..
ليس تدخلاً في شأنها الخاص للأستاذة سارة أبو يعلم الله ولكن حقيقة صدمني ما سمعته من حديث المدينة عن الأستاذة سارة أبو لديها أكثر من تجربة زوج فاشلة ( إنتهت بالطلاق ) إضافة لي تجربة زواج حديثة من شاب ربما في عمر ابنائها ..وهي مجرد أقاويل عن نفسي لا أجزم صحتها من عدمه وأعلم معظمكم ربما يقول كان الأحرى أن أتأكد ثم اكتب ..وعن نفسي أقول أن غرضي ليس تأكيد أو بحث عن أمور شخصية بقدر ما أشعر بخطورة الإستهتار بتقديم هكذا برامج منتهى الحساسية تقدم فيها روشتات من فاقدي الشئ نفسه ..وهنا يقع العاتق الأكبر على قناة النيل الأزرق نفسها ..
إذ لا يعقل يقدم النصح في كيفية إدارة حياتي من لا يستطيع إدارة حياته .. ومرجعيتي في هذا النقطة أمر اخر وجدته كما موضة محلات المديدة سابقاً تلتها محلات الفطائر المصرية ثم أعقبتها حديثاً موضة مطاعم السمك ..ألا وهي موضة المنتديات الثقافية ..
وللأستاذة سارة أبو منتدى ثقافي يقام كل أسبوع مرة أعتبره انا من المنتديات السبعة نجوم وليست الخمسة نجوم ..لا يمت للثقافة بي أييي صلة بقدر ما هو تجمع لصفوة مجتمع يقدم فيه عرض ازياء من جانب الحضور وبوبار من سكان الطابق الرابع ..
إزدواجية المعايير أمر خطيير يا قناة النيل الأزرق وهكذا برامج تؤثر في حياة بشر وتحدد مصائر بني ادمين ربمابالإنفصال أو الإرتباط فلا تتعاملوا معها كما برنامج أغنيات من البرامج أو برنامج أفراح أفراح ..
أوقفوا هذا البرنامج المشكلة يا قناة النيل الأزرق..
تخريمة :
مصدر غير موثوق أفادني أن معظم إتصالات البرامج هي إتصالات مدبرة مسبقاً في حال لم يتصل مشاهد صاحب مشكلة حقيقية ..ودي خطورة تانية متى ما ثبتت صحة كلام مصدري غير الموثوق ..
|
|
  
|
|
|
|
|
|
|
 Re: قناة النيل الأزرق وسارة أبو ..لأ في مشكلة ..!!! (Re: تيسير عووضة)
|
| Quote: ضف إلى ذلك أنا وكحاملة للقب |
 عارفه يا مسي فكرة البرنامج دي عجبتني او بالاحرى قولي راقتني .. ما تقولي كمان الواحد ضارباهو فلسـة .. انا بشتغل معاك مستشار ثفاقي .. والله انظر ليك جنس تنظير في الدنيا دي فيما يتعلق بالثقافة ..
مش سارة ابو معاها طوالي واحد كدا بقولو للمتصل .. بتلقى رقم البرنامج في الكنترول ..؟ اها انا الكنترول زاتووو
يا عمر ..
فترة كدا كنت لاعب ضاغط مع البنرامج دا شديد .. لدرجة بقيت احرسو عديل كدا .. لانو حسب قناعاتي الحلول البقدم فيها الكاست بتاع البرنامج انا القدامك دا بقدم حلول احسن منها ..
دكتور محمد سليمان تقريبا اقرب للواقعية من الاستاذة ساره ابو .. خاصة فيما يتعلق بالمسالة بتاعت النزاعات الاسرية بتاعت الطلاق .. غايتو في تجربتين قمت ليهم النصح .. انا ما عارف كانت جادة واللا كانت بتهظر .. لكن الشي البعرفو انو بعد الطلاق المسالة دي بتكون جابت ليها دق ..
طبعا بطلعت احضر البرنامج العاضي دا .. والآن بحضر قناة فتافيت وكيف تحضر كريمة الخفق .. واليخنـه .. والحاجات دي ..
| |
|
|
|
|
|
|
|
|
 Re: قناة النيل الأزرق وسارة أبو ..لأ في مشكلة ..!!! (Re: تيسير عووضة)
|
| Quote: ولو داير توسع مداركك الثقافية احضر توم آند جيري زي ميسي |
وووين لكن ..؟
في ام بي تلاتة قاعد اللقاها ممحوقـة جدا ... بلقاهم في آخر (كردتين) ومنها السكاكين طارت تاني يجيبو ليك اسبونجي ودا كرهتي في الدنيا ..
