|
|
 مبرووووك محمد عمر الفاروق النتيجة الباهرة ..
|
طبعاً نحن المغتربين ديل طواااالي أولادنا في حالة بيحرزوا نتائج باهرة .. وبما إنو محمد ولدي الله يديهو العافية من أولاد المغتربين فلم يشذ عن القاعدة وأحرز نتيجة باهرة مما حدا بي أخوه صلاح الله يديهو العافية برضو واللي لسة ما دخل أي مرحلة تعليمية إنو برضو يحرز نتيجة باهرة .. مع العلم إنو أولاد خالاتهم برضو مغتربين وأحرزوا نتائج باااهرة إضافة لي إنو كللل أصحابي قالوا أولادهم أحرزوا نتائج باااهرة علماً بي إنو في جنسيات تانية كتيييرة مغتربة معانا هنا لكن اصصصلو ما بيقدروا يحرزوا نتائج باهرة زيينا ..إنتو قايلين البوهورية دي حاجة هينة ولا هينة ؟؟؟
حقيقة أكثر ما أبهرني في هذه النتائج الباهرة حد الأبهار هو تلك البهارات التي يضفيها المغترب على أولاده لمن يجي السودان إجازة ويقول ليك ولدي هناك بيجي الأول طوااالي وأصصصلو ما فكّاها مننن ما دخل KG1 لحدددي سنة تانيةعالي ..لكن سبحان الله ما عارفو في سنة تالتة دي مالو جاب 42 % ؟؟ في استاذ مصري كان قاصدو تقريباً وهو ده الأثر على مستواهو ..
الإبهار الأعظم كان لحظة تسلمي لشهادة محمد من التيتشر الخواجية وهي بتقول لي :
كونقراديوليشن دكتور أوومر ..
فزاد إنبهارها لمن جاوبتها :
ام نوت أ دوكتر ..
فما كان منها إلا وضربت بيدها على صدرها وقالت لي فيما معناها :
سجججمي ؟؟!!!! يور نوت أ دوكتر ؟؟؟
شكراً إبني العزيز محمد عمر الذي قلدني وسام الدكترة الذي فشلت في الحصول عليه عندما إمتحنت الشهادة السودانية قسم الأحياء عندما كانت التيتشر تسأل الأطفال عن وظائف ابائهم فكان رد محمد إنو أبوهو دكتور ..
والشكر أجزله ل جانا عيد الطفلة ذات الثلاث سنوات والتي ألهمت محمد إبني أن يبوح لهم بوظيفة أبيه الخفية في علم الطب ..
حقّاً انا منبهر حد الإنبهار لهذه النتيجة المبهرة فهّلا إنبهرتم معي فنصبح جميعنا منبهرون من نتائج أولاد المغتربين؟
تخريمة :
ياخ مغتربين ليبيا ديل قاعدين يحننوني كيف..!! أصصصلو ما عندهم نتائج مبهرة ..
|
|
  
|
|
|
|
|
|
|
|
Re: مبرووووك محمد عمر الفاروق النتيجة الباهرة .. (Re: عمر الفاروق)
|
| Quote: سجججمي ؟؟!!!! يور نوت أ دوكتر ؟؟؟ |
ههههههههههههه
ولدي قال لي انت يابابا انت كبير كده وبتقرا ليييه !!!!!
والله ياولدي بحاول اعمل لي (ماستر)
ياسلالالالالام يابابا يعني ح تبقي دكتور  تعالج الناس
هسي خايف اكمل الماستر يقوم الولد يكلم اصحابه يقوم ابواتهم يجيبوهم لي
والف مبروووووك للولد الذي ابهرك وبالتوفيق والابهار دائماً
| |
|
|
|
|
|
|
|
|
|
Re: مبرووووك محمد عمر الفاروق النتيجة الباهرة .. (Re: عمر الفاروق)
|
يا جنابو ..
ربنا يخليك ليك أولادك الحلوين ديل..
