|
Re: تكنولوجيا : التابلت المصري “إينار” سيتوفر في الأسواق الأسبوع القاد (Re: خالد عبد الله محمود)
|
سلام يا نوبي اول ما اتخرجت من الجامعة (قول كده في التسعينات) اشتغلت في مصنع النيل الازرق للبلاستيك وهو تقريبا اول مصنع بلاستيك سوداني (1958) وجدت ماكيت لراديو ترنسيستور القديم داك مصنوع في النيل الازرق للبلاستيك سالت عمنا حسن فرح وهو اقدم فني في المصنع عن القصة اخبرني ان المصنع كان يقوم بصنع الغطاء الخارجي وبعض الاجزاء البلاستيكية للراديو لصالح شركة الخركوم للالكترونيات التي كانت تقوم بتجميع اجهزة الراديو واعتقد ان القوالب لا زالت موجودة !!!!! عارف الكلام ده كان متين ؟ كان في الستينات يعني الوكت داك كوريا ما كانت بدأت لكن جا نميري والشيوعيين وامموا الشركات دي كلها فهاجر الاغاريق والطليان اصحاب المصانع وبدأت رحلة الانحدار التي لم تنته حتى اليوم قعدت اتخيل في اليوم داك انو لو المسيرة دي كانت استمرت كنا اليوم نكون كوريا افريقيا وكنا صنعنا ما تصنعه كوريا الان الاستقرار السياسي والاقتصادي مهم جدا وهو ما لم يحظ به السودان
|
|
|
|
|
|