قناة العضة مريحاني .. لكن بس في اكلات بعملوا فيها كدا .. اخير منها كمونيتنا ..
| |
|
|
|
|
|
|
|
|
|
Re: قناة النيل الأزرق وسارة أبو ..لأ في مشكلة ..!!! (Re: maia)
|
الشفيف ود الفاروق غايتو البيع في يدك دي بتنجضو نجاض ..
والغريبة يا عمر معظم المتصلين من السعودية بشتى مدنها ,, فكرك يكون المغتربين دي حاير بيهم الدليل ولا شنو يعني ؟؟ وبعدين ياخ المجتمع السوداني زاتو اتغير بنسبة 90 درجة لانو الحاجات دي ما كان في واحد بيتجرا ويتكلم فيها مع شحص آخر نهايك عن البيحصل الآن وعلى الهواء مباشرة من غرفة ال........ ,, غايتو يا حليل زمن الاجاويد الكانو بخلو الراجل يرجع المرة قبل ما تلم هدومها وتمشي بيت اهلها ,, لووووووولز
غايتو انا مع اخوي الكاشف ده عفوا قصدي تمبس ده لانو بقيت متابع جيد لي قناة فتافيت خاصة ملك الكيك داك يا عمر مبالغة .. يا خوي اخير لنا من مافي مشكلة لانو اصلا مشكلتنا ما بتنحل بي اخوي واخوك ساي ..
بس عليك الله براحة عليها انا عارفك حا تنقي شعيرها .. للللللللللللللللووووووووووووووووووللللز
يعني يا عمر نفرح خلاص خليت النقد الفني .. وش ضاحك ..
تحياتي : ياسر العيلفون
| |
|
|
|
|
|
|
|
|
|
Re: قناة النيل الأزرق وسارة أبو ..لأ في مشكلة ..!!! (Re: maia)
|
هل هي نفس الشخصية؟؟:
أولاً.. ماذا في بطاقتك الشخصية؟
- سارة مكي حسن أبو"، من مواليد الأبيض، تلقيت تعليمي بالخرطوم بمدرسة القديس فرانسيس، وعدت إلى الأبيض فترة ثم التحقت بالكمبوني ثم (سستر اسكول)، ومن ثم التحقت بجامعة القاهرة كلية القانون.
{ أول محطة عملت بها بعد التخرج؟
- التحقت بديوان النائب العام لجنة القوانين، وعملت بترجمة القوانين مع الأخ الصديق الدكتور "أحمد المفتي"، ولم أمض فترة طويلة بالديوان، وأحسست أنني مدفونة بتلك اللجنة، فتركت العمل بالديوان.
{ وإلى أين اتجهتِ؟
- اتجهت إلى العمل بالأمم المتحدة وعملت بالحماية الدولية والحماية الاجتماعية.
{ ما هي الحماية الدولية؟
- الحماية الدولية تقوم بإجراء مقارنة بين القانون الدولي والقانون المحلي من أجل حماية اللاجئ، والسودان موقع على اتفاقية جنيف لسنة 1951م، ومصادق عليها، وعمل قانون 1974م، ولكن عدم تطبيق القانون أحدث مشكلة بين اللاجئ ووجوده، ودائماً ينظر إليه نظرة أمنية، فعليه كان لابد من الوقوف للدفاع عن اللاجئ الذي خرج من بلاده خائفاً.
| |
|
|
|
|
|
|
|
|
|
Re: قناة النيل الأزرق وسارة أبو ..لأ في مشكلة ..!!! (Re: ياسر منصور عثمان)
|
يا تايسون
في معلومة ذكرتها وإن كنت غير متأكد من مدى صحتها وهي زواج ربما رغم 3 لي سارة أبو واand#65271;خير من عريس يصغرها سنا بمراحل..
تفتكري لو زولة اتصلت قالت ليها عايزة أعرس زول اصغر مني بي 20 سنة..تفتكري الموشح التنظيري الكان ح تسمعوا ليها من ياتو طقم؟؟
يا تايسون ما تقنعيني انو البيستشيروك بتقولي ليهم اوووعو تطلقوا الطلاق جهجهة و و..
