|
|
|
 Re: غدا اخبار سارة جدا تشرح الصدور ..... (Re: ود الباوقة)
|
Quote: جمال خضر..
بكره الخبر مجان
انتظر بكره ياخ..
انت وراك حاجة؟؟ |
أخونا ياسر منصور
لك التحية
خاتى عنقريبى الهبابى والرادى أب خجرين وضارب ضللة البوست
لا شغل ولا مشغلة منتظر وعلى أحر من الجمر الخبر السعيد وأردد
مع ود الأمين ( يا يوم بكرة ما تسرع تخفف لى نار وجدى )
| |
 
|
|
|
|
|
|
|
 Re: غدا اخبار سارة جدا تشرح الصدور ..... (Re: جمال خضر)
|
| Quote: جمال ... اتمني الا ينفذ مخزونك اللياقي فالماراثون في اوله |
الله يطولك يا روح لسه فيها إنتظار وكمان ماراثون يا خى أنا حيلى إنهد رفع للبوست ساكت
كان كده أكلم جماعتى يظبطو لى جردل بتاع أم جنقر وكمية معتبرة من القدو قدو ومديدة
الدخن بالتمر واللبن وساستجلب مدرب لياقة مهما كلفنى الأمر ومحل رقيقة التنقطع بس عشان
نشوف آخرته .
| |
|
|
|
|
|
|
|
|
|
Re: غدا اخبار سارة جدا تشرح الصدور ..... (Re: جمال خضر)
|
Quote:
الله يطولك يا روح لسه فيها إنتظار وكمان ماراثون يا خى أنا حيلى إنهد رفع للبوست ساكت
كان كده أكلم جماعتى يظبطو لى جردل بتاع أم جنقر وكمية معتبرة من القدو قدو ومديدة
الدخن بالتمر واللبن وساستجلب مدرب لياقة مهما كلفنى الأمر ومحل رقيقة التنقطع بس عشان
نشوف آخرته . |
وانا متبرع ليك بي اربعة حجارة بطارية افريدي ابو كديس ..
تاني شنو؟
قصرت معاك؟؟
| |
|
|
|
|
|
|
|
|
|
Re: غدا اخبار سارة جدا تشرح الصدور ..... (Re: ياسر منصور عثمان)
|
Quote: وانا متبرع ليك بي اربعة حجارة بطارية افريدي ابو كديس ..
تاني شنو؟
قصرت معاك؟؟ |
أخونا ياسر منصور إنت عارف ال4 حجار ديل يقعدونى شهرين
الظاهر جاك خبر من ود الباوقة إنو الموضوع شهور وليس أيام
لو الشغلانة بقت فيها شرة قدر دى أشوف لى بنزين و أولع ليك
فى البوست وأخلى ليك ود الباوقة خشمو ملح ملح . .
| |
|
|
|
|
|
|
|
|
|
Re: غدا اخبار سارة جدا تشرح الصدور ..... (Re: ياسر منصور عثمان)
|
Quote: جمال..
شكلي حا اتورط معاك بي جنريتر عدييييييييييييل
بالغت يا ود الباوقة ياخ..
في داعي للخسارة دي ؟؟ |
أخونا ياسر والجنريتر ده حا أشغله بالموية ؟
لازم تنكرب وتكمل جميلك تشوف ليك برميل برميلين
بنزين خاصة والحكومة عندها النية تزيد المحروقات فى
الفترة القليلة القادمة .
| |
|
|
|
|
|
|
|
|
|
Re: غدا اخبار سارة جدا تشرح الصدور ..... (Re: جمال خضر)
|
Quote: أخونا ياسر والجنريتر ده حا أشغله بالموية ؟
لازم تنكرب وتكمل جميلك تشوف ليك برميل برميلين
بنزين خاصة والحكومة عندها النية تزيد المحروقات فى
الفترة القليلة القادمة . |
طيب بعد كده..ما اجي اقعد محلك وانتظر الاخبار السارة؟؟
خخخخخخخخخخخخ
| |
|
|
|
|
|
|
|
|
 Re: غدا اخبار سارة جدا تشرح الصدور ..... (Re: ياسر منصور عثمان)
|
Quote:
طيب بعد كده..ما اجي اقعد محلك وانتظر الاخبار السارة؟؟
خخخخخخخخخخخخ |
الموضوع شكلو حايطول وإنت ما حاتكون صايم طبعا يعنى لو جبت معاك
لحوم وفواكه ومرطبات تحتاج لى تلاجة عشان ما تخرب والتلاجة عايزه الكهربه
يعنى لو وصلت لينا كهربه للبوست تكون ما قصرت تب خاصة والدنيا صيف
المكيف الحا تجيبه معاك ده حا تشغلوا بى حجار بطارية وطبعا اللحمة عايزه النار
أها النار دى نجيبه كيف نضرب حجرين ولا نفرك عودين ما لازم البوتاجاز
والأنبوبة وشوال الفحم لزوم الشية وكده .
| |
|
|
|
|
|
|
|
|
|
Re: غدا اخبار سارة جدا تشرح الصدور ..... (Re: جمال خضر)
|
ود الباوقة سلامات
عارف ياود لباوقة كل يوم بمر بعنوان البوست حقك ده مرور الكرام..
