|
الحمدلله كدة يادوب الواحد اطمن
|
انو السودان كلو بقى كيزان تفتح التلفزيون تلقى المذيعين كيزان معدي البرامج كيزان الضيوف كيزان الوزرا كيزان الفاسدين كيزان الفاشلين كيزان الكضابين كيزان
وزي ما حكى لي الصديق الرائع الفنان المكتمل يحي ادروب يوما قال لي واحد من بلدياته التقاه في مكتب نائب الوالي فقال ليحي الهمدلله اخيرا شفنا نايب الوالد كل يوم يقولو نايب الوالد جا ونايب الوالد مشى الليلة شفناه واها الهمدلله الليلة شفنا الكيزان
|
|
|
|
|
|
|
|
Re: الحمدلله كدة يادوب الواحد اطمن (Re: د.محمد حسن)
|
واحد من اهلنا الرعاة راح منه خروف بقى يفتش فيه واثناء البحث لقى راجل قاعد ةتحت شدرة ينكت في سنونو بي شوكة سلم عليه وقال ليه : - ما شفت ليك خروف جا ماري بي جاي - خروف دعول ؟ - ايوة - لونو احمر وربطنه بيضا - ايوة - ضنبه طويل ؟ - ايوة - وسمين؟ - ايوة ياهو زاتو - ماشفنا
اها البرلمان يقوم يستدعي وزير - جاتكم اللجنة الوزير : لجنة المراجع العام - ايوة - المكونة من اربعة برئاسة فلان؟ - ايوة - واللي سالوا عن الحسابات المجنبة ؟ _ ايوة - وفيها فلان اللقى التجاوزات؟ - ايوة دي هي ذاتها - ما جاتنا
| |
|
|
|
|
|
|
|