صدقيني اييي زول بيشاور في مواضيع حساسة زي دي ده زول ما زووول..
| |
|
|
|
|
|
|
|
|
 Re: قناة النيل الأزرق وسارة أبو ..لأ في مشكلة ..!!! (Re: عمر الفاروق)
|
| Quote: والله يا تمبس في قناة إسمها زييي الوان هندية خليها ف سرك سأحكي عنها لمن اجي اكتب الزعطة بتاعت مغترب عائد من السودان..:-) |
ابشرك .. عندي .
بس بجي ماري فيها وانا ماشي لي فتافيت ..
ما اسمه مغترب عائد من السودان .. اسمه الخرطوم بعيون مغترب عشان العنوان يكون سايكولوجي بحت
| |
|
|
|
|
|
|
|
|
|
Re: قناة النيل الأزرق وسارة أبو ..لأ في مشكلة ..!!! (Re: عمر الفاروق)
|
| Quote: تفتكري لو زولة اتصلت قالت ليها عايزة أعرس زول اصغر مني بي 20 سنة..تفتكري الموشح التنظيري الكان ح تسمعوا ليها من ياتو طقم؟؟ |
سارة أبو ما بعرفا لكن لو سألتني بقول ليها أوووووعك ..
| Quote: انو البيستشيروك بتقولي ليهم اوووعو تطلقوا الطلاق جهجهة و و.. |
على حسب 
بشكل عام
في ناس الطلاق حيكون ليهم جهجهة
وفي ناس حيكون ليهم حل ناجع للجهجهة
وهنا تأتي حرفنة المنظراتية
| |
|
|
|
|
|
|
|
|
|
Re: قناة النيل الأزرق وسارة أبو ..لأ في مشكلة ..!!! (Re: تيسير عووضة)
|
طبعا يا تايسون إنتي بتكوني النوع الطلقوهو لانك قلتي لي عمي الراجل تعال نلعب ثقافة ثقافة.. :-) :-) :-) وشبكتي الزول الطيب ده انا بفتكر إنو السرايا الصفراء لو كان في منها لون تاني فستقي كان بيكون اجمل :-):-)
في رأيي المتواضع يا تايسون الطلاق من الامور الما محتاجة حكي وشورة..تااااكل نارك براااك..
تخريمة :
يا وليط حالتك شفت؟؟؟ قالوا لي وحدسوني دي عندها فهم:-)
| |
|
|
|
|
|
|
|
|
 Re: قناة النيل الأزرق وسارة أبو ..لأ في مشكلة ..!!! (Re: تيسير عووضة)
|
| Quote: لو جيتك مدردك قولي وليد ده رحمني قبل كه برحمو الدور ده |
ههههه
عليك الله لقيتني كيف المرة الفاتت .. مش ختيته ليك بالجمبه الفيها الحديدة ..؟
اها ابشرك .. لو ميسى دي عملت معاك اي حركة بتاعت اميييي ..؟ صدقني انت وهي الاتنين برشكم في بوست واحد
انا جني وجـن الواحد يجيك مدردق وترحمو .. خليك زي ود الصايم مرات لو ما لقى ليهو اي حركة .. قاعد يرش نفسو يا كمان دردق محمد البشرى للاخوان عشان يرشوهو
| |
|
|
|
|
|
|
|
|
|
Re: قناة النيل الأزرق وسارة أبو ..لأ في مشكلة ..!!! (Re: عمر الفاروق)
|
سلامات ياعمر..
اعتقد فعلا انو سارة دي عندها ملكات CEO،، يعني ساااحرة كده وتبلشك بي البساطة والتكلف والاناقة والاعتياد والابتسامة والصرامة وقعدة الكرسي اللا ورا..
مجموعة من الحاجات المتناقضة كده ماتعرف ياتا فيهم اللابشاك بالضبط..
بس المحصلة النهائية انك بتسمع ليها برغم من انو انتا عارف النسوان ديل لابسدو لا بقدو ..
ما ظنيت انو طلاقها اربعة مرات او خمسة او زواجها من صبي ممكن يكون عائق لما تطرحه..بل ربما كان ذخيرة للطرح..
غايتو بطريقة او باخرى الاستماع لي سارة دي فيهو امتاع..لانها بصورة او باخرى قاعدة تقهم النسوان ديل قهمة مهذبة..
