ابيي جنوبية فداها دم زعيم الدينكا النازف على تدفق البترول

Quote: انحنا بنتكلم عن موضوع ابيي دي بداية وقلنا السلطة غير مامونة على شبر من تراب الوطن وبالتالي من باب اولى ان تذهب ابيي لاهلها حتى لا يقع عليها ما وقع على اراضي بيعت او تم التنازل عنها من قبل سماسرة الانقاذ ثانياً قلنا بان الحركة الشعبية نفسها تنساق وراء حلول المؤتمر الوطني (( علوق الشدة )) تجاه المشاكل العالقة وتدفق البترول عبر انابيب الشمال لا يعني سوى حل لحظي لازمات اقتصادية تمر بها السلطتيين وحل بهكذا طريقة كما من يحاول ان يشييد عمارة فقام ببنا السقف قبل الاساس

تعرف من اجمل هدفكم يا فكية بنى بلشيف الجدد
قاعدين تثمثروا فى ما تبقى من السودان وشعبو
قبل ما تختو ايدكم فيه
بالله عليك التبعر القاعد تسو فوكو دة بتسمى موضوع
واجمل حاجة الواحد فيكم افكها فى نفسو ومن خلف الشاشة وتحت المكيف يقول
والله الراعى دة اتفقوا معاه اجى ترانزيت
الهكراااااااااااابة
الراعى دة برعى بى طيارات وسايق معاهو مضيفات ولة شنو ؟؟
ياخى بالله دة كلام يدخل راس طفل خلى زول واعى وعندو موضوع
وتعال النحدثك
لمن ناس طبارك صاحبى الفى الفيس واغلب التكوينات العشائرية
جو للوسط والقدارف وباقى السودان جو مداحين ومدرسين خلاوى وهلم جرة
وديك يا قعدة
لمن بقو اهل بلد وشاركوا الناس فى البيوت والحواشات و الدكاكيين وشاكلتها
مافينا واحدا قال ليهم بي وشكم
وكمان شاركونا فى الارحام وبيقينا اهل صر
مافى واحد قال ليهم انتو جيتوا ترانزيت و يلة برة لمة
لمو عدتكم اتخارجو

يا مسكين السودان كان دولة واحدة وكان من حق اى مواطن كمــ( لليوم ) انو يسكن ويتملك ويتنقل .... وكل شروط المواطنة المتعارف عليها
وابدا ما كان مُثار انو المسيرية ماهم اصحاب بلد
الخلاف كان فى الادارة والتبعية المعينة بعد الانفصال
والحقوق يا مسكين
ما بنحشروا فيها بمنطق ( تدبير الملاذات الآمنة ) للمجرمين المتسترين والهاربين باسم القضايا العامة
واصحاب الحق ما بخلوه عشان ضعفاء او فلان باع قضيتهم وعلان تاجر بيها
والموية بتكضب الغطاس

وظاهر عليك يا بتاع الموضوع انت ما عارف روحك بتتكلم عن دولة واحدة ولة عن دولتين انشطرن
وتانى يالشاطر الفرحان
ولى الامر لمن اخرف ويبدد الثروة بحجرو عليه اولادو واتحدو فى علاجو ويحافظو على حقوقهم ويبروه بالرعاية ؟
ولة يقولوا حقنا نديهو الجيران والاعداء عشان اخوانا اتشتتوا ويتسولوا ويندفنو تحت الارض !!!

نفسى حاجة واحدة بس يا حنوتى
اعرف الكيزان ديل سو فيك شنو بالضبط
عشان موضوعك دة تختصرو تريحنا من الفنجطة الفارغة البتسوى فيها دى باسم الموضوع

(عدل بواسطة الصادق الخالدى on 05-08-2013, 08:54 AM)