أها هم مبهرين ولا عاديين ؟؟
غايتو طالما إنهم مريخاب ما أتوقع يبهروك فالإنبهار ماركة هلالية بحتة .. :)
عليك الله شد حيلك في الماستر ده عشان تحرز ليك نتيجة باهرة كده تبهر بيها ناس البورد ديل ..
ولمن تخلص خلينا نجي نعمل لينا مجمع طبي .. :)
| |
|
|
|
|
|
|
|
|
|
Re: مبرووووك محمد عمر الفاروق النتيجة الباهرة .. (Re: عمر الفاروق)
|
الرفاعي يا حجر ..
إنبهرت جداً لمن عرفت إنك في السودان .. وزاد إنبهاري لمن ما لاقيتك ..
بالله كيييف بتنا المبهرة المهندسة الدكتورة ؟؟
غايتو الجبلابية دييك عجبنكية فقصة الإبهار دي غايتو إلا تجيها قضاء وقدر .. :)
تخريمة :
يا نابري ياخ إسمك ده بيديني إحساس رمضان رمضان كده يكون من شنو ؟ :)
قلت لي نو بودي نو كراي ؟ :)
| |
|
|
|
|
|
|
|
|
 Re: مبرووووك محمد عمر الفاروق النتيجة الباهرة .. (Re: فيصل نوبي)
|
احكي ليك البهرة دي وقتي كده
خشيت اقطع لي تذكرة سفر اون لاين لقيتها بعشرة الف ريال عملت الحجز و قلت امشي ادفع في الكاونتر كاش
التذكرة ( الرياض - كوالالمبور - الرياض )
مشيت كاونتر بالغلط و لقيت واحدة من اهل الشام حليوونة كدي
اديتها الورق و قلت ليها داير ادفع التذكرة دي
قالت لي ما عندنا لكن ممكن اقطع ليك نفس التذكرة بي سبعة الف ريال
انبهرت ووافقت طوالي طبعاً
وقد كان و شلت التذكرة و مشيت العربية و قلبي ماكلني و في نفس الوقت منبهر و مبهور بالانجاز
راجعت التذكرة لقيتها ( كوالالمبور - الرياض - كوالالمبور )
رجعت لمكتب الحجز لقيتها شالت شنطتها و فتحت
ضربت ليها تلفون قالت لي ماشة اجيب ولدي من الحضانة ( خير شو في )
قلت ليها التذكرة فيها غلط
قالت لي ما صار شيء هلا برجع و بعدلها بس مسافة الطريق
هسي انا منبهر و قاعد في العربية منتظر اخر الانبهارة دي لقيت انبهارتك اقوي من انبهارتي
| |
|
|
|
|
|
|
|
|
 Re: مبرووووك محمد عمر الفاروق النتيجة الباهرة .. (Re: فيصل نوبي)
|
حموووودي حبيبي حصنتك من المسلط و من العين الشافتك ما صلت واولهم ابوك المسلط
ومبروووووووووك يا عزنا
عاد شن جاب لي جاب ؟
قايلو جابها منك ؟
الإنبهارة أم بهارة دي ورثتها ليهو عمتو سوما ,, والله صحي
اما إنت قوم لف
قبال تلف وصل سلامي لكل الشبيبة خاصة امو الحنينة ، تلقاها تشيل وتحفظ وتساهر وتذاكر
وإنت مباري لي النت زي الجداد الإلكتروني
| |
|
|
|
|
|
|
|
|
|
Re: مبرووووك محمد عمر الفاروق النتيجة الباهرة .. (Re: احمد حمودى)
|
اها النبهرك انا الانبهارة الما خمج في قصة التذاكر دي..
اتشوبرت وقطعت من ابو رخيص رياض خرطوم رياض للمبهرين و امهم..قوومي يا امهم يتم تاجيل سفرك..وقووومييا التذاكر اطلعي النوع المااا بتترجعي..انقر ما اخدت اذن من ناس الشغل قلت ليهم بس ماشي اوصل اولادي السودان قريييب هنا وبرجع.. وقد كان قطعت تذكرة ابو سريع وصلت الشفع المبهرين اخر محطة وجيت راجع..
طبعا خزلني سواق الطيارة قال ماراجع فورطني في قصة المغتربين والضرايب واصطريت خشيت البلد جووة..
مش مبهر عليك الله؟
| |
|
|
|
|
|
|
|
|
|
Re: مبرووووك محمد عمر الفاروق النتيجة الباهرة .. (Re: abas)
|
ألف مبهور أقصد مبروك لى ولدك يا أبو عمير
أنا جد مبهور بى طريقة إنبهالك بى ولدك الماعايز تبهلا زيك وزي المنبهلين أقصد المنبهرين الآخرين بى أولادم وأولاد أولاد أولادم والتابعين.. مع انو ما فرقت صدق؟
غايتو ذكرتني الأستاذة دينا خالد عندما قالت (أهل العوض ما بشتروا للناس الجايين من هناك فرش معجون) .
| |
|
|
|
|
|
|
|
|
|
Re: مبرووووك محمد عمر الفاروق النتيجة الباهرة .. (Re: عمر الفاروق)
|
طبعاً يا عصام محمد ده مبهر لكن عندي الأصغر منو صلاح داك مبهر جداً خالص..أها صلاح داك النوع البيقول ليك بابا انا ما بحب المدريد بحب برشلونة ..حكمة الله يقول ليك برشلونة دي عديييل لا شق لا طق لكن يغلبو يقول ريــال مدريد مسميهو المدريد .. وانا لأني زول ديموقراطي في الكورة العالمية فمااا مركز معاهو في قصة برشلونة دي ..
المبهر أكتر إنو شااايف ابوهو بيحضر الدوري الإنجليزي فمرة فاجئني بي إنو بيحب شستر وحمداً لله إنو طلع متفق معاي في إنو شستر يونايتد مااا طلع شستر سيتي ..
أسمووز يا جنيد :
الزولة المبهرة ياااخ ..طلتك بهرتني حد الإنبهار كأنك محمد ولدي والله .. :)
| |
|
|
|
|
|
|
|
|
|
Re: مبرووووك محمد عمر الفاروق النتيجة الباهرة .. (Re: عمر الفاروق)
|
طلحة يا ليبهر ..أقصد يا مبهر ..
أحيطك علماً بأن صديقي الأصغر محمد لم يتجاوز الرابعة FM ولحدي أسة ما بيعرف IS من Does غير أنه رغماً عن ذلك مبهر ..فهو تربية مغتربين .. كما ولا يفوتني أن أحيطك علما وإبهاراً بأننا ذات مساء جبنا شنطتو عشان نشوفو لو أكل باقي الساندويتش ولا لأ عشان ما يبووظ الشنطة فإذا بنا وجدنا ورقة مبهورة بتوقيع المديرة أقصد ممهورة بتوقيع المديرة وفيها جدول الإمتحانات فإكتشفنا أن المبهر محمد شغال إمتحانات ليهو أربعة يوم حيث أن ناس ال KG ما زي باقي الناس بيمتحنوا قبل إسبوعين ..
محمد مغترب فمن الطبيعي أن يكون مبهر فالإبهار لا يكلف سوى إنترنت بسرعة مناسبة مع أكاونت في سودانيز مع قليل من اللاب توب ..
ولا شنو يا ليبهر ؟
| |
|
|
|
|
|
|
| |
عمر الفاروق
وضاحة
مزمل خيرى
omer osman
سفيان بشير نابرى
الرفاعي عبدالعاطي حجر
Elmosley
عادل الباهي عبدالرازق
بدرالدين الطائف
علي دفع الله
عصام علي أحمد
فيصل نوبي
اسماء الجنيد
احمد حمودى
abas
طلحة عبدالله
علي محمد الفكي
حيدر حسن ميرغني
Dr. Moiz Bakhiet
مامون أحمد إبراهيم
فيس بوك
تويتر
انستقرام
يوتيوب
بنتيريست