اخد الموضوع من ناحية متعتك كمستمع ما تاخدو من ناحية همك تجاه المجتمع..
السنوان ديل كان سارة قات ليهم كان ماقات ليهم مافي زولة بشتغل غير بي الفي راسها..
وسارة ذاتا عارفة الكلام ده..
| |
|
|
|
|
|
|
|
|
|
Re: قناة النيل الأزرق وسارة أبو ..لأ في مشكلة ..!!! (Re: DKEEN)
|
| Quote: بس المحصلة النهائية انك بتسمع ليها برغم من انو انتا عارف النسوان ديل لابسدو لا بقدو .. |
.. | Quote: لانها بصورة او باخرى قاعدة تقهم النسوان ديل قهمة مهذبة |
..Quote: السنوان ديل كان سارة قات ليهم كان ماقات ليهم مافي زولة بشتغل غير بي الفي راسها..
وسارة ذاتا عارفة الكلام ده.. |
هههههههههههههه.. والله يا ديكو زول نجيضة تـب ..
مشتاقين والله يا ديكو ..
| |
|
|
|
|
|
|
|
|
|
Re: قناة النيل الأزرق وسارة أبو ..لأ في مشكلة ..!!! (Re: DKEEN)
|
تامبا ..
| Quote: بلقاهم في آخر (كردتين) ومنها السكاكين طارت تاني يجيبو ليك اسبونجي ودا كرهتي في الدنيا .. |
ياخ معقول؟
السنافر وتوم آند جيري ديل تلاتة مرات بنحضرهم تلاتة مرات في اليوم بعد كل وجبة
سبونج بوب دا قاعد نغسل بيهو العدة
وليد ياخ أقول ليك .. شوت
ماااا بقدر أوعدك في حال جيتني مدردق
| Quote: طبعا يا تايسون إنتي بتكوني النوع الطلقوهو لانك قلتي لي عمي الراجل تعال نلعب ثقافة ثقافة.. :-) :-) :-) وشبكتي الزول الطيب ده انا بفتكر إنو السرايا الصفراء لو كان في منها لون تاني فستقي كان بيكون اجمل :-):-) |
مافي إحتمال يكون عشان حرقت حلة الملاح؟
يا فاروغ ياخ ركز ..
هي الإستشارات دي إلا تكون طلاق؟
| |
|
|
|
|
|
|
|
|
|
Re: قناة النيل الأزرق وسارة أبو ..لأ في مشكلة ..!!! (Re: تيسير عووضة)
|
Quote: يا تمبس عليك النبي حركات سنة ساته دي ما تعملا لينا هنا
انت لو زهجان ما تايسا دي رشها براااااااااااك
انا ابييييييييييييييييييييييييييييييت |
| Quote: ماااا بقدر أوعدك في حال جيتني مدردق |
عليك الله عاين زي دا ..؟ بكري يخم لينا فيكم سااااكت .. بس ..
..
يا ميسي
والله انا غايتو مع توم اند جيري دي اصلو ما محظوظ اشان بيمتعوني .. تخيلي مرة مشيت اشتريت CD كامل ابى يشتغل لي ..
غايتو بجاسف معاك في السنافر .. لكن اسبونجي دا .. احتمال كبير يوم يخليني اكسر الشاشة بتاعت التلفزيون .. ما بدوروووووو
| |
|
|
|
|
|
|
|
|
|
Re: قناة النيل الأزرق وسارة أبو ..لأ في مشكلة ..!!! (Re: عمر الفاروق)
|
عارف يا دكين قصة زواجها من صبي أو طلاقها ما بتفرق دي لو عاينت ليها من منظور ناس تانيين كان شوفتها بتفرق..
يعني إتخييل معاي داعية ديني مثلاً وخلينا نقول عبد الحي يقول ليك ده حلال وده وحرام وده ما تفعلو وداااك ما تتركو و و ثم تلقاهو بيعمل عكككس البيدعوك ليهو ..تتخييل كم وااحد ممكن يكفر بي رسالة عبد الحي ده؟؟ وكم واااحد ممكن يجي يفتح بوست هنا يكشف ويفضح عمايل شيخ عبد الحي؟؟
نفس المنطق ينطبق على سارة أبو..
