|
|
 الكسر ظاهر فى الاشاعة لكن الدكتور قال مافى كسر!!
|
مجموعة متحلقة حول مواطن
والمواطن فى يده فلم أشعة اكس
أها قال ليهم:
اتحداكم لو الزول دا مشى على رجليه..
الناس ما انتظروا يشوفوا الزول ومشيه
لكن واحدين تخيلوه فى الخرطوم
وتانين قالوا فى ودحامد
وتالتين قالوا شافوه ماشى ومدمم وشاكين فى الدم
هل النزيف جايى من هدومو ول من جسمو.
المهم تبارك قاعد فى المنبر
وفتحى عندو مواجبة فى صيوان فرح
والفرح مبنى على رؤية فكى جاب بيضة مسلوقة وقشرها
ونادى شافع لم يبلغ الحلم
والشافع شاف ناس الهامش بزغردوا
نفس الفكى أمس كان فى وزارة الدفاع
وشايل بيضة تانية لسانا طويل وعريض
برضو قشرها
وجاب نفس الشافع
والشافع ماشاف غير غزلان عطشانة واردة فى نهر من اللعاب المنقى
وناس لابسين كاكى وساكين الغزالة
وناس تانية تكاكى
وأخيرا اتضح أن الجماعة حاولوا ونجحوا على الأرض
والجماعة التانين حاولوا ونجحوا يمسحوا نجاح ديلاك برفع فلم الاشاعة
وديلاك انشغلوا فى الاشاعة
والزول المامكسور مشى على رجلينو وصدق الدكتور
وكذب البصاصون وإن صدقوا!!
المافى شنو؟
قيقراوى قاعد وإن أصبح فتح الرحمن المستند على الحرم..
والسودانى رفع راسنا
أصلا هو من الجزيرة جمب المدينة عرب
وكان بعوم فى الترعة
وقرا فى حنتوب
جمب النيل اللزرق
وتكلم مع قناة الجزيرة فى تلفزيون العربية
ويابخت الهنود
والسعوديين يغردوا..
والرش جايى
الفكى اسحق قال الرش يا بالمحاية يا بالماء الطهور
ووهبة زاتو طهار
وابو حسين راجى الرش
والختمية وناس الاتحادى راجين الرشوشة
أصلها الفتة نشفت
وود سيدى عايز ينشر الوعى فى ام دوم
أصلهم مابعرفوا المستثمر
والمابعرفك يجهلك
ومريم الصادق قالوا ناقصة طفولة
وأى حزب أمة أو اتحادى أحلامو مسقوفة
والكيبل بتاعو عايز كوبس
والحكومة ماسكة الأمية
والآوت لت مافيهو كهربا
أها يعنى عبد الرحمن أو بشرى أو ود العمدة يعملوا شنو؟
أهم حاجة فينا نحنا ياسودان كلنا بنعرف نقرا الاشاعة
أها أخصائى الأشعة لزومو شنو غير تبذير قروش
ماكفانا فنى الأشعة يصور
وينزل الأكس ريى فى سودانيزاونلاين
والبصحى بدرى يقراها
ويدينا النجيضة
دا لو ودالصايم الماتوربيد نايم.
|
|
  
|
|
|
|
|
| العنوان |
الكاتب |
Date |
| الكسر ظاهر فى الاشاعة لكن الدكتور قال مافى كسر!! | Balla Musa | 05-02-13, 09:31 PM |
 Re: الكسر ظاهر فى الاشاعة لكن الدكتور قال مافى كسر!! | Balla Musa | 05-02-13, 10:20 PM |
| Re: الكسر ظاهر فى الاشاعة لكن الدكتور قال مافى كسر!! | Abdullah Idrees | 05-02-13, 10:26 PM |
 Re: الكسر ظاهر فى الاشاعة لكن الدكتور قال مافى كسر!! | تبارك شيخ الدين جبريل | 05-02-13, 10:42 PM |
| Re: الكسر ظاهر فى الاشاعة لكن الدكتور قال مافى كسر!! | Abdullah Idrees | 05-02-13, 11:32 PM |
| Re: الكسر ظاهر فى الاشاعة لكن الدكتور قال مافى كسر!! | omer osman | 05-03-13, 07:25 AM |
| Re: الكسر ظاهر فى الاشاعة لكن الدكتور قال مافى كسر!! | أسامة البلال | 05-03-13, 08:19 AM |
| Re: الكسر ظاهر فى الاشاعة لكن الدكتور قال مافى كسر!! | Balla Musa | 05-03-13, 02:53 PM |
| Re: الكسر ظاهر فى الاشاعة لكن الدكتور قال مافى كسر!! | Balla Musa | 05-03-13, 07:45 PM |
 Re: الكسر ظاهر فى الاشاعة لكن الدكتور قال مافى كسر!! | محمد عبد الماجد الصايم | 05-04-13, 07:01 AM |
| Re: الكسر ظاهر فى الاشاعة لكن الدكتور قال مافى كسر!! | عبدالوهاب علي الحاج | 05-04-13, 12:23 PM |
|
| |
Balla Musa
فيس بوك
تويتر
انستقرام
يوتيوب
بنتيريست