عارف ليه؟
لانى متأكدة ليس بمقدورك هذه الايام كتابة ما هو سار فى نظرك او لمشاعرك ومشاعر من يشاركونك الرؤى وأحلام زلوط..
وكنت متأكدة انك كتبت البوست ده لواحد من هذه الاسباب:
اما لانك صدقت كلام نافع لما ملا خشنه وقال (سنسترد ابو كرشولا يوم السبت)، طبعاً ما السبت ده السبت دااااااااااااااااك..
أو تكون ركبت طرورة الانتباهة ومن لفّ لفها من اعلام الكذب والتضليل والصحف الصفراء وتصريحات الصوارمى ومحمد الحسن الامين وما شابههم ممن ساهموا فى نشر (الكذبة الفضيحة) "موت الحلو"..
وانت ركبت الطرورة وبشرت بالخبر السار فى انتظار تأكيد الخبر ونقل مراسيم الدفن وسرداق العزاء (أطال الله عمر الرجل)..
أو لاى حلم من أحلام زلوط التى انتظرتموها طويلاً منذ (صلاة الجمعة فى كاودا) الجمعة دييييييييييييييييييييييييييييييييييييييييييييييييييييييك
الليلة قلت كدى نشوف ود الباوقة خبره وصل وين! وبديت بالصفحة رقم 4 ولم يخيب ظنى فيك..
من مداخلات الاصدقاء عرفتك لسة شاريهم وكمان زايغ منهم لانه ليس بمقدورك ان تأتى لهم بخبر يسرك ويسر من لفّ لفك..
ود الباوقة اختشى
| |
|
|
|
|
|
|
|
|
|
Re: غدا اخبار سارة جدا تشرح الصدور ..... (Re: إحسان عبد العزيز)
|
سنظل نرفع فى البوست رغم ما نلاقيه فى سبيل ذلك من عنت ورهق الى أن يأتينا الأخ ود الباوقة بالخبر السعيد
الذى طال إنتظارنا له وبسماعنا له سننسى كل آلامنا وأتعابنا وخروفى جاهز سأذبحه على بوابة البوست فرحا
إن كان الخبر يستاهل أما إن لم يكن يستحق كل تلك الضجة فسآخذ بخناق ود الباوقة ويحلنا الحل بله .
| |
|
|
|
|
|
|
|
|
|
Re: غدا اخبار سارة جدا تشرح الصدور ..... (Re: جمال خضر)
|
سأفرح أشد الفرح أخى ود الباوقة إذا كان خبرك السعيد الذى ستأتينا به غدا
متعلقا بطريق الإنقاذ الغربى الذى دفع فيه أبناء دارفور دم قلبهم متمثلا
فى سكر التموين لثلاث سنوات بالإضافة الى الرسوم الأخرى والتى إختفت فى ظروف
غامضة فى بداية التسعينات وتعمد الأقوياء الأمناء أن تبقى تفاصيل ذلك مستورة
( خلوها مستورة ) ثم أُوكل الأمر لشركة شريان الشمال ولم يحرك المشروع ساكنا
وأختفت 26 مليار جنيه ما زال البحث جاريا عنها الى الآن .
فإذا كان الخبر متعلقا بإستعادة ال 26 مليار الجديدة والأموال القديمة وإستجلاب
شركة أجنبية لتنفيذ المشروع سأفرح و أضحك حتى تبدو نواجذى .
| |
|
|
|
|
|
|
|
|
|
Re: غدا اخبار سارة جدا تشرح الصدور ..... (Re: ahmed haneen)
|
أخونا ود الباوقة بعد دعواتك الطيبة لى بالثواب بخصوص رفع البوست فشجعنى ذلك على المواصلة لكن
إغلاق المنبر للصيانة حرمنا من ذلك وعند الإنتهاء من الصيانة رجعت البوست وجدت العنقريب الهبابى
مكسر بفعل فاعل وكذلك إختفت الروادى فى ظروف غامضة فاشتريت الراديو أعلاه وجارى البحث عن عنقريب
آخر حتى أواصل الدور المنوط بى فى رفع البوست الى حين تأتينا بالأخبار السعيدة التى بشرتنا بها يرونها بعيدة
و تراها أنت قاب قوسين أو أدنى .
| |
|
|
|
|
|
|
| |
جمال خضر
ياسر منصور عثمان
باسط المكي
إحسان عبد العزيز
بريمة محمد
محمد عبد الماجد الصايم
ahmed haneen
حسين ديقول
فيس بوك
تويتر
انستقرام
يوتيوب
بنتيريست