النصيييحة كلامك كسرد حلو وممتع ومبلوع لكن الفكرة الجواهو تحس فيها وش البامية مااا ياااهو..:)
بالنسبة لي قصة النسوان ما بيحلن وما بيربطن دي فصدق يا دكين انا اكتشفت غير كده؟؟ وعن تجربة.. والله فيهن نسوان حلالااات ورباطااات ومخهن يوزن حلة ..
| |
|
|
|
|
|
|
|
|
|
Re: قناة النيل الأزرق وسارة أبو ..لأ في مشكلة ..!!! (Re: عمر الفاروق)
|
بوست غير موفق
كورتك الظاهر عليها خرجت ولم تعد يا عمر الفاروق :)
___
النبي ذاكر مداخلة دكين دي تاني ولو انه ألبسها ثوب سخريته والتريدمارك بتاعه .. بس لا تخلو من حكمة
سارة ابو دي مخها بيوزن كيمان كيمان من الرجال والنساء الماليين الشاشات ومنابر الخطابة ومكرهين الناس عيشتهم
ولو ناس التلفزيون خلوها تتكلم دون تحجيم ودكتور جاهل على يمينها وآخر على يسارها، كانت عملت حاجة مفيدة
مشكلتها الوحيدة انها ما لاقية حرية لبث طرحها كامل غير منقوص..
وهي في الآخر بتتكلم كإمرأة سودانية من قلب المجتمع لا دكتور ولا بروفيسور، وعليه نصائحها تؤخذ كنصائح الأخت الكبرى او الجارة الواعية، الخ..
الكلام في الإسمهم دكاترة وما فاهمين أبجديات مجالهم..
أخيرا.. في ناس كده عندهم مهارات ومقدرات متعددة بالذات في الشأن الإجتماعي.. بس صحيح haters gonna hate
| |
|
|
|
|
|
|
|
|
|
Re: قناة النيل الأزرق وسارة أبو ..لأ في مشكلة ..!!! (Re: عاطف عمر)
|
يا نجوان:
تحياتي..
والظاهر إنو عليك إنت مراجعة مداخلة دكين لأنو واااضح التقاطع بين أفكاركم..
رجاحة عقل سارة أبو ضاعت عبر نفس البرنامج اللي هي كانت بتحاول تروج لي أفكارها فيهو..
لا يعقل يا نجوان زولة تروج لي فكرة تزوجوا من الذين يقاربوكم سناً وكل متصلة تتصل على سارة أبو يكون جواب سارة أبو أن حاولي إنو يكون الزول الح ترتبطي بيهو قريب من سنك وبيفهمك..وتجي هي ترتبط بي زول ربما في سن أولادها !!!
| |
|
|
|
|
|
|
|
|
|
Re: قناة النيل الأزرق وسارة أبو ..لأ في مشكلة ..!!! (Re: عمر الفاروق)
|
عاطف يا عمر:
صدقني انا برضو في إطار الغربلة دي ما قصدت الخوض في الخاص..تفتكر كم زولة إتزوجت الأصغر منها وكم زولة إتطلقت ..وبالتأكيد ما كتبنا عنهم لأنو الموضوع ممكن يكون أكتر من عادي ..
الما عادي لمن تنادي بي فكر ومنهج معين تحاول تمرروا للأجيال القادمة وتجي إنت ذات نفسك تهدموا فهل ح تكون إنت جدير بي إنك تكون قدوة وصاحب رسالة ؟؟؟
| |
|
|
|
|
|
|
|
|
|
Re: قناة النيل الأزرق وسارة أبو ..لأ في مشكلة ..!!! (Re: عمر الفاروق)
|
عمر الفروق....ده شنو ده ???
Quote: عارف يا دكين قصة زواجها من صبي أو طلاقها ما بتفرق دي لو عاينت ليها من منظور ناس تانيين كان شوفتها بتفرق..
يعني إتخييل معاي داعية ديني مثلاً وخلينا نقول عبد الحي يقول ليك ده حلال وده وحرام وده ما تفعلو وداااك ما تتركو و و ثم تلقاهو بيعمل عكككس البيدعوك ليهو ..تتخييل كم وااحد ممكن يكفر بي رسالة عبد الحي ده؟؟ وكم واااحد ممكن يجي يفتح بوست هنا يكشف ويفضح عمايل شيخ عبد الحي؟؟
نفس المنطق ينطبق على سارة أبو.. |
بالجد? انت شايف ان موضوع حال وحرام ذى تماما سن الزواج ???
