|
|
 اقترحات لرفع نسبة الإستفادة من المنبر
|
في ناس الواحد تلقاهو عامل زي عُشرمية بوست في الصفحة الاولي في نفس الربع المفتوح.
* يحلم باليل جري علي المنبر بوست
* تجيهو أضغاث احلام جري علي المنبر بوست
* تجيهو بت ابليس جري علي المنبر بوست
* في ناس الواحد تلقاهو متداخل في بوست جاتو فكرة بدل يقولها في نفس البوست ـ جري علي المنبر ـ بوست متفرع من البوست المتفرع من البوست الاولاني.
* ناس عينها لموضوع عامل غاغة في المنبر والدنيا قايمة وقاعدة عشانو
* بدل يقول رايو هناك يجيك بي هنا يعمل بوست في نفس الموضوع.
* حتي الكورة الشافها راعي الضان في الخلا (علي موبايلو طبعا) واحد يفتح بيها بوست ـ يجي زي مية واحد يفتحوا بوست عن نفس الكورة . طيب كان تقسموها كل واحد يذيع لينا شوط والتالت والرابع والخامس يعملوا بوست عن الاستديو التحليلي قبل وبعد واثناء المباراة.
دي نتيجة تحليل البول والفسحة بتاعة المنبر ده لي قِدام بنوريكن الامراض والمضاعفات اللي بسببها الاسهال في الكتابة
|
|
 
|
|
|
|
|
|
|
 Re: اقترحات لرفع نسبة الإستفادة من المنبر (Re: حيدر حسن ميرغني)
|
بدل نظام الكوتات ده
ليه ما نخلي العضو يكتب بوست واحد في كل ربع
وكان البوست عاجبو شديد يعتِّلو للربع الجاي
وكان البوست قضي غردو ـ يعرش علي كدي لما تجي الارشفة
وكان داير يوسع يفتح ليهو برندة في الربع الجاي (بوست جديد)
وكان الموضوع لايحتمل التأجيل وزمنه بي فوت لغاية مايجي الربع الجاي ـ في الحالة دي حقو العضو قبل لايفتح ليهو بوست يقلب المنبر لو لقا ليهو زول فاتح موضوع يستوعب فكرته يرمي بيضو هناك عشان البيض كله يفقس مع بعض.
وفي المداخلة الجاية نوريكن ان شاء الله فهمي من الاقتراح ده شنو.
والـ عنده اقتراحات بديلة او إضافية يدفقا هنا.
| |
|
|
|
|
|
|
|
|
|
Re: اقترحات لرفع نسبة الإستفادة من المنبر (Re: عبدالعزيز الفاضلابى)
|
الفهم:
في مواضيع مهمة واصحابها ماعندهن زمن يصاقروها عشان يعتلوها كلما حتلت ـ خاصة بعد نظام بكري الجديد ده.
يبقي عشان ندي المواضيع دي فرصة للصمود في الصفحة الاولي اكبر فترة ممكنة نقوم بحكاية الغربلة الـ قلناها فوق دي.
وتاني حاجة بي كده بنكون وزعنا الفرصة بطريقة اقرب للعدل.
يلا الـ عندو قنزب يجيبو هنا.
| |
|
|
|
|
|
|
|
|
|
Re: اقترحات لرفع نسبة الإستفادة من المنبر (Re: عبدالعزيز الفاضلابى)
|
| Quote: وتاني حاجة بي كده بنكون وزعنا الفرصة بطريقة اقرب للعدل. |
لما كنا في الجامعة ـ كان معانا ود اهلنا وكان بياكل بسرعة
نامن نمشي البوفيه بتاع الادارة نعبي صحن الفول وكل زول نديهو
رغيفتو في إيدو ـ زولنا كان بياكل سريع سريع ـ بعد شوية
يعاين لي رغيفتو يلقاها قرَّبت تكمل ـ يقوم يقول لينا:
نقَطِّعوا فتَّة.
اها رايكُن شنو نخلي المنبر ده فتَّة ولاَّ ندي كل زول رغيفتو في إيدو؟
| |
|
|
|
|
|
|
|
|
 Re: اقترحات لرفع نسبة الإستفادة من المنبر (Re: عبدالعزيز الفاضلابى)
|
يافاضلابى
مداخلاتى أصبحت زى الويحيد عند أمو وابوه لكن ماخسارة فيك :)
نوع بوستك دا بضر بكرى
يعنى انت قايل الناس بتفتح بوستات متشابهة ويفرخوا البوستات والبوستات تبيض وتفقس والموضوع دا كلو ماشى كدا بدون ترتيب وسابق اصرار وترصد؟
ياخليلك زمن كنت بترضع فوق الخلال
شكلك بقيت الصرار مابتقدر تنتفوا من الضرع وترضع !!
ياخى عدد النقرات هو الأهم
وانت المهم والناس جميع ماتهمنى
وافرد يراعك خمنى!!!
| |
|
|
|
|
|
|
|
|
Re: اقترحات لرفع نسبة الإستفادة من المنبر (Re: Balla Musa)
|
Quote: ياحليلك زمن كنت بترضع فوق الخلال
شكلك بقيت الصرار مابتقدر تنتفوا من الضرع وترضع !! |
ودعمي الكلس ـ بلة ود موسي
آآفو ـ انا حصحاص البليلة ـ جَزَمْ نرضع فوق الخُلال وفوق الخريتة زاتا.
*****************************************************************
طيب وكتين المسعلة مسعلة مصالح المعارضة والقيامة الرابطة دي فوق كم ؟
إذا كان قايد المعارضة للمصالح كائساً ** فشيمة اهل المنبر كلهمو النقرُ .
يعني هسع كلامك ده معناتو نعرش البوست ده علي كدي؟
| |
|
|
|
|
|
|
|
|
|
Re: اقترحات لرفع نسبة الإستفادة من المنبر (Re: عماد الشبلي)
|
Quote: اول حاجة .. بت ابليس بتجي للناس البينومو !!
وانت الناس القاصدم ديل اصلا مابينومو
ولا بيخلو الناس ينومو !!!!
ودا اختراحي في الاضية يعني |
تصدق دي كانت فايتا عليَّ ياعمدة
طيب مشكلة المنبر دي نحلها كيف؟
نأجر صعايدة يدغدغو الناس الما بتنوم دي؟
ولا كيف الشورااا؟
واحد زي البورداب ديل شفقان شفقة شديدة الليل والنهار جاري
في الحلة معاهن واحد بتاع طمبرة وهلـ س ـ ابوه مات.
الولد سمع إنو ابوه ده جاء لي الزول الشفقان ده في المنام وقال ليه ولدي ده مايرث مع اخوانه.
لانو عاصي وبتاع هلـ س.الولد خاف ـ المال الخلاهو ابوهو كتير.
راح للزول الشفقان ده قال ليهو : إنت صحيح ابوي جاءك في المنام وقال ليك انا مابرث فيهو؟
الزول الشفقان قال للولد: يازول ابوك زاتو النام ليهو منو عشان يحلم بيهو.
| |
|
|
|
|
|
|
| |
عبدالعزيز الفاضلابى
حيدر حسن ميرغني
محمد البشرى الخضر
أيمن محمود
قسم الفضيل مضوي محمد
عماد الشبلي
Balla Musa
فيس بوك
تويتر
انستقرام
يوتيوب
بنتيريست