يا اخى موضوع سن الزواج ده موضوع معقد. و كل تجربة مختلفة. و لو كان سارة ابو ذاتها شايفة ان فى فرق سن معين للزواج كان تعمل ليها موقع فى النت تكتب فيه جدول.
الفرق فى العمر فى الزواج = 5 سنوات
ستحملى سغالة الزوج = 2 مرة
تستحمل شغالى زوجتك= مرة واحدة.
مع انى عندى راي فى البرامج دى, وانا مستحيل اضرب لواحدة منها...لكن فى ناس بالنسبة ليهم مهمة. و كويس تجى سارة ابو وتقول رايها فى الموضوع. وفى النهاية رايها ما ملزم للضارب. اصلا ما دام الزول ضرب يسالها اكيد عارف رائيها فى المواضيع دى شنو. و عاجباه (الضارب) طريقة تفكيرها فى الامور.
موضوع متزوجة ومطلقة و شنو ما عارفه ده ما ليه دخل باي شيء.لو عندك اى شيء قوله فى ارئيها اللى بتقولها للناس. بس.
سلامات يا تنبس...
د.سليمان ده بس ما يكون هو ذاته اللى نجوان فتحت عنه بوست هنا زماااان.!!!!!!
عدو المرأة والمجتمع بالنيل الأزرق: د. سليمان.. وسا...ة أبو اضعف الإيمان..
من كلام نجوان عن سارة ابو الزمن داك ومقارنة ببوست عمر الان...باين ان سارة ابو ماشة كويس....ربنا يوفقها و يكفيها شر السنة الناس...و كيبورداتهم. و الكلام ليك يا ابو صلعة *_*
| |
|
|
|
|
|
|
|
|
|
Re: قناة النيل الأزرق وسارة أبو ..لأ في مشكلة ..!!! (Re: عمر الفاروق)
|
| Quote: عاطف يا عمر: صدقني انا برضو في إطار الغربلة دي ما قصدت الخوض في الخاص.. |
ههههه..
يا فاروق، كيف ما قصدت -او ما انتبهت- واساسا ركازة هذا البوست المتهالك وفكرته هي ما سمعته من "حديث المدينة" وقالوا لي وقالوا لي..
_____
شفت ناس كتار بتنضم كل يوم في الفضائيات السودانية -بمؤهلات ودون مؤهلات-
سارة ابو لا تزال من القلة البتكلموا كلام مفهوم، عندو معنى ومن صميم مجتمعاتنا دون تقعر او إدعاء
| |
|
|
|
|
|
|
|
|
|
Re: قناة النيل الأزرق وسارة أبو ..لأ في مشكلة ..!!! (Re: نجوان)
|
يا نجوان ..
توضيح بسيط عشان ما تمشي في قصة القوالة دي كتير..انا اتعمدت اجيب قصة عدم التأكد دي وقيل وقالوا لأني بفهم كويس عقلية ناس سودانيز دي ..
بس أطمنك انا متأكد من ما كتبت .كده كويس معاك؟؟ وممكن تاني تجلي قصة القوالات دي عشان ما تمسكي فيها شديد ..
التوضيح التاني ..سارة أبو بدخولها عالم الإعلام أصبحت شخصية عامة وبقت يا قول المثقفاتية أون فوكس ومطالبة بضبط تصرفاتها من خلال ما تطالب به غيرها ويا قولكم يا المثقفاتية لا تنهى عن خلق وتأتي بمثله في حالة سارة أبو وارد جداً..
انا إتكلمت من صميم ما تنادي به سارة أبو وما اتكلمت أبداً عن فهم سارة أبو من عدم فهمها ..وللضمان كده أمشي قلبي الأرشيف وشوفينيكتبت شنو عن أول ايام ظهور سارة أبو لمن كانت بتظهر كناشطة حقوقية مش كمقدمة ببرنامج تظهر فيهو بي وشين ..
تخريمة :
ده كلللو كوم يا نجوان وما يسمى منتدى سارة أبو ده كووووم تاني ..كدي أخطفي رجلك مرة وامشي احضريهو سمح؟
| |
|
|
|
|
|
|
| |
عمر الفاروق
تيسير عووضة
Maawya Hussein
tmbis
أمير محمد ادريس
Hussein Mallasi
ياسر السر
ياسر منصور عثمان
مدثر صديق
omer osman
نجوان
معاوية الزبير
عاطف عمر
smart_ana2001
فيس بوك
تويتر
انستقرام
يوتيوب